የጃማ ልጆች ካላችሁ

The Love Forum (love, relationship) (የኔ ቆንጆ እንተዋወቅ :-)

Postby የጃማ ጦስኝ » Wed Jan 21, 2009 2:47 pm

ሰላም አረዳው ;ድርሰት ዬዲት እንዲሁም የዚህ ቤት ታዳሚዎች እንደምን ከረማችሁ ::
ከጥምቀት በዓል ወዲህ ምነው ድምጻችሁ ጠፋ ? በደህና ነው ? በሉ እስኪ ብቅብቅ በሉ
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

በበጎ ህሊና

Postby ድርሰት » Wed Jan 21, 2009 7:02 pm

ካለው ሰው ተወለድ ሲባል ብዙ ሰማሁ
ጆሮዬ የሰማውን ብዙ አሰላሰልሁ
የመሰለኝ ለኔ ዘመድ ወይ ሀብት ያለው
ልቤ አለው ማለት ገንዘብ ብቻ ቢመስለው
ለካስ አለው ማለት ከጥሪት ያለፈ
ለዛሬም ለነገም ለሁሌም የተረፈ
የማያልቅ ብል አይበላው ነቀዝ አያነቅዘው
ሁሌ በሁሉም ዘንድ ከብሮ ሚያስከብረው
በጎ ህሊና ነው ክሁሉም የሚበልጥ
በሰው በአምላክ ዘንድ ብድራት የሚያሰጥ
በጎ ህሊናችንን አንጣለው ለከንቱ
እንዳይረጋግጠው እሪያ ሆነ ከብቱ
ስለዚህ በዚህ ክፍል በጃማ ጦስኝ ቤት
ደስ ይበላችሁ በጎነት ባለበት
እናት ሁሉንም ዘመድ አትወልድልንም
ዋርካም የጃማ ደም ከሌላችሁ አትልም
ስለዚህ ተደሰቱ በበጎ ህሊና
እየተያያችሁ ይህ አዲስ ቀን ነውና

ክፍሉን ለሁሉም ብርግድ አርገው ለከፈቱት የጃማ ጦስን ምስጋና ተብሎ የተገጠመ
There is always a small beginning for every thing that we should not despise!!!!!!!!!!!
ድርሰት
ኮትኳች
ኮትኳች
 
Posts: 101
Joined: Mon Jan 19, 2004 6:16 pm
Location: united states

በጥምቀት ሰሞን ጃማ

Postby የጃማ ጦስኝ » Thu Jan 22, 2009 1:25 pm

ሰላም ለጃማ ልጆች ቤት እንዲሁም ከልብ የመነጨ ምስጋናዬ
ለድርሰት በጣም አስደሳችና ልዬ የሆነ ግጥም ነው :: ልክ ነው ቤቱ ለሁሉም ሰው ክፍት ነው በጎ ህሊናና ቀና አስተሳሰብ ያለውን ማንኛውንም አስተያየት እንቀበላለን ለስራችን መቀላጠፍ ይረዳን ዘንድ::

እስኪ ሰሞኑን ስለ ጥምቀት በጃማ የታየውን እንዲህ እናስነብባችሁ;

ሚካኤልን ወደ ቤቱ ለማስገባት የተሰበሰበው ጎረምሳና ልጃገረድ የሚካኤልን ጊቢ አጨናንቆታል; ግማሹ የታቦቱን ዘፈን ;ግማሹ እንደሀገሩ ባህል የፍቅር ዘፈን እየዘፈነ ጭፈራውን ያቀልጠዋል::
ልጃገረዶቹን ከመሀል አድርጎ ዙሪያውን የከበበው ጎረምሳም; ጥሬ ስጋ እንዳዬ አንበሳ; ለመብላት የተራበ ለመምሰሉ ሁሉም ባይኑ ያስታውቅበታል:: ልጃገረዶቹም በጭፈራ እርግፍ,እርግፍ,እርግፍ ሲሉ በደረታቸው ላይ የተንዠረገገው ድንብልና አሸንክታብ ደረታቸውን እየደቃው ሲመለሰ ጎረምሳው ሁሉ ድንብልሽን ባረገኝ ማለቱ አይቀሬ ነው:;

ፈንጠር ብለው ሶስት ሴቶች ይንሾካሾካሉ ::አልታዬ ሁለቱን ሴቶች በቁጣ አስተያዬት ገረመመቻቸውና ''ትኸዱ

እንዴሁ እንህድ እኔ ብዙ ስራ አለኝ:: ልጀንም ለናቴ ጥዬ ነው የመጣሁት አለቻቸው''
አልታዬ በልጂነቷ አግብታ ብትፈታም ;እግዜርን አይክፋው አንድ ሴት ልጅ ግን ወልዳለች;; ልጇን እንደ ነፍሷ ነው የምታያት::
''አንቺ ዴሞ መጣዴፍ ትወጃለሽ ትንሽ እንጫዎት ;ያ ልጅ ዴሞ ጠላ ልጋብዛችሁ እያለ ነው'' አለች ወርቅዬ ሁለቱን ሴቶች ዓይን ዓይናቸውን እያየች:: ወርቅዬ መቸም ጨዋታ ትወዳለች መጠጥም ነፍሷ ነው:: '' የቱ ልጂ'' አለች ጣይቱ የወርቅዬን ዓይን እየተከተለች ;
''ያ እዛማዶ ከወንዶቹ መሀል አረንጔዴ ፎጣ የጠመጠመው''
'' እንዴ ዴሞ እሱን ከየት አወቅሽው ''?
''ቅድም ታቦት ሲዞር ጠራኝና ልጋብዛችሁ ጔደኛሽንም ወዴድኴት ጠይቂልኝ አለኝ''አለቻቸው
'' ማንን አሉ ሁለቱም ሴቶች ባንድ ላይ ''
''አልታዬን '' ስትላቸው ሁለቱም ሴቶች ተያዬና ሳቃቸውን ለቀቁት :: አልታዬ እንባዋ እስኪፈስ ድርስ ሳቀችና ''ወይ ጉድ አልሰሜን ግባ በለው አሉ እማሆይ '' አለች መቸም በሆነ ባልሆነው አያቷን ማንሳት ትወዳለች :; አያቷ ከሞቱ ቢቆይም እስካሁን ድረስ አልተጽናናችም በሆነው አጋጣሚ ሁሉ አንስታ ሳታለቅስ አታልፍም እሳቸው ቢኖሩልኝ ኖሮ ኑሮዬ ይሳካ ነበር ባይ ናት::
'' አንቺ ዴሞ የማሆይን ተረት እያሰላሰልሽ እማሆይን ሆነሽ እንዳትቀሪ ነው የምፈራው''አለቻት ጣይቱ ቆጣ ብላ ; ሁለቱም ጔደኞቿ በጣም ነው የሚያስቡላት
ይቀጥላል
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

