ተጋላቢ(አስራ ሰባት)

[የቆሎ ተማሪው]

ሰላም ሰላም ቤቲ 13 እንዲሁም መልከጸዲቅ ስለሰጣችሁኝ አስተያየት ከልብ አመሰግናለው እግዚያብሄር ይስጥልኝ ፡፡

[የቆሎ ተማሪው]

ተጋላቢ (አስራ ሶስት)

እሱማ አብዶ - አቅሉን ጥሎ
ገመና ገልጦ- እርቃኑን ውሎ
ሩኁን ስቶ - ከራሱ ኮብልሎ፡፡
ተነዋሎ !!
ተጃጅሎ!!
ይሉኛል፡፡
እኒህ ልብሰኞች ፤መደረብ የሚያውቁ
ዘበናይ ጨርቀኞች ፣ በቅጡ የለበሱ ቦላሌ የታጠቁ
እነአፈር ጥይፉ ፣ለግራቸው ደህንነት መጫሚያ ያጠለቁ ፡፡
መጀቦን መደረት፤ ሌላውን ትረካ ፣በጠላሁ ትወና
ንክ ነው ብለው አስወሩ፤ መቅኖ አልባ ፣ ባከና፡፡
ይልቁን እንደኔ ቢያወልቁ፤ ጨርቃቸውን ቢጥሉ
ገመናቸው ቢታይ፣ ስውሩን ቢከሉት ፣ራሳቸውን ቢያክሉ፤
ይህ የኔን ነጣነት እንዴት ባስተዋሉ፡፡
አረ ጎበዝ ከዚህ አምባ ማዶ እንውረድ
ጨርቅ እንጣል፤ ራስ እንምሰል፤ አብረን እንበድ…

[የቆሎ ተማሪው]

ተጋላቢ አስራ አራት

የዘመነ ቅርሻት ግዜየን ሳሰላ፣
የዳዴዬን ሁላ ፤
ሰዶ ማሳደድ ሆኖብኛልና
ድክ ድክ አሰኘኝ ድክ ድክ በእግሬ
ወፌ ቆመች በለኝ ይፈታ እስሬ፡፡

[የቆሎ ተማሪው]

ተጋላቢ (አስራ አምስት)

ኩስኩስ ባይ ስንኩል፣
አጥንት የለሽ ሽል፤
ታግሎ ማይጥል፣
ቂመኛ ዳተኛ፣
ከራስ ያልራቀ ግለኛ፤
ያዙኝ ባይ አጉዋጊ፣
የእፍኝ አስጣይ አዘናጊ፤
ማይረገም ማይመረቅ፣
ግልጥ ያልዋለ ሚሸምቅ፤
ለሙግት ማይመች፣
ከአይን ስውር ከልብ ታጋች፤
ሩቅ ሳለ ቅርብ ሚያድር-
ማይነገር …
አለ ወይ ሚስጢር…

[dama978]

አይ ኢትይፕያዊነት, አይ ህሊና
እነፕሮፈሰር ኣለማየሁ, ዶ/ር ብርሀኑ ወይም ሊሎች አምላኮች ማንም ላይ የጥላቻ ላይሰንስ ሊሰጡ እንደማይችሉ አለማወቅህ ግድየለሽነትህን የሚገልዸው::

[ትርንጎ 123]

የቆሎዬ እኔ በጉዋሮ ብቅ እያልኩ አብሬ እየጋለብኩ ነው...በርታልን...መቼም ተዝቀው የማያልቁት ቃላቶችህ እኔንም እያስቀኑኝ ነውና ዋ :twisted:

Dama ድሮ እናቴ 'ተናግሮ አናጋሪን ያዝልኝ" ትል ነበር ከቤትዋ ደጃፍ ስትወጣ...አንተን ታውቅህ ይሆን? አስተያየት መስጠት መብትህ ሆኖ ሳለ...ምነው ሰው ላይ ፊጥ የምትላትን ነገር ብትተው? ችሎታው ካለህ ቅር ያሉህን አባባሎች በጨዋ ደንብ ተንትንልንና አይናችንን ክፈተው...አለዛ ደግሞ ዋርካ መጥቶ መለቅለቅ ግዴታ አይደለም እኮ አባው...አንብቦ ውልቅ ማለት ይቻላል:: በነገራችን ላይ በአማርኛ ፊደላት ታይፕ የማድረግ ችሎታህን አድንቄያለሁ...ሰው በችሎታው መመስገን አለበትና::

እፎይ...እስቲ በሰላም አውለን!

