Mo's coffee house!!!

[መብረቁ]

ስላም ሞኒክ

አንኮን አደረሳችሁ ልል በዛው አንደው በቁሜ ቡና ቶሎ ፉት ብዬ ብገባ ያው አሁን 1 ሰአት በላይ ሆነኝ ቡናውን ስጠብቅ አንደው ለማ ይሆን ስሞታውን ምናቀርበው ::

ይመቻችሁ መችም የቡና ሱስኛ ስለሆንኩ ተመልሼ መምጣቴ አይቀርም ችር ይግጠመን

መብረቁ

[Ellenie]

ሞኒክ የተናደደ ሰው ? :shock: ቆይ አሁን ማ ይሙት ቡናዬ አሮ አልተቆላም ለማለት ነው ? :D

[Monica****]

Ellenie
እኔ እህትሽ ባለሙያ እኮ ነኝ ሙች....ቡና መቁላትስ አያቅተኝም ሌላው ቢቀር!
እኔ ተናደሽብኝ መስሎኝ ነበር ዋናው አለመናደድሽ ነው ያገር ልጅ :wink:
አክባሪሽ

[Estifanos_K]

ሰላም ሞኒካ
ምንድን ነው ነገሩ? እንግዶችሽ እኮ ቀነሱ የሚያወራም ጠፋ:: ቡናቹ ላይ ውሀ ማብዛት ጀመራቹ እንዴ?

[Monica****]

ሜዳ
ስላም ያገር ልጅ
እረ እንዲህ እየመጣህ አስቀኝ!!!
የቦሌ እድር ጆክ በሳቅ ነው የገደለኝ :lol: :lol: በሞባይል ተዘከሩን የሚሉትስ የቦሌ ሰፈር ለማኞች ናችው???? :lol: :lol: :lol: በስልክ ልመና! እቤታችው ደሊቨር እንዲደረግ ይሆን? :lol: :lol: :lol:
በል አትጥፋ የኔ ቆንጆ

****************

ማይገነት
እረ ቤት ለእንግዳ!!! እንዲህ ይልመድብሽ ባክሽ!
ያቺ መጋኛ ዘቢደሩ የቀዘቀዘ ቡና ስጠችሽ????? አውቃ እኮ ነው አልምጥ የሆነች ልጅ! :roll: :roll: :roll:በይ ነገ የአመቱ ገብርኤል ስለሆነ ነይና ጸበል ቅምሽ አደራ!!
ግጥሙን ደሞ ወድጄዋልሁኝ ግርግዳው ላይ በፍሬም ይስቀላል!
ነገ አደራ እንዳትቀሪ :wink: :wink:

*****************
ስምፔር
ስላም ያገር ልጅ
አንተንም እንክዋን ለፈረንጆቹ አዲስ አመት አደረስህ!!!
እዚህ ቤት አይዞህ እንግዳ አስተናጋጆች ነንና በፈለግክበት ስአት ብቅ በል 24 ስአት ክፍት ነው!
የ4 አመትዋ ልጅ አባባል በጣም ደስ ይላል እነሱኮ በጣም innocent ናችው!! እኛም እንደነሱ ብንሆን አለም ምን ትመስል ነበር?
በል ያገር ልጅ ይልመድብህ

**************
መብረቁ
ስላም የጠፋ ስው!!!! ዛሬ እንዴት እግር ጣለህ ባክህ? የእርምህን ብትመጣ የሚያስተናግድህ ማጣትህ አናዶኛል ያቺ ዘቢደሩን የሚገላግለኝ ነገር እኮ ጠፋ! ለገብርኤል ልሳል መስለኝ :lol: :lol: በል መብረቁ ይልመድብህ

************
Estifanos-k
ቤቱማ ለምን አይቀዘቅዝ አንዴ የፈረንጅ ገና አንዴ የፈረንጅ አዲስ አመት ሲባል ምን ስራ ይስራል ብለህ? እስኪ አንተም ብቅ እያልክ ታዲያ

በሉ ቡናውን ፉት እያላችሁ ወሬም አምጡ

[Monica****]

