መዘዙ ቡዙ ነው ፡፡

Current political, socio-economic and human rights issues.

Moderators: ዘበኛ ፩, ዘበኛ ፫, ዘበኛ ፪, ዘበኛ ፬

መዘዙ ቡዙ ነው ፡፡

Postby ክቡራን » Wed Feb 19, 2020 9:15 pm

የሚገርም ና መሳጭ መልክት አለው፡፡ ልብ ያለው ልብ ይበል፡፡
ሰላም ኦርጋኒክ ኢትዮጵያውያን ,
ሰሞነኛ የሆነውን የጠ/ ሚኒስትሩን ንግግር በተለይ ህወሓትን በተመለከተ በፓርላማና በሶፈመር ዋሻ ያቀረቡትን እርስ በረሱ የሚጣረዝ እምነታቸውን ስሰማ ክቡር ጠ/ ሚ/ ሩ አድማጮቻቸው የሚፈልጉትን ነው እየፈለጉ የሚናገሩት?? ወይስ መሬት ላይ ያለውን እውነታ ነው እየመነጠሩ ነው የሚገልጹት?? ብዬ የታዘብኩትን ላካፍላችሁ ብዬ ብእሬን አነሳሁ፡፡

የታወቀው የሊደርሽፕ ምሁርና ባለ ቡዙ መጽሃፍቶች ደራሲ ጆን ክራስዌል ( John Creswell ) የመሪዎችን ስነ ባህሪይ ( ካራክተር) በሚገልጽበት ጽሁፉ ላይ ያገሩንና የህዝቡን ጥቅም የሚያስቀድም መሪ ትክክለኛ መገለጫው ለሚናገረው ንግግርና ላመነበት ሃቅ ታማኝ ሲሆን ነው ይልና ፖፒሊስት ወይም ደግሞ ደጋፊና አድናቆት ፈላጊ መሪ ደግሞ ቅድሚያ የሚሰጠው ህሊናው የሚነግረው እውነትን ሳይሆን ያድማጮቹን ልብና ጆሮ የሚገዛለትን ርእስ ጉዳይ ማንሳት ና አቅላቸውን የሚይዝበትን መንገድ በማጥናት እንደሚጠመድ ያስረዳል፡፡ ከዚህ በተጨማሪ ጆን ክረስዌል የመሪ ስብአናዎች ወይንም መገለጫዎች የሚላቸው ታማኝነት ( trust ) ግልጽነት ( transparency ),ሃሳብ አፍላቂነት (innovative idea ), ተጽእኖ ፈጣሪነት ( influential ) , የንግግር ችሎታነት ወይንም communication skill መሆናቸውን ያስቀምጣል፡፡
ከነዚህ ሁሉ ግን የውነተኛ የመሪ ትክክለኛ መገለጫው ታማኝነት ወይንም trust ሲሆን ይሀ ታማኝነት ደግሞ የሚለካው በንግግሩ ውስጥ የሚያስተላልፈውን መልእክት ቦታና መድረክ እየመዘነ ሳይለዋውውጥ መግለጽ ሲችል ነው በማለት ያስረዳል፡፡ ክሬስዌልም ሆነ ሌሎች ምሁራን በጋራ የሚስማሙበት ዋናው ጉዳይ ጥሩ ተናጋሪ ጥሩ መሪ መሆን አይችልም ብለው ይደመድማሉ ፡፡ የመናገር ችሎታ ከመሪነት ስብእናዎች አንደኛው ቢሆንም በደረጃ ግን ከመጨረሻው ረድፍ ላይ ይቀመጣል፡፡ ትልቁ የመሪነት ፋይዳው መሪው በሚመራው ህዝብ ዘንድ ታማኝነት ( ትረስት ) ማግኘቱ ነው ሲሉም ያስረዳሉ፡፡

