የዋናው አጫጭር ልቦለዶች

Topics related to cultures, arts, languages, arts such as humor, music, traditional literary genres of poems, ግጥም ፣ ቅኔ ፣ ተረትና ምሳሌ)

Postby Senayte » Mon Nov 24, 2008 8:07 am

ሄይ ሻይ ቦይ በጣም አመስግናለሁኝ :: አይድንቅም እኔ መጀመሪያ ላ ያስብኩት የሆነ መሳሪያ ወይን ከድንጋይ (አሎሎ) የተስራ .....የቤት መገልገያ እቃ ነገር መስሎኝ ነበር:: በፍጽም የሚበላ ምግብ አልመስለኝም ነበር:: ትልቅ አስተማሪ ጸሁፍ ነው ከምር:;::
" Every problem has a solution. If it doesn't ,it isn't a problem but a fact ,and you must learn to live with it."
Senayte
ኮትኳች
ኮትኳች
 
Posts: 241
Joined: Thu Nov 18, 2004 5:00 am
Location: Lieville.....

Postby ዋናው » Thu Nov 27, 2008 2:57 pm

ደብዚቾ
ሚቲቱ
ሻይ
TrueObserver
ሰኑቲ እና
ሰረንደም

ያክብሮት ምስጋናዬ ይድረሳችሁ...
ሰረንደም አንዳንዴ በኮፒ & ፔስት እራሱ ድርሰት መፃፍ'ኮ ይቻላል አየህ ቅቅቅቅ ከሁላችሁም የተመቸኝ የኮልታፋዋ አስተያየት ነው ልቦለድ የሚል አምድ ውስጥ የፃፉኩትን ''አጻጻፉ ድርሰት ይመስላል' ስትለኝ :lol:
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዉቃው » Fri Dec 05, 2008 6:18 pm

መካሪዎቹ (ክፍል ሁለት- በህልሜ እንዳለምኩት)

እንደሁሌውም አርብ ...ጉሮሮዬን ላረጥብ ወደባልቻ ቤት ማዘግም ጀመርኩ :: በጣም ደክሞኛል :: ሙሉቀን መጥርቢያየን ከገመዴ ጋር አንጠልጥዬ ስዞር ነው የዋልኩት :: ረዳቴ የመንደራው "ስራው አያዋጣም " ብሎ ከተለየኝ ሰነባብቷል :: እኔ ግን አገር ያቀናሁበትን መጥርቢያማ አልሰቅልም ብዬ ስንከራተት እውላልሁ : ባያልፈልኝም ::
ግሮሰሪው ደጃፍ ላይ ..ብራናዊት ዣንጥላ ዘረግታ "ለቅድስት ተሬሳ ቤተ-ክርስቲያን እጃችሁን ዘርጉልን ...ወገኖቼ....." :: ትጮሃለች :: አጠገቧ ስደርስ "በየሱስ ስም " አልኩ :: የያዘቸውን ሜጋፎን ወደጆሮዬ አዙራ በ"አቡነዘበሰማያት" ታሳቅቀኝ ጀመር :: ዘቡልቄው ሳቅ አለ :: ሰላም ብዬው ወደ ግሮሰሪው ገባሁ ::

ባልቻ ግሮሰሪን ከትንሽ ንግድ አንስተን እዚህ ደረጃ ያደረሰነው እኛው ነን :: ባልቻም ውለታውን ሳይረሳ ከጠላ ጀምሮ እስከዊስኪ አሁንም ድረስ ይሸጣል :: ወደውስጥ ስዘልቅ ቤቱ አለወትሮው በሰው ተጨናንቋል :: በሩ ጥግ ላይ ጦምኔው : ሻይቦይ : ሪቾ ናቲሜሽን : ኮንጂት : እሙሙና ማህደር ክብ ሰርተው ያሽካካሉ :: ከነሱ ትይዩ መሪጌታ እና ብራንጎ በተመስጦ ያወራሉ :: አስተናጋጇ የግልነስ.....የተቀዳ መጠጥ መጠጥ ይዛ ስታልፍ አስቆምኳትና
"ምንድነው ነገሩ ? ከየት መጣ ይህ ሁሉ ሰው ?"
የያዝኩት ክንዷን እንደማስለቀቅ እያለች " ምነው ? ሰላምም አትለኝ እንደ ዛሬ?"
"እሺ ሰላም የግል! " እንደገና ጠየቅኳት
"እእእ ...እነዚህማ መካሪዎቹ እኮ ናቸው "
"ምናልሽ ? ማንን ነው የሚመክሩት ?"
"ውይ አልሰማህም እንዴ ?" ተነቅሎ አልቆ በኩል ብቻ የቀረውን የቅንድቧን መስመር ወደላይ ሰቅላ ጠየቀችኝ
"ምኑን ?"
"ሾተል ችግር ላይ መሆኑን ..."
"እንዴ ! ምን ሆነ ? " ለጉዳዩ አዲስ መሆኔን ለማስመስል እየሞከርኩ
"በል ቁጭ በል ..ትደርስበታለህ ....ለመሆኑ ምንድነው የምትጠጣው ?"
"የተለመደውን " አልኳትና ባልኮኒው አጠገብ ያለውን ወንበር ስቤ ተቀመጥኩ :: ፓስዎርድ ይመስለኛል ከርቀት ሰላም አለኝ :: የሆነ ቦታ እንደማውቀው ተሰማኝ :: ጺሙን አሳድጎ ይሆናል የተለወጠብኝ :: የግል ወዲያው መጥታ ቢራውን ፊቴ ከፍታ አስቀመጠች :: ዘወር ስትል መቀመጫዋን ቸብ አደረኩት :: አየት አረገችኝ :: በነጻ ቲፕ እንደማልሰጥ ታውቃለች ::
"እኔ እምልሽ ....ምክሩ መቼ ነው የሚጀመረው ? "
"ከአንድ ሰዓት በኍላ መስለኝ ......ቆይ ባልቻ ሲመለስ እጠይቅልሃለሁ "
አንዱ ከወዲያ ጥግ አጨበጨበና ብርር ብላ ሄደች :: ቢራዬን አንስቼ መጎንጨት አንደጀመርኩ በሩ ስር ያሉት ውሪዎች ማሽካካት አቋረጠኝና ..ፊቴን አዞርኩ :: አባፈርዳ አካፋውን እና ሴንኬሎውን ይዞ እየገባ ነው :: ውሪዎቹ አፍጫቸውን ይዘው በጣም መጮህ ጀምሩ :: ቦቲህ ይሸታል ማለታቸው ነው ::
"ምን እነዚህ ..የፊውዳሊዝም ቅሪቶች " እያጉረመረመ አጠገቤ ዝርፍጥ አለ :: "አንዱ የሶሻሊስቶች ስህተት እነዚህን የሰፊው ህዝብ ጸሮች ከአባቶቻቸው ጋር አብሮ አለመደምሰሳችን ነበር "
"እሺ አባ ዉቃው ...ስራ እንዴት ነው ?"
"ቀዝቀዟል " መለስኩ
"ኢኮኖሚው ይሆናላ ?"
"ምን ኢኮኖሚው ነው ትላለህ ? አንተ ጭቃህን ብረት ላይ መለጠፍ ጀመርክ ? አሁንም እንጨት ላይ አይደል እንዴ የምትለጥፈው ?" አልኩት ተናድጄ
"ልክ ነህ : ዛፍ ቆረጣና ጭቃ ማቡካት ተያያዥ ስራ ናቸው :: ጭቃ ማቡካት ግን ታሪካዊ ስራ ነው አየህ ..." ሊቀጥል ሲል አቋረጥኩት :: ግስላውን አውጦ ለኮሰ ::
በሱ እምነት ዛፍ ቆራጭነት መጤ ስራ ነው :: ምንሊክ ባህርዛፎችን አስመጥተው ከተከሉ በኍላ : ዛፎቹ በመርዘማቸው : እነሱን መቁረጡ ብልሀትን ጠየቀና ሙያ ሆነ :: ደጋግሞ የነገረኝ አፈ-ታሪክ ነው :: ያው ዞሮ ዞሮ የኔ ሙያ ካንተ ሙያ ይበልጣል ለማለት ነው : አመጣጡ ::