SUAVE
:lol: :lol: :lol: :lol: :lol: :lol: እንዲህ ነው gossip!
እስኪ አንዳንዱን ጥያቄዎችህን ልመልስ...........
(1)ወ/ሮ ሞኒካ ጥፍት እያሉ ብቅ የሚሉበት ሚስጥር..........
ቡና ለማስመረት ሀረር ከፋና ሲዳሞ ስለሚመላለሱ ነው

(2) የወይዘሮ ደብዚና የሞኒካ የንግድ ግንኙነት ምን ይመስላል?
የወይዘሮ ደብዚ ቤት ጠጅ በብርሌ የሚሽጥበት ስው ስክሮ ግጥምና ዘፈን የሚዘፈንበት ሲሆን የእኔ የእሜቴ ሞኒካ ቤት ግን 24 ስአት ያገር ባህልም ሆነ የፈረንጅ ቡና( I insist ቡና ብቻ!!!) ከቡና ቁርስ ጋር የሚሽጥበት ቤት ነው!! Location wise የኔ ቤት ዋርካ ፍቅር የእሳችው ደሞ ዋርካ ስነጽሁፍ ቢያንስ የግማሽ ስአት የእግር ጉዞ ርቀት አለን!!! ምንም እንክዋን አንድንድ ስዎች የወይዘሮ ደብዚን ጠጅ ቤት ለማቀዝቀዝ ሆን ብዬ የከፈትኩ ቢመስላችውም.......... that was not my real intentions!!!
ማሞ ሌላ ፎቶው ሌላ እንዲሉ ጠጅ ሌላ ቡና ሌላ ነው መልሱ!!!

(3) አቶ ጌታ የሚያስሩት ፎቅ እውነት ከኪሳችው የወጣ ነው?
እሱማ ሳይታለም የተፈታ ነው.......እኔንም ወይዘሮ ደብዚንም ሳይቀር ነው የዘረፈው! አቶ ጌታ መልኩን አሳምሮ በአፉ እያታለለ ብዙ ብር ዘርፎኛልና ከዛ ከሚያስራው ህንጻ አንዱ ፎቅ ይገባኛል ብዬ በግል ጠበቃዬን እያነጋገርኩ ነው!!!

(4) አቶ Domex 2005 ቃል የገቡትን ስጦታ ለመስጠት እየተዘጋጁ መሆኑን ስምተዋልን?

አዎ እሳችው ገና ስል የፈረንጅ የአበሻ አላልኩም ስለዚህ በፈረንጁ ካልደረሳችሁ በአበሻው ይደርሳችህዋል ማለት ነው ሲሉ እቅጩን ተናግረዋል!!

(5) አቶ ቀብራራው የጠፋችባችውን ፍቅረኛ አገኙ ወይ???????
ማን እባክህ??? እኔ እያለሁ :lol: :lol: :lol: ወይዘሪት ኩሩሩን የበላ ጅብ አልጮህ ስላለ አቶ ቀብራራው የድሮ ፍቅረኛችውጋ ለመመለስ የእርቅ ድርድር እያደረጉ መሆኑን ክታመኑት V.OA AND BBC የዜና ምንጮች ደርሶናል ( እኔን ማለት ነው :D :D :D )
የቀረውን ደሞ እስኪ አንዳንዶቹን መልስ ስለሌለኝ ዘልዬዋለሁኝ
አንተ ግን ጉደኛ ነህ :lol: :lol: :lol: :lol:

