የዋናው አቁማዳ==>ሸራ ስላልወጠርኩ

Topics related to cultures, arts, languages, arts such as humor, music, traditional literary genres of poems, ግጥም ፣ ቅኔ ፣ ተረትና ምሳሌ)

Postby ዋናው » Tue Jul 06, 2010 2:04 am

የእብዱ ማስታወሻ=> (ልቦለድ)

እዚህ ከተማ ውስጥ ሀያ ሦስት ዓመት ሲኖር ያተረፈው ቢኖር ዕብድ የሚለዉን ስም ብቻ ነው ይጠጣል ያነባል ይተኛል... የራሱ ማሕበረሰብ አግልሎታል የተዋሰው ምድር ሕዝብ ደግሞ ንቆ ትቶታል::
የማትበረክተዋ የለንደን በጋ ሙቀቷን የብርቅ ያህል ለቃዉ ሰዉ ሁሉ ራቁቱን ነው::
''እስቲ ፓይንት ግዛልኝ...''
አለኝ ብብቱ ስር አጥፎ ያቀፈዉን መፅሔት ጠረጴዛው ላይ ወርወር አድርጎ: በዓይን እንተዋወቅ እንጂ ተነጋግረን አናውቅም ሁሌም ፈገግ ሲልልኝ የሲጋራ ሚጠይቀኝ እየመሰለኝ ኪሴ ስገባ ፈጥኖ ይሸሸኛል
''ቁጭበል''
አልኩት ጠረጴዛው መሀል የተተከለዉን የፀሐይ ዣንጥላ አጮልቄ ፊቱን እያየው : ተቀመጠ::
''አናግረህኝ አታውቅም...''
አልኩት ፈገግ ብዬ
''አንተም እንደሌሎቹ ሃበሾች ከንፈርህን ምትመጥብኝ ስለሚመስለኝ ይሆናላ...''
አለኝ:: ሲጋራ ካጠላቸው ከናፍርቱ መሀል ፈገግ ሲል ብልጭ ያሉት ጥርሶቹ እንደጠበቅኳቸው ያህል አልነበሩም ይልቅስ ፊቱን ደስታ ሊሞሉት የተቃቀፉ ይመስላሉ

''ሌሎች ሃበሾች ከንፈሮቻቸዉን ይመጡብሀል...?''
አልኩት ከመጠጥ ቤቱ ውስጥ ያመጣዉለትን የስቴላ ፓይንት አቀብዬው

''መምጠጥ ብቻ.... አንዳንዴ ሳልሞት የሬሣ ሁሉ ሚያዋጡልኝ ይመስለኛል ...
አለኝ ባንድ ትንፋሽ ሩብን ያህል አጋምሶለት
''አንተ ያገርህን ሠው አትቀርብም እንዴት ይህንን ልትገምት ቻልክ እንዲያዉም ዛሬ ባማርኛ ስታዋራኝ ገርሞኛል...''

''ያገሬ ሠዎች ባስፈለጉኝ ጊዜ አልደረሱልኝም ፍቅር በፈልግኩበት ጊዜ ሠላምታ እንኳን ነፈጉኝ... ግን አሁንም ቢሆን ከነጩ ፈገግታ እና ይውሸት ፍቅር ያገሬ ኩርፊያና መጠየፍ ይሻለኛል... ለምን ይሄንን እደምልህ ግን ታውቃለህ...?''
መልስ ከኔ እንደፈለገ ሁሉ ወሬዉን ገታ አደረገ: አንገቴን ወደጎን ነቀነቅኩለት

''ምክኒያቱም ባለማውቅ ነዋ... እኛ'ኮ አናውቅም ምስኪ'ኖች ነን ---- ናችሁ ሲሉን አዎ ---- ነን እንላለን ግን ምርጫ ስለሌለንም ይሆናል እኔ ምን ሆኜ እንዲህ እንደሆንክ አንድም ሠው ጠይቆኝ እንደማያውቅ ታውቃለህ....?''
አሁንም ወሬዉን ገታ ሲያደርግ አንገቴን ነቀነቅኩለት
''ማንም... ግን ካምብሪጅ ዩኒቨርስቲ መማሬ ለጉራ ሲጠቅማቸው ያወሩታል... አይደል... አዎ አውቃለሁ ያወሩታል ምን ሆነህ ነው ያለኝ ግን የለም