Postby የጃማ ጦስኝ » Thu Jan 22, 2009 2:05 pm

ካለፈው ተቀጠለ
'' እንደአያቴ መሆኔማ የማያጠራጥር ነው ዴሞ ካሁን በኍላ ምን ሊያስፈልገኝ ነው? የምን ጣጣ ነው የናት ልጂ ''

'' ወይ መውዴድ መውዴድ ቅጥ አጣ!! ወዴድኴት ይላል እንዴ በሞቴ'' አለችና አንጎራጎረችላቸው እንዲህ እያለች

መውዴድ ጥሎኝ ሄዷል እኔን በጨለማ:
ገና በልጂነት ልቤን እያደማ::
አስታምሜው ነበር እኔ እንዳይጎዳ;
ሌላ መርጦ ኸዷል የለብኝም እዳ::
ተብትቤ እንዳላስረው እግሩን በመጫኛ
ከቤት እንዳይወጣ እንዲሆን ምርኮኛ;
እጂ እግር የለውም ጭራሹንም አንገት;
ዓይንም ጆሮም የለው የትከፋን ሰምቶ ያዘነን ለማየት::
ታዲያ ማን ሰጠብኝ ይኸንን ስም ለሱ;
ዓይኖቹን ሳያዬ ፊቱን ሳይዳስሱ::
ልብን ሲከፍቱለት መውዴድ ነው ተብሎ;
መጠላት ይመጣል ከመቸው ቸኩሎ::
በዋለበት ቦታ ለማደር ጭንቀቱ ;
ቢያድርም በማለዳ ይጠፋል በጧቱ::
ዴግሞ ወዴ ሌላው ቸር መስሎ ቲጠጋ;
ጥልቅ ይልበታል እዚያም ሊያዘናጋ::
አመሉ ያታወቅ ይፍረድበት ዳኛ:
ብዙ ሰው በድሏል ይኸ ወረተኛ::
ወይ መውዴድ !እሱ ወረተኛ መዞር አይታክተው;
የኔስ በር ዝግ ነው ዴግሜም አልከፍተው::
ወይ መውዴድ!!!!!!!!!!!!
ከሱስ ጋር ይቅር መላመድ :(
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

የተከፈተማ ተዘግቶ ይደር

Postby ለገሂዳ » Fri Jan 23, 2009 12:57 am

አጋምን በአጋም; ፍቅርንም በፍቅር
በዋግምት ካልወጉት; መውደድም አይሸር
ልብም በልብ ነው; የሚያዝ ጠብቆ
ታስሮ ምርኮ አይገባም; በመጫኛ ታንቆ
ወረት ምላሽ ሲያገኝ; ፍፁሙ ፍቅርሽ
ውስጥሽን በውስጥሽ; ጎጆሽን ዘግተሽ
እራስሽ ከራስሽ; ገዳም ውስጥ ገብተሽ
ለምን ይመንና; ንፁሁ ልብሽ?!
ፈክቶ ያፈካ ዘንድ; ውቡ ውበትሽ!
ይልቅ ደመቅ ይበል; ይከፈት ቤትሽ!
ለገሂዳ
አዲስ
አዲስ
 
Posts: 31
Joined: Fri Jan 25, 2008 1:41 am

ስትዘናከች

Postby እሪኩም » Fri Jan 23, 2009 11:25 am

ሠላም ለቤቱ!


ቤቱ ሞቅ ሞቅ ብሏል::

አንች ራያ ሂደሽ ስትዘናከች:
አደራ ብትዪው ሀዱድ ቀደመች::----:-)

ሎሚ እና አበባን ሁሉም ይወደዋል:
አበባን በመቅጠፍ ሎሚን ይመጡታል:
ታዲያ እንዴት ተሁኖ ሸጋ ይታለፋል::---:-)

ዛሬ ጁማ ናቸው ቡናውን ጣጅ:
ቄጤማም ጎዝጉዘሽ አዘጋጅ ምግብ ጠጅ:
መምጣቴ አልቀረም በኔ እንዳትፈርጅ:
ባለቤትሽ እኔ - ተይ - ያን - የከንፈር ወዳጅ::---:-)


መልካም ጁማ
እሪኩም ከቦሩ ሜዳ
Image
መሸፈት ያለ ነው ይጠየቅ ልብሽ :
ሥንድድ እና ድንብል አሸን ክታብሽ ::

http://www.cyberethiopia.com/warka5/vie ... hp?t=23129
እሪኩም
ዋና ኮትኳች
ዋና ኮትኳች
 
Posts: 853
Joined: Fri Apr 01, 2005 1:20 am
Location: ወሎ

Postby የጃማ ጦስኝ » Fri Jan 23, 2009 2:24 pm





አቶ ተማቹ ባህር ኃይል እንዳሠፈሩት::

ሰላም የጃማ ልጆች እንደምን አላችሁ ጨዋታችሁ እጂጉን ቢጥመኝ ከልቤም ብደሰት በዓይን ስለማውቃት የጃማ ጦስኝ ግጠም ግጠም አለኝና ያለችውን ትበለኝ ብየ በራሷው ቤት ብዕሬን አነሳሁ እንዲህ ስል:...


