Mo's coffee house!!!

[ባቲ]

ሞኒካዬ
መነሳት አይገባም, ቁጭ በይ::
በልጅነቴ ብትይ የኔ ልጅነት መርካቶ ውስጥ ነው:: ሁሌ ነግቶ ብቅ ባልሽ ቁጥር መርካቶ አዲስ ነው:- ግርግሩ ጭቃው ቅሚያው ወከባው ዛባው አንከቴው ማሩፍ ያለውና የለለው..........ሁሉም ባንድ ሆኖ ነው መርካቶን ልዩ ያደረጋት:: አንድ የለማኝ ቀብራራ የማውቀው ነበር:: ጠጅቤት እንዳለው የሚነገርለት..... 'በዕለቱ በዋለው ታቦት ስም ይለምንሻል' ካለሽ ነገር ስትሰጪው ካልመሰለው እሱው እራሱ መርጦ አይን የሚገባውን ነው የሚወስደው(ከምትነግጂው ዕቃ):: ሳንቲም ምናምን ፍፁም አይቀበልም:: እምቢ ካልሽ ዕቃሽን አንዱን ከሌላው መለየት እስኪሳንሽ ይቀላቅለዋል:: ጠብ ከመጣ ደግሞ ያራዳው ልጅ በዕንፉቅቅ መንፏቀቁ ይቀርና ብድግ ብሎ ቀጥ ይላል::........ላወራሽ ያሰብኩት ይኽን ሳይሆን አንድ ከበደ ኪሹ ወይም ከቤ የምንለው ነበር, በልጅነቴ ጉድ የሰራኝ:: አለማመኑ ፍፁም ትህትናን የተሞላው ነው:: ሁለት ዕግሮች የሉትም:: የልጅነት ነገር በይው........ብቻ አንድ ቀን እሱ ሲለምን እኔ ከኍላው እንደረዳት የአለማመን ስልቱን እያደነኩ ስከተለው ሳለ ድንገት በቂጡ ሙሉ ለሙሉ ተሽከርክሮ ሁለቱን እግሮቼን ቢመታቸው ዕላዩ ላይ ጠብ አልኩኝ:: እሱና ነገሩን የተመለከቱ በጣም ሳቁ:: ጠረባ ነው ገባሽ? እኔ ግን ለብዙ ቀናት እግሬ የሚቆረጥ የሚቆረጥ እየመሰለኝ በሀሳብ መከራዬን አይቼ ነበር::
ይኽ ሰው የእጅ ፅሁፍ እስካሁን ትዝ ይለኛል:: ማንም እንደሱ የአማርኛ እጅ ፅሁፍ የተዋጣለት ሰው ገጥሞኝ አያውቅም::
መርካቶን ብዙም የማያውቋት በታክሲ ይሻገሯታል:: አንድ ሴትዮ አንገቷ ና እጇን በወርቅ አሸብርቃ መርካቶ ስትጋፋ ያየ አንድ ሰው በሌሊት እየሄዱ ጅብን ነገረኛ ያደርጋሉ አለ:: መስለሽ ከተጠጋሽ በቃ እዚያው ቀረሽ ነው የሚባልው::
ታምሩ የሚባል ዕብድ ነበር ገና ወደማርካቶ ሲግባ በጨርቅ ተራ በኩል ነው መንገዱ.. ቆም ብሎ እጁን ከፍ ያደርግና ' Good morning charq tarra' ሲል ስሙን የማላውቀው ዕብድ ደግሞ የአዲስ ከተማ ተማሪዎች በሚለቀቁበት ሰአት.....ልክ አምባሰል ሙዚቃ ቤት ፊት ለፊት አስፓልቱ ላይ በኖራ ድንጋይ" ZERO MIND.........." ፈልገሽ የምታጪው ምንም የለም......ተራዎችን በተራ በተራ ማዳረስ ብቻ::..............
I love markato

peace out

[ጭምት]

በትክክለኛው እንግሊዘኛ ከሄድን እኔና አንተ ነን ትክክል:: ቋንቋ ግን አንዳንድ ጊዜ እንዳካባቢው ነዋሪ ስምምነት ስለሚወሰን በዚያ ኅብረተሰብ መሃል እስከኖርን ድረስ ተቀብለን መኖር ነው::

I can't agree more.

