ይህን ያውቁ ኖሯል ?

[መልከጻዲቅ]

*******************ከጳውሎስ ትዝታዎች********************

ለመሆኑ ስለቤት አከራዮችና ዘብናናነት ያጋጠመህ ነገር አለ? እኔስ እዳ ገብቻለሁ:: የበቱ ጌታ እዚያው አጠገብ ስላለ በየምሽቱ እየሰከረ እየመጣ በስድብ ሲጠዘጥዘኝ ያመሻል:: እንዳንለቅ ባዶ ቤት ማሟሸቱን ጠላን:: እንዳንክሰው ስራ መፍራቱን ጠላን:: እጃችንን እንዳንሰነዝር እግዜርን ፈራን:: ምን ይሻላል ትላለህ?

የጳውሎስ መልስ:- ጌታው( የቤቱ ባለቤት) ቢታገሱ መልካም ነው:: የድሮ ሰዎች እንኴን ሲያወሩ ቤት የእግዚአብሄር ነው ይላሉና ለተከራያችሁበት ቢያዝኑላችሁ መልካም ነበር:: ያለዚያም የቤት ኪራይ ደንብ እስኪወጣ መጠበቅ ነው:: ወደፊት ተስፋ ይኖር ይሆናልና እስከዚያው ተቻችሎ መኖር ነው::

እኔ የምለው በአለም ላይ ሰው ባይፈጠር ኖሮ አለም ምን ትሆን ነበር ትላለህ?

የጳውሎስ መልስ:- ምንም!

በሲጃራና በቢራ ላይ ዋጋ የጨመረበት ምክንያት ምንድነው? የሚመለከተውን ክፍል ጠይቀህ ትነግረኛለህ?

የጳውሎስ መልስ:- የቅንጦት ነገሮች ናቸው ተብለው ነው:: የውስኪውን ዋጋ ከፍ እስካላደረጉ ድረስ እኔን አይመለከተኝም::

[መልከጻዲቅ]

********************የጳውሎስ ትዝታዎች*************

ጥያቄ :- ሚያዚያ 27 አደባባይ ሐውልቱ ላይ ያለው ጽሁፍ ምን አንደሚል ግለጽልኝ

የዚችን የኔን አምድ የሚያህል አራት አምስት ቦታ ይፈጃልና እዚያው ሀውልቱ ጋ ጠጋ ብለህ ብታነብ ይሻላል::

ጥያቄ:- የሰሀራን በረሀ በሜድትራኒያን ባህር እንዲለማ ማድረግ አይቻልም ወይ?

አይቻልም:: ምክንያቱም የሜድትራኒያን ባህር ጨው ስለሆነ ለአትክልትም ሆነ ለመጠጥ ለምንም የሚሆን አይደለም:: በመርከብ አደጋ የሚደርስባቸው ሰዎች ቡዙ ጊዜ የሚያልቁት በውሀ ላይ ሆነው ውሀ ጥም እየያዛቸው ነው::

ጥያቄ:- ገቢው አንስተኛ የሆነ ሰው በአል አክብሮ መዋል አለበት ወይስ ለእለት ጉርሱ ሲል ሚካኤል ሰንበት ሳይል ሰርቶ መብላት አለበት?

መቼም የሰንበት ቀን ብቻ እንዲከበር በመጽሀፍ ቅዱስ ታዟል:: ግን ሰውየው የሚቀምሰው የሚያጣ ከሆነ ሰርቶ ቢበላ ሕግ እንዳፈረሰ የሚቆጠር አይመስለኝም::

ጥያቄ:- ደቡብ አፍሪካ ውስጥ የሌቦች ማሰልጠኛ አለ የሚሉት እውነት ነው? እባክህ አጣርተህ መልሱን ንገረኝ::

ውሸት ነው:: በየመንደሩ ውስጥ ያለውን የድብቅ ማሰልጠኛ የምትለኝ ከሆነ ይኖር ይሆናል:: በይፋ የሚታወቅ ግን የለም::

ጥያቄ:- አርቲስት የሚባለው እንደኔ አስተሳሰብ ሠአሊ ማለት ነው:: ታዲያ እነጥላሁን ማንኛውን ሥእል ሰርተው ነው አርቲስት የሚባሉት?

አርቲስት ማለት ሰአሊ ማለት አይደለም:: ጥበበኛ ማለት ነው:: ከአርት የወጣ ማለት ነው:: ጥበበኛ የሆነ ሁሉ አርቲስት ሊባል ይችላል:: የጥበብ ስራ የሚሰራ ማለት ነው::

[መልከጻዲቅ]

********************የጳውሎስ ትዝታዎች*************

ጥያቄ :- ሚያዚያ 27 አደባባይ ሐውልቱ ላይ ያለው ጽሁፍ ምን አንደሚል ግለጽልኝ[i]

የዚችን የኔን አምድ የሚያህል አራት አምስት ቦታ ይፈጃልና እዚያው ሀውልቱ ጋ ጠጋ ብለህ ብታነብ ይሻላል::

ጥያቄ:- የሰሀራን በረሀ በሜድትራኒያን ባህር እንዲለማ ማድረግ አይቻልም ወይ?

አይቻልም:: ምክንያቱም የሜድትራኒያን ባህር ጨው ስለሆነ ለአትክልትም ሆነ ለመጠጥ ለምንም የሚሆን አይደለም:: በመርከብ አደጋ የሚደርስባቸው ሰዎች ቡዙ ጊዜ የሚያልቁት በውሀ ላይ ሆነው ውሀ ጥም እየያዛቸው ነው::

ጥያቄ:- ገቢው አንስተኛ የሆነ ሰው በአል አክብሮ መዋል አለበት ወይስ ለእለት ጉርሱ ሲል ሚካኤል ሰንበት ሳይል ሰርቶ መብላት አለበት?

መቼም የሰንበት ቀን ብቻ እንዲከበር በመጽሀፍ ቅዱስ ታዟል:: ግን ሰውየው የሚቀምሰው የሚያጣ ከሆነ ሰርቶ ቢበላ ሕግ እንዳፈረሰ የሚቆጠር አይመስለኝም::

ጥያቄ:- ደቡብ አፍሪካ ውስጥ የሌቦች ማሰልጠኛ አለ የሚሉት እውነት ነው? እባክህ አጣርተህ መልሱን ንገረኝ::

ውሸት ነው:: በየመንደሩ ውስጥ ያለውን የድብቅ ማሰልጠኛ የምትለኝ ከሆነ ይኖር ይሆናል:: በይፋ የሚታወቅ ግን የለም::

ጥያቄ:- አርቲስት የሚባለው እንደኔ አስተሳሰብ ሠአሊ ማለት ነው:: ታዲያ እነጥላሁን ማንኛውን ሥእል ሰርተው ነው አርቲስት የሚባሉት?

