የአዲስከተማ ሰዎች ካላቹ

Issues and Articles of General Interests including topics related to religion

Postby ዲጎኔ » Fri Feb 05, 2010 6:54 pm

ሰላም ለሁላችን ይሁን
ውድ ቶድ ጌትሽና የተቀራችሁ የዚያች ብሩክ አዲስ ከተማ ፍሬዎች እንዲህ ስሜን በበጎ አንስታችሁ በግል መልክትም ስትፈልጉኝ ምንም ጊዜ ቢጠፋ ለእናንተስል ብቅ ብያለሁ::
በትክክል ያ ትውልድ ከተባለው ታናሹ ሆኜ ወደትግሉ ሳልገባ መጀመሪያ ማህደረስብሀት ልደታ ቀጥሎ በልደታ መካነኢየሱስ ሰንበትትምህርት ቃል እንዳልክድ ቢደግፈኝም
በሁዋላ ላይ ግን በነጎህ ቅስቀሳ በየዋህነት እኒያ አንዳች ጥቅም ሳይሆን የህዝብ አርነት የበለጠባቸውን ጉዋዶች እነ ሀይለገብርኤልን ከባልቻ አባነፍሶ ተከትዬ ነበር::ነገር ግን
የነበረው እንዳልነበር ሆኖ አንጃው መካካዱ ሰፍቶ እነሆ እስከአሁንም የዚያች እናት ሀገራችን እርም ሆኖ በቀጣዩ በነጻው ፕሬስና በአክራሪዎች ዛቻና እንግልት ተሰድጃለሁ::
የጨፌ ሜዳ ግጥሚያችን የYMCAእና ፊትለፊቱ የነበረው ሻሚታ ዛሬ ከየት ይምጣ? የእንዳለ ስጋ ቤት ቁርጥማ ተውኝ! የካምቦዲ ትርምስ የግምጃ ጠጅ ቤት ወግና ጨዋታ አሁን ድረስ ትዝታዬ ናቸው::አንድ ቀን ሀገሬ ስመለስ ጠጁ ቢቀር ብርዝ እየኮመኮምን የምናወጋ ይመጣል::የእኛ ዘመን ጉልቤዎች ሙሉጌታ ቸሩ ተፈራ አለማየሁ ቱርኪ ነበሩ::በእግርኮሱ እያያን ባለፈው ቺካጎ አገኘሁ እነቢረጋ ፍቃዱ ሙለታ ሪኮና ኒኒ ከመብራት ሀይል አይረሱኝም::በሉ አዲስ ከቴዎች በሰላም በደስታ በጤና በአይን ለመተያየት ያብቃን::በሚቀጥለው በእግርኩዋሱ ሳመር ላይ እንተያይ!ይቀጥላል
ዲጎኔ ሞረቴው ከባሻ ጂማ ጠጅ ቤት ማዶ ሚሽን ግቢ
Last edited by ዲጎኔ on Fri Feb 05, 2010 7:12 pm, edited 1 time in total.
ዲጎኔ
ዋና አለቃ
ዋና አለቃ
 