ማስታወቂያ

ምርጥ የሀረር, የከፋ, የሲዳሞ ኦርጋኒክ ቡና, በ ሞ ኮፊ ሀውስ በተመጣጣኝ ዋጋ ያገኛሉ:: ቡናዎትን እየተጎነጩ ምርጥ ምርጥ ሀሜቶችንም ከ "ታመኑ ምንጫቸው" አብረው ይኮመኩማሉ:: ለማስታወስ ያክል..... ወ/ሮ ሞኒካ ጥፍት እያሉ ብቅ የሚሉበት ሚስጥር ምንድን ነው?.....የወ/ሮ ደብዚና የወ/ሮ ሞኒካ የንግድ ግንኙነት ምን ይመስላል?.....አቶ ጌታ አገር ቤት ሰሞኑን የሚያሰሩት ፎቅ እውነት በራሳቸው ገንዘብ ነውን?.....አቶ 4ጌት ዚስ "ትንሿ ዋርካ" ብለው በሰየሟት ብሎግ ለአባልነት ማስከፈል ጀምረዋል የሚባለውስ? የወ/ሮ ትህትና 2 የማያልቅ ታሪክ ምንጩ ምንድን ነው?....አቶ ባቲ መርካቶ ውስጥ በምን እንደሚታወቁ ያውቁ ኖሯል?....የመርካቶው ሰያስ ካገር የወጡት ለምን እንደሆነ ሰምተዋል?....አቶ ትምህርት ለምን ጠፉ?.....አቶ ዶማው ቃል የገቡትን የገና ስጦታ በጊዜው ለማድረስ ባይችሉም አሁንም እየተሯሯጡ እንደሆነ ሰምተዋል? ቃል ከተገባሎት ተስፋ አይቁረጡ, ላበሻ ገና ይደርሶታል!......የወ/ሮ ትትናን የፍቅር ታሪክ ያቃሉ?.....የወ/ሮ ምጥኔንስ ሰምተዋል?...አቶ ፓን ሪዚኮ ሰሞኑን የመንግስት ግልበጣ ሴራ ጠንስሰው እንደነበር ያውቃሉ? ውጤቱስ?...የጀኔራል ጃንሜዳ ሚናስ ምን ነበር? አቶ እስጢፋኖስ K ማውራት የማይወዱት ለምን ይመስሎታል? ያቶ ደጉንስ ቀልዶች ምንጫቸውን ሰምተዋል? የወ/ሮ እሌኒን ግጥሞች አስተውለዋልን? መነሻቸው ምንድን ነው? አቶ አእምሮ እውነተኛ የፍቅር ታሪካቸውን ከዘመናት በሁዋላ አሁን መተረክ መጀመራቸው ለምን ይሆን? አቶ ቀብራራው የጠፋችባቸውን የልጅነት ፍቅረኛ አገኙ? መቸ እና እንዴት? የወ/ሮ ሪቾ አወዛጋቢ የፍቅር ታሪክ ምን ይመስላል? አቶ ሜዳ ከፍተኛ ብድር ውስጥ ተዘፍቀዋል ይባላል:: ለምን?!!

ለነዚህና ለሌሎቹም የአእምሮ ረፍት የሚነሱ ጥያቄዎች, ወደ ሞ ኮፊ ሀውስ ብቅ ብለው የማያሻማ "ሙያዊ" ትንታኔ ይሰማሉ!!!

[ቀብራራው]

ቅቅቅቅ ወይኔ ጉዴ...በሳቅ ገላቹኛል ሱዌቭና ሞኑ:: ቅቅቅቅ:: ወይ ጉድ:: እኔ እኮ ምንድን ነው የጠፋኝ እያልኩ ግራ ገብቶኝ ነበር:: ለካ ኩሩሪት ሆናለች የበነነችው:: ለማንኛውም እኔማ ሞኑ እያለችልኝ ምን አንኮራኮረኝ:: በይ እስቲ ሞኑዋ ያቺ ስኮራዝጆቢኒዬን አምጪልኝ::

[ባቲ]

ልጅ ሞኒካ ሰላም
የመርካቶው ስዬ አሪፍ ጫዋታ ነው ያመጣኸው::

ስለጉርሻ ቤት እዚህ ዋርካ ውስጥ ብዙ ተብሏል:: የመርካቶው ስዬ......... እኔ ትንሽ በዚህ ጉዳይ ልጫር, አንተም ተጨማሪ ካለህ መረቅ አድርግበት::