የበሩን ዝንብ መከላከያ ወደጎን እያደረጉ.. ሙዘይድ : ባልቻ ሀሪከን እና ሽሜው ተከታተለው ገቡ :: ሙዘይድ ጥቁሯን ሌዘር በሹሏ ቡኒ ቆዳ ጫማ አድረጎ ሽክ ብሏል :: ጫፏ በመቀስ የተቆረጠ የሚመስለውና በቀይ ሸሚዙ ላይ ያንጠለጠላት ሰማያዊ ክራቫት ወዲያ ወዲህ እንዳትል : በሾጣጣ ቦርጩ የፊጢኝ ተይዛለች :: እኛን አልፈው ከሀሪከን ጋር ባለጌው ወንበሩ ላይ ተቀመጡና በኩራት ቁልቁል ሰዉን መመልከት ጀመሩ ::

"ጸጥታ ! እባካችሁ አንዴ ጸጥታ ! ባልቻ እያጨበጨበ ጮኸ ::
ጉዟችን ረጅም : ግባችንም ሩቅ ነው !!!!
ዉቃው
ውሃ አጠጪ
ውሃ አጠጪ
 
Posts: 1027
Joined: Sun Jan 07, 2007 2:48 am

Postby early_bird ! » Fri Dec 05, 2008 7:03 pm

ዉቃው wrote:መካሪዎቹ (ክፍል ሁለት- በህልሜ እንዳለምኩት)

እንደሁሌውም አርብ ...ጉሮሮዬን ላረጥብ ወደባልቻ ቤት ማዘግም ጀመርኩ :: በጣም ደክሞኛል :: ሙሉቀን መጥርቢያየን ከገመዴ ጋር አንጠልጥዬ ስዞር ነው የዋልኩት :: ረዳቴ የመንደራው "ስራው አያዋጣም " ብሎ ከተለየኝ ሰነባብቷል :: እኔ ግን አገር ያቀናሁበትን መጥርቢያማ አልሰቅልም ብዬ ስንከራተት እውላልሁ : ባያልፈልኝም ::
ግሮሰሪው ደጃፍ ላይ ..ብራናዊት ዣንጥላ ዘረግታ "ለቅድስት ተሬሳ ቤተ-ክርስቲያን እጃችሁን ዘርጉልን ...ወገኖቼ....." :: ትጮሃለች :: አጠገቧ ስደርስ "በየሱስ ስም " አልኩ :: የያዘቸውን ሜጋፎን ወደጆሮዬ አዙራ በ"አቡነዘበሰማያት" ታሳቅቀኝ ጀመር :: ዘቡልቄው ሳቅ አለ :: ሰላም ብዬው ወደ ግሮሰሪው ገባሁ ::

ባልቻ ግሮሰሪን ከትንሽ ንግድ አንስተን እዚህ ደረጃ ያደረሰነው እኛው ነን :: ባልቻም ውለታውን ሳይረሳ ከጠላ ጀምሮ እስከዊስኪ አሁንም ድረስ ይሸጣል :: ወደውስጥ ስዘልቅ ቤቱ አለወትሮው በሰው ተጨናንቋል :: በሩ ጥግ ላይ ጦምኔው : ሻይቦይ : ሪቾ ናቲሜሽን : ኮንጂት : እሙሙና ማህደር ክብ ሰርተው ያሽካካሉ :: ከነሱ ትይዩ መሪጌታ እና ብራንጎ በተመስጦ ያወራሉ :: አስተናጋጇ የግልነስ.....የተቀዳ መጠጥ መጠጥ ይዛ ስታልፍ አስቆምኳትና
"ምንድነው ነገሩ ? ከየት መጣ ይህ ሁሉ ሰው ?"
የያዝኩት ክንዷን እንደማስለቀቅ እያለች " ምነው ? ሰላምም አትለኝ እንደ ዛሬ?"
"እሺ ሰላም የግል! " እንደገና ጠየቅኳት
"እእእ ...እነዚህማ መካሪዎቹ እኮ ናቸው "
"ምናልሽ ? ማንን ነው የሚመክሩት ?"
"ውይ አልሰማህም እንዴ ?" ተነቅሎ አልቆ በኩል ብቻ የቀረውን የቅንድቧን መስመር ወደላይ ሰቅላ ጠየቀችኝ
"ምኑን ?"
"ሾተል ችግር ላይ መሆኑን ..."
"እንዴ ! ምን ሆነ ? " ለጉዳዩ አዲስ መሆኔን ለማስመስል እየሞከርኩ
"በል ቁጭ በል ..ትደርስበታለህ ....ለመሆኑ ምንድነው የምትጠጣው ?"
"የተለመደውን " አልኳትና ባልኮኒው አጠገብ ያለውን ወንበር ስቤ ተቀመጥኩ :: ፓስዎርድ ይመስለኛል ከርቀት ሰላም አለኝ :: የሆነ ቦታ እንደማውቀው ተሰማኝ :: ጺሙን አሳድጎ ይሆናል የተለወጠብኝ :: የግል ወዲያው መጥታ ቢራውን ፊቴ ከፍታ አስቀመጠች :: ዘወር ስትል መቀመጫዋን ቸብ አደረኩት :: አየት አረገችኝ :: በነጻ ቲፕ እንደማልሰጥ ታውቃለች ::
"እኔ እምልሽ ....ምክሩ መቼ ነው የሚጀመረው ? "
"ከአንድ ሰዓት በኍላ መስለኝ ......ቆይ ባልቻ ሲመለስ እጠይቅልሃለሁ "
አንዱ ከወዲያ ጥግ አጨበጨበና ብርር ብላ ሄደች :: ቢራዬን አንስቼ መጎንጨት አንደጀመርኩ በሩ ስር ያሉት ውሪዎች ማሽካካት አቋረጠኝና ..ፊቴን አዞርኩ :: አባፈርዳ አካፋውን እና ሴንኬሎውን ይዞ እየገባ ነው :: ውሪዎቹ አፍጫቸውን ይዘው በጣም መጮህ ጀምሩ :: ቦቲህ ይሸታል ማለታቸው ነው ::
"ምን እነዚህ ..የፊውዳሊዝም ቅሪቶች " እያጉረመረመ አጠገቤ ዝርፍጥ አለ :: "አንዱ የሶሻሊስቶች ስህተት እነዚህን የሰፊው ህዝብ ጸሮች ከአባቶቻቸው ጋር አብሮ አለመደምሰሳችን ነበር "
"እሺ አባ ዉቃው ...ስራ እንዴት ነው ?"
"ቀዝቀዟል " መለስኩ
"ኢኮኖሚው ይሆናላ ?"
"ምን ኢኮኖሚው ነው ትላለህ ? አንተ ጭቃህን ብረት ላይ መለጠፍ ጀመርክ ? አሁንም እንጨት ላይ አይደል እንዴ የምትለጥፈው ?" አልኩት ተናድጄ
"ልክ ነህ : ዛፍ ቆረጣና ጭቃ ማቡካት ተያያዥ ስራ ናቸው :: ጭቃ ማቡካት ግን ታሪካዊ ስራ ነው አየህ ..." ሊቀጥል ሲል አቋረጥኩት :: ግስላውን አውጦ ለኮሰ ::
በሱ እምነት ዛፍ ቆራጭነት መጤ ስራ ነው :: ምንሊክ ባህርዛፎችን አስመጥተው ከተከሉ በኍላ : ዛፎቹ በመርዘማቸው : እነሱን መቁረጡ ብልሀትን ጠየቀና ሙያ ሆነ :: ደጋግሞ የነገረኝ አፈ-ታሪክ ነው :: ያው ዞሮ ዞሮ የኔ ሙያ ካንተ ሙያ ይበልጣል ለማለት ነው : አመጣጡ ::