[የመርካቶው ሰያ]

የቡናው ሀራራ/ሱስ/ መሰለኝ በጥዋቱ አዛጋኝ!እስቲ ሞኒካ ጋ ብቅ ብዬ ቡናም ወሬም ይችተተኝ! ባቲ በሳቅ ገደልከኝ
አይ መርካቶ! ላንዱ ሰጥቶ ላንዱ ነስቶ አለ ሎሬት ጸጋዬ

አንድ ጆክ ደግሞ እነሆ::
ትዝ ካላችሁ አንድ ጊዜ "ኢማሌድህ ይጠንክር !!" የሚል መፈከር ነበር:: ይህንን መፈክር የሰሙ የሰፈሬ ሰዎች
ወረ ጉዋድ! ጠንክርስ የኛ ነው ኢማለድህ የማን ነው?
ማለታቸው ይነገራል:: ሲያልፍ ዋዛ አሉ እሜቲቱ ዛሕራ

[Monica****]

Debziዬ
ውይ በሞትኩት ቡና ሳትቀምሽ ወጣሽ???? እረ እክሳለሁ አንቺ ብቻ መቼ እንደምትመጭ ንገሪኝ! አዲስ ቡና አፍዪ እቀይራለሁ ያሉኝን አባርሬ!

ባቲ
የመርካቶ ጨዋታ አለፈልኝ አይደል እንዴ?? ባቲዬ በጣም ደስ የሚል ጨዋታ ነው እባክህ ይልመድብህ!!!

የመርካቶ ስያ
በቃ አንተና ባቲ የመርካቶ ጩልሌዎች ናችሁ እስኪ እንዲህ ብቅ እያልክ አጫውተን!

አክባሪያችሁ
ሞኒካ

[Monica****]

እኔ እምለው ስዎች
አንድ ነርቬን ቁንጥጥ የሚያደርገኝ ነገር እዚህ የምኖርበት አገርና አንዳንድ ይሮፕ ውስጥ በቅርብ ጊዜ የታዘብኩት ነገር mobile phone ring tones በተለይ በተለይ በጣም የሚገርመኝ አልፎ ተርፎም ብስጭት የሚያደርገኝ አይነቱ ...... Crazy frog የሚሉት ነው!!!
መገመሪያ አካባቢ.....I must admit I was very impressed........! የሚያሳፍረው ነገር ግን ሽማግሌውም አሮጊቱም public transports, hospitals እና የመሳስሉ ቦታዎች ding ding ding ding...drrrrrrrrrrr ብሎ ስልካችው ሲደውል ወይ ጉድ ያስብለኛል!!
እሱ አልበቃ ብሏችው በተለያየ መልኩ እያቀረቡ even on the music chart......the crazy frog was number one for a few weeks!! :roll: :roll: :roll:
ምን አስተያየት አላችሁ በአጠቃላይ ስለሞባይል ስልኮች?
እስኪ ቡናውን ፉት እያላችሁ አንዳንድ በሉኝ

[ሜዳ]

እዚህ ቤቶች አረ ቤቶች ዛሬ ደሞ ማንም የለም እንዴ
ይሄ አመት በአልኮ ወጪ ነው

ቆይ እስኪ ቆይ ቆይ ብድር ምና ምን የለብኝም አደል አዎ ጥግዋ ጋር ብቻ ነው ያለብኝ ቆይ እዚህም ቀስ ብየ ብድር እጀምራለው ወይ አበዳሪ ወይ ተበዳሪ ብሏል -----

እዚህ ቤቶች ጠና ይስጥልኝ


እንደም ነሽ ሞኒካ አመት በአል እንዴት ነው መከራ ኮ ገባን 2 ሁለት አመት በአል እያከበርን

ሞባይል ስትይ ከሰሞኑ ምን ሰማሁ መሰለሽ ለነገሩ ነገር ዘግይቶ ነው ሚደርሰኝ

ቦሌ አሉ እድር,ለቅሶ, ቡና ሲጠራሩ ሜሴጅ በ ሞባይል ነው አሉ ኑ ቡና ጠጡ, እንዴ የኔ ቢጤዎቹ ራሳቸው ሰፈር ላለመበጠበጥ ነው መሰልኝ ይደውሉልሽና ,አሉ ነው, ይደውሉና አሉ ተዘከሩን ነው አሉ ቅቅቅቅቅቅቅቅቅቅቅቅ

እና ቦሌዎች እንዳይሰሙሽ እስቲ በዛ በትልቁ ስኒ ቡናውን ደጋግሚኝ

[SUAVE]

