ይድረስ ለክብረመንግስትና አካባቢው ልጆች!!!

[ባለሱቅ]

ብሩኬ
እረ እንዴት ነው ነገሩ

በፆም የተራበው አይናችን እያየ
አሳውን መጠባበስ ጀመርክ እንዴ
ቅቅቅቅቅቅቅቅቅ
እስኪ ትንሽ ጠብቀን... ፆሙን እንኳን እንፍታ

አንቺ የግል ደሞ... ማንን አስፈቅደሽ ነው መጥበሻውን ያቀበልሽው

ቆይ ባላሳብቅብሽ.... ላባብዬ

ቅቅቅቅቅቅቅቅቅቅቅቅቅቅቅቅቅቅቅቅቅቅቅ

ሰላም ናቹ ዎይ ያገሬ ልጆች
እንዲህ እየጠፋን ለማጋጨት ብቅ እንላለን

እንደገናም

ጎሳ ጎሲቲ ጎስነት
ምነው ጣል ጣል አደረከኝ

እነ-አደቆርሳ ራስብሩ አንፈራራ እንደሆን መሽገዋል.... አባሎ ላይ... በሶሮ

እስኪ አንኳኩተን እንመለሳለን

ቸር ሰንብቱ

[ባለሱቅ]

ሰላም ያገር ልጆች
ዛሬ መቸም ምን ይዞ መጣብን እንደምትሉ እርግጠኛ ነኝ....
አንድ ጓደኛዬ ይህችን ግጥም ፌስ-ቡክ ላይ አስነብቦኝ... ስላስደመመኝ.... ልካፈላቹ ነው የመታሁት
እንደገለፀልኝ ከሆነ... ፀሀፊው እስካሁን አልታወቀም.... የምታውቁት ካላቹ
እጅህ ይባረክ በሉልኝ ባካቹ
በስነፅሁፍ አይን እንጂ በሀይማኖት አይን እናዳታነቡት አደራ እላቹዋለሁ
እንዲህ ይነበባል

ለእግዜር የተላከ ደብዳቤ
(ስሙ ለጊዜው ካልታወቀ ገጣሚ)

እንደምነህ እግዜር
ሰማይ ቤት እንዴት ነው
እመጣለሁ ብለህ ቆየህሳ ምነው ........?

እኛማ.....
ለእልፍ አላፍ አለቃ
ማመልከቻ ፅፈን
ለወፈ ሰማይ ህዝብ
መድረክ ላይ ለፍፈን
ፆለት ቤታችንን
እኛው ላይ ቆልፈን
የምድር አተካራ
ህግጋቱን አልፈን ደብዳቤ ላክንልህ ...........

አይንህን ካየነው
ሁለት ሽ ዘመን
እንደቀልድ አለፈ
የመምጣትህ ተስፋ እየኮሰመነ
መቅረትህ ገዘፈ....

እንደውም እንደውም.....
‹‹በእመጣለሁ ተስፋ
ሁለት ሽ ዘመን
ቀጥሮን ከጠፋ
በቀጠሮው ሰአት
መምጣት ከተሳነው
እግዜር አበሻ ነው ›› እያሉ ያሙሃል

እኔ ምን አውቃለሁ ....
አመስግነው ሲሉ እልልታ የማቀልጥ
ቃሉን ስማ ሲሉኝ .....ሰባኪው እግር ስር በደስታ እምቀመጥ
እግዚ...ኦ በሉ ሲባል ....እንባየን የማፈስ
ሃሌ ሉያ ሲሉኝ .....በሳቅ ልቤ እሚፈርስ
ምናምኒት እውቀት ውስጤ ያልፀደቀ
እንበረከክበት ጉልበቴ ያለቀ
እኔ ምን አውቃለሁ......

ግን አንተ ደህና ነህ .......?
ከምር እንደሚያሙት ምፅአት ቀረ እንዴ ?
የሰናፍጭ ቅንጣት ታክል ጥርጣሬ አትከፋም አንዳንዴ ..... !

ከሆነስ ሆነና ሰማይ ቤት እንዴት ነው
አብረሃም ሰላም ነው ...
እዛስ ቤት ገነባ ዛሬም በድንኳን ነው ?

እኛማ ይሄውልህ.....
በቤት ኪራይ ችንካር እየተሰቀልን
‹‹ኤሎሄ›› እንላለን ጎጆ እንድጥልልን .......
ወደላይ ገነባን ወደጎን አሰፋን
ወደላይም ከላይ ወደጎንም ከጎን

እንደጉድ ተገፋን
ቤት ለእንግዳ ማለት ጭራሹኑ ጠፋን !!