በዚህ የመሪዎች ህሳቤ ውስጥ ክቡር ጠ/ ሚ/ሩ የሚመሩትን መንግስትና የሳቸውንም የመሪነት ስብእና ለማየት ሞከርኩ፡፡ ይሄን እንድል ያነሳስኝ ሰሞኑን ወደ ባሌ ሄደው ለኢጆሌ ባሌዎች ያደረጉትን ንግግር ወይም ፓርቲያዊ ቅስቀሳ የሚመስለውን አቀራረባቸውን ስሰማ ነው ፡፡ ጠ/ ሚ/ ሩ ተመሳሳይ በሆነ አጀንዳ ላይ በአፋን ኦሮሞ ሲሆን ሌላ ነገር ባፋን አማሪፋ ሲሆን ሌላ ነገር ይናገራሉ ሲባል እሰማ ነበር፡፡ እንደ ባሌው ግን ፈጦ የወጣ አልሰማሁም፡፡ እደምራችኋለሁ፣ አሸጋግርራችኋለሁ፣ ድልድይ እሆንላችኋለሁ ሲሉን የነበሩት መሪያችን ባሌ ላይ የሰበሩንን ሰብረናል፣ እንደ ዝሆን ደፍጠጠናል ፣ እያሉ ሰፎክሩ ጆን ክሬስ ዌል ትዝ አለኝ፡፡

ብልጽግና ፓርቲ አይደለም ለኢትዮጵያ ለፓን አፍሪካንዚም ( Pan- Africanism) ጥንስስ ነው ሲሉን የነበሩት መሪያችን ብልጽግና የኦሮሞ ሀብት ፣ የኦሮሞ ታቦት ነው ብለውት አረፉ፡፡ “ታማኝነት ከንግግር ይጀምራል” ይህን የሳይንቲስቶቹን አባባል ያገሬ ገበሬ ቀልል ባለ አማርኛ "መታመን በከንፈር" ሲል ይገለጸዋል፡፡ ሌላው ይበልጡኑ ያስድመመኝ ጉዳይ ደግሞ በል ሲላቸው እንደ ፓስተርም እንደ ቄስም የሚያደርጋቸው መሪያችን እንኳን ሰው ዳማ ከሴንና ጠጅ ሳርን, አርቲንና በሶ ብላን አዋህጄ ተፈጥሮን አንድ አደርጋለሁ የሚሉን ሰው ከሳቸው ባመለካከት የተለዩትን " ጠላቶቻችን" እያሉ ሲገልጹ ኢትዮጵያ ውስጥ ካሁን በኋላ ባስተሳሰብ ልዩነት ምክንያት የሚሰደድም የሚያሳድድም የለም፣ መግደል መሸነፍ ነው፣ የሚሉን ወርቃማ አባባሎች ጊዜ መግዣ እንጂ የሳቸው እምነት እንዳልሆነ ገባኝ፡፡

እንግዲ ከሳቸው እምነትና አስተሳሰብ ውጭ የሆነውን እንዴ እንደ ሚዳቋ እዚህም እዛም የሚዘሉትን እንሳያችዋለን ሲሉ ፣ በሌላ ጊዜ ደግሞ እሳቸው ኢህአደግ የሚባለው ድርጅት ውስጥ እንዳልነበሩና የነበረውን ስርአት አይተውና ሰምተውት እንደማያውቁት በሚያሳብቅ ስሜት "ባለፉት 27 አመት ሲገድሉን ከነበሩት ጠላቶቻችን ጋር ደግመን አንሰራም" ሲሉን ማንን ለእርድ አቅርበው ማንን እንደ ጲላጦስ ከደሙ ንጽሁ ነኝ ለማለት እንደፈለጉ ለመረዳት ተመራማሪ መሆንን አይጠይቅም፡፡ ለመሆኑ ግን ሰሞኑን የወጣው የጥላቻ ንግግር ህግ የሶሻል ሚዲያን ተሳታፊዎችን ብቻ ነው የሚመለከተው ወይንስ መሪዎች ተመሳሳይ መልክት ሲያስተላላፉ እነሱ ላይ አይሰራም??

በፍቅር እስከ መቃብር መጽሃፍ ላይ ፍቅረኛውን የተቀማው በዛብህ ብሶቱን ለሰብለ ወንጌል ሲገልጽላትና ያባቷን የፊታውራሪ መሸሻ ጨካኝነትና የሱን አቅመ ደካማነት ሲያሳያት ዳሩ ዳኛ የለም ልተ ወው ግድ የለም” የሚል በትካዜና በቁጭት ስሜቱን የገለጸበትን ሃረግ እናገኛለን፡፡ እንደኔ ግምት የጠ ሩ ዳኛ ሊሆን የሚገባው ፓርላማው ነበር፡፡ ፓርላማው ለቆመለት ህዝባዊና አገራዊ አላማ ታማኝ ቢሆን ኖሮ ቢያንስ አንዲት ጥያቄ በህዝብና ባገር ስም ያቀርባል ብዬ ተስፋ አደርጋለሁ፡፡ ይሀውም