ማስታወቂያ

ምርጥ የሀረር, የከፋ, የሲዳሞ ኦርጋኒክ ቡና, በ ሞ ኮፊ ሀውስ በተመጣጣኝ ዋጋ ያገኛሉ:: ቡናዎትን እየተጎነጩ ምርጥ ምርጥ ሀሜቶችንም ከ "ታመኑ ምንጫቸው" አብረው ይኮመኩማሉ:: ለማስታወስ ያክል..... ወ/ሮ ሞኒካ ጥፍት እያሉ ብቅ የሚሉበት ሚስጥር ምንድን ነው?.....የወ/ሮ ደብዚና የወ/ሮ ሞኒካ የንግድ ግንኙነት ምን ይመስላል?.....አቶ ጌታ አገር ቤት ሰሞኑን የሚያሰሩት ፎቅ እውነት በራሳቸው ገንዘብ ነውን?.....አቶ 4ጌት ዚስ "ትንሿ ዋርካ" ብለው በሰየሟት ብሎግ ለአባልነት ማስከፈል ጀምረዋል የሚባለውስ? የወ/ሮ ትህትና 2 የማያልቅ ታሪክ ምንጩ ምንድን ነው?....አቶ ባቲ መርካቶ ውስጥ በምን እንደሚታወቁ ያውቁ ኖሯል?....የመርካቶው ሰያስ ካገር የወጡት ለምን እንደሆነ ሰምተዋል?....አቶ ትምህርት ለምን ጠፉ?.....አቶ ዶማው ቃል የገቡትን የገና ስጦታ በጊዜው ለማድረስ ባይችሉም አሁንም እየተሯሯጡ እንደሆነ ሰምተዋል? ቃል ከተገባሎት ተስፋ አይቁረጡ, ላበሻ ገና ይደርሶታል!......የወ/ሮ ትትናን የፍቅር ታሪክ ያቃሉ?.....የወ/ሮ ምጥኔንስ ሰምተዋል?...አቶ ፓን ሪዚኮ ሰሞኑን የመንግስት ግልበጣ ሴራ ጠንስሰው እንደነበር ያውቃሉ? ውጤቱስ?...የጀኔራል ጃንሜዳ ሚናስ ምን ነበር? አቶ እስጢፋኖስ K ማውራት የማይወዱት ለምን ይመስሎታል? ያቶ ደጉንስ ቀልዶች ምንጫቸውን ሰምተዋል? የወ/ሮ እሌኒን ግጥሞች አስተውለዋልን? መነሻቸው ምንድን ነው? አቶ አእምሮ እውነተኛ የፍቅር ታሪካቸውን ከዘመናት በሁዋላ አሁን መተረክ መጀመራቸው ለምን ይሆን? አቶ ቀብራራው የጠፋችባቸውን የልጅነት ፍቅረኛ አገኙ? መቸ እና እንዴት? የወ/ሮ ሪቾ አወዛጋቢ የፍቅር ታሪክ ምን ይመስላል? አቶ ሜዳ ከፍተኛ ብድር ውስጥ ተዘፍቀዋል ይባላል:: ለምን?!!

ለነዚህና ለሌሎቹም የአእምሮ ረፍት የሚነሱ ጥያቄዎች, ወደ ሞ ኮፊ ሀውስ ብቅ ብለው የማያሻማ "ሙያዊ" ትንታኔ ይሰማሉ!!!

[ማይ ገነት]

ይቅርታ ይደረግልኝ በዚ በር ሳልፍ ሳገድም የእጣኑ ሽታ ሳሩ ዘጎዝጉዞ ሰዉ ሲጫወት ሲያሽካካ ስንት ቀን በፍርሀት አለፍኩት
ዛሬስ ይለይልኝ ብዬ ጎራ አልኩ በስማም ልጅ አዋቂው ግጥም ብሎ ሲታይ ደስ ሲል
አስተያየት ለባለቤቲቱ
አስተናጋጆቹ ደንበኛ ይለያሉ ለኔ ቡናው ቅዝቅዝ ካለ በዋላ ነው ያመጡልኝ ግን ቢቀዘቅዝም ጥኡም ቡን የሚያስብል ቡና ነው
ይህን ያክል እግሬን ካስገባው ለሚመጣው ጨዋታ ይዠ እመለሳለው
ይችን ግጥም ግን ባዋቂ አጥፈሽ ግርግዳው ላይ ስቀያት እህት አለም ሞኒካ ለቡና ቤት ተስማሚ ግጥም ናት

ይግቡ ይቀመጡ
የሀሜት ኮፍያዎን እበር ላይ ያስቀምጡ
ስለሰው ያወራሉ
ስለራሶ ምን ያውቃሉ?
ቸር ይመልሰን

[ቶም አዋሳ]

Suave እውነተኛ ቡና ጠጪ አንተን አየው:: ሌላውን ተወው

ና ጥግ ይዘን ጮማ ወሬ እንቁረጥ እስቲ!

