መጽሀፍ ቅዱስን እንመርምረው !!

[መርፊው]

[ጎነጠ]

[መርፊው]

[ነጻዋ]

ሰላም መርፌው
ጥያቄዎችህ ሞራላዊ እረፍት ለማግኘት የከመፈለግ መነጩ ከሆነ አጋርህ ነኝ:: በጥቅሉ እኔም እንዳንተው አዕምሮዬ አስተውሎት ሕሊናዬ መዝኖት ሊቀበላቸው የማይችላቸው በርካታ ትምህርቶች መጽሐፍ ቅዱስ ውስጥ በብዛት አይቻለሁኝ:: ፍጹም ሞራላዊ ነው ከሚባል ፈጣሪ በደካማው የዘመኑ ሰው ጭንቅላት እንኳን ሲታሰብ የሚዘገንን ትምህርት ሊመነጭ ይችላል ብሎ እንዴት ማሰብ እንደሚቻል በጣም ግራ ይገባኛል:: እንዳልከው አንድ ሰው አካሉ ስለጎደለ አይጠጋኝ የሚል ፈጣሪ....አንድ ፍጥሩ ያለእርሱ ፍቃድና ምርጫ ከጋብቻ ውጪ ስለተወለደ ብቻ አይጠጋኝ የሚል ፈጣሪ....ነጻ ፍቃድ ሰጥቻለሁኝ እያለ ግን እኔን የማያምኑት ይገደሉ የሚል ፈጣሪ (ለዛውም ነፍስ የማያውቁ እና ምርጫ የሌላቸውን ሕጻናትን ጨመሮ)...አይሁድን ብቻ ለይቶ የተቀረውን የሰው ዘር እንደ እቃ ለባርነት እንዲሸጥና እንዲለወጥ የሚፈቅድ ፈጣሪ....አንዱ በሰራው ሀይጢያት ዘር ማንዘር ትውልዱ የእዳ ወራሽ እንዲሆን የሚፈቅድ ፈጣሪ....ሴቶች ምንም ቢያውቁና ቢልቁ.. በአደባባይ ትንፍሽ እንዳይሉ የሚከለክል ፈጣሪ...ወዘተ..ባጭሩ በብልዩም ሆነ በአዲስ ተዘርዝሮ የማያልቅ ማንም በነጻ አዕምሮ ከመዘነው ሞራላዊና ፍትሀዊ ነው ብሎ ሊቀበለው የማይችለው ትምህርቶችን አያለሁኝ::

የሚገርምህ ግን ታዲያ እነዚህን ጥያቄ ስታነሳ ስብዕናህን መንካት, መዝለፍና መስደብ እንጂ ነጥብ በነጥብ የሚመልስልህ በምናባዊዋ ዋርካ አይደለም ከእምነት መሪዎችም ማግኘት ከባድ ነው (የግል ተመክሮዬ እስካሁን ያሳየኝ ይሄንን ነው::)!! የማይሰድቡህ ካገኘህ ትንሽ መንገድ ይሄዱ እና ከዛ ወይ ከጥያቄህ ውጪ አዕምሯቸው ውስጥ ያለውን እንደመፈክር ይደግሙልሀል ወይ አንተ የጠየከውን ሳይመልሱ ሌላ ትክክል ነገር ፈልገው ያመጡልሀል!! ስለጳውሎስ ስትጠይቅ ወንጌልን አንብብ ይሉሀል:: አንዴ የመጻህፍ ቅዱስ ጸሀፊዎች በፈጣሪ መንፈስ ተመርተው የእርሱን ፍቃዳ ነው ያስተማሩት ይሉህና.... የማያፈናፍን ኢሞራላዊ ትምህርት ሲያጋጥማቸው... አይ ይሄ የፈጣሪ ፍቃድ ሳይሆን እነ ሙሴ ለዘመኑ ህዝብ የጻፉት ትዕዛዝ ነው ይሉሀል!! አንዴ የፈጣሪ ፍቃድ ዘላለማዊ እና ሁሌም የማይቀየር ነው ይሉሁና... ከዛ ደግሞ አይ ይሄ ትምህርት በብልዩ ቀርቷል ይሉሀል:: አንዴ ኮንትኬስቱን አልተረዳህም ይሉሁና ምንም በማያወላዳ መልኩ ስታስቀምጥላቸው ደግሞ 'ይሄ የፈጣሪ ፍቃድ ነው..በቃ ሴት ትለጎም..ባሪያም ይገዛ...ቆራጣውም ከጉባዬ ይራቅ" ይሉሀል!..እንደዚህም ቢሆን የምመክርህ አዕምሮህ ሁሌ ሀሳብህን ሊያስቀይር ለሚችል መልስ ክፍት ይሁን ብዬ ነው:: በነጻነት የማሰብ ጸጋ እንዳይለይህ እመኛለሁኝ!