ብትጠላኝም ትጥላኝ ;
ይጋለጥ ሚስጥሯ;
የጃማ ወርቂቱ ;
ለንደን ነው ሀገሯ::
ቁመት;ውበት;ጸባይ;ለዛንም ጨምሮ;
እግዜር አድሏታል ደምሮ ደማምሮ;;
ቤትክሲያን ሳሚ ነች;
እግዚአብሄርን ፈሪ;
ባህሏን ጠባቂ;
ወገኗን አክባሪ;
ተደናግሯት መስሎኝ መንገድ ባሳያት;
ልቤን ሰርቃኝ ሄደች ምን አይነት ሴት ናት::
አመስግኖ መሄድ የለም ወይ ባገሯ;
ባደባባይ ስትሰርቅ ጉድ አለማፈሯ::
እስኪ ምከሩልኝ ዘመድ ወዳጆቿ :
መሰራረቅ ትተው ባይን በጥርሶቿ::


ከአቶ ተማቹ ባህር ኃይል
Last edited by የጃማ ጦስኝ on Sat Jan 24, 2009 9:47 pm, edited 2 times in total.
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

Postby የጃማ ጦስኝ » Fri Jan 23, 2009 2:55 pm

የጃማ ቤት ታዳሚዎች እንደምን አላችሁ ? እንዲህ ነው መፈቃቀድ እንዴት ደስ የሚል ቤት ሆኗል በጣም አኮራችሁኝ

ዛሬ ያጋጠመኝን እስኪ ላጫውታችሁ በማለዳ ስነሳ አንድ የመጽሐፍ ቅዱስ ጥቅስ ትዝ ብሎኝ ባገላብጥ ባገላብጥ ላገኘው አልቻልኩም ;እባክህ ድርሰት እንደምንም ብለህ ምዕራፉን እና ቁጥሩን ላክልኝ

ቃሉ እንዲህ ነው የሚለው
ከወዳጂም አብልጦ የሚጠጋጋ አንድ ወዳጂ አለ
ይኸም ወዳጂ ሰማይና ምድርን የፈጠረ እግዚአብሄር ነው
ይላል::

በእርግጥም በጣም የቀረበ የልብ ወዳጂ አማካሪም እረዳትም በደረሰብንም ታላቅ መከራ ቀድሞ የሚታደገን እሱ እንደሆነ ምንም ጥርጥር የለውም
እኔም እንዲህ አልኩለት ጥቅሱ ትዝ ቢለኝ

ሌላ ወዳጂ ለእኔ ለዘላለም ይቅር:
ምርኮኛህ ሆኛለሁ በመስቀልህ ፍቅር::
ዘመኔን ዋጂተሀል ቀድመህ ከመከራ ;
ማን ይቃወምሀል ያልከውን ብትሰራ::
ሐይሉን አሰባስቦ ጠላት ባለቀች ስዓቱ
መንፈሴን አድክሞ ሲያውከኝ በብርቱ:
ግራ ተጋብቸ ዙሪያው ገደል ሆኖ
ወዳጂ ሳፈላልግ የሚያድነኝ ፈጥኖ;
ከልቤ ስታገል ወዳጀን ፍለጋ;
ዓይምሮየን ገርፎት በመርሳት አለንጋ;
እንዳልኖር በሰላም ልቤ ሳትሰጋ

ይቀጥላል
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

Postby ለገሂዳ » Fri Jan 23, 2009 4:30 pm

እንኩዋንስ ወዳጅን ጠላትም ውደዱ
እንዲያ ነው የሚለው ከትእዛዛቱ አንዱ
ጠጋና ደስታው; ሰላምና ፍቅሩ
በምድሩ እስካኖረን; ይገኛል በምድሩ
ያች ሀይማኖተኛ; ያች የጃማ ወርቅ
ባይንና በጥርሱዋ, ሰርቃ ብትሰረቅ
ምን ወንጀል ሰርታለች; በህግ የሚያስጠይቅ!
እውነትም! እውነትም! ሀይማኖት አክራሪ
ልብ ወስዳ በመንፈስ; ስንኝ አስደርዳሪ
ሙሉ ሌሊት ፀሎት; አቁማ አሳዳሪ
በጠባዩዋ እመቤት; ባህሉዋን አክባሪ
ለገሂዳ
አዲስ
አዲስ
 
Posts: 31
Joined: Fri Jan 25, 2008 1:41 am

ልብ ወለድ

Postby የጃማ ጦስኝ » Mon Jan 26, 2009 4:53 pm

ሰላም ለጃማ ልጆች ታዳሚዎች እንዴት ከረማችሁ ? ቤታችን ከዝቀዝ ብላለች ሁሉም በየግል ስራው ስለሚጣደፍ ምን ይደረግ :: ግን አንጠፋፈ


እስኪ አንድ ልብ ወለድ እናስነብባችሁ.........


