ካሳሁን ተካ የት ነው ያለው??

ስፖርት - Sport related topics

ካሳሁን ተካ የት ነው ያለው??

Postby ክቡራን » Tue May 31, 2011 2:08 am

አሰልጣኝ, ኢንስራትከተር እንዲሁም የኢትዮጵያ ብሄራዊ ቡድን የወቅቱ ቌሚ ተሳላፊ በመሆን 5 የአፍሪካ ዋንጫዎች ላይ የተሰለፈውና በግራ እግሩ ኴስ አክሮ በመምታት የሚታወቀው ካሳሁን ተካ ማን ነው?? ታዋቂ ሰዎችን ካለበት በማፈላለግ ቃለ ምልልስ በማድረግ የታወቀው የኢትዮጵያ በዚህ ሳምንት ድህረ ገጽ ( http://www.CyberEthiopia.com) ቡዙ ሰው የማያውቃቸውን ወይም ያልሰማቸውን ጉዳዮች ያካተተ ሰፊ ( extensive ) ውይይት ከኢንስራትክተር ካሳሁን ተካ ጋር አካሂዷል:: ይህ ታሪካዊና አጔጊ ውይይት ከአስረኛው የአፍሪካ ዋንጫ ተሳላፊዎች ጋር ከተነሳቸው ፎቶዎችና ክሌሎች ፎቶዎች ጋር ታጅቦ በቅርብ ቀን ይቀርባል:: እዚች ክፍል በመግባት ይከታተሉ:: Stay tuned :arrow:
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ገደል » Mon Jun 06, 2011 5:47 pm

በቅርብ ቀን ማለት ስንት ቀን ነው?
ለነገሩ ካሳሁንን እራሱን ባናግረው ይሻላል ዲሲ 18th street ሲንገላወድ : አገኘዋለሁ::
ካሳሁን በማንኛውም መስፈርት ጥሩ የእግር ኩዋስ አሰልጣኝ ይወጣው ነበር:: ግን ምን ያደርጋል በራሱ ከመተማመን ይልቅ ካልሆነ ባለስልጣን ተጠግቶ ሰውዬው ሲወድቅ ይዞት ወደቀ:: ለዚያ ባለስልጣን ብሎም በአብሮ አደግ ጉዋደኞቹ በእነ አሥራት ጎራዴ, ስዩም አባተና ንጉሴ ገብሬ:ትልቅ ትልቅ ደባ ሰርቶዋል::
ለማንኛውም ባለበት ይመቸው::
ገደል
ኮትኳች
ኮትኳች
 
Posts: 489
Joined: Sat Jan 02, 2010 12:03 am

Postby ክቡራን » Tue Jun 07, 2011 1:11 pm

ሰላም ወንድሜ ገደል :: በናፍቆት ሲጠበቅ የነበረው የካሳሁን ተካ ዝክረ-ስፖርት ታሪክ እነሆ....መልካም ድምጫ::
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ጩጉዳ » Wed Jun 08, 2011 5:16 am

ዌል ..... የአገራችን እግርኳስ ታሪክ በካሳሁን ተካ ጊዜ ብዙም የሚታወስለት የሚነገርለት ጉልህ ነገር ስለለው ካሳሁን ተካም በጨዋታ ዘመኑ ይህ ነው ተብሎ ያስመዘገበው ነገር ባለመኖሩ እንደ ማንኛውም ሰው ገጠመኞቹን አድምጠን ለየት ያለ ነገር ካለ እንደሰት ይሆናል::

በተረፈ ካሳሁን ተካ ሲጫወት ለማየት ባልታደልም ብሄራዊ ቡድኑን ሲያሰለጥን አስተውስዋለሁ:: የብሄራዊ ቡድናችን ተጫዋቾች ጠፍተው በብጎደሎ ሲጫወቱ ካሳሁን ራሱ ተሰልፎ በመጫወቱ ቅንነቱ ቢደነቅም በአሰልጣኝነቱ ምንም ያሳሳየው የተለየ ተአምር የለም:: በእሱ ጊዜ በግብጽ 4 ለ 0 በናይጄሪያ 3 ለ 0 በቱኒስያ 5 ለ 1 በሱዳን 2 ለ 0 ስንሸነፍ አስታውሳለሁ:: ለማንኛውም ቃለ መጠይቁን ክቡራን ስላቀረብክ እንደበርበታለንና እናመሰግናለን::
መታገስንና መቻልን የመሰለ ብቀላ የለም ::
ጩጉዳ
ውሃ አጠጪ
ውሃ አጠጪ
 