[ears]

ነጻዋ መርፌው ከክርስቲያኖች ጦር ተማዟል የሱ አላማ እንኳን ክርስትናን ለመጎሸም ነው እንጂ ለማወቅ ሲባል በቅንነት የቀረበ ጥያቄ አይደለም ::

እንዳንቺ አልዋጥልህ ያሉኝ የመጽሀፍቅዱስ ጥቅሶች

1. "እኔ ቀናተኛ አምላክ ነኝ" .......ቅናት ለሰውልጅ ሀጢአት ሆኖ እንዴት አምላክ ይቀናል ?

2. ላለው ይሰጠዋል ከሌለው ይወሰድበታል...............እንዴት የድሆች አምላክ ከድሀ ወስዶ ላለው ይሰጣል ?


እነዚህ ሁለቱ አልዋጥ ብለውኛል

[ጎነጠ]

ለመርፌው ,ነፃውears ያላመነ ያልተጠመቀ አይድንም የሚለውንስ አይታችሁት ይሆን
" ይህንን በመጀመሪያ እወቁ በመጽሀፍ ያለው ትንቢት ሁሉ በገዛ እራሱ ሊተረጉም አልተፈቀደም ትንቢት ከቶ ከሰው ፈቃድ አልመጣምና ዳሩ ግን ዳሩ ቅዱሳን ሰወች ከእግዚአብሄር ተልከው በመንፈስ ቅዱስ ተቃኝተው ተናገሩ "
ይላል ታዲያ ታዲያ እናንተ እንዲህ የሚል አምላክ እንዲህ አይነት አምላክ እያላችሁ. የምትተረጉሙት በየትኛው መንፈስ ተመርታችሁ ይህን ትርጉም ልትሰጡ ቻላችሁ
ነገሩ የትርጉማችሁ ትርጉም ይመሰክራል ከቀድሞው አባታችሁ ከዲብሎስ መሆኑን
[/img]

[ነጻዋ]

[መርፊው]

[መርፊው]

ኢየሱስ ከሰራቸው ሀጥያቶች ውስጥ ነጥረው የወጡትን እንመለከታለን(ለዚህ ፅሁፍ ሁለቱን ብቻ ለማየት እንገደዳለን)!

1. ስድብ
<<ስድብ? ይህ ነው ታድያ ትልቁ ወንጀል?›› የሚል ጥያቄ መነሳቱ አይቀርም፤ አግባብም ነው፡፡ አዎን! በመጽሃፍ ቅዱስ መሰረት ስድብ እጅግ በጣም ከባድ ከሚባሉት ወንጀሎች ውስጥ ይካተታል!
‹‹ ለቀደሙት አትግደል እንደተባለ ሰምታችኋል፤ የገደለም ሁሉ ፍርድ ይገባዋል፡፡ እኔ ግን እላችኋለሁ፤ በወንድሙ ላይ የሚቆጣ ሁሉ ፍርድ ይገባዋል፤ ወንድሙንም ጨርቅ ለባሽ የሚለው ሁሉ የሸንጎ ፍርድ ይገባዋል፤ ደንቆሮ የሚለውም ሁሉ የገሃነም እሳት ፍርድ ይገባዋል…››(ማቴ 5፤21-23)