''መጠየቅ ከፈቀድክልኝ ምን ሆነህ ነው ግን?''
አልኩት እንደመፍራት እያልኩኝ ባንድ እጁ መፅሔቱን ሲያገላብጥ ሳየው የእጆቹ ጣት ጥፍሮች አድገው ውስጣቸው ቆሻቻ ቅመዋል

''ስለጠየቅከኝ ደስ ብሎኛል ... በነገራችን ላይ ይቅርታ ለዚህ ጠላ ሳላመሰግንህ ነው የተጎነጨዉት....''
አለና ብርጭቆዉን አንስቶ በሁለተኛው ትንፋሹ ወገቡ ላይ አደርሰው::

''...እ.....''
በሃሣብ ጭልጥ ብሎ ሄደ ድፍርስ ዓይኖቹ ተተክለው ቀሩ:: ዝምታው ሲያስፈራኝ ግራና ቀኜን ገልመጥ አድርጌ ድምፄን ሞረድኩ

''አዎ''
የማህልና አውራ ጣቱን አጣብቆ ከመዳፉ ጋር ጧ! አድርጎ አጮኸና ቀጠለ

''አዎ... በጣም ረጅም ታሪክ ነው ባንድ ጀምበር ሚያልቅ አይደለም ግን ልነግርህ እፈልጋለው ለምን እንዲህ እንደምልህ ታውቃለህ.... እ... ታውቃለህ....?''
ራሴን ወደጎን ነቀነቅኩለት

''የሆነ የተለየ ገፅታ ስለማነብብህ ነው ብዙ ጊዜ ልታዋራኝ ፈልገህ ፈርተህ እንደምትተዉም አውቃለሁ ወይ ብልጥ ነህ ወይም ሞኝ አይደለህም ..... ልክ ነኝ?''
''እኔንጃ ''
አልኩት ከት ብሎ ሳቀና ፓይንቱን ጨለጠው:: ሌላ አመጣዉለት

''ትላንትና ኢትዮጵያ ኮሚኒቲ ሄጄ ነበር... ራሳቸው እየተጨቃጨቁ ሳይስማሙ ኢትዮጵያን ሚያስማማ ማኒፌስቶ አዘጋጅተናል ይላሉ... የዚህ ሃገር መንግስት ጀርባቸዉን እየጠበጠበ አይዟችሁ ይላቸዋል በሞራል መፈክር እየፃፉ... አልኩህ.... ይልቅ ለምን እንደሄድኩኝ ልንገርህ.... ፕሊስ.... እ?''

''ንገረኝ''

''ይቅርታ ግን ስምህን አላውቀዉም....''
ነገርኩት የርሱንም ነገረኝ

''አዎ... አንዲት ብጣቂ ማስታወሻ ነበረችኝ እና ወራዊ መፅሔታችሁ ላይ አሳትሙልኝ ስላቸው.... ፅሑፉንም አላዩትም ፊታቸዉን አጠቆሩብኝ ኡ ኡ መብቴ ነው ብዬ መክሰስ እችል ነበር ግን እነሱም እንጀራቸው ነው በስንፍናም ይሁን በምንም የሚያገኙትን ብር እዚህ ብቻቸዉን እንደማይበሉት አውቃለዋ... እዛች ምስኪን ሃገር ነው ሚልኩት.... እኛ'ኮ ሆዳሞች አይደለንም አይደል...? ''
ወሬዉን ገታ አድርጎ አዎንታዬን ሲጠብቅ ራሴን ከፍና ዝቅ አደረግኩለት::

''...ነጭ'ኮ ሆዳም ነው.... የፈለገ ነገር ቢሆን ካንተ አንድ ነገር ሳይፈልግ አይሰጥህም አንዳንዴ ሳስበው የዚች ዓለም አአቀማመጥ ራሱ ምክኒያታዊ ነው....''

