የዲማ ግጥሞች

by **ምረቱ** » Fri Sep 09, 2011 4:17 pm

በእግዚያብሄር እና በኢትዮጵያ ለታመኑ ኢትዮጵያውያን መጪው ዘመን የሰላም እና የአንድነት እንዲሆንልን ከልብ እመኛለሁ!

ኢትዮጵያ ለዘላለም ትኑር!

by **ምረቱ** » Fri Mar 02, 2012 4:50 am

የዓድዋ ድል በዓላችን እንደመሆኑ የዛሬ ሁለት ዓመት ለዓድዋ የቋጠርኳትን ግጥም እንደገና ላካፍል:-

ዝክረ አድዋ!

ነገረ አድዋ ...ጥልቅ ; ምጥቅ
ጸአዳ ዝንት -ዓለም የሚያንጸባርቅ

የወራሪ የታሪክ ለምጥ
የአበሽ የታሪክ ጌጥ
የአበሽ ተድላ ሀሴት
የወራሪ የመንፈስ ; የአካል ስብራት

አድዋ የቀን አውራ
የድል አባወራ
የድል ብስራት
የድል ጥሪት
የመንፈስ ስንቅ ያበሻ አንጡራ ሀብት

አድዋ !
የወንድነት ድካ ያበሽነት ልክ ስፍር
የአበሽ የድል ገድል ! የድል ስንክሳር
የማይበገር ጀግና ትውልድ
የደም ; ያጥንት ውልድ
ሲያስቡት መንፈስ እንደ ችቦ የሚያቀጣጥል የሚያነድ
የኛነታችን ማህተም የኛነታችን አሻራ
የመንፈስ መጽናኛ በሌሎች ጥቁር ሕዝቦችም ጎራ

አድዋ !

የአበሻነት እና ""የነጻነት "' የቃል ኪዳን ውል
የእምቢ ለሀገሬ እምቢ ለነጻነቴ ብሂል
'ሚንቀለቀል ያገር ፍቅር ምስል
"ዋ ኢትዮጵያ ! እኔ ላንቺ ልሙት እረ ልከንበል "
ይሄው ነው ያድዋ ትርጉሙ
ሃበሻ የጻፈው የሳለው በደሙ !

ሰው ሲደመም ጡብ ;ሲሚንቶ ;ፌሮ ተስማምቶ ሰማይ ሊነካ ሲንጠራራ
አበሽ በዛቱ ; በልቡ የማይፈርስ ሰማይ ጠቀስ የድል ክምር ሲሰራ
የሚታይ ከየትኛውም ስፍራ ...
እኛማ ለምን አንኮራ !!

አድዋ ትዕይንትም ነው
በአንድ በኩል ቀልበ ጡሊ የሰው አገር ሊወር የወበራ
በሌላ በኩል ገራገር አበሽ ግን ለነጻነቱ የማይመለስ ሞት የማይፈራ
ስንት የሴት ወንድ ; ስንት የወንድ አውራ
ጎራዴ የያዙ እጆች የተፋለሙበት ከባለመትረየስ ጋራ
የስጋና የመንፈስ ስምምነት የ "ልሙት ለሀገሬ ፍካሬ '
የጽኑ ነብስ ; ጽኑ ስጋ የመንፈስ ዝማሬ ; የተጋድሎ ፍሬ
ያገር ፍቅር እና አልሸነፍ ባይነት
ወራሪን እንደ ሰንጋ የመተሩበት
ያበሻ ማንነት የታየበት
ዝንታለም የሚታወስ ትዕይንት

አደዋ !

የአድዋስ ቅዱስነት !!!
እንደ ክርስቶስ ስቅለት
ለሰው ልጂ ፍቅሩን እንደገለጠበት
አበሻ "ለነጻነት ' ያለውን ቀናዒነት ያሳየበት
የደም ; ያጥንት አስራት በኩራት ያስገባበት
ህቅታውን ከነዛቱ የሰጠበት
የድል ጥሪት ;
የአበሽ መንፈሳዊ ሀብት !!
የሀበሻ ኩራት !!

