"ቀይ አንበሳ" ጉድ ሳይሰማ መስከረም አይጠባም.እንሰት ብቅ በል

Topics related to cultures, arts, languages, arts such as humor, music, traditional literary genres of poems, ግጥም ፣ ቅኔ ፣ ተረትና ምሳሌ)

"ቀይ አንበሳ" ጉድ ሳይሰማ መስከረም አይጠባም.እንሰት ብቅ በል

Postby -...- » Wed Aug 21, 2013 3:43 pm

ወንድሜ እንሰት ስለዚች መጽሃፍ ጠቀስ አድርጎ ስላጓጓኝ ላኩልኝ ብዬ ሰሞኑን አነበብኳት ። መጽሃፊቱ የተጠረዘችው በሰከራም ሳይሆን አይቀርም ። ገጾቹ ያለይዘትና ያለቦታቸው ተዘበራርቅው በማፈላለግ አንብቤያታለሁ ። ከታች ያስደነቀኝን የስፓኒሹ ኮ/ልና የራስ ሙሉጌታ ንግግር እነሆ ስፓኒሹ እንደጻፈው

ራስ ሙሉጌታ በሕንጣሎ ጦር ግንባር ቆስለው ለሞት ሲያጣጥሩ ይህንን ነገሩኝ ብሎ ኮሎነል አልኸንድሮ ዴል ባዬ በጻፈውና ዶር ተስፋዬ መኮንን ባየልኝ ቀይ አንበሳ ብሎ በተረጎመው መጽሃፍ ገጽ 189 ላይ
--------------------
-ራስ ሙሉጌታ ከንግዲህ ለሶስት ደቂቃ እንኳን አይቆዩም ። በድጋሚ ሳቁ ።

"በህይወት ዘመኔ ጥሩ መንገድ ተጉዣለሁ " ሲሉ በተኩራራና በሚያምር የትያትር ድምጽ ተናገሩ ፡፡ "ከምንም የሆንኩትን ለመሆን ችያለሁ ። አሁን መሞት እችላለሁ ።

" አዳምጥ ፈረንጅ " በማለት ቀጠሉ ። " ሁሉም የአብሲኒያው ኃይለኛው ራስ መሆኔን ያውቃሉ ። ሆኖም ግን ሰዎች ከሚገምቱት በላይ ኃይለኛና ብዙ ማድረግ እንደምችል ግን በፍጹም አያውቁም ።
ሁሉም ምኒልክን ያከብራል ። በኢትዮያ ታሪክ ውስጥ ትልቁ ሰው አድርገው ያዩታል ። የማይሸነፍ ሰው አድርገውም ቆጥረውታል ።
እናም እሺ ፡ ምኒልክን የምበልጠው ትልቁ ሰው እኔ ነኝ ። እኔ ነኝ የኢትዮጵያውያንን ጀግና የገደልኩት ። "

እርስዎ ኖት የገደሏቸው ? እንዴት ?
" በመርዝ ነው የገደልኳቸው ። አዲስ አበባ ላይ አንድ ግሪካዊ ዶክተር ነው መርዙን የሰጠኝ ። ያለህመም ሞት፡ የማይታይ ፍንጭ የሌለው ። ገዳይ ወይም ዱካው ያልተገኘ ሞት ። ሁሉም ነገር በምስጢር ። በአንዲት የቡና ስኒ ምኒልክ ሞትን ፉት አሏት ። ማንም በፍጹም የጠረጠረ የለም ። ከኢትዮጵያ ችሎት ውስጥ ማቀነባበሩን ከረዱኝ ከሶስት ታላላቅ ሰዎች በስተቀር "


______________________________

እውነተኛ ታሪክ ወይስ የፈረንጁ ፈጠራ ታሪክ
ጉዲ ሰዲ ይላል ዲጎኔ ሲገርመው
ሞቼ እየተነሳሁ ልሙት እንደገና
አንድ ሞት ላገሬ አይበቃትምና
-...-
ኮትኳች
ኮትኳች
 
Posts: 401
Joined: Thu Feb 09, 2012 8:36 pm

Re: "ቀይ አንበሳ" ጉድ ሳይሰማ መስከረም አይጠባም.እንሰት ብቅ በል

Postby ዲጎኔ » Wed Aug 21, 2013 11:03 pm

ሰላም ለሁላችን
ወገን ባለምልክቱ ስለመልካሙ ክሊፕህ ተባረክ1
የአፍሪካና የጥቁሮችን ነጻነት በማስከበር አይኮን ስለሆነው ምኒሊክ ለጥቁርና ገባር ህዝቦች ዲጎኔ ይመለከታል አቁዋም አንድ ነው::ምኒሊክ የነጻነት ምልክትነቱ ያኔ ከነበረ ብሄራዊ ጭቆና ይልቃል::ይህንን ስል ከሁለቱም ጎራ የተለመደው ነቀፋ እንደማይቀርልኝ ባውቅም እውነትን ተናግሬ የመሸበት አድራለሁ::እንኩዋን ያኔ ከ150 አመታት በፊት ዛሬ በ21ኛ ክ/ዘመን የነጻነቱ መሪ ማንዴላ ከራሱ ሚስት ከትግል ጉዋዶቹና ልጆቹ ተቃውሞ እያለበት በልዩ አቁዋሙ ለነጭ አጋሮች ለነ ደክለርክ ክብር እንደሰጠና የነጭ መብት እንዳስከበረ እኛም ጥቁር ህዝቦች በነጭ ወራሪ ላይ ላገኙት ድል ለምኒሊክና ለጦቢያ ህዝቦች ክብር እንሰጣለን::
ይህ ራስ ሙሉጌታ ተብዬ ግን የኒኦ ኮሎኒያሊስቶች ፈጠራ እንጂ በገሀዱ አለም የነበረ አደለም:: የምወደው በኮሌጅ የሻርኩበት ታሪክ ይህን አላስተማረኝም::
ዲጎኔ ሞረቴው የጦቢያ ታሪክ መዛግብት ወመዘክር አዳራሽ
-...- wrote:ወንድሜ እንሰት ስለዚች መጽሃፍ ጠቀስ አድርጎ ስላጓጓኝ ላኩልኝ ብዬ ሰሞኑን አነበብኳት ። መጽሃፊቱ የተጠረዘችው በሰከራም ሳይሆን አይቀርም ። ገጾቹ ያለይዘትና ያለቦታቸው ተዘበራርቅው በማፈላለግ አንብቤያታለሁ ። ከታች ያስደነቀኝን የስፓኒሹ ኮ/ልና የራስ ሙሉጌታ ንግግር እነሆ ስፓኒሹ እንደጻፈው

ራስ ሙሉጌታ በሕንጣሎ ጦር ግንባር ቆስለው ለሞት ሲያጣጥሩ ይህንን ነገሩኝ ብሎ ኮሎነል አልኸንድሮ ዴል ባዬ በጻፈውና ዶር ተስፋዬ መኮንን ባየልኝ ቀይ አንበሳ ብሎ በተረጎመው መጽሃፍ ገጽ 189 ላይ
--------------------
-ራስ ሙሉጌታ ከንግዲህ ለሶስት ደቂቃ እንኳን አይቆዩም ። በድጋሚ ሳቁ ።

"በህይወት ዘመኔ ጥሩ መንገድ ተጉዣለሁ " ሲሉ በተኩራራና በሚያምር የትያትር ድምጽ ተናገሩ ፡፡ "ከምንም የሆንኩትን ለመሆን ችያለሁ ። አሁን መሞት እችላለሁ ።

" አዳምጥ ፈረንጅ " በማለት ቀጠሉ ። " ሁሉም የአብሲኒያው ኃይለኛው ራስ መሆኔን ያውቃሉ ። ሆኖም ግን ሰዎች ከሚገምቱት በላይ ኃይለኛና ብዙ ማድረግ እንደምችል ግን በፍጹም አያውቁም ።
ሁሉም ምኒልክን ያከብራል ። በኢትዮያ ታሪክ ውስጥ ትልቁ ሰው አድርገው ያዩታል ። የማይሸነፍ ሰው አድርገውም ቆጥረውታል ።
እናም እሺ ፡ ምኒልክን የምበልጠው ትልቁ ሰው እኔ ነኝ ። እኔ ነኝ የኢትዮጵያውያንን ጀግና የገደልኩት ። "

እርስዎ ኖት የገደሏቸው ? እንዴት ?
" በመርዝ ነው የገደልኳቸው ። አዲስ አበባ ላይ አንድ ግሪካዊ ዶክተር ነው መርዙን የሰጠኝ ። ያለህመም ሞት፡ የማይታይ ፍንጭ የሌለው ። ገዳይ ወይም ዱካው ያልተገኘ ሞት ። ሁሉም ነገር በምስጢር ። በአንዲት የቡና ስኒ ምኒልክ ሞትን ፉት አሏት ። ማንም በፍጹም የጠረጠረ የለም ። ከኢትዮጵያ ችሎት ውስጥ ማቀነባበሩን ከረዱኝ ከሶስት ታላላቅ ሰዎች በስተቀር "


______________________________

እውነተኛ ታሪክ ወይስ የፈረንጁ ፈጠራ ታሪክ
ጉዲ ሰዲ ይላል ዲጎኔ ሲገርመው
ዲጎኔ
ዋና አለቃ
ዋና አለቃ
 
Posts: 4752
Joined: Fri Aug 19, 2005 2:03 am
Location: united states

Postby ፓን ሪዚኮ » Thu Aug 22, 2013 8:25 am

ሰላም ቤቶች ...እኔም ቀይ አንበሳን አንብቤዋለሁ ...ራስ ሙሉጌታ የሞቱት የአሸንጌን ሀይቅ ሲሻገሩ በራያ አልሞ ተኳሽ ጥይት ነው ....ከፈረሳቸው ላይ ሲወድቁ የደረሰላቸው ልጃቸው ሲሆን እሱንም ያው አልሞ ተኳሽ ራያ ባባቱ ሬሳ ላይ አስተኝቶታል ....ስለዚህ ኮሎኔሉ በየት በኩል ደርሶ ነው ይሄን ሚስጢር የነገሩት ???
ብዙ የውጭ ጸሀፊዎች የሚስማሙበት አንድ እውነት ቢኖር ...ስለ ሚኒሊክ ትክክለኛ የአሟሟት ሁኔታ የሚያውቁት ከንቲባ ገብሩ እንደሆኑ ብቻ ነው::
Imageኢትዮጲያ ትቅደም
ፓን ሪዚኮ
አለቃ
አለቃ
 
Posts: 2044
Joined: Tue Aug 03, 2004 3:35 am
Location: ጎሃ ጽዮን

Postby -...- » Thu Aug 22, 2013 5:41 pm

ወንድሜ ዲጎኔ አንተ መዳህኔዓለም ክርስቶስ ከዘር ፖለቲካና ከዘር ጥላቻ ነጻ አውጥቶሃል ። ጥሩ ሰው ነህ ። ማንም መረን አደግ ባለጌዎች ቢሰድቡህም ቢወቅሱህም በእውነቷ ጸንተህ ስለቆምክ ጽሁፎችህም ትህትናና አክብሮት ወዝም ያለቸው በመሆናቸው ወድጄሃለሁ ፡ በኔ አስተያየት ትንሽ የቀረችህ ያለፈውን ይቅር ብሎ ማለፉን ነው ። ይቅር ሲሉ መንፈስም ሰላምን ያገኛል ። አጼዎቹ በዘመናቸው በነበረው ወግ ዘርፈዋል ወግተዋል ጨቁነዋል ፡ ወንድሜም ይችን እያነሳህ ታማርራለህ ። ይቅር ብለህ ተዋትና በያዝከው ጽናት ስለህዝባችን ወደፊት በእኩልነትና በነጻነት አብሮ ሊኖርበት የሚችልበትን መሰረት እንገንባ

ፓኑ አንተ መጽሃፍ ላይ ራስ ሙሉጌታ የሞቱት ልጃቸውም የሞተው አንተ እንዳልከው ነው ። ስፓኒሹ ግን አሟምታቸውን እንዲህ ነው የገለጸው

ቀይ አንበሳ ገጽ 188-192 የተቀነጨበ

---እኔ ባለሁበት በሰሜኑ ሕንጣሎ አቅጣጫ የመከላከያ መስመር የመትረየስ ጥይት እንደማያቋርጥ ዝናብ መውረዱን ቀጥሏል ።ራስ ሙሉጌታ ወደ እኔ ሰፈር መጡ ። ከሚወረወሩት ቦምቦች በሚወጣው ከፍተኛ ድምጽ ጆሯቸው ደንቁሯል ።........ዓይናችን ማየት እስከሚችልበት ቦታ ድረስ አብረን እንድንቃኝ በመፈለግ ሽማግሌው ጦረኛ ከኔ ጋር ነበሩ....
ራስ ሙሉጌታ የጦር ሜዳ መነጽራቸውን አንስተው በሚያፏጨው ጥይት መሃል ቀጥ ብለው ቆሙ ።በድንገት ተኩሱ ጨመረ ። የተተኮሱ ጥይቶች ሲያፏጩና በጆሯችን በቅርብ ሲያልፉ ይሰማን ነበር ።....
የሚያደነቁር የእሩምታ ተኩስ በድንገት ተከፈተ ። ጥቁሩ አለቃ ይዋዥቁ ጀመር ። ሁለቱንም እጆቻቸውን ወደሆዳቸው ወሰዱና ወደቁ ። ቆስለዋል ። ከጎናቸው ተጠጋሁ ። የጦርሜዳ የደንብ ልብሳቸውን የጠቆረ ብዛት ያለው ደም አርሶታል ።

........እያለ እንዴት በሕንጣሎ የሰሜን መከላከያ መስመር ራስ ሙሉጌታ እንደሞቱ ይዘረዝራል።

ስለልጃቸው ታደሰ ሙሉጌታ አሟሟት ሲናገር ደግሞ ራስ ሙሉጌታ ነገሩኝ ያለውን ከነገሩትና ከሞቱ በኋላ ሬሳቸው አጠገብ ቁጭ ብሎ ተኩሱ ስለበዛበት 60 መትር ርቀት ያህል ወዳለው የሰራዊቱ ረባዳማ ቦታ በደረቱ እየተሳበ ሸሽቶ እነታደሰ ሙሉጌታ መስመር ሲደርስ...እንዲህ ሲል ይገልጸዋል..

ታደሰ ሙሉጌታ አንድ እጁ ላይ ቆስሏል ። ደም በደም ሆኗል ። እኔ ወዳለሁበት ቦታ መጣ ። ራስ ሙሉጌታ ሞተዋል ብዬ ሃዘን በተሞላው መልኩ ገለጽኩለት ። እዚያ ይገኛሉ ፡ እዛች ሜዳ ላይ

ታደሰ መደሜዳዋ በከፍተኛ እርምጃ ጉዞውን ጀመረ ። እኔም ፋይዳ የማያመጣውን እንዲህ ያለውን የሞት አደጋ ለመጋፈጥ መሞከርና ያለውን አደጋ ሳላመዛዝነው ተከትየው ተጓዝኩ ..........ማቆሚያ በሌለው የጥይት ሙዚቃ ድምጽ መሃል አንድ ከፍተኛ ድምጽ ያለው ጥይት ተተኮሰ ። ታደሰ ምንም ድምጽ ሳያሰማ ወደፊቱ ወደቀ ። ጭንቅላቱ ተበታትኗል ። ልወጣበት ምንም አልቀርኝም ። መሬቱ ላይ በሆዱ ተዘረጋ ። በጀርባው አስተኛሁት ። ሞቷል ።

---------------------------------
እግዚኦ ከላይ ያለቸውን ገልብጬ ደክሞኝ ልሞት
ፓኑ አባፈርዳና ተስፋዬ መኮንን አደነኳችሁ....ይህች ከላይ ያልችውን ገልብጬ እንዴት እንደደከመኝ ሳይ እናንተ ሙሉውን መጽሃፍ ተርጉማችሁ መጻፋችሁ እንዴት ብርቱ ሰዎች መሆናችሁን አሳይቶኛል
ሞቼ እየተነሳሁ ልሙት እንደገና
አንድ ሞት ላገሬ አይበቃትምና
-...-
ኮትኳች
ኮትኳች
 
Posts: 401
Joined: Thu Feb 09, 2012 8:36 pm

Postby እንሰት » Sun Aug 25, 2013 6:23 am

ሰላም ጉዋዶች
የተሻል ወይም የተለየ እውቀት የለኝም በጉዳዩ ላይ::
አባ ፈርዳ የአዴት ጉዳይ እንዴት ሆነ?
እንሰት
ውሃ አጠጪ
ውሃ አጠጪ
 
Posts: 1213
Joined: Sun Jan 30, 2005 1:14 am
Location: united states

Postby ፓን ሪዚኮ » Sun Aug 25, 2013 10:55 pm

እንሰት wrote:ሰላም ጉዋዶች
የተሻል ወይም የተለየ እውቀት የለኝም በጉዳዩ ላይ::
አባ ፈርዳ የአዴት ጉዳይ እንዴት ሆነ?
ኮባው የጥንቱ ዘመዴ እንዴት ነህ ባያሌው? የአዴትን ነገር መንቆሮሮች ጥርቅም አርገው ዘጉኝ ...የሚገርመው ደሞ አንድ እንኳን በዋርካ የአዴት ልጅ መጥፋቱ ነው ::
እንግዲህ ያለችኝን እንደነገሩ እጥቀምባታለሁ
ለማንኛውም አመሰግናለሁ
ፓኑ አባ ፈርዳ
Imageኢትዮጲያ ትቅደም
ፓን ሪዚኮ
አለቃ
አለቃ
 
Posts: 2044
Joined: Tue Aug 03, 2004 3:35 am
Location: ጎሃ ጽዮን


Return to Warka Culture and Literature - ዋርካ ባህልና ሥነ ጽሑፍ

Who is online

Users browsing this forum: No registered users and 5 guests