?ሙ#ጭ@ር%ጭ&ር$--->የልቤ ንቅሳት

[ትርንጎ*]

August 10, 2018
ጊዜው እንዴት ይሮጣል ዘመዶቼ፡ ዋርካ ላይ እንዴት ታይፕ እንደሚደረግ በመማር ላይ እገኛለሁ...ወይ ጊዜ፡፡ የድሮዋ ትርንጎ አሁን ያለመነጥር ንቅንቅ ባትልም ሰልጥና youtube ላይ መደናበር ጀምራለች፡፡ አቤት ስንት የሚሞነጫጨር ታሪክ አለ ዘንድሮ፡ የምንተነፍሰው አየር ላይ ሁሉ ፊደላት ሲንሳፈፉ ውለው ያድራሉ፡፡ ለማናቸውም እንኩዋን የዛሬ ሰው ያለን፡፡ ድሮ ለማውቃችሁ በፍቅር ለጥ ብዬ እጅ ነስቻለሁ፡፡

የምታውቁኝ ፖለቲካው ላይ የለሁበትም፡ ግና ደግሞ የአገር ጉዳይ ፖሊቲካ ከሆን ዘ>ንድሮ ማን የሌለበት አለ??? ይቺ የፈነጠቀች ብርሃን ሁላችንንም አሰከረችን እኮ፡ በየጎዳናው ላይ እስክስታ ወረድን...ዘመን ደጉ፡፡ እናማ የልቤን ብተነፍስ ብዬ ብእሬን ሞርጄ መሞነጫጨር ጀምሬያለሁ፡፡ ለዚህ ያደረሰን ፈጣሪያችን ከፍ ከፍ ይበል!!!

ህልም ወይስ እራእይ
https://www.youtube.com/watch?v=HhZliwP1mh4

ታለፈ ያ ዘመን
https://www.youtube.com/watch?v=expYoC70o_4

....................................."የዋርካ ውበት"....................................
ድሮ ለታ...አዎን ያኔ ወጣት ቢጤ ነኝ እያልኩ እፎክር በነበረበት ጊዜ "የፓልቶክ ውለታ" ብዬ እንድ ግጥም ፅፌ ነበረና ይህ አርእስት እሱን አስታወሰኝ:: አሁን ዋርካ ምን ውበት አላት ትሉኝ ይሆን? እንግዲህ እየሳበች የምታመጣን ወይ በውበትዋ ነው...አሊያም ሱስ የሚያስይዝ እዚም አላት::እኔ ውበትዋን መርጫለሁ:: እንደስማችንና እንደመልካችን መዥጎርጎርዋ የቀስተ ደመና ውበት ሰጥቶዋታል...ሁሌም አዲስ: ለአይን የማይታክት: ጥለውት ሲሄዱ ደግሞ የሚናፈቅ ውበት::

ዋርካ ላይ ሆድ ሲብሰኝ ተንፍሼባታለሁ...ፃፊ ፃፊ ሲለኝ ጭሬባታለሁ...ተምሬባታለሁ....በድንቅ ጸሀፊዎች ተደምሜባታለሁ...ከፍቶኝ ጎብኝቻት አስቃ ሸኝታኛለች:: ሁሉን አሙዋልቶ ሰጥቶዋታል ለማለት ባልደፍርም መርጦ የማንበብ መብታችን በጣም ደስ ይለኛል:: ታዲያ መርጦ የማንበብ ስል እገሌ ብቻ ነው ጥሩ የሚጽፈው ወይም እገሌ ሁሌም መጥፎ ነው የሚጽፈው ብል ፍርደ ገምድልነት ነው:: መጥፎ መጥፎነቱ ለማን ነው? ጥሩውስ? መዳቢውስ ማነው? እኔ የምወደውን የስነፅሁፍ ፎረም "እዛ ስገባ ነርቬ ነው የሚጠቀጠቀው" የሚል ሰው አጋጥሞኛል:: እኔም አንዳንድ ሰዎች በሚሰጡት አስተያየት ጠምጃቸው (እነሱ እኮ መፈጠሬንም አያውቁ :D) ሁዋላ ግን ቀስ ብለው አስምጠውኝ ሲጠፉ ቅር ቅር የሚለኝ ዋርካውያን አሉ::

አንድ ሰሞን እግዚዮዮዮ የሚያስብል ፅሁፍም በፀሀፊው ተጠቁሜ እየተከታተልኩ ሳነብ ነበር...በውኑ አለም ቢሆን "እዚህ ምን ልትሆኚ መጣሽ' የሚያስብል አይነት ፅሁፍ...ከማሳፈሩ የተነሳ ጥቁር የፀሀይ መነፅርና ሻሽ አከናንቦ የሚያስኬድ አይነት ክፍል:: ግን ሰው ነኝና እስከመጨረሻው በጉጉት ነው የተከታተልኩት...እድሜ ለዋርካ ሻሽም አልገዛሁ:: ታዲያ እኔ ጸሀፊውን ባለጌ ነው ብል አጉል መመፃደቅ አይሆንብኝም?