ሆኖም ኢየሱስ በማቴዎስ ወንጌል ብቻ በደርዘን ለሚቆጠሩ ግዜያት ይህንን ህግ በጠራራ ፀሀይ መተላለፉ ተዘግቧል፡፡ ለአብነት ያክል የተወሰኑት እንመልከት፡፡

ሀ. ትውልዱን በሙሉ(እሱና ብጽእቱን እናቱን ጨምሮ) በመዝለፍ
‹‹ ክፉና አመንዝራ ትውልድ..›› (ማቴ 12፤38…)
‹‹ እናንተ የማታምን ጠማማ ትውልድ..›› (ሉቃ 9፤41)
ለ. ጻፎችንና ፈሪሳውያንን በመነጠል
‹‹እናንተ ግብዞች..›› (ማቴ 23፤13 23፤16 23፤23 23፤25 23፤27 23፤29...)
‹‹እናንተ ደንቆሮዎችና ዕውሮች…›› (ማቴ 23፤17 23፤19)
‹‹ እናንተ እባቦች፤ የእፉኝ ልጆች..›› (ማቴ 23፤33)
ሐ. ግለሰቦችን በመነጠል
‹‹ አንተ እውር ፈሪሳዊ.. ›› (ማቴ 23፤26)
‹‹ ጴጥሮስን፡- ወደ ኋላዬ ሂድ አንተ ሰይጣን፤ የሰውን እንጂ የእግዚአብሄርን አታስብምና እንቅፋት ሆነህብኛል..›› (ማቴ 16፤23)

ከላይ በሰፈሩት ጥቅሶች መሰረት፤ ኢየሱስ ከባድ ወንጀል መፈፀሙን እንረዳለን፤ ያውም ገሀነም ሊያስገባ የሚያስችል፡፡ ታድያ ይህ ድግስ ተደግሶ፤ እንዴት ኢየሱስን ከሃጥያት ነፃ ነው ልንል እንችላለን? መልሱን ለአንባቢያን እተዋለሁ፡፡ ነገር ግን ክርስትያን ወንድሞች ይህንን እንቆቅልሽ (puzzle) ለመፍታት የተለያዩ ማምለጫዎችን ለማቅረብ ሞክረዋል፤ እስኪ አንድ በአንድ እንመልከታቸው፡፡

A. ስድብ የተከለከለው ‹‹ለሃይማኖት ወንድም›› እንጂ ለሌላውማ ምን ችግር አለው፡

የማቴዎስ ወንጌል ላይ ‹‹ ለቀደሙት አትግደል እንደተባለ ሰምታችኋል፤ የገደለም ሁሉ ፍርድ ይገባዋል፡፡ እኔ ግን እላችኋለሁ፤ በወንድሙ ላይ የሚቆጣ ሁሉ ፍርድ ይገባዋል፤ ወንድሙንም ጨርቅ ለባሽ የሚለው ሁሉ የሸንጎ ፍርድ ይገባዋል፤ ደንቆሮ የሚለውም ሁሉ የገሃነም እሳት ፍርድ ይገባዋል…›› የሚለውን ጥቅስ እናያለን፡፡ ኢየሱስ በዚህ ጥቅስ መሰረት መግደልንም፤ መሳደብንም በማያሻማ ቋንቋ ከልክሏል፡፡ የሃይማኖት ወንድምን ብቻ ነው የከለከለው የምንል ከሆነ፤ ሌሎች ፈርጀ ብዙ ህግጋት መናዱ አይቀሬ ነው የሚሆነው፡፡ ‹‹በመጀመርያ ደረጃ አትግደል የተባለው ማንን ነው?›› ለሚለው ጥያቄ መልስ ሊበጅለት የግድ ነው፡፡ ‹‹ለቀደሙት አትግደል›› የተባለው የኦሪት ህግ ማንን ነው የሚመለከተው? ለአማኞት ብቻ ነው ብለን መልስ በመስጠት ለጊዜው ለማምለጥ እንችል ይሆናል፤ ነገር ግን ሌላ መዘዝ ይዞብን ከተፍ ይላል፡፡ ይህ ህግ በአዲስ ኪዳን መቀጠሉን ከላይ በጠቀስነው አንቀፅ ላይ ተመልክተናል፡፡ በመሆኑም እንደ ክርስትና እምነት መሰረት ‹‹አትግደል›› የሚለው ህግ ለአማኞች ብቻ የተገደበ ነው እንድንል ያስገድደናል፡፡ ከዚህም አልፎ ተርፎ በየመንገዱ የምታገኘውን የሌላ እምነት ተከታይ መስደብም ይፈቀዳል እንደማለት ነው፡፡