Posts: 4752
Joined: Fri Aug 19, 2005 2:03 am
Location: united states

Postby ዲጎኔ » Fri Feb 05, 2010 7:10 pm

ቀጣይ
ውድ ቶድ ጌትሽና ሌሎች የዚያች ብሩክ አዲስከተማ ወገኖች
ምንም እንኩዋን ኑሮና ስራ ፋታ ባይሰጥም ለእናንተ ለውዶቼ ስል ብቅ ብያለሁ::በትክክል ያ ትውልድ ከሚባለው ታናሽ ሆኜ ወደትግሉ ሳልገባ በማህብረስብሀት ልደታ ማርያምና በልደታ መካነየሱስ በጎ ምክሮች ሰምቼ ነበር
ሆኖም ግን በነጎህ መጽሄትና በእኒያ የህዝብ ፍቅርና አርነት በነካቸው ጉዋዶች ጥሪ ትግሉን ተቀላቀልኩ::ዛሬ ማርክሳዊ ርእዮትን ብክድም በትግሉ አምናለሁ ትልቁን አታጋይ ክርስቶስን ይዣለሁና::ያለፈው እንዳልነበረ ሆኖ መካካዱ አንጃነቱ በዝቶ እስከዛሬ ድረስ የዚያች ምድርቻን እርም ባያባራም እነደሚቃና ተስፋ አደርጋለሁ::እንዳላችሁትም የአዲስ ከተማ ትዝታዬ እጅግ ብዙ ነው::ከጨፌ ሜዳ ግጥሚያ እስከ YMCA ውድድሮች በመዝናኛው ከካምቦዲያ ሰፈር እስከ ተክለሀይማኖት ዳንስ ቤት ያልዘለልንበት አልነበርም! የሞላ ማሩ ሻሚታው የግምጃ ጠጅ ቤት ወግና ጨዋታ ወደፊት በሰላም ሀገር ስንገባ በብርዝ ተክቼ እናወጋዋለን::የኛ ጊዜ ጉልቤዎች እነሙሉጌታ ቸሩ ተፈራ አለማየሁ እነቱርኪ ነበሩ:: በእግር ኩዋሱ ቢረጋ እነፍቃዱ ሙለታ ኒኒና ሪኮ ነበሩ::እያያ ባለፈው ቺካጎ አግኝቼዋለሁ::
በሉስኪ አንድ ቀን ሳመር ላይ እግርኩዋሱ ላይ እንተያይ!
ዲጎኔ ሞረቴው እንዳለ ስጋ ቤት ማዶ ካለው የሳጠራ ቻፕል
ዲጎኔ
ዋና አለቃ
ዋና አለቃ
 
Posts: 4752
Joined: Fri Aug 19, 2005 2:03 am
Location: united states

Postby Getsh » Tue Feb 09, 2010 7:51 pm

ሰላም ዲጎኔ ሰላም ቶድ በሚያብርቀርቅ ብዕሮቻችሁ አዲስ ከተማን ከላይ እስከታች በየመንደሩ እየገባችሁ ስታሳዩን በጣም ስእላዊ ሆኖ ነው የሚታየኝ: ጽሁፎቻችሁን ሳነብ አንዳንዴ እዛው የተባረከና ልዩ የሆነ የፍቅር ከተማ ውስጥ በሀሳቤ ያመላልሰኛል: ለዛሬ ብዙም የምለው አይኖረኝም በአጋጣሚ ቶድ የአየለን ጅቦ ስም ስላነሳ ስለሱ የተባለውንና የሰማሁትን ላካፍላችሁ ብዬ ነው:

ጊዜው አየለ ጅቦ ከዚህ አለም የተለየበት አካባቢ ነው: አየለ በፈረጠመ ሰውነቱና በጥቁረቱ ብቻ አስፈሪ ተክለስውነት ያለው ልጅ ነበር: እናም አንዱን የድርጅት ቀጣሪ አስፈራርቶ ያለውድድር ይቀጠራል ከዛም እዛው ድርጅት ውስጥ በጉልበቱ ተፈርቶና ተከብሮ ሰላማዊ ኑሮውን እዛው የሚሰራበት ክፍለሀገር ውስጥ እየኖረ ሳለ ይታመማል: በህክምናም ሊያድኑት አልቻሉም: ለቅሶ ላይ ይመስለኛል አየለ በሚሰራበት መስርያ ቤት ተቀጥረው ይሰሩ የነበሩ የጥበቃ ሰራተኛ : ልጄ ልጄ አለቃ አይደፍረህም ነበር: ባለስልጣንም አይደፍርህም ወታደርም ቢሆን አይደፍርህም : ሰው ሁሉ አይደፍርህም ነበር ግን ትንሽዋ ትንኝ አንበረከከችህ እያሉ አለቀሱ: መቼም ያገርቤት ለቅሶን ታውቁታላችሁ ብዙውን ልጽፈው አልቻልኩም አንኳር አንኳር ነው ያልኩትን ብቻ ነው የጠቀስኩላችሁ: አይደፈሬውን አየለን ለሞት ያበቃችው ትንሽዋ የወባ ትንኝ ነበረች: በዚህ አጋጣሚ ነፍስ ይማር ብያለው:

ቸር እንሰንብት
Getsh
ጀማሪ ኮትኳች
ጀማሪ ኮትኳች
 
Posts: 64
Joined: Sat Aug 09, 2003 1:14 pm

Postby ቶድ » Tue Feb 16, 2010 1:46 am

ሰላም ለመርካቶ ቤታችን እና ለውድ ሀገራችን ይሁንልን::

ሰላም ሰላም ....... አቦ ጌትሽ .... ስለአየለ ጅቦ የተፃፈው ፉገራ በጣም ነው የተመቸኝ:: ቅቅቅቅቅቅቅቅ
ለነገሩ ትንሽን ነገር መናቅ አይገባንም:: ፈረንጆቹም እንደሚሉት '' ትንሽ ቀዳዳ ትልቁን መርከብ ታሰምጣለች ይላሉ'' !!!!!!!