Posts: 1267
Joined: Mon Jan 31, 2005 6:40 am
Location: Studio City, Wilson Republic

Postby ገደል » Wed Jun 08, 2011 5:34 pm

ጨጉዳ ካለው ጋር እስማማለሁ:: ካሳሁን ለርጂም ጊዜ ኩዋስ ይጫወት እንጂ እምብዛም ልዩ የሚያደርገው ችሎታ አላሳየም:: አማክኝ ተጫዋች ነው በጥቅሉ:: ካሳሁን ትንሽ የተሻለ ችሎታ ያሳይ የነበረው በሀገር ውስጥ ጨዋታ ነበር:: ለጊዮርጊስ ሲጫወት አስታውሰዋለሁ ደህና ይጫወት ነበር:: ለነገሩ በእሱ ዘመን ከነበሩ ተጫዋቾ አንድም ትውልድ ተሻጋሪ ችሎታ ያለው አልነበረም:: እንደ እነ መንግሥቱ ወርቁ ሉቻኖ ቫሳሎ ሰበታ ወዘተ:: በነገራችን ላይ ሰበታ ከካሳሁን ጋር ተጫውቶዋል ግን መጨረሻው ዘመን ላይ ነው::
ይህ ኢንተርቪው ጥሩ ነው:: ግን ጠያቂው በአካባቢው ከሚገኙ ከሚያውቁ ሰዎች ወይም ከጽሁፎች ስለ ካሳሁን ጠይቆ ኢንተርቪውን በዚያ አኩዋያ ቢመራው ኖሮ ጥሩ ነበር:: ካሳሁን በሀገር ውስጥም ሆነ በኢንተርናሽናል ጨዋታ ብዙ መጠይቅ የነበረበት ነግሮች ነበሩ:: ለምሳሌ 10ኛው አፍሪካ ዋንጫ ያንን የመሰለ ጠንካራ ቡድን በራሱ ሀገር በራሱ ሕዝብ መሀል ተጫውቶ ለግማሽ ፍጻሜ እንኩዋን መድረስ አቅቶት ወቶዋል:: ለምን? ከጥጥ ክለብ ወደ ጊዮርጊስ ክለብ እንዴት ተዛወረ? በተለይ ካሳሁንና አሥራት ጎራዴ በአንድ ላይ ነው የተዛወሩት ያ እንዴት ሆነ? አሁንስ ይህን ያህል ዘመን የቆየበትንና በርካታ ሥልጠና ያገኘበትን ሙያ ለምን መልቀቅ አስፈለገው? ሌላ ሌላም ብዙ ጉዳዮች ነበሩ::
ለማንኛውም ስለኢንተርቪዉ አመሰግናለሁ
ገደል
ኮትኳች
ኮትኳች
 