የበሩን ዝንብ መከላከያ ወደጎን እያደረጉ.. ሙዘይድ : ባልቻ ሀሪከን እና ሽሜው ተከታተለው ገቡ :: ሙዘይድ ጥቁሯን ሌዘር በሹሏ ቡኒ ቆዳ ጫማ አድረጎ ሽክ ብሏል :: ጫፏ በመቀስ የተቆረጠ የሚመስለውና በቀይ ሸሚዙ ላይ ያንጠለጠላት ሰማያዊ ክራቫት ወዲያ ወዲህ እንዳትል : በሾጣጣ ቦርጩ የፊጢኝ ተይዛለች :: እኛን አልፈው ከሀሪከን ጋር ባለጌው ወንበሩ ላይ ተቀመጡና በኩራት ቁልቁል ሰዉን መመልከት ጀመሩ ::

"ጸጥታ ! እባካችሁ አንዴ ጸጥታ ! ባልቻ እያጨበጨበ ጮኸ ::

ውቅሽ ....... ዋው.... እንዴት እምትደላ ጨዋታ እንደሆነች. :D :D አቦ ሳትውል ሳታድር ጨመርመር አርገህ አስፈግገን እስቲ ሰሞኑን እሚነበብ ጠፍቶ . :roll: :roll: :roll: :roll: እያልን ነበር' :lol: :lol:
“Make the Most of Yourself, For that is all there is of you.”
early_bird !
ኮትኳች
ኮትኳች
 
Posts: 143
Joined: Mon Sep 08, 2008 4:21 pm
Location: Always On The Move.....

Postby Debzi » Fri Dec 05, 2008 8:25 pm

አንተዬ እንደው ከዋናው ጋር መዋል ከጀመርክ ጀምሮ ብእረኛ ሆነሀል:: ጎሽ ጎሽ:: የሆኖ ሆኖ.....ውቅሽዬ ሙት እንደው እኔን ለምን በህልምህ እንዳላየኸኝ ግርርርም ነው ያለኝ:: ወይኔ ደብዚዬ! ልህልም እንኳን አልበቃሽም! ቆይ ባልቻ ቤት ብሄድ......
Ke akbrot selamta gar!!
Debzi
ዋና ውሃ አጠጪ
ዋና ውሃ አጠጪ
 
Posts: 1918
Joined: Sun May 02, 2004 12:34 am
Location: Los Angeles, CA

Postby ዋናው » Fri Dec 05, 2008 11:08 pm

ውቂቾ ጭብጨባዬ ሳይበርድ እንደምትመለስ ተስፋ አለኝ.... ሕልምህ ቅዥቅዥ ብላ እቺን ሸላይ ምናብ ስላሳየችን ደስ ብሎኛል
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby *ማህደረ* » Fri Dec 05, 2008 11:21 pm

ወይ መታደል...አባ ውቃው በህልሙ አየኝ ዘንድሮ :D ባክህ ከህልምህ ሳትባንን....ቶሎ ጨርሳትማ.......

ማህደረ
*ማህደረ*
ኮትኳች
ኮትኳች
 
Posts: 419
Joined: Fri Aug 05, 2005 12:56 am
Location: ethiopia

Postby ShyBoy » Sat Dec 06, 2008 3:25 am

ዉቄክስ ታላቅ ሰው! እንዴት ነህ ባያሌው? እንዲያ ነው እንጅ! ጠፍተህ ጠፍተህ ስትመለስ በጣም ጨምረሀል! ይልመድብህ!!!