[ቤቲ_13]

ጉድ ፈላ .....!!የቆሎዉ ቅቅቅ እንዴት እንዴት አይነት አንባቢ መጣብህ ቅቅቅቅ....ለነገሩ ምንም አይደል አንዳንዴ << አላንባቢ>> ሲገጥም አንጣሎ አንቀርቅቦ ምናምን ማዉጣት ነዉ,,,,,,,!!
ጽሁፍህ ወደር የለዉም ቃላቶችህ....ዉብ
አያልቅበት ብዬሀለሁ
አክባሪህ!!አድናቂህ.....
ዉይ በሞትኩት...ትርሻ እንዴት ነሽልኝ???

[ትርንጎ 123]

ቤቲዬ :lol: :lol: <አላንባቢ> :lol: :lol: ገደልሽኝ...አለሁልሽ እሙ...ይቅርታ የቆሎሻ...ቤትህን ቦስጣ ቤት አደረኩት...ቤትዬን አይቼ አላስችል ብሎኝ ነው::

[dama978]

የተማረበት ሞያው ነው ባማርኛ ቃላት ሀይል ከልቡ የሚለውን ከኛ መሰወር::አርቲስ ነው ስለሆነም ማስመሰል::
የቆሎ ተማሪ ስራው ነው: እንዳዉም ከሱ out of print የአማርኛ መዽህፍት መግዛት እፈልጋለሁ:: ከድሮም ቢሆን አውቀዋለሁ:: አላንባቢ እያልሽ በኒና እሱ መሀል በማጥላላት በማሳበቅ ልትገቢ መከጀልሽ ይቅር ይበልሽ::

[የቆሎ ተማሪው]

ተጋላቢ (አስራ ስድስት)


አንቺ አበባ ፣ የፍሬ ፅንስ ፣የመከር እናት፤
የአራሽ ተስፋ፣ የአይን ማርፈጃ፣ የልብ ኩራት ፡፡
አንቺ አደይ፣ ባለ ኅብር ፣የመፀው ልእልት፤
የአይን ረሃብ ፣ የልብ አምሮት፣ ክፉ ልክፍት፡፡
እነሱም የኛ፤ እኔም የኔ ምልሽ ደርባባ ፤
ዘመኑ ዘምኖ፣ የኔም ዘመን እስኪጠባ፤
እየቀላወጥኩሽ ፣ከደጅሽ ላድፍጥ ፣ከቅጥርሽ ላድባ፡፡
ሰማሺኝ… ካኖሩሽ ስፍራ እጄም ደርሶ ባይዘረጋ፤
እንደመሻታችን ፣ ምንም እንኩዋ ባይሆን አልጋባልጋ
ህልማችን እስኪይዝ ፣ከዚያማዶ ወዲህ እናውጋ፤
ሰበብ አይከልክለን ፣ ጨለማው ይራቅ ሌቱ ይንጋ ፡፡
አንቺ አበባ የፍሬ ፅንስ የመከር እናት
የአራሽ ተስፋ ፣የአይን ማርፈጃ ፣የልብ ኩራት ፤
አንቺ አደይ፣ ባለ ኅብር ፣የመፀው ልእልት፤
የአይን ረሃብ ፣ የልብ አምሮት፣ ክፉ ልክፍት ፤
ባይሆን ቀልቤን ካንቺ ዘንድ አኑሬ፤
የልብሽን አድምጬ ፣ከምክረሽ ተማክሬ፤
ከማህሌትሽ ሳልታጣ ፣ ዝክርሽን ዘክሬ፤
በገናዬን እየደረደርኩ፣ ቁርባንሽን ቆርቤ፤
ፆምሽን እየፆምኩ፣ ርሃብሽን ተርቤ፤
እነሱም የኛ፤ እኔም የኔ ምልሽ አበሱዳ፤
አጣፋጭ ቅመሜን ፣የርዕዬ ተራዳ፤
ከቀልብሽ መንደር፣ ከልብሽ ጉዋዳ፤
አሰልሼ አበክሬ፤
ኣሰረግጬ አስዘርዝሬ፤
እንደ ቀላጤ ነገር ሰሪ፤
እንደ ተመፅዋች ተዘካሪ፤
በሩቁ እየቀላወጥሁ፤
ቃሌ ቃል እያልሁ፤
እነሱም የኛ፤ እኔም የኔ ምልሽ አበሱዳ፤
አጣፋጭ ቅመሜን ፣የርዕዬ ተራዳ፤
እንደ መታች ጠሎት ፣እየደገምኩሽ ላርፍዳ፡፡

