መፀሔተ-ዋርካ___________________________::

[ዋናው]

ሠላም ውድ ዋርካዊያን እና ዋርካዊያት

ዋርካ ፍቅር ውስጥ ሠረንደም በተሠኘ ተሣታፊ የተከፈተ ርዕስ ባይ እቺን አምድ እንድከፍት አነሳሣኝ:: መኮረጄ <==እንደይቅርታ ይያዝልኝ :wink:
ውድ አንባቢያን አንዳንዴ ዋርካ ውስጥ ዘው ብለን ስንገባ ፌበራይት ቶፒኮቻችንን ስንዳስስ ብዙም ፖስቶች አለመፃፋቸውን ስናይ የግዳችንን ከፊት ገፅ ብቻ ያሉትን መላልሠን ከምንሠላች ወደውኃላ ተመልሠን አሁን ዋርካው ውስጥ ደንበኝነታቸውን ከሠረዙት እና ከተሠረዙት ፀሐፍቶች በረከት ጋር መቆየቱ መልካም ነው ብዬ በማሠብም ነው::
ይህ የዋርካ መፀሔት ከበርካታ ወራትና ከዓመታት በፊት ተፀፈው በአንባቢዎች ዘንድ የተወደዱትን ፅሑፎች እያስታወስን ምናነብበት ነው:: በጠቅላላው የሚያተኩረው ድሮ ከተፃፉት ፖስቶች ላይ ይሆናል: እዚህጋር እንድተገነዝቡልኝ ምፈልገው ፅሑፎቹን ምመርጠው በራሴ ስሜት ብቻ ሳይሆን በወቅቱ ተነባቢነቱን ያገኙትን ነው::
መሣተፍ ለምትፈልጉ ሁሉ ከስድስቱም ፎረሞች ውስጥ አንባቢን በማያሠለች መልኩኮፒ እና ፔስት እያደረጋችሁ ወደዚች ዋርካ መፀሔት ውስጥ ማስፈር ትችላላችሁ:: እንዲሁም ያዝናናል የምትሉትን የራሳችሁንም ሆነ እንዲሁም በዋርካ ያልሠፈሩ አዳዲስ ፅሑፎችን በቀናነት መፃፍ ትችላልችሁ::

ከብዙ ብዙ ማክበር ጋር

ረቡሕ ኦገስት 01 2007

ዋናው___________________________________________________________________:[/b]

[ዋናው]

ይህ ፅሑፍ ባንድ ወቅት አምሣሣንቲም በሚል ብሕር ስሙ የሚታወቀው የቻት ሩም ቀልደኛ የዋርካ ጓደኛችን በ ኦክቶበር 24 2005 በዋርካ ባሕልና ስነፅሑፍ ውስጥ ያቀረበው ነው .....በዚህ አጋጣሚ አምሣሣንቲም ከሜይ 16 2006 በኌላ ዋርካው ውስጥ መሣተፉን አቋርጧል::

ሰላም

ከጠፋሁበት ብቅ ብዬ ...ባለፈው ሮብ ..oct 19 ምሽት ላይ ነዋሪነቱ ደቡብ አፍሪካ በሆነውና channel o...www.channelo.co.zaበተባለው music tv ጣቢያ ስለ አዲስ አበባ አንድ ዝግጅት አቅርበው ነበር ....የፕሮግራሙ ርዕስ urban massive ሲሆን ዝግጅቱም የሚመለከተው በተለይ ወጣቶችን ሆኖ በተለያዩ የአፍሪካ ከተሞች እየተዘዋወረ የየሀገሩን የሙዚቃ ; ፋሽን ; መዝናኛዎችንና እንዲሁም night life እንዴት እንደሆነ ለተመልካቾች ማቅረብ ነው .......አዲስ አበባም ተራዋ ነበረና ..... ቀረበችልን ::
ለዝግጅቱ አቅራቢ ሆስት የነበረችው ከቅርብ ጊዜ ወዲህ ታዋቂ የሆነችውና የኮራ ምስራቅ አፍሪካ ተሸላመ የሆነችው አቀንቃኝ ጸደኒያ ገብረማርቆስ ነበረች ...እናም :: አለች ...ተናገረች .....አብራራች ...ያደገችበትን ሰፈርና ቤት አሳየች .......ማዘሯንም ጭምር ....ውሻቸውም አልቀረም ::
..ታዲያ አቅራቢው ወደ ጊቢው ከመግባታቸው በፊት ."..what is the name of the street:?: "ብሎ ይጠይቃል ....እሷም የምትለው ይጠፋትና ."....we don't have street names here...."ብላው እርፍ ...
እንዴ ምን ነካት አልን ....ቀጥሎም ባካባቢው ኳስ ምናምን ሲጫወቱ የነበሩትን ጩጬዎች አይቶ .....ልጅነትሽን እንዴት አሳለፍሽው እንደዚህ እየተጫወትሽ ነው ...ቢላት "......my parents were verey strict,they didn't let me out to play here...."