አባታችን ሙሴ እነዴት ነው ለክብሩ
ውቂያኖስ መክፈያው ደህናናት ብትሩ?

እኛማ ይሄውልህ ....
እንጀራ ፍለጋ ባህር ስናቋርጥ
የተስፋዋን ምድር አሸዋ ሳንረግጥ
የትም ውሃ በላን የትም አሳ ላሰን
ን ገ ር ል ን ና ብትሩን ያውሰን .......

እናልህ እግዜር ሆይ ....
ከተስፋዋ ምድር ወደሌላ ተስፋ አለን እየኳተን
መሄጃው ሲገርመን መመለሻ መንገድ መቆሚያ ቦታ አጥተን ......!

ላባታችን ሙሴ እንደምትልልን ....
‹‹የመሄድ ዘመን ነው
ባህር የመሻገር
‹‹ ዱላህን ላክልን ›› ብሎሃል በልልኝ.....

ሰማይ ቤት እንዴት ነው ....ዳዊትስ ደህና ነው .....
ዛሬም ይዘምራል ...ዛሬም ይፎክራል ?
ሰላም ነው ጠጠሩ .... ሰላም ናት ወንጭፉ
እዛስ አቅል ገዛ ጎሊያድ ተራራው ጎሊያድ ግዙፉ......

እልፍ አላፍ ጎሊያድ ከቦን ሲደነፋ
ወንጭፉን ጠቅልሎ ምነው ዳዊት ጠፋ ?
ብሎሃል በልልኝ!!

ለረከሰ ጠጠር ለሞላ ወርዋሪ
‹‹ወንጭፍህን ስጠው ለዚህ ታሪክ አውሪ››
ብለህ እዘዝልን .........!!

እንዴት ነህ ጌታ ሆይ .... ሰማይ ቤት እንዴት ነው ....

የሙሴ አልጋ ወራሽ እያሱ ሰላም ነው .....
ያቆማትን ፀሃይ ግቢ ቢላት ምነው...
ያው እንደምታውቀው
አስራ ሶስት ወራት ነው ፀሃይ የምንሞቀው ......
ኧረ ፀሃይ በዛ
ኧረ ፀሃይ በዛ
ኧረ ፀሃይ በዛ
የመጣው ወር ሀሉ ፀሃይ እያዘለ
የተሸመው ሁሉ ‹ ፀሃይ ነኝ › እያለ
የአስራ ሶስት ወር የግዜር ፀሃይ
የአስራ ሶስት ወር የሰው ጀምበር
ባቃጠላት ምድጃ አገር
ምን ታምር ሊኖር ይችላል ፀሃይ ሁኖ እንደመፈጠር ........

ኧረ እግዜር በናትህ ....
ኧረ እግዜር በናትህ ...በጭንቅ አማላጇ
ባዘለህ ጀርባዋ ባቀፉህ እጆቿ
ወይ ዝናብ ላክልን ወይ ዝናብ ሁነህ ና
ሙቀት ገደለና.......!

እናል.....ህ እግዜር ሆይ ማጣፊያው አጥሮናል
ስም ያለው ሞኝ ነው ሁሉም ይጠራናል ....
ጳውሎስ ሲሉን ...አቤት
ጴጥሮስ ሲሉን ...ወይየ
ይሁዳ ሲሉንም አቤት እንላለን
ስማችንን ሸጠን ...ሰላሳ ጭብጨባ እንቀበላለን

ተወው የኛን ነገር ...ሰማይ ቤት እንዴት ነው ....
ሂዋንስ ደህና ናት .....?
ያው የልጅ ልጆቿ
በእግሯ ተተክተው
የፍሬው ሲገርምህ
ግንዱንም አንክተው
ለፍጥረተ አዳም
ባይኑ ያገምጡታል
ሰይጣንም ደህና ነው
ኑሮ ተስማምቶታል ........
ሰውን ለማሳሳት
ላይ ታች ማለት ትቷል
ሳይጠራው የሚጎርፍ ህዝብ በዝቶለታል ...... !!
ኧረ እግዜር በናትህ በጭንቅ አማላጇ
ባዘለህ ጀርባዋ ባቀፉህ እጆቿ
ወይ ዝናብ ላክልን ወይ ዝናብ ሁነህ ና
ሙቀት ገደለና!!