የጠጅ ማጣጫ ምግብ:-
ሆቴሎች ከደንበኞቻቸው የሚተርፈውን የተነካካ ምግብ ማድ ቤት የሚሰሩት ሰዎች ወግ ባለው መልኩ ያጠራቅሙት ምግብ ነው:: ለማኝ ወይም ለማኝ ያልሆነ ሄዶ ሲመሻሽ ይወስዳል:: ከዚያም ዝንጅብል ተራ ጫፉ ላይ ቁጭ ብሎ ይሸጠዋል; ሰለሞን የሚባል ነጋዴ ትዝ ይለኛል(ለማኝ ያልነበረ):: የሚገርመው ሰዎቹ ሲበሉ መንገደኛ በአይኑ እንዳይወጋቸው(ቡዳ) በነጠላ ተሸፋፍነው የሚበሉት:: ከምግቡ በኍላ ቁልቁለቱ ላይ ከሚገኘው ገዳይ ጠጅቤት ጥጅጁ ያንቆረቁሩበታል::
ጠጅ የማጎሳቆል ጠባይ ቢኖረውም, እዚያ አካባቢ የሚታዩት ደንበኞች ደንደን ና ድንቡሽቡሽ ያሉ ናቸው:: እኛም በዚያ መንገድ ባለፍን ባገደምን ቁጥር ' አሳምሮ ሊወስደው ነው, ሊወስዳት ነው' እያልን በትንሿ ልባችን ማዘናችን አልቀረልንም ነበር:: የምግቧ ጉዳይ ግን የጠጅ ቁርስ ናት::
ቻዎ

[ዩፎ]

እዚህ ስላሰባሰቡን ሁለት ነገሮች - ሀሜትና ቡና::

በቅርቡ የተደረገ አንድ ጥናት እንደጠቆመው ሀሜት በህብረተስብ ውስጥ 'በጎ' ሚና ይጫወታል:: ጥናቱ እንደሚለው:- ሀሜትን በመፍራት ብቻ ሰዎች በህብረተሰቡ ውስጥ ተቀባይነት የሌለውን ነገር ከማድረግ ይቆጠባሉ:: እናም እንማ :D የቡና ጉዳይ ደግም በቀጠሮ ይያዝ::

[እማማ እርጎየ]

ሞኒካዬ የኔ ቅመም::
እንዴት ዋልሽልኝ? የኔ ነገር....ለዚሁ ለጾሙ ደብረሊባኖስ ጎራ ብዬ ነው እኮ የጠፋሁት:: እረግ እረግ እረግ....ወገቤ ተንቁዋቅዋአ:: ነይ እስኪ .....የኔ ልጅ....እ እ እ. .አ አ...አዎ ..እንዲህ አረፍ ልበል::

እና ይሄውልሽ እዛ ሄጄ....ነው የጠፋሁ::...እንደው ቡና አጣጮጭሽ በሙሉ ደህና ናቸው? ....እሰይ እሰይ የኔ ልጅ

እስኪ ...ቡና አስቆይልኝ:: ሽታው ነው የናፈቀኝ የኔ ልጅ::

የኔ ነገርማ ሞኒዬ....እንዲህ እንዳሁኑ ከቆሎባት የጋፉባት ሳልመስል /መቸም ሴት ቶሎ ስለምታረጅ ነው እንጂ እድሜየ እንኩዋ በዙም አይደል.....60 ብቻ ነው/.....እንደው እሽቅንጥር ያልኩ ቆንጆ ነበርኩ::.....በመጀመሪያ....አንድ ኮበሌ...ወደድኩ ብሎ ያዙኝ ልቀቁኝ ሲል ...አባቴ....ለሱ ዳሩኝ:: እኔ ያኔ ...ገና 2 ቁንዳላም አልደፈንኩ:: ሙጭቅላ ነበርኩ:: ከዛ እሱ ዘንዳ.....2 ሰንበት ተቀምጨ...እምቢኝ ብየ ወጣሁ:: ደሞ አባቴ ጋ ሰንብቼ አንዱ ባላባት አላስቀምጥ አላስቆም ብለው.....2 ጥንድ በሬ ጥሎሽ አምጥተው ..ጠቀለሉኝ:: እንግዲህ እሳቸው ናቸው ባሌ .....የ7 ሴትና የ3 ልጆቼ አባት:: መሬቱ ይቅለላቸውና ..ካረፉ 9 አመት ከ 3 ወር ከ 11 ቀን ሆናቸው ዛሬ:: :cry: ምን ይደረግ ልጄ...ኖሮ ኖሮ ወደመሬትም አይደል::