ጸደኒያ

ከምርሽ ነው ግን ...ስንት ሚሊዮን ሰው ፕሮግራሙን እንደተከታተለው ታውቂያለሽ ......አላውቀውም አያሳፍርም ......እንደውም ና .. ብለሽ ይህ ደሞ SAUTH AFRICA STREET ይባላል ብለሽ ማስመንጠር ነበረብሽ ..
ግን እውነት ካካባቢው ልጆች ጋ እዛ ያየነው ቦታ ላይ አንድም ቀን ተጫውትተሽ አላደግሽም ...ወይስ የልጆቹ ሁኔታ አሳፍሮሽ የልጅነት ኢሜጅሽ በነሱ አይን እንዳይታይ .......በነገራችን ላይ አንቺ እንደፈለግሽ አድርገሽ ብታቀርቢው .....የሚታመነው ያገራችን ህዝብ በድህነት ስር እንዳለ ነው ......አንቺም አታመልጪም .....ሰው ማንን ይመስላል ......አካባቢውን ........ሌላው ደሞ ውሻቹ ፊቱ እንዴት ያስፈራል ......በዛ ፊቱ ላይ ደሞ ሲጮህ ....አሰብኩት

ቤቲ (ጋይዷ )

ስሚኝ ጭሷ ; ልጁን ወደገበያ ወስደሽ ያ -ያገር ባህል ዩኒሴክስ ቶፑ ...የሚለበሰው ለኮፊ ሰረሞኒ ብቻ ነው ያልሽው ተጥበርብሮብኛል ወይስ እኛ ሳናውቀው ፋሽኑ ተቀየረ እንዴ እኛ የምንለብሰው ላመትባልና ለቸርች ነዋ ..እንዳቺ አባባል እኮ 3ኛ ከተጠጣ በኍላ ..ልብሱንም ውልቅ ነዋ .......ሌላም አለ ...አንዱን ልብስ እያሳየሽ this is ወላይታ ያልሽው ....ወላይታ ፋሽን ዲዛይነር ነው ሌብሉ ነው ወይስ የጨርቁ material ነው ...በቃ አንቺ ደስ ያለሽን ተናግረሽ ሳንቲም መቀበል ነው ...ዘርዘር ያለ info ለምን አትሰበስቢም ....ስንቱን አቅልጠሽ ይሆን ...በተሳሳተ መረጃ በጣም የሚገርመው ደሞ ያለችውን ካለች ቡሀላ ትከሻዋን የምትነቀንቀው ነገር አላት ::

ዲጄ ኪን

ነብሱ ማብራሪያህ አሪፍ ነበር ....ራስህን ከፍ አድርገህ ... I.......them I.......them I...... ምነው themoቹን ignorant አስመሰልካቸው ...ያንተ ቃለ መጠይቅ ላይ ለደረሰ ሰው እኮ አንተም የውጭ ሰው እሱም የውጭ ሰው ....ወንድምና እህቶቻችን ....them:?: ሀሜት አይመስልም ወይስ CV ማቅረብህ ነው ...ምናልባት ጥሩ የሙዚቃ ሚክስ እየሰራህ ሊሆን ይችላል :: ጥረትህ ይደነቃል ::ነገር ግን የሰውን ስሜት ማስገደድ አትችልም ::ለዚህም ተወቃሽ ልታረጋቸው አይገባም ::

አብዱ ኪያር

ያቺ ድድ ጧ ድድ ጧ ያደረካት beat እንዴት ትመቻለች መሰለህ ::የሚቀጥለውን ሲዲህን በናፍቆት እየጠበኩኝ ነው :: music ቪዲዮችህ ግን ይቀራቸዋል ::
አ
ዳግማዊ

በርታ ካንተና ካንተ መሰሎች ገና ብዙ እንጠብቃለን ::የሀገራችንን ሙዚቃ ወደአለም አቀፉ የሙዚቃ ገበያ በሰፊው እንደምታስገቡት ተስፋ አለኝ ::

የሙዚቃ ቪዲዮ ለምታዘጋጀው

ይቅርታ ስምህን አልያዝኩትም ::መቼም ከፊምና ሙዚቃ ስራዎች ጀርባ ያሉ ሰዎች ሁሌም አይታወቁም ::
በቃለመጠይቁ መጨረሻ ላይ መልስ አመላለስህ አንጀታችንን ነው ያራስከው ::
"what do u think of the futur of ethiopian music video?"....ራስህን ቀና ዳድርገህ አየር ሰብሰብ አድርገህ በተማመን .."IT WILL BE AMAZING:!:"
እውነትህን ነው ..ካለን መልክዐ ምድርና የተለያዩ ባህላዊ ቅርሶች ጋ በዘመናዊ የፊልም ቴክኖ ሲታገዝ ....አይቀርም በ ኢቲቪ ስቱዲዮ ውስጥ ተገትረው ማይም ሲያደርጉ እየተቀረጹ የባከኑትን ፊልሞችና ጊዜዎች አስቧቸው ::

የሞዴል አሰልጣኙ

ነብሱ ጥረትህ በጣም አሪፍ ነው ...ነገር ግን በዘመኑ የሞዴሊንግ አካሄድ መልኬ ብቻ በቃኝ አይሰራም ::

በተረፈ ዘሪቱ የተባለችው ዘፋኝ በጣም ተመችታኛለች ::ድምጽና ስታይል አላት ::ጸደኒያም አይዞሽ በርቺ ...ዘንድሮም እንዳምናው ኮራ ላይ እንጠብቅሻለን ::ደሞም ውድድሩን ማሸነፍ የሚችሉ የተለያዩ የዘፈን ቪዲዮች አሉና እንዲወዳደሩ አበረታቺያቸው ::

ባጠቃላይ ፕሮግራሙን ስንመለከተው የኢትዮጵያን ፖዘቲቭ ገጽታ ለማንጽባረቅ ችሏል ብዬ አምናለው ::በዚህ አጋጣሚ ለተባበራቹ ሁሉ ምስጋና