Posts: 489
Joined: Sat Jan 02, 2010 12:03 am

Postby ክቡራን » Thu Jun 09, 2011 3:37 am

ሰላም ጩጉዳውና ገደል እንደት ናችሁ..? ጩጉዳው አስተያየትህን ቀስ ብዬ ሳነበው ካሳሁን ባንድ ወቅትና ጊዜ ያስከፋህ አይነት ይመስላል.. :D አስተያየትህ ያንን ይላል:: :wink: ለማንኛውም ግን ያነሳችሁትን ነጥብ አንብቤ አዋይቸዋለሁ:: ላንዳንዱ ጉዳይ በተለይ ገደል በጥያቄ መልክ ላከረብካቸው የሰጠኝ መልስ አለ:: አንድ ላይ ጠቅለል አድርጌ አቀርበዋለሁ:: ጥያቄ ከራሱ እንዲመነጭ ከማድረግ ይልቅ ስለሱ የሚያውቁትን ሰዎች አስቀድሞ መጠየቅ ያልከው ጥሩ የኢንፎሜሽን ማሰባሰቢያ ነው...ይጠቅማል;: ጊዜው ግን በጣም አነስተኛ ስለነበር ያንን ለማድረግ አልተቻለም:: በዚህ አጋጣሚ ግን እሳት የበላውን የፒያሳ አራዳ ፋንቱ ማንዶዬን እንግዳ ላደርገው ተነጋገርናል:: አብሽር ብሎኛል:: አብሽር ግን ባራድኛ ሁለት ትርጉም አላት ( እሺም እምቢም ) ማለት ይሆናል:: :D ግን እንዲጠየቅ የምትፈልጉትና ይሄን ጉዳይ ብታነሳው የምትሉት ጥያቄ ካለ መልክት ብታስቀምጡልኝ እነደ ሪፈረንስ እጠቀምበታለሁ:: ገደል ላልከው ጉዳይ በ10ኛው አፍሪካ ዋንጫ የኢትዮጵያ መሸነፍ የአስራትና የካሳሁን ድረዳዋ ጥጥን ለቆ ባንድ ወቅት ወደ ሳንጆርጅ መግባት , ካሳሁን የሚለው አለ:: እመለሳለሁ:: ሰላም::
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ጎራዴው » Thu Jun 09, 2011 5:46 am

ሰላም ክቡራን: ቆየት ያልኩ የዋርካ ደንበኛና ተሳታፊ ብሆንም ዋርካችን ሀይጃክ ተደርጋ መልኳንና ጸባይዋን መበቀየሯ ትንሽ ርቄ ነበር ክቡራን አስተማሪና ሚዛናዊ ዜና ነክ ወሬዎች ስለምታመጣ ትንሽ ውበት ጨማምረህበታልና እኛንም የጥንት ደንበኞችን ስባሀልና ምስጋናዬ ይድረስህ::

እንዲህ ዐይነት ታሪክና ኢንተርቪው ይልመድብህ:: እደግ ተመንደግ!

ካሳሁን ተካን ካሳሁን በተጫዋችነቱ የተሟላ ሰውነት ያለው ጠንካራ ሰውነት ስለነበረው ለተከላካይ አስቸጋሪ ተጫዋች ነበር:: በተለይ ግራኝ ስለሆነ ምቶቹ ሁሉ አደገኛ ነበሩ:: ካሳሁን ከተማ ውስጥ በቅርብ ለሚያውቁት ሁሉ ትሁትና ዝቅ ያለ ጉራ የማያውቅ ገራገር እንደ ነበር ስለማውቅ አድናቂው ነኝ:: ክቡራን እንደገና የመጠየቅ ዕድሉ ካለህ እስቲ ይቺን ጠይቅልኝ:: ግብጽ ላይ ለጠፉ 5 ተጫዋቾች ሽፋን ሰጥቷል በሚል ወደ አገር ቤት ሲመለስም በደርግ ደህንነት ሰዎች በአገር ክህደት ወንጀል ከፍተኛ ምርመራ ተደርጎበት ነበር ይባላል እውነት ነው ?
Wounds from the knife are healed, but not those from the tongue.

በብረት ስለት የቆሰል ወዲያው ይድናል :: በምላስ ለቆሰለ ግን መዳኛ የለውም
ጎራዴው
ኮትኳች
ኮትኳች
 
Posts: 227
Joined: Fri Dec 31, 2004 4:51 am
Location: united states

Postby ክቡራን » Thu Jun 09, 2011 7:41 pm

ወንድሜ ጎራዴው ላስተያየትህ ምስጋናዬ ይድረስህ:: ባክብሮት ተቀብያለሁ:: አንተም ያነሳሀውንና እነ ገደልም ያሉትን አንድ ላይ ካሰባሰብኩ በኌላ ያገኘሁትን አካፍላችኌለሁ:: መልካም ቀን ( ምሽት)::
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ክቡራን » Thu Jun 09, 2011 10:32 pm

