ጦሳና የግጥም ሥራዎቹ ማሰባሰቢያ አምድ!

Topics related to cultures, arts, languages, arts such as humor, music, traditional literary genres of poems, ግጥም ፣ ቅኔ ፣ ተረትና ምሳሌ)

ጦሳና የግጥም ሥራዎቹ ማሰባሰቢያ አምድ!

Postby ዋኖስ » Wed Dec 21, 2005 3:34 pm

እሳት ወይም አመድ!


በእንባ አልባ እንባ ለቅሶ: እንባ እየወረደው:

አባት በልጁ አምሳል: ስቆ የሚያለቀሰው:

እሳት በመቃጠል: አመድ ሲወልድ ነው::

ዛሬም በኛ ትውልድ: የዚሁ ተምሳሌት: ፍችው በመድረሱ:

አባቶች በልጆች: አረው እየጨሱ:

ለቁሞቹ ቁም ሞት: ሙታኑ አለቅሱ::

በእሳቶቹ ቦታ: ሙጀሌ ተፈጥሮ:

ሰው እየመረዘ: የደም ስር አቋጥሮ:

ከመራመድ ሲያገድ: ያገር እግር አስሮ:

እንደአመድ መዳፈን ምንድነው? ዘንደሮ::

ጤንነትን ሲያውክ: ተውሳክ ከሰው ሰርጎ:

ሙጄሌን ለመንቀል: ወደዚያ መጅርጎ:

ፊትም የሚሰራው: መዳኒት ወረንጦ:

በሳት ነበልባል ነው: ብረት ውስጡ ቀልጦ::

ስለዚህም አሁን: አንት የዛሬ ትውልድ:

ሞት በሞት አሙቶ: እራስን ለመውለድ:

አለዚያም ቁም ሞቶ: በራስ ሞት ለመፍረድ:

ጊዜ አቅርቦልሀል: የመሆን ጥያቄን እሳት ወይም አመድ::

ጠንቀኛው ሙጄሌ: እንዲህ ሲዘባነን:

ባገር-ግር ላይ ገኖ!

ፍሙ የወረስከው:

በውስጥህ ተዳፍኖ:

ተቃጥሎ ማቃጠል: መቻል ሳይቻለው:

እልብህ ላይ መክኖ!

በነበር ከቀረ እሳት አመድ ሆኖ!

አባትህ ባካልህ አምሳል ተደብቆ:

እንባ አልባ እንባ ያፍስ: እጅግ ተንሰቅስቆ::

ወይንም ሙጄሌ: ካገር እግር መንቅያ:

የወረንጦ መስሪያ:

ብረት ለማዋሀድ:

እሳት ሆነህ ነደህ

እንደሳት በማንደድ:

አቃጥለህ ተቃጥለህ: አንተ ስታበራ:

መንፈሱ በሳቤህ: ሰርፆ ነፍስ ሲዘራ:

ያዳፈንከው ፍሙ: ተገልጦ ገድል ይስራ

ቃሉ ሞቶ እንዳይቀር: አለብህ አደራ::

ሞት በሞት አሙቶ: እራስን ለመውለድ:

አለዚያም ቁም ሞቶ: በራስ ሞት ለመፍረድ:

የዘመኑ ምርጫ: የመሆን ጥያቄ: እሳት ወይም አመድ::
Last edited by ዋኖስ on Wed Dec 21, 2005 3:43 pm, edited 1 time in total.
ዋኖስ
ዋና ውሃ አጠጪ
ዋና ውሃ አጠጪ
 
Posts: 1552
Joined: Tue Nov 16, 2004 2:39 pm
Location: Mars

በሞት ሞትን ማፍራት!

Postby ዋኖስ » Wed Dec 21, 2005 3:38 pm

የእንጨት ነገር: የንጨት ስራ:

በሞት ሞትን የሚያፈራ

ከሳት ገብቶ:

ሞቆ ግሎ!