ቺርስስስስስስስስስስስስስስስ
_________________

ተፃፈ በ አምሣሣንቲም

ዋናው___________________________________________________::

[ዋናው]

ይሕ ፅሁፍ በጣም ያሳቀኝ ፉገራ በሚል አምድ ላይ ዋርካ ፍቅር ውስጥ ሰበቡ የተሠኘ ተሳታፊ የፃፋት ፉገራ ነች ፈግግ አስብላኝ ነው ለዚች አዲስ መፀሔት ያጨዋት

አንድ ሰው ለጉዳይ ወደ ሌላ አገር ይሄዳል :: ከመሄዱ በፊት የሚውዳትን ድመት ለታናሽ ውንድሙ እቤቱ ሄዶ አደራ ይስጠዋል ::
ከጉዞው እንደተመለስ ለውንድሙ ስልክ ደውሎ ድመቱን ለመረከብ ይነግረዋል :: ታናሽ ወንድሙም ጥቂት ካመነታ በኃላ "'ድመት ሞተች እኮ '" ብሎ ያረዳዋል :: ባለድመቱም በጣም አዝኖና ተበሳጭቶ :: ይህን አሳዛኝ መርዶ እንዴት እንዲህ በድንገት ትነግረኛለህ ብሎ ታናሽ ወንድሙን ይቆጣል ::
ታናሽ ወንድሙም በነገሩ ግራ ገብቶት : እህ ምን ማድረግ ነበረብኝ ? ብሎ ሲጠይቀው : እንዴ እንደደንቡ በመጀመርያ ስደውልልህ '"ዛሬ ጣራ ላይ ወታ አልውርድ ብላለች '" ብለህ ትነግረኛለህ :: ከዛ በሚቀጥለው ስደውል ደግሞ : "'ከጣራው ላይ ወድቃ ስለተጎዳች በማገገም ላይ ነት '" ካልክ በኃላ ባይሆን በሶስተኛው ስደውልልህ : "'በጣም አዝናለው ደመትህ ሞታለች "' ማለት ነበረብህ :: ብሎ ካስገነዘበ በዋላ የሆነው ሆነ አሁን :: ለመሆኑ ''እማዬ እንዴት ናት "? ብሎ ታናሽ ውንድሙን ሲጠይቅ : ታናቹም መልሶ ""እማማ ጣራ ላይ ወታ አልወርድ እያለች ነው '' ብሎ መለሰ ይባላል



ባታስቅም ታስፈግጋለች :: ማናምን ሳነብ ያገኘዋት ነው


ሰበቡ ለመጨረሻ ጊዜ የተሳተፈው በ ጃንዋሪ 25 2006 ላይ ነበር ::


ዋናው_____________________________________________________________________::

[ዋናው]

ይህ ቀልደ በ ኦገስት 27 20 05 ተፃፈ በ4get.this ባሕልና ስ/ፅሁፍ ውስጥ አሮጌ ቀልዶች ብሎ ከከፈተው አምዱ ላይ ያገኘሁት ነው::
.
.
.
ይሄን የምከትበት ርእስ አጣሁና አዲስ ርእስ ከፈትኩለት ::

ነገሩ እንዲህ ነው >> አንድ በጣም ትሁት ሰው አንድ ትልቅ ስህተት ይሰራና በወንጀል ይከሰሳል :: እስር ቤት ገብቶ ትህትናው እና ፀጥተኛነቱ ጠባቂዎቹን ሁሉ ይገርማቸው ገባ ! በዚህም የመጨረሻው ፍርድ እስኪወሰን ድረስ : ጥሩ እንክብካቤ ያደርጉለት ነበር :: የማይደርስ የለ ... ፍርዱም ደረሰ ...ሞትም ተወሰነበት
መገደያው ሲደርስ የመጨረሻ ምኞት ተጠየቀ ! እንደሌለ ተናገረ :: ይዘውት ሄዱ :: የመጨረሻው ፖሊስ : ምንም የመጨረሻ ምኞት የለህም አለው ? ድጋሚ ለማረጋገጥ ያህል ::
እስረኛውም ትንሽ አሰብ አደረገና "ከፈቀድክልኝ ኣንድ የምወዳት የልጅነት መዝሙር ኣለችኝ፡ እርሷን ልዘምር ?" ኣለ። እንደሌሎቹ የሚወደውን ምግብ ... ወዘተ ስላልጠየቀው የተገረመው ፖሊስ፡ "እሱማ ምን ችግር ...?" ኣለው።
እሺ ኣለና፡ ተገዳይም መዝሙሩን ለኣንዴና ለመጨረሻ ጊዜ ጀመረ :እንዲህ በማለት ...
መቶ ሚሊዮን አረንጓዴ ጠርሙሶች በግድግዳ ላይ፡ ...
ድንገት ኣንዱ ወድቆ ቢሰበር ስንት ይቀራል ?

4get.this የመጨረሻ ተሳትፎው ኖቬምበር 18 20 06 ላይ ነበር.....