እንዴት?''

''ይልቅ ፅሑፌን ተርጉመህ አንተ ታሳትምልኛለህ... አማርኛ ሚያዋራኝ ስለሌለ ሃሣቤን ሰብስቤ ለመፃፍ አስቸግሮኝ ነው በቡዳዎቹ ቋንቋ የፃፍኩት''
አለኝና መፅሔቱን ገልጦ ባደፈ ወረቀት የተፃፈ ፅሑፍ ሠጠኝ:: ዓይኖቼ ገና ማንበብ እንደጅመሩ... ድንገት ይቅርታ ጠይቆኝ ተቀበለኝና
''ቀሽም ሆንኩብህ አይደል... አማርኛ አልችልም ማለቴ.... ለቋንቋው ክብር ስላለኝ አልተማምንኩም እንጂ ሞክሬዋለሁ እንዲያዉም እሱን ልስጥህና ...''
ብሎኝ ሌላ ያደፈ ያማርኛ ፅሑፍ ሠጠኝ:
''ይሄ መግቢያው ነው''
በፈገታ ተቀብዬው ዓይኖቼን ወደ ፅሑፉ ስወረውር ድንገት እሙር ብሎ ተነሣና

''ቡዳዎቹ እየመጡብኝ ነው ልሂድ ሠባራ ፍላጎታቸዉን መጠገን አለብኝ እነሡ ቀጣፊ ለመሆን እኔ ተቀጣፊ መሆን አለብኝ እሺ....
ደግሞ አደራህን እዚህ ሃገር ሞኝ ሆነህ ኑር.... ጠላ ስለጋበዝከኝ አመሰግንሀለው ፈቃደኛ ከሆንክ ሌላ ጊዜ እብደቴን እስብክሀለሁ::

ሳይጨብጠኝ መፅሔቱን ብብቱ ስር ከትቶ ፈጥኖ እየተራመደ ሄደ ስሙን ጠርቼ ላስቆየው ብሞክር አልዞረልኝም::
የማላውቀው ስሜት ተሠማኝ :: ከዛም ማንበቤን ቀጠልኩኝ


