የምክር ቤት አባል የወያኔን ዘር ማጫረስ አጋለጡ

Current political, socio-economic and human rights issues.

Moderators: ዘበኛ ፩, ዘበኛ ፫, ዘበኛ ፪, ዘበኛ ፬

የምክር ቤት አባል የወያኔን ዘር ማጫረስ አጋለጡ

Postby እሰፋ ማሩ » Sat Oct 28, 2017 11:21 pm

የዘር ማጽዳት ወንጀልን ENABLED ያደረጉት ሕወሃቶች ናቸው #ግርማ_ካሳ-October 28, 2017
የቤኔሻንጉል ጉሙዝ ክልል፣ እየተገነባ ያለው የአባይ ግድብ ያለበት ክልል ነው። ሰፋፊ ለምለም መሬቶችን የያዘ ሲሆን ከአንድ ሚሊዮን ያነሰ ነዋሪዎች አሉባት። በቆዳ ስፋት የምእራብና የምስራቅ ጎጃም ዞኖች ተጨፍልቀውም አይደርሱበትም። የክልሉ ሁለት ሶስተኛ ቀድሞ የጎጃም ክፍለ ሃገር ይባል ከነበረው የተወሰደ ነው። በዚህ ክልል ለአገዛዙ ቅርበት ያላቸው ወገኖች በትንሽ ዋጋ፣ ሰፋፊ መሬት ተሰጥቷቸው፣ ከፍተኛ የእርሻ ኢንቨስትመንት እያደረጉ እንደሆነ ብዙዎች ይናገራሉ።

ከአስር አመት በፊት በተደረገው የሕዝብ ቆጠራ መሰረት፣ ራሳቸውን በርታዎች 25%፣ አማራዎች 23%፣ ጉሙዞች 21%፣ ኦሮሞዎች 14%፣ ሽናሾች 8%፣ አገዎች 4%፣ ማኦዎች 2% እና ኮሞዎች 1% ናቸው። ከበርታዎች ቀጥሎ በክልሉ ብዛት ያላቸው አማራዎች ናቸው። አገዎችና አማራዎች ሲደመሩ ወደ 27% ይደርሳሉ።

የቤኔሻንጉል ክልል ሕግ መንግስት አንቀጽ 2 የክልሉ ባለቤት ማን እንደሆነ በግልጽ ያስቀምጣል። “በክልሉ ውስጥ የሚኖሩ ሌሎች ሕዝቦች የሚታወቁ ቢሆንም የክልሉ ባለቤት ብሄር ብሄረሰቦች በርታ፣ ጉሙዝ፣ ሸናሽ፣ ማኦና ኮሞ ናቸው” ይላል። እነዚህ አምስት ብሄረሰቦች በአንድ ላይ ሲደመሩ የክልሉ 57% ይሆናሉ። የክልሉ 43% ነዋሪዎች ግን፣ 23% የሚሆኑ አማራዎችና 14% የሚሆኑ ኦሮሞዎችን ጨምሮ፣ በክልሉ መጤዎች ወይንም ሁለተኛ ዜጋ፣ እንግዳ ተደርገው ነው የተወሰዱት። አገራቸው ሆኖ የዉጭ አገር ዜጋ እንደሆኑ ነው የሚቆጠሩት።

በተለይም አማራ የሚባሉት ላይ እየተደጋገመ ተለይቶ በርካታ ጥቃቶች ተፈጽመዋል። ሆኖም ከዚህ በፊት የተፈጸሙ ወንጀሎች በአገዛዙ እንደ ቀላል በመታየታቸውና ምንም አይነት እርምጃ ባለመወሰዱ፣ ይኸው ዛሬም ፣ እንደገና በቢኔሻንጉል ተመሳሳይ የዘር ማጽዳት ወንጀል ተፈጽሙሟል። የዜጎች ደም በግፍ ፈሷል።

ይህ አይነቱን ጥቃት ሕወሃት ስልጣን ከመጨበጡ በፊት ብዙ አልነበረም። አሁን ግን “ ይሄ መሬት የነዚህ ብሄረሰቦች ነው፣ ያ የነዚያ ነው” እየተባለ መሬት ስለተሸነሸነ፣ ሁሉም ወደ ዘሩና ወደ ጎጡ እንዲመለከት ስለተደረገ፣ ይኸው ዜጎች ከዚህ ብሄረሰብ ናችሁ ተብለው በአገራቸው እየተገደሉ የዘር ማጽዳት ወንጀል እየተፈጸመባቸው ነው።

አዲሱ አመት ከገባ አንድ ወር ተኩል አለፈው። በዚህ አጭር ጊዜ ብቻ፡
•ከሶማሌ ክልል መታወቂያቸው ላይ ኦሮሞ የሚል ያለባቸው እየተለዩ ፣ ከግማሽ ሚሊዮን በላይ ተፈናቀሉ፣
•በአወዳይ ቁጥራቸው በርካታ ሶማሌዎች ታረዱ፣
•በኢሊባቡር “መጤና ናችሁ ፣አማራ ናችሁ” ተብለው ብዙዎች በገጀራ በጭካኔ ተገደሉ፣
•በባሌ የሚኖሩ ሲዳማዎች ተፈናቀሉ፣
•በቤኔሻንጉል ጉሙዝ ክልል አማራ ናችሁ ተብለው ዜጎች አለቁ፣

ይህ አይነቱ፣ ለዘመናት በፍቅር አብረው የኖሩ ወገኖች እርስ በርስ እንዲጣሉ፣ ከዘር ጋር በተገናኝ ፍጅት እንዲኖር ያደረገው የሕወሃት የዘር ፖለቲካና በዘር ላይ የተመሰረተው ፌዴራል አወቃቀር ነው። በቀጥታ ህወሃቶች ገጀራ አንስተው ባይገድሉም፣ ይህ አይነቱን መንፈስ ENABLED ያደረጉት እነርሱ ናቸው። በዘረጉት ከፋፋይ ሲስተም አማካኝነት። እነርሱ በዚህ መልክ ሕዝቡን በዘር የከፋፈሉት ለመግዛት እንዲያመቻቸው ነው፤ ሆኖም ግን የማታ የማታ እሳቱ እነርሱን ሊፈጅ እንደሚችል መረዳት የተሳናቸው መሰለኝ።

አሁንም እሳት በተፈጠረ ቁጥር ለማጥፋትና ነገሮችን ለመደባበስ ከመሞከር፣ አገሪቱ ከዘር አወቃቀር ወጥታ ማንኛውም ዜጋ በማንኛውም የአገሪቱ ክፍል የመኖር ፣ የመስራት፣ የመነገድ፣ የመምረጥ የመመረጥ መብቱ የሚከበርበትን ሁኔታ ማመቻቸት ያስፈልጋል። ከዘር ፖለቲካ መውጣት መቻል አለብን። አለበለዚያ ዘረኝነት፣ ጥላቻን በልባችን ውስጥ እየኮተኮትን እና እየሳዳግን ነገ ጤና ይሆናል ብሎ ማሰብ አስቸጋሪ ነው።

https://chilot.files.wordpress.com/2012 ... tution.pdf
እሰፋ ማሩ
ውሃ አጠጪ
ውሃ አጠጪ
 
Posts: 1269
Joined: Mon Sep 12, 2016 8:47 pm

Return to Warka Politics - ዋርካ ፖለቲካ

Who is online

Users browsing this forum: No registered users and 4 guests