የዋርካ ውበት ሁላችንም ነን:: እስቲ አሁን ሁሉም ፀሀፊ: ወይ ፖለቲከኛ: ወይ ስፖርተኛ: ወይ ቀልደኛ: ወይ ተፈላሳፊ: ወይ ተቺ: ወይ ገጣሚ: ወይ አኒሜተር: ወይ ደፋር: ወይ አይን አፋር: ወይ ስለወሲብ ጀብዱ አውሪ: ወይ ታሪክ አዋቂ: ወይ አንባቢ ብቻቻቻ ቢሆን ኖሮ (ሁህ) ዋርካ ዋርካ መሆንዋ ቀርቶ ትፈጠርስ ነበር? እንዴት ያሰለች እንደነበር ይታያችሁ::

ይህን ሁሉ ምን አስለፈለፈኝ? እንጃልኝ...ሰሞኑን ሳስበው የነበረ ነውና መተንፈስ ፈለኩ:: በዋርካ ተማረው የጠፉ ጉዋደኞቻችን ልክ በውን የማውቃቸው ይመስል ናፈቁኝና ድንገትም ቢያነቡኝ በማለትም ነው:: ልዩነትን አንጥላ-ያሳድጋልና: መብታችንን የተጋፋውን መጋፈጥን አንፍራ-እሱም ሰው ነውና: የተሰማንን ከመተንፈስ ወደሁዋላ አንበል-ጤና ይሰጣልና: ተናግሮ አናጋሪውን ደግሞ በዝምታ ማለፍ እንማር-ለሱ ቅጣት ነውና...በአጭሩ ለመቅጽበት ብልጭ ብላ ለምታልፍ ህይወት ጣጣ አናብዛባት
ለማለት ያህል:: ግን እኔ ይህን ሁሉ እጠቀምበት ይሆን? :arrow:

ጽሁፍ ቢበዛ በዋርካ ታክሲ አይጫንም:: እንደው ሙጭርጭር ያልኩዋት ስመጣ ስመጣ ከጉዋሮ እያወጣሁ ብተነፍስባት ብዬ ነው:: እገሌ ከገሌ አልልም...ሁላችሁንም እወዳችሁዋለሁ:: እነዛን ረባሽ ጎረምሶችማ እንዴት እንደምወዳቸው...የሰው አለካከፋቸው እራሱ ለዛ አለው:: ጸሀፊዎቻችንም እጃችሁ ወርቅ ይሁን:: ወጣት እህቶቻችንም ስለህይወት የምትሰጡት ትርጉምና ጨዋነታችሁ እንዴት ያረካኛል መሰላችሁ... ህይወታችሁ ይባረክ:: ፖለቲከኞቹም በምንም ተሙዋገቱ በምንም ለኢትዮጵያችን ካላችሁ ፍቅር የተነሳ ነውና ትልቅ ክብር እሰጣችሁዋለሁ:: የሰማችሁትንም ሆነ ያያችሁትን ሁሉ እንዳያመልጠን አምጥታችሁ የምታካፍሉንስ...ለመልካም ስራችሁ ግንባር ግንባራችሁን ስሜያለሁ::

አብሮ የተፈጠረ እግርና እግር እንኩዋን ይጋጫልና ግጭት ሲመጣ አትሸበሩ...ደግሞ ለሚያልፍ ነገር:: አንዳንዴም ጥል ሲኖር እኮ ነቃ ያደርጋል:: :lol: የተኛውን ይቀሰቅሳል::

ዛሬን እንዳታልቅ ሙጥኝ ብዬ ዋልኩዋት...ግና ጉድ አረገችኝ:: ፅሁፌ ስንብት መሰለና የራሴው ሆድ ባባብኝሳ...ከዋርካ ጨክኜ የምቀር ይመስል:: ለተወሰነ ጊዜ እያለሁ የለሁምና ነው ኮታዬን ለመጨረስ ይመስል ምክሬ የረዘመው:: በቸር ያገናኘኝ::

ውድድድድድድ የምታደርጋችሁ እህታችሁ

[sleepless girl]

ትርንጎ.............ቀላል ታዝበሻታል ነው የሚባለው ዋርካን............ይመቻል ጽሁፍሽ!!!!!.......

[ራያራዩማ]

''ልዩነትን አንጥላ -ያሳድጋልና : መብታችንን የተጋፋውን መጋፈጥን አንፍራ -እሱም ሰው ነውና : ...................አብሮ የተፈጠረ እግርና እግር እንኩዋን ይጋጫል...........'' እህምምምምም............በጣም ትክክል ብለሻል!! .............ይች ላልትወሰነ ግዜ ያልሻት ግን አጠር...........

