ጥላ ዓልባ__________(ልብ ወለድ)

Topics related to cultures, arts, languages, arts such as humor, music, traditional literary genres of poems, ግጥም ፣ ቅኔ ፣ ተረትና ምሳሌ)

Postby ማህቡብ » Mon Jan 11, 2010 7:43 am

ወንድማችን ዋናው !

ሰላም እና ጤና ከዘወትር ብልጽግና ጋር እየተመኜሁ ብዙዎች በጉጉት የምንጠብቀውን ጅማሮህን እንድትቀጥልልን ከታላቅ አክብሮት ጋር እማጸናለሁ :)

ሁሌም አክባሪህ
SELAM + FIKR MINGIZEAM LENANTE YIHUN
ማህቡብ
ኮትኳች
ኮትኳች
 
Posts: 264
Joined: Thu Aug 18, 2005 3:17 pm

Postby ዋናው » Sun Apr 18, 2010 1:17 am

ዘካሪያስ ጠዋት ከአልጋው ሲነሳ ደስ የማይል ስሜት ተሰማው አልጋው ውስጥ የቀረው የሠባዊት ጠረን ልቡ ውስጥ እንደሚቀረው ፍቅሯ እንደማይበረክት ሲያውቅ ተናደደ። ቢከተላት ሁሉ ተመኘ ለመጨረሻ ጊዜ ከዕቅፉ ስትወጣ ያለቸውን አስታወሰ
''እቺን ሃገር ለቀህ እንዳትሄድ የሚያደርግህ ዓይነት ጉዳይ ካገርህ የሚመልስህ ነገር መኖር ያለበት ይመስለኛል... የሠጠውህ ንፁሕ ልቤም ሆነ ፍቅሬ የነገ ሕይወታችንን ሊያሳየኝ አልቻለም። ''

ተነስቶ ቡናውን ሲጥድ አንተነህ የበሩን መጥሪያ አንጫረረለት
''አንተ ምን አለብህ... በሠው ሃገር እንዳትነቃ ሆነህ በጀርባ ተኛ’’
አለው ገና እንደነጋለት ሚያሳብቅበትን ዓይኖቹን ሲያይ
''በቅዳሜማ እንኳንስ ስራ ጀምሬ ቦዘኔም ሆኜ እተኛ ነበር... ቡና ልስራልህ...''
''ቴንኪው... የኤልሢን ቡና ጠጥቼ ነው የመጣዉት...ይብላኝ ሚስታቸዉን ለሸኙ''
''ኸረ አታንሳብኝ ፒካሦ...''
እሕቶቻችን በሠላም ገቡ... ደውለህ ነበር?''
''አዎ ትላንት ደውዬ ነበር ሠላም ገቡ: እናቴ የማኪን ፎቶ አይታ ስታለቅስ ነበር... እንደምንም ይዢያት ሂጄ ማሳየት አለብኝ''
አለ ዘካሪያስ ትከሻው ላይ ጣል ያደረገዉን ፎጣ በሁለት እጆቹ ወጥሮ ይዞ
''ይሻልሃል ...ይሄ ወደ ሃገር የመመለስ ሚባል ጉዳይ ግን ትልቅ ኢሹ መሆኑ የታወቀኝ አሁን አሁን ነው ዘኪ''
አለ አንተነህ እግሮቹን አነባብሮ እየተቀመጠ
''ፒካሦ ሙት አንድ ላይ ሆ!!! ብለን መግባት አለብን ሠው ባዶ እጁን ቀርቶ በድን ሆኖም ይገባል'ኮ ... ይሂው ሙሤን እየው ነገ ዛሬ ይሞላልኛል ሲል ኪሱ ሳይሆን ስሜቱ ባዶ ሆኖበት ሕይወቱ አልፎ በድኑ ገባ!''
''እንገባለን... ምን ገርፈን አልወጣን ወይም ገርፈው አላባረሩን ዘኪ''
ዘካሪያስ ትኩስ ቡናዉን ጠጥቶ ሲጋራ ሲያቀታጥል አንተንህ ደንግጦ ቀማው
''እንዲህማ ቀሽም አትሆንም እሷን ልትሸነግል ብቻ ነው ማለት ነው ያቆምከው''
''ፒካሦ ሙት እሷን ሸኝቼ የመጣው ቀን ቤቱ በጣም አስጠላኝ ወዲያው የታየኝ ሲጋራ ነበር ወጥቼ ገዛውና ሳጨስ አደርኩኝ''
'' እና በዛው ከፎረሽክበት ቀጠልክ?....ዘኪ ለማቆም ከዚህ የተሻለ አጋጣሚ አታገኝም ፕሊስ ተዎው እኔም አንድ ቀን ኤልሢን ሰርፕራይዝ ላደርጋት እያሰብኩኝ ነው በዚህ ላይ ሰሞኑን አንዲት ሳይክል ገዝቼ ዳገት ዳገቱን ስጋልብ ልቤ ቀጥ ልትል ትደርሳለች... አንዳንዲ ሲጋራዉን አቁሜ ማሪዋና ብቻ ማጨስ ያምረኛል''
'' ይሻልሀል ሙት! ፒካሦ ባክህ ይሄ ሃገር አጭሰህበትም አልሆነ... ስጠኝ''
''ኖ!''
''ሠው ሴሌብሪቲ ሲሆን ፌራሪ ቤንትሊ... ይገዛል አንተ ሳይክል ትጋልባለህ....?''
''እነኚህ የጉራ ስታምፕ የሆኑ ነገሮችን እንደማላመልክ ታውቃልህ... መግዢያውን ሳንቲም ባገኝ'ንኳን ለመግዢያው የሚሆን ሞራል የለኝም''
እ....ሺ ምን ነበር ያ ዛሬ ነገ ይነገርሃል ተብሎ ሲራዘም ሲጓተት የቆየው ነገር.... እስቲ ተንፍሠው... ምን በ ሰስፔንስ ፕሪዝን ብሬክ አደረከውኮ''
አለ ዘካሪያስ ወደ ዛሬ ቀነ-ቀጠሮ ዋና ጉዳያቸው ለመግባት እየፈለገ
''ከየት ልጀምርልህ ከመጨረሻው ወይስ ከመጀመሪያው...?''
አለ አንተነህ ፈገግ ብሎ ፀጉሩን በጣቶቹ እያድቦለቦለ
''ደስ ካለህ ብትፈልግ ከመሃል ...''
''መጨረሻዉን ልጠቁምህና ወደመጀመሪያው ልሂድ... የዛሬ ሣምንት ከካትሪን ጋር ማሊዢያ እሄዳለሁ ''
ዘካሪያስ ግራ በመጋባት
''የት...ከማን ጋር...?''
ብሎ ዓይኖቹ ፈጠጡ
.
.
.
ይቀጥላል
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ኤስመር » Sun Apr 18, 2010 6:18 pm