እስቲ እንግዴህ መቶ ሚሊየን አረንጓዴ ጠርሙሶች እስኪቆጠሩ እኔም ወደሌሎች አምዶቼ ልሂድ::

መልካም ጊዜ

ዋናው_________________________________________________________________________::

[ዋናው]

ከዋርካ ፍቅር የተገኘ


ስኬታማ የመሆን ጥረት ራስን ከማየት የሚመነጭ ይመስለኛል :: ህይወት የራሷ የሆነ ግብ ሊኖራት ይገባል :: መኖርን ትርጉም መስጠት :: እኔ ከሌላው የተሻልኩበትን ነገር ማሳየት :: ሰው በኖረው የተለመደ ተራ ህይወት ከመኖር ወጣ ያለን ማንነት ማውጣት ::
ቀኑ የሚነጋው ለመምሸት ነው :: ዛሬ መሰራትና መደረግ ያለበት ነገር ከዛሬ ባያልፍ የስኬታማነት ጉዞ የመጀመሪያ እርምጃ ነው :: ከመምሸቱ በፊት ሳይመሽብን እንዲመሽልን ምንድነው ከኛ የሚጠበቀው ???


ለመስራት ያለ ጉጉት እንዳለ ሁኖ የሚያሳንፉ ነገሮችን ማስወገድ መቻልን ማምጣት አንዱ መንገድ ነው :: ነገ -በሗላን አደርገዋለሁ አሳናፊ እሳቤዎች ናቸው :: እነዚህ የህይወት ቅራቅንቦዎችን ; የጊዜ ተባዮችን በውሳኔ ፍሊት ድራሻቸውን ማጥፋት አለብን :: ራስን ማሸነፍ ቅድሚያ የሚሰጠው እና ስሜታዊነትን ማስወገድ ብልህነት ይመስለኛል :: ራስን ማሸነፍ ማለት ስሜትን ማሸነፍ ነው :: ሰው ሲያስቸኩለን ረጋ ማለት ህሊናችንም ሲያስቸኩለን ረጋ ማለትን መልመድ አለብን :: <አምጣ አምጣ የሚል ሁሉ ሱስ ነው ::> የሚል የቆየ አባባል ስሜታዊነትን በጥሩ ቋንቋ ገልፆታል :: ሱስ የስሜት ውጤት ነው :: ስሜት ሲገራንና ስሜታችንን መግራት ሲያቅተን ሱሱኛነት ውስጥ ራሳችንን እናገኘዋለን ::

አሁን የመጣልኝ ሀሳብ ስለሆነ ነው በዚህ ነጭ የድህረ ገፅ ብራና ላይ ሀሳቤን ልከትብ የመጣሁት :: አሁን ዛሬ ባልፅፈው ነገ መፃፌንም እንጃ :: ነገ ላይ ምንም እምነት የለኝም :: ነገ የራሱን መፍትሄ የሚፈልግ ችግር ይዞ ነው የሚመጣው :: የመኖራችን እድሜ ባለን ደቂቃ የሚለካ ነው :: ስለዚህ እቺን ደቂቃ ለምናምንበት ለምንወደው ነገር እንኑር :: የደቂቃዎች ክምር ሳምንት -ወር -አመት እያለ የኖርነውን አመት እየጨመርን የምንኖረውን አመት እየቀነስን እንጓዛለን :: እየኖሩ የመሞት ጉዞ ??? ወይስ እየኖሩ ሞትን የመጠበቅ ህይወት ??

በኦክቶበር 25 20 05 ብራና የተሠኘ የዋርካው ተሣታፊ የሕይወት መስመር ብሎ ከከፈተው አምዱ ላይ ነው ያገኘዉት
(በዚህ አጋጣሚ ብራና አሁንም ዋርካ ፖለቲካ ላይ እየተሳተፈ ነው::

ዋናው______________________________________________________________-::

[ዋናው]

ከዋርካ ፍቅር
ተፃፈ በግርማዊነታቸው ኖቬምበር 2 2006

ጤና ይስጥልኝ !

በቅድሚያ : የቤቴን አርእስት እንደቀይር ሀሳብ ያቀረበልኝን ባልዛክን ሳላመሰግን አላልፍም ::

ስለ እንስሶች ....

የሰው ልጅ ማሰብ የሚችል እንስሳ በመሆኑ የተቀሩትን እንስሶች ሁሉ የበታች አድርጎ ነው የሚያየው :: ነገር ግን በአለማችን : ከተፈጥሮ ጋር ያልተቋረጠ ግኑኝነት ለማድረግ የሚችሉት እንስሶች ብቻ ስለሆኑ : እነዲያውም ከሰው ልጅ የላቀ የእድገት ደረጃ ላይ እንደሚገኙ ይነገርላቸዋል ::

ዐዋቂዎች ነን በማለት እራሳችንን መከላከል እንወድ ይሆናል : ግን ከእውቀታችን የተነሳ በተፈጥሮ ላይ እንደ ሰው ልጅ ብዙ በደሎች ያደረሰ ፍጥረት የለም ::

አብዛዎቹ በኑሮ ላይ የምናሳያቸው ድርጊቶቻችን በአንጎላችን አማካይነት የሚመሩ ናቸው :: እንስሶች ግን አንጎላቸውን ሊጠቀሙ ስለማይችሉ : ከተፈጥሮ ጋር ሊስማሙ የሚችሉትን ድርጊቶች ብቻ ነው ሊፈጽሙ የሚችሉት ::

አብዛኞቹ እንስሶች የግኑኝነት ደረጃቸው በጣም ቆንጆ የሆነና ባንዳንድ የሰው ልጆች ላይ ከሚታየው በራስ ወዳድነት ላይ ከተመረኮዘ የግኑኝነት ደረጃ የተሻለ ነው :: እስሶች ሁልጊዜ ልባቸው የሚነግራቸውን ስለሚፈጽሙ ሁልጊዜ ንጹሆች ናቸው ::
ውሾችን ብንወስድ : ከውሾች ጋር አብሮ ለማደግ እድል ያለው ሁሉ : ምን ያህል ከተፈጥሮ ጋር ሊስማማ የሚችል ተፈጥሮ እንዳላቸው መገንዘብ ይችላል ::