ራያ

[ትርንጎ*]

~~~~~~~~~~~~~~"ይቻላል"~~~~~~~~~~
እኔ የምለው ኦባማ ከኛው ህይሌ ገ/ስላሴ ኮርጆ ይሆን እንዴ "Yes we can!" እያለ ሲያምሰን የከረመው? :D ማን ያውቃል...የንግግሩ አርቃቂ ሀበሻ ይሆን ይሆናል እኮ::

አንዱን ግርግር አልፈን ለሁለተኛው እየተዘጋጀን ነው:: ዛሬ ኦባማ እንደሊንከን በባቡር እየተጉዋዘ ባልቲሞር ላይ ወርዶ ሰዎችን ሲጨብጥ ገና ጉዋደኛዬ ቤት መድረሴ ነበር:: አይኔን የሳበው ከቴሌቪዥኑ ይልቅ የጉዋደኛዬ ለቅሶ ነበር:: "ለምንድነው የምታለቅሺው ደግሞ?" ስላት "እኔንጃ...እኛ ይሄን ለማየት የታደልነው የስንት ሰው ደም ፈሶ ስለሆነ ሆዴ ባብቶ ነው መሰል" አለችና ድክ ድክ የምትለው ልጅዋ ላይ አይንዋ አርፎ እዛው ቀረ...እኔም ሌላ ጥያቄ አላቀረብኩም: አውቀዋለሁና::

ለወትሮው ኢትዮጵያውያን ከራሳችን አገር ፖለቲካ ውጪ ኬረዳሽ ነበርን ልበል? ግሪን ካርድ ኖረን አልኖረን: ወይም ዜግነት ለወጥን አለወጥን የሚያጩዋጩኸን የራሳችን አገር ጉዳይ ብቻ ነበር:: እድሜ ለኦባማ
የምንኖርበትን ከተማ ከንቲባ ስም እንኩዋን የማናውቀው ሁሉ ዘንድሮ ለምርጫው ስኬት የበጎ አድራጎት አገልግሎት ስንሰጥና ዜግነት ያገኙት ሀበሾችም በሌሊት ኦባማን ለመምረጥ ተሰልፈው ታይተዋል:: ዛሬም ኦባማን ለመቀበል ከተደረደሩት ሰዎች መሀከል አንዱ ሀበሻ ፊት ለፊት ቆሞ ሲያለቅስ የCNN ካሜራ አርፎበታል:: ለምን ይሆን?

ለእኛ ኦባማን ለየት የሚያደርገው ጥቁርነቱ ብቻ አይደለም:: ችግርን ታግሎ እዚህ መድረሱም ለብዙዎች ጥቁር አሜሪካውያን ተስፋ መስጠቱ አያጠያይቅም...ግን...ግን ለእኛ ከዛም የላቀ ትርጉም አለው:: እሱን ስናይ ልጆቻችንን እናያለን...የነገዎቹን ፕሬዜዳንቶች: ከንቲባዎች: ሳይንቲስቶች: ዶክተሮች: ዳኛዎች: ወዘተ...ሰው ከለፋና አምላክ ከባረከው ምን የማይቻል ነገር አለ...አዎን ይቻላል:: ታዲያ እግርና እጅን አጣጥፎ ለመሻሻል መመኘት ሎተሪ ሳይቆርጡ ይደርሰኛል ብሎ እንደመጉዋጉዋት ይቆጠራል:: አምላክም ገብቶ እንዲረዳን በሩን ገርበብ አድርገን እንተውለት እንጂ! እስቲ ለምንም ሆነ ለምንም ሞክረን ሳይሳካ ይቅር...አይቆጨንምና...ከዛ ደግሞ ሌላ ነገር ይሞከራል:: በተለይ "ትምህርት" (ትንሽ የለውም) ህይወትን ይለውጣል: ኑሮን ያሻሽላል: የእውቀት አድማስን ያሰፋል:: "ደግሞ በዚህ እድሜዬ" "አቤት! ያንን ሁሉ አመት" "ብሬን ባሳድድ ይሻላል" ሌላም ሌላም ሰበቦች በህብረተሰባችን ውስጥ ተደጋግሞ ይሰማሉ:: እድሜ ቁጥር ነው...ዋናው ልብ ነው:: ጊዜው እንደሁ ማለፉ አይቀር...ለምን ቁም ነገር አንሰራበትም:: ብሩ እንደሆነ ይመጣል ይሮጣል...ለዛውም ከተማሩ እኮ ወፈር ያለው ብርም ሊመጣ ይችላል:: አዎን ይቻላል! በትልቁም ሆነ በትንሹ: ጤናን በመጠበቅ: ገንዘብ በማጠራቀም: እውቀትን በማዳበር: በማንበብ: ራስን ማሻሻል ይቻላል....ራስን አሻሽሎም ለልጅ: ለወላጅ: አልፎም ለወገን መትረፍ ይቻላል...ግን በአሸናፊነት ለመውጣት ትግልን: ፍልሚያን: ጊዜን መሰዋትን: ቆራጥ መሆንን: ጀምሮ አለመተውን ይጠይቃል እንጂ...ይ-ቻ-ላ-ል :!:

ለመሆኑ አቶ መለስ ለኢናጉሬሽን ይመጣሉ የተባለው የተረጋገጠ ወሬ ይሆን? እንደው ሽርሽር አምሮዋቸውና ተለዋጭ ሱፍ ለመግዛትም ይሆናል እንጂ አንድ ቀለም የሆነ ወገናቸውን በማን አለብኝነት እየረጋገጡ: ሁለት ቀለም ተከባብሮ ስልጣን ሲለዋወጥ የደስታ እንግዳ መሆን...አሂሂሂሂሂሂ...ውስጡን
ለቄስ....አ-ህ-ህ-ህ...መግለጫ ቃላት አጣሁ:: "ውሀ ቢወቅቱት እንቦጭ" ነው እንጂ ልብ ቢኖራቸው ዲሞክራሲ ማለት ምን ማለት እንደሆነ ተምረው ይሄዱ ነበር::