" የተከበሩ ጠ/ ሚ/ ር ሆይ እንኳን ጥያቄአችንን ለመመለስ ወደ ተከበረው ምክር ቤት እንኳን በደህና መጡልን በሚል ሟሟሻ ይጀምሩና “ሰሞኑን እዚህ እኛ እጋ መጥተው ህወሓትን በተመለከተ ከህወሓት ጋር በሃሳብ ብንለያይም ህወሓት በህዝብ ስለተመረጠ የትግራይ ህዝብ በፌዴራሉ ውስጥ ማግኘት ያለብትን መብትና ጥቅም እንዲሁም ሀገራዊ ጉዳዮችን በሚመለከት ከህወሓት ጋራ መስራት ግዴታችን ነው ብለውን ሲያበቁ ባሌ ሶፈመር ዋሻ ሲሄዱ ምን ውቃቢ ቢይዞት ነው ከህወሓት ጋር በጭራሽ አንሰራም ጠላቶቻችን ናቸው ዝሆን ሆነን ዝሆን አክለን ረጋግጠናቸዋል ያሉት? ወይ እኛን ዋሽተዋል ወይንም የባሌን ህዝብ ዋሽተዋል ፣ እውነቱ የቱ ነው?? ብሎ ጠ/ ሚ/ ሩን በጥያቄ የሚያፋጥጥ ከመደመር ከሚገኘው ጥቅም ይልቅ ያገርና የህዝብ ሃላፊነት የሚያሳስበው የተወካዮች ምክር ቤት አባል ይኖራል ብዬ አስባለሁ፡፡ እንደ በዛብህ ዳሩ ዳኛ የለውም ልተወው ግድ የለም ብሎ ይሄን ጉዳይ ለፈጣሪ ካልተወው በስተቀር፡፡

የዛሬን አያደርገውና ክቡር ጠ/ ሚ/ሩ ባገሪቱ ትላልቅ ሚዲያዎች ላይ እየቀረቡ በሚያማምሩ አበቦች መሃል በተሰካኩ ማይክራፎኖች ተከበው " የጉግ ማንጉግ ዘመን አልፎ የብርሃን ዘመን መጥቷል ይሉን ነበር ከእንግዲህ በኋላ የምንፋለመው በጠመንጃ ሳይሆን በወረቀትና በኢስክሪብቶ ነው " እያሉ ፍቅር የናፈቀውን ልባችንን አሸፍተውት ነበር፣ ታዲያ ዛሬ 180 ድግሪ ዞረው ከሳቸው እምነትና አመለካከት ጋር የማይስማማውን እንደ ሚዘል ሚዳቋ መመስል ወይንም እንደ ደመኛ አባት ገዳይ በ ማየት ከነሱ ጋራ አንሰራም ሲሉ የኚህ ሰው ታማኝነት ለራሳቸው የፖሎቲካ ጥቅም ነው ወይስ ለሀገርና ለህዝብ ነው ብሎ መጠየቅ የሀቀኛ ዜጎች ግዴታና ሀላፊነት ይመስለኛል፡፡ ዲሞክራሲ እኮ የምትፈልገውን የሙዚቃ ምርጫ ብቻ እየመረጥክ የምትሰማበት የዘፈን ምርጫ ክፍለ ጊዜ አይደለም፡፡ አገር የምትደነው የተለየ የፖሎቲካ እምነትና አስተሳሰብ ያለውን እንደ ደመኛ ጠላት አድርጎ በማየት ጦር አዝምትበት፣ መብራት ቁርጥበት በጀት ቀንስበት እያሉ በመፎከርና በማስፎከር ሳይሆን ሁሉንም አስተሳሰቦች ጠረጴዛ ላይ በማምጣት ፍርዱን ህዝብ እንዲሰጥ እድል ስንዲሰጠው ሲደረግ ብቻ ነው፡፡ ዲክታተሮች በመሳሪያ ብዛት ስልጣናቸውን እንዳላቆዩ ማወቅ ካለፉ መሪዎች በመማር ተመሳሳይ ስህተት በራሳችን ላይ እንዳንሰራ መማሪያ ሊሆነን ይገባል፡፡

ጠቅላይ ሚኒስትሩ ከላይ የጠቀስነውን አይነት የፖሎቲካ ትግስት እንደሌላቸው የሶፎመር ዋሻ ንግግራቸው ጥሩ ማሳያቸው ሆኗል፡፡የሰበሩንን ሰበርናል ፣ ያዋረዱንን አዋርደናል እኛ ሳንፈቅድ ማንም ወደኛ ክልል እንዲመጣ አናደርግም እያሉ ኢጆሌ ባሌን ሲያስጨበጭቡ በመደመር ውስጥ ፍቅር አለ, በመደመር ውስጥ ይቅርታ አለ በሚል ልክፍት የተያዙ ወዳጆቼ ምን ሊሉ እንደሚችሉ እመቤታችን ትወቅ፡፡ አንድ እውነት ግን አለ ፡፡ ላቅመ አዳም መድረስ ላቅመ ፖሎቲካ መድረስን አያመለክትም፡፡ አሁን አሁን ግልጽ ሆኖ እንደሚታየው ጠቅላይ ሚኒስትሩ በስልጣናቸውና በጥቅማቸው ላይ የሚመጣ ወይንም እሳቸው ከወለዱት የብልጽግና ፓርቲ የተለየ አመለካከት ያለው ድርጅት ከውጭ ሃይሎች ጋርም በመደራደር ለማስመታት የማይመለሱ መሆናቸውን በቅርቡ ከሰማነው ከኤርትራው መሪ ጋዜጣዊ መግለጫ መረዳት ይቻላል፡፡ የሁለቱ ሰዎች ፍቅር የሚጀምረው ካገርና ከህዝብ ፍቅር በመነጨ ሳይሆን የሁለታችንንም የጋራ ጠላት ለመምታት ባንድ ላይ እንስራ የሚል ምክረ ሃሳብ ( deal) እንደሆነ ለ መገንዘብ ነቢይ መሆንን አይጠይቅም፡፡ ለማስረጃም ያህል ምርጫ የሚባል ነገር ሰምታ እንጂ አይታ የማታውቀው ሀገር መሪ " ኢትዮጵያ ምርጫ አያስፈልጋትም፣ የፌዴራሊዝም ስርአት ለኢትዮጵያ አይበጃትም" የሚለው አባባላቸው ለዶክተር አቢይ እጅ ስጡ፣ እሷቸው እንደጀመሩ ይጨርሷችሁ ብልጽግና ፓርቲን ሳትከራከሩ ተቀበሉት የሚል መልእክት ለማስተላለፍ ስለመሆኑ ሁለቴም ማሰብ አያስፈልግም፡፡ ለዞህም ውለታቸው በትግራይ ያሉ የኤርትራ ስደተኞች ወደ ሌላ ክልል ( ጠ/ሚ/ሩ) እንደፈለጉ ወደሚያሽከረኩሯቸው ክልሎች እንዲዛወሩና የትግራይን ህዝብንና ህወሓትን ለመለያየት ኢትዮጵያውያን ባንድ ላይ ተቃቀፈን የወደቅንበትን የባድመን ክልል ላቶ ኢሳያስ በስጦታ መልክ ለመስጠት እየተነጋገሩ መሆኑን ውስጥ አዋቂ ምንጮች እየተናገሩ ነው፡፡ በትግራይ ክልል ያሉ ኤርትራውያን ትግራይ ውስጥ እስካሉ ድርስ ላቶ ኢሳያስ የዛፍ ላይ እንቅልፍ ስለሚሆኑና የትግራይ ክልልና ህዝብ አሳልፎ እንደማይሰጣቸው ስለተገነዘቡ ይሄ ስደተኛ ወጣት አንድ ቀን እንደ ማእበል ተነስቶ ይጠርገኛል የሚል ስጋት አላቸው፡፡ ይሄን መቅረፍ የሚችሉት ደግሞ ጠ/ሚኒስትሩ እንደ መናጆ ከላይ ሆነው የሚመሩት ክልል ውስጥ ከሆኑላቸው ራሳቸው አቶ ኢሳያስ እንደ በሚልኳቸው ደህነነቶች ዋናዎቹን የስደተኞች መሪዎች እያፈኑ ለመያዝ እንደሆነ መረጃዎች በስፋት እየናኙ ነው፡፡

ለማጠቃለል ያህል ኢትዮጵያ ሀገራችን ካለችበት ምስቅልቅል ወጥታ ህግና ስርአት ወዳለው መንገድ እንድትሄድ ፍትሃዊና ነጻ ምርጫ ተካሂዶ የተለያየ እምነትና አስተሳብ ያላቸው ፓርቲዎችና ግለሰስቦች ወደፓርላማ የሚገቡበት መንገድ እንዲመቻች ለዚህም ምርጫ ቦርድ ከፓርቲ ታማኝነት ወጥቶ ለህዝብና ላገር ታማኝ መሆን ሲጅመርና ትውልድ የማያስወቅሰውን ስራ ሲሰራና ፓርላማውም ያገሪቱን ህግ በማውጣትና በማስፈጸም ላይ ስልጣን እንዲኖረው ( ኢምፓወር) ሲደረግና የግለሰቦችን ወይንም የፓርቲ አመለካከቶችን ሳይሆን የመቶ አስር ሚሊዮን ህዝብ አመለካከትን ለማስተናገድ በሚችልበት ቁመና ላይ ሲገኝ ብቻ መሆኑን ልናስብበትና ልናተኩርበት ይገባል፡፡ አሁን እንደሚታየው ጉዳያችን ሁሉ ለብልጽግና ፓርቲ ወይንም ላንድ ግለሰብ አሳልፎ መስጠት አገራችንን ከነገበናዋ Amazon.com ላይ እያወጣነው እንደሆነ ለማወቅ አስማተኛ መሆን አያስፈልግም፡፡ አገር ያንድ ግለሰብ ሳትሆን የህዝብ ናት ፡፡ ግለሰቦች ላይ ከመስራት (invest) ከማድረግ ) ተቋማት ወይንም Instiution ላይ invest በማድረግ አገርን ማዳን ይቻላል፡፡ " እኛ ኢትዮጵያውያን ስንኖር ኢትዮጵያውያን ነን ስንሞት ኢትዮጵያን ነን " ማለትና "የሰበሩንን ሰብረናቸዋል !!" ማለት የሰማይና የምድር ልዩነት አላቸው፡፡ ጆን ክሬስ ዌል እንዳለው " በምትመራው ህዝብ ዘንድ ታማኝነትህን (Trust) ካጣህ ታላቁን የመሪነት ስብእናህን ተነጥቅሃል" ይላል፡፡ ቸር ሰንብቱ፡፡

አቤነዘር ነኝ ከሰሜን አሜሪካ፡፡


ክቡራን
ዋና አለቃ
ዋና አለቃ
 
Posts: 8156
Joined: Tue Mar 04, 2008 4:24 pm

Re: መዘዙ ቡዙ ነው ፡፡

Postby ቆቁ » Thu Feb 20, 2020 6:20 pm

መዘዙ ብዙ ነው እንዴ ?
ይህ ሁላ ዝባዝንኬ ምን ይሆን ?
ፈስ ያለበት ዝላይ አይችልም የሚለው ነገር ድቅን አለብኝ

ኦርቶዶክስን ሰባበርነው ሲል ስብሃት ነጋ አያስደነግጥም ነበር እንዴ
በቀጥታ እኮ ነው ኦርቶዶክስን ሰባበርነው ያለው ፡ ስም ጠርቶ በቀጥታ
ኦርቶዶክስን ሰባበርነው
ኦርቶዶክስን ሰባበርነው

በነገራችንን ላይ ደብረ ጽዮን ተገነጣጠሉ ሲል ከነ ትርኪ ቢርኪ ጸሐፊዎቹ የሚያገኘው ወይም ያነበበው ጽሁፍ ግለሰቡ ይኖረው ይሆን ?
ፈላስፋው ቆቁ
ቆቁ
ዋና አለቃ
ዋና አለቃ
 
Posts: 4189
Joined: Sun Sep 21, 2003 9:57 am
Location: united states

Re: መዘዙ ቡዙ ነው ፡፡

Postby ክቡራን » Fri Feb 21, 2020 4:06 pm

ማነህ ቡሬ ይሄ ላንተ አይደለም የተጻፈው ለኦርጋኒክ ኢትዮጵያውያን ነው፡፡ ቡሬ ተው ...ኦሽ!! ተመለስ የተሰጣ ስጥ አለ እንዳትደፋ ኦሽ ቡሬ....!!! ቅቅቅቅ
ክቡራን
ዋና አለቃ
ዋና አለቃ
 
Posts: 8156
Joined: Tue Mar 04, 2008 4:24 pm

Re: መዘዙ ቡዙ ነው ፡፡

Postby ዞብል2 » Fri Feb 21, 2020 10:52 pm

አቦይ ክቡራን፤የተፃፈው ለኦርጋኒክ ኢትዮጵያውያን ከሆነ፤አንተ ባለ ወርቅ ዘሩ!ምን አግብቶህ ነው የምትፈተፍተው?ወይስ የድጅታል ወያኔ ኑዛዜ ነው?

የድናቁርት+የጅሎች+ታዳሚዎች+ልሳነ ወያኔ=ድጅታል ወያኔ!ቂቂቂቂቂቂቂ
ዞብል2
አለቃ
አለቃ
 
Posts: 2270
Joined: Fri Jan 30, 2004 11:23 pm

Re: መዘዙ ቡዙ ነው ፡፡

Postby ቆቁ » Sun Feb 23, 2020 7:08 pm

መዘዙ ብዙ ፡ ጤና ነህ ? እንዴኔህ ?
የሆነ ኦርጋኒክ ችግር ያለብህ ይመስላል ( organic disorder ( OBS ) ) ምክንያቱም እንደዚህ ያለ ቃል በአንዲት ኢትዮጵያ ሐገራችን ለመምረጥ ማሰብህ ነው እንደዚህ ያስባለኝ ?
ብዙ ጊዜ የቃላት ምርጫዎች እና አጠቃቀሞች ላይ ነው ብዙው ስህተቶች ጎልተው የሚታዩት
ብሄርር ፡ ብሄረ ሰቦች ፡ ሕዝቦች እንደሚለው ማለት ነው ?
የአድዋ ጦርነትም እንደዚሁ ነበር የተነሳው ጣሊያኖች ሌላ ትርጉም በውጫሌ ውል ላይ በማስቀመጣቸው ነው ያ መራራ ትግል ከአድዋ ድልድይ ( የእዲስ አበባ ልጆች እንደሚጠሩት ከቀበና ድልድይ ) ተነስቶ በወረኢሉ አቁዋርጦ አድዋ ከነ ራስ አሉላ ጋር መላው የኢትዮጵያ ሕዝብ ራሱን አጠናክሮ የባራቲየሪን ጦር የዘረረው

ፈላስፋው
ቆቁ
ዋና አለቃ
ዋና አለቃ
 
Posts: 4189
Joined: Sun Sep 21, 2003 9:57 am
Location: united states

Re: መዘዙ ቡዙ ነው ፡፡

Postby እንድሪያስ » Wed Feb 26, 2020 10:23 am

ምርጥ እይታ ነው አቤነዘር !! ትችት የሰነዘራቺሁ የድሮ ወዳጆቼ ችግራቺሁ አንብቦ መረዳት አለመቻል ነው ወይስ ሃቁን መቀበል አለመሻት ነው ?
እንድሪያስ
ዋና ውሃ አጠጪ
ዋና ውሃ አጠጪ
 
Posts: 1790
Joined: Fri Mar 19, 2004 10:55 pm
Location: *****

Re: መዘዙ ቡዙ ነው ፡፡

Postby ዞብል2 » Wed Feb 26, 2020 9:41 pm

ጋሽ እንድሪያስ!አንብቦ አለመረዳት ወይም ሀቁን አለመሻት ሳይሆን፤ሁሉም ምንጫቸው አንድ ስለሆነ ነው፡፡አሸጋጋሪው ጠ/ሚ፤ለኦርጋኒክ ኢትዮጵያዊያን መልዕክት አስተላላፊውም(አብኔዘር)እንዲሁም ፅሁፉን አምጥቶ የፖሰተው አቦይ ክቡራንም!ረስቼህ ከዓመታት የዋርካ ላይ የወያኔ ተቃውሞህ፤በአንድ የአፍሪካ መፅሄት፤ስለ ኢትዮጵያ ዕድገት እሪፖርት አንብበህ፤እጅህን ለወያኔ የሰጥህውቅቅቅቅቅቅቅቅቅቅቅ...........እንድሪያስ ዕውነቴን የምልህ አንተና የዘመኑ ልሳን ወያኔ ዕድገት አመጣ ብላችሁ፤መደገፍ ስትጀምሩ ነው ወያኔዎች መላው ጠፍቶአቸው ወደ መቀሌ የፈረጠቱት፤ወይስ ከውስጥ ስትቦረቡሩ ነበር? አይ የውስጥ አርበኝነት!የትግልህን ፍሬ! ገገማው ጃዋር ቀምቶ መልሶ ዋርካ ላይ ባያሰጣህቅቅቅቅቅ
ዞብል2
አለቃ
አለቃ
 
Posts: 2270
Joined: Fri Jan 30, 2004 11:23 pm

Re: መዘዙ ቡዙ ነው ፡፡

Postby ክቡራን » Thu Feb 27, 2020 8:59 pm

ዞብል አባ ጉጉ!! እድሜህ ግን ስንት ነው? ትንሽ ጥሩ ነገር ላገርህ ሰርተህ ለማለፍ ምክር ፡፡ ወንድማዊ ምክር ነው፡፡
ክቡራን
ዋና አለቃ
ዋና አለቃ
 
Posts: 8156
Joined: Tue Mar 04, 2008 4:24 pm

Re: መዘዙ ቡዙ ነው ፡፡

Postby ዞብል2 » Fri Feb 28, 2020 12:56 am

አጁዛው ወያኔ!ኢትዮጵያ ከኔ ምንም አትፈልግም፤አንተና መሰል ጉግ ማንጉጎች፤አላሰራ እያላችሁ መዥገር ሆናችሁ ነው እንጂ፤በሚሊዮን የሚቆጥሩ ልጆች አሏት መልካም ነገር ለመስራት የሚፈልጉ!
ዞብል2
አለቃ
አለቃ
 
Posts: 2270
Joined: Fri Jan 30, 2004 11:23 pm

Re: መዘዙ ቡዙ ነው ፡፡

Postby ቆቁ » Fri Feb 28, 2020 5:24 pm

አጁዛው ወያኔ!ኢትዮጵያ ከኔ ምንም አትፈልግም፤አንተና መሰል ጉግ ማንጉጎች፤አላሰራ እያላችሁ መዥገር ሆናችሁ ነው እንጂ፤በሚሊዮን የሚቆጥሩ ልጆች አሏት መልካም ነገር ለመስራት የሚፈልጉ!

መልካም አባባል ነው ዞብል
እንድርያስ አለህ እንዴ ? አንድን ነገር ለመረዳት ከፈለግህ ለምን እንደተጻፈ በመጀመሪያ መጠየቁ መልካም ሳይሆን አይቀርም ይልሃል ፈላስፋው ፡
1. ደብረጽዮን ከብልጽግና ጋር ላለመስራት ያቀረበውን ምክንያት መደርደር ትችል ይሆን ?
2. በትግራይ ያሉት ፓርቲዎች ስንት ናቸው ?
3. ሕወሃት ቢሰባበር ከትግራይ ሕዝብ ጋር አብሮ መኖር ፡ አብሮ መስራት አይቻልም ያለው ማነው ?
4.. በዚህ በኛ ክፍለ ዘመን ለምን በትግራይ ስለአንድ ፓርቲ ብቻ ሆነ የሚወራው ( ህወሃት ) ?
5.ጸሀፊው ግለሰብ ዓቢይ የግድ ከህወሃት መሪዎች ጋር ለመከራከር መለማመጥ አለበት ነው የሚለው?
6. ጸሐፊው ግለሰብ የትግራይን ሕዝብ ከህወሃት ነጥሎ ለማውራት ያልፈለገው ለምን ይሆን ? የህወሃት አባል ይሆን ?
በትግራይ ከህወሃት መሪዎች ባሻገር መልካም ስራ ለመስራት የሚመኙና የሚጥሩ በሚሊዮን የሚቆጠሩ ልጆች አሉዋት ፡
እንድርያስ ክቡራን ከሸመገላችሁ ወደ ጡረታ ፡

አብዮታዊ ዲሞክራሲ ገለመሌ የሚባል ነገር ጋራቤጅ ነው
የጎሳ ፌዴራሊዝም ማለት የባርባሪክ ጋርዮሽ ስርዓት ነው


ፈላስፋው
ቆቁ
ዋና አለቃ
ዋና አለቃ
 
Posts: 4189
Joined: Sun Sep 21, 2003 9:57 am
Location: united states


Return to Warka Politics - ዋርካ ፖለቲካ

Who is online

Users browsing this forum: No registered users and 2 guests