አድዋ የድል አውራ
የጀግኖች ኢትዮጵያውያን
የልብ ምት የልብ ስራ !!

አድዋ!

by **ምረቱ** » Tue May 29, 2012 2:49 pm

ሀገር አቅኚ::

ሸፍጥ በመልኩ ሸፍኖ
አሻሮ እምነት አሻሮ ባህል ከሌላ ዘግኖ
ወደ እናቱ ቆሎ የሚጠጋ
ከባዕድ አብሮ 'ሚዶልት
ሀገር ""በምክንያታዊነት"" የሚያባልት
"ሀገር 'ሚያቀና"የልጂ ጠፍ:: የልጂ ሙት:: አለ::

ምረቱ

by **ምረቱ** » Fri Jul 27, 2012 5:57 pm

ሰርገኛ መጣ በርበሬ ቀንጥሱ ስለማይረባ ብየ ነው ያሰናዳሁት::

ሀገር የበለቱ ጭፍራ ጦር የመሩ
ለካስ ወጥ ሆነው ነው በፍሪጂ ያደሩ።

ፍሪጂ ለወጥ ነበር ክሽን ላለ ዶሮ
ጠቅላይም ሰተረ ምነው ያለወትሮ?

እገሌ አባበሉ
ሊቀ ሊቃውንቱ
መጽሀፉን ጠምደው
"ታንክ ላይ የዋሉ"
እንዲህ በሶስት ሰባት ራሳቸው አልቆ
ጠፉ የት እንዳሉ::

ምረቱ::

by **ባልዋ** » Sat Jul 28, 2012 2:17 am

ዝናቡ መጣ ተንጠባጠበ
መለስ ዘናዊ በ አበበ በለው ተንጠባጠበ
መለስ ዘናዊ ለካ አቡዋራ ነው
አበበ ገላው በ አንድ ተንፋሽ ደራሹን አጠፋው
አበበ ገላው እንዴት ጀግና ነክ
የ ፈርሪዎችን አለቃ በ 3 ደቂቃ ጩሕት መቃብር ከተትክ
መለስ ዘናዊ አንጀቲን በሉት
በየ ፓርላማው ሰዉን ሁሉ ከኒ በላይ ማነም የለ እያሉት
ለካ ተቃራኒወን ነው ለሰዉ የነገሩት
በ 3 ደቂቃ ጩሕት መቃብራቸው እንደሚገቡ እያወቁት
በሉት በታም በሉት አቶ መለስ አንጀቲን በሉት
ለካ ከ አቡዋራ ያነሱ ተነሽ አቡዋራ ነዎት
የ አበበ ገላው ጩሕት ለ ህይወትዎ መትፋት መክንያት ሆኖት.
መታስብያነቱ ራሱን የአትዮጵያ መሪ አርጎ ሲቆጥር ለነበረውና አሁን በህይወት ለሌለው መለስ ዘናዊ ነው.

by **ምረቱ** » Mon Jul 30, 2012 9:12 pm

ሀገር የበለቱ ጭፍራ ጦር የመሩ
ለካስ ወጥ ሆነው ነው በፍሪጂ ያደሩ።

ፍሪጂ ለወጥ ነበር ክሽን ላለ ዶሮ
ጠቅላይም ሰተረ ምነው ያለወትሮ ?

እገሌ አባበሉ
ሊቀ ሊቃውንቱ
መጽሀፉን ጠምደው
"ታንክ ላይ የዋሉ "
እንዲህ በሶስት ሰባት ራሳቸው አልቆ
ጠፉ የት እንዳሉ ::

ምረቱ ::

by **ምረቱ** » Thu Oct 25, 2012 6:21 pm

http://www.borkena.blogspot.ca/

የዲማ ግጥሞች

""ሀገር አቅኚ "

Who is online