አቦ ኧረ የመርኬ ልጆች የት ጠፋችሁ!!!!! ይገርማችኌል ያሁኑን አያድርገውና የመርካቶን ድምቀት ሳስበው .......... መሰደዴን ዕለት በዕለት ነው የማማርረው:: በሌሊት የእድር ጠሪው ጡሩንባ ........ በጥባት የወያላው የታክሲ ጥሪ ጩኽት ...... ሜክሲኮ ቄራ ሳሪስ!!!! .... እስቴዲዮም ላንቻ ጎተራ!!! ፒያሳ አራት ኪሎ መገናኛ!!!! መሳለሚያ ኮልፌ አጠና ተራ!!!! ጳውሎስ ዊንጌት አስኮ!!! ጦር ኌይሎች አየር ጤና አለምገና!!! እና የመሳሰሉት ........... ደግሞ በጥኌት የፀሐይ መብራት የእነዛ ውብ ኮረዳ ተማሪዎችና የጎረምሳው ትርምስ!!!! የሎተሪ አዙዋሪው .... የቀረፋ ቅርንፉዱ ...... የአሪቲና የእጣኑ ጠረን ...... የቄጤማው ልምላሜ የአደይ አበባው ፍካት ..... የሙዚቃ ቤቶች የዘፈን ድምቀትና ...... በተለይ በተለይ ደግሞ የህዝቡ ፍቅር .... ኩራት ...... ለጋሽነት .... ሐይማኖተኛነትና እጅግ በጣም የሚያኮራው ሐገር ወዳድነቱን ሳስበው ........ ዛሬ በስደት አለም ያለው ህይወቴ ከባዶ ቀፎነት ባሻገር ምንም የሚሰማኝ ደስታ የለም!!!!!! ከዛ ማንነቱን በቃላት ተፅፎ ከማያልቀው ከታላቁ የኢትዮጵያ ህዝብ አብራክ .... አልፎም ተርፎም ከመርኬ አዲስ ከተማ መንደር መፈጠሬ በራሱ ትልቅ መታደል ነውና ...... በእውነትም በስደት እጅግ በጣም ታላቅ ነው ከሚባል ቦታ ከምዝናና ወይንም የስደትን ትልቁን ስጦታ ከማገኝ ይልቅ (የለውም እንጂ) በሐገሬ አፈር በኩራት ብቀበር ........ እጅግ በጣም ታላቅ ክብር ነው:: እባካችሁ መርኬዎች እንሰባሰብ!!!!!!
ቶድ
ኮትኳች
ኮትኳች
 
Posts: 100
Joined: Fri May 04, 2007 5:33 pm

Postby ወልጋዳው » Tue Feb 16, 2010 10:07 am

ስላም ብለናል መርኪወች እስቲ ሰለ ሀደረ ሰፈረ ቪዲዮ በቶች ምን ትዝታ አላችሁ?????????
ወልጋዳው
መንገደኛ
መንገደኛ
 
Posts: 5
Joined: Tue Feb 16, 2010 8:47 am
Location: chancho

Postby ቶድ » Tue Feb 16, 2010 12:04 pm

ሰላም ወልጋዳው!!!!!

የነምስራቅ ሸረፋን ቪዲዮ ቤት ትዝታ ነው ወይንስ የህንድኛ የሚተረጎምበትን ነው የምትለው?????? እባክህ ትንሽ ዘርዘር አድርገው::
ቶድ
ኮትኳች
ኮትኳች
 