አርቲስት ማለት ሰአሊ ማለት አይደለም:: ጥበበኛ ማለት ነው:: ከአርት የወጣ ማለት ነው:: ጥበበኛ የሆነ ሁሉ አርቲስት ሊባል ይችላል:: የጥበብ ስራ የሚሰራ ማለት ነው::

[መልከጻዲቅ]

***********ምን ተብሎ ነበር?*************
" አንድ ቀን ቢሾፍቱ ስንሄድ አንድ ኦሮሞ መኪናችውን ( የጃንሆይን) አስቁሞ አቤቱታ ያቀርባል:: እኔ ቌንቌውን ስለማላውቅ ዝም አልኩ:: ታዲያ በዚህን ጊዜ ጃንሆይ
" ያናግርሀል እኮ ለምን አትመልስለትም?" አሉኝ::

" ጃንሆይ እኔ ኦሮምኛ አላውቅም " አልኴቸው::

እሳቸውም በዱላቸው ሆዴን ነካ እያደረጉና ፈገግ እያሉ

" የውጭ ሀገር ቌንቌ ከማጥናትህ በፊት ያገርህን ብታውቅ አይሻልም ነበር?" አሉኝ:: እሳቸው ግን በኦሮምኛ አነጋገሩት::

ብርጋዴር ጄኔራል ፍሬሰንበት አምዴ
በፕሮቶኮል ስራቸው ከንጉሱ ጋር ያጋጠማቸውን እንደገለጹት:: ሪፖርተር መጽሄት መስከረም 2000

[መልከጻዲቅ]

*******************ከጳውሎስ ትዝታዎች**********************

በብርሀንና ሰላም ማተሚያ ቤት ቅጥር ግቢ ውስጥ የማህተም ፖሊስ ባልደረባ ነን የሚሉ ሁለት የሴት ፖሊሶች አሉ:: እንደሚነገረው ከሆነ የፖሊስን ትምህርት ያልተካፈሉ መሆናቸውን ጠይቄ ደርሼበታለሁ:: አሁን መጠየቅ ያስፈለገኝ በተለይ አንደኛዋ ሙታንቲ ሁሉ ሳይቀር ስትፈትሽ ትውላለች:: ይሄ ነገር ትክክል ይመስልሀል ወይ? ወይዘሪት አ.ከ

ትክክል ነው እምይ:: ልጆቹ የፖሊስ ትምህርት ተማሩ አልተማሩ ሌላ ጉዳይ ነው:: እናንተን ለመፈተሽ ግን ይሄን ያህልም የረቀቀ ትምህርት የሚያስፈልገው አይመስለኝም:: ልጆቹ የሚሰሩት በታዘዙት መሰረት ነው:: አንቺን በዛ ቦታ ቢያደርጉሽ ልክ እንደነሱ ታደርጊ ነበር:: ወንዱም በዚያ ሁኔታ ስለሚፈተሽ አይክፋሽ:: እንዲያውም በወንድ ፖሊስ ከምትፈተሺ ሴትን በሴት መደረጉ የማስተዋል ስራ ነውና በነሱ አትቆጪ:: ከሌላ ዘንድ ብትሄጂ ከፍተሻው ሌላ ስድብም ይመርቁልሽ ነበር::

ወደ ጡረታ በወጣው የድሮ አምድህ አንዱ አንድ ቀን ሲጠይቅህ " ይህ የፔፕሲ ኮላ ማስታወቂያ አልሰለቸህም?" ቢልህ " እኔስ የሰለቸኝ ሰው በረሀብ ሲያልቅ " የቁንጣን መድሀኒት አልካሤልዘር መጣ" የሚለው ነው ብለህ ነበር:: እግረ-መንገድህን የችግሩን ብሶት መግለጽህ ነበርና ፍርድ ቤት እንደወሰዱህ ጭምጭምታ ሰምተን ነበር:: ሌላው ቢቀር የስድብ መቀጫና የግልምጫ ዋስ አላስጠሩህም?

ጭምጭምታው እንዳው ወሬ ነው እንጂ በዚህ ጉዳይ ምንም አልደረሰብኝም:: ማስታወቂያው ግን እንዳይነገር ተደረገ::

[ዮናሲያ143]

ዋርካ ውስጥ ክፍሎች ሁሉ ምርጥ ክፍል ነው በርቱ በጣም ደስ ይላል ሌላ ጊዜ አንድ አንድ ነገሮችን ለማቅረብ እሞክራለሁ
ቸር ይግጠመን

[መልከጻዲቅ]

የያዝነው የመስከረም ወር አዲስ አመት የባተበት አሮጌውን የተሰናበትበት በመሆኑ ባለፈው አመት ያጣናቸውን የኪነ ጥበብ ሰዎች ላፍታ መለስ ብለን እንቃኛቸዋለን::

*ድምጻዊ ሚኒልክ ወስናቸው(ከ1933-2001)
*ዐ. ምህረቶቹ በሙሉ በኢትዮጵያ የዘመን አቆጣጥር ናቸው::

በልጅነቱ ወደ ሙዚቃ አለም የተቀላቀለው ድምጻዊ ሚኒልክ ወስናቸው የሙዚቃ ህይወቱ የጀመረው በ 18 አመቱ በ1951 በብሄራዊ ቲያቲር ቤት በድምጻዊነት በመቀጠር ነበር:: ህይወቱ እስካለፈችበት እስከ ታህሳሰ 25 ቀን 2001 ዐ.ም ድረስ በሙዚቃ ዘርፍ አስተዋጽኦ አበርክቷል::

* ክቡር ዶ/ር አርቲስት ጥላሁን ገሰስ( ከ1933-2001)
ካሀምሳ አመት በላይ በኢትዮጵያ ሙዚቃ ላይ የነገሰው አርቲስት ጥላሁን ገሰሰ በድንገተኛ ህመም ህይወቱ ያለፈው በዚህ ባሳላፍነው የኢትዮጵያን አመት ሚያዚያ 11 ነበር::

* አርቲስት ሲራክ ታደሰ ( ከ1938-2001)
መስከረም 8, 2001 ከዚህ አለም በሞት የተለየው አርቲስት ሲራክ ታደሰ ለበርካታ ታዋቂ ድምጻውያን ግጥምና ዜማ የሰራ ሲሆን ሲራክ የበለጠ የሚታወቀው በሰራቸው በርካታ ቲያቲሮችና የራዲዮ ድራማዎች ነበር:: ከነዚህም መካከል እርጉም ሀዋርያ , ውድቀት, ንጉስ አርማህ, መርዛማ ጥላ, ሀሁ በስድስት ወር, አምታታው በከተማ, ሀምሌት... ይገኙበታል::

* አርቲስት አለሙ ገ/አብ(1946-2001)
ሀምሌ 3 ቀን 2001 ከዚህ አለም በሞት የተለየው አርቲስት አለሙ በቲያቲር ትወና በፊልም በራዲዮና በቴሌቪዥን ማስታወቂያዎች ከፍተኛ ዕውቅና ነበረው::