ዘመን ዘመንን ሸኝቶ እኛን እቼቼ ብሎን እየገሠገሠ ነው አቻምና የገረሙን ነገሮች ዛሬ ተራ ነገር ሆነዋል የትላንት ነውሮች ዛሬ የጨዋ ደምብ እየሆኑ ነው ጊዜ ከስሯ 'ሚራወጡትን ሁሉ በምትዓቷ አሳምና ዛሬኛን ሆነው እንዲከተሏት ታደርጋለች ምርጫ የለንም እንደ ላም እምቡቡቡቡ... ባንልም እንደሠው ሆ.... እያልን እንከተላታለን አታምልጣቹ ተብሎ ስለተነገረን እንንቀዠቀዣለን ወይም ደግሞ ሲያደርጉ አይተናልና እንዋከባለን... ዛሬን ሳትሠራባት ካለፈችብህ ከዕድሜህ ተሠርቀሀል ተብሎ በተረት ስላስፈራሩን እርጋታችንን ማዶ ለግተን ቆም ብሎ ማሰባችንን ተነጥቀን እንበራለን... መብረር... መሮጥ... መንጦልጦል....
ወሬዉን አጣፍጠው በመስኮት ሲሰብኩን ጋዜጣ ላይ ፅፈው ሲሰጡን እንቀበላለን ሁሉም ነገር የገባን እየመሠለን የነርሱን ዲስኩር በቃምን እኛ እንክኮፈሳለን... ''እንዲህ ሆነ '' እያልን የገደል ማሚቱ ሆነን እናስተጋባለን የነርሱን ትንሽነት አሳምረው ሲያሳዩን የኛን ትልቅነት እንረሳለን... ኋላ ቀራችሁ ሲሉን ሆድ ብሶን እንንደረደራለን አልደረሳችሁም ሲሉን ተስፋ እንቆርጣለን...
በዛ በኩል
ምድር በራሷ ምን እንዳንቀዠቀዣት እንጃ ያለቅጥ እየሮጠች ታረጃለች እንዳሮጌ ዣንጥላ ተቦዳደሰች በበጋ እያነባች በክረምት ትደርቃለች... ላንዱ ሃሩር ሆና ላንዱ ትጎርፋለች...
በጎን
መንግስታት እያስታረቁ ያጣላሉ... እያጣሉ ያስታርቃሉ ጥይት ዘርተው እያጨዱ ሠላምን ይሰብካሉ... አማላጅ ሆነው ገብተው እነሱ ዳግም አማላጅ ይሻሉ... ለቆመ ጎርፍ ግድብ ይገነባሉ... ባሕል ሳይኖራቸው ሠው ምድር ላይ ባሕል ይተክላሉ.... ጨዋነትን ገፈው ነውርነትን ያለብሳሉ... ዝምታው ማንነቱ የሆነዉን በግድ መብትህ ተነካ ብለው ያስዋሻሉ... እሱን እየመጡ ለኛ ይሰብኩና እኩልነት ይላሉ....
ራሳቸው እየጮዑ ራሳቸው
እያጮዑተደፈር ን እርርሪ ብለው ለብቀላ ይዘምታሉ... የራሳቸዉን ዜጋ ልከው ራሳቸው ያሳደጓቸዉን ጠያይም እነሱ ጠላት አድርገው ጠለፏቸው... አፈኗቸው.... ብለው በወሬ ዓለምን ይነዛሉ... ከካሜራው ጀርባ ያሉት ጠላፊና ተጠላፊዎች ካሜራው ኦፍ ሲሆን መለኪያቸዉን አንስተው ሴሌብሬት ያደርጋሉ... (ፊታቸው ካልታየ ባለ ጊዜ ሆነው ይኖራሉ ፊታቸው ከታየ ተገደሉ ተብለው ድምፃቸውም ሕይወታቸዉም ይጠፋል)ይሄን ጊዜ ሽብርተኛው አልጠፋም በርቱ ካላችሁበትም እንዳትለቁ የሚል መመሪያ ራሳቸው አውጥተው የነቀሉትን ዱንካን መልሰው ይተክላሉ... የመቶዎች ዓመታት ዕድሜ ያለዉን ሙከራቸዉን ስልት ቀይረው ለመቶዎች ዓመታት ዳግም ደባ ይጠነስሳሉ...
በዚህ በኩል
እነርሱ እዛ ሆነው ማንነታቸውን እዚህ ይልካሉ በቴክኖሎጂ አንደበታቸው የማይሽር በሽታ ይዘራሉ ብልጭልጭ ጉዕዝን አሳምረው እየፈነጩበት ሕይወት ማለት እንዲህ ነው እያሉ ምስኪኑን ሕይወቱን እንዲንቀው ያታልላሉ ውስጣቸው የሠላም ደሃ ሆነው በውሸት ፈገግታ ሠላም እንዳላቸው ያስመስላሉ ከንቱነትን ባሕል አድርጎ ለሚፈጥር ዘመንኛ ወጣት ዋንጫ ይሸልማሉ ብር ሰጥተው ላይ አድርሰዉት ሠዉን ሁሉ መንገድ አስቶ መጨረሱን ካረጋገጡ በኋላ መልሰው ገንዘቡን ሳይሆን ሕይወቱን ይነጥቁታል ተገዳደሉ ብለው ዜናቸዉን ይሰብካሉ... ከዛ ደግሞ ሌላ ይመለምላሉ... <= ይህንን ሁሉ ቅንብራቸዉን ለምስኪኑ ሕዝብ በሚዲያ ያሳያሉ::
ምስራቃዊያን የባሕል የማንነት ሌብነታቸዉን አውቀው መስኮትና ጆሮዋቸዉን ድፍፍፍፍን በማድረጋቸው በንዴት ይጮዋሉ ምንም ያላለዉን ሕዝብ መብታቸው ተነካ የዓለምን አኪያሄድ እንዳያውቁ ተነፈጉ ብለው ዳግም ይጮኻሉ ስልጣኔን ከነርሱ እየተቀበሉ ሕዝቡ እንዳይሰለጥን በሩን ዘጉበት ብለው ይደሰኩራሉ ... ግንብና ተራራን ሚያደንቅ ቱሪስት መስለው ገጠር ገብተው ሊለያዩ ተንኮል ይሸርባሉ ...
እኛ ግን ይሄን ሁሉ በየዋህነት ነው ምናየው አጎዛ አንጥፈን ጠባብ አፍና ሠፋፊ ጆሮ እናዘጋጅላቸዋለን ወተት ከሚዘንብበት ቅቤ ከሚቆፈርበት ሃገራችሁ ውሰዱን ብለን እንማፀናለን... ይወስዱናል ወተት ባይዘንብም ቅቤ ባይቆፈርም ደም ተፍተን ሳንቲም እናገኛለን እሱን ስንቆጥር ያዩ ሁሉ የቃልኪዳን ምድርን በተስፋ ምድር ሊቀይሩ ከራሳቸው ጋር ግብግብ ይፈጥራሉ.... እናት አልባ አባት አልባ ጨቅላ አራስ ልጆቻችንን ጠቅልለን እንሰጣለን የላክናቸው ልጆች መሰልጠናቸዉን
መሰይጠናቸዉን አናውቅም ... በርግጥ ብዙ ሰጥተው ብዙ ብዙ ያወራሉ የገዛ ሕዝባቸዉን መልካም ስራ መስራታቸዉን ሰብከው ጭብጨባ ያጠራቅማሉ ....

ስርዝ ድልዝ የበዛበትን ፅሑፍ በጉጉት እያነበብኩኝ ወደሚቀጥለው ገፅ ስሸጋገር በእንግሊዘኛ ፅሑፍ አንድሬው ኮሊን የተባለ ፀሐፊ ስለፒራሚድ ስለፃፈው የወሰደዉን ማስታወሻ አየው::

አንድ ነገር ለማወቅ ውስጤ ግብግብ አለ ምን ሆኖ ይሆን?

ተፈፀመ

ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ትርንጎ* » Tue Jul 06, 2010 3:36 am

አቤት ዋንሽ...ስንቱን መዘገብከው:: እኔም "ምን ሆኖ ይሆን?" ልል ስል ጉጉቴ በተፈፀመ ተፈፀመ:: ተወገቤ ዠቅ ብዬ እጅ ነስቻለሁ::
ትርንጎ*
ዋና ኮትኳች
ዋና ኮትኳች
 
Posts: 675
Joined: Mon Oct 06, 2008 7:43 am

Postby yammi » Tue Jul 06, 2010 8:13 am

ዋንሼ ብእርህ ናፍቆኝ ነበር:: ይህንን የእብድ ጤነኝ ደጋግመህ አጠጥተህ ብዙ ብታስለፈልፈው ደስ ይለኝ ነበር:: ግሩም መልእክት ያዘለ ውብ ጽሁፍ ነው::
yammi
ኮትኳች
ኮትኳች
 
Posts: 441
Joined: Fri Jul 28, 2006 11:02 pm

Postby እአምሮ » Thu Jul 08, 2010 1:09 pm

ዋናው......:: በዚህ አለም ያለውን እውነታና አሰራር በአንድ ገጽ ወረቅት አቅረብከው:: በእውን ግን እሱ ነው ያበደው ወይስ ከምራቡ አለም ገዢውችና እምንታቸው ጋ አብረን አስረሽ ምቺው የምንለው እኛ?


ድንቅ ነው ወንድሜ....አስትዋይ ሰው አይጥፋ::
እአምሮ
ኮትኳች
ኮትኳች
 
Posts: 256
Joined: Mon Apr 12, 2004 12:35 pm

Postby ዋናው » Thu Jul 08, 2010 1:40 pm

ትርንጎ
ያሚታዬ እና
አእምሮ ለማንበባችሁ ምስጋናዬ ይድረሳችሁ... ይሄንን ውጪው አብዶ ውስጡ የፀዳ ሠው ድጋሚ አግኝቼ መጋበዝ አለብኝ አይደል ? :)
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ገልብጤ » Thu Jul 08, 2010 3:33 pm

ዋናው wrote:ትርንጎ
ያሚታዬ እና
አእምሮ ለማንበባችሁ ምስጋናዬ ይድረሳችሁ... ይሄንን ውጪው አብዶ ውስጡ የፀዳ ሠው ድጋሚ አግኝቼ መጋበዝ አለብኝ አይደል ? :)


በደንብ እንጂ ዋናው..በደንብ መጋበዝ ነው ወጪውንም በጋራ እንከፍላለን..አሪፍ ጠላ እንጋብዘዋለን
ያልበሰለ ፖለቲከኛ ስለቀጣዩ ምርጫ ሲያስብ
የበሰለ ፖለቲከኛ ስለቀጣዩ ትውልድ ያስባል
James freeman clarke
ገልብጤ
ዋና ውሃ አጠጪ
ዋና ውሃ አጠጪ
 
Posts: 1676
Joined: Sat Jun 26, 2010 11:24 pm

Postby ጌታ » Thu Jul 08, 2010 5:31 pm

ገልብጤ wrote:
ዋናው wrote:ትርንጎ
ያሚታዬ እና
አእምሮ ለማንበባችሁ ምስጋናዬ ይድረሳችሁ... ይሄንን ውጪው አብዶ ውስጡ የፀዳ ሠው ድጋሚ አግኝቼ መጋበዝ አለብኝ አይደል ? :)


በደንብ እንጂ ዋናው..በደንብ መጋበዝ ነው ወጪውንም በጋራ እንከፍላለን..አሪፍ ጠላ እንጋብዘዋለን


ወጪው ላይ ባልሳተፍም በደንብ መጋበዝ እንዳለበት እስማማለሁ :lol: :lol:
ኢትዮጵያ እጆቿን ወደ እግዚአብሄር ትዘረጋለች!!!
ጌታ
ዋና አለቃ
ዋና አለቃ
 
Posts: 3029
Joined: Sun Apr 17, 2005 5:35 pm
Location: ዶሮ ተራ

Postby Tጂ » Mon Jul 12, 2010 2:16 am

ክጥግ ቆሜ ደግመህ እንድትጋብዘው እየተመኘሁ ነበር ግን እስካሁን ጠሎቴ አልሰመረም ፕሊስ ዋንቾ ትንሽዬ ግዜ ካገኘህ አንድ ቀን ደግመህ ጋብዘው እና አስለፍልፍልን:: ወጭውን በማንበብ እንተባበራለን::

ከአክብሮት ጋር
“Love is like the wind, you can't see it but you can feel it."
Tጂ
ኮትኳች
ኮትኳች
 
Posts: 301
Joined: Sat Aug 11, 2007 3:59 am

Postby ጉዱ ካሳ » Mon Jul 12, 2010 5:33 pm

...ዋንሽ...ከጌታ ጋር እየተከራከርን ስለሆነ ነው:: እባክህን እስቲ ንገረን! ጌታ የሚለው ዋንሽ አግኝቶት ጠላ የጋበዘው ጦሜክስን ነው ሲል አኔ ደግሞ እረ አይደለም....ውቅሽን ነው ያገኘው እያልኩ ነው:: እስቲ ንገረንና እንወቅ..
ጉዱሻ
____________________________________
የምንወደውን ብንጠላ የምንጠላውን ብንወድ በራሳችን ላይ ከፍተኛ የሆነ የባህሪ ለውጥ አመጣን ማለት ነው!
ጉዱ ካሳ
ኮትኳች
ኮትኳች
 
Posts: 356
Joined: Wed Oct 22, 2003 6:22 pm

Postby ገልብጤ » Mon Jul 12, 2010 9:26 pm

ጉዱ ካሳ wrote:...ዋንሽ...ከጌታ ጋር እየተከራከርን ስለሆነ ነው:: እባክህን እስቲ ንገረን! ጌታ የሚለው ዋንሽ አግኝቶት ጠላ የጋበዘው ጦሜክስን ነው ሲል አኔ ደግሞ እረ አይደለም....ውቅሽን ነው ያገኘው እያልኩ ነው:: እስቲ ንገረንና እንወቅ..