እና ልጄ በኛ ጊዜ....መልክ ማየት የለ....ጸባይ የለ...እንደው እሱ ከፈለገና በቂ ጥሎሽ ካመጣ....መዳር ነው:: ዛሬ ዘመኑ ተለውጡዋል::

ልጄ ለጠየቅሽኝ መልስ ለመስጠት ያህል.....ልክ ነሽ በመጀመሪያ መቸም አንድ ቀልብ የሚስብ ነገር ያስፈልጋል:: ከዛ ግን ወደዋናው ቁምነገር ለመግባት ....ጸባዩ ዋና ነገር ነው:: ካለበለዚያ.......እንደ ሽምብራ....በደረቁ ቆልቶ ...ወሀ አርከፍክፎ የሚያንገበግብ ብዙ ነው:: ..ከዚህ ያውጣችሁ::

ነገ እመጣለሁ:: ....ልመርቅሽና ልሂድ::

ልጄ ..እደጊልኝ.....ተባረኪ:: እንዲህ የጣፈጠ ቡና እንዳጠጣሽኝ ኑሮሽ የጣፈጠ ይሁን:: ወንድም,, መከታ ጉዋደኛ የሚሆነውን ባል ይስጥሽ,,,,, እቃ ስትይዥ ቶሎ የሚቀበል /አንዳንዱ እኮ እሱዋን እቃ አሸክሞ እሱ ፊት ፊት ይሄዳል...ከዚህ ያውጣችሁ/.......የመኪና በር ከፍቶ የሚያስገባ.......ስትደናቀፊ እኔን የሚል....አንቺንና አንቺ የወደድሽውን ሁሉ የሚወድ..........ፍቅሩን ሳይቆጥብ የሚሰጥ ባል ይስጥሽ.....አንቺ መቼም ጥሩ ሚስት ነው የሚወጣሽ:: .እኔ እናትሽ ምስክር ነኝ:: መቸም አንቺን የሚያገባ..እናትና አባት የመረቁት ነው:: ግንባሩን የተሳመ ነው:: :) በይ ሞኒየ....ደክሞኛል ቤቲ ልግባና ....አረፍ ልበል::

ማነሽ አንቺ ...ዘቢደሩ....አንቺም ተባረኪ ልጄ....እደጊልኝ:: አንቺም ባልሽን ታረቂ:: ዛሬ ጊዜ ጸብ ደግም አይደል:: ደሞ 2 ከወለዱ በሁዋላ::


ሰላም ዋሉ ልጆቼ::

[Monica****]

ባቲ
የኔ መምህር ይቺ የመርካቶ ጨዋታችሁን ወድጃታለሁ! የጉርሻው ነገር ግን እስካሁን ሳስበው ይዘገንነኛል ይሄኔ እኮ እጃችውንም ሳይታጠቡ ነው ከአንዱ አፍ ወደ አንዱ የሚያጎርሷችው :roll: :roll: አይ ድህነታችን!
ደሞ የመርካቶው ስያ የት ጠፋ ስሞኑን እስኪ ፈልጌ ላምጣው :lol:

**********
ቀብራርሽዬ
እውነቱን ነው የተናገርኩት አይደል? :lol: :lol: :lol: :lol: አንተ ትቀልዳለህ እንዴ tabloid በሙሉ ስለኔና አንተ ነው የሚያወራው እኮ :lol: :lol: :lol:

********
ዩፎ
ቡና ተይዞ ህእሜት ከሌለው ቡና አይመስልም አይደል? :lol: :lol: :lol: እስኪ እንደ suave የከተማውን ሀመት ስትስማ ይዘህ ብቅ በል :lol: :lol: :lol:

[Monica****]