WOW
ይህ ልብወልድ እስከዛሬ እንደቀጠለ ነው?... 2007 ላይ ዋርካን መተዋወቂያ ሰበቤ ነበር.. አማርኛ ሊትሬቸር ሰርች ሳረግ:: it seems very long time ago! :roll:
.........................................................................
Opinions are like assholes... everybody's got one, and they're often full of shit. :D (from some forum)
.......................................................................
ኤስመር
ጀማሪ ኮትኳች
ጀማሪ ኮትኳች
 
Posts: 95
Joined: Sat Jan 23, 2010 10:17 pm
Location: ኤድሪያን ሲቲ (somewhere in estern Europe!)

Postby ሺውሺው » Sun Apr 18, 2010 9:07 pm

ፕሊስ ዋናው ቢያንስ በሳምንት አንድ ግዜ
ጣፍልን

አድናቂህ
ሺውሺው
ጀማሪ ኮትኳች
ጀማሪ ኮትኳች
 
Posts: 55
Joined: Thu Dec 27, 2007 8:12 pm

Postby my ፍቅር » Sun Apr 18, 2010 10:00 pm

እረ የሞተም ይንሳል ለካ ሀሀሀአሀሀሀሀ እስኪ ደግመህ እንዳገለው እባከህ
lehulum gize alew
my ፍቅር
ጀማሪ ኮትኳች
ጀማሪ ኮትኳች
 
Posts: 67
Joined: Fri Feb 19, 2010 10:51 pm

Postby ifa » Sun Apr 18, 2010 11:21 pm

ውድ ዋናው የጥላ አልባን በህይወት የመኖር ዜና ይዘው ብቅ በማለትዎ "ቸር ቸሩን ያሰማልን" ብለናል
የተሰማኝን ደስታ በቃላት መግለጽ አልችልም....
እንኩዋን ደህና መጡ

አድናቂዎ አይፋ
Ethiopians are: " THE BLAMELESS RACE "