ስለዚህ ለክርስትያን ወንድሞቻችን ሁለት ምርጫ ቀርቧል ማለት ነው፡፡ አንደኛው፤ አማኝ ያልሆነን መግደልም ሆነ መስደብ ይቻላል፤ በመሆኑም ኢየሱስ በመሳደቡ ወንጀል አልሰራም፡፡ ሁለተኛው ደግሞ የሌላ እምነት ተከታይን መግደልም ሆነ መስደብ አይፈቀድም፤ ነገር ግን ኢየሱስ ይህንን ህግ ጥሷል፡፡ ምርጫውን እንተውላቸዋለን፡፡ ደግሞም ለሃይማኖት ወንድም ነው ለማለት በቂ መረጃ ማቅረብ ግዴታ ነው፡፡ ሌላውም ወሳኝ ነጥብ ኢየሱስ ሁሉንም ሰው መስደቡን ማሰተዋል ልብ ይሏል፤ትውልዱን በሙሉ፣ አማኙንም ኢ-አማኙንም፡፡ (ማቴ 12፤38…) (ማቴ 16፤23)

B. ኢየሱስ እየተሳደበ ሳይሆን፤ እነርሱ የሆኑትን ነው እየነገራቸው ያለው፡፡ ያልሆኑትን ነገር ፈጥሮ አልተናገረም፡፡

ይሄ ብዙ የማያራምድ ምላሽ ነው፡፡በዋናነት መመለስ ያለብን ጥያቄ ‹‹ስድብ ምን ማለት ነው›› የሚለውን ይሆናል፡፡ ለምሳሌ ያክል አንድ መላጣን ‹‹አንተ መላጣ(ቢሊጮ)›› ብንለው ስድብ አይደለምን? ብዙ የማይገባውንም ሰው ‹‹አንተ ደንቆሮ›› ብንለውስ? ይህ ስድብ ካልሆነ የስድብ ትርጉም ተለወጠ ቢሉን ይቀላቸዋል፡፡ ሌላው ደግሞ ‹‹እናንተ ግብዞች፤ እባቦች›› እያለ ኢየሱስ ሲዘልፋቸው፤ መቼም እንስሳውን እባብ እንዳልሆነ ማስተዋል ይቻላል፡፡ ባህሪያችሁ ከእባብ ይመሳሰላል፤ መርዘኞች ናችሁ እንደማለቱ ነው፡፡ ታድያ ይሄን ስድብ እንበለው ምክር?

ሌላው ነጥብ ኢየሱስ ጴጥሮስን የተናገረው ንግግር ነው፡፡‹‹ ..ወደ ኋላዬ ሂድ አንተ ሰይጣን፤ የሰውን እንጂ የእግዚአብሄርን አታስብምና እንቅፋት ሆነህብኛል..››(ማቴ 16፤23) ሰይጣን??? ታላቁን ደቀመዝሙር ሰይጣን እያለው መቼም ይህንንም እንደማናስተባብለው ምኞቴ ነው፡፡ ነገር ግን ምኞቴ ምኞት ሆኖ ቀረና ማስተባበሉን ተያይዘውታል፡፡ ‹‹ኢየሱስ እኮ ጴጥሮስን ሳይሆን እንዲህ ያለው በውስጡ መጥፎ የሚያናግረውን ሰይጣንን ነው..›› ጉድ በሉ!!! መጥፎ ሲሰራ ያየነውን ሰው በሙሉ ‹‹አንተ ሰይጣን›› እያልን መዝለፍ ይቻላል እያሉን ነው፡፡ ከዛም ‹‹ለምን ተሳደባችሁ›› ብንባል ውስጡ ያለውን ሰይጣን እንጂ ሰውዬውን አይደለም ማለት ያቻላልም እያሉን ነው፡፡ ‹‹ጉድ ሳይሰማ…!›› እኔን መውጫ ይጥፋኝ እንጂ ሌላ ምን እንላለን!!