ካሰለጣኝና ኢንስትራክተር ካሳሁን ተካ ከተሰጠኝ ፍቃድ ጥያቄዎቹን ከሱ ጋር ያደርግነው የውይይት መንፈስ በመጠበቅ እመልሳለሁ::
ገደል ላቀርብካቸው ጥያቄዎች ኢትዮጵያ በቂ ዝግጅት ብታደርግም በራሷ ሜዳ ላይ ከግብጽ ጋር እኩል ለኩል በመውጣት በጎል ክፍያ በመበለጥ ለማጣሪያ ሳታልፍ እንደቀረች ይታወሳል:: ይህ እንዴት ሊሆን ቻለ? ካሳሁን ይህን ይላል:: " ሁሉንም አይነት ዝግጅት ብናደርግም እስፖርት በመሆኑና እድለኛነትም ስለሚያስፈልግ ምንም እንኴን ጠንካራ የማሸነፍ መንፈስና በራሳችን ህዝብና ሜዳ ላይ ብንጫወትም ተሸንፈን ወጥተናል:: እድለኞች አይደለንም ብለን መዝጋት እንችላለን:: ውስጣዊ ችግሮችና ሽኩቻዎች እንደነበሩብን ግን ማስመር እፈልጋለሁ:: ይሀውም ባሰልጣኛችን ፒተር ( ጀርመናዊ) ረዳት አሰልጣኞች መንግስቱና ሊቻኖ ( የቴክኒክ አማካሪዎች ) ና በሸዋንግዛውና በገረመው ( ተጫዋቾች ) የነበረው ችግር ቡድኑን ከፋፍሎታል:: ደጋፊውም ተከፋፍሎ ነበር:: አሰልጣኝ ፒተር በወቅቱ እርምጃ መውሰድ ነበረበት:: እርምጃው ሸዋንግዛውንና ገረመውን ሰለባ አደረገና ከውድድር እንዲወጡ አደረጋቸው:: የነሱ ደጋፊዎች አኮረፉ:: በኔ እምነት እንደ አሰልጣኝነት ፒተር ትክክለኛ ውሳኔ ወስዷል እላለሁ:: ( ውሳኔው ለምን እንደተወሰደ ዝርዝር ጉዳይ ስለሆነ ልተነተነው አልፈለኩም) :: ጥቂት ቆየና ደሞ ሊቻኖና መንግስቱ በቴክኒካል ጉዳይ ተጣሉ:: መንግስቱና ፒተር አብረው ያብሩና ሊቻኖ እንዲባረር ተደረገ:: ሊቻኖ ከቆሰሉት ጔደኞቹ ገረመውና ሸዋንግዛው ጋር በመሆን በቡድኑ ላይ ያሉባልታና የወሬ ዘመቻ ከፈቱ:: ቤንች በተደጋጋሚ የሚቀመጡ ተቀያሪዎችም የሞራል ድጋፋቸውን ላኮረፈው ቡድን አደረጉ:: በግር ኴስ ፊሎሶፊ ቤንች ተቀማጮች ጥምረታቸው ሀይለኛ ነው:: እንኴን አንድ ክለብን ይቅርና መንግስት ለመገለበጥ የሚያስችል ትብብር አላቸው ይባላል:: እንድታውቀው የሚያስፈልገው እነዚህ ሰዎች ቡዙ ቲፎዞ ከኌላቸው አሰልፈዋል:: እስከ ልብስ መቀየሪያ ደርስ እየመጡ ፒተርንም እኛም የሚሰድቡን የነሱ ቲፎዞች ነበሩ:: ከውጭም የምንሰማው ነገር ራሱ ሞራል ይዞህ እንድትጫወት አያደርግህም:: ግን በርግጠኝነት የምነግርህ በወቅቱ ልጆቹ የተባረሩት በዲስፒሊን ጉድለት መሆኑን እኔ ምስክር ነኝ:: ይሄንን ግን ቲፎዞው አያውቅም ነበር:: ስለሚወዳቸው ብቻ ይጫወቱ ይላል:: ሸዋንግዛው የክንፍ ተጫዋች ነው:: ግን ጥሩ ችሎታ ቢኖረውም የሱን ቦታ ተክተው መጫወት የሚችሉ ልጅ እግሮችን ፒተር አግኝቶ ነበር:: ያኔ እሱ ራሱ ለሁላችንም ታላቅ ነበር::" ይቀጥላል:: ክቡራን ነኝ የአስረኛው የአፍሪካ ዋንጫና ያልተነገሩ ሚስጢሮች ድርሳን:: :D
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ገደል » Fri Jun 10, 2011 12:13 am