*ኮ/ል ለማ ደምሰው ( 1934-2001)
ከ1949 ጀምሮ እስከ 1966( በደም ግፊት የአልጋ ቁራኛ እስከሆነበት ) ድረስ በርካታ ዜማዎች በድምጽና በሙዚቃ መሳሪያዎች ተጫውቷል:: ነሀሴ 16 ህይወቱ ያለፈው ኮ/ል ለማ " ብቸኛ የፒያኖ ቃኚ " በመባል ይታወቅ ነበር::

*ድምጻዊ አንሙት ክንዴ( ሀብቱ ንጋቱ) (1956-2001)
ከጊሽ አባይ የኪነት ቡድን ጋር በመሆን በርካታ ስራዎችን የሰራው አንሙት ክንዼ የበለጠ በህዝብ ዘንድ የሚታወቀው አንቱዬዋ በተሰኘችው ሙዚቃዊ ድራማው ነው:: ድምጻዊ አንሙት በዋሽንት መሪ ድምጽ የተሰሩ 4 አልበሞች አሳትሟል::

*አርቲስት ደስታ ገብሬ(1932-2001)
የመጀመሪያ ሴት ተወዛዋዥ እንደሆነች የሚነገርላት የእስክስታ ንግስትዋ ደስታ ገብሬ ህይወቷ ያለፈው ህዳር 12 ቀን 2001 ነበር::

*አርቲስት ወጋየሁ ደግነቱ ( 1940-2001)
"እናት "በተሰኘው የሙዚቃ ስራው የሚታወቀው ድምጻዊ ወጋየሁ ደግነቱ ህይወቱ ያለፈችው ሀምሌ 10 ቀን 2001 ነበር:: ወጋየሁ ደግነቱ ድምጻዊ ብቻ ሳይሆን የግጥምና የዜማ ደራሲም ነበር::
ለሁሉም ነፍስ ይማር :!:
የዚህ ጽሁፍ ምንጭ ሉሲ ዛሬ ናት::

ያለፈውን አመት ስናስታውስ መንገድ ላይ የተላለፉ ሁለት ታምራቶችን እናያለን:: ባንድ ወቅት የዚህ መንግስት ከፍተኛ ባለ ስልጣን ሆነው የነበሩት ታምራት ከወህኒ ሲወጡ ክርስቶስን አየሁት ብለው ባደባባይ ሲናገሩ በለስ ያልቀናቸው ሌላው ታምራት ደሞ እኔ ክርስቶስ ነኝ ብለው ወደ ወህኒ ወርደዋል::

[ባሻ ብሩ]

ከዛሬ 126 አመት በፊት የተሰራው የመጀመሪያው ባቡር ፍጥነት በሰአት 16 ኪሎ ሜትር ነበር:: በዛ ግዜ የነበሩት ሀኪሞች, "ይህን ያህል መብረር ለሰው ልጅ ጤንነት አደገኛ ነው" ብለው የጋራ መግለጫ አውጥተው ነበር:: :D

ምንጭ ጽጌሬዳ መጽሄት ጳጉሜ 1995

[ማህቡብ]

ሠላም ለዚህ ቤት ታዳሚዎች!

ወንድሜ መልከጻዲቅ መልካም ነገሮችን ስላስነበብከን በጣም አመሰግናለሁ መልዕክትህን ዘግይቼም ቢሆን አንብቤዋለሁ አሁንም በድጋሚ አመሰግናለሁ ያለመመቻቼት ሆኖ በጊዜው ምላሽ ባለመስጠቴ ይቅርታ:: በርታ ብዕርህ አትንጠፍ::

አክባሪህ

[ሚሚlove]

ሠላም ለዚህ ቤት ታዳሚዎች!

ወንድሜ መልከጻዲቅ መልካም ነገሮችን ስላስነበብከን በጣም አመሰግናለሁ መልዕክትህን ዘግይቼም ቢሆን አንብቤዋለሁ አሁንም በድጋሚ አመሰግናለሁ ያለመመቻቼት ሆኖ በጊዜው ምላሽ ባለመስጠቴ ይቅርታ:: በርታ ብዕርህ አትንጠፍ::

አክባሪህ

ማህቡብ የድሮ የማቀው ሰው በማግኘቴ ደስ ነው ያለኝ ለመሆኑ እንዴት ነህ!! ሰሞኑን አላየሁህም የት ሄደህ ነው?? እኔ መግባት ከጀመርኩ መስመር ላይ አላየሁህም ለመሆኑ ደህና ነህ ወይ ይህችንን ቤትህን ምን ያህል እንደምወዳት ታውቃለህ አይደል ከሰሞኑ ያለኝን ይዜ ብቅ እላለሁ እስከዛው መልካም ግዜን እመኛለሁ!!

[መልከጻዲቅ]

*********** የጳውሎስ ኞኞ ትዝታዎች**************

ጥያቄ:- በሰሞኑ በወጡት አምዶችህ ላይ " ስለ ማርያም ስሞሽ" ሁለት ሰዎች ጠይቀውህ መልስ ሰጥታሀቸዋል:: እኔ ደሞ በሆዴ ላይ ስላለኝ ምን አንደሆነ ብትነግረኝ አመሰግናለሁ::

የጳውሎስ መልስ: ውሸትዎን ነው:: የሆድ ላይ የለውም:: ወይም የኔ መጽሀፍ አይናገርም::

ጥያቄ:- አካልን የሚያከሳ የምግብ አይነት ወይም ሌላ ነገር አለ?

የጳውሎስ መልስ:- መኖሩን አለ:: አንድ ቸኮላት አለ:: ዕሱን ሲበሉት ያከሳል ይላሉ:: የሚያከሳውም በመድሀኒትነት ሳይሆን የምግብ ፍላጎትን በመዝጋት ነው:: ምንም ይሁን ምን በምግብ ለመክሳት ብሎ መታገሉ የጤና አይመስለኝም::

ጥያቄ:- ሰሞኑን በሰውነት ላይ ስለሚወጣው ጠባሳ እንዲሁም ማርያም ሳመች ስለሚባለው ምልክት የሰጠሀውን መልስ አንብቤዋለሁ:: የዚህ አይነት ጥያቄ ስለሚበዛ በጠቅላላ ሰውነት ላይ ስላለው ምልክት ዘርዝረህ ብታስረዳን ይሻላል:: በዚህ አጋጣሚ እኔ በቀኝ እጄ ጡንቻ ላይ ይህው ነገር ስላለብኝ ምን እንደሆነ ግለጽልኝ::