በነገርህ ላይ: ያ ሸራ ጫማ አለ እንዴ እስካሁን? እስኪ ሽጥልኝና እሱን ኤግዚቢሽን እያሳየሁ ገንዘብ ልሰብስብ......ታዲያ በሪሴሽን ማን ይሞታል? :lol:

በል እስቲ ቶሎ ብቅ በልና ቅብጥሩን ቀጥልልን::

ሰላም ሁን!
ShyBoy
ውሃ አጠጪ
ውሃ አጠጪ
 
Posts: 1118
Joined: Tue Apr 04, 2006 10:36 pm
Location: Gojjam

Postby ዉቃው » Sun Dec 07, 2008 4:43 pm

ሕልም ለማለምም ጊዜ አልሰጥ አላችሁኝ እኮ ! :) የኒ ሁ ትናንት ጥሩ ተኛሁና ይቺን አለምኩ ::

የባልቹን ጭብጨባ ተከትሎ ትትና ሞኒካ ያምሮት ቤቲ እና ደብዚ ተከታትለው ገቡና አግዳሚው ላይ ተቀመጡ :: አምስቱም ነጠላቸውን አፋቸው ላይ አድርገው የሆነ ያንሾካሹካሉ :: በተለይ ያምሮት ከነጠላው ስር እንደምትስቅ ዓይኗ ያሳብቃል ::

"እባካችሁ እንደማመጥ ......ወገኖቼ እባካችሁ !" ባልቻ በድጋሚ ጮኸ
"ሁላችሁም ከዕድራችን ጉዳይ ውጪ ለሆነ ነገር በመሰብሰባችሁ የበዛ ምስጋናዬ ይድረሳችሁ :: ይህ ምክክር ሸላይ እንደሚሆን ተስፋዬ ነው :: ስለሆነም ጉዳዩን የበለጠ አውቃለሁ የሚለውን ወንድማችንን ሙዝን ወደባልኮኒው እጋብዛለሁ " አለና ማጨብጨብ ጀመረ :: እኛም ተከተልነው :: ቸብ ቸብ ቸብ ቸብ

ቀድሞውንም ባልኮነው አጠገብ ተሰይሞ የነበረው ሙዝ ባለበት እንደመነቃነቅ :: በግራ አፉ በኩል የጥርስ መጎርጎሪያ ያላምጣል :: ወደገሮሰሪው ሲገባ ጀምሮ አርጎት የነበረውን የጸሃይ መነጽር አስተካከለና ለዘሩን አውልቆ ለሃሪኬን አቀበለ :: አፍንጫውን በሌባ ጣቱ እያማሰለ ትናንሽ የንፍጥ እንክብሎችን በማድበልበል ሲያፈናጥቅ የቆየው ሃሪኬን : ሌዘሯን በጥንቃቄ ተቀብሎ ጉልበቱ ላይ አኖረ ::

"እሺ ....ለዚህ ህዝብ የምነግረው ቢኖር ...እኔ ጉዳዩን በስልክ እየጨረስኩ ስለሆነ አርፋችሁ እንድትቀመጡ ነው " አለና ፊቱን አዙሮ አምቦ ውሃውን ተጎነጨ :: ሁላችንም እርስ በርስ በገረሜታ ዓይን ተያየን :: በተለይም ጉዳዩን ያብራራልናል ተብሎ ሲጠበቅ እንዲህ ቁርጥ ማድረጉ : የዕድራችንን ገንዘብ በማጉደል በዲስፕሊን የተባረረው የድሮው ሙዝ መሆኑን አጠናከረልን :: በአዲሱ የድለላ ስራው የለወጠው ካፖርቱን በሌዘር እንጂ ሌላ ምንም እንዳልሆነ አባፈርዳ አንሾካሸከልኝ :: መካሪዎቹ ግራ በመጋባትቸው ይምሰላል : ግሮሰሪው በሁካታ ተደበላለቀ ::

ይህን አጋታሚ በመጠቀም መንፈሳዊው ወደመሃል ተጠግቶ " መፍትሄው ሳሙና ነው " እያለ ከጣሪያ በላይ መጮህ ጀመረ :: ማናችንም በየት በኩል ገሮሰሪው ውስጥ እንደገባ አላየነውም :: ፓስወርድ በበኩሉ " የለም .....ይህ ሁሉ ቲአትር ነው ...እኔ ማስረጃ አለኝ ....እመኑኝ ..መፍትሄው ጨርሶ ሳሙና አይደለም .....እኔ ማስረጃ አለኝ ..." እያለ ስሩ እስኪግተረተር በእጁ የያዘውን ወረቀት እያወናጨፈ ይናገራል :: ከደቂቃዎች በፊት አንጻራዊ ሰላም የነበረበት ግሮሰሪ : ጩኸት በረከተበት ::

ሁኔታው ያሰጋው አባ ፈርዳ በሰላም ጊዜ ለስራ : በግርግር ጊዜ ራስን ለመከላከል የሚጠቀምባቸውን ቦቲዎች አወለቀ :: እኔም ሆንኩ እሱ ማንም አጠገባችን ዝር እንደማይል በመተማመን : በጽሞና የሚሆነውን መከታተል ጀመርን ::

ጩኸቱ ጋብዟቸው ነው መሰል እናትዬና ጉዱ ካሳ እየተጋፉ ገቡ :: የአህያ ስጋ እየደባለቀ ይሸጣል ተብሎ በመወራቱ ነው መሰል ከገበያ የወጣው ጉዱ ካሳ : መንፈሳዊን እና ፓስወርድን አንጠልጥሎ ከግሮሰሪው አወጣቸው :: የነበረውን ንግድ ለመመለስ የማያደርገው ነገር እንደሌለ ሁሉም ስለሚያውቅ ነገሩ አዲስ አልነበረም ::

"ቆሎ ግዛኝ "
እፊቴ መጥታ ጭራቀረሽ አፈጠጠችብኝ
"ሂጂ ወደ'ዛ : ሰላቢ !" አባፈርዳ መለሰላት
"አንተን ማን ጠየቀህ ?" ጮኸችበት
ያደረገችው ሱሪና ኮት ከብርዱ አላስጣላትም መሰል በጣም ትንቀጠቀጣለች :: አሳዘነችኝ :: ዓመሏ ሆኖ ቆሎ የምትሸጥላቸውን ሰዎች እየሰደበች ግዙኝ ትላለች ::
"እኔ ቆሎ አልወድም : ለምን ጋዜጣ አታዞሪም ?" ጠየኳት እሺ ብትል ብዬ
" ፈንዳ እሺ ! እሱን ማን ጠየቀህ ..አሁን ቆሎ ትገዛለህ አትገዛም ?" በቁጣ ጮኸች
"ቆሎ አልወድም አልኩሽ እኮ ?......"
ንግግሬን ከአፌ ተቀበላ ሙልጭ አርጋ ሰድባኝ ሄደች ::