Homer (Greek poet of the 8th century B.C.)
ifa
ኮትኳች
ኮትኳች
 
Posts: 135
Joined: Mon Jul 09, 2007 6:24 am

Postby ዋናው » Fri Apr 23, 2010 12:42 am

ኤስመር... ሽውሽው.... ፍቅርና አይፋ እጅ ነስቺያለሁ::
ኤስመር ይህ ልቦለድ ኢስትኤንደር ሆነ አይደ?
:)
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ኤስመር » Fri Apr 23, 2010 1:22 pm

ዋናው wrote:ኤስመር... ሽውሽው.... ፍቅርና አይፋ እጅ ነስቺያለሁ::
ኤስመር ይህ ልቦለድ ኢስትኤንደር ሆነ አይደ?
:)

:lol: :lol: :lol: :lol: :lol: :lol: :lol: :lol: :lol:
ውነትም ኢስት ኤንደርስ ሊሆን ነው!! ላይፍ ታይም ትረካ!!
ባይ ዘ ዌይ በስራዎችህ ልብ አንጠልጣይነት..የመቼት አገላለጽ...ባለህ የሴንስ ኦፍ ሁዩመር...እንዲሁም ሌሎች መገለጫዎህ ከልብ ግን ከልብ አድናቂህ ነኝ:: ከሰው አይን ይጠብቅልን :) በርታልን ብለናል :!: :!:
.........................................................................
Opinions are like assholes... everybody's got one, and they're often full of shit. :D (from some forum)
.......................................................................
ኤስመር
ጀማሪ ኮትኳች
ጀማሪ ኮትኳች
 
Posts: 95
Joined: Sat Jan 23, 2010 10:17 pm
Location: ኤድሪያን ሲቲ (somewhere in estern Europe!)

ዉ ው ው ው...

Postby ረሀቦት » Fri Apr 23, 2010 6:25 pm

ሞቅ ያለ ሰላምታ በ ሀይለኛው ለ ዋርካ ቤተኞች ና ወዳጆቼ
ዋናው በጣም ሀይ ብያለው:: ከ 2 አመት በህዋላ ጥላ ዐልባ እስካሁን መቀጠሉን ሳይ በጣም ነው የገረምኝ:: በርታ
ረሀቦት
አዲስ
አዲስ
 
Posts: 43
Joined: Tue Dec 05, 2006 5:03 pm
Location: Au

Postby ዋናው » Sat Apr 24, 2010 1:50 am

.
.
.
አንተነህ ስለ ሁሉም ነገር ክመጀመሪያው ጀምሮ ለዘካሪያስ ካጫወተው በኋላ
''ስለደበቅኩህ የማትቀየመኝ ዓይነት ሠው መሆንህ አውቃለሁ ግን ጉዳዩ ውስጥ ከሚገቡት ሰውች ውጪ ያሉትን ማቀርባቸዉን ሰዎች ማስጨነቅ አልፈለግኩም ነበር...''
አለው
''ግን ብዙም ባይሆን ልረዳህ ምችለው ነገር ሊኖር ይችል ነበር ፒካሦ...''
የዘካሪያስ ፊት ላይ የመታዘብ ስሜት ሳይሆን የመገርም ስሜት ብቻ ነበር ሚታይበት... በነገሩ በጣም ተገርሟል በጣምም ተጨንቋል:: ራሱን እየነቀነቀ ጥያቄዎች ካከታተለለት በኋላ
''እና አሁን ምን አሰብክ?''
አለው...
''አሁን የነገርኩህን ሁሉ ታሪክ ይበልጥ 'ሚገርም ሚያደርገው ሌላ ነገር አለ... ብልህ ሆኜ ይሁን ሞኝ ሆኜ ይሁን አንጃ ብቻ አንድ ነገር አስቢያለሁ...''

''መቼም ካሁን በኋላ ምትደብቀኝ ነገር እንደማይኖር ተስፋ አደርጋለሁ... ምንድነው?''
አንተነህ ፈገግ አለና ከተነሳበት ቆመ
''የዛሬው ቀን መለኪያ 'ምናጋጭበት ምክኒያት የፈለገ ይመስላል እስቲ እንውጣና እሕል ቢጤ ነክሰን እንሰየም... መቼም ብሪታናዎች አስምለው የጉዞ ደብተራቸውን ሲሰጡን ጠበላቸዉንም እንደነሱ እንድንጋት አብረ ገዝተዉናል...''
ብሎ ሳቀ::
ዘካሪያስ ልብሱን ለመቀየር ሲነሳ
''ምትነግረኝ ነገር ካለህ እንዲህ ውሽቅሽቅ ባለ ቃል መሆን የለበትም... አንተ ልጅ ቀለማትህ ውስጥ በሰመጥክ ቁጥር ከኛ ጋር በመግባባት እየተራራቅክ'ኮ ነው...''
አለው:: የአንተህን ሲጋር ሲሸተው ውስጡን እያባበለ ወደ መኝታ ቤቱ ሲገባ ስልኩ ላይ ሁለት ያልተነሳ የቫኔሣን የስልክ ጥሪ ተመለከተ ከዛም ወደ መኝታ ቤቱ ግድግዳ ዓይኖቹን ወረወረ የማክዳ ፎቶ ፈገታዋ ውስጡን ጠቅ አደረገው::
.
.
.

ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዋናው » Sat Apr 24, 2010 2:22 am

አዲስ አየር አዲስ ዕይታ አዲስ ስሜት ግን ውስጧ የከረመ እንዲሸሽ የማትፈልገው የቆየ ፍቅር ....
የጉዞ ሻንጣዎቿን ስትከፍት ዘካሪያስ ያበረከተላትን ስጦታዎች አየች አንድ 'ማትውቀው ስሜት ውርር አደረጋት 'ሚዋደዱ ጥንዶች ስለምን ብለው ላለመተያየት ተራርቀው ይኖራሉ ... ብላ ፈጣሪዋን ጠየቀች ... ፈጣሪዋ ግን አልመለሰላትም አሁንም ትክዝ ብላ ቆየችና 'አምላኬ ሆይ ስለምንስ ብለህ ብቻዬን ብቻ አኖር ዘንድ ፈረድክብኝ ?'' ብላ እግዜሯን ድጋሚ ጠየቀች ሠባዊት እግዜሩ አሁንም ዝም ብሏል ::
''አምላኬ ሆይ እውነት ግን የኔ የነገ ሕይወቴ ልቤ ውስጥ ካለው ሰው ጋር ነውን ...? ካልሆነም ምችልበትን ብርታቱን ትሠጠኛለህ ?''
አሁንም አምልኳ ፀጥ ብሏታል በርግጥ አይደለም ቢላትም ትችልበት ፅናት እንዳላት እርግጠኛ አይደለችም
ከዛም በሃሳብ ጭልጥ ትላለች ....''

''ሠቢ ...ሕይወቴ ያላንቺ ባዶ ናት በልጄ ማኪ ስም እምልልሻለሁ ባዶ ናት ...''
ከዛም ማጅራቱን እጁን እያጠማዘዘ እያከከ መላጣውን እየዳበሰ ፈገግታዉን ሲለግሳት እሷም ትንፋሹ ውስጥ ውሽቅ ማለት ፈልጋ ዓይኖቿን ስታስለመልም ...
የሮማን ስልክ ጥሪ ሲንጫረር የቀን ቅዠቷን ስለነጠቀባት ተናደደች
''ምን ፈለግሽ ?''
አለቻት ስልኩን አንስታ
''ኦ ኦ ማዳም አር ዩ ኦኬ ''?''
አለች ሮማን ::
ይሄን ጊዜ ቫኔሣ ከት ብላ ሳቀች ራሷን ታዝባ ::
''የሆነ ደስ የሚል ሃሣብ ላይ ነበርኩኝ ረበሽኝ ''
አለቻት
''ሠቢቲ ... ነግሬሻለው 'ኮ አሁን ብቸኝነቱን አትችዪው ቢያንስ ትንሽ ጊዜ እኛ ጋር ተቀመጭ ብዬሻለሁ የባልሽ ቢጢ ችኮ አይደለሽ ....?''
አለቻት ሮማን
''አሁን ስለምን ላስብ በምን አወቅሽ ?''

''እና ታዲያ ስለ ገዛህኝ ደስ የሚል ሃሳብ ሳስብ ነበር ልትዪኝ ነው ?''

''ውይ እሱን ስም እንዴት እንደጠላሁት ?''
አለች ሠባዊት የገዛህኝ ስም ሲነሳ ድንገት አንድ ማይሸሹት ዕዳ እንዳስታወሰች ሁሉ ስልችት ብሏት
''ባይ ዘዌይ ....''
አለችና ሮማን የራሷ ንግግር ሳቅ አቋረጣት
''ምነው ምን ያስገለፍጥሻል ....?''