የጳውሎስ መልስ:- ለመሆኑ ሴት ነዎት ወይስ ወንድ? ጾታው ካልታወቀ አይሆንም:: እንደተባለውም አንድ ጊዜ ለመግለጥ በመጽሀፍ እንጂ በጋዜጣ የሚቻል አይደለም:: ምክንያቱም ቡዙ ነው:: እንዲህ ያለው ነገር ለግል ጋዜጣ ወይም መጽሄት ገቢያ ማግኛ ጥሩ ነበር:: ባገራችን ግን ጨለማ የጋረዳቸው አይነቶች ጥንቆላ እያሉ ስለሚቆጡኝ ነፍስና ስጋዬን እያሟጠጥኩ ከምሰራ ቢቀር ይሻላል ብዬ ትቸዋለሁ:: አረሳሳና ደሞ ሌላ ጊዜ አንድ ሌላ ነገር እናገርና አፌን ሲሉኝ ደሞ ዝም እላለሁ::

[ማህቡብ]

ሠላም ጤና ይስጥልኝ! መጭው 2010 የሰላም ዓመት ይሁንልን::

ዘመን በርቆ ዘመን ሲጠልቅ ቀሪው ታሪክ ነው


ጀርመኖች የዳግም ዉሕደታቸዉን ቅድመ ብሥራት፣ ድፍን አለም የኮሚንዝምን ጅምር -ዉድቀትን ሃኛ አመት በርሊን ላይ ባከበረ በሳምንቱ፣የተባበሩት መነግስታት ድርጅት የችግር -ችጋር ጥናት ከሞት ለሚያታግለዉ አፍሪቃዊ የለጋሾን እርጥባን የጠየቀበት ጉባኤ ሮም ላይ የተሰየመ
ዕለት፣በርሊን እየመከሩ፣በርሊን -እየተለያዩ ከበርሊን በሚነሳ እሳት በተደጋጋሚ እየተለላለቁት፣አዉሮጶች -የእልቂት ፍጅት -ምክንያትነት የነበረዉን ልዩነታቸዉን -የአብሮነታቸዉ ጌጥ፣የአንድነታቸዉ ፅናት መሆኑን አንድ መሪ በመምረጥ ዳግም ሊያስመሰክሩ -አራት ቀን ሲቀራቸዉ ፣ ብዙ ጊዜ የአለም
ሒደት የተዘወረባት ያቺ ታሪካዊ ከተማ -አፍሪቃን ያቀራመተዉን ጉባኤ ያስተናገደችበት አንድ መቶ ሃያ -አምስተኛ አመት ተዘከረባት።በርሊን።ዝክሩ መነሻ፣ጉባኤ ዉጤቱ ማጣቃሻ የዛሬ አስተጋብቶ መድረሻችን ነዉ ላፍታ አብራችሁኝ ቆዩ።


አፄ -ምኒሊክ የመሩት ኢትዮጵያዊ ሐገር ነፃነቱን ለማስከበር የከፈለዉ መስዋዕትነት፥ በኢጣሊያ ቅኝ ገዢዎች ላይ የተቀዳጃዉ ድል ለኢትዮጵያዊዉ ክብር፣አኩሪ ታሪክነቱ፥ ለድፍን ጥቁር ሕዝብ የነፃነት -እኩልነቱ አብነት -አለኝታነቱ በርግጥ የዘመን ሒደት ሊሽረዉ አይችልም።

ከክዋሚ ንኩሩማ እስከ ጆሞ ኬንያታ፣ ከሴዳር ሴንጎር እስከ ጁሊየስ ኔሬሬ፣ ከሮበርት ሙጋቤ እስከ ኔልሰን ማንዴላ የመሩት አፍሪቃዊ በቅኝ ገዢ፣ ዘረኛ ገዢዎቹ ላይ ያመፀበት -ዘመን፣ የታገለበት ሥልት፣ የከፈለዉ መስዋእትነት የመለያየቱን ያክል -የየትግሉ ቆስቋሽ አብነት -የአድዋ ድል፥ ትግሉ ፀረ -ቅኝ አገዛዝ - አላማ -ግቡ ነፃነት -እኩልነት መሆኑ አያነጋግርም።

ቀዳማዊ ንጉስ ኡምቤርቶን ለቅኝ ገዢነት ያጃገነዉ፣ ንጉስ ቪክቶር ኢማኑኤል ሳልሳዊን ከነጀኔራሎቻቸዉ አድዋ ላይ በሟሸሸ የቅኝ ግዢነት እብሪት ያናወዛቸዉ ደግሞ በ 1884 (ዘመኑ በመሉ እንደ አዉሮጳዉያኑ አቆጣጠር ነዉ ) በርሊን ላይ የተጀመረዉ ጉባኤ ዉጤት ነበር።የጉባኤዉ -እኩይ -ምክንያት -ዉጤት የሚታሰበዉ በጉባኤዉ መዘዝ ሕይወት፥ክብር ነፃነት ሐብቱን ያጣዉን አፍሪቃዊ በሚወክሉት አዲስ አበባ፥ናይሮቢ፥ አክራ ዳሬ -ሰላም ወይም ሌላ ከመሆን ይልቅ በርሊን መሆኑ ነዉ -የዛሬዉ ዚቅ።

ከሕዳር አስራ -አምስት 1884 እስከ እስከ የካቲት አጋማሽ 1985 የዘለቀዉ ጉባኤ ከተሰየመበት አዳራሽ አጠገብ -አንዲት የመታሰቢያ ሰሌዳ ቆማለች።በርሊን።ሰሌዳዉን ያቆመዉ የቶጎዉ ተወላጅ -ቪክቶር ድሲድሶኑ የያኔዉን ታሪክ አፍሪቃዉን የመዘንጋት የለባቸዉም -ባይ ነዉ።

«ሠሌዳዉ ለኔ በጣም አስፈላጊ ነዉ።ምክንያቱም የአፍሪቃን ታሪክ በሙሉ ሥለተከታተልኩት፥ ዛሬ እዚያ ያለዉን ችግር ያኔ ከተፈፀመዉ ጋር ማገናኘት ሥለምሻ ነዉ።ይሕ ሰሌዳ በቅኝ አገዛዝ ዘመን የተፈፀመዉ በደል እንዳይረሳ ማስታወሻ እንዲሆን እፈልጋለሁ።ለዚሕም ነዉ ያኔ አፍሪቃ በተቀራመቱባት ሥፍራ መቆም አለበት ብዬ ያሰብኩት።»

የፖርቱጋል፥ የቱርክና የስጳኝ ቅኝ ገዢዎች ክንድ እየዛለ፥ የብሪታንያና የፈረንሳይ እየፈረጠመ በነበረበት በአስራ -ዘጠነኛዉ መቶ -ክፍለ ዘነመን ነባሮቹ -ባዳዲሶቹ ብዙ እንዳይበለጡ ዘግይት ብለዉ ከጎለበቱት እንደ ጀርመንና ኢጣሊያ ከመሳሰሉት ጋር ማበሩን እንደ ጥሩ ብልሐት ነበር ያዩት።