ግልቢያ ይሉዋል እንዲህ እንደኛ…
እርካብ ረጋጭ ፤ ማዶ ተጉዋዥ፣ ፈረሰኛ…፡፡

[የቆሎ ተማሪው]

ጨቅላነት ደርዝ አውጥቶ፣
ቆዳ ለብሶ አፀጉርቶ፤
መቀመጫ ስበንለት መኸለኛ ሆኖ፣
ተኮፍሶ፤ ጋሽ-ማሙዬ ተዘባኖ፤
ግላጭ ውሎ ግላጭ ሲያድር፣
እሱም ላይሰቅቀው ራሱን ላይሰውር ፣
እየተመቻቸ ወንበሩ ላይ ሲያንቡዋችር፣
እኛም ነጠላ እያጣፋን ስናደገድግ
እንደስጋጃ ተነጥፈን ሽቅብ ስናሰግግ
በደረታችን ስንሳብ ጎድለን ከሰው-ማረግ
ጋሼ-ማሙሽ ምንተዳዬ ተዳልቶ
ደርዝ አውጥቶ ቆዳ ለብሶ አጸጉርቶ
ተኮፍሶ ተዘባኖ
ቀላምዶ አመካክኖ
ዘመኑን አዘምኖ
አጉሮን በጉሮኖ
አልሸት አለን ፋኖ…

[ብራንጎናትርን]

ኡፈይ ... በጣም ይመቻል! ይጨመር ይጭመር ...

በተለይ "አጸጉርቶ" ምትለዋ ቃል ውስጤ ዘልቃለች::

በርታ

ብራንጎ

ጨቅላነት ደርዝ አውጥቶ፣
ቆዳ ለብሶ አፀጉርቶ፤
መቀመጫ ስበንለት መኸለኛ ሆኖ፣
ተኮፍሶ፤ ጋሽ-ማሙዬ ተዘባኖ፤
ግላጭ ውሎ ግላጭ ሲያድር፣
እሱም ላይሰቅቀው ራሱን ላይሰውር ፣
እየተመቻቸ ወንበሩ ላይ ሲያንቡዋችር፣
እኛም ነጠላ እያጣፋን ስናደገድግ
እንደስጋጃ ተነጥፈን ሽቅብ ስናሰግግ
በደረታችን ስንሳብ ጎድለን ከሰው-ማረግ
ጋሼ-ማሙሽ ምንተዳዬ ተዳልቶ
ደርዝ አውጥቶ ቆዳ ለብሶ አጸጉርቶ
ተኮፍሶ ተዘባኖ
ቀላምዶ አመካክኖ
ዘመኑን አዘምኖ
አጉሮን በጉሮኖ
አልሸት አለን ፋኖ…

[ብራንጎናትርን]

http://www.youtube.com/watch?v=TRZZ4FALDYo :)

[የቆሎተማሪው]

አባትየው

የልጁን ስም ለራሱ አውጥቶ
ልጁን ያለ መጠርያ ባዶውን ትቶ
እሱ ዘመኑን የራሱን ጨርሶ
በልጁ ውስጥ ይኖራል አሁንም ጎልምሶ

[ዘሚል]

የቆሎተማሪ ጨካኝ አረመኔ ነው:: በራሱ ላይ የማጭክን የሌላውን ጉዳት አይረዳም:: እስቴ ወንድ ከሆነ ላንዴ በአረመኔነቱ የሚቀበለውን ጭብጨባ ይቅርብኝ ብሎ ይህን የአረመኔ ልምዱን ያቁም::