''ከንግሊዝ መጥቼ ባይ ዘ ዌይ ....... አር ዩ ኦኬ ... ምናምን ሚሉትን ቋንቋ መጠቀሜ ነዋ ያስገረመኝ ''
አለች በሳቋ ዜማ

''... እ ... አደዋወሌ የገዛህኝን ስልክ አላነሳ ስትዪ እኔ ጋር ደውሎ ወዳንቺ እንደሚመጣ ስለነገረኝ ልነግርሽ ነው የደወልኩት ''

''ምን ?''
.
.
.
ይቀጥላል
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዋናው » Sun May 09, 2010 2:55 pm

ገዛህኝ ለእንኳን ደህና መጣሽ ያመጣዉን አበባ ራሱ ማስቀመጫ ውስጥ ውሃ ጨምሮ እየከተተ በጎን ሠባዊትን ያያታል ሠባዊት ፊቷን በቁጣ ቋጥራ ልብሶቿን ከሻንጣዎቹ ውስጥ እያወጣች አስተካክላ ታጣጥፋለች እስካሁን የተነጋገሩት ቃላት ውስን ናቸው::

''ለንደን እንዴት ነበር?''
''በጣም ጥሩ ነበር''
አጭር መልስ
''ብቻሽን ምትመለሺ አልመሰለኝም ነበር''
አላት ዞሮ እጁን አጣምሮ እያያት
''እንዴት?''
አስተያየቷ ውስጥ ያለዉን የቁጣ ስሜት የዓይኖቿ ውበት አደብዝዞባታል
''ከባልሽ ጋር 'ምትመለሺ ነበር የመሰለኝ''

''ባሌ መሆኑን አምነህ ስለጠበቅከኝ አመሰግናለሁ... ሚያስተካክላቸው ነገር ስላሉ አልመጣም አንደኛዉን በቅርቡ ይመጣል''
አለችው ወደ 'ምታጥፋቸው ልብሶች ዓይኖቿን ሰብራ

''ጠቅልሎ?''
ገዛህኝ የደነገጠ ይመስላል

''አዎ ምነው?''

''ማ.... ማለቴ የልጁን እናት ትቶ እንዴት ካንቺ ጋር ለመኖር አሰበ ብዬ ነው....''
ስልችት ያለ ትንሽ ትንፋሽ አሰማችና ዝም አለች

'' መች ሊመጣ አሰበ?''

''በቅርቡ''

''ጥሩ ነው... ከፈረንጅ ሚስቱጋ....''
ሠባዊት ምርር ብላ ቆመችና አቋረጠችው
''ይቅርታ ይሄ ሁሉ ምታወራኝ ጉዳይ አንተን ሚመለከትህ አይመስለኝም ወደ መጣህበት ጉዳይ እንግባ?''
ገዛህኝ በረጅሙ ተንፍሶ ወምበር ላይ ቁጭ አለና
''እንዲህ እኔ ላይ ነብር 'ሚያደርግሽን ጉዳይ በትክክል ባውቀው ደስ ይለኛል''

''ገዛህኝ... አልመለስክልኝም ስለመጣህበት ጉዳይ እናውራ?''
ገዛህኝ ንዴቱን ለመዋጥ እየታገለ ሽቅብ ተመለከታትና

''ሠቢ... ሻይ ቡና እያልን ብናወራ ይሻላል ''
አላት
''ይቅርታ ሻይም ቡናም አላዘጋጀዉም''
አለችው
''ወጣ ብለን ማለቴ ነው''

''ካንተ ጋር?''

''ምነው እኔ እባላለው''

''አዎ ስትባላ እንደ ጅብ አትጮህም እንጂ ....''

''እና እየሰደብሽን ነው ማለት ነው?''
ገዛህኝ ዓይኖቹ ደፈራርሰው የንዴት እያያት ጠየቃት

''ለምን ግን ከላዬ ላይ አትወርድም የራሴን ሕይወት የመኖር መብቴን ትንሽ እንኳን ለምን አታከብርልኝም...''
ሳታውቀው እንባዋ ወረደ

''አሁን ክፉ ዘመን መጣና የይቅርታ ልብሽን ቆለፍሽብኝ እንጂ አነሰም በዛ ጥሩ ጊዚያት አብረን አሳልፈናል ሠቢ''