C. ይሳደባ፤ መብቱ ነው፡፡ እሱ ከህግ በላይ ነው፤ እርሱን በህግ መነፅር አንዳኘውም!

ስለ ሃቅ ከተነጋገርን፤ ይህ መልስ ከሁሉም የተሻለ እና ቅንነት የተላበሰ (honest) ምላሽ ነው! ሊጨበጨብላቸው ይገባል! ብራቮ! ይሄ ሁላ ከሚያሽከረክሩን መጀመርያውኑ እንዲህ ቢሉን የተሻለ ነበር፤ ስራችንንም ያቀልልን ነበር፡፡ መልሳቸው ‹‹ኢየሱስ ሃጢያተኛ ቢሆንም እንኳን፤ ከህግ በላይ በመሆኑ እንደ ስህተት አይቆጠርበትም›› የሚል መልዕክት ያዘለ ነው፡፡ እኛም ጥያቄ እናቅርብ፡፡ ታድያ ኢየሱስ ሃጢያት ያልነካው ነው ስትሉን ምን ማለታችሁ ነው? አግባብ የሆነስ ድንፋታ ነውን? በአንድ በኩል ነው፤ በሌላ በኩል አይደለም እያሉ መሄድስ ይቻላልን? በፍፁም! ስለሆነም ኢየሱስ ከሃጢያት ንፁህ ነው የሚለው ቀረርቶ ወንዝ ስለማያሻግር ሊቆም ይገባዋል ብለን እንመክራለን!

አንዳንዶችም ኢየሱስን ንፁህ ለማለት የጲላጦስን ‹‹ከሀጢያት አንድ እንኳን አላየሁበትም›› የሚለውን የምስክርነት ቃል በመውሰድ እንደመረጃነት ሲጠቀሙበት ይታያል፡፡ የምስክር ሰጪውን ማንነት ፤ የተናገረበትን ሙሉ አውድ እንዲሁም ሌሎች መረጃዎችን በማቅረብ ዕራቆቱን ማስቀረት ይቻላል! እንዲሁም ከላይ የዘረዘርኳቸው ማብራርያዎች ላይ ተመርኩዘን ብንመለከተው፤ ግጭት ፈጥሯል ማለትንም ያስይዛል፡፡ ‹‹ሃጢያት›› የሚለው አገባብ ከሌሎች መፅሃፍ ቅዱሳዊ አስተምህሮቶች አንጻርም የሚገመገም ይሆናል!

[መርፊው]

የሴቶች መብት በክርስትና



……አንዳንዶች የሴትና የወንድን እኩልነት ለላመቀበል ‹‹ሴት›› የሚለው ስያሜ በራሱ የድክመት ምልክት አድርገው ይወስዱታል፡፡ ድክመትና ፍርሃት ያለበትን ሰው ይህን የድክመት ምልክት ለመግለጽ ወንድ ቢሆን እንኳ ‹‹ሴት›› በማለት ሲገልጹ ይስታዋላል፡፡ መጽሐፍ ‹‹ቅዱስን›› ስንመለከት ይህኑኑ የሚደግፍ ይመስላል፡፡ በሚገባ ይደግፋል እንጂ! ይህንን ስል ከኪሴ አምጥቼ እንዳይመስላችሁ እራሱ መጽሐፍ ‹‹ቅዱስ›› በተለያዩ ምዕራፎች የተለያዩ ወገኖችን ድክመትና ፍርሃት በሴት መስሏቸዋል ለአብነት እነሆ፡-
‹‹በዚያ ቀን ግብጻውያን ‹‹እንደ ሴት ይሆናሉ›› የሰራዊት ጌታ እግዚአብሔር በእነርሱ ላይ ነሳው ክንዱ የተነሳ በፍርሃት ይንቀጠቀጣሉ፡፡››(ትንቢተ ኢሳያስ 19፡16)