ባልቻ እንደገና አጨበጨበ ::
"እባካችሁ ...አንዴ ጸጥታ .....አባካችሁ "
ቤቱ ጸጥ አለ :: አባፈርዳም ቦቲዎቹን መልሶ አጠለቀ ::
"ሁላችሁም እንደምታውቁት .. ምክክሩ ቢሳካ ሸላይ ነበር :: ከዚህ በፊትም በሻይ ቦይ ጉዳይ ላይ መካሪዎቹ ምክክር ጀምራችሁ በእንጥልጥል ቀርቷል :: ነፋስ መወጫንም ለማዳን ተሞክሮ ጉዳዩ የት እንደደረሰ አይታወቅም :: ይህም ምክክር ቢሳካ ደግ ነበር : ወደፊት ይሳካል ብዬ ተስፋ አድረጋለሁ :: ያም ሆነ ይህ ቤት የንግድ ቤት ስለሆነ ....ምክክሩን ለሌላ ጊዜ ብናድረገው ...." አለ መክሪዎቹን በትህትና ::
ሁሉም በይሁንታ አንገቱን ነቀነቀ :: ግሮሰሪውን ከጥግ እሰከጥግ ባይኖቼ ቃኘሁት :: ሞኒካ እና ደብዚ በገቡበት በር በሌሎቹ ሴቶች ተደገፈው ወጡ :: ለካ ነጠላቸውን አፍንጫቸው ላይ ተነናንበው ሲጠጡ አምሸተዋል ! በዋናው በር ጥግ የነበሩትም ውሪዎች የሉም :: አሃ : ይህ ሁሉ ሲሆን ለዚህ ነው ጽምጻቸውን ያልሰማሁት አልኩ ለራሴ :: አባፈርዳ እና እኔ ተያየን :: እኛ ገና ሞቅም አላለን :: እኔም ቢራየን እሱም አረቄውን ድገሙን አልን :: ድገሙን... ድገሙን ::
ጉዟችን ረጅም : ግባችንም ሩቅ ነው !!!!
ዉቃው
ውሃ አጠጪ
ውሃ አጠጪ
 
Posts: 1027
Joined: Sun Jan 07, 2007 2:48 am

Postby ጦምኔው » Sun Dec 07, 2008 6:28 pm

ውሪዎች ? :lol: :lol: :lol: :lol: :lol: :lol: :lol:
ቆይ ብቻ ያገናኘን :lol:
ጦምኔው
ዋና ውሃ አጠጪ
ዋና ውሃ አጠጪ
 
Posts: 1521
Joined: Sun Jan 14, 2007 10:40 pm
Location: Right here

Postby ዋናው » Wed Dec 17, 2008 2:35 am

ውቅሽ.... ጦሽ ምታደርግ ናት ቅቅቅ ሙዘይድ እና ሀሪከን ልቦለድ ባለመውደዳቸው ይሄንን ሳያነቡ ስለቀሩ ከምር አሳዝኖኛል ....

በል እስቲ እኔ ደግሞ የራሴን ሌላ ልቀጥል
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

Postby ዋናው » Wed Dec 17, 2008 5:39 pm

ከጨረቃ ስር

አንቺ የምሽት ኮከብ ጨረቃ
ድንገት በሕልሜ አይቼሽ ብነቃ...

የዳዊትን ዜማ ጮክ ብላ ታዜማለች: ስታዜም ወደጨረቃዋ አንጋጣ ነው ከጀርባዋ የተከፈተው የመጠጡ ቤት የሚንቦገቦግ መብራት ከፊል የፊቷን ገፅ እየቀያየረ ያሳየኛል ከፊል ፊቷን ደግሞ በጨለማው ውስጥ ያበራችው የምታዜምላት ጨረቃ ብረሐን ታሳየናለች:: ሲጋራዋን አንዴ ስትስበው እሳቱ ፈመ:: ከሷ ጎን አንዲት ሌላ ሴት ፀጉሯን እንደማስተካከል እያለች ድራፍቷን ትጎነጫለች ከመጠጥ ቤቱ ውስጥ ''ልጁን ያያችሁ አዬ እስቲ ን.ገ.ሩኝ...'' 'ሚለውን ዜማ ብዙ ድምፆች አጅበው ያዜማሉ:: የምሽቱ አየር ሞቅ ያለ ስለሆነ ከውስጥ ይልቅ በረንዳው ተመችቶኛል:: እዚህ ናዝሬት ከመጣው 1ሣምንት ሆነኝ የመጣዉበት ዓላማ ስላልተሳካ ዛሬ በተለይ ምርር ብሎኝ ነው የዋልኩት እዚች ቤት ሆኜ የምሽቱን ንግስቶች መልክ ሳጠናና ሳስተውል ይሄው ዛሬ 3ኛ ቀኔ ነው::
አንዲት አጭር ሞንዳላ ሴት ከማጨሠው ሲጋራ 'ወጋው' ስትለኝ ሌላ ሲጋራ ስሰጣት
''ፍሬንድ ምነው አንተ ደግሞ ቺክህ ጥላህ ኮበለለች እንዴ... የሆነ ትካዜ ምናምን ነገር... አቦ ግባና ወዝወዝ በልበት ካስፈለገም ድብርቱን ....''
አለችና ሌባ ጣቷን ካጣበቀቻቸው ሁለት ጣቶቿ ጋር ጧ! አድርጋ እያማታች
''እኛ እንነቅልልሀለን''
ብላኝ ወደ ውስጥ ገባች: በፈገግታዬ ሸኘዋት ያቺ ልጅ አሁንም ታዜማለች ሢጋራው አልቆ አመድና ቁራሽ ስፖንጅ ሆኖ ተወርውሮዋል...
''መስኮት ከፍቼ ውጪ ባይሽ
ጨረቃም የለች አንቺም ጠፋሽ
ዳግም አልተኛ ምን አደርጋለሁ
እስክትመጪ እጠብቃለሁ''