ነዶ ጦፎ:ተቀጣጥሎ!

አመድ መሆን: ሌላው ሊሞቅ!

ይገርመኛል!! እንጨት ሲስቅ!

ፈሳሽ ወዙ እያረገ

መንበልበሉ: መንቦግቦጉ እያደገ

በሱ መንደድ: ሌላ አሙቆ

ውስጡ ሲያለቅስ! ላዩ ስቆ

በል ተው ቻለው

መጠቃቱን: ሁሉን ችሎ

በሳት ነዶ

ተንበልብሎ

የብርዱንም: የራሱንም ነፍስ ቀጥፎ

ህይወት ገድሎ

የሌላውን: የሙዋቂውን

ነፍስ ሲዘራ: ሩህ ሰጥቶ

እንጨት ሲሞት: ውስጡ በግኖ

ቀለመ ነጭ: ነጫጭባ አመድ ሆኖ


(አዲስ አበባ: 1979)[/quote]
ዋኖስ
ዋና ውሃ አጠጪ
ዋና ውሃ አጠጪ
 
Posts: 1552
Joined: Tue Nov 16, 2004 2:39 pm
Location: Mars

አቤት ያች ሌሊት!

Postby ጦሳ » Mon Dec 26, 2005 2:48 pm

ደሳሳ ጎቹዋችን : ጨለማ ውጡዋት:
ውራጅ ነጠላችን : ብርድ አሽንፉዋት:
በስትንፋስ መልሰን : እኛ እያሞቅናት:
ተኝታ ላያችን : ልናሳልፋት:
በቀደም ሌሊቱዋን : እንደጀመርናት:
የእኔ አካል - በሱዋ ውስጥ:
የሱዋ በእኔ ውስጥ ቀልጦ : ተዋህዶ:
እንደ ሰም ስንነድ : ቦግ ባለው ብርሀን!
ድቅድቁ ጨለም : ላፍታ ተወግዶ!
ያካል ፍትጊያችን : ድንገት እሳት ጭሮ:
እኔና ፍቅርዬን : አንድ አረገንና : አቆላልፎ : አሳስሮ :
የትካዜ ክምር አመድ ሲሆን ነዶ :
ዋሽንቱን ሲነፋ : ኪሩቤል ከሰማይ : መሀላችን ወርዶ !
ልባችንን ያሬድ : በማራኪ ዜማው : በፍስሐ አርዶ !
ክዋክብት ሲረግፉ : መሬት ስትሆን ቁና :
ያለንባት መንደር ተለወጠችና :
የሰለጠነውን : ከተማውን ሆና :
ገብተን ከፎቅ ህንፃ : እጅግ ከሚል ደስ :
ተክቶት ጄንዲያችን : ባለሰፍነግ አልጋ የሚያነፈላስስ !
ደረብ አረግንና ያማረ ብርድ ልብስ : የሚለሰልሰ :
ምቾት ግብር ገብተን : ነጭ ጤፍ ስንቆርስ :
ከፍቅር መዲና : መሀል በመድረስ :
ችግር : ቼነፈርን የረሳንባት :
ዬዬሌክትሪክ መብራት : የሚበራባት :
ውሀውም በቡዋንቡዋ : የሚሳብባት :
ሁሉ ተትረፍርፎ : ሁሉ ሞልቶባት :
የድሎት አክርማን : የቀጨንባት :
አቤት ያች ሌሊት ! የሌሌንባት !
እንደት ትጥም ነበር !?
እንደት ትሞቅ ነበር !?
ማለፍ አሳልፎ : ለብርድ ባይሰጣት !
አቤት ያች ሌሊት ! የሌሌንባት !
ጦሳ
አዲስ
አዲስ
 
Posts: 16
Joined: Tue Dec 20, 2005 12:57 pm


Return to Warka Culture and Literature - ዋርካ ባህልና ሥነ ጽሑፍ

Who is online

Users browsing this forum: No registered users and 2 guests