ክቡራን....አህያ የማይችለው ምሥጋናዬ ይድረስህ:: ካሳሁን ያጫወተህን ጥሩ አድርገህ ነው ያቀረብከው:: ታሪኩም በአብዛኛው እኔ ከማውቀው ጋር ይዛመዳል:: በአንድ ወቅት እዚያ ርኩቻ ውስጥ አቶ ይድነቃቸውም ገብተው ነበር:: ዳኛ ፒተር በመደገፍ:: ካሳሁን እውነቱን ነው የሸዋንግዛው አጎናፍር ደጋፊዎች ብዙ ተቆጥተው ነበር:: እንደማስታውሰው ሸዋንግዛው ከአሜሪካ ነበር የመጣው:: ቡድኑ ብቃት የነበረው ነበር: ያንንም በበርካታ የወዳጅነት ጨዋታዎች አሳይቶ ነበር:: ጥሩ አሰልጣኝ ነበረው: መንግሥትም ጥሩ ድጋፍ ያደርግ ነበር::ችግሩ ማህበራዊ ችግር የሚፈታና ቲሙን በስነልቦና የሚገነባ ባለሙያ አልነበረም:: ተፈጥሮ የነበረው "የእኔ አውቃለሁ" ችግር ነበር:: በጣም በቀላሉ ሊፈታ የሚችል:: በዚህ ጉዳይ እመለስበታለሁ ጊዜ ካገኝሁ::

በል በናትህ ቀጥልበት በርካታ የድሮ ባለሙያዎች አሉ:: እያፈላለክ ትዝታቸውን አስተርትራቸው:: ለአሁኑ ትውልድ ትምህርት ሰጪ ይሆናል::

በነገራችን ላይ ፋንቱ ማንዶዬን ስታናግር መጠጥ ትተሀል ወይ ብለህ ጠይቀው:: ድሮ መርካቶ አካባቢ ጠጅቤት አይጠፋም ነበር
ይመችህ አቦ
ገደል
ኮትኳች
ኮትኳች
 
Posts: 489
Joined: Sat Jan 02, 2010 12:03 am

Postby ክቡራን » Fri Jun 10, 2011 10:50 am

"ካስረኛው የፍሪካ ዋንጫ ውድድር በፊት የኢትዮጵያን ብሄራዊ ቡድን ለመገምገም ከተለያዩ የአፍሪካ ቡድኖች ጋር የወዳጅነት ግጥሚያ እናደርግ ነበር:: ከእለታት አንድ ቀን የካሜሩን ቡድንና የኢትዮጵያ ብሄራዊ ቡድን የወዳጅነት ግጥሚያ ያደርጋሉ:: ያ ውድድር በፊልም ይቀረጻል:: ያነ እለት ምሽት አሰልጣኝ ፒተር ውድድሩን እንድናይ ይጋብዘናል:; በዛ ውድድር ላይ ሮጀር ሚላ የሚባል የካሜሩን ተጫዋች አስደናቂ አብዱ ( አብዱ=ኴሷን እንደ ቆሎ ቆላት) :D እና አብዱ እያደረገ ሸዋንግዛውን በግሩ መሀል ሳይቀር እያሳለፈ የሚያሳይ ፊልም እናያለን:: ፒተር ያንን ፊልም በተደጋጋሚ ሲያሳየን ሸዋንግዛው በትግስት መመልከት አልቻለም:: ሮጀር ሚላህ እሱ ላይ የሰራው አብዱ ያናድድ ነበር በዛ ላይ ያ ቦታ እየተደጋገም መታየቱ እሱን ( ሸዋንግዛውን ) የመስደብ አይነት አድርጎ ወሰደው:: ፊልሙ ሳያልቅ ፒተርን በ "F" የሚጀምር በ "U" የሚያልቅ ስድብ ይሰደበውና ከክፍሉ ይወጣል:: በዛች ምሽት በፒተርና በሸዋንግዛው መካከል የማይታረቅ ጦርነት ተጀመረ:: ፒተርም ሸዋንግዛውን ጠልፎ ለመጣል ገመዱን በድርብ መግመድ ጀመረ:: ይህ በዚህ እንዳለ ገረመው ባንድ ወቅት የቢራ ጠርሙስ ጨብጦ እጅ ከፍንጅ ተያዘ:; ፒተር ለሸዋንግዛው በገመደው ገመድ ገረመውንም እስከ ወዲያኛው ጠልፎ ጣለው:: "" የካሳሁን ትውስታዎች:: እመለሳለሁ::
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ክቡራን » Sun Jun 12, 2011 1:47 am