ስታዜም ወደ ጆሮዎቿ ጥግ ተንጋደው ቀልበስ ያሉ ዓይኖቿ ይጨፈናሉ ቀለም የቃሙ ከናፍርቷ ይሾላሉ... የምጠጣዉን ድራፍት ያዝኩና አጠገቧ ሄድኩኝ
''ይቻላል...?''
አልኳት አጠገቧ ያለዉን ወንበር ድራፍት በያዘ እጄ እያመላከትኳት አልመለሰችልኝም...
ከራሷ ጨማምራበት ካልሆነ መቼም የዳዊት ግጥም እንደሆን አልቅዋል ተቀመጥኩኝ
''ጨረቃ ትወጂያለሽ?''
አልኳት እንደመፍራት ብዬ: ያቺ የቅድሟ ከመፀዳጃ ቤት ስትመለስ ገላምጣኝ ፈንጠር ብላ ተቀመጠች:
''እ... እኔን ነው?''
አለችኝ ያቺ ጨረቃ አፍቃሪ
''እንግዲያ... ጨረቃዋማ እንኳንስ እኔን ልትሰማ አንቺንም ስታዋራ አላየዋት ለሷ ማወራው''
አልኳት: ሳቀች ስትስቅ ሸራፋ ጥርሷ ሳቋን ቄንጠኛ አደረገላት:
''ከመጣህ 1 ሠዓት አልፎሀል እንዴት አሁን ታየውህ?''
አለችኝ ተቀምጬ የነበርኩበትን ወምበር ገልመጥ አድርጋ ቀይ ፊቷ ስጠጋው እንደቅድሙ ሲጋራዋ ፍም ቦግ ብሎ ታየኝ:
''አሁን አይደለም የታየሽኝ ቅድም ነው ዘፈንሽን ማቋረጥ አልፈለኩም ነበር ''
አልኳት
''እዚህ ቤት ሳይህ 3ተኛ ቀኔ ነው ሁሌም ብቻህን ሆነህ ሲጋራህን እያቦነንክ ድራፍትህ ላይ ተተክለህ ነው..... ሸርሙጣ ማትወድ ነህ ብዬ ደምድሜ ነበር''
አለችኝ አገጯን በመዳፏ ጥግ እንደደገፈች
''እንዴት አስተዋልሽኝ?''
''እኛ ሸርሙጣዎች ነን ስጋችንን ምንቸረችርለት ሠው በዓይናችን የመፈለግ ግዴታ አለብን''
ድምጿ ይርገበገባል ዝም አልኳት ከደረት ኪሴ የሲጋራ ፓኬት አወጣዉና አቀብያት ለራሴም ለሷም አቀጣጠልኩኝ
''ጅን ግዛልኝ ዛሬ አባቴ በታም ናፍቆኛል እንዲህ ሙሉ ጨረቃ ስትወጣ አባቴ ይናፍቀኛል;''
ገብቼ ለኔ ድራፍት ለርሷ ጅን ይዤ መጣው ከውስጥ የቦብ ማርሊ ሙዚቃ ይጮኻል ጎረምሶች አንድ እግራቸውን እያፈራረቁ አንድ እጃቸውን ወደጣሪያው ዘርግተው ሌባ ጣታቸዉን ቀስረው ይወዛወዛሉ

''ሰካራምም አጫሽም አትመስልም''
አለችኝ ጅኑን ተቀብላ ከኔ ድራፍት ጋር አግጭታ እየጠጣች ስታንቆረቁረው አንገቷን ቀና ስታደርግ አይቼያት አንገቷ ረጅም ነው:
''የጠጣ ሁሉ ሰካራም ሲጋራ ያጨሰ ሁሉ አጫሽ አይባልም''
አልኳት: ሳቀች እነኚያን ቅርጻቸው ደስ ያሉኝን ዓይኖቿን እየጨፈነች
''ምናለ ለብር ስትል ጭኗን ከፍታ...... የሰጠች ሸርሙጣ አይደለችም...... የሚል ውሸት ቢጀመር..... ምናለ ጠላቶቻቸዉን በቢላ ወግተው የገደሉ... ነብሠገዳይ አይደሉም የሚል ውሸት ቢመጣ.....''
ያጠላለፈችው እግሯን ስታቀያይር የባቷን ቅርፅ አየውት... አሸራሟጭ በሆነ ስሜት ይሁን ተፈጥሮን በማድነቅ ስሜት ብቻ አደነቅኩት ጎመዠዉትም::

''ሳይህ ---- አትመስልም ብዙ ወንዶች ደደቦች ናቸው ለምንድነው?''

''እኔንጃ....''
ሲጋራዋን የያዘችበት የጇ አውራ ጣት ዓይኖቿን አበሰችና ወደጨረቃዋ እያየች
''ጨረቃ ትወዳለህ?''
አለችኝ
''አስቤው አላውቅም ማለተ ልውደድ ልጥላ ስሜቱን አላውቀዉም''
አልኳት: የጡቶቿን ቅርፅ አሳምሮ የሚያሳይ ልብሷን ወደ ዳሌዋ ቁልቁል ሳብ አድርጋ
''ለፉገራ እወዳለሁ ብትለኝ ---- ነህ ልልህ ነበር ምክኒያቱም ለጨረቃ ግድ እንደሌለህ ታስታውቃለህ... አባቴ ሲነግረኝ የተፀነስኩትም የተወለድኩትም በሙሉ ጨረቃ ነው ይሄው እኔም በጨረቃ ሸርሙጨ በጨረቃ ፍም ስንዴ ዳቦ እጋግራለሁ... የአስቴርን ዘፈን ታውቀዋለህ?''
እስክመልስላት አልጠበቀችኝም የአስቴርን ዘፈን ቀጠለች
''ስንዴ ዳቦ ጋገርኩ በጨረቃ ፍም....''
አንድ ጡንቻው የለበሠዉን ጠባቃ ሸሚዝ ያስጨነቀ ወጣት ደረጃዉን አልፎ ወደ በረንዳው ብቅ አለ እንደሚፈልጋት ነግሯት ወደውስጥ ገባ የልጁ የራስ ፀጉር በተልባ ተዘፍዝፎ እንደከረመ ሁሉ ሉጭጭ ብሎ እዛው ተጠቅልሏል::
''ዛሬ ሽቀላ ካላገኘው እሱን አቅፌ የመተኛት ግዴታ አለብኝ''
አለች ምርር እንዳላት ሁሉ ዘፈኗን አቋርጣ
''ለምን...?''
ጥያቄዉን ለምን እንደጠየቅኳት ከጠየቅኳት በኌላ ራሴም ግራ ገባኝ
''እሱ የቤቱ ጋርድ ነው የፈለገዉን እንዲያደርግ የቤቱ ሕግ ይፈቅድለታል''
ወዲያው ያ ፈርጣማ አንዱን እየጠፈጠፈ ይዞት ወጣ
''እና እስከመቼ....?''
አልኳት እየተጠፈጠፈ ሚፈራገጠዉን ልጅ አይቼ
''ምን እስከመቼ አለው እሱ ቢሄድም ሌላው ጉልበተኛ ይተካል ... አየህ ምግብ ቤት 'ሚሠሩ ሠዎች ቤታቸው እየሄዱ አይበሉም ከሚሠሩበት ምግብ ቤት ውስጥ ያለዉን ምግብ ይበላሉ... ልክ እንደዛ ነው:''
ሲጋራዋን ወርውራ
''አናግሬው ልምጣ''
ብላ ተነሳች ስትሄድ መቀመጫዋን ቃኘት ሳደርግ የቅድሟ ሴት ዓይኖቼን አይታ እንደማሽሟጠጥ ብላ አብሯት ወዳለው ሠውዬ ዞረች ሠውዬው ጥምብዝ ብሎ ሰክሯል ይለፈልፋል ይጠጣል... ከዛ የሷን ጭን ይዳብሳል እያመናጨቀች እጁን ስትገፈትረው ምንም አይላትም ይስቅና ድጋሚ መጠጡን ያነሳል: ከትንሽ ቆይታ በኌላ ልጅቷ
''ይቅርታ ሳልጠይቅህ አመጣው''
አለችና ድራፍትና ጅን ይዛ መጥታ ተቀመጠች
''ምንሽ ነው? አይለኝም...''
''ምን አልሽው?''
'' ምን እለዋለሁ ምኔም እዳልሆንክና አንተ ይዘህኝ እንደማታድር ነግሬው መጣዋ...?''
ሲጋራ ጠይቃኝ አቀጣጠልኩላት

''ይዤሽ እንደማልሄድ በምን አወቅሽ?''