ይቺን መተንፈሻዬ ወደድኩዋት...ልጆቼን አስተኝቼ እንቅልፍ አልወስድ ሲለኝ እዚህ መጥቼ ሙጭርጭር:: :D ፈርዶባችሁ! በቸር ያገናኘን!

ለራያዬና ስሊፕሻ እጅ ነስቻለሁ::

[መልከጻዲቅ]

ዘመኑ የራሱ የሆኑ ሰዎችን ይፈጥራል እንደሚባለው ባራክ ኦባማ የአሜሪካንን የዘመናት ታሪክ ለመቀየር የተፈጠረ ነው ቢባል አይበዛበትም አያንስበትም:: ጥቁሮች ለከፍተኛ የስልጣን ቦታ አይበቁም አእምሯቸው የተመጠነ ችሎታ ብቻ ነው ያለው እያሉ ዘረኝነት የሚንጠውን ሀሳባቸውን ባገኙት አጋጣሚ ሲቸረችሩ የነበሩ ነጭ ገመሬዎች (ዘረኞቹን ማለቴ ነው ሁሉንም አይመለከትም:: እንደ ራሽ ሉምቦ አይነቶቹ) አሁን የኮሶ ያህል የመረረ ጽዋ ፊታቸው ቀርቦላቸዋል:: የፕሬዝዳንት ተመራጩ ባራክ ኦባማ በነገው እለት በሚሊዮኖች ፊት እስካሁን ተደርጎ ባልታወቀ የአመሪካን ፕሬዝዳንሲ ኢናጉረሽን ዝግጅት የርእሰ ብሄርነቱን መንበር በይፋ ይረከባል:: ይህ ታላቅ ነው:: የአሜሪካን ወጣቶች በፊታቸው የሚታይ የሚዳሰስ ሮል ሞዴል(Role Model) ማየት ይፈልጋሉ:: ምሳሌ የሚሆናቸው ሰው ከሌለ ህልማቸውም አብሮ ይሞታል:: ቦክሰኛ መሆን የሚፈልጉ ልጆች ወደ ቦክስ አለም የሚገቡት የታወቀ ቦክሰኛ በቴሌቪዥን ተጋጣሚዎቹን ሲዘርር አይተው ነው:: የቅርጫት ኴስ ለመጫወት የወሰኑት ድንቅ የባስኬት ቦል ተጫዎችችን በቲቪ ስክሪን( ትይንተ-መስኮት) ውስጥ ስላዩ ነው:: አሁን ኦቫል ኦፊስ ውስጥ የገባ ሮው ሞዴል አሜሪካ አግኝታለች:: ዛሬ ማንኛውም አሜሪካዊ ታዳጊ ወጣት እንደበፊቱ ሁሉ አይኖቹን እስፖርት ሜዳ ላይ ብቻ አይጥልም:: ይዋል ይደር እንጂ ወደ ዋይት ሀውስ የመግባት እድል እንዳለው ተረድቷል:: ታሪክ በ180 ድግሪ ራሷን አዞረች ቢባል አልተጋነነም:: ፕሬዝዳንት ባራክ ኦባማ ቡዙ አስቸጋሪና ፈታኝ ነገሮች ከፊቱ ይጠብቁታል:: ሁሉም ነገር አልጋ ባልጋ አይደለም ቢሆንም ግን መልካም የስራ ዘመን ይሁንለት::

[መልከጻዲቅ]

ዘመኑ የራሱ የሆኑ ሰዎችን ይፈጥራል እንደሚባለው ባራክ ኦባማ የአሜሪካንን የዘመናት ታሪክ ለመቀየር የተፈጠረ ነው ቢባል አይበዛበትም አያንስበትም:: ጥቁሮች ለከፍተኛ የስልጣን ቦታ አይበቁም አእምሯቸው የተመጠነ ችሎታ ብቻ ነው ያለው እያሉ ዘረኝነት የሚንጠውን ሀሳባቸውን ባገኙት አጋጣሚ ሲቸረችሩ የነበሩ ነጭ ገመሬዎች (ዘረኞቹን ማለቴ ነው ሁሉንም አይመለከትም:: እንደ ራሽ ሉምቦ አይነቶቹ) አሁን የኮሶ ያህል የመረረ ጽዋ ፊታቸው ቀርቦላቸዋል:: የፕሬዝዳንት ተመራጩ ባራክ ኦባማ በነገው እለት በሚሊዮኖች ፊት እስካሁን ተደርጎ ባልታወቀ የአመሪካን ፕሬዝዳንሲ ኢናጉረሽን ዝግጅት የርእሰ ብሄርነቱን መንበር በይፋ ይረከባል:: ይህ ታላቅ ነው:: የአሜሪካን ወጣቶች በፊታቸው የሚታይ የሚዳሰስ ሮል ሞዴል(Role Model) ማየት ይፈልጋሉ:: ምሳሌ የሚሆናቸው ሰው ከሌለ ህልማቸውም አብሮ ይሞታል:: ቦክሰኛ መሆን የሚፈልጉ ልጆች ወደ ቦክስ አለም የሚገቡት የታወቀ ቦክሰኛ በቴሌቪዥን ተጋጣሚዎቹን ሲዘርር አይተው ነው:: የቅርጫት ኴስ ለመጫወት የወሰኑት ድንቅ የባስኬት ቦል ተጫዎችችን በቲቪ ስክሪን( ትይንተ-መስኮት) ውስጥ ስላዩ ነው:: አሁን ኦቫል ኦፊስ ውስጥ የገባ ሮው ሞዴል አሜሪካ አግኝታለች:: ዛሬ ማንኛውም አሜሪካዊ ታዳጊ ወጣት እንደበፊቱ ሁሉ አይኖቹን እስፖርት ሜዳ ላይ ብቻ አይጥልም:: ይዋል ይደር እንጂ ወደ ዋይት ሀውስ የመግባት እድል እንዳለው ተረድቷል:: ታሪክ በ180 ድግሪ ራሷን አዞረች ቢባል አልተጋነነም:: ፕሬዝዳንት ባራክ ኦባማ ቡዙ አስቸጋሪና ፈታኝ ነገሮች ከፊቱ ይጠብቁታል:: ሁሉም ነገር አልጋ ባልጋ አይደለም ቢሆንም ግን መልካም የስራ ዘመን ይሁንለት::

[ሎሚዋ]

እህት ትርንጎ
ድንቅ እይታ ነው:: ደግሞ ብእርሽ ይጣፍጣል!

[Truth...]