ውሾች ጥዋት ጥዋት ፀሀይ ለመሞቅ ወደ ውጭ ይወጣሉ : ከዚያም ተክሎችና ዛፎች የሚገኙበትን ቦታ በመፈለግ አዲስ ሃይል ለማግኘት ይዞራሉ : ቀጥሎም ተጨማሪ ሃይል በቀጥታ ከመሬት ለማግኘት መሬት ላይ ልጥፍ ይላሉ : ማታ ላይ ደግሞ እራሳቸውን ለማመዛዘን ሲፈልጉ የጨረቃን ብርሃን ለማግኘት ይሞክራሉ :: በዚህ ዓይነት መንገድ እየተመሩ : ባካባቢያቸው ከሚገኙት ነገሮች ሁሉ ጋር ፍቅር በተሞላበት መልክ ለመኖር ይችላሉ ::
ከነሱ ለመማር ዝግጁ ከሆንን : እራሳችንን ብልጦች ለማድረግ እንበቃለን ማለት ነው ::
_________________
The OriGinal is UnfaiThful To The TranSlation.


________________________________________________::

[ኢሌኒ]

ታንኪዩ ዋናው :D , የሰበቡ ቀልድ አድሮም ውሎም ሰንብቶም ሁልግዜ ያስቀኛል:: በተለይ "ሁ" በ "ዉ" መቴቀሙ እና የሆሄያቱ ግድፈት በራሱ አስቂኝ ነው::

[ጌታ]

ታንኪዩ ዋናው, የሰበቡ ቀልድ አድሮም ወሎም ሰንብቶም ሁሉግዜ ያስቀኛል:: በተለይ "ሁ" በ "ዉ" መቴቀሙ እና የሆሄያቱ ግድፈት በራሱ አስቂኝ ነው::

አጋጣሚው ስላስፈገገኝ ነው:: Smile ብለሽ የለ መጨረሻ ላይ? :lol: :lol: :lol:

[ክርስትያን06]

ዋንሽ... ግሩም ና በጎ ጅምር ነው:: ካነበብነው ማኅደር

[ዋናው]

ነብሴን በጨዋታውና በአዛኝ ቀልዶቹ ታውቁታላቹ መቼም በተለይ ቻት ሩም ውስጥ የሚያዥጎደጉዳቸው ቀልዶች አይረሱም
እቺን የፃፋት ባሕር ማዶ ሄዶ ስለተፎገረው ጉዳይ ነበር
እንደምናስጥልኝ ;;

ይቺ አርስት ምናልባትም አስቂኝ እና አዝናኝ ልትሆን ትችላለች ;; ለመጀመሪያ ወደውጭ ሀገር ስትሄዱ የተሸወዳችሁበትን ነገር ጣል ጣል አድርጉ ;; እውነቱን ተናግሮ በብርሀን መመላለስ :!: :!: :!: ;; እኔ እጀምራለው ;; ታዲያ ዉጭ ሀገር የሆናችሁትን ነው እንጂ እንደ ደልቲ ገልዲ በልጅነቱ እራስህን ጠብቅ ተብሎ ሲመከር ኮፍያ አድርጎ መዞር እንደጀመረው አይነት የሀገር ቤት ትዝታ አይደለም እሺ ;; ቅቅቅቅ ደልቲ ገደለኝ በቃ ቅቅቅቅ ;;

እኔ አሜሪካን ሀገር ገብቼ መጀመሪያ መኪና መንዳት የጀመርኩ ሰሞን ፖሊሶቹ የስፒድ መቆጣጠሪያ በእጅ የምትያዝ ሽጉጥ የምትመስል ነገር ባልሳሳት speed gun ይባላል መሰለኝ ይዘው ይቆማሉ ዳር ዳር ;; አንድ ጥግ ይዘው የሚያልፉትን መኪኖች ፍጥነት ለማወቅ ወደመኪናው ያነጣጥራሉ ;; ታዲያ ነብሴ ይሄንን ታሪክ የማያውቀው በሰላም ቀኙን ይዞ እየነዳ እያለ መንገዱ ጠመዝማዛ ነበር እና ነብሴ እንደተጠመዘዘ ፖሊሱ ወደ እኔ አነጣጥሮብኝ ሳይ ሊተኩስ መስሎኝ መኪናውን ከመቅጽበት ወደ ጥግ አቁሜ ወርጄ ከመኪናው ልክ እንደተማረከ ሰው እጄን ወደላይ ሳደርግ ፖሊሱ ግራ ተጋብቶ መጥቶ ምን ሆንክ አለኝ እና በህዋላ አስረድቶኝ የነጭ ነገር እንደኛ አይደለም ሳይስቅ አስረድቶ ላከኝ ነብሴም ይኽው እስከዛሬ ይኽው ይስቃል በራሱ ;;

እስኪ እናንተም ቀጥሉ

ተፃፈ በነብሴ
አፕሪል 28 2007


________________________________________________::

[ዋናው]

ጣሠውናደው የተሠኘ ያንድወቅት ተሣታፊ ''ጅላጅል ከርፋፋ ፈልጉልኝ'' በሚል ርዕስ የከፈተ አምድ ውስጥ .....
ትህትና-2 እንዲህ ብላ ፅፋ ነበር በዚህ አጋጣሚ ትህትና-2 ለየት ባለ ሃሣብ አመንጪነቷና በአገላለፅ ብቃቷ ዋርካችን ካሏት ብርቅ እንስቶች አንዷ ለመሆኗ <==በበኩሌ እመሠክርላታለሁ::