Posts: 100
Joined: Fri May 04, 2007 5:33 pm

Postby ወልጋዳው » Tue Feb 16, 2010 7:41 pm

እጅ ነስተናል ቶዳችን!!!!
እኔ እንኩዋን ለማንሳት የፈለኩት የህንድ ቤቶቹን ነው 18ቀበሌ ያሉትን አቤት ትኬት ቆራጮቹ!! ስው እኮ አያሳልፉም በተለይ ከማልረሳቸው ትኬት ቆራጮች አቦሬ ቹቹሬ እና ጋንፉሬ የሚገረመው ሶስቱመ ወንድማማቾች ናቸው ስማቸው ብቻ ሳይሆን ፊታቸውም ያስፍራ ነበር:: የሂሩት ቪዲዮ ቤት በጣም የታወቀ ነበር አቤት ህንድ ፊልም ተጨፈጨፈ!!!!!!! ቶዳችን የነ ምሰራቅ ቤት በአሁን ስአት ኳስ ነው የሚታየበት::
ወልጋዳው
መንገደኛ
መንገደኛ
 
Posts: 5
Joined: Tue Feb 16, 2010 8:47 am
Location: chancho

Postby ቶድ » Wed Feb 17, 2010 12:57 am

ወልጋዳው wrote:እኔ እንኩዋን ለማንሳት የፈለኩት የህንድ ቤቶቹን ነው 18ቀበሌ ያሉትን አቤት ትኬት ቆራጮቹ!! ስው እኮ አያሳልፉም በተለይ ከማልረሳቸው ትኬት ቆራጮች አቦሬ ቹቹሬ እና ጋንፉሬ የሚገረመው ሶስቱመ ወንድማማቾች ናቸው ስማቸው ብቻ ሳይሆን ፊታቸውም ያስፍራ ነበር:: የሂሩት ቪዲዮ ቤት በጣም የታወቀ ነበር አቤት ህንድ ፊልም ተጨፈጨፈ!!!!!!! ቶዳችን የነ ምሰራቅ ቤት በአሁን ስአት ኳስ ነው የሚታየበት::


ቅቅቅቅቅቅቅቅ አቦ ወልጋዳው በሳቅ ነው የገደልከኝ!!!! የጠቀስካቸውንም ልጆች ባልሳሳት የማውቃቸው መሰለኝ:: በአንድ ወቅት ከጋዝ ተራ ልጆች ጋር በተፈጠረው ፀብ መርካቶ አውድማ መስላ ነበር:: ባይገርምህ እዛ ሰፈር በጣም ብዙ ጓደኞች ነበሩኝ:: ለመጥቀስ ያህል እንኳ ... እነ ሰይድ አጭሩ ... እነ ነቢል ... ኢብራሂም ዲጄው .... ምስራቅ ሸረፋ እና ሌሎቹም በጣም አሪፍና አራዳ ልጆች ነበሩ:: ..... ደግሞ እዛ ሰፈር ..... ኪካዎቹማ ታይተው የማይጠገቡ ነበሩ:: ለመሆኑ ጠልፎ ቤት አሁንም አለ ይሆን???????
ቶድ
ኮትኳች
ኮትኳች
 
Posts: 100
Joined: Fri May 04, 2007 5:33 pm

Postby ወልጋዳው » Wed Feb 17, 2010 4:31 pm

ጠልፎ ቤትን ከጠራህማ ሀይለኘ አድቃቂ ነበርክ ማለት ነው :lol: :lol: :lol: ይገርምሀል በአሁን ሰአት ጫት ተራ አከባቢ አንድም መቃሚያ ቤት የለም በሙሉ ማለት ይቻላል የቨቀጥ ሱቅ ሆነዋል:: ስይድ አጭሩ ሀይለኘ ጫት ነጋዴ ሆኖልሀል ምስራቅም ቢሆን የቪዲዬ ቤታቸው ካሽር ነው አባው የነሱ ቤት ገቢ አዲስ አበባ ስታዲየም አያሰገባውም ደግሞ ኾስ ነው የሚያሳዩት ፊልም ድሮ ቀረ
ወልጋዳው
መንገደኛ
መንገደኛ
 
Posts: 5
Joined: Tue Feb 16, 2010 8:47 am
Location: chancho

Postby ዲጎኔ » Fri Feb 19, 2010 4:03 am

ሰላም ለሁላችን
ውድ ወልጋዳው አንተ ደግሞ ወቅታዊውን ጀባ ስላለከን ተባረክ! ያ ከበርበሬ ተራ በታች ቁልፍ ሰሪዎች አጠገብ የነበረው እራሱ ህንድ የሚመስል ሰውዬ ሻይ ቤት አሁን ምን ደርሶ ይሆን? አዲስ ከተማ ሲኒማ ቤት በሽልንግ የምንገባበት አሁንም አለን?ሀጂስ ተክተው አልፉ? ሲኒማ አድዋ በጉቦ እገባለሁ ብዬ የተሸወድኩት አይረሳኝም አዲስ ከተማ ግን ሀጂ አያስቀምሱም ነበር::ልደት ኬክ ቤት እንዴት ነው? በዚያ ዘመን ጥሩ መተዋወቂያ ስፍራ ነበር;