''አወቅኩዋ!''
በወፍራም ሳቋ ጥያቄዬን ከአፌ ቀማችኝ
''...ይልቅ ስለጨረቃ ላውራልህ ሚሰማኝ አግኝቼ ስለማላውቅ እኮ ነው ... ምክኒያቱም አንተ ---- አይደለህም ታስታውቃለህ... እናልህ......ልጅ ሆኜ አባቴ በረንዳችን ላይ ይዞኝ ይወጣና ጨረቃን ያሳየኛል ስለኳክብት ይነግረኛል....''
ትልና ምስጥ ብላ ወደ ሠማዩ አንጋጣ ትቀራለች ጨረቃዋ ደመና ውስጥ ተወሽቃለች ለዚች የምሽት ንግስት መፅናኛ ወይም መተከዣ ለመሆን የኮራች ይመስላል: ትኩር ብዬ ሳያት ጨቅላ ዕድሜዋ ፈክቶ ታየኝ
''ስንት ዓመትሽ ነው?''
አልኳት ከሃሣቧም ለማባነን
''አሁን 18 ሞልቶኛል... ምነው ፂፂ ሆንኩብህ....? ቀጫጫ ነኝ አይደል? ግን'ኮ ተማመን የሆነ ሼፕ ነው ያለኝ ስማ ይሄንን ፉራ ማይቋምጥበት የለም ....ኽ?''
እያለች ከተቀመጠችበት ወንበር ሠውነቷን ጋደል አድርጋ መቀመጨዋን ባንድ ጎኑ ብድግ አድርጋ እያዞረች አሳየችኝ::ወዲያው ሀዘኗ ወደቀልድ ተቀየረ: ሳቅኩ
''ቆንጆ ነሽ:''
አልኳት
''አባቴ... ግን'ኮ ቁንጅናሽ ፈተና እናድይሆንብሽ እፈራለሁ... እያለኝ ነው የሞተው''
የሆነ ስሜት ተሰማኝ: አሁን ጊዜ ማባከን አልፈለግኩም እየተጣደፍኩ ድራፍቱን ጠጣውና
''ይቅርታ አብረን ማደር እንችላለን?''
አልኳት
''ከምርህ ነው?''
አለች ፍጥጥ ብላ እያየችኝ
''አዎ... የጀመርሽልኝን ወሬ ለብቻችን ሆነን ትጨርሺልናለሽ እሺ...?''
ተያይዘን ስንወጣ ያ ወጠምሻ በቢጫ ዓይኖቹ ገላምጦ ሸኘን
''እንዴት ግን በፍራቻ ከማትወጂው ሠው ጋር ትተኚያለሽ?''

''ምን ማለትህ ነው ነብሱ ከምወደው ሠው ጋር ተኝቼ አላውቅም መዋደድ ሚባለውን ነገር ሳላውቅ ነው የሸረሞጥኩት''
ሽቶዋ መኪናዬን አጠነው
''የት ነው አልጋ የያዝከው?''
ነገርኳት:
''ነጋዴ ነህ?''
አለችኝ መኪናዬን በደንብ ቃኝታው
''አይደለሁም ...ምነው?''

''አማኑኤል ሆስፒታል ለቀሻል ብለው ያስተኙኝ ጊዜ እዛ የተዋወቅኩት አንድ ዶክተር ነበር ልክ ሳይህ እሱን መስለህኝ ነበር''
('ኝለቀሻል' ምትለዋን ቃል ስትጠራት በሌባ ጣቷ የአናቷን ጎን ጠቁማ አሽከረከረች /በጨ... ለማለት/ ) አንዱን ርዕስ ጀምራ ወደሌላ የመሄዷን ነገር እያሰብኩት በአሕምሮ መታመም ምክኒያት ሆስፒታል መተኛቷን ስትነግረኝ እንደምፍራትም እንደ ማዘንም አደረገኝ: በርግጥ አሳዝናኛለች በጣም ታሳዝናለች: ገና በእምቡጥ ዕድሜዋ ተቀጥፋ ዝሙት ውስጥ መወርወሯ አሳዝኖኛል::
ሆቴል እንደደረስን መጠጥ አዘዝኩኝ: መኝታ ክፍሌ ስንገባ ሲጋራ ተቀብላኝ አልጋው ጫፍ ቁጭ አለች: አሁን ትኩር ብዬ አያዋት ጉንጯ ላይ ጠባሳ አለባት ጥርት ያለች ቆንጆ ናት
''እስቲ ስለ አባትሽ ንገሪኝ...''
አልኳት..... የሸሚዜን ሁለት ቁልፎች ከላይ ከፈትኩና ዘና ብዬ ከፊትለፊቷ እግሬን ደራርቤ ወምበሩ ላይ ቁጭ አልኩኝ
''አባቴ... ''
ፀጥ አለች..... ከዛም አነባች:: ስቅስቅ ብላ አነባች

''ለምን ታለቅሺያለሽ?''