[SUAVE]

ቶምሻ,

ኧረ በል እናውራ! በደረቅ ቡና ኮ ገደሉን! ምን ይወራል ከተማው ውስጥ? ምን ጭምጭምታ አለ? እስኪ ምን ይባላል? እኔ ወሬ ከሚያልፈኝ ምሳ ቢቀርብኝ እመርጣለሁ

[Ellenie]

ሠላም ለሁሉም,

ባቲ በአዲስ አመት እዚህ ምን እያደረክ እንደሆነ ሊገባኝ አልቻለም ኸ! የሰው ነገር.. :oops: ያረረ ቡና ለምን እንደመረጥክ ይገርመኛል ?

SUAVE እንደጻፈው

የወ /ሮ እሌኒን ግጥሞች አስተውለዋልን ? መነሻቸው ምንድን ነው ?

መነሻቸው ምንድነው ትላለህ ?
አንድ ወቅት ግጥሞቼን እንዳልወደድካቸው አይነት ... የሰጠኸው አስተያየት ተቅብዬው ነበር ልበል ?... እናም ከግጥም ይልቅ ስድ ንባብ ቢሆኑ... እንደው ስትል አስታውሳለሁ መሰል... ???
እዚህ ቡና እስከ አራተኛው የሚያንቃርረውስ ምን ይል ይሆን ?

[ሰምፔር]

ቤቶች!! ጤና ይስጥልኝ! ከሞኒካ ጀምሮ ደምበኞች በሙሉ መልካም አዲስ አመት ይሁንላቹ! የዚህ ቤት ቡና ጥራትና ጣእም በመላ ከተማው ሲወራ ስምቼ ነው ጎራ ያልኩት እዉነታቸዉን ነው
እስቲ ቡናዬን ፉት እያልኩ ወሬ ጣል አርጉ ስለተባለ እኔን ያሳቀኝ ገጠመኝ እናንተን ያስፈግግ ይሆናል ብዬ ነው

አንድ ጊዜ ዘመዴ ወልዳ ልንጠይቅ ሄድን ከዛ የዘመዴ የ 4አመት ሴት ልጅ አልበም ይዛ መጥታ እየገለጠች ፎቶ ማሳየት ጀመረች:: ከዛ ሁሉንም ፎቶ እኔ ነኝ ስትል ቆየችና አንድ ታላቅ ውንድምዋ ራቁቱን የተነሳዉን ፎቶ እኔ ነን አለች:: ከዛ ታዲያ ይሄ ነገር የታለሽ ስንላት ማሪያምን ነበረኝ ጠፍቶ ነው አለችና አሳቀችን

[Monica****]

Ellenie
ምነው ያገር ልጅ እግርሽ ከመግባቱ ለትችት ቸኮልሽ???
ያረረ ቡና?????
ስው ቤት ሄዶ ስድብማ ነውር ነው! ባይሆን ቡና ይፈላልሽና ከዛ መተቸት ይቻላል....አይመስልሽም?
በነገራችን ላይ እኔ እንክዋን ስራሽን አድናቂ ነኝ.......!
ለነገሩ ከዚህ የከፋም ስድብ ስምቻለሁ አይገርመኝም.......!. አለመምጣትም could be the best option እኮ :wink:
ከአክብሮት ጋር
ሞኒካ

እዚህ ምን እያደረክ እንደሆነ ሊገባኝ አልቻለም ኸ! የሰው ነገር.. :oops: ያረረ ቡና ለምን እንደመረጥክ ይገርመኛል ?

[Monica****]

ሌሎቻችሁ በሙሉ ማታ ቤቴ ስገባ አጫውታችህዋለሁ :lol: :lol: የተናደደ ስው ባይ ነው ከስራ ጎራ ያልኩት :wink:
እስከዛ ቡናችሁን እየጠጣችሁ ጠብቁኝ!

[Monica****]

:wink: