የ CYBER ጉዶች!!

by **እድል** » Sat Sep 10, 2005 1:09 pm

ልባቸው እንደ ከበሮ
በትዕቢት ተወጥሮ
ያበሻ ሴቶች ሥራ ዘንድሮ
መሹለክለክ እንደበረሮ::

ጨዋነቱ ተሽቀንጥሮ
በጥብቆ ተወጥሮ
መንከላወስ ተሽቀርቅሮ
እንደ ሥልጣኔ ተቆጥሮ
ብር እንደቢራቢሮ::

በውበት አንደኛ ከሁሉም
የሆኑ ይመስል ባለም
ጉራቸው አያስቀምጥም::

የፍቅር ክቡርነቱ
በጭራሽ የማይገባቸው ከቶ
ናቸው ጥርቅም ያጭበርባሪ
የበሉበትን ወጭት ሰባሪ
መሽቁቅ ሌባ መሰሪ::

አበሣ ነው መቼም ኑሮ
ካበሻ ሴቶች ዘንድሮ::

አለኝ አንዱ - ሞኝ ተላላ
አንጀቱ እርር ብላ
በቁጭት ፍም ተንቀልቅላ
ደሙ በንዴት እየፈላ:
አፉን ሞልቶ ብግን ብሎ
ሴቶቼን አጣጥሎ
ወገኖቼን አቅልሎ::

አንድ አይቶ ባንድ ደንባሪ
ጰርጳራ ቶስቷሳ ፈሪ
ዝንተ -አለም አማራሪ:
መጥፎ ክፉው ብቻ ጎልቶ
ለሚታየው ለዛ ድሪቶ:
አዘንኩለት ለሰውዬው
ማፍቀር ውል ላላለው
መፈቀር ላልታደለው::

ከልቤ በጣም አዘንኩ
ባያገኝ ፍቅር በልኩ:
የምትወደው ስፍስፍ ብላ
ንጹህ አፍቃሪ ሸበላ
ያበሻ ቁም ነገረኛ
የውበት ባለአዱኛ
ጸባየ -ወርቅ መልከኛ:
ለኑሮዋ ተጣጣሪ
ኮስታራ ሰርታ አዳሪ
ወይ ቆራጥ ትጉህ ተማሪ
ታታሪ እጅግ ታታሪ
ባለማግኘቱ I'm sorry!

ያ ፈገግታዋ ደማቁ
የኔ ቆንጆ ጠይም ዕንቁ
አትጠገብ እሷ ታይታ
ያበሻ ሴት የኔ ሽታ
ልዩ ቀለም ቸኮላታ
ሰላሜ እሷ ናታ::

አይኗን ሳየው ከፊት ለፊት
የታዘብኩትን ልዩ 'ውበት
ሳልቀንስ የምገልጽበት
ምናለ ቢኖረኝ አስማት::
ምትሀታዊ ቋንቋ ዜማ
ከየታባቴ ላግኝማ:
እንዳሳየው ለዚያ ገልቱ
እንዳድነው ከዕንግልቱ::

ይሄ ደሞ ምን ያወራል ?
በሕልም አለም ይዋልላል
ዝም ብሎ ይቀዣብራል::

የሉም እንዲህ - አይነት ሴቶች
ቢኖሩም በጣም ጥቂቶች
የማይገኙ ሕልም እንጀሮች ::

አውቃለሁ እንደማይጠፋ
ብሎ የሚደነፋ
ጥሩንባውን የሚነፋ::

እኔ ግን እላችኌለሁ
አፍጥጬ እጠይቃለሁ:
ፍጹም 'እንዳ -ትስቱብኝ
አይሞሉም ብላችሁ እፍኝ::

አልቆጥራቸው በበኩሌ
ናቸውና የትዬለሌ::

ለነገሩ ያ አማራሪ
ቦቅቧቃ ፈሪ ፍርፋሪ
እጣ ፈንታው በምርመራ
ከመሰረቱ ቢጣራ
ከርግብግቢቱ አሻራ
የተጻፈለት መከራ
ዳርጎት ነው ጅሎን ለካ
ከአጭበርባሪዋ ጮካ
ከዛች እንክርዳድ አራሙቻ
ስም አስጠፊ ግትቻ
ቅብዝብዝ ሆዳም ሥልቻ::

ሞኞ ታዲያ የኔ ደንዛዞ
ይለኛላ ይቺን ይዞ
ሁሉን በአንድ ላይ ጠርዞ
ያበሻ ሴት ! ውይ ! ጨካኝ አዞ !

ተጻፈ በ እድል
(ቀደም ብሎ በሌላ ገፅ የቀረበ)

by ጌታ » Sat Sep 10, 2005 1:40 pm

እድል

ለኔ ያመቱ የዋርካ ፍቅር ገጣሚ ነህ!!!! ግን ግን ሌላም ነገር ስትገጥም እንደዚህ ጎበዝ ነህ???? :lol: :lol: :lol: :lol: :lol:

by **Ellenie** » Sat Sep 10, 2005 2:51 pm

እንዴት እንዴት ነው የምትገጥመው ፓ!! :o
ግን ገድሎ ማዳን ዘይቤ አይነት ነው ልበል?

አሁንም አድናቆት 8)

by **SUAVE** » Mon Sep 12, 2005 9:41 am

እድል,

በሚቀጥለው ጊዜ ደግሞ "የዋርካ ጉዶች- የስነጽሁፍ ገዳዮች" የሚለውን ፒስ እንደምታቋድሰን ተስፋችን ነው::

by **SUAVE** » Mon Sep 12, 2005 2:38 pm

ጌታ wrote:እድል

ለኔ ያመቱ የዋርካ ፍቅር ገጣሚ ነህ!!!! ግን ግን ሌላም ነገር ስትገጥም እንደዚህ ጎበዝ ነህ???? :lol: :lol: :lol: :lol: :lol:

ጌታ,

እድል "ግጣሙን ያላገኘ ገጣሚ" መሆኑን አታውቅም???

by **እድል** » Mon Sep 12, 2005 5:04 pm

ጌታ: ለ ኮምፕሊሜንቱ አመሰግናለሁ እንደገና:: .... ሌላ ነገር ስትገጥም እንዴት ነው? ነበር ያልከኝ.............. .... የሆንክ ወሮበላ ነገር ነህ :lol: ::

Elleni: አመሰግናለሁ! .... ግን ገሎ ማዳን አልሽው?.... ይሁና መቼስ እንግዲህ... ገሎ ከመቅበር ይሻላል መቼም ...

Suave: ግጣሙን ያላገኘ ገጣሚ ..... እስቲ የሆነ ግጥም ነገር ጻፍበት.... It souds good for a title.

by **SUAVE** » Mon Sep 12, 2005 5:11 pm

እድል wrote:
Suave: ግጣሙን ያላገኘ ገጣሚ ..... እስቲ የሆነ ግጥም ነገር ጻፍበት.... It souds good for a title.

እድል,

ልገጥም ብሞክር ሰው ፊት ከመቅረቡ በፊት ፒሲው ላይ ይፈነዳል :!: :!: :!: ብታሰር የምትጠይቀኝ አትመስልም???

"ለተቀማጭ ሰማይ ቅርቡ ነው" ትል ነበር አያቴ:: አውራ ይበሉኝ እንጅ...

by **Ellenie** » Sun Sep 25, 2005 1:58 pm

እድል....... እድል... እድል እ...ድ.............ል? የት ጠፋ?

by **SUAVE** » Mon Sep 26, 2005 12:58 pm

እንደ እድል
እንደው እንደድል
አንድ ሰው
አንድ ሰውንኳ
ይጠፋል?

by **ቀብራራው** » Thu Sep 29, 2005 2:01 pm

ቅቅቅ suave ...."መግጠሚሹ ነው ማለቲ ኖ?!" ..... :wink: :wink: :wink: ...am just kiddin, dude!

"good attempt, but wrong answer" አለ አንዱ የዱሮ አስተማሪዬ :P

SUAVE wrote:እንደ እድል
እንደው እንደድል
አንድ ሰው
አንድ ሰውንኳ
ይጠፋል?

by **SUAVE** » Thu Sep 29, 2005 9:25 pm

ቀብራራው wrote:
አለ አንዱ የዱሮ አስተማሪዬ :P

አንተ? ተማሪም ነበርክ?

"ጉድ አያልቅም" አለች ትህትና 2 :!:

by **እድል** » Wed Oct 19, 2005 11:09 am

ውድ እሌኒ - እኔ በ ስነ ጽሁፍ ፎረም ገብቼ ስለፈልፍ ለካ እዚህ መጥፋቴ ተነግሯል:: ለማንኛውም 'ፈላጊ አያሳጣኝ!" ነው የሚባለው? (ይባላል ግን አይደል?)

ውድ Suave - ግጥምህ ከዚህ በፊት አንዴ እንዳልከው screeኑ ላይ አልፈነዳም:: ግን ትንሽ ሰግቼ ነበር::

እድል

by **Ellenie** » Wed Oct 19, 2005 2:57 pm

[quote="እድል"]ውድ እሌኒ - እኔ በ ስነ ጽሁፍ ፎረም ገብቼ ስለፈልፍ ለካ እዚህ መጥፋቴ ተነግሯል:: ለማንኛውም 'ፈላጊ አያሳጣኝ!" ነው የሚባለው? (ይባላል ግን አይደል?)

ልክ ነው ይባላል::ስትጠፋ ግዜ ፈልጌህ ነበር:: በምክንያት ውብ ቀለም የሚያፈሱ ብዕሮች ያስፈልጋሉ በማለት::እንዴትስ አይፈለጉም ?

የሚገርመው ግን በ ዋርካ ፍቅር ስጠብቅህ በዋርካ ስነ- ጽሑፍ ብቅ ብለህ ኩኩሉውን አጠባኸው:: :D

በቅርቡ ግጥምህን እንደማነብ ተስፋ አደርጋለሁ::

ከትልቅ አድናቆት ጋር ኢሌኒ ነኝ

by **እድል** » Mon Nov 14, 2005 12:59 pm

የዋርካ ጉዶች ነጠላ ዜማ

የዋርካ ቀዬ ውበት ሞገሱ
በስድብ ናዳ ሲከሳከሱ
በመረን ጭቃ ሲለዋወሱ
ነገር አቡካክተው ሲበሳበሱ
ሲጨቀይ ነው የሚያምር እሱ ::

የተሟላጩ የእንቶኔፈረስ
የዋርካው እገሌ የስድብ ምላስ
ማንትስዬ እባክህ ድረስ :
እየበዛ ነው ቁም ነገር ዋርካ
ናና ገላግለን አድርገው ቦካ
በስድብ ጸበል ሁሉን ነካካ ::

በገሃዱ አለም የጠላነውን
ማናባቱ ነው የሚጭንብን :
እንትናዬም ና ትፈለጋለህ
እየተሟለጭክ ታጋግላለህ ::

የጨዋ ትምህርት ቀና ምሳሌ
የቁም ነገር ወግ .... - ገለ መሌ :
መጨዋወት ልምድ መካፈል
መመካከር ጂኒ ቁልቋል
ያስፈልገናል ዋርካ ላይ የሚል
ሹጣም ቅማጫም እና ጅላጅል
እስቲ ወንድ ሆኖ እዝች ዝር ይበል::
ውጫጭ ቅርናታም መንጋ ሞላላ
ቅንቅናም ቡሽቲ ኩክኒያም ቅማላም
እከካም ሉጢ ቀሽማዳ ሁላ
ልብ አለኝ ካለ ድርሽ ይበላ ::

እመጣለሁኝ ካለም ተዳፍሮ
ማንትስዬ ያው ተወርውሮ
በመሞላለጭ አደነቋቁሮ
በገልቱ ስድቡ አንኩሮ አንኩሮ
ያስምለዋል ላይመጣ ዞሮ
ከዋርካ ደጃፍ ከዋርካ ጓሮ ::

እድል

P.S.
ግጥሜ በር እንዲያንኳኳ ብዬ አንዳንድ የስድብ ቃላትን ሳላስፈቅድ በመውሰድ የኮፒ ራይት ቫዮሌሽን በመፈጸሜ የሚመለከታቸውን ይቅርታ ጠይቂያለሁ ::

(ግጥሞቹን ለማሰባሰብ ያክል እንጂ ይህ በሌላ ገጽ ቀደም ብሎ ቀርቧል - ስሞችን አውጥቻለሁ as they do not appear to be applicable anymore ... ማለት ሰዎቹ አሁን የሉም ..... )

by **እድል** » Thu Mar 02, 2006 2:56 pm

.. የጻፍኩት ጠፋ....
..እመለሳለሁ...

የ CYBER ጉዶች!!

ሐበሻዊ ሴት

ያመቱ የዋርካ ፍቅር ገጣሚ

ለአቶ እድል

ግጣሙን ያላገኘ ገጣሚ

ወሬ ብቻ!!

ተጣርቻለሁ!

አቤት!

Re: አቤት!

..

Who is online