Come in pleas:- አለ አንገቱን አቀርቅሮ ወረቀቱን እየጫጫረ;-
ቀስ ብላ ከፈት አደረገችና ስትገባ ቀና ብሎ ሲያያት ዓይኑ ምን እንድሚያይ በውል የተገነዘበ አይመስልም;
እራሱን የተመታ ያህል ደነገጠ::

እንደምንም ብላ ያለ ሀይሏን አሰባስባ በረጂሙ ተነፈሰችና ፊት ለፊት ለእንግዳ መቀመጫ በተዘጋጀው ወንበር ላይ አረፍ አለች:: በመካከላቸው ከባድ ዝምታ ሰፈነ ;
እሷ ግን ፍጥጥ ብላ ትመለከተዋለች ; እሱ ግን ቀና ስሎ ለማየት አቅም አጣ:: እንዳቀረቀረ'' ምን እግር ጣለሽ ? እንዴትስ አወቅሽ እዚህ መስራቴን ?'' አላት
አቶ ታሪኩ አታላይ በናት ዊስት ባንክ የፐርሰናል አካዉንት ማናጀር ነው:: አንቱ የተባለ የተዋጣለት ሰው::
ትልቅ ሰው ሆኗል;ጸጉሩን ሳይቀር መልጧል;እንዴወጣትነቱ ባይሆንም ዛረም ጥሩ ቁመናና መስህብ ያለው ወንዳወንድ ቢጤ ነው::
ሁለቱም በየግላቸው ከሀሳባቸው ጋር ፍልሚያ የገጠሙ ይመስላሉ;
ደገመና'' እንዴት መጣሽ?'' አላት
ቀስ አለችና ከቦርሳዋ ውስጥ የያዘችውን ወረቀት አውጥታ ዘረጋችለት; ብድግ አለና ተቀብሏት ቁጭ አለ; እንደገና ብድግ ብሎ ከተሰቀለው ኮቱ ውስጥ መነጽሩን አወጣና ተመልሶ ቁጭ አለ::
አሁንም ትኩር ብላ ትመለከተዋለች ; ወረቀቱን ሲያነብ እጁ ሲንቀጠቀጥ ይታያታል ;
ምላሱ በአፉ ውስጥ ተጣብቆ ለማንቀሳቀስ የተሳነው መሰለው:: ወረቀቱ;- ትምህርት ታሪኩ አታላይ ባገኘችው ከፍተኛ የኮሌጅ ውጤት ወደ ኦክስፎርድ ዩንቨርስቲ የህግ ትምህርት ለመማር ዩንቨርስቲው እንደተቀበላት የሚገልጽ ነው::
አንብቦ ከጨረሰ ቢቆይም ቀና ብሎ ለመነጋገር ግን በውስጡ ምንም የቀረ ሀይል አልነበረውም :: እንዳቀረቀረ ወረቀቱን ከእጁ ላይ ቀስ ብላ ወሰደችና በሩን ከፍታ ወጣች:: ምንም አይሰማም መንቀሳቀስም ተስኖታል::

የዛሬን አያድርገውና ከሀያ ሁለት አመት በፊት ነበር ከሀገር ሀገር ተንከራቶ እንግሊዝ ሀገር የገባው::መቸም እድለኛ ነው; እንደመጣ ኤርፖርት ላይ እጁን ሰጥቶ ወዲያው ነው የመኖሪያ ፈቃዱን ያገኘው ;የተጠቀመውን ታሪክ እስከዛሬም እሱና እግዜር ብቻ ናቸው የሚያውቁት::
ታሪኩ በጣም ብልጥና ራስ ወዳድ ስለሆነ አላማውን ለማሳካት ያገኘውን አጋጣሚ ሁሉ ለመጠቀም ወደ ኍላ አይመለሰም : በእርግጥ እንደሱ ያሉ ወንዶች በጣም ብዙ ይኖራሉ::
እንግሊዝ ሀገር እንደገባ የብቸኝነቱን ነገር ብቻ ሳይሆን ኑሮውንም የሚያሸንፍበትን ዘዴ ሁሉ ማውጣት ማውረድ ጀምሯል ;አንደኛ መማር አዎ መማር አለብኝ እያለ ከራሱ ጋር ይነጋገራል; እንደልማዱ አንድ ቀን ሲዞር ሸፐርድስ ቡሽ የገበያ መዓከል ደረሰና ሲዧዧር አንዲት ሀበሻ ሴት እቃ ተሸክማ ወደ አንድ ሱቅ ስትገባ አያትና ትንሽ ቆይቶ ተከትሏት ገባ:: ሴትዮዋ የተሸከመችውን የመጥበሻ እንጀራ አውርዳ እየቆጠረች ለባለሱቁ አስረከበችና ስትወጣ ተከተላትና ;
''ሀበሻ ነሽ ? '' አላት
ዘወር አለችና ''ውይ አላየሁህም እኮ አዎ አበሻ ነኝ '' አለችው;; ''እዚህ አካባቢ ነው የምትኖሪው''