[ባለሱቅ]

ጂግሳ እንደፃፈው

ደስስ ስላለኝ ሳላስፈቅደው ነው እዚህ የምለጥፈው
መፃፍ ቢያቅተን መለጠፍ አያቅተን

እንኳን ለአዲስ አመት በሰላም አደረሳቹ

ቡሄ በመጣ ቁጥር ያንን ሽማግሌ ለምን እንድምናበሳጫቸው ዛሬም አላውቅም!
ተክሌ ወለላው (የአባታቸውን ስም ዛሬም አላውቅም እሳቸው ማታ ሞቅ ብሎአቸው ሲመጡ ተክሌ ወለላው ዘራፍ እያሉ ስለሚፎክሩ ሰዉ ሁሉ ተክሌ ወለላው ብሎ ነው የሚጠራቸው) ማታ ማታ መጠጣቸውን ወስደው በኛ በር ላይ ሲያልፉ ዋን ቱ ትሪ ኢ ኢንግሊሽ …. ዘራፍ ተክሌ ወለላው ማለታቸው አይቀርም፡፡
ታዲያ ቡሔ ሊመጣ 1 ሳምንት አካባቢ ሲቀረው ሁላችንም ስራ ተከፋፍለን እንሄዳለን. ባላ የሚቆርጥ፣ ማገር የሚቆርጥ ርብራብ የሚቆርጥ፤ እንዲሁም ለጣራ ክዳን ሳር የሚያጭድ፡፡ ሁሉም በየፊናው ይሰማራል፡፡ እንጨቱ ሳሩ ተሰብስቦ በተመረጠው ቦታ የጎጆው ስራ ይጀመራል ፡፡ ከዚያም ከቡሄ ዋዜማ ጀምሮ አዳራችን በሰራናት ጎጆ ውስጥ ይሆናል፡፡
ይጨፈራል ፡፡ ይዘፈናል፡፡ ታዲያ እኩል ሌሊት እንነሳና ዘመቻ ወጥተን በጨረቃ ሄደን የቻልነውን ያህል በቆሎ እሸት ዘርፈን እንመለሳለን፡፡ ከዚያ እስኪያልቅ ድረስ ይበላል፡፡ ሆዳችንን ሲያመን እንተወዋለን፡፡ የሚገርም ግን በየአመቱ ዝርፊያው የሚካሄደው ግን ከዚህ ምስኪኑ ሽማግሌ ማሳ ላይ ነው፡፡
አቤቱ ጌታ ሆይ ይቅር በለኝ! ኪርያላይሶን 41 ጊዜ….

ሽማግሌው እያለ የሚያማቸው ሰው የኔ አባት ነበሩ
ለካስ አባቴን ያከሰራቹት እናንተ ናቹ
ህምምምምምምምምምምምምም

[የጃማ ጦስኝ]

ሰላም ለዚህ ቤት እንደምን አላችሁ መልካም አዲስ አመት ለማለት ብቅ ብል አያልቅበት ባለ ሱቅ ለእግዜር የተላከውን ደብዳቤ ከመንገድ ጠልፎት አየሁ::ለመሆኑ ይህን የከበረ ደብዳቤ እንዴት በአደራ መልእክት ሳይላክ ቀረ? አይ ባለሱቅ
እስኪ ወደ ቤቴ እናንተም ብቅ በሉ::
ayalneshamedie.com
የጃማ ጦስኝ

[ባለሱቅ]

የጃማ ጦስኝኝኝኝኝ
አንቺ ባለ-ቆንጆ ስም... እንደምን አለሽ ባያሌው

ባለፈው የጃማ ጦስኝ ፍለጋ ወደ-ሰሜን ብሄድ ብሄድ ብሄድ.. ያገኘሁት
የደብረ-ሲናን ጦስኝ ብቻ
እረ ወዴት ነው ምትገኚው በፈጠረሽ

ሀገሯ ማዶ
ማን ያምጣት ማልዶ
ሀገሯ ከዳር
ልቤ ከሷ ጋር

አለ ዘፋኙ ፈልጎ ያጣትን ያገሩን ልጅ ሲጣራ
................................//.........................