ወልጋዳው wrote:እጅ ነስተናል ቶዳችን!!!!
እኔ እንኩዋን ለማንሳት የፈለኩት የህንድ ቤቶቹን ነው 18ቀበሌ ያሉትን አቤት ትኬት ቆራጮቹ!! ስው እኮ አያሳልፉም በተለይ ከማልረሳቸው ትኬት ቆራጮች አቦሬ ቹቹሬ እና ጋንፉሬ የሚገረመው ሶስቱመ ወንድማማቾች ናቸው ስማቸው ብቻ ሳይሆን ፊታቸውም ያስፍራ ነበር:: የሂሩት ቪዲዮ ቤት በጣም የታወቀ ነበር አቤት ህንድ ፊልም ተጨፈጨፈ!!!!!!! ቶዳችን የነ ምሰራቅ ቤት በአሁን ስአት ኳስ ነው የሚታየበት::
ዲጎኔ
ዋና አለቃ
ዋና አለቃ
 
Posts: 4752
Joined: Fri Aug 19, 2005 2:03 am
Location: united states

Postby ባለከዘራ » Sun Feb 21, 2010 9:18 pm

ሰላም መርካቶዎች, እኔም ሰፈሬ የደሮው ክፈተኛ 5 ቀበሌ 17, ሰባተኛ አካባቢ ነው ተወልጄ ያደግሁት:: መቼም መርካቶ ብዙ አደቬንቼር የነበረበት ሰፈር ነበር:; አሁን ግን ቢዙ ነገር እየተቀየረ ነው: ሰው ከመበዛቱ ከትርምሱ ተደምሮ ድሮ የነበረውን ለዛውን እያሳጣው ነው:
እረ ቶድ! መርካቶን አብጠርጥረህ ታውቀዋለህ, ጉድ ነው! እኔም በእነዚያ በእሳቶቹ እድሜዬ ላይ መርካቶ ገዛቴ ነበር:: ያለገባሁበት ቦታ የለም ነበር:: ብዙም ሳልቅይ በሱዳን መርካቶ አመለጠኝ::

አሁንማ መርካቶ ተምድረ ገጽ ሊጠፋ ነው እየተባል ነው
ማለት እኔ እዝያ በነብርክ (የዛሬ ስድስት ወር አካባቢ) ኮንዶሚንየም ሊሰራ ነው ተበሎ ተመዝገቡ እየተባለ ነበር:
እውነት ተሆነ... መቼስ ይሁን...

ተላይ ኢሕአፓ ሰትሉ ቢዙ ነገር አስታወሰኝ...መቼም የማያልፍ የለም... እኔ እንኩዋን በዚያ በሚጢጢ እድሜዬ ላይ... የ12 - 13 አመት ሆኜ የ ሚ. ታ. ወ. ማ. ሚስጥራዊ ታዳጊ ወጣቶች ማህበር አባል ሆኘ አገልግያለሁ...ያኔ የነበረንን ወኔ ሳስበው ይገርመኛል:: ቶድ... ሰለሞን ኪሹ...ታወቅውቅለሁ ወይ? ... በሉ ለዛሬ በዚህ ይብቃ::
በኬር ይግጥመን::
nuro kalut telaja yimokal
ባለከዘራ
ጀማሪ ኮትኳች
ጀማሪ ኮትኳች
 