''አዎ ብዙም እሩቅ አይደለም ;አንተስ ? '' እኔ ሐመርስሚዝ ነው ሆስቴል የሰጡኝ '' አላት በሚያሳዝን አነጋገር; '' ውይ አዲስ ነህ ? '' አለችው '' አዎ ገና አራት ወሬ ነው ''አለ ''ውይ የኔ ጌታ ታዲያ ኬዝህንስ የሚሰራልህ ሰው አገኘህ ?የምታውቀው ዘመድ ምናምን አለህ ? አለችው በእውነትም እያዘነችለት ;አይ ኬዜንስ ጨርሻለሁ ኤርፖርት ላይ ነው የተገላገልኩት መኖሪያም ሰጥተውኛል '' አላት'' እንዴ አንተማ በጣም እድለኛ ነህ አለችና በእሷ ላይ የደረሰባትን ችግር ለአፍታ አስታወሰችው::
ሀና ምህረቱ እንግሊዝ ሀገር ከገባች አስርተ ዓመታት ብታስቆጥርም የመኖሪያ ፈቃድ ካገኘች ግን ገና አንድ ዓመቷ ነው :: ብዙ ተሰቃይታለች በዚህ ላይ ትምህርት ስለሌላት ከመጣችም የእንግሊዞችን ትም/ቤት ስላልጎበኘችው ብዙ ተሰቃይታለች:: ጥገኝነት ከጠይቀችበት ድርጅት የሚመጣላትን ወረቀት ለማስነበብ የገረፋትን የሀበሻውን ፊት ስታስበው አሁንም ይዘገንናታል:: ሀና መልከቀና ባትሆንም ገራገር ቢጤ ነች:: ""ታዲያ ቡና እንጠጣ ወደ ቤት እንሂድና"" አለችው
"" እሽ"" አለና ተያይዠው ወደ ሀና ቤት ሄዱ::
ከዚያን ቀን ጀምሮ ታሪኩ ከሀና ቤት አልወጣም:: እንደ ባልና ሚስት ሆኑ, ወዲያው ት/ርቱን ጀመረ . መንግስት የሰጠውን የመኖሪያ ቤት ግማሹን ክፍል አከራይቶ ግማሹን ለራሱ የማጥኛ ቤት አደረገው::
ሀናም መንግስተ ሰማይ የገባች ዓለም ለእሷ ብቻ የተፈጠረች መሰላት:: እየተደበቀች በምትሰራው ስራ ታሪኩን ቀጥ አድርጋ ማስተማሩን ተያያዘችው::
ከኮሌጅ ጥሩ ውጤት አምጥቶ ሳውዝ ባንክ ዩንቨርስቲ አካውንቲንግ ለማጥናት ገባ :: ከሰው ጭራሽ መቀላቀል አይፈልግም :: ተምሮ የራሱን ኑሮ ለወደፊት ለማማሻሻል ብቻ ነው ጥረቱ::
"" ወይ የጊዜው መሮጥ በጣም የሚገርም ነው አሁን በቃ ስድስት ወር ነው የቀረው ት/ህን ልትጨርስ "" አለችው
የሰማት አይመስልም
""ታሪክየ መመረቂያህ ደረሰ ማለት ነው ? ""
"" ምን አልሽኝ"" አላት ምንም ለጠየቀችው ጥያቄ ትኩረት ሳይሰጥ.::
"" የመመረቂያህን ቀን እየቆጠርኩ ነው ""
"" ምን አስቆጠረሽ ?""
"" ያው ከተመረክ የምንጋባበትም ጊዜ በዚያው ዓመት ስለሚሆን ነዋ "" አለችው
"" ምን ምን ዓይነት መጋባት "" አለ ደንግጦ
"" ደግሞ የጋብቻ ዓይነት አለው እንዴ ሰርጋችንን ነዋ የማስበው""
""ዝም ብለሽ ገንዘብ ለማውጣት ስታልሚ ምን አሳደረሽ? ለማንኛውም ምሳ ካለ ስጭኝና ልውጣ አለ "" ፊቱን እንደከሰከሰ;
"" በል እሽ ቁጭ በል "" ብላ ወደ ጓዳ ጉድ ጉድ ማለት ጀመረች, በልቧ ግን አሁንም የሰርጋቸውን ቀን ምን መስሎ እንደሚውል እያሰላሰለች
Last edited by የጃማ ጦስኝ on Fri Apr 17, 2009 4:26 pm, edited 2 times in total.
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