''እነሱንማ ከአሕምሮዬ ፈቅፍቄ እንዳወጣዋቸው ከነገርኩህ ቆየው አሁን የቀረህ በዛ ጥሩ ጊዜ ብለህ የሸነገልከኝን ሴራ ከግብ ምታደርስበትን ጉዳይ መንገር ብቻ ነው... ንገረኝ ቤተሰቦቼ እኔን ከድተው ንብረታቸዉን ሁሉ ላንተ አወረሱ አይደል...''
ትንፋሿ በቁጣ ግሉ ጉንጮቿ በ'ንባ ርሶ ዓይኖቿ ሲፈጡበት
''ሠቢ ተረጋጊ...''
''እንደሱ አትጥራኝ በሙሉ ስሜ ሠባዊት ብለህ ጥራኝ ''
ብትቦጫጭረው ፈለገች
''ፕ.ሊ.ስ ራስሺን አረጋጊ''

''ንገረኝ... እኔ ከዛ እስክመጣ አንተ ጉዳዩን በጉቦ አጥግበህ ምትፈልገዉን አረግክ እ... ንገረኝ... እናም ይሄንን ልታበስረኝ ...''
ብላ ሮጣ ይዞ የመጣዉን አበባ ከነማስቀመጫ ብርጭቆው አንስታ መሬት ከስክሳው
''...ይሄንን አበባ ይዘህ መጣህ... እ... ይሄንን ነው አይደል ቡና እየጠጣን እናውራ 'ምትለኝ?''

''ሠቢ....''
ገዛህኝ በቁጣ ከተቀመጠበት ተነሳ
''እሺ ውጣልኝ''
ገዛህኝ ከኮት የውስጥ ኪስ ውስጥ የፍርድ ቤት ደብዳቤዉን አውጥቶ የተቀመጠበት ወምበር ላይ አስቀምጦት ለመሄ ተራመደ::
ሠባዊት ደብዳቤዉን ካለበት እያየች

ሕግን ሠዎች ይቀይሩት ይሆናል
ዕውነትን ግን ማንም ሊቀይራት አይችል
አለቸው በሩን ከፍቶ ሲወጣ:
.
.
.
ይቀጥላል


ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዋናው » Sun May 16, 2010 10:36 pm

እህምም wrote::twisted: ከምር i've never been this pissed about a thread b4.

:lol:

ቅቅቅቅቅ እህምቲ እቺን ምሬትሽን ዛሬ ነው ያየዋት ግን አለሽ እያነበብሽኝ ነው?
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዋናው » Mon May 17, 2010 12:01 am

.
.
.
'ምትታይ እንጂ 'ማትሞቀው ፀሐይ በመስኮቱ ገብታ ቤቱን ወገግ አድርገዋለች:: ኤልሣቤት የብረሐኗን ድምቀት አይታ መስኮቱን ብትከፍተው የቤቱን ሙቀት ባንዴ የውጪው ቅዝቃዜ ወሰደው::

''እውነትም እቺ ፀሐይ ሳትሆን የፍሪጅ መብራት ናት... እኔም የለንደንን ደምባራ ዌዘር አምኜ መስኮት መክፈቴ....?''
አለችና መልሳ ዘጋቸው::
አንተነህ አይቷት ሳቀና ከሻወር ወጥቶ አንገቱ ዙሪያ ላይ ጣል ያደረገዉን ፎጣ በመዳፉ ይዞ ጉንጉን የፀግሩን ስር በፎጣው አደራረቀና
''ኤልሲዬ እስቲ ያቺን የሕይወት መዳኒትሽን ቀምሚና ስጪኝ''
አላት:: ኤልሣቤት ያስለመደችዉን የጠዋት ቡና ቀድማ አዘጋጅታ ነበር
ማት እራት በልተው ወይን ሲጎነጩ እንደወትሮው ዓይኖቿ በደስታ ከምብራት ይልቅ ተነፋርቀው ዕንባ ሲያፈሱ ነበር:: ዛሬ አንተነህ የጉዞ ሻንጣዎቹን አዘጋጅቷል እሱም ፍቅረኛዉን ሊያባብል በመታገል ስሜቱን ይቆጣጠር እንጂ ፊቱ ላይ መረጋጋት አይታይበትም

''ኤልሲዬ አትሊስት ዛሬ የቀረችኝን ሠዓት ስትስቂ ማየት እፈልጋለሁ::''
አላት ያዘጋጀችዉን ቡና ራሱ ተነስቶ ለሁለቱም ካመጣ በኋላ
''ስሜቴ እንኳን አልዋሽህም ሳቂ ሳቂ አላለኝም ገን አንድ ሚያስቅ ምናልባትም ሚያስፈነጥዝ ወይም ሚያሳስብህ ነገር ግን ያለ ይመስለኛል የኔ ፍቅር''

አለች ቶስት ዳቦዎችን ለስላሳ ዓይብ እየቀባች የንግግሯን ስሜት አንተነህ እንዲያይባት የፈለግች አትመስልም::
''እንዴት?''
አለ አንተነህ ቡናዉን አንዴ ተጎንጭቶት በጣዕሙ እንደረካ ሁሉ ዓይኖቹን ጨፍኖ እየከፈተ
''ከዛ በፊት ስላንተ ጉዞ እንጨርስ...''