ሰላም ብያለሁ የዚች ቤት ወዳጆቼ ገደል ጎራዴው ጩጉዳ ( አጠራሬ ባሌፊቢቲካል ኦርደር እንደሆነ ይያዝልኝ:: :D )
አንዳንድ ተጨማሪ መረጃዎች እስከማገኝ ነው የየቆየሁት:: ወንድሜ ጎራዴው ወደጠየከው ልመለስ :: ስለ ጠፉት ተጫዋቾች ጉዳይ አንስቸለት ይሄን ብሎኛል::
"በ1982 አካባቢ ይመስለኛል ...ግብጽ እስማልያ በምትባል ከተማ ግጥሚያ ስለነበር ላይ 20 ተጫዋቾችን ይዤ ወደዛ አመራለሁ:: ግጥሚያውን ካደረገን በኍላ ጊዜው የተረጋጋ አልነበረምና 15 ቱ ተጫዋቾች እዛው ግብጽ ይቀራሉ ቀሪዎቻችን መጣን:: ያ ከሆነ በኌላ የግብጽ መንግስት ጥገኝነት የጠየቁትን ተጫዋቾች በሙሉ ይይዝና ለኢትዮጵያ መንግስት ያስረከባል:: ተጫዋቾቹን በሙሉ ወስደው ማእከላዊ ምርመራ ያስሯቸዋል:: ምርመራው ይቀጥላል:: ከመርማሪዎቹ ውስጥ አንደኛው ምን የሚል ሀሳብ ያቀርባል ( በኌላ እንደተነገረኝ ) ካሳሁን ነው እንድንጠፋ ያስገደደን ብላችሁ ተናገሩ ይላቸዋል ይሀውም ገንዘብ ካለሰጣችሁኝ እንዳትሰለፉ አደርጋለሁ...ውድድር ውስጥ ለመግባት ገንዘብ ክፈሉኝ ብሎናል ብላችሁ ክሰሱት የሚል ሀሳብ ይሰጣቸዋል:: ልጆቹ ራሳቸውን ለማውጣት በመርማሪው በተፈበረከው ድርሰት እኔን ይከሱኛል:: የጠፋነው ገንዘብ አምጡ እያለ ስለሚያስቸግረን እሱን ፈርተን ነው የሚል ክስ:: በዚህ መሰረት ማእከላዊ ቀርቤ እንደዚህ ተብለህ ተከሳሀል ብለው በጥያቄ ያጣድፉኛል:: እኔም ይሄ የማይመስልና ፈጽሞ እውነት አለመሆኑን አስረዳሁ:: ልጆቹ በራሳቸው ፍቃድ እንጂ እኔ በፈጠርኩት ተጸኖ እንዳለጠፉ ደጋግሜ እምነቴን ተናገርኩ:: በል ስንፈልግህ ትጠራለህ ብለው አሰናበቱኝ:: ልጆቹም ኢህአደግ እስከገባ ደርስ በስር ቆዩና በኌላ ተፈቱ:: የሆነው ያ ነው:: ሌላው 1984 ላይ ቡድናችን ከሞሮኮ ቡድን ጋር ለነበረበት ግጥሚያ ወደ ሞሮኮ ቀጥታ በረራ ስላልነበረ በኢጣሊያን በኩል ስንሄድ 6 ተጫዋቾች ጣሊያን ይቀራሉ 10 ተጫዋቾችን ና ወጌሻ የቡድን መሪ ይዘን ወደ ሞሮኮ እንሄዳለን:: ሞሮኮ ስንደርስ ተጫዋቾች የሉንም 10 ተጫዋቾች ብቻ ነው ያሉን ብለን ስንነግራቸው የማይሆን ነው እኛ እናንተ ትጫወታላችሁ ብለን የመቶ ሺ ዳላር ትኬት ሸጠናል አንጫወትም ካላችሁ መንግስታችሁ መቶ ሺ ዶላር መክፈል አለበት ይሉናል :: በዛን ጊዜ ፍዴሬሽን መቶ ሺ ዶላር ሊከፍል ቀርቶ ተጫዋች ጠፍቶብናልና ማሟያ ላኩልን ብለን ስንጠይቅ ፍዴሬሽኑ ለዚህ የያዘው በጀት የለም ባለው ተጫወቱ የሚል መልስ ነው የሰጡን:: ቡድናችንም እኔም በዚህ አጣብቂን ውስጥ በመግባታችን እኔ ሄጄ አሰልጣኝ ነኝ ግን መጫወት እፍልጋለሁ ብቃትም አለኝ አልኴቸው:: አሰልጣኝ ራሱ ተጫዋች ሲሆን ታይቶ አያውቅም:: ግን ምንም አማራጭ የለንም:: የፊፋው ተወካይ ኢትዮጵያዊ እስከሆነ ደረስና የሌላ አገር ዜግነት እስከሌለው ድረስ መጫወት ይችላል አለ :: ገብቼ ተጫወትኩ ባናሸንፍም አገራችንን ግን የመቶ ሺ ዶላር ባለ እዳ ከመሆን አድኘኛታለሁ:: "" ይቀጥላል::
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ክቡራን » Sun Jun 12, 2011 5:28 pm

ትናንት ምሽት እኔና ሁለት ጔደኞቼ ክካሳሁን ጋር አብረን ጽዋ አነሳን:: እራት እየበላን ያህያ አደም የሚጫወተው ሙዚቃ እንዳንደማመጥ ቢያደርገንም ጥሩ ምሽት ግን አብረን አሳለፍን:: ካሳሁን ጨዋና ትሁት ሰው ነው:: መቼም ስፖርተኛ ሁሌም እስፖርተኛ ነው:: የእድሜ መግፋት ትከለ ሰውነቱን አልነካውም:: ወንዳታ ካሳሁን:: በሁለታችን መካከል የእድሜ መበላለጥ ቢኖርም በሰውነት አቌም እኩያሞች እንመስላለን:: ዜንጠኛ ኮፍያ አድርጎም ስለነበር ነው መሰለኝ አንደኛዋ አስተናጋጅ እያሻገረች ስታነጣጥርበት ተከታትያታለሁ:: :D እራት እየበላን ስንጫወት አንድ ሰው ወደኛ መጣ:: ከካሳሁን ጋር ተቃቅፈው ሰላምታ ከተለዋወጡ በኌላ ና ላስተዋውቅህ ብሎ አስተዋወቀኝ ...ሰለሞን እባላለሁ ሲል ...ሰለሞን ሺፈራው አልኩ ቸኩዬ ሁለቱም ሳቁብኝ...የለም እሱ ሰለሞን ሉቾ ነው አለኝ ካሳሁን:: ኢንተርቪ ማድረግ የምፈልግ ከሆነ በደስታ ማድረግ እንደምችል ነግሮኝ አድሬስ ተለዋወጥናል: ስለ ሰለሞን ሉቾ ማወቅ የምትፈልጉት ነገር ካለ ነገሩኝ:: ሰለሞንን በስም እንጂ ቡዙ አላውቀውምና ::
ካሳሁንና አስራት ባንዴ ጥጥን ለቀው ወደ ጊዮርጊስ እንዴት መጡ ስለሚለው የገደል ጥያቄ እመለሳለሁ::
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Postby ጎራዴው » Sun Jun 12, 2011 9:57 pm

ክቡራን ምስጋናዬ ወደር የለውም:: አየህ ያኔ ከተማ ውስጥ ስለ ካሳሁን ይወራ የነበረው እውነት ነበር ማለት ነው እኔ ግን የሰማሁት ለሚጠፉ ተጫዋቾች አድሬስ ሰጥቶ ሸኝቷቸዋል ሲባል ነበር ግን ከራሱ አሁን እውነቱን ሰማሁኝ::

ሰሎሞን ሉቾ ባልሳሳት ስሙ ሰሎሞን መኮንን መሰለኝ አጠር ያለ የአረብ መልክ ያለው ብልጣብልጥ የብሄራዊ ቡድናችንና የጊዮርጊስ ተጫዋች ሆኖ ከነ ሙሉ ጌታ ከበደ ጋር ተሰልፎ ነበር:: ክቡራን በጀመርከው እጅህ እንግዲህ የእርሻውን ተጫዋች ሰሎሞን አየለን ካገኘሄው ብዙ የምንለው አለና አፋልግልን::
ተባረክ!
Wounds from the knife are healed, but not those from the tongue.

በብረት ስለት የቆሰል ወዲያው ይድናል :: በምላስ ለቆሰለ ግን መዳኛ የለውም
ጎራዴው
ኮትኳች
ኮትኳች
 
Posts: 227
Joined: Fri Dec 31, 2004 4:51 am
Location: united states

Postby ክቡራን » Thu Jun 16, 2011 11:56 pm

ጎራዴው ወንድሜ በድጋሚ ሰላም:: ያልከውን ሰለሞን አየለን አላውቀውም እነ ካሳሁን ኮንታንት ይኖራቸው ይኖራልና እጠይቃለሁ:: በነገራችን ላይ አሁነ በዩናይትድ ኔሽን የኢትዮጵያ አምባሳደር ዶክተር ተቀዳ አለሙ ለኢትዮጵያ ብሄራዊ ቡድን ተሰላፊ ተጫዋች እንደነበር ስንቶች እናውቃለን? ከካሳሁን ጋር ስወያይ ያነሳልኝ ጉዳይ ስለነበር ነው:: ወዳልጨረስናቸው ጉዳዮች እንሂድ:: የካሳሁንና የአስራት ባንድ ጊዜ ጥጥን ለቆ ወደ ሳንጆርጅ የመግባቱ ሚስጥር ከልዑል ዳዊት ጋር ይገናኛል:: ለኡል ዳዊት ማነው ??
ልዑል ዳዊት የልዑል መኮንን ልጅ ነው:: ሉዑሉ የሳንጆርጅ ቡድን ደጋፊና የበላይ ጠባቂም እንደነበረ ካሳሁን ይገልጻል:: ከእለታት አንድ ቀን ሉዑሉ በክብርነቱ ሆኖ ወደ ስታዲዮም ይሄዳል:: ልዑሉ ወደ ስታዲዮም የሄደው ዝም ብሎ ሳይሆን የሚኖርበት ቤት ለስታዲዮም ቅርብ በመሆኑና እሱ የሚደግፈውን ቡድን ሲጫወት ልመልከት ብሎ እንጂ ዝም ብሎ አልነበረም:: ይሁን እንጂ ሉዑል ዳዊት ስታዲዮም ሰደርስ ጨዋታው ያበቃል:: ጨዋታው ቢያበቃም ወደ መልበሻ ክፍል ሲሄድ ከካሳሁን ጋ ይገናኛሉ:: ካሳሁን የጥጥ ተጫዋች መሆኑን የሚያውቀው ሉዑል ዳዊት ገርሞት እዚህ ምን እንደሚሰራ ይጠይቀዋል ( ይቀጥላል) ::
ክቡራን
ዋና አለቃ
ዋና አለቃ
 
Posts: 7709
Joined: Tue Mar 04, 2008 4:24 pm

Next

Return to Warka Sports - ዋርካ ስፖርት

Who is online

Users browsing this forum: No registered users and 2 guests