በሌላ ቦታ ላይም እንዲህ የሚል እናነባለን፡-
‹‹ሰይፍ በፈረሰኞቹና በሰረገሎች ላይ በመካከሏ ባሉት ባዕዳን ወታደሮች ላይ መጣ ! ‹‹እነርሱም እንደሴቶች ይሆና›› ሰይፍ በሀብት በንብረት ላይ መጣ! ለለዝርፊያም ይሆናሉ፡፡››(ትንቢተ ኤርሚያስ 500፡37)

‹‹እነሆ ጭፍሮችሽ ‹‹ሁሉም ሴቶች›› ናቸው! የምድርህ በሮች ለጠላቶችህ ወለል ብለው ተከፍተዋል፤ መዝጊያዎቻቸውንም እሳት በልቶአቸዋል፡፡››(ትንቢተ ናሆም 3፡13)

‹‹የባቢሎን ጦረኞች መዋጋ ትተዋል፤ በምሽጋቸው ውስጥ ተቀምጠዋል፤ ኋይሎቻቸው ተሟጧል፤ ‹‹እንደ ሴት ሆነዋል››፡፡›› ( ትንቢተ ኤርሚያስ 51፡30)
የክርስታን ጸሐፊው መምህር ኪዳነ ማርያም ‹‹ሴት የሚለው የድክመት ምልክት ነውን?›› ለሚለው ንዑስ ክፍል እንዲህ ሲሉ የጻፉት ይገኝበታል፡- ‹‹አዎ የድክመት ምልክት ነው፡፡ ወንድና ሴት በተፈጥሮ እኩል ይሁኑ እንጂ በኃይልና በጉልበት እኩል አይደሉም ወንድ ከሴት ይበልጣል፡፡››(መምህር ኪዳነማርያም ጌታሁን ወርቁ ቢጠፋ ሚዛኑ ጠፋ ፤ ገጽ 67)

[መርፊው]