እማማ እርጎየ
አቤትትትትት በጎ ሰነበቱ?
እርስዎ ደሞ ሲወደዱ አይገባዎትም እንዴ???????
እኔ ይሄ ወርቅ የሆነ ጨዋታዎና ምርቃትዎ እንደ አገሬ ነው የሚናፍቀኝ እኮ!!
እኔ እምለው እንደ ደብረሊባኖስ ሲሄዱ ሄድኩም የለ??? ብቻዎትን ከሚሄዱ የኔን ድምባጃም ዘቢደሩን አስከትለው አይሄዱም ነበር??? እሷ እዚህ ኖረች አልኖረች ምንም ፋይዳ የላት! ስኒዎቹን በቁሟ እንደዱቄት ነው የምትፈጨው :roll: :roll: :roll:
እረ እማማ እርጎየ እስኪ ጸበል ቢጤ ይዘው ይምጡ ነገ ብቅ ሲሉና ይርጩባት !!!
እንግዳ መጥቶ ቡና አታቀርብ እረ ተውኝ የሷን ነገር.....እንዳላባርራት የአባዬ ዘሪቱ የጡት ልጅ ናት ምንም ቢሆን ትንሽ ስጋነት አለ አይደል.... :roll: :roll:
ጠበል ነው መድሀኔቱ ለሷ ትምህርትም አልገባ ብሏታል የማታው እንደው ነው ገንዘቤን የምከስክስው :lol: :lol:
ኡፍፍፍፍፍ እቃ እቃ የምጫወት መስለኝ ከምር :lol: :lol: :lol: :lol: :lol:
በሉ እማማ እርጎየ የምወድዎት አይጥፉብኝ እምዬ! አቤት የርስዎ ታሪክ እኮ እንዴት ደስ እንደሚለኝ ቁንጅናማ አሁንስ ቢሆን ምን ይወጣልዎታል????
እውነቴን ነው

[Ellenie]

ሀይ ሞኒካ,

የቤቱ መአዛ መልካም ነው!
በቀዩ የተቆላ ጥቁር ቡና ባክሽ የኔ እህት ?

በነገርሽ ላይ ወንዶቹ(ወንድሞቻችን) እንዲህ ሲሉ ፈገግ ያሰኘኛል..
"ወይኔ ጉዴ, እማዬ ድረሽ, በሞትኩት, ውይይ" እነኚህ
አባባሎች ለውንዶቹ የተለመዱ ናቸው ማለት ነው ? 8)
:oops:
ሰላም ዋይ,

"ሙድና ሙዝ" :arrow:

[የመርካቶው ሰያ]

አረ አልጠፋሁም !አልሞላልህ ብሎኝ ነው!
ባቲ ወዳጄ! የሰፈሬ ልጅ! እትዬ ሞኒካ! እጅጉን እንዴት ሰነበታችሁ? እኔ ይኸው ፓን ሪዚኮ ውጥር አደርጎ ይዞኝ የገናን በዓል በቼክ ያለን አበሾች በወጉ በጋራ እንድናከብር
እያለ ደፋ ቀና ሲል እንዴት ብዬ ብቻውን ልተወው
ለማንኛውም መልካም የአበሻ ገና!
እመለሳለሁ! የጭሰ ወሬ ይዤ!
ሂድ በለው! አለ የመርካቶ ወያላ!

[ሰምፔር]

እረ የዚህ ቤት ቡና ሱስ አስያዘኝ እኮ!
መቼም ካገር ሲወጣ ብዙ ገጠመኝ አለ አይደል?
አንድ ጊዜ የመጣሁ ሰሞን ከተማዉን ለማየት ስዞር ቆየሁና ደከመኝ:: የዛሬን አያርገዉና እንዲህ የዚህ ቤት ቡና ሱሰኛ ሳልሆን በፊት ማለት ነው:: አንድ ባር ጎራ አልኩና ሻይ አልኩት አስተናጋጁን ቁዋንቁዋም አልችልም ከዛ ብዙ ነገር ይናገራል እኔ አልገባኝም ደጋግሜ ሻይ እለዋለሁ ከዛ ሌላ ሰው ይዞ መጣ እንደው ጣጣ ሲያበዛ ከዛ ለካ በጣም ብዙ አይነት ሻይ ስላለ የትኛዉን አይነት ነው እያለ የሚለፈልፈው እኔ የማውቀው አንድ አይነት ሻይ ነው መቼም እንዴት እንደተናደድኩ አትጠይቁኝ ያን ሁሉ ደቂቃ ሲያደርቀኝ ቁዋንቁዋ አለማወቄን እያወቀ የሆነዉን እንደማቅረብ