ሕልሜ (የቴዎድሮስ ጋሻ)

Topics related to cultures, arts, languages, arts such as humor, music, traditional literary genres of poems, ግጥም ፣ ቅኔ ፣ ተረትና ምሳሌ)

ሕልሜ (የቴዎድሮስ ጋሻ)

Postby እቴጌይት » Sat Sep 01, 2012 1:40 am

ያገሬ ሰው
የወንዜ ሰው
ተድጦ ተደፍጥጦ - ወኔ ሃሞቱ
ተገምሶ ተደርምሶ - በቃኝ እምቢ ባይነቱ
ኩሩ ልባም እሱነቱ

ስብዕናው
ሕልውናው
በራስ መኩርያ- መመክያው
ኩራት ክብሩ- ተገፎ
ሞገስ ግርማው -ተጨልፎ

የድህነት -ኋላ የመቅረት- አብነት
የጭቆና- የፍትህ እጦት- ተምሳሌት
የአህዛብ መሳለቂያ - ሆነ ቢሉኝ- ምጽዋተኛ
የውራጅ ውራጃቸው - የእዳሪ ትራፊያቸው- ምርኮኛ
በሕይወት ሳለ - ከሞተ እኩል -ትብያ ሆኖ- ምድር የተኛ

ተፍሮ ተቆፍሮ -ከርሰ ምድሩ
ተነግሮ- ተለፍፎ -የቁም ቀብሩ............

ሙሾ ላወርድ -ደረት ድቅያ- እርም አውጥቼ
ስሰናዳ -ካሳብ ጓዳ -ገብቼ...

የሕልሜን ለቅሶ -ሳልጨርሰው አንብቼ.....
የትንሳዔው ዋዜማውን አየሁኝ
ጋሻው ሲመለሰለት አለምኩኝ!!......
ከእንግዲህማ- አልኩኝ
ከእንግዲህማ -በቃ አበቃ
የዘመናት ጭንቅ ሲቃ
የዝንተ ዓለም ሰቆቃ
ከእንግዲህማ- ጠላቱ ምን ቢዳክር
ፍላጻውን ቢቀስር
ወጨፎውን ቢወረውር
የት ሊደርስ ምን ሊፈጥር?
ከእንግዲህማ
ድህነቱን ይመክታል - ረሃብና እርዛቱን
ከአፈር ያደባየዋል - የጭቆና ስራዓቱን
መክኖ አይቀርም አደራው -የአባ ታጠቅ ምኞቱ
ጋሻው ከተመለሰማ -አብሮ ይመጣል ሃሞቱ
ብዬ ሳልም -ስባዝን
ድንገት ብንን!!

አይ ሕልም?


ደህና ቆዩ
እቴጌይት
ዋና ኮትኳች
ዋና ኮትኳች
 
Posts: 655
Joined: Sun Sep 23, 2007 10:38 pm

Return to Warka Culture and Literature - ዋርካ ባህልና ሥነ ጽሑፍ

Who is online

Users browsing this forum: No registered users and 3 guests