የጠቢቡ ሰሎሞን ልቅ ጋብቻ!በመጽሀፍ ቅዱስ

መፅሃፍ ቅዱስ ከአንድ በላይ ስለማግባት(polygamous marriage) ምን አይነት ምልከታ እንዳለው እንመልከት፡፡ ርዕሱ ሰፊ ከመሆኑ አንፃር ለዛሬ ጠቢቡ ሰሎሞን እጅግ በርካታ ሚስቶች እንደነበሩት፤ እግዚአብሄርም ይህንን እንደተቀበለው በመጨረሻም እግዚአብሄር ሰሎሞንን ያወገዘው ከአንድ በላይ በማግባቱ ነው ወይስ የአህዛብ ሴቶችን ማግባቱ? ለሚለው ጥያቄ መረጃ ላይ በመመርኮዝ መልስ ይሰጥበታል(ኢንሻአላህ)፤ መልካም ንባብ ይሁንልዎ!
መፅሃፍ ቅዱስ ስለ ሰሎሞን ሚሰቶች ብዛት ሲገልፅ፡-
‹‹ለእርሱም ወይዛዘር የሆኑ ሰባት መቶ ሚሰቶች፤ ሶስት መቶም ቁባቶች ነበሩት…›› (2)
ይህን ጋብቻ ጊነስ ቡክ ኦፍ ሪከርድስ መመዝገብ አለበት እንደማትሉኝ ነው፡፡ ጠቢብ ተብሎ የሚወደሰው ሰሎሞን አንድ ከተማ የሚሞሉ ሴቶችን በሚስትነት እና በዕቁባትነት መያዙን መፅሀፉ ይነግረናል፡፡ ታድያ ክርስትያን ወንድሞች፤ ይህ ታላቅ ሰው ይህንን ያህል ሚሰቶችን ማግባቱ ከተፈቀደለት፤ ታድያ እንዴት ከአንድ በላይ ማግባትን ኢ-አምላካዊ ፍቃድ አድርጋችሁ ልትቆጥሩት ቻላችሁ? ለዚህ ጥያቄ ማምለጫ አንዳንዶች መጪውን ጥቅስ በመረጃነት በማቅረብ ‹‹እግዚአብሄር እኮ ሰሎሞንን ከአንድ በላይ ማግባቱን ተቃውሞታል›› ሊሉን ይወዳሉ፡፡
‹‹ሰሎሞንም በእግዚአብሄር ፊት ክፉን ነገር አደረገ፤ እንደ አባቱም እንደ ዳዊት እግዚአብሄርን በመከተል ፍፁም አልሆነም›› (3)
እኛም ጥያቄ እንጠይቃ! ሰሎሞን በእግዚአብሄር ፊት ያደረገው ክፉ ነገር ምንድነው? ከአንድ በላይ ማግባቱ ወይስ ጣዖታውያን አምላኪ የሆኑ አህዛቦችን ማግባቱ? መፅሀፍ ቅዱሰ ይናገር!
‹‹ ንጉሱም ሰሎሞን ከፈርዖን ልጅ ሌላ፤ በሞዓባውያንና በአሞናውያን በኤዶማውያንም በሲዶናውያንና በኬጢያውያን ሴቶች፤ በብዙ እንግዶች ሴቶች ፍቅር ተነደፈ፡፡ እግዚአብሄር የእስራዔልን ልጆች፤ አምላኮቻቸውን ትከተሉ ዘንድ ልባችሁን በእውነት ያዘነብላሉና ወደ እነርሱ አትግቡ፤ እነርሱም ወደ አንተ አይግቡ ካላቸው ከአህዛብ፤ ከእነዚህ ጋር በፍቅር ተጣበቀ..›› (4)
‹‹ሰሎሞንም ሲሸመግል ሚስቶቹ ሌሎችን አማልክት ይከተል ዘንድ ልቡን አዘነበሉት›› (5)
‹‹በዚያን ግዜ ሰሎሞን ለሞዓብ ርኩሰት ለካሞሽ፣ ለአሞንም ልጆች ርኩሰት ለሞሎክ በኢየሩሳሌም ፊተ ለፊት ባለው ተራራ ላይ መስገጃ ሰራ፡፡ ለአማልክቶቻቸው ዕጣን ለሚያጥኑ፤ መስዋዕትንም ለሚሰዉ ለእንግዶች ሚስቶች ሁሉ እንዲህ አደረገ..፡፡›› (6)
በኦሪት ህግ መሰረት እስራዔላውያን ወደ አህዛብ እንዳይገቡ ታዘው ነበር (ዘዳ 7፡3) ፡፡ ነገር ግን ሰሎሞን አሻፈረኝ አለ፡፡ በዚህም ምክንያት እግዚአብሄር ተቆጣበት፤ የሰራው ስራም ክፉ መሆኑ ታወጀ፡፡ ጥቅሶቹም ያስተላለፉት መልእክት ይህንኑ ነው፡፡ በየትኛውም አቅጣጫ ብንመለከት እነዚህ ጥቅሶች ከአንድ በላይ ማግባቱን መቃወምን አያስይዙም፤ በጭራሽ! እንደውም አህዛቦችን ማግባት ብቻ ነጥሎ በመቃወም ከአንድ በላይ ማግባቱን ሳይቃወም ማለፉ ለመፈቀዱ ሌላ መረጃ ነው፡፡ ሌላው ወሳኝ ነጥብ ዳዊትስ ቢሆንስ መች አንድ ሚስት ብቻ ነበረው?
‹‹ዳዊትም በኬብሮን ከመጣ በኋላ ሌሎቹን ቁባቶቹንን ሚሰቶቹን ከኢየሩሳሌም ወሰደ፣ ለዳዊትም ደግሞ ወንዶችና ሴቶች ልጆች ወለዱለት›› (7)
ዳዊት ‹‹እግዚአብሄርን በመከተል ፍፁም›› (8) ተብሎ የተቆለጳጰሰው ከአንድ በላይ ማግባቱ እየታወቀ መሆኑን ማስተዋል ልብ ይሏል! ዳዊት ተወደሰ፤ ሰሎሞን ተነቀፈ፡፡ ለምን? የኦሪትን ህግ በመጣሱ፤ አራት ነጥብ!
‹‹ (ከአህዛብ ጋር) አትጋባ፤ ሴት ልጅህን ለወንድ ልጁ አትስጥ፤ ሴት ልጁንም ለወንድ ልጅህ አትውሰድ›› (9)
‹‹በመፅሀፍ ቅዱስ አንድ ሺህ ሚሰቶችን ማግባት ተፈቅዷል፤ ታድያ የእናንተ ሃይማኖት ለምን ገደብ አበጀለት›› ብላችሁ እንደማታለቅሱ ተስፋ አደርጋለሁ፡፡