ዛሬ , ብቅ ጥልቅ እያልኩላቹ ነው .
........................
አንዱ ባለማስኩሊን ጃኬት ፈረንጅ መጥቀስ ሚ . ኦህ . ሌላጊዜ ዲስገስትድ .ዛሬ ጃኬቱ ነብሴን አለምልሞት , ኦኬ . መጥቀስ ሚ አዝ ማች አስ ዩ ላይክ . ሶሪ ስለዚህ ያዳም ዘር ካላወራሁ መቀጠል ስለማልችል ብዬ ነው . ! . የት ነበርኩ ...
..............................................................
እኔው ነኝ መቼም ከዚህ ቤት እንደተማረ ነው ሎል እንደዚህ በትጋት እያነበበ . እኔውነኝ ወንዱ እኮ ብዙ ጣጣ ያለው አይመስለኝም . ወይነዶ , ምነው ይህ ከበደኝ ? የት ነበርኩ ? እሷ በተፈጥሮ ሳትማር የምታቀው ነገር ነው ብዬ እኮ ነው የሴቷን የተውኩት . በዛላይ እናንተ ናቹ እኮ የምትፈልጉትን መጻፍ ያለባቹ . በሉ አሁን ያላገባቹ ወይ ያገባችሁም ብትሆኑ , ትዳር የምታስብ እንድትማር , ከሴት ምን አይነት -ሴትነት - እንደምትጠብቁ ተናገሩ . .መቼም ጣሰው ብቅ ብሎ እንደሚያወርደው ነው . ወንድም SUAVEም ለየት ያለ አስተያየቱን እንደማይነፍገን ነው .
እኔ የምመክራቹ - የሆነችውን ነች ለኔ ሚስት - ማለት ያዋጣቹሀል . የሆነችው ነገር ላንተ , ያ ሚስትነቷ ነው አንተ ልተጠብቀው የሚገባ . ያስቅ ይሆናል ግን ይሰራል . ከመጣሁ አይቀር ,

ለሚመለከታቸው ወንዶች ምክር ,
የረሳሁት
ሰው የሚንቀሳቀሰው ውስጥ ባለው የመንፈስ ጤንነት ነው . ውስጡ የተሰበረ , በቁም የሞተ ነው ማለት ነው . እና ትዳር ውስጥ ሳይስተዋል በወንድ አይን የሚያልፍ የሚመስለኝ , የሴት የመንፈስ /ያካል ድካም ነው . ቤት ራን የምታረገው እሷ ነች . ማለት ቤት ውስጥ የሚደረጉ ነገሮች ብዙዎቹ በሷ መሪነት የሚድረጉ ናቸው . ለምሳሌ ቤት ውስጥ የቀን ተቀን ሂወት , ምግብ ለቤተሰቡ እንዳለ ቼክ ማረግ , የሷ ነገር ነው ባበሻ ባህል . እና 4 እንግዳ ለምሳ የሚመጣ ከሆነ ,ከፕላኑ እንስከስራው እሷ ጋር ነው . ወይም ፕላኑ . ያ ሀይል ይወስዳል . ስራው ሳይሆን , ስራው የሷ እንደሆነ ማሰቡ ሀይል ይወስዳል . በሀሳቧ ገና ጥቃት እራት ምን እንደሚበላ እህኔ ታሰላ ይሆናል . ምን ይበሉ ይሆን ? ወይ ደሞ የሶሻል ላይፍ ግዴታዎች ይኖሩ ይሆናል . ሰውን ሁሉ ማስደስት ይጠበቅባታል . እና የመንፈስ ጫናው ብዙ ነው .
እና ትዳሩ ውስጥ ብቻዋን እንደቆመች የሚሰማት ሴት ትንሽ አትመስለኝም . ጥቃቅን ይመስላል ግን ትልቅ ነው . እና SHE IS EXHAUSTED !!!! ልትደክም ትችላለች .

ሰው ሴቶች ሲያገቡ ይቀየራሉ ምናምን የሚባለው አንድ ምክንያት ውጥረት ነው . ሴቷ ብቻዋን ያለች ሲመስላት ስትረስ ማረግ ስትጀምር ነው ጸባዩዋ የሚቀየረው ያንን ለመግታት ስትታገል . ታዲያ በዚህ ግዜ ምን ያስፈልጋታል ቢሊ - ባል . ለፍቅር ለሚፈልገው ባል አይነት ሳይሆን , ረዳት - ፓርትነር አይለት ባል . የመንፈስ እገዛ የሚያረገው ባልነትህን ወጣ አርገህ የደከመች ሚስትህን ብትረዳ ያዋጣሀል . አንዳንዷ ላይሳካልትም ይችላል ራን ማረግ ነገሮችን ቤት ውስጥ . እንኳን ተጨማሪ ነገሮች ቀርቶ . ጸባዩዋ አይቀየር ብለህ አትጠብቅ . እንዴ አንተም እንደምትቀየር እሷም . ግን ቅየራው ከነዚህ ነገሮች ጋር የተያያዘ ነው . የውዴታ የችግር ለውጥ ከሰው ባህሪ ለውጥ ይልቅ

ተፃፈ ..በትህትና-2 ኖቬምበር 2006

_________________________________________________________________::

[ዋናው]