~~~~~~~~~~~~~~"ይቻላል"~~~~~~~~~~
እኔ የምለው ኦባማ ከኛው ህይሌ ገ/ስላሴ ኮርጆ ይሆን እንዴ "Yes we can!" እያለ ሲያምሰን የከረመው? :D ማን ያውቃል...የንግግሩ አርቃቂ ሀበሻ ይሆን ይሆናል እኮ::

አንዱን ግርግር አልፈን ለሁለተኛው እየተዘጋጀን ነው:: ዛሬ ኦባማ እንደሊንከን በባቡር እየተጉዋዘ ባልቲሞር ላይ ወርዶ ሰዎችን ሲጨብጥ ገና ጉዋደኛዬ ቤት መድረሴ ነበር:: አይኔን የሳበው ከቴሌቪዥኑ ይልቅ የጉዋደኛዬ ለቅሶ ነበር:: "ለምንድነው የምታለቅሺው ደግሞ?" ስላት "እኔንጃ...እኛ ይሄን ለማየት የታደልነው የስንት ሰው ደም ፈሶ ስለሆነ ሆዴ ባብቶ ነው መሰል" አለችና ድክ ድክ የምትለው ልጅዋ ላይ አይንዋ አርፎ እዛው ቀረ...እኔም ሌላ ጥያቄ አላቀረብኩም: አውቀዋለሁና::

ለወትሮው ኢትዮጵያውያን ከራሳችን አገር ፖለቲካ ውጪ ኬረዳሽ ነበርን ልበል? ግሪን ካርድ ኖረን አልኖረን: ወይም ዜግነት ለወጥን አለወጥን የሚያጩዋጩኸን የራሳችን አገር ጉዳይ ብቻ ነበር:: እድሜ ለኦባማ
የምንኖርበትን ከተማ ከንቲባ ስም እንኩዋን የማናውቀው ሁሉ ዘንድሮ ለምርጫው ስኬት የበጎ አድራጎት አገልግሎት ስንሰጥና ዜግነት ያገኙት ሀበሾችም በሌሊት ኦባማን ለመምረጥ ተሰልፈው ታይተዋል:: ዛሬም ኦባማን ለመቀበል ከተደረደሩት ሰዎች መሀከል አንዱ ሀበሻ ፊት ለፊት ቆሞ ሲያለቅስ የCNN ካሜራ አርፎበታል:: ለምን ይሆን?

ለእኛ ኦባማን ለየት የሚያደርገው ጥቁርነቱ ብቻ አይደለም:: ችግርን ታግሎ እዚህ መድረሱም ለብዙዎች ጥቁር አሜሪካውያን ተስፋ መስጠቱ አያጠያይቅም...ግን...ግን ለእኛ ከዛም የላቀ ትርጉም አለው:: እሱን ስናይ ልጆቻችንን እናያለን...የነገዎቹን ፕሬዜዳንቶች: ከንቲባዎች: ሳይንቲስቶች: ዶክተሮች: ዳኛዎች: ወዘተ...ሰው ከለፋና አምላክ ከባረከው ምን የማይቻል ነገር አለ...አዎን ይቻላል:: ታዲያ እግርና እጅን አጣጥፎ ለመሻሻል መመኘት ሎተሪ ሳይቆርጡ ይደርሰኛል ብሎ እንደመጉዋጉዋት ይቆጠራል:: አምላክም ገብቶ እንዲረዳን በሩን ገርበብ አድርገን እንተውለት እንጂ! እስቲ ለምንም ሆነ ለምንም ሞክረን ሳይሳካ ይቅር...አይቆጨንምና...ከዛ ደግሞ ሌላ ነገር ይሞከራል:: በተለይ "ትምህርት" (ትንሽ የለውም) ህይወትን ይለውጣል: ኑሮን ያሻሽላል: የእውቀት አድማስን ያሰፋል:: "ደግሞ በዚህ እድሜዬ" "አቤት! ያንን ሁሉ አመት" "ብሬን ባሳድድ ይሻላል" ሌላም ሌላም ሰበቦች በህብረተሰባችን ውስጥ ተደጋግሞ ይሰማሉ:: እድሜ ቁጥር ነው...ዋናው ልብ ነው:: ጊዜው እንደሁ ማለፉ አይቀር...ለምን ቁም ነገር አንሰራበትም:: ብሩ እንደሆነ ይመጣል ይሮጣል...ለዛውም ከተማሩ እኮ ወፈር ያለው ብርም ሊመጣ ይችላል:: አዎን ይቻላል! በትልቁም ሆነ በትንሹ: ጤናን በመጠበቅ: ገንዘብ በማጠራቀም: እውቀትን በማዳበር: በማንበብ: ራስን ማሻሻል ይቻላል....ራስን አሻሽሎም ለልጅ: ለወላጅ: አልፎም ለወገን መትረፍ ይቻላል...ግን በአሸናፊነት ለመውጣት ትግልን: ፍልሚያን: ጊዜን መሰዋትን: ቆራጥ መሆንን: ጀምሮ አለመተውን ይጠይቃል እንጂ...ይ-ቻ-ላ-ል :!:

ለመሆኑ አቶ መለስ ለኢናጉሬሽን ይመጣሉ የተባለው የተረጋገጠ ወሬ ይሆን? እንደው ሽርሽር አምሮዋቸውና ተለዋጭ ሱፍ ለመግዛትም ይሆናል እንጂ አንድ ቀለም የሆነ ወገናቸውን በማን አለብኝነት እየረጋገጡ: ሁለት ቀለም ተከባብሮ ስልጣን ሲለዋወጥ የደስታ እንግዳ መሆን...አሂሂሂሂሂሂ...ውስጡን
ለቄስ....አ-ህ-ህ-ህ...መግለጫ ቃላት አጣሁ:: "ውሀ ቢወቅቱት እንቦጭ" ነው እንጂ ልብ ቢኖራቸው ዲሞክራሲ ማለት ምን ማለት እንደሆነ ተምረው ይሄዱ ነበር::

ይቺን መተንፈሻዬ ወደድኩዋት...ልጆቼን አስተኝቼ እንቅልፍ አልወስድ ሲለኝ እዚህ መጥቼ ሙጭርጭር:: :D ፈርዶባችሁ! በቸር ያገናኘን!

ለራያዬና ስሊፕሻ እጅ ነስቻለሁ::

ሰላም ትርንጎ

ትልቅ ማስተዋል ብያለሁ
መልካም ቀን

[ሾተል]

~~~~~~~~~~~~~~"ይቻላል"~~~~~~~~~~
እኔ የምለው ኦባማ ከኛው ህይሌ ገ/ስላሴ ኮርጆ ይሆን እንዴ "Yes we can!" እያለ ሲያምሰን የከረመው? :D ማን ያውቃል...የንግግሩ አርቃቂ ሀበሻ ይሆን ይሆናል እኮ::

ያው በባህላችን ሁሉንም ነገር ለኛ ማድረግ ስለለመድን እንደዚህ ያለ ስህተት ቢከሰት በባህላችን ስህተት ተደርጎ ስለማይቆጠር እኔ ደግሞ ስህተት ነው ልል ስለተነሳሁ እንደስህተተኛ ልቆጠር::

ኦባማ ኢትዮዽያዊ ደም አለው ሲባል ነበር...አይደለም ኬንያዊ ነው ሲባል አይ እኛ ድሮ እንኩዋን ኬንያ አይደለችም ማዳካስካር ድረስ ስለነበረ ግዛታችን ኬንያም የኛ ስለነበረች ኦባማም ግማሽ ኢትዮዽያዊ ነው.....ቅቅቅቅቅ.....ግን አንድ ታሪክ ያልሰራ ኬንያዊ ለዛውም ሞያሌ አካባቢ ያለ ኬንያዊ ይሄስ ቢባል እንደባርያ ስለሚቆጠርና ታሪክ ስላልሰራ አይ ይሄ ኬንያዊ ባርያ ነው እንላለን...እንደ ኬንያ ድሮ የኢትዮዽያ ግዛት አልነበረች እንዴ ሲባል ነበር እንደ እንላለን ለምን ቢባል ይህእ ሞያሌ አካባቢ ያለ ኬንያዊ ኢትዮድያዊ እንዳይባል ማለት ነው::

እና ይህ በእንዲህ እንዳለ ከመቼ ወዲህ ነው የyes we can ንን ትርጉም ባላውቀውምና እንግሊዘኛ ባልችልም እንደገና ደግሞ እንግሊዝ ተናጋሪ አገር ባልኖርም በምንኛ ዲክሽነሪ ተተርጉሞ ነው yes we can "ይቻላል" ተብሎ የተተረጎመው?ማለቴ የ የስ ዊ ኬንን ትርጉም ባላውቀው ማለቴ ነው::እንዴው ሁሉንም ነገር ወደ እኛ የማጠጋጋት ባህላችንን በህይወት እንዲቆይ አስተዋጽኦ ለማድረግ ይሆን?ማለቴ ሀይሌ "ይቻላል" ስላለ ትርጉምን ሁሉ በራሳችን ፋንታዚ ለመተርጎም?

አገር ቤት የተሰራው ፎቅ በአለም ሁለተኛ....የተሰራው መንገድ አንደኛ...ሽንትቤቱ ሁለተኛ በቃ እያወዳደሩ ማጠጋጋት ነው::አሁን ደግሞ በሞቶና ቃል ማጠጋጋት መጣን::

እኔስ እፈታሻለሁ ይብላኝ ለወለዱሽ አሉ::

ሾተል ነን...የyes we can ን ትርጉም ባውቀው ኖሮ ይሄኔ አማሪካን አገር እኖር ነበር

[ትርንጎ*]