[መርፊው]

[የጃማ ጦስኝ]

መጽሐፍ ቅዱስን መመርመር ደስ ይላል:: እግዚአብሔር ይባርካችሁ:: መልካም ትንሳኤ
ይችንም የእግዚአብሔር ምስጋና በዛው አዳምጡልኝ::


http://youtu.be/WTMZyphw4YM

[መርፊው]

በመጀመሪያዎቹ የክርስትና ሁለት ክፍለ ዘመናት የክርስትና እምነት ተከታይ ነን ባዮች እመነታቸውን ለማፅናት በማሰብ ብቻ መፅሀፍ ይፅፉ ነበር፡፡ በስማቸው መፅሀፉን ቢፅፉት አንድም ሚሰማቸው ስለማያገኙ ሁለትም ከባድ ውግዘት ስለሚገጥማቸው እንዲሁም በታሪክም የሰው መሳቂያ እና መሳለቂያ የመሆን አደገኛ እጣ ስለሚያደርሳቸው መፅሀፉን ፅፈው ሲያበቁ በእየሱስ ደቀ መዝሙር እንደተፃፈ አክለው ይፅፉና ተቀባይነት ይኖረው ዘንድ በየቦታው ያሰራጩ ነበር ፡፡ ይህም የሆነበት ዋና ምክንያት በጊዜው የተለያዩ የእየሱስ ታሪኮች እንዲሁም እየሱስ አስተማራቸው የተባሉ አስተምህሮቶች ብዙሀኑ አንዱ ካንዱ እየተቀበለ በማህበረሰቡ ዘንድ ሲያሽከረክራቸው ስለነበረና እያንዳንዱ የክርስትና አንጃ እምነቱን ተቀባይነት ይኖረው ዘንድ እልህ አስጨራሽ ፉክክር ላይ ስለነበረ ነው፡፡ እናም በጊዜው የነበሩ ሰዎች መፅሀፍ ፍብረካን እንደ አንድ ስራ በመያዝ መፅሀፍ መፈብረክ ስራቸው አድረው ያዙት፡፡ በእየሱስ ደቀ መዝሙር ተፃፈ ሲሉም የእምባሻ ስም በመስጠት በየቦታው ማስተጋባት እንዲሁም ማሰራጨት ጀመሩ፡፡ ይህ " እኔ ከማን አንሼ" በሚል ብሂል የተስፋፋው መፅሀፍ ፍብረካ--- የክርስትና ዋና አስተምሮ---- ላይ ከባድ ተፅኖ አደረሰ፡፡ ማንነታቸው በማይታወቁ ሰዎች የተፈበረኩ ፅሁፎች ከፊሉ ውድቅ ሲደረግ ከፊሉ መለኮታዊ እንደሆነ በጭብጨባ ፀደቀ ፡፡ የሆነ ሆኖ በአዲስ ኪዳን የሚገኙ ብዙ ፅሁፎች የተፈበረኩ መሆናቸውን ከ ከአንዳንድ ኢቫንጄሊስቶች በስተቀር ምሁራን በአንድ ድምፅ ይስማሙበታል፡፡፡ እውነት እውነት እልሀለው ማንነቱ በማይታወቅ ፀሀፊ የተፈበረኩትን ፅሁፎችን ነው እንግዲህ ዛሬ መለኮታዊ ነው ሲል ምታምንበት! ከምሁራን እና እድሚያቸውን እንደኔ ለዚህ መስክ ከሰዉ አንዳንድ ሰዎች በስተቀር ስለዚህ ጉዳይ ብዙሀኑ አያውቅም እንዲያውቅም አይፈለግም፡፡ ግን ለምን? አዎ ለምን ?

[መርፊው]