Postby የጃማ ጦስኝ » Tue Jan 27, 2009 5:21 pm

ተከታታይ:-

''እኔምለው አንቺ ሀሳብሽ ምንድን ነው? ከዚህ ሰዉዬ ጋር መጋባት አለባችሁ :: እስከመቸ ነው እሱ ሰው ሳያየው ወረቀት ላይ እንዳቀረቀረ የሚኖረው? ደግሞ እድሜሽንም አስቢው ሴት ልጂ ሁሉን በስዓቱ መጠቀም አለባት'':: አለቻት አስቴር ጠንከር ባለ አነጋገር:: አስቴርና ሀና የተዋወቁት ለንደን ቢሆንም በጣም ይቀራረባሉ;ሁለት ልጆችና ባለቤቷን አረብ ሀገር ጥላ ስለመጣች እነሱን ለማምጣት እሷም እንዲሁ በጥቁር ነው የምትሰራው;
''ምን ላድርግ ብለሽ ነው? ሳልጠይቀው እኮ አልቀረሁም ግን ት/ርቴን ጨርሸ ስራ መያዝ አለብኝ ነው የሚለኝ''
''ለምኑ ነው ጨረሰስ አልጨረሰስ ? ለሱ ምን ችግር ያመጣል ? አንድ እሁድ መሞሸር ከት/ርት ጋር ምን አያያዘው? በዚህ ላይ ከወለዳችሁ የበለጠ ነው የምትጠቀሙት ለጅ ወልዶማ ማሳደግ ለንደን ነው እናቴ''::
'' እሱስ ልክ ነሽ ጠፍቶኝ መሰለሽ እንዳይከፋውና እንዳይበሳጭ ደግሞ ተጨማሪ ሀሳብ እንዳልሆንበት ብየ ነው እንጂ ጧት የወጣ ማታ ነው የሚገባው::አሁንማ ከጔደኞቹ ጋር ሲያጠናም የሚያድርበት ጊዜ አለ''
''እንዳይከፋው ? ሆሆይ ኧረ ያንቺስ በዛ !! ምኑ ነው የሚያስከፋው ጋብቻችሁን ህጋዊ ማድረግና ልጂ መውለድ ? የኸማ የጉድ ነው!! ደግስ ለምን እውጭ ያድራል? ሲጠና ይታደራል እንዴ?
''ኧረ እኔ ምኑን አውቄው አንድ ጊዜ ብቻ ይለቅለት ትንሽ ቀን ነው የቀረው ''አይጥ ወልዳ ወልዳ ጂራቷ ሲቀር ሲጥ ''እንዳይሆንብኝ ለፍቸ ለፍቸ የኔ ጸሎት ይኸው ነው''::
አለችና ያቀረቡትን ምሳ እየበሉ '' ለመሆኑ ባለቤትችና ልጆችሽ እንዴት ናቸው ሰሞኑን?'' አለቻት
''እኔማ ምን በየቀኑ ነው የምደውለው ;የስልኩም ወጭ ሊገለኝ ነው በዚህ ላይ እሱ እዚህ ደልቶኝ የምኖር እየመሰለው በየቀኑ ብር ነው የሚፈልገው አሁንስ አጥንቴንም ሳይቀር ነው ሊበላኝ የተነሳው; አንቺ እየተዝናናሽ እኛ በችግር ልንሞት ነው ይለኛል እኔም እጀ ዶማ እስኪመስል ካሴት ቤት እየሰራሁ መላኬን አላቆምኩም እሱም አልጠቀመውም እኔም ሰልችቶኛል '' አለች ምርር ብላ;
አይዞሽ እንዲህማ አትማረሪ አንድ ጊዜ እስከሚመጡ ነው ትገላገያለሽ''
ወይ አንቺ ቢመጡስ መቸም ልጆቸን ማግኘቴ እንደሆን እንጂ ደስታው እሱማ አረብ ሀገስ እንዲሁ እንዳሰቃየኝ አይደል የኖረው :: መቸም የሴት ነገር ልብ የለንም እንጂ'' አለች;
'' ወይ አንቺ ታዲያ ምን ይደረግ ያለነሱም አይሆን አይቶ እንዳላዩ ካልተውትማ ኑሮ ከባድ ነው::'' አለችና ሀና ታሪኩ ዩንቨርስቲ ከገባ በተለይ ከሁለተኛው ዓመት ወዲህ ያመጣውን መለወጥ አሰብ አደረገችና ''የሰይጣን ጆሮ ይደፈን '' አለች በልቧ :: ድሮ እንጀራውን ሳይቀር ያደርስላት ነበር::ዛሬ ዛሬ ግን ይኸ መከረኛ ሁለት ቤት ትንሽ ከተነጋገሩ ቤቱ ሄዶ ሁለት ሶስት ቀን ይጠፋል ::
ሁለቱ ሴቶች የየግል ሀሳባቸውን ተወያይተው ተለያዩ::ሀና አስቴር ያለቻትን እያስታወሰች ''እውነቷን ነው ቶሎ መጋባት አለብን!! ደግሞ የንግሊዝ መንግስት ለሚያሳድገው እስከዛሬም ዝም ብየ ነው መውለድ ነበረብኝ አለችና ቆም ብላ እድሜዋን ለማስላት ስትሞክር ጭራሽ የተወለደችበትንም አታውቀው ለማንኛውም አምላኬ አደራህን አንድ ልጅስ እንዳትነሳኝ ብላ ላፍታ እየተማጸነች ስታጉተመትም ታሪኩ በሩን ከፍቶ ገባ:.............ይቀጥላል
Last edited by የጃማ ጦስኝ on Fri Apr 17, 2009 4:28 pm, edited 2 times in total.
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

Postby የጃማ ጦስኝ » Wed Jan 28, 2009 5:11 pm

ተከታታይ:.........