ኢጣሊያ ከኦስትሪያ -ሐንጋሪ እና ከጀርመን ጋር -የጦር ቃል ኪዳን ስትፈራረም፥ የቤልጂጉ ንጉስ ሊዮፖልድ ሉዊስ ፊሊፕ ቪክቶር ዳግማዊ የዛሬዋን ኮንጎ ዲሞክራቲክ ሪፐብሊክን በ 1878 እንደ የግል -ርሰተ ጉልታቸዉ መግዛት መጀመራቸዉ ብዙዎቹን ቅር አሰኝቶ ነበር።በተለይ ፈረንሳይ የሊዮፖልድን እርምጃ ደግፋለች መባሉ በጣሙን የፖርቱጋልና የብሪታንያን ቁጣ ቀስቅሶ ነበር።

ፖርቱጋሎች -ጉዳዩን ለማገድ ከጀርመኖች ጋር መተባበሩን ሲመርጡ፥ጀርመናዊዉ የታሪክ አዋቂ ዮአኺም ሴለር እንደሚሉት «ብረቱ» የሚል ቅፅል ለታከለላቸዉ ለጀርመኑ መራሔ መንግሥት ለኦቶ ፎን ቢስማርክ -ሾንሐዉሰርና ለወዳጆቻዉ ጥሩ አጋጣሚ ነበር።

«ኮንጎ በሊዮፖልድ ዳግማዊ እጅ መዉደቋና በዚያ በኩል የሚደረገዉ የሸቀጥ ዝዉዉር መታገዱ ለቢስማርክና ለሌሎቹ አሳሳቢ ነበር።የብዙዎቹ እምነት መርከቦች በኮንጎ ወንዝ በመነፃ መዘዋወር አለባቸዉ፥ሌሎች ሐያል መንግሥታትም ወደ ኮንጎ የመግባት መብታቸዉ መጠበቅ አለበት የሚል ነበር።»

የኮንጎ ድልብ ሐብት ሰበብ፥ የቅኝ ገዢዎቹ ልዩነት፥ የአዳዲሶቹ ሐይላት ጥያቄ፥ የእርስበራሳቸዉ መፈራራት -ምክንያት ከሁሉም በላይ አፍሪቃን የመቀራመቱ ፍላጎት መሠረት ሆኖ -ቢስማርክ ያን ጉባኤ ጠሩ።ሰወስት ወር በቆየዉ ጉባኤ አስራ -ሁለት የአዉሮጳ ሐገራት፥ቱርክና ዩናይትድ ስቴትስ ተካፋዮች ነበሩ።

ሐያሉ የአፍሪቃን ካርታ ጠረጴዛ ላይ አስቀምጠዉ አፍሪቃን ሲቀራመቱ -ሴለር እንደሚሉት አንድም አፍሪቃዊ አልተወከለም ነበር።

«በግልፅ መታወቅ ያለበት አንድም አፍሪቃዊ (በዚያ ጉባኤ ) እንዲገኝ አልተጋበዘም ነበር።»

ያኔ አይደለም ዛሬም የዚያን ዘመኑን ታሪክ የሚያስብ አፍሪቃዊ መሪ የለም -ካለም አይታወቅም።እንደ ጀርመንና ኢጣሊያ ያሉት ባነሱት ጥያቄ ብዙም ካልተደሰቱት አንዷ ብሪታንያ ከአፄ ዩሐንስ ጋር የሔዉሌት ስምምነት የተባለዉ ዉል አድዋ ላይ ተፈራርማ ነበር።ዉሉ ኢትዮጵያ የምፅዋን የመሳሰሉ ወደቦች
ጉባኤዉ ሪታንያ እዉቅና የሰጠችበት ነዉ።

በርሊን ላይ ከነኢጣሊያና ጋር እተደራደረች -አድዋ ላይ ከኢትዮጵያ ጋር የተዋዋለችዉ ብሪታንያ -የበርሊኑ ጉባኤ ባበቃ በወራት እድሜ ኢጣሊያ ምፅዋን ስትቆጣጠር -ለደካማዋ ኢትዮጵያ ወይም ለፈረመችዉ ዉል ፅናት አልተከራከረችም።በርግጥም ጥቅም፥ የሐይል ሚዛንን -አሰላለፍ እልፍ ሲልም የዘር -ወገን ቅርበት በሚዘዉረዉ የፖለቲካ ጨዋታ -ሐቅ -እዉነት፥ ሞራል -ሥነ ምግባር ቦታ አልነበረዉም።

የበርሊኑ ጉባኤ ልዩነት ድብልቅልቁ ወጥቶ አንደኛና ሁለተኛ በሚባሉት ጦርነቶች አለም እስክትነድ ድረስ የድፍን -አፍሪቃ ሕዝብ በቅኝ ገዢዎች ሐይላት ተጨፍጭፏል።ተረግጧል፥ ተገድሏል።ተዋርዷል -ለዛሬ ለተረፈ -የድንበር፥ የርስ በርስ ግጭትም ተዳርጓል።ከሕዳር አስራ -አምስት ጀምሮ በርሊን ዉስጥ በሚካሔደዉ ስብሰባ፥ ዉይይት ላይ ከሚካአሉት አፍሪቃዉያን አንዱ ስቬን ሜካሪደስ እንደሚለዉ በቅኝ አገዛዝ ዘመን በአፍሪቃዉያን ላይ ለተፈፀመዉ በደል -ካሳ የማይከፈልበት ምክንያት አይገባዉም።

«ብዙ ጊዜ በታሪክ ለሚፈፀሙ በደሎች የገንዘብ ካሳ ይከፈላል።ለዚሕስ (ግፍ ) ካሳ የማይከፈልበት ምን ምክንያት አለ። ባሁኑ ጊዜ በየሥፍራዉ የገንዘብ እጥረት መኖሩ ይገባኛል።ይሁንና እዉነተኛ የምጣኔ ሐብት ትብብር ወይም ደግሞ የትምሕርት ማድረግ የሚገድ አይመስለኝም።የያኔዎቹ ቅኝ ገዢዎች ለአፍሪቃዉያንን ለማስተማርና ለማሰልጠን ወጪ የሚሆን የሆነ የገንዘብ ተቋም መመሥረት ይላሉ።»

