ድንቅ የመዝናኛ መጽሔት !

ስፖርት - Sport related topics

ድንቅ የመዝናኛ መጽሔት !

Postby ድንቅመጽሔት » Mon Mar 30, 2009 2:44 pm

ሰላም ሰላም!!

ድንቅ የመዝናኛ መጽሔት - የስፖርት - የዶክተር ምክር - የልቦለድ - የግጥም - የቀልዶች - የደብዳቤዎች - የኮምፒውተር ትምህርት - የልጆች አምድ - የሳይካትሪስት ምክር - የእንግሊዘኛ መዝናኛ ጽሁፎች - የመጣጥፎችና ሌሎችም በርካታ አምዶች ያሉት መጽሄት ነው::

መጽሔቱን ከፈለጉ በትዛዝ በአድራሻዎ እንዲደርሶ ማድረግ ይችላሉ - ከፈለጉም ዌብሳይታችን ላይ በመግባት ሙሉ መጽሄቱን ማንበብ ይችላሉ::

ድንቅን ያንብቡ - ለድንቅ ይጻፉ!!
www.dinqmagazine.com

email: dinqatlanta@yahoo.com
DINQ magazine is the first Ethiopian advertisement magazine in North America. Read , Write, Advertise on DINQ !

Pass the word ... DINQ is yours!

www.dinqmagazine.com
email: editor@dinqmagazine.com
ድንቅመጽሔት
አዲስ
አዲስ
 
Posts: 33
Joined: Thu Jan 29, 2009 12:43 am
Location: Atlanta

Postby rasskassa » Wed Apr 01, 2009 11:26 am

is anybody out there happened to be know this years Ethiopians in European football tournament taken place? Someone told me its Paris but when and what address?
rasskassa
አዲስ
አዲስ
 
Posts: 36
Joined: Sun Mar 13, 2005 8:04 pm
Location: united kingdom

Re: ድንቅ የመዝናኛ መጽሔት !

Postby ዘርዐይ ደረስ » Thu Apr 16, 2020 9:32 am

https://ethiopianege.com/archives/12361
ጋዜጠኛ ቴዎድሮስ ኀይሌ ዳኜ 1975 – 2020
April 3, 2020



ጋዜጠኛና የሰብአዊ መብት ተሟጋች የሆነው ወንድማችን ቴዎድሮስ ኃይሌ ዳኘ በድንገት ህይወቱ አልፏል። ቴዲ በአትላንታ ለረጅም ጊዜ የምትታተመውንና በኖርዝ አሜሪካ ቀዳሚ የሕትመት ውጤቶች አንዷ የሆነችውን ድንቅ መጽሔት ከ15 ዓመት በላይ አዘጋጅቷል። ቴዲ በአለም አቀፍ ደረጃ ተደማጭነት ያተረፈው አድማስ ሬዲዮ ፕሮዲዩሰር እና ዋና አዘጋጅ በመሆን ለአስር ዓመት ማህበረሰቡን አገልግሏል።

ጋዜጠኛ ቴዎድሮስ ኃይሌ ዳኘ በኢትዮጵያ የሰብአዊ መብት እንዲከበር ከፍተኛ አስተዋጽኦ ካበረከቱ ወገኖች ጋር በመሆን በተለይ በፕሮፌሰር መስፍን ወልደማርያም የተመሰረተው የሰብአዊ መብት ድርጅት ጋር በለጋ እድሜው ተቀላቅሎ በሀራችን የሰብአዊ መብት እንዲከበር ከፍተኛ አስተዋጽኦ አበርክቷል። በኢትዮጵያ የሚታተሙ የነፃ ፕሬስ ውጤቶች ላይ ተሳትፎ በማድረግ ለፕሬስ ነጻነት ተሟግቷል። ጮሗል ተንገላቷል።

በስደት በአሜሪካን ሀገር አትላንታ ከተማ እግሩ ከረገጠበት ጊዜ ጀምሮ ህይወቱን እስካጣበት የመጨረሻዋ እለት ድረስ ማህበረሰቡን ያ…ለ…መ…ታ…ከ…ት አገልግሏል። አዳዲስ መጪዎችን ተቀብሏል፣ አስተናግዷ፤ የተቸገሩትንም ረድቷል፣ አስጠግቷል፤ ሀገር አውቀው በእግራቸው አስኪቆሙ አለኝታነቱን አሳይቷል። መረጃ ላጡ ሰዎችም ያለመሰልቸት ቀን ሳይምርጥ ሌሊት ደፋ ቀና ብሏል፤ የሚጠበቅበትንም ያለመታከት አካፍሏል፣ አጋርቷል።

ዘመድ ወዳጅ ሳይል፤ የቅርብ የሩቅ ሳይመርጥ፤ ዘር ቀለም፣ወይንም እስላም ክርስቲያን፣ ሳይለይ እንግዶችን በወግ በማዕረግ አስተናግዷል ።

የቴዲ የስንብት ሰነ ሥርዓት ዛሬ አርብ April 3 ቀን 220 ዓ/ም አሁን ባለው አስከፊ የኮሮና ቫይረስ ስርጭት ምክንያት ሁሉ ነገር ተገድቦ በአትላንታ የኢትዮጵያ ኮሚኒቲ በተዘጋጀው የመኪና ማቆሚያ ስፍራ (የፓርኪንግ ሎት) ውስጥ ባለቤቱ ራሔል እና ወዳጅ ዘመዶች በተገኙበት የወቅቱን የመራራቅ ሕግ በተከተለ መልኩ ተፈጽሟል።

የቀብር ስነስርአቱ በመጪው እሁድ በጣም ውስን በሆኑ ካህናትና ቤተዘመዶች ብቻ አስር ሰዎች በተገኙበት በኢትዮጵያ ኦርቶዶክስ ተዋህዶ ቤተክርስቲያን ጸሎተ ፍትሃት ተደርጎ የቀብር ስነስርአቱ ይፈፀማል።

ቴዲ ብቻውን ሆኖ ብዙዎችን ሰብስቦ ቀብሯል

ቴዲ አንድ ሆኖ በርካቶችን አስከትሎ የአደዋን ተራራ ምሳሌ በአትላንታ ፈጥሯል

ቴዎድሮስ ዳኘ እልፍ አሰልፎ ታልቁን ሩጫን በአትላንታ እብቅሏል።

ዛሬ ቴዲ ብዙ ሰው ቢኖረውም በዘመን አመጣሹ በሽታ ምክንያት በትንሹ ሆነው ሸኝተውታል

ቴዎድሮስ ኃይሌ ዳኘ በርካቶችን ነፃ ለማውጣት በብዙ ሲደክም ቆይቶ ብዙ ሰው ቢያፈራም ጥቂቶች ብቻ ይቀብሩታል።

ለባለቤቱ ራሔል እና ወዳጅ ዘመዶች መጽናናትን ለጨቅላ ልጆቹ ለኪያ እና አልአዛር አምላክ ከለላውን ያድርግላቸው።

ባርኔጣዬን አውልቄ እጅ ነስቻለሁ ወንድምዓለም

እግዚእብሔር አምላክ በቀኙ ያድርግህ!!
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12
ዘርዐይ ደረስ
ውሃ አጠጪ
ውሃ አጠጪ
 
Posts: 1175
Joined: Sat Oct 23, 2004 3:52 am
Location: ethiopia


Return to Warka Sports - ዋርካ ስፖርት

Who is online

Users browsing this forum: No registered users and 1 guest