''ምን ቀረን ዛሬ ማምሻዬን ማሊዢያ እሄዳለሁ ''

''ስለመመለስህ ግን እርግጠኛ መሆን አልቻልኩም''

''ኤልስዬ አያቴ ሁሌም ደብረሊባኖስ ስትሄድ በጣም ስለምንወዳት አስር ጊዜ መቼ ነው ምትመለሺው? እያልን ስናደርቃት ምን ትለን ነበር መሰለሽ 'መመለሴን መንገር ማለት በፈጣሪ ስራ መግባት ማለት ነው::' ትለን ነበር''
አላት እየሳቀ ያቀበለችዉን ቶስት ገምጦ
''አሃ... ዛሬ መንገድህን ለግዛቤር ስጥ በሚለው ቃል ብቻ ኃማኖተኛ ሆንክልኝ ማለት ነው?''
አለች ፈገግ ብላ
''ከርስቲያን ቤተሰብ የመወለዴ ብቻ ሳይሆን ከክርስቲያን መወዳጀቴም ቢሆን ቢያንስ ጌታዬን እንዳልክደው ያደርገኛል''

''እንዴት?''
አለች ኤልሣቤት ያልጠበቀችው ንግግር ስለሆነ አፍጥጣ እያየችው
''ፈሪ ሆንኩብሽ አይደል?''

''ኖ''

ድንገት እም...ር ብሎ አጠገቧ ሄደና ከንፈሯን አንዴ ስሟት ዓይኖቿ ላይ እያፈጠጠ
''እስቲ በደንብ እዪኝ ዓይኖቼ ስር ምን ታነቢያለሽ...?''

''እ...'ኔንጃ ምን?''

.
.
.
ይቀጥላል
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዋናው » Mon May 17, 2010 12:48 am

.
.
.
''ፍቅር አይታይሽም?''

''ሂድ ሞዛዛ!''
ብላ በስሱ ለስላሳ ጥፊ አላሰችው ፊቱን አሻሸና ሶፋ ላይ ደልደል ብሎ የበላዉን ዳቦ ከከናፍርቱና ከመዳፉ አራግፎ
''የጠዋት ሲጋራ ተፈቅዶልኛል አይደ?''
አላት ከሶፋው ጠረጴዛ ውስጥ የሲጋራውን ፓኬት እየፈለገ
''አሁን ግን እሱንም 'ምትከለከልበት ጊዜው ደርሷል''
አለች የቁርሱን ገበታ እያነሳሳች
''አቆማለሁ ኤልስዬ ሙች ለሚስቴ ያልተገዛው ለማን ልገዛ?''
አላት ሲጋራዉን ከንፈሩ ላይ እየሰካ:: ውጪ ፀሐይቱ አሁን ደግሞ ዳመናዎች ስር ተውሽቃ ቀኑ ባንዴ ክረምት መሰለ::
ኤልሣ ስትመለስ በተራዋ ልክ እሱ እንዳረገው አንዴ ከንፈሩን ስማ
''እስቲ እየኝ ዓይኖቼ ስር ምን ይታይሃል?''
አለችው
''ፍቅር...?''
አላት ሲጋራዉን አፏ ላይ ላለማቡነን ወደጎን ጪሱን እያወጣ
''ገገማ... እሱም አንድም ቀን ተሰውሮ አያውቅም...እስቲ ድጋሚ በደንብ እይ?''
አለችው አሁንም ዓይኖቿን ዓይኖቹ ላይ ተክላ
''ስጋት... ፍረሃት...?''

''እነሱም አሉ... ሌላ ሞክር?''

''ኤልሢዬ እያጃጃልሽን ከሆነ ዝም ብዬ ልጃጃልልሽ...''