እረ ለመሆኑ አዲስ ሆም-ፔጅ አበጀሸ እንዴ
እስኪ አይልሻለሁ
ካማረኝ ደጋግማለሁ
ካላማረኝ ደሞ.... ሌላ ጦስኝ ፍለጋ
እልምምምምምምምምምምም ወደ-ሰሜ ሸዋ

ሰላም ቆዪኝ አቦ


ቅቅቅቅ መልክቴን ከፃፍኩ በኃላ ቤትሽን አየሁልሽ
ምንም አስተያየት መስጠት አላስቻለኝም
ምክንያቱም.... ቤትሽ ኅይማኖተኛ ነው
እኔ ደሞ ኃይማኖት አልወድም
ጲርርርርርርርርርርርርርርርርርርር
ተላለፍን

እርግጠና ነኝ እነ-እንትና ቤትሽን ይወዱልሻል
ይመስገነው ማለት ነው
ማሞ ቢከዳሽ ለማ አለልሽ
አይደል ጃማ ጦስኝ

[የጃማ ጦስኝ]

ባለ ሱቅ በጣም ነው በሳቅ የገደልከኝ:: ከምር::
ለመሆኑ ከመቸ ወዲህ ነው ከአላህ የተጣላኸው?
ያላህ ወዳጅ ከቤቴ ይርቃል ብዬ አላማህም ደጋግመህ ብቅ በል:: እባክህ ለቅርንፉድዬም ንገርልኝ በጣም ጠፍታብኛለች::
አንፈራራም የት እንደምፈልገው ግራ ገብቶኛል::
አክባሪ እህታችሁ
የጃማ ጦስኝ

[ባለሱቅ]

ጃሚቲ
አንፈራራን እዚህ ታገኚዋለሽ
http://ethiopiaforums.com/ethioforum/viewtopic.php?f=38&t=2390&start=224#.Ukvel8eCjmQ
ይቅናሽ የኔ ቆንጆ
ተባረ[/url]

[ባለሱቅ]

ዋርካ ናፈቀኝ

በሰላም ነው ይሁን

ህምምምምም

[እንሰት]

ዋርካ ናፈቀኝ

በሰላም ነው ይሁን

ህምምምምም

ባለሱቅ ነፍስህ አለ? ዋርካ እንዲህ በቀላል ይገባል መሰለህ እንዴ...

[Gosa]

እኔን ደግሞ ባለሱቅ ናፈቀኝ:: በተለይ ዛሬ ይህንን ጽሁፍ ካየሁ በኋላ እንዴት ባለሱቅን አስታወሰኝ መሰላችሁ! የሱን ጽሁፍ ያነበብኩ ስለመሰለኝ በሩጫ ይዤው መጣሁ::

" የ#ET702 ከአዲስ አበባ ሮም-ሚላን ጎዞዬ ካለፈ በኋላ እንደዋዛ ሲነገር ይህን ይመስል ነበር፡፡

እንዴት ናችሁ ጓደኞቼ?አንዳንዶቻችሁ ትንሽ ስለሁኔታው እንዳብራራላችሁ በጠየቃችሁኝ መሰረት የአቅሜን እንዲህ አሰናዳሁት። ችለዉና በርትተው ለሚፈጠሩ ኣንዳንድ የፊደላት እና የቃላት ጉድፈቶች ይቅርታዬ ይቅደም።

እንዲህ ጀመርኩት………

ከዚህ በፊት በአጋጣሚ አርፍዶ በመምጣት የሚከሰተዉን እንግልት ስለማዉቀው ሲጠጋጋ በተባልኩት ጊዜ ነበር በቦታው የተገኘሁት ከምሽቱ 4 ሰኣት አከባቢ ማለት ነው. . . . .የጉምሩክን፣የአየር መንገዱን መስፈርት መለኪያ፣የኢምግሬሽኑንም. . . . ሌሎችንም ምርመራዎች ጨርሼ ወደ መጨረሻው ምዕራፍ የደረስኩት ፕሌኑ ይነሳል ከተባለበት ሰዓት 50 ያህል ደቂቃዎችን ቀደም ብዬ ነበር፡፡

. . . . . .በመሃል በመሃል ስልክ ሳወራም ነበር. . . . . (ለምን ይዋሻል?). . . . ቤተሰብ፣ዘመድ፣ጓደኛ(ሙሌ፣ አሼ፣መንጌ፣ ዶ\ር አንዳርገው . . . . .ሌሎችንም). . ዉይ!እኔን ሞት ይርሳኝ! (ለነገሩ ለጊዜውም ቢሆን ቢረሳኝም ኣይደል !) ሆሆሆ!የሆሆሆነን ሰው በጣምም በተደጋጋሚም ሳወራ ነበር( (መቼም ‘ማነው?’ ብላችሁ ኣትጠይቁኝም ኣይደል?. . . .ብትጠይቁኝም ይነገራቹሃላ!ብርቃችሁ ነው?). . . . . .