''እንዴ ታሪክዬ ዛሬ በጊዜ እንዴት መጣህ?''
''የረሳሁት መጽሀፍ ነበር እሱን ለመውሰድ ነው :: ዛሬ ከተማሪዎች ጋር ስናጠና ነው የምናድረው::''
''ታዲያ የሚበላ ይዘኽ የምትሄደው ላዘጋጃ?''
''አያስፈልግም እራት በልቸ እሄዳለሁ :: ሻዎር መሳይ ልውሰድ ውሀውን ኦን አድርጊልኝ '' አለና ወደ መኝታ ቤት ገባ; ተከትላው ገባችና ታሪክዬ የመጨረሻህ ቀን በመቃረቡ የተሰማኝን ደስታ ልነግርህ አልችልም '' አለችው ''ዱ አይ'' አላት'' ምን ማለትህ ነው'' አለች
''ደስታው የሁላችንም ነው'' አለና በውስጡ ሳቀባት ''ምን እንዳሰብኩ ታውቃለህ ?''አለችው'' ሀው ኩድ አይ ቢ'' አላት '' አንተ ደግሞ እማወራልህን በቅጡ መልስልኝ ይኸን የተዣዣረ ወሬህን ተወኝ ''አለች
''እሽ ሀሳብሽ ምንድን ነው?''
''ሰርጋችንን በምትመረቅበት ቀን እንዲሆን ወይም በሳምንቱ ለማድረግ አስቤአለሁ በዚህ ላይ የት እና እንዴት እንደምናደርገው ሰሞኑን እንመካከራለን:: ሌላው ከዛሬ ጀምሮ የወሊድ መቆጣጠሪያውን መውሰድ አቆማለሁ::'' አለችና ጠጋ ብላ አቀፈችው
'' ሀና አብደሻል እንዴ!!!'' ትምህርት አለቀ ማለት ምን ማለት ነው ? ገና ተጀመረ እንጂ ገና ብዙ ነገር ይቀረኛል በዚህ ላይ ስራ ለመያዝ የሚያስችሉኝን ነገሮች ሁሉ ገና አልጀመርኩም አለቀ ትያለሽ እንዴ ? ደግሞስ መጋባት ማለት አብሮ መኖር አይደለም እንዴ አብረን እየኖርን ነው አንቺ ወጭ ለማውጣት ምን እንዲህ አጣደፈሽ? ልጅ ደግሞ ዝም ብሎ አይደለም ይሚወለደው ገና ብዙ እቅድ ያስፈልገናል :: ይኸን እንዲህ አይነት ነገር ከሀሳብሽ አስወግጂ እኔና አንቺ ከተጋባን ቆይተናል '' አለና ሊያረጋጋት ሞከረ በውስጡ ግን በጣም ስጋት አደረበት በተለይ የወሊድ መኮጣጠሪያውን አቆማለሁ ስላለችው ::
''ከአሁን ወዲያ ትምርት ጨዋታ ነው :: ከሆነም ልጃችንን ወልደን አብረን ሁላችንም እንማራለን '' አለችው ኮስተር ብላ;
''ሀና እንዳታስጨንቂኝ እኔ ጭንቀት አልወድም :: በዚህ ላይ ፈተናዬ እየደረሰ ነው; ሰላም እፈልጋለሁ ::'' አለና ፎጣውን አንጠልጥሎ ወደ መታጠቢያ ቤት ገባ::
ተጣጥቦ እስኪጨርስ ቶሎቶሎ ብላ እራት አዘጋጀችና ጠረጴዛውን ሞላችው ; አያያዝ ታውቃለች እሱም ለሆዱ ብሎ ነው ገብቶ የቀረው
ገላውን በሳሙና እያሻሸ የተነጋገሩትን ነገር ያስባል የወሊድ መቆጣጠሪያውን አቆማለሁ? አለ ደገመና በምን ያምናታል አላቆምኩም ብትለው'' ኤጭ ምን አይነት መከራ ነው እባካችሁ አለና ቶሎ ቶሎ ተለቃልቆ ጺሙን ለመላጭት ወዴ መስታዎቱ ጠጋ አለና ራሱን ለአፍታ ቃኘት አደረገው ጉላ ብሎ ከሚታየው አፍንጫው ስር ያሉት ደቀቅ ደቀቅ ያሉት አይኖቹ ሚስጥራዊ ነገር ላለማውጣት በጭንቅ የተያዙ ይመስላሉ ; ብዙ እያሰበ ጊዜ ማባከን አልፈለገም ቶሎ ቶሎ ብሎ ጨራርሶ ወጣና መኝታ ቤት ገብቶ ልብሱን ለባብሶ ወደ ሳሎን ብቅ አለ::
የተጠቀመው አፍተር ሸቭ ሳሎኑን አናወጠው:: ሀና ጉድ ጉድ እያለች የሳሎኑን ሽታ አንድ ጊዜ ባፍንጫዋ ሳብ አደረገችና ቀና ስትል አይን ለአይን ግጥምጥም አሉ ;ልቧ ለሁለት ግምስ አለባት ግን ዋጥ አደረግችና በልቧ የመጣውን ንዝረት እሱን ለማስተናገድ ደፋደፋ ማለቱን ቀጠለች::
'' እራት ደረሰ ? ለነገሩ ጊዜ ነው እጂሽ ቅር እንዳይለኝ በልቸ ልሂድ እንጂ አለና ቁጭ አለ::
እራቱን በልቶ እጁን ተጣጠበና ለመውጣት እየተጣደፈ በይ ደህና እደሪ እደውላለሁ ደጎሞ የተቀደሰ ሀሳብ አስቢ እሽ? ይኸ ሰርግ;ች ልጂ ምናምን የምትይውን አቁሚ ለሱ ብዙ ጊዜ አለን እሽ አለና ተቻኩሎ ወጣ;
ይቀጥላል:::::
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

