ዋጋችን ስንት ነው?

Current political, socio-economic and human rights issues.

Moderators: ዘበኛ ፩, ዘበኛ ፫, ዘበኛ ፪, ዘበኛ ፬

ዋጋችን ስንት ነው?

Postby ደሊል » Fri Sep 23, 2016 2:21 pm

"ኢትዮጵያውያን ሰራተኞችን በቅናሽ ዋጋ ይፈልጋሉ? .. ታላቅ ቅናሽ በኢትዮጵያውያን ቤት ሰራተኞች ላይ አድርገናል !!”
ባህሬን የሚገኘው የኢትዮጵያ ኮሚኒቲ ማህበር ገርሞት የለጠፈውና እዚያው ባህሬን የሚገኝ ስራተኛ አስቀጣሪ ድርጅት ማስታወቂያ የሚለው ነው ከላይ የተጠቀሰው። ምናልባት ይህ ማስታወቂያ በጋዜጦች ሁሉ የታተመ ሊሆን ይችላል። እንዲህም ይላል . ኬንያውያን ቤት ስራተኞችን በ600፣ ኢትዮጵያውያንን ግን በ500 የባህሬን ዲናር መቅጠር ይችላሉ .. ለአንድ ወር የሚቆይ ታላቅ ቅናሽ !

ድሮ ለዕቃ እንጂ ለሰው እንዲህ በአደባባይ ዋጋ ወጥቶለት አይሸጥም ነበር። የባሪያ አሳዳሪ ጊዜ በባህሬን ተመልሶ የመጣ ይመስላል። እኛ ላይ መቼም የማይበረታ የለም። የሥራ ችሎታ እንደግለሰብ የሚለያይ ቢሆንም ድርጅቱ ግን ለኢትዮጵያውያን ሁሉ አንድ ዓይነት ከሁሉም ያነሰ ዋጋ ሰጥቶ በአደባባባይ እያሻሻጠን ነው። ለነገሩ ከጥቂት ዓመት በፊት ሳውዲ አረቢያ “ይህን ያህል ኢንጂነሮች ከህንድ፣ ይህን ያህል የቤት ሰራተኞች ደግሞ ከኢትዮጵያ ላስመጣ እፈልጋለሁ” ስትል ማስታወቂያ ያወጣች ጊዜም ነው ውርደቱ የጀመረው። ከኢትዮጵያ ያለ ጽዳት ሠራተኛ ሌላ ባለሙያ አይወጣም ማለቷ ነው። እኔ መንግስት ብሆን፣ ይህን ማስታወቂያ ካላረምሽ በቀር አንድም ስው አንልክም እል ነበር።

ኮሎኔል መንግስቱ ሃይለማርያም “ተደፍረናል፣ ተዋርደናል” አሉ እየተባለ በምርም በቀልድም ይነሳል። እሳቸው አሉም አላሉም፣ በርግጥም ግን ተደፍረናል፣ ተዋርደናል። እንደ አገር ተዋርደናል .. የትም ብትሄዱ ድሮ የነበረን ዝናና ክብር የለም፣ .. ትኑር አትኑር ብዙም የማናውቃት፣ ብናውቃትም ባናውቃትም ምንም የማትመስለን ማላዊ፣ ወይም ማሊ፣ ወይም ታንዛኒያ .. ብትሄዱ፣ አንድ የነዚህ አገር ፖሊስ በርካታ ኢትዮጵያውያንን አስሮና አንበርክኮ ፣ ለጋዜጠኞች “አገራችን በህገወጥ መንገድ ገብተው አገኘናቸው” አያለ ሲደሰኩር ብዙ ጊዜ እየሰማን ነው። የተከበረ አገር ቢኖረን ፣ ቢያገኘን እንኳን ቀስ ብሎ ኤምባሲ ምናምን ነገሮ ይሸኘን ነበር። መንግስት የሌላቸው የመን እና ሊቢያ እንኳን ብንሄድ፣ ችግርና መከራ ያለበት ቦታ እኛም አለንበት። መቶ ኢትዮጵያውያን ባህር ገብተው ሞቱ ቢባል የሚደነግጥ የዓለም መንግስት የለም። 5 አሜሪካውያን ከሞቱ ደግሞ ዓለም ቀውጢ ይሆናል። አልፈርድባቸውም።
- See more at: http://www.satenaw.com/amharic/archives ... 3OoIL.dpuf
ደሊል
ኮትኳች
ኮትኳች
 
Posts: 154
Joined: Mon Dec 22, 2003 9:00 pm

Return to Warka Politics - ዋርካ ፖለቲካ

Who is online

Users browsing this forum: Google [Bot] and 1 guest