~~~~~~~~~~~~~~~~ል ጅ ነ ቴ~~~~~~~~~~~~~~
ዛሬ አንድ የካውቦይ ሙዚቃ ከሬዲዮው ሲያስተጋባ ልጅነቴ ውል አለብኝ:: ልጅነቴ...ልጅነቴ...ማርና ወተቴ እያልን ድሮ ስንዘፍነው መች ጉዳዬ ብለነው? ገመድ ዝላይ: ሰኞ ማክሰኞ: ጢቢ ጢቢ: የጨርቅ ኩዋስ ጥለዛ: የሽቦ መኪና ማሽከርከር: የመኪና ጎማ ውስጥ አብረን ተጠቅልለን መንከባለል: ጭቃ ማቡካት: ጎርፍ ውስጥ መንቦራጨቅ: የውሀ እናት ማሳደድ....ሌላ ሀሳብ የለን...እውነትም ማርና ወተት:: ትንሽ አደግ ብዬ ነገር "ልጅነት ተመልሶ አይመጣም" የሚል መጽሀፍ አንብቤ ሆዴ ባብቶ ነው መሰል አይኖቼ እስከሚያብጡ ተንሰቅስቄ ያለቀስኩት ትዝ ይለኛል:: ወይ ጉድ...ልጅ እኮ ብዙ ነገር ሳይገለጽለት አይቀርም...የዛሬው ውሎዬ...

በልጅነቴ ትንሽ ረባሽ ቢጤ ነበርኩ...ደፋር ነገር...ቀልቃላ:: ጎረቤቶች አባቴን "አይ... ይቺ ልጅህ ቆማ ነው የምትቀርልህ" ሲሉት ከቁጣ ይልቅ እየሳቀ ሲያየኝ ትዝ ይለኛል:: አባዬ የነፃነቴ በር ነበር...ተገኔ: ምርኩዜ:: "የኔ ልጅ አትዋሽም" ስለሚል ብቻ እቤቱ ተቀምጦ የዋልኩበትን ሁሉ ሲያናዝዘኝ የሚውለው "ሪቨርስ ሳይኮሎጂ" መሆኑ የገባኝ በጣም ካደኩ በሁዋላ ነው:: ታዲያ የማን ልጅ ሆንኩና...እኔም ልጆቼ ላይ እየተጠቀምኩበት እገኛለሁ:: :wink:

ታዲያ በልጅነቴ ምኞቴ ትምህርቴን ተምሬ እራሴን ችዬ ነበር...ከዛ ደግሞ መሰደድ አማረኝ:: ከዛስ? መኩዋል: መዳር: ወልዶ መሳም...አምላኬ ይመስገን ብዙውን አልነሳኝም:: ታዲያ አሁን ሀላፊነት ሲያራሩጠኝ ያቺ ያለሀሳብ የተራገጥኩባት ልጅነቴ በአይኔ ትሮጣለች::
በነገራችን ላይ ስለልጅነቴ የሚያስለፈልፈኝ በዚህ ሳምንት በጥር ሚካኤል እለት ያከበርኩት ልደቴ ነው:: ወይ ጉድ..."ገና አንድ ፍሬ ልጅ ነሽ" ስባል የነበረበት ጊዜ እንደቀልድ በኖ የህይወቴን ግማሽ ማገባደዴ አስደነገጠኝ መሰል:: ቁዋጥረው አይዙት ነገር...ተለ-ለለ-ለለለ እያለ ይምዘገዘገዋል:: የባከነውን አውጥቼ አንዱ ባለዘጠኝ እድሜ ላይ ሙጥኝ ብዬ ለመቆየት አስቤ ነበር...ታናሽ እህቴ ደረሰችብኝ እንጂ:: ይቺ ከውካዋ በቀደም "ጠጋ በይ" ብላ ሳቀችብኝ...አሁን ምን የሚያስቸኩል ነገር አለ? ምን ምርጫ አለኝ...ሳልወድ በግድ አብሬ ልምዘግዘገው እንጂ::

ህይወት ድንቅ ትምህርት ቤት ነው...ከድንቅም እፁብ ድንቅ:: በተለይም የውጩ አለም ብዙዎቻችንን አሹሮናል: ፈትሎናል: አስምቶናል:: በችግር ውስጥ ማለፍ ምኑም ባይወደድ...የማይረሳ የትምህርት አሻራ ከትቦልን ያልፋልና አንጥላው:: አግኝተን አጥተን: የሰው ፊት ገርፎን: የወደድነውና ያመነው ከድቶን: አስታማሚ አጥተን: ብቸኝነት አቆራምዶን...ሌላም ሌላም ደርሶብን ሲያልፍ ግን አሳድጎን: አብስሎን: ቻይና ከትላንትናው የተሻልን ሰዎች አድርጎን ይሄዳልና::

አልጋዬ ጠራኝ:: በሉ አላድርቃችሁ..."ከልጆችሽና ከነሙሉ ጤናሽ የአመት ሰው ይበልሽ" ብላችሁ ግን መርቁኝ...አደራ! :D


ሳልረሳው...የተወለድኩት አገሬ በጥምቀት ማግስትና በጥር ሚካኤል: በፈረንጁ አገር ደግሞ በማርቲን ሉተር ኪንግ ልደት ማግስትና በኢናጉሬሽን እለት መሆኑ እንደው ከለታት አንድ ቀን ታላቅ ሰው ልሆን ይሆን በማለት ሀሳብ ገባኝ እኮ :? ወጉ ለምን ይቅርብኝ :lol:

መልክሻ:ሎሚናት:ትሩዜና ሾተሎች እጅ ነስቻለሁ:: መልክሻ ግሩም እይታ ነው:: በቸር ያገናኘን::

[ሳይታማ-1]

ሰላም ትርንጎ....ድንቅ ጹሁፍ ነው.....""ይቻላል"' የሚለውን አባባል መጀመሪያ የተጠቀመው ሀይልይ ሳይሆን ክቡር ገና ናቸው ቀደም ሲል የአ.አ ንግድ ም/ብይት ፕረዘዳንት የነበሩ ከሳቸው አስፈቅዶ ነው ሓYLኤ የተጠቀመው...እና በዛን ወቅት መፈክሩ ..የንግድ ምልክቶች ሁሉ ይቻላል ነበር ወረት ሆኖ ቀረ እንጂ...ለማንኛውም ሠናይ ቅዳምይ...ሾተል ባለህበት ሰላም ብያለሁ

[ቢሌ]

[quote="ትርንጎ*"]~~~~~~~~~~~~~~~~ል ጅ ነ ቴ~~~~~~~~~~~~~~

ሳልረሳው...የተወለድኩት አገሬ በጥምቀት ማግስትና በጥር ሚካኤል: በፈረንጁ አገር ደግሞ በማርቲን ሉተር ኪንግ ልደት ማግስትና በኢናጉሬሽን እለት መሆኑ እንደው ከለታት አንድ ቀን ታላቅ ሰው ልሆን ይሆን በማለት ሀሳብ ገባኝ እኮ :? ወጉ ለምን ይቅርብኝ :lol:

አዲሱ ዘመን መልካም ዘመን እንዲሆንልስሽ ከነ ልጆችሽ ከልብ እመኝልሻለሁ:: እድሜን አትቁጠሪው: ቁጥር ለብር ብቻነው:: ዝምብሎ መኖር ነው: እህትሽ ከፈለገች ትለፍሽ አሳልፊያት:: እኔ ወንዱ ልጄ አስልፈኝ እያለ ነው ላሳልፈው ነው በሚቀጥለው ወር::

መልካም ቅዳሜ::
ቢሌ

[ጣዝማዊት]

ትርንጎዬ እቺ ቤትሽ ደስ ትላለች የመሞነጫጨር ጊዜ ሚያጥርሽ ከወነ ላበድርሽ ፍቃደና ነኝ

አድናቂሽ

[ባሻሽብሩ]

ትርንጎ ሆይ በጣም ማስተዋል ያለበት ጥፍጥ የሚል ጽሁፍ ነው ቀጠል አርጊና አስነብቢን::

[ሙዝ1]

ትርንጎሻ! መልካም ልደት የኔ እመቤት ..... እስኪ የተወለድሽበት አመተ ምህረቱ ይነገረኝና እቤቴ ቁጭ ብዬ ሻማዉን ላብራልሽ? ያንቺ ነገር'ኮ እድሜሽን ከፍ ማድረግ ስለምቶጂ ...ሻማ በእድሚዬ ቁጥር ከምትገዛ ....ለምን የሻማ ፋብሪካዉን በላዉንቸር አታጋይዉም እንዳትይኝ አደራ!!! :P

ጎርፍ ውስጥ መንቦራጨቅ: የውሀ እናት ማሳደድ....

ቂቂቂ ... በጣም ሳኩኝ ... አሁንም ደግሜ ልሳቅ ቂቂቂ .... ጎበዝ በመጀመሪያ ደረጃ የዉሀ እናት ታዉቃላችሁ? ቂቂቂ ... እሽ የዉሀ እናት ካወቃችሁ እነ ትርንጎ(ሴቶች) ለምን የዉሀ እናት እንደሚያሳድዱ ታዉቃላችሁ? ቂቂቂቂ .... ትርንጎሻ! ታዲያ የዉሀ እናት አደኑ ተሳክቶ .... የተመኘሽዉም ተሳካ :wink: ...ቂቂቂ ... ወይ ሴቶች ከምር ታስቃላችሁ አንዳንዴ ትዕግስት አልባ ትሆናላችሁ ..... ልጅ እያለሁ እኔም የዉሀ እናት በማደን ስለምታወቅ ሴቶቹ ወደ ወንዝ ሲወርዱ በሆነ ነገርም አታለዉ ይዘዉኝ ይሄዱ ነበር ... ከዛ ..... ከዛማ ምኑ ይነገራል ...የዉሀ እናት እይዝና .... አስነክስላቸዋለሁ :P