Postby የጃማ ጦስኝ » Wed Jan 28, 2009 6:25 pm

ወይ የጊዜው መሮጥ አሁን በቃ አንድ ወር ነው የቀረው ልትመረቅ ? አቤት አምላኬ ላንተ ምን ይሳንሀል!! አለችና እጆቿን ዘርግታ ፈጣሪዋን አመሰገነች; እኔ እምልህ በቀደም ስላልነው ጉዳይ እኮ አልነገርከኝም መልሱን አዳራሽ መከራየት አለብን:: ሎላው ደግሞ አንድ ትልቅ የምስራች አለኝ ማታ እነግርሀለሁ አለችው ያዘጋጀችውን የቡላ ገንፎ ቁርስ እየበሉ; ''የምን ሰርፕራይዝ ነው ? ''አለ ኮስተር ብሎ ''ይኸ በቁርስ ስዓት ሳይሆን በራት ስዓት ነው ማታ ነው የምነግርህ ''
ማታ የማስረክበው ነገር ስላለኝ ከልጆች ጋር እሰራለሁ አልመጣም ንግሪኝ ምንድነው እሱ?''
''አሁንማ አልነግርህም ነገ እንነጋገራለን''
''ሀናጤናም የለሽ እንዴ ?
''እሱስ ጤነኛ ነኝ''
''ችግር አለ እንዴ? አታስጨንቂኝ በሰላም ልዋልበት''
''ኧረ የሚያሳስብ አይደለም ስራህን አርፈህ ስራ ነገ እናወራለን''
''እርግጠኛ ነሽ ችግር የለም?'' ''ውይ ታሪክዬ አንተን የሚያስጨንቅ እንዴት አደርጋለሁ ብለህ ታስባለህ?
''ፕሮሚስ አታስጨንቂኝም''
''ወይ ጉድ ኧረ እኔን ይጭነቀኝ እባክህ በሰላም ውለህ ግባ :: እና ማታ አትመጣም ? ''አዎ አልመጣም አለና ተሰናብቷት ወጣ::
ሙሉ ቀን ከሀሳቡ ጋር ሲታገል ቢውልም እሱን የሚያስጨንቅ ነገር እንደማታደርግ ቃል ስለገባች የሚያውጠነጥነውን ሀሳብ ለመርሳት ሞከረ::
ሀና በበኩሏ በደስታ ባህር እየዋኘች ቀኑ ሳታስበው መሽቶ ለመተኛት ስትዘገጃጂ ነገ ታሪኩ ለሚሰማው የምስራች ምን ምን ተዘገጃጅታ መጠበቅ እንዳለባት ማሰላሰል ጀመረች::
'' ቤቱን በጧት ተነስቸ ማዝጋጀት; ምግብ መስራት;አበባ ;ኬክ እና ሻምፓኝ እያለች ስታስብ በዚያው እንቅልፍ ስለወሰዳት የነቃችው ከጧቱ ዘጠኝ ስዓት ነው :: ''ውይ አምላኬ'' አለችና ጥሩ እንቅልፍ እንደት እንደወሰዳት ስታስብ ወዲያው እርግዝናዋ ትዝ አላት :: ታሪኩ ዛሬ ሲሰማ እንዴት እንደሚፈነጥዝ በዓይነሕሊናዋ መጣባት ''አምላኬ አሁን ለእኔ ያደረከውን ቸርነት ለማን አድርገሀል አለችና ከእርግዝና እስከመውለድ ያለውን የደስታ ጊዜ አስባ ዓይኖቿ በእንባ ተሞሉ;; ወዲያው አላስችል አላትና ታሪኩ እንዴት እንዳደረ ለማወቅ ስልኩን አነሳችና ደወለች
''ታሪክዬ ደህና አደርክ የኔ ጌታ?''
'' ደህና ነኝ ምነው በጧት ''አላት
''አይ እኔስ እንዴት እንዳደርክ ልጠይቅህ ነው እኔ የወደኩበትን ሳላውቅ ነው ያደርኩት አለችና ወሬ ልትጀምር ስትል ; ደህና ነው በቃ ማታ እመጣለሁ አለና ስልኩን ዘጋው::
'' ማን ናት አለችው ማርታ '' ብብቻው ስር ሽጉጥ ብላ ከተኛችበት ሙቀት ውስጥ ጥሏት ዘወር ስላለ ስልኩን ሲያነጋግር
''አይ አንድ ዘመዴ ናት አሁን ነው በቅርብ የመጣችው;እነዚህ ሰዎች እያስቸገሯት ከለንደንም ውጪ ውጭ ስላሏት በዚህ ላይ ቋንቋም ስለማትችል አንዳንድ ነገር እኔ ነኝ እምረዳት ለዚህ ነው በጧት የደወለችው ማታ ሄጀ እጠይቃታለሁ'' አለና ተንተርሳው የተኛችውን ክንዱን ሳብ አርጎ ተነሳና ጎንበስ ብሎ ሳም ሳም አደረጋትና ለመነሳት ሲሞክር ጎተት አድርጋ መልሳ አስትኛችው;
''ምነው? የኔ እመቤት ቁርስ ልስራልሽ እንጁ አልራበሽም እንዴ?''
''የራብከኝ አንተ ነህ ቁርስ አልፈልግም'' አለችና ጥምጥም አለችበት
''ኧረ እባክሽ አንቺ የሆንሽ ጣፍጪ ነገር አታድክሚኝ''አለና ተያይዘው ሰጠሙ::
ማርታ ዬንቨርስቲ የተዋወቃት ጕደኛው ናት ከተዋወቁ አመት አለፋቸው ከዚያም አልፈው እጮኛሞች ሆነዋል ከተመረቁ በኋላ ኢትዬጽያ ሄደው ለመጋባት ወስነዋል:: የማርታም ቤተሰቦች ሰምተው ውሳኔአቸውን ተቀብለውታል;
''ውይ ይቺ ዘመድህ አሳዘነችኝ በተለይ እዚህ ሀገር እኮ የሚረዳህ ዘመድ ከሌለ አስቸጋሪ ነው በዚህ ላይ እንግሊዝኛ ካልቻልክ ግን ለምን አላስተዋወቅከኝም?
''የቅርብ ዘመድ እኮ አይደለችም ያው ባክ ሆም ከቤተሰብ ጋር ስለምትተዋወቅ ነው :: በዚህ ላይ አረብ ሀገር ነው የኖረችው ;አረቦች ሲገዟት ኖረው እንዴት የተበሳቆለች መሰለችሽ!! ለዚህ ነው የምረዳት ደግሞ ካንቺ ጋር መተዋወቅ አያስፈልግም:: በዚህ ላይ ያንቺ ታይፕ አይደለችም የኔ ቆንጆ አለና መላልሶ ሳማት
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

Postby የጃማ ጦስኝ » Thu Jan 29, 2009 1:20 pm

ይቀጥላል . . . .
Last edited by የጃማ ጦስኝ on Fri Jan 30, 2009 1:54 pm, edited 3 times in total.
በቅንነት ፈራጅ ሕዝብ እንዳይጐዳ:
ማን ይሆን ትልቅ ሰው ሃቅን የተረዳ :?:

Image
http://www.cyberethiopia.com/warka5/vie ... hp?t=26693
የጃማ ጦስኝ
ኮትኳች
ኮትኳች
 
Posts: 338
Joined: Sun Sep 02, 2007 12:02 am
Location: ጃማ

ይህማ የዩኬ ኢስተንደርስ ይመስላል

Postby ድርሰት » Thu Jan 29, 2009 3:10 pm

በጣም ነው ደስ የሚለው አይነተኛ የዳያስፖራ ኑሮ የእንግሊአዙ ኢስተንደርስ በአማርኛ ልበለው

የጃማ ጦስኝ ሌላውን ጥሁፍዎን ለማንበብ ጉጉት አሳድሮብኛል
There is always a small beginning for every thing that we should not despise!!!!!!!!!!!
ድርሰት
ኮትኳች
ኮትኳች
 
Posts: 101
Joined: Mon Jan 19, 2004 6:16 pm
Location: united states

PreviousNext

Return to Warka Intimate - ዋርካ ፍቅር

Who is online

Users browsing this forum: No registered users and 9 guests

cron