''ቀሽም!''
አለችና ብድግ ብላ ቆማ ወገቧን ይዛ

''እሺ... አሁንስ?''
አለችው አንተንህ ዓይኖቹን አፍጥጦ ድንገት ቆመና
''አንቺ ንገሪኝ ካንቺ ልስማው... ፕሊስ?''
አላት ድንገት ተርበተበተ

ሆዷን ዳበሰችና
''ብሩሽ ምታጥብልህ ልጅ እየሰራውልህ ነው::''
አለችው:: አንተነህ ሲጋራዉን መተርኮሻው ላይ ወርውሮ ድንገት ዘሎ አቀፋትና
''አውቄዋለሁ ኤልሢ ሙች አውቄዋለሁ!''
አላት:: ኤልሣቤት በቅጡ ማታውቀው ስሜት ወሯት ዓይኖቿ እንባ አቀረዘዙ
''ኤልስዬ እና እርጉዝ ነሽ?''
አንገቷን ነቅንቃ እቅፉ ስር ገባች
''ምነው ደስተኛ አይደለህም?''

''አዎ ሚለውን መልስ ፈለግሽው? ወይስ ገና ከመቋጠርሽ ክፉ ንግግር አማረሽ?''
አላትና ጭምቅ አድርጎ አቀፋት ደጋግሞ ከንፈሯን ሳማት::

''ለጉዞዬ ማባበያ የሚሆን የምስራች ከጠዋት ቡናሽ ጋር ስላበሰርሽኝ ቴንኪው::''

''በዚህ ጉዳይ ግን ሲሪየስ የሆነ ዲስከሽን አድርገን ስለማናውቅ ልነግርህ ፈርቼ ነበር:''
አለችው ሶፋው ላይ ተቀምጣ
''መቼም ልጅ አይፈልግም ብለሽ አስበሽ እንደማታውቂ አዋቃለው:''

''ቢሆንም ፕላናችንን አውርተን አናውቅም....''
አለች የቀሉ ዓይኖቿን አብሳ

''አይ ሄት ዚው ወርድ... ፕላን... ምናምን ሰው ሃገር ሆኜ እየኖርኩ ፕላኔንን እኔ ሳልሆን ህግ እየተነበየልኝ መኖሬ እያበሸቀኝ የግል ሕይወቴን ደግሞ ፕላን ብዬ ላጨናንቀው... ኤልሢ'ዬ ነው ወይስ ቬሎና ሞት አንድ ነው ከሚሉት ወገን ነሽ?''

''ምን እንደምፈልግ ቀርቶ ምን እንደማስብ ሁሉ ታውቅብኛለህ አንቲ ደግሞ'ኮ ያ ቢሆን ሃሣቤ ያረገዝኩት እኔ እንጂ አንተ አይደለህ ... አንድ ነገር እርግጠና ነኝ ሁለታችንም እንዋደዳለን ይሄንን መዋደድ ደግሞ ነፍስ መዝራት እንዳለብን ካሰብኩት ቆይቺያለሁ''

''ጥሩ ሚስት ብቻ ሳይሆን ጥሩ እናትም እንደምትሆኚ እተማመንብሻለሁ .. ዶንች ዩ ቲንክ ጥሩ አባት ማልሆን?''
አላት አንተነህ ሁለመናው እየሳቀ ምን እንደሚያቅድ ምን እንደሚል ግራ ገባው ውስጡ ደስ ብሎታል::
ኤልሣቤት በፈገግታ አንገቷን ወደጎን ነቀነቀችለት

''...ግን'ኮ ፈርቺያለሁ...?''
አንተነህ ፊትለፊቷ ካለው የመሀል ጠረጴዛ ላይ ቁጢጥ አለና

''ሩል ነምበር ዋን.... መፍራት ለርግዝና አደገኛ ነው''
አላት:: ኤልሣቤት አንድ ቁጥር የጠቆመበትን ጣቱን ጭምድድ አድርጋ ልፊያ በሚፈልግ ስሜት ወደሶፋው ጎተተችው ከዛም በደስታ ... ብስጋት.... በፍቅር ተሞልተው ስሜቶቻቸው ስር ሰመጡ::
ዳመናዋን ገልጣ ብቅ ያለችው ፀሐይ ሹክክ ብላ የሁለቱን ፍቅር ለማጮለቅ እንደመጣች ሁሉ መስኮቱን አልፋ ላያቸው ላይ አረፈች:: ከማታው የተረፈ ስሜታቸዉን ድጋሚ አሟሟቁት
ድንገት የአንተነህ ስልክ ከመሀል ጠረጴዛው ውስጥ ሆና አስካካች ያስተዋላት ግን አልነበረም::
.
.
.
ይቀጥላል
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

PreviousNext

Return to Warka Culture and Literature - ዋርካ ባህልና ሥነ ጽሑፍ

Who is online

Users browsing this forum: No registered users and 6 guests