የወያኔ ኢፍታህዊ የግብር ጫና ስራ ወዳዱን አፈናቀለ

Current political, socio-economic and human rights issues.

Moderators: ዘበኛ ፩, ዘበኛ ፫, ዘበኛ ፪, ዘበኛ ፬

የወያኔ ኢፍታህዊ የግብር ጫና ስራ ወዳዱን አፈናቀለ

Postby እሰፋ ማሩ » Sat Sep 09, 2017 12:12 am

ወያኔ በቅርቡ ያወጣው ገቢና አቅም ያልተከተለ የግብር ጫና ከጫማ ጠራጊነት ሱቅ የከፈተ ወጣትን ማፈናቀሉን የጀርመን ሬዲዮ ዘገበ፡፡
በግብር ምክንያት ሥራውን ያቋረጠው ወጣት ወንድወሰን ራሱን ለመቻል በመፍጨርጨር ላይ ሳለ በከፍተኛ ግብር ምክንያት ሱቁን ዘግቶ ለመቀመጥ የተገደደ የ 25 ዓመት ወጣት ነው።
ከጫማ ጠራጊነት የተነሳው ወንድወሰን መርዓዊ ኢትዮጵያ ውስጥ የተተመነባቸውን የዕለት ገቢ ግብር መክፈል ከማይችሉ ነጋዴዎች አንዱ ነው። በደብረ ታቦር ከተማ ነዋሪ የሆነው ወጣት የኤሌክትሮኒስክስ መጠገኛ ሱቅ የከፈተው በ 2008 ዓም መጨረሻ ላይ ነው። ሱቁን እንዲከፍት የተባበሩት ደግሞ ጓደኞቹ እና የሚያውቁት ሰዎች ናቸው። ወንድወሰን ወደሥራው ዓለም ገብቶ ራሱን ማስተዳደር የጀመረው ግን ገና በልጅነቱ ነው። « ሙሉ እድሜውን ሊስትሮ እየሰራው ጎዳና ላይ ነው ያሳለፍኩት» ይላል። ወንድወሰን የልጅነት ጊዜውን የሚያስታውሰው በሥራ ነው። እንደ ሌሎች፤ ልጅ ብቻ ሆኖ፤ ለማደግ አማራጭ አልነበረውም። አባቱን አያውቅም እናቱ በሞት ስትለየው ነው ለጎዳና የተዳረገው።ዕጣ ፈንታውን ተቀብሎ ከእጅ ወደ አፍ በሆነ ኑሮው ራሱን እያስተዳደረ ያደገዉ ወንድወሰን ታድያ ዛሬ ሳይፈልግ ሥራ ፈት ሆኗል። በግማሽ ከተስተካከለም በኋላ 14390 ብር ግብር ክፈል ተብሏል። የወንድወሰን ሱቅ ግምት 3,500 ብር ገደማ እንደሚሆን ይናገራል። በጥሬ የነበረኝ 1,500 ብርም ሱቄን ከዘጋሁ በኋላ በልቶ ማደሪያዬ ሆኗል ይላል። የተጠየቀው ገንዘብ ከየት እንደሚቆፍር ግራ ገብቶታል።
የተለያዩ የንግድ ተቋማት ባለቤቶች ባለፉት ሁለት ወራቶች ሱቃቸውን እየዘጉ ተቋውሞዋቸውን አሰምተዋል።
ሱቁን ዘግቶ የተቀመጠው ወንድወሰን ብቻ አይደለም። ሁኔታው ያበሳጫቸው የተለያዩ የንግድ ተቋማት ባለቤቶች ባለፉት ሁለት ወራቶች ሱቃቸውን እየዘጉ ተቋውሞዋቸውን አሰምተዋል። በተለይ የኦሮምያ እና የአማራ ክልል ከተሞች በርካታ የሥራ ማቆም የአድማ ቀናትን አስተናግደዋል። የኢትዮጵያ መንግስሥት «ሐ» የሚል ደረጃ በሰጣቸዉ አነሰተኛ ነጋዴዎች ላይ የጣለዉ የግምት ግብር ተመን ከአቅማችን በላይ ነው፣ ትክክል አይደለም እያሉ ነጋዴዎች ያሰሙት ቅሬታ ተሰሚነት ያገኘው ግን በቅርቡ ነው። ጠቅላይ ሚኒስትር ኃይለ ማሪያም ደሳለኝ ነሐሴ 14 ቀን 2009 ዓ.ም. በሸራተን አዲስ ላሊበላ አዳራሽ እንደተናገሩት« በመረጃ፣ በግንዛቤ እጥረት እና ሌብነት ምክንያት ወደ 40/100 የሚጠጋው የቀን ገቢ ግብር ትመና ችግር እንዳለበት ታውቋል።
ስህተቱ ተመርምሮ ወንደሰን እና መሰሎቹ መፍትሄ እስኪያገኙ ድረስ የሚፈጀው ጊዜ ግልፅ አይደለም። ራሱን ችሎ ለመኖር እየተፍጨረጨረ የነበረው ወጣት ዛሬ ሥራውን ብቻ ሳይሆን ያጣው ትምህርቱንም ለማቋረጥ ተገዷል። ዘንድሮ ወደ ዘጠነኛ ክፍል አልፎ የነበረው ወንድወሰን ትምህርቱን በተለያዩ ምክንያቶች በየጊዜው ለማቋረጥ የተገደደ ቢሆንም ለአጭር ጊዜም ቢሆንም መተዳደሪያው የሆነው የኤሌክትሮኒክስ ጥገና ስልጠናን ለማግኘት ብዙ መስዋዕት እንደከፈለ ይናገራል።
ልደት አበበ
ሸዋዬ ለገሰ
እሰፋ ማሩ
ውሃ አጠጪ
ውሃ አጠጪ
 
Posts: 1268
Joined: Mon Sep 12, 2016 8:47 pm

Return to Warka Politics - ዋርካ ፖለቲካ

Who is online

Users browsing this forum: Google Adsense [Bot] and 8 guests