Posts: 82
Joined: Wed Apr 23, 2008 2:13 am

Postby ቶድ » Sat Feb 27, 2010 6:22 am

ውድ ባለከዘራ እንኳን ወደዚህ አምድ
በሰላም መጣህ:: ሰለሞን ኪሹን ታውቀዋለህ ወይ ላልከኝ ጥያቄ ....... አዎ በዝና በጣም አውቀዋለሁ ..... ነገር ግን አንተ በመጠኑም ቢሆን ትንሽ ስትዘረዝር እኔ ደግሞ የማውቀውን እጨምርበታለሁ:: ዳሩ የ17 ቀበሌ ትዝታ በጣም ብዙ ነው:: ከእነ ስለሺ ባሪያው ጀምሮ ..... አብዱ ኪያር ዘፋኙ (መርካቶ ሰፈሬ) .... አሊ ካራቲስቱ .... ሰይድና ቡጥዬ (ኳስ ተጫዋቾቹ) ..... የመነንና ትንሳዔ ግሮሰሪ ትዝታ .... የነሙሉጌታ ወጨፎ ግሩፕ እነ መኮንን ፍጹም ቹቹ ባሪያው እና ባጠቃላይ 17 ቀበሌ ከተወሰኑት የመርካቶ አንዱ ፈርጥ መሆኑ ብዙ እንዲባልለት የሚጋብዝ መሆኑን አትጠራጠር:: አንተ እንዳልከው የ17 ቀበሌ ልጅ ከሆንክ በብዙ ትዝታዎች ትጀምርልን ነበር እንጂ በጥያቄ አትነሳም ነበር:: ለማንኛውም እስኪ እባክህ ስለ ሰለሞን ኪሹም ሆነ ስለ 17 ቀበሌ ሰፋ ባለ ሁኔታ ዘርዘር አድርገህ አውጋን ......

ወንድም ዲጎኔ ስለ አዲስ ከተማ ፊልም ቤት ስለ ሀጂና የሽልንግ ትዝታህ እንዲሁ በቀላሉ መቆም የለበትም ...... እጅግ በጣም አስቂኝ እና አዝናኝ አርስት በመሆኑ እባክህ ዘርዘር አድርግና ተመለስበት አደራ!!!!!!!!!!!!!

ሰላም ለመርካቶና ለውድ ኢትዮጵያ ሐገራችን!!!!!!!!!
ቶድ
ኮትኳች
ኮትኳች
 
Posts: 100
Joined: Fri May 04, 2007 5:33 pm

Postby ቶድ » Mon Mar 01, 2010 10:34 am

አቦ መርኬዎች !!!!!!!!!!!! ደግሞ ተነሳብን እንዴ????? ብቅ ብቅ በሉ እንጂ!!!! ለመሆኑ የዋርካው ''ዋናው'' እኔ ሳልሰማ ለሌላ ሰፈር ተሸጧል እንዴ????? ወደዝች ሰፈር ብቅ ካለ ሰንበትበት ብሏል!!!!!! በሰላም ይሆን ይሆን?????

ውድ ባለከዘራው ወዴት ወዴት ጎበዝ????

ወንድም ዲጎኔ እባክህ የሀጂንና የሽልንጓን ትዝታ ሰፋ ሰፋ አድርገህ አጫውተን!!!!
ቶድ
ኮትኳች
ኮትኳች
 
Posts: 100
Joined: Fri May 04, 2007 5:33 pm

Postby ዲጎኔ » Mon Mar 01, 2010 4:34 pm

ሰላም ለአዲስ ከቴዎችና ታዳሚዎቻቸው ሁሉ ይሁን
ውድ ቶድ ኑሮ በአሜሪካ ሲባል ድሮ በጋዜጣ በሬዲዮ ከተገነዘብነው በላይ ፋታ የማይሰጥ ስለሆነ ዋርካን ብዙ መቃኘት እያዳገተ ነው::ለውዲቷ ሰፈሬ አዲስ ከቴ ልጆች ግን ወደሁዋላ አልልም!
ሲኒማ /ሙቪ በቁልምጫ የምንለው የጀመርኩት የስድስተኛ ክፍል ሚንስትሪ በተፈተንኩ ማግስት ነበር::የመጀመሪያው ሲኒማ ቤቴ ሲኒማ ራስ ሲሆን በሰልፉ መጨናነቅ መሀል ገብቼ ተቸጨፍልቄ ነበር::የሲኒማ መግቢያውን የምናገኘው አንዳንዶቻችን ድሮ መዳብ ለሚገዙ እያጠራቀምን በኪሎ ብረት ተራ ወስደን በመሸጥ ነበር::እኔም በልጅነቴ አያቴ ጠበቃ ስለነበሩ ስራ ሳግዝ ድጎማ በሚሰጡኝና ቡሄ ጨፍረን ከምናገኘው ወይም አበባ ወረቀት በመሸጥ ነበር:ያኔ አዲስ ከተማ ሲኒማ ቤት በሽልንግ የሚገባበት ሲሆን እንደሌሎቹ ሲኒማቤቶች በጉቦ እንዳገባ ሀጂ በትር ይዘው አያነቃንቁም ነበር::መቸስ ዛሬ በህይወት አሉ ለማለት ያዳግተኛል ያኔም በእድሜ የገፉ ነበርና::ስኒማ አዲስ ከተማ ከሲኒማ አምፒር ጋር ሽርክና ስላላቸው አምፒር የታየ ፊልም ሲቀየር አዲስ ከተማ ይመጣልናል::አምፒር በሁለት ብር ከማየት አዲስ ከቴ ጠብቀን በሽልንግ እናይ ነበር::በጉቦ ፊልም መግባት ዋጋው ርካሽ አንዳንዴ ከሽልንግ በታች ፊልሙ ከተጀመረና ሰው ብዙ ከሌለ ነበር::በጉቦ መግባት እርም ያልኩት የሲኒማ አድዋ በረኛ በውሸት ሽልንጌን ተቀብሎ በሲኒማ አድዋ ዙርያ አንከራቶ ከሸወደኝ በሁዋላ ነበር::በጣም ክምወዳቸው ሙቪዎች የህንድ ሀቲ ሜሪ ሳቲ/ዝሆን ጉዋደኛየ ወክትና ማዘር ኢንዲያ ሲሆኑ ከአሜሪካ ፊልሞች በርትላንካስተርና ጆንዌይን የመሳሰሉት ከጣልያን አቺሌና የማፊያ ሙቪዎች ነበሩ:: አዲስ ከተማ ሲኒማ ቤት ከሀገር ቤት ሳልወጣ በዙርያው ብዙ ቡቲኮች ተከፍተው ነበር አሁን ይኑር አይኑር አላቅም ለእኛ ግን በዚያ ዘመን የሲኒማ እውቀት እንዲኖረን ረድቶናል::በጣም ደስ የሚለን ደግሞ ሙቪውን መተረክን ጨፌ ሜዳ እንደሙቪ አክት እያደረግን የምንሰራው ድራማ ነበር::በዚያ ትውልድ እልቂት ተጨናገፈ እንጂ ሻውል ደማ ትምህርት ቤት የቲያትር ልምምድ እያደረግን ኪነጥበቡን አስተዋውቀን ነበር:: በልጅነት ልምዳችን መሰረት ዛሬ በሚድያ የሚሰሩ እነሚናስ ገብረመስቀል ትምህርት በሬዲዮ የዚያው አዲስ ከቴ ልጅ ነበር::ሌላው የአዲስ ከቴ ልጅ ሚናስ ተክሌ ደግሞ እንግሊዝ ሀገር ያለ በቅርቡ በጀርመን ድምጽ ሬዲዮ በክራር ሙዝቃ በሲዲ እንዳቀናበረ ኢንተርቪ ሰጥቷል::ሁዋላ ፊልም ድርጅት ሲዋቀር የላጋሮቹ ፎቶሊቴና እነአብዱራማን ሰንጋተራ የነበረ ፎቶ ቤታቸው በቴክኖሎጂ ለማሳደግ ሲጣጥሩ ነበር::መጣጥፍ በማቀናበር የሚተባበሩን የጌጃ ቃለህይወት ደረጀ አበባና በሲኒማ ጥበብ የተካኑ እነታምር አበራ ኤልሳቤጥ መላኩ የጀመሩት ፕሮጀክት ቢኖርም ዛሬ በህትመት ችግር መጽሄቱ ቆሟል::ተስፋ የተጣለበት የሲኒማ ራስ ቲያትር ከያኒና አቀናባሪ ይግረም ረታ ከስራው ተፈናቅሎ እንደሚንከራተት ከሀገር ቤት በቅርቡ የመጣ ሰው ያጫወተኝ ሲሆን የፊልሙን ስራ ሌላው ከያኒ በመንጠቆ ስራ የማደንቀው ጥላሁን ጉግሳ እደጀመረ ሰምቻለሁ ይሳካለት ዘንድ ጸሎቴና ምኞቴ ነው::በህይወት ዙርያ ኢትዮጵያዊ ፊልም ጥሩ ጅምር ትእግስት አዘጋጅውን በመብት ክፍያ በመክሰሷ አሳዛኝ ነገር ተፈጥሯል::በሀገራችን ኪነጥበብ እንዳያድግ ይህን መሰሉ ችግር መወገድ ለሰራተኛ ተገቢ ድካሙ ሊከፈል ሲገባ በከንቱ መወነጃጀል ግን ሙያውን ሀገርንም ይጎዳል::
በተረፈ ያቺ አዲስ ከትማ ይህን ሁሉ ለመዘገብ ባለንበት ስቴትም ማህበራዊ የኮሚኒቲ ተሳትፎ ለአበሻውና ለሌሎቹም እንድናደረግ መነሻ የሆነችን ዘወተር ስትታሰብ ትኖራለች::
ዲጎኔ ሞረቴው ከሲኒማ ራስ ሀይሉ ትይዩ ሲኒማ አዲስ ከተማ
ዲጎኔ
ዋና አለቃ
ዋና አለቃ
 
Posts: 4752
Joined: Fri Aug 19, 2005 2:03 am
Location: united states

Postby Getsh » Tue Mar 02, 2010 3:51 am

ሠላም አዲስ ከቴዎች

ቶድ እስኪደንቀኝ ድረስ ያዲስ ከተማን አፍና ቂጥ ስለምታውቀው እኔ በራሴ እያፈርኩኝ ነው: እዛ ሰፈር ውስጥ ተወልጄ ማደጌም ጥያቄ እየሆነብኝ ነው: የዲጎኔ ደግሞ ለየት ያለ ነው: ያልነካካው ሰፈርና ያልደረሰበት ቦታ የሚኖር አይመስለኝም: ከንቲባውም የሱን ያህል አያውቃትም: ባለ ከዘራና ወልጋዳውም በጥሩ ሁኔታ ዶሮ ተራን አስቃኝተውናል: እዚህ ላይ ሙሉጌታ ወጨፎ ስትሉ ሌላ ትዝታ ውስጥ ከተታችሁኝና ለናተም ላውጋችሁ:: ልጅ ሆኜ ለቤተሰብ ጋዝ ግዛ ተብዬ ወደ ሰባተኛ ሞቢል ይሁን አጂፕ ከጉዋደኛዬ ጋር እየሄድን እያለ GS ሙዚቃ ቤት በታች ካለው ቅያስ ላይ ስንደርስ ይሄው ጉደኛ ልጅ ያለምንም ምክንያት በርግጫና በኩሩኩም ያጣደፈን ጀምረ ቀዳዳ ሳገኝ እግሬ አውጭኝ አልኩኝ :ወደ ቅያሱ ስሮጥ: ውስጥ ለውስጥ አባሮ ያዘኝና ያለህን አውጣ ሲለኝ ምንም የለኝም አልኩት ያው ምንም ገንዘብ እንደሌለኝ እርግጠኛ ስለነበርኩኝ : ፈትሾኝ መናጢ ታድያ ምን ያስሮጥሀል ብሎኝ በማሳረጊያ ኩሩኩም ሸኘኝ: ኪሴ ውስጥ ለጋዝ መግዣ የተሰጠኝን ብር ያስታወስኩት አጂፕ ስደርስ ነበር: ለካስ ሙሉጌታ ያችን አግኝቶ ነው ሳያስፎግር በኩርኩምና በስድብ ያሰናበተኝ:: ታድያ ካደኩኝ በኋላ የማያረጀው ጉደኛ ሙሉጌታ ወጨፎን ብሌን ሆቴል ውስጥ አገኘሁትና ልጅ ሆኜ ያደረገኝን ለጉዋደኞቼ ስነግራቸው እነሱም ጠሩና ነገሩት : አፈ ጮሌው ሙሌም ጋዝ 85 ሳንቲም በነበረብት ጊዜ የሆነውን አሁን መክፈል አልችልም ብሎን አረፈ::

ቶድ የአየለ ጅቦ ታሪክ ጆክ አይደለም እውነት የሆነውን ነው ያወጋውህ:

በተረፈ ቸረ ይግጠመን
Getsh
Getsh
ጀማሪ ኮትኳች
ጀማሪ ኮትኳች
 
Posts: 64
Joined: Sat Aug 09, 2003 1:14 pm

PreviousNext

Return to Warka General

Who is online

Users browsing this forum: No registered users and 4 guests