ይችላሉ ግን -ለምን ያደርጉታል።ማንስ ጠይቋቸዉ።

አዉሮጶች የጠብ -ጦርነት ምክንያትን አስወግደዉ ዛሬ -አንድም ብዙም ሆነዉ አለምን መምራታቸዉ ብዙ አይገርምም።እስከ 1990ዎቹ ድረስ ሥለ -ድሕነት፥ በሽታ ረሐብ ሲነሳ አፍሪቃ፥ እስያ ደቡብ አሜሪካ እንደቅደም እኩል ተጠቃሾች ነበሩ።ዛሬ ግን ደቡብ -አሜሪካ -እስያዎች በረሐብ፥በሽታ ጦርነት የሚያልቅ ሕዝባቸዉን ቁጥር ቀንሰዉ ፖለቲካዊ መብት እኩልነታቸዉን እያስከበሩ ነዉ።የሰሜን -ኮሪያ የኑክሌር ዉዝግብ በድርድ ይፈታ ቢባል -ከስድስቱ ተደራዳሪዎቹ -አራቱ እስያዎች ናቸዉ።የሁንዱራስ ፖለቲከኞች ቢወዛገቡ -ሽምጋዮች ግንባር ቀደም ሸምጋዮች -እነ ብራዚል ናቸዉ።አፍሪቃ -ግን በነበረችበት ናት።

በየአመቱ በሃያ -በሰላሳ ሚሊዮን የሚቆጠር ሕዝብ የሚራብባት አፍሪቃ -የምግብ ምፅዋት ከመለመን አልፎ -ላለፈ በደል፥ ካሳ -የሚሟገት፥ ለዛሬ መብት -እኩልነት፥ለደፊት ብልፅግና የሚታትር -መሪ አላት ማለት በርግጥ ያሳስታል።የዚምባቡዌ፥ የኬንያ፥ የጊኒ፥ ሌላዉ ቀርቶ ነፃነትዋን አስከብራ በመኖርዋ የምትኮራዉ የኢትዮጵያ ፖለቲከኞች ደም -አፋሳሽ ዉዝግብ ንትርካቸዉን መፍታት -አቅቷቸዉ የለንደን፥ ዋሽንግተን፥ ብራስልስን ዉሳኔ እየጠበቁ አፍሪቃ በባሪያ ፈንጋይ -ቅኝ ገዢዎች ተበድላለች -የሚሉበት ልቡና ከየት -ያመጣሉ -ነዉ ጥያቄዉ።

[ማህቡብ]

ማህቡብ የድሮ የማቀው ሰው በማግኘቴ ደስ ነው ያለኝ ለመሆኑ እንዴት ነህ !! ሰሞኑን አላየሁህም የት ሄደህ ነው ?? እኔ መግባት ከጀመርኩ መስመር ላይ አላየሁህም ለመሆኑ ደህና ነህ ወይ ይህችንን ቤትህን ምን ያህል እንደምወዳት ታውቃለህ አይደል ከሰሞኑ ያለኝን ይዜ ብቅ እላለሁ እስከዛው መልካም ግዜን እመኛለሁ !!

ሚሚ love:-እኔም ከረጅም ጊዜ በኋላ ስላየሁሽ በጣም ደስተኛ ነኝ :) እስቲ እነዛን ትምህርት ሰጭ ጽሁፎችሽን አስነብቢን::

ከአክብሮት ሰላምታ ጋር

[ማህቡብ]

የጎርጎሮሳን የቀን ቀመር-የሚከተለዉ ዓለም 2009ኝን ሸኝቶ-ሁለት ሺሕ አስርን ሊቀበል አምስት ቀን ቀረዉ-ዛሬ።ጤና ይስጥልኝ እንደምን ዋላችሁ።ከአስር ቀን በሕዋላ አምና በሚሆነዉ ዘንድሮ በመጀመሪያዉ መንፈቅ ከአፍሪቃና አዉሮጳ ክፍለ-አለማት ዉጪ በሚገኘዉ አለም የተከናወኑ አበይት ክንዉኖችን ባጭሩ እንቃኝ

የፍልስጤም እስራኤሎች ጦርነት፥ ግጭት፥ ዉዝግብ፥ ሁለቱን ወገኖች ለመሸምገል የሚደረገዉ ሙከራ እንደ ለሥልሳ አንደኛ አመቱ ሁሉ እንደቀጠለ፥ ኢራቅ የቦምብ ጥይት፥ የሽብር-ፀረ-ሽብር ሙቷን እንደቆጠረች፥ አፍቃኒስታን፥ በሚሳዬል፥ ታንክ፥ ቦምብ አረር እንዳረረች-አለም አዲስ አመት ሊል ዕለታት ያሰላ ገባ።

አሜሪካ የመጀመሪያዉን ክልስ መሪ መርጣ አዲስ ታሪክ አስመዝግባ-እዉቅ ድምፃዊ ዳንከረኛዋን ቀበረች።አለም ሥለ ሠላም፥ ሥለምጣኔ ሐብት፥ ሥለተፈጥሮ ጥበቃ እየመከረ-እንደተለያየ ሁለት ሺሕ ዘጠኝን-ሊሰናበት-አንድ ሁለት ይል ያዘ።

ያረጀዉን አመት-አዲስ ሆኖ አንድ ሲል ጥር-ጃፓን፥ ሜክሲኮና ዩጋንዳ በየሁለት አመቱ የሚፈራረቀዉን የተባበሩት መንግሥታት የፀጥታዉ ጥበቃ ምክር ቤት መቀመጫን ያዙ።

የፍልስጤሟ ግዛት-ጋዛ በጧፍ-ምትክ-የአዉሮፕላን ቦምብ እሳት እንደተንቀለቀለባት፥ በርችት ፋንታ የሚሳዬል እንተምዘገዘገባት-በእልቅት ፍጅት ጢስ-ጠለሷ አድሩስ እንደታጠነች-የተቀበለችዉ ሁለት ሺሕ ዘጠኝ ሰወስተኛ ቀኑን ሲይዝ-የእስራኤል ምድር ጦር ታንክ-መድፍ ይርመሰመስባት ያዘ።
የእስራኤል ዉጪ ጉዳይ ሚንስቴር ቃል አቀባይ ፓልሞር ያኔ እንዳሉት ጋዛን ያወደመዉ የሐገራቸዉ ጦር ጥቃት-ያለመዉ በሐማስ እንጂ በግዛቲቱ ሕዝብ ላይ አይደለም።

«የምንዋጋዉ ከሐማስ ጋር እንጂ ከጋዛ ሕዝብ ጋር አይደለም።ከፍልስጤም ሕዝብ ጋር አይደለም። ከእሁድ ጀምሮ አስር ሺሕ ቶን ሠብአዊ ሸቀጥ ወደ ጋዛ ተጉዟል።በሚቀጥሉት ጥቂት ቀናት ዉስጥ ደግሞ ተጨማሪ ቁሳቁሶች ይላካሉ።»

ጋዛየፍልስጤሙ የምክር ቤት እንደራሴ ሙስጠፋ ባርጉዋቲ ግን-የእስራኤልን ጥቃት የጦር ወንጀል ብለዉታል።

«በመላዉ ምዕራባዊ ዳርቻ፥ በመላዉ የፍልስጤም ክፍል የሚኖረዉ መላዉ የፍልስጤም ሕዝብ በጋዛ ላይ የሚፈፀመዉን ወረራ በመቃወም ለመታገል ዛሬ አደባባይ ወጥቷል።(አለማዉ፣) -ባስቸኳይ ተኩስ እንዲቆም ለመጠየቅ፥ ወረራዉ እንዲቆም ለማሳሰብ፥ ከጋዛ ሕዝብ ጎን ሙሉ በሙሉ መቆሙን እና የትግል አጋርነቱን ለመግለጥ-ነዉ።የጋዛ ጦርነት መቆም አለበት።ጋዛ ላይ የተፈፀመዉ ከበባ ባስቸኳይ መነሳት አለበት።ጋዛ ዉስጥ የሚደርሰዉ ሌላ አይደለም-የጦር ወንጀለኝነት እንጂ።በእስራኤል የሚፈፀም የጦር ወንጀለኝነት።»

የሁለት ሺሕ ዘጠኙ ጥር ሃያኛዉን ቀን ሲረግጥ -ከአንድ ሺሕ አራት መቶ በላይ ሰዉ-በአብዛኛዉ ሰላማዊ ሰዎች ያለቁበት ዉጊያ ቆመ።የድፍን አለም-አይን ጆሮ ግን ዋሽንግተን ነበር።የመጀመሪያዉ አፍሪቃ-አሜሪካዊ ፕሬዝዳንት ቃለ መሐላ ፈፀሙ።

«እኔ ባራክ ሁሴይን ኦባማ፣-በፅኑ መንፈስ እምላለሁ፥-የዩናይትድ ስቴትስን ፕሬዝዳት ፅሕፈት ቤት ምግባር በታማኝነት፥ለማከናወን፥የዩናይትድ ስቴትስን ሕገ-መንግሥት ለማስከበር፥ ለመጠበቅና ለመከላከል የምችለዉን ሁሉ ለማድረግ (ቃል እገባለሁ) ለዚሕ ፈጣሪ ይርዳኝ።»

«ክቡር ፕሬዝዳት የቃለ ማሐላዉ ምሽት እንኳን ደስ አለዎት»

ከሁለት ሺሕ ሰባት ጀምሮ አለምን የናጠዉ ምጣኔ ሐብታዊ ድቀት አይስላንድ ላይ ጠንቶ-የሐገሪቱን ጠቅላይ ሚንስትር ጊያር ሐርደን ከሥልጣን አስወገዳቸዉ።ጥርም-አዲዮስ።የካቲት-አንድ።የአይስላንዷ ፖለቲከኛ ጆና ሲጉሮርዶቲ-የሐገሪቱ የጠቅላይ ሚንስትር ሆነዉ ተመረጡ።ሲጉሮርዶቲ ግብረ ሰዶማዊነታቸዉን በይፋ የተናገሩ የመጀመሪያዋ የሐገር መሪ ናቸዉ።

የአለም ትልቂቱ ደሴት-አዉስትሬሊያ በዉብ አራዊት እንስሳት፥ በዱር-ደን ዉሐ የምትታወቅ-የምትደነቀዉን ያክል-ለጎርፍ፥ለቃጠሎም እንግዳ አይደለችም።የዘንድሮዉ የካቲት ቃጠሎ ግን በርግጥ መዝገብ በሚያዉቀዉ ታሪኳ ልዩ ነበር።አንድ መቶ ሰባ-ሰወስት ሰዉ ገደለ።አምስት መቶ አቆሰለ።ሰባት ሺሕ አምስት መቶ-ሰዉ እንበለ ቤት አስቀረ።

ICC-በሚል የእንግሊዘኛ ምሕፃረ ቃል የሚጠራዉ የአለም የጦር ወንጀለኞች መዳኛ ፍርድ ቤት በሥልጣን ላይ ያለ የሐገር መሪ እንዲታሰር ለመጀመሪያ ጊዜ ዋራንት የቆረጠዉም ዘንድሮ ነዉ።ፍርድ ቤቱ የሱዳኑ ፕሬዝዳት ኡመር ሐሰን አል-በሽር በተገኙበት እንዲያዙ ማዘዙ በርግጥ አሁንም ብዙ እንዳወዛገበ ነዉ።ግን-በየነ።መጋቢት-4።ምክንያት፣-የፍርድ ቤቱ ቃል አቀባይ፣-
«ኡመር-አልበሽር ባብዛኛዉ የዳርፉር-ሱዳን ሕዝብ ላይ ሆን ተብሎ ለተፈፀመዉ ጥቃት፥ በተዘዋዋሪ በመተባበር ወይም ጥላቱ እንዲፈፀም በተዘዋዋሪ መንገድ ሆን ብለዉ መመሪያ በመስጠት ወንጀል በተጠያቂነት ተጠርጣሪ ናቸዉ።»

ሱዳን-ዉሳኔዉን «የተፃፈበትን ቀለም ያክል ዋጋ እንኳን የማያወጣ« በማለት አጣጥላዋለች።በተባበሩት መንግሥታት ድርጅት የሐገሪቱ አምባሳደር ደግሞ እንዳሉት ደግሞ ዘ-ሔግ ኔዘርላንድስ የሚያስችለዉ አለም አቀፍ ፍርድ ቤት ለሐገራቸዉ የለም።
«ይሕንን ብይን አጥብቀን እንቃወመዋለን።ለኛ አይ ሲ ሲ ሕልዉና የለዉም።ለዉሳኔዉ አንገዛም።በየትኛዉም መንገድ አንተባበርም
የብሪታንያዋ ርዕሠ-ከተማ ለንደን ሚያዚያን የተቀበለችዉ በትላልቅ፥ሐብታም ሐገራት መሪዎች፥ በምጣኔ ሐብት አዋቂዎች-ተጨናንቃ፥ በተቃዋሚ ሰልፈኞች-ተጣብባ ነበር።የቡድን ሃያ-አባል ሐገራት የመሪዎች ሁለተኛ ጉባኤ።ሚያዚያ ሁለት።

የሃያዎቹ ሐገራት መሪዎች የአለምን ምጣኔ ሐብት ከዉድቀት ለማንሳት የሚሉ የሚያደርጉት የሚቀይሱት ብልሐት በቅጡ ከመታወቁ በፊት ግን የአለምን የቴሌቪዥን መስኮት የሞላዉ የተቃዉሚዎቹ ሰልፍ-መፈክር-አመፅ ነበር።

አዲሱ የዩናይትድ ስቴትስ ፕሬዝዳት ባራክ ኦባማ እንደ ኮኮብ የደመቁበት፥ ጎርደን ብራዉን ብዙ የባተሉበት፥ንግሥት ኤልሳቤት የጋበዙበት ጉባኤ-የምጣኔ ሐብት ድቀትን ለማስወገድ አግባቢ እና ሁነኛ ርምጃ ወስዷል ነዉ-የጉባኤተኞቹ መልዕክት።የጀርመንዋ መራሂተ መንግሥት አንጌላ ሜርክል ያኔ እንዳሉት ግን ጉባኤዉ አለምን ካለፈዉ ስሕተት ለማስተማር ብዙ ጠቅሟል።

(ሁላችንም ከዚሕ ቀዉስ መማር ያለብን መሆኑ አያጠያይቅም።እኛ ሁላችንም ከምሬ ነዉ-የምለዉ ሁላችንም ይሕን መሠሉ ቀዉስ እንዳይደገም መከላከል አለብን።»

የለንደኑ ጉባኤ ባበቃ በማግስቱ ፈረንሳይና-ጀርመን የድንበር ከተሞች የተደረገዉ የሰሜን አትላንቲ የጋራ መከላከያ ቃል ኪዳን ድርጅት (ኔቶ) የመሪዎች ጉባኤ የደፊቱን ዋና ፀሐፊ መረጠ።ይሁንና መሪዎቹ የዴንማርኩን ጠቅላይ ሚንስትር አንድረስ ፎግሕ ራስሙስን ከመምረጣቸዉ በፊት ከድርጅቱ ነባር አባል ቱርክ የተሰነዘረዉን ተቃዉሞ ለማርገብ ብዙ መደራደር፥ መሸማገል፥ ለቱርክ ማካካሻ መፍቀደም ነበረባቸዉ።

የኔቶ ጉባኤተኞች-ዉሳኔ-ስምምነት እንዴትነት አስገምግሞ ሳያበቃ-ሰሜን ኮሪያ ክዋንግ-ምዮግ-ሶንግ ፪ ያለችዉን ሚሳዬል መተኮሷ ተሰማ።እርምጃዉ የተባበሩት መንግሥታት የፀጥታዉ ጥበቃ ምክር ቤትን ለአስቸኳይ ጉባኤ አስቀምጦ ነበር-በይፋ የወጣ መግለጫ ግን የለም።

በማግስቱ የጣሊያንዋ ከተማ ላ አኩላ በመሬት መንቀጠቀጥ-ተርገፈገች።በሬክተር ስኬል-፮.፫ የተለካዉ የመሬት መንቀጥቀጥ ሰወስት መቶ ሰዉ ገደለ።ከአንድ ሺሕ አምስት መቶ በላይ አቆሰለ።የታይላንድን መንግሥት በመቃወም በተከታታይ የተደረገዉ የአደባባይ ሠልፍ-ንሮ ከሮ ባንኮ ሊደረግ የነበረዉን የምሥራቅ እስያ ሐገራትን ጉባኤ አስ-ሠረዘ።ሚያዚያ-አስራ አንድ።

ግንቦት ለሺሪላንካ ታሪክ እንደየተመልካቹ ብይን-አስደሳች፥ ወይም አሳዛኝ ወር ነዉ።ታሚሎች የሚኖሩበትን ግዛት ከሐገሪቱ ማዕከላዊ መንግሥት አስተዳደር ነፃ ለማዉጣት ለሃያ-አምስት አመት በነፍጥ የሚዋጋዉ የታሚል ነብሮች-አማፂ ቡድን መስራችና መሪ-በመንግሥት ጦር ተገደሉ።ግንቦት አስራ-ስምንት።ለፕሬዝዳት ማሕንደ ራኣፓክስ ታላቅ-ድል ነበር።የታሚሎቹ የነብሮች ነብር-በርግጥ ወደቁ።-ቬሉፒላይ ፕራባሕ-ካራን።አብሮም- የታሚሎች የሃያ-አምስት አመት የነፍጥ ዉጊያ ተደመደመ።

ሙዚቃ (ማይክል)

መልካም ዕረፍት-ማይክል»ይሕ ልሳን፥ ይሕ አምባራቂ፥ ተስረቅራቂ ድምፅ-ተዘጋ።የአለምን የሙዚቃ-የዳንኪራ ሥልት ባዲስ መልክ ያሾረዉ ማይክል ጃክሰን ሞቱ።-ሰኔ-ሃያ አምስት።ከፓሪስ በሰነዓ አድርገዉ ወደ ኮሞሮስ ደሴቶች ይጓዙ የነበሩ አንድ መቶ ሃምሳ ሰወስት መንገደኞች ያሰፈረዉ የየመኒያ አዉሮፕላን ዉቂያኖስ ዉስጥ ገባ።ለወሬ ነጋሪት አንዲት ልጅ ብቻ ተረፈች።-ሰኔ አበቃ። ቸር ያሰማን።

[መልከጻዲቅ]

ሰላም ውድ ማህቡብ የ2009 አመት መውጫን የአዲሱን አመት መባቻን አስመልክተህ የአለምን ውሎ- ክራሞት በብእርህ አስዳደስከን:: ድንቅ ግምጋሜ ነው:: እዚህ ከመጣሁ አይቀር ካነበብኩት አንድ ላካፍላችሁ::

በንግድ ስራ ቡዙ ሀብት ከሰበሰቡ ስማቸው በአለም ከታወቀ ባለጸጎች ሁሉ ይበልጥ ስሙ ገኖ የነበረው ዥን ዸቨስን ሮክፌለር የሚባለው ሰው ነበር:: ይህ ሰው እንደ ኤሮፓውያኑ የጊዜ ቀመር በ1855 ባሜሪካ ውስጥ ሔዊት ከሚባል ልዩ ልዩ የምግብ እቃ በጅምላ ከሚሸጥ ነጋዴ ዘንድ ተቀጥሮ ስራ መስራት ጀመረ:: ሲቀጠርም መጀመሪያ የተቆረጠለት ደሞዝ በወር 5 የአሜሪካን ዶላር ብቻ ነበር:: ታዲያ ልጅ ሆኖ ያስተምረው የነበረው መምህር ላባቱ ሁልጊዜ እንዲህ እያለ ይነግረው ነበር ይባላል " ልጅህ ጥሩ ጸባይ ያለው መልካም ልጅ ነው:: ይሁን እንጂ ነፈዝ ነው ሀሳቡም ሰፊ አይደለም እዚህ ጊዜውን ከሚያጠፋ የገልባጭነት ስራ እንዲማር ብታደርገው ጥሩ አገልግሎት ሊሰጥ ይችላል""
ስለ ተማሪዎቻቸው ጸባይና ወደፊትም ሊሆኑ ስለሚችሉት ነገሮች በሚናገሩት ትንቢት የሮክ ፌለር መምህር ብቻ ሳይሆን የቡዙ ትልልቅ ሰዎች መምህራን ተሳስተው ተገኝተዋል:: ይህም የሚሆንበት ምክንያት ሲያድጉ ትልልቅ ስራ የፈጸሙ ሰዎች አብዛኞቹ በልጅነታቸው ከጔደኞቻቸው የተለየ ብልህነት ያላቸው ሆነው ስለ ማይታዩ ነው::
ከበደ ሚካኤል የስልጣኔ አየር 2000
መልካም የፈረንጆች ገናና አዲስ አመት::