''ብዙ ጊዜ ሃዘኔን ያዩ ሠዎች ሃዘኔን ጠይቀው እያነባው መጥፎ ትዝታዬን ስነግራቸው 'ተባኖብሻል የእኛን ሆድ አባተሽ የሠው ሙድ ከስክሰሽ ሳትንፊ ልታመልጪ ነው' እያሉ ቅጥቅጥ አድርገው እንደፈለጉ ያደርጉኛል....''
ዕምባዎቿ ሲፈሱ አልጠረገቻቸዉም...................... የመኝታ ክፍላችንን በር ቀብቅቅቦ ጥርሱ ያለውበት ከተማ ነዋሪነቱን ሚመሰክር አስተናጋጅ መጥጥና ብርጭቆዎች ይዞ መጣ ቀድቼ አቀበልኳት ቀጠለች ታሪኳን
''አባቴን ፊትለፊቴ ገደሉት ... ወንድሜ አመለጠ... አባቴ ግን በደም የተለወሰ እጆቹን ዘርግቶ የኔን እርዳታ እየጠየቀ ሞተ... እናትም ጓደኛም ሆኖ ያሳደገን አባታችን...''
በእንባ ሙላት የቀሉ እነኚያ ዓይኖቿን ወደመጠጡ ስታይ ደገምኳት:
''ወንድሜንም ገለዉት ይሆናል አላውቅም ደደቦች አይደሉ... እኔን በዛ እድሜዬ ራሴን እስክስት ደፈሩኝ...''
ንግግሯን የሚያቋርጥ ሳግ ልቧን እያፈነው ሲጋራ ጠየቀችኝ ሰጠዋት መጠጥ ድጋሚ ስትጠይቀኝ ከለከልኳት...
''ይሄንን ሀዘኔን ልቀይርልህ ከፍለህ እስካመጣህኝ ድረስ በሀዘን የተጨማደደ ስሜት ማግኘት የለብህም... ''
እጆቿን ስትዘረጋ ከለከልኳት ታገለችኝ: ሠውነቷ ከሠውነቴ ሲነካካ አንዳች ስሜት ነዘረኝ ምናልባትም እሷ ደደቦች ብላ የሰየመቻቸው ዓይነት ድድብናን መውረስ የፈልግኩ መሰለኝ: እንደ እብድ ስትጮህ ጠርሙሱን አቀበልኳት ጠጣችው ፊቷን እያኮማተረች ጠጣች:
ከዚህ በኌላ ታሪኳን የመስማት ዕድሉ አልነበረኝም: ግን በጣም ተደስቺያለሁ: :
ሲነጋ የናዝሬት ፀሐይ በንፋስ ታጅቦ መኝታቤታችን ገባ:: ልብሷን ለባብሳ ወምበሩ ላይ ቁጭ ብላለች ስካሩ ሙሉ በሙሉ እንዳልለቀቃት ታስታውቃለች
''ምነው?''
አልኳት ሠዓቴን እያየው
''ብር ስጠኝና ልሂድ...''
''የት ነው ምትሄጂው ገና ጠዋት እኮ ነው...''
''ተጠይፈህኝ ነው አይደል አንተ መሬት ተኝተህ ያደርከው?''
እጆቿን አጣምራ በተቀመጠችበት እግሮቿን ትወዘውዛለች

''ይቅርታ ስምሽ ማነው?''
አልኳት
''ስሜ ምን ያደርግልሀል ... አሀ ለካስ ማታ ስሜን እንኳን አልጠየቅከኝም''

ፊቷ ባንድ ጊዜ ቲማቲም መሰለ: ቆመች አንጠልጥላው የነበረ ቦርሳዋን አጥልቃው
''ለነገሩ ሁሉንም ነገር የማድረግም ያለማድረግም መብትህ ነው.... ግን... ግን...''
ስቅስቅ ያለ ለቅሶዋ ንግግሯን አቋረጠው
''.... ሠው ሚፀየፈኝ ያህል ደረጃ መድረሴ ታውቆኝ አያውቅም...''
ንግግሯ አስደነገጠኝ በእርግጥ ማታ ከስሜቴ ጋር ክፉኛ ስንሟገት ነበር በተለይ ከቦርሳዋ ውስጥ የሌሊት ልብሷን አውጥታ ፊትለፊቴ ስትቀይር ገላዋ ተገላልጦ ሳየው መስከር ፈልጌ ነበር ስክር ብዬ ራሴን ስቼ እዛ ገላ ውስጥ ተጣብቄ ማደርን ፈልጌ ነበር:
ለቅሶዋንም ለማባበል ተጠግቺያት

''ረጋ በይ ሂሩት....''
ስላት ቦርሳዋን በቁሟ ለቀቀችው ዓይኖቿ ፈጠጡ
''ስ...ስ... ሜን እንዴት አወቅከው... በዚህ ስም...''
ስጠጋት ፈራችኝ ወደበሩ መሸሽ ጀመረች
''አትጠጋኝ....... አትጠጋኝ... አን...ተ... ማነህ?''

''ይሄውልሽ ሂሩት ቁጭ በይ ስለ ሁሉም አስረዳሻለሁ... እዚህ ናዝሬት የመጣውት አንቺን ፍለጋ ነው አንቺን ስፈልግ ወደ 3 ወር ፈጅቶብኛል... ወንድምሽ በሕይወት አለ እሱ እንድፈልግሽ ሠው ልኮብኝ ነው....''

''ምን.......?''

''ውጪ አገር ነው ያለው...''
አልኳትና ደብዳቤዉን ከኪሴ አውጥቼ ሠጠዋት ማንበብ ቀጠለች...
'ሂሩትዬ... ከአባታችን ገዳይ ውስጥ አንዱ ገለሽ መሠወርሽን ሠማው...........’’

የተሠጠኝን ኃላፊነት በትክክል የተወጣውት መሠለኝ: ዛሬ ወንድሜ ጋር ደውዬ የሂሩትን ወንድም ማናገር አለብኝ: ከሸሚዝ ኪሴ ፎቶግራፏን ስሰጣት ደብዳቤዉን በለቅሶ አንብባ ጨርሰዋለች....

ተፈፀመ
Last edited by ዋናው on Wed Dec 17, 2008 11:19 pm, edited 1 time in total.
ጥበብ ከእኔ የበለጠ ጠንካራ ናት እኔ እንደምፈልገው ሳይሆን እሷ እንደፈለገችው ታደርገኛለች::
ዋናው
ዋና አለቃ
ዋና አለቃ
 
Posts: 2797
Joined: Tue Dec 16, 2003 5:29 pm
Location: ሕልም ዓለም

ቅቅቅ

Postby ዋኖስ » Wed Dec 17, 2008 6:39 pm

ጉድ! አጀብ ነዉ! ግን ግን እኔ በአካል ሳዉቅህ እንዲሕ የምታወራ እኮ አትመስለም ሊቁ! ቅቅቅ ከየት ነዉ የምትዘረግፈዉ! አጀብ አጀብ አጀብ!
ዋኖስ
ዋና ውሃ አጠጪ
ዋና ውሃ አጠጪ
 
Posts: 1552
Joined: Tue Nov 16, 2004 2:39 pm
Location: Mars

Postby ትርንጎ* » Wed Dec 17, 2008 7:07 pm

እውነትም አጀብ...እጅ ነስቻለሁ::
ትርንጎ*
ዋና ኮትኳች
ዋና ኮትኳች
 
Posts: 675
Joined: Mon Oct 06, 2008 7:43 am

Postby ዉቃው » Wed Dec 17, 2008 7:10 pm

ይጽፏል እንደዋንየ : ይዋቧል እንደቆንጅየ::
ጉዟችን ረጅም : ግባችንም ሩቅ ነው !!!!
ዉቃው
ውሃ አጠጪ
ውሃ አጠጪ
 
Posts: 1027
Joined: Sun Jan 07, 2007 2:48 am

PreviousNext

Return to Warka Culture and Literature - ዋርካ ባህልና ሥነ ጽሑፍ

Who is online

Users browsing this forum: Yahoo [Bot] and 4 guests