ሀሀሀሀሀ..ውቃው (ኡኬ )ይሆን ?
ያልበሰለ ፖለቲከኛ ስለቀጣዩ ምርጫ ሲያስብ
የበሰለ ፖለቲከኛ ስለቀጣዩ ትውልድ ያስባል
James freeman clarke
ገልብጤ
ዋና ውሃ አጠጪ
ዋና ውሃ አጠጪ
 
Posts: 1676
Joined: Sat Jun 26, 2010 11:24 pm

Postby ዋናው » Mon Jul 12, 2010 11:00 pm

ጌትሽ በቃ አንተ ኪስህ 'ምትገባው ሲበርድህ ነው አይደል?... ይብላኝልህ እንጂ ገልብጤ ሙሉ ጠርሙስ አስገለብጣለሁ ብሏል::
ቲጂዬ እንዴት ነሽልኝ? እስቲ ባይሆን እኔም አብጄ ብሆን እሱ ቦታ ውዬ ማፈላለግ አለብኝ::....
ጉድሽ ዘንድሮ ዋርካ ውስጥ ምስጢር አምልጦህ ሹክ ካልክ በማግስቱ ያ ወሬ ዞሮ አንተ ዘንድ ይደርሳል... እያሉ እነደብዚ ሲማረሩ ሰምችያለሁ:: የዚህን እብድ ማንነት አልናገርም... ግን ማን ጀማምሮት እንደነበረ ካስታወስክ መልሱን ታገኘዋለህ አያ ዋኖስ ሲተርት ለመስከረም 'ሚያብድ በሐምሌ ሱሪዉን ዝቅ ዝቅ ያደርጋል :lol:
ይላል 'እውነቱን'ኮ ነው::
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዝንቱ » Thu Jul 15, 2010 7:45 pm

ዋንቾ! እንዴት ነህ? አንተስ ደራሲ የሚለው ማዕረግ ይገባሀል:: በል በርታና ፃፍ:: ደግሞ የምን መጥፋት?

የኔ ነገር! ዛሬን ብመዘገብ ሁሉም ደንበኞቼ ቤት አስተያየት ሰጪ ሆንኩ::
I am black, yet beautiful!
ዝንቱ
አዲስ
አዲስ
 
Posts: 24
Joined: Thu Jul 15, 2010 6:56 pm
Location: MARS

Postby ዋናው » Wed Aug 04, 2010 2:03 am

ሽንፈቱን ለሚክድ ባለጋራ
ሙግት ገጥመህ ዳኛ አትጠራ
ተወው
-አውቀህ ስትሸነፍ በባዶ ይኩራራ
ነገ ራሱ ያየው የለ
-የርሱ ድል ጨልሞ ያንተው እያበራ


ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby sleepless girl » Wed Aug 04, 2010 4:30 pm

ዋናው wrote:ሽንፈቱን ለሚክድ ባለጋራ
ሙግት ገጥመህ ዳኛ አትጠራ
ተወው
-አውቀህ ስትሸነፍ በባዶ ይኩራራ
ነገ ራሱ ያየው የለ
-የርሱ ድል ጨልሞ ያንተው እያበራ


አሪፍፍፍፍፍፍፍፍ መልእክት ያላት ግጥም ነች ዋኒቾ...... :wink:
Nothing is impossible!!
sleepless girl
ዋና ውሃ አጠጪ
ዋና ውሃ አጠጪ
 
Posts: 1510
Joined: Sun Feb 19, 2006 3:56 am
Location: near u!

Postby ዋናው » Wed Aug 04, 2010 11:43 pm

ዝንቱ እንኳን ወደ ሠፈረ ዋርካ በሠላም ተቀላቀልክ ለማሕርጉ አመሠግናለሁ!

ስሊፕዬ ላንቺም ምስጋናዬ ይድረሰሽ
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

PreviousNext

Return to Warka Culture and Literature - ዋርካ ባህልና ሥነ ጽሑፍ

Who is online

Users browsing this forum: No registered users and 3 guests