SUAVE ይህ የትህትና-2 ፅሑፍ በተፃፈ ማግስት ...ከዚህ በታች የምታነቡትን ፅፎ ነበር

ምን አይነት ሴትነት ?" ትህትና 2

ብናልም ምን ለውጥ ልናመጣ ? ተፈጥሮ እንደሁ እንዳትመች አንዴ ሸፍታለች ? ጀብ ከሄደ .... ነው ያለው ቴዲ አፍሮ ? ኡኡታየ ባለው ዘፈኑ ? አንገናኝም ኮ ! መቸም ቢሆን ስንፈላለግ ብንከርም አንገናኝም ! ሁላችንም ተስፋ እንቁረጥ ! ወይ የተስፋ ልካችን ልክ እናስይዘው ! የተፈጥሮ ለዛዛ ወዟ ማንም ቢሆን ማን የሚፈልገውን አይነት "ለዘላለም " እንዳያገኝ ነው :: (ደግሞስ ይህ ፌር አይመስላችሁም ?) በርግጥ እንዲህ ቢሆን ኖሮ ጥሩ ነበር ማለት ይቻል ይሆን ይሆናል :: ግን መላም የለው ! ታብዳታለህ እንጅ ወ /ሪት ትክክልን አታገባም ! በከንቱ አቶ ትክክልን ፍለጋ አትባዝኝ ! ይልቅ ጊዜሽኝ ለራስሽ እንዲሆን እያረግሽ አትሪፍበት ! አትሪፊና በትርፍሽ "ጊዜያዊ አቶ ትክክልን " ዴት አርገሽ ተሿሿፉ ::

እየተገናኛችሁ ጊዜ ግፉ :: ይህ ግፍ መስራት አይምሰልሽ ! ግፉስ የማይጋፉት ባላጋራን ታቅፎ ለመክረም መሞከሩ ነው ! "እንዲች ነችና ተፈጥሮ ! እንዴት ተናንቀናል ባካችሁ !" ወ /ሪት ተፈጥሮን እየሰማኋት እኮ ነው ! ደሞ ሆደባሻ አንሁን ! አሁን ሆደባሻነትን ምን አመጣው ! ምን አጥተን ሆደባሻ እንሆናለን ? ሆደባሻነትኮ ፈልጎ ማጣትን ይጠይቃል ! የሌለ ነገር ደሞ አይታጣም :: ይልቅ ባለ -ባለ ነገር እንንደላቀቅ ! ብዙ ነገርኮ አለ ! ብዙ ወንዶችና ብዙ ሴቶች , ሁሉም ሞልቶ ተትረፍርፏል , ተፈጥሮ የሚስገበገብ ሰው አትወድም , ግን ምንም ነገር ትለግሳለች , ስንለገስ ደሞ ከመጠን በላይ ለመጠቀም አንሞክር :: እያጣጣሙ ወዲያው ለቀቅ ነዋ ! ለሁሉም ሰው ሁሉም ነገር እንዲደርሰው ! እስኪ በደምብ ብናስብ ? ታዲያ ይልቅ ይህ አይበልጥም ? አይመረጥም ? ተሻለውን ነገር እኮ ነው የቀረበላችሁ !

ተፃፈ SUAVE ኖቬምበር 09 2006

SUAVE ከጄነዋሪ 30 2007 በኌላ ዋርካው ውስጥ መሣተፉን አቋርጧል::

______________________________________________________:[/u]

[ዋናው]

ከዳሞት የግጥም በረከቶች ውስጥ እቺን እያነበባቹ ዘና በሉ እስቲ....

የግብፅ -ማደጎ -ልጂ !

ከሰሜኑ ክፍል ከአንዲት ልዩ ቦታ :

ተወልዶ ያደገዉ የግብፅ -ማደጎ -ልጂ የትናንቱ ሽፍታ

የግዮን -አምባ -ዕራስ የእምዬ በኩር -ልጂ :

የ "ጎጃም -መቀነት " የአፍሪካ የልጂ -ልጂ :

ገብሮ አስገባሪ "ትንሽ አንጀት " የለዉ :

የበቀለበትን የእናቱን ማኅፀን ግጦ -ልጦ በላዉ ::

በልብ በኩላሊት የሚተመን ፀጋ :

አልባሳቷን ገፎ በ 3 ክረምት ለቆ በ 6 ወር በጋ

እናቱን ዳረጋት እርቃን ሆነች ገላ :

የግብፁ -ማደጎ _ ዓባይ ያ ቀዉላላ ::

ማነው ? ዓባይ ያለህ "ቆላ -ቁስል "እንጂ :

ለምለም አከላቷን ቆርጠህ ጨረስክ እንጂ ::

ከፈረሰ ገላ ጣትህን ደም ቀብተህ :

ቀይ ዐሸዋ መስለህ ሲያሻህም አጥቁረህ :

ከርስህ በስጋዋ በደሟ ተሞልቶ :

ዓባይ ሊገላት ነው እናቱን ጠጥቶ ::

ለማደጎ ቤቱ ለሰላቶ ሽፍታ እርሱም ነገር ሰርቶ ::

ዐንጀቷን የሚቆርጥ ዘርዛራ ጥፍርህን :

እስኪገኝ አንድ ልጂ ወደኋላ ሚያስርህ :

ዓባይ "ዓባይ " አትሁን ታመን አደራህን ::

ጓዳ ጎድጓዳዉን "ጪጎቷን " ፈልሰህ "

ታናሽ ታላቅ ሳትል ሁሉን አሳድመህ :

ጪነህ ትሄዳለህ ለማደጎ -ቤትህ :

ለአብራክህ ማደሪያ ይሉኝታ ሳይኖርህ ::

እንግዲህ ስምህን ልቀይር ነዉ እኔ :

ብየ ልጠራህ ነዉ የግብፁ -ማደጎ -የካይሮ ወመኔ ::

-____________________________

~~~ኢትዮጵያዊነት ማተብ ነው ! ሎ /ፀ /ኅን ~~~

የዳሞቱ ዳሞት

ተፃፈ በ ዋኖስ
ፌብረዋሪ 19 20 05


________________________________________________________________::

[ዋኖስ]

የሼጋ ግጥሞችና ጥቅሶች ከሚል የተወሰደ




ለውበት ስል ሞቼ
ብቻዬን ተትቼ
ብቻዬን ቀርቼ
የመቃብር አፈር ቦታ ተመርቼ
ለውበት ስል ሞቼ
ለዕውነት ሲል የሞተ አንድ ሰው አገኘሁ
ጎኔ ተቀበረ
ጎረቤቴ ሆነ ከኔ ውሎ አደረ
ለምን እንደሞትኩኝ
ቀስ ብሎጠየቀኝ
"'ለውበት"" ስል አልኩት
ቀጥሎም የራሱን አሟሟት ሲነግረኝ
""ለሞት የብቃሁት
እኔም ለዕውነት ስል አለኝ
ውበትናዕውነት ሁለቱ አንድ ናቸው
እኛም ሁለታችን
ወንድማማቾች ነን
ብሎ መለሰልኝ::
እንደቤተዘመድ ከርሞ እንደተያየ
ድንገት አንድ ማታ እንደተገናኘ
አወራን
አወጋር
ግርግዳ ለይቶን ብዙ ተጫወትን::
ብዙ ተወያየን
አረም ሙጃው በቅሎ
አፋችን ጋ እስኪደርስ
አልፎም ስማችንን
እስኪ ሸፍን ድረስ::




ቸር ያሰማን

ትርጉም """አይ ዳይድ ፎር ቢውቲ;"""

ተፃፈ ከሼጋ

[ዋኖስ]

ከዋናዉ አቁማዳ የተወሰደ! ዕዉቁ የቀለምና የጥበብ ሰው ዋናዉ በአንድ ወቅት ሥለዕናቱ ዕንዲሕ ፅፎ ነበር!


ድንገት ልምጣ ባክሽ_______
(ስደት የሰለቸው ሠው መለዕክት)

አልቋጠርኩም ስንቄን
አልሸከፍኩም ጨርቄን
እስቲ ልምጣ እናቴ
-አትዪብኝ እጄን
ዶልዱሞ ዖና ነው
-ተሸክሞ ዕድሌን

ሳታረጂ ላይሽ ቃሌን አቀብዬ
እኔ ደከምኩልሽ በስደት በስዬ
የሰው አገር ሳቀና ሁሉ ያልፋል ብዬ
እምባም ነጥፎብኛል እያልኩ እዬዬ...

በዛሬ ጉልበቴ ነገን እየሸመትኩ
ጓዜን ለመቀርቀብ እኔ'ንድሆን አልታደልኩ
ወይ አልገረጣው ፈረንጅ ነኝ አላልኩ
አልሆነልኝም በቃ ልምጣ እናቴ
ብቀበርም እዛው ይሻላል እንደ ዕትብቴ
ውቃቤዬ ነግሮኛል እንዳልሆነ ይሄ ቤቴ
ቀርጥፌ የበላሁትን ዓመታትን ትቼ
በዕጣ-ፈንታ ሥም መሐደር አሰርቼ
ልምጣ እስቲ ባዶ እጄን
-ድንገት ተነስቼ
.
.
.
ያልፋል... እንዳትዪኝ ደክሞኛል እናቴ
በስደት መከራ ፈርሷል እኔ ኣናቴ
እዛ ሆኜ ልርዳሽ ባገር ምድር ቤቴ
እጅህ ከምን ካላልሽ አለ ጤንነቴ
እስቲ ላዝግም በቃ
ስደቴም ይብቃ
ዕድሜ ያስተምረኝ ለአገሬም ልብቃ
ቁልቁል እየታየው በሰው አገር አለቃ
ለሰው ስልጣኔ ማልጄ ስነቃ
ጉልበቴም ራደ እግሬ ሁሉ ነቃ

አንተ ብቻ ና በይኝ እባክሽን
ማየት ጓጉቼያለሁ ንፁህ ፈገግታሽን
እናቴ ደክሞኛል ሳልሞት እስቲ እቀፊኝ

ለማይሞላ ስንቅ ዓመታት ቆጥሬ
የዘር ድህነትን ለመገዝገዝ ጥሬ
ዛሬን እያጠላው ጀንበር ተበድሬ
የውሸት ፈገግታን አጉል ቀባጥሬ
...ምነው ቢቀርብኝ ባልወጣ ካገሬ
ብቸገርም እዛ ብራብም እንደዘሬ
.
.
.
በቃኝ ልምጣ እናቴ
ከርክሷል ጉበቴ
ስንቄንም ሳልሰንቅ ልገስግስ ከቤቴ

አበባም አልፈልግ ፊትሽ ያጠግበኛል
የዋህ ገፅሽን ካየሁ ይበቃኛል



ተፃፈ ከዝነኛው ዋናዉ