ይልቅ ወደ ፕሌን ዉስጥ መግቢያ ሰዓት ደረሰና ወደ ውስጥ ዘለቅን። ለዚህ ስራ በተመደበች ሆስተስ መሪነት ቦታዬን ከሩቅ ኣየሁት. . . . . . በሁለት በእድሜ የገፉ ነጭ የቆዳ ቀለም ካላቸው ሰዎች መሃል. . . . . (በዚህ ጊዜ ፊቴን ብታዩት. . . .ቀን ላይ ረጅም መንገድ (ከሀዋሳ አዲስ አበባ) መንገድ ተጉዤ ስለነበር ባስ ውስጥ ከጎኔ ተቀምጠው የነበሩት ጠና ያሉ ሰዉ ነበሩ ወዲያው በዐዕምሮዬ ከች ያሉት. . . . እውነት ግን ሙዳቸው አልተመቸኝም ነበር።እና……አሁን ደግሞ ከቀኑ ሻ. . . ል ማለቱ ነው መሰል በሁለቱም ጎኔ።’ይሁና. . . .!’ ኣልኩና በዉስጤ ጠጋ ብዬ ከላይ ሻንጣ ማስቀመጫዉን ስከፍት በግራ በኩል የነበሩት በፊታቸው ፈገግታ ተሞልተው ብድግም ሻንጣዉን እንዴት ባስቀምጥ የላፕቶፕ ቦርሳም ኣብሬ ማስቀምጥ እንደምችል ነገሩኝ (በጣሊያንኛ መሆኑ ነው). . . . እኔም ፈገግ እያልኩ ምላሽ ሰጠሁ (Grazie!) አልኩኝ. . .’አመሰግናለሁ’ ማለት ነው።

ቆመው አሳልፈውኝ ቦታዬ ላይ ቁጭ ካልኩ በኃላ ወደ እኔ ዞረው ማዉራት መጫወት በሚፈልግ ዐይን ሲያዩኝ…..ፈገግ ስልላቸው ‘ዲ ዶቬ ሴይ?’ አሉኝ።።(‘ከየት ሀገር ነህ?’ ማለት ነው ኢትዮጵያዊ እንደሆንኩ ነገርኳቸው “ዱ ዩ ስፒክ ኢንግሊሽ?” ሲሉኝ አወንታየን በቋንቋው መለስኩላቸው ።መጀምሪያም የማዉቃትን የማዉቃትን ስለጠየቁኝ ነው እንጂ ጣልያንኛዉን ብዙም ኣይደለሁም።በእንግሊዝኛው ቀጠልን. . . . ሰማቸው ሪካርዶ እንደሚባል፣ጣልያናዊ. . . ዕድሜኣቸው 85…ከዚህ በፊት ወደ ኢትዮጵያ ሁለቴ እንደመጡ . . . በመጀመሪያው ወደ ሰሜን፣ሰሜን ምስራቅ እና ሰሜን ምዕራብ ያሉትን የቱሪስት መዳረሻዎችን ሁሉ እንዳዳረሷቸው . .. .በሁለተኛው ደግሞ ወደ ደቡብ እና ደቡብ ምዕራብ ኢትዮጵያ እንደጎበኙ ነገሩኝ።(በመሃል ፡ ‘ፒኣቼሬ’(‘ስላገኘውህ ደስ ብሎኛል’እንደማለት ነው) ብለው እጃቸዉን ዘርግተውልኝ እኔም አጸፋውን መልሼላቸዋለሁ በስርዓቱ፡፡

ኢትዮጵያን እንደወደዷትና አስካሁን ካዯቸው ሃገራት እንደምትለይ ኣከሉልኝ. . . ኣሁን ግን ከቡሩንዲ እና ታንዛንያ እየመጡ አንደሆነም እንዲሁ።እኔም ያለችኝን እያወራሁ የ ሀዋሳ ልጅ እንደሆንኩ ስነግራቸው “ሶ…ሶ…ቢውቲፉል” አሉኝ. . .ተመልሰው እንደሚመጡም አወሩኝ. . . . እንዲያ እንዲያ እያልን ፕሌኑ የሚነሳበት ሰዓት ደረሰ. . . የስልክ ቀፎዬ ሰዓት እንደሚያሳየው ከሆነ 7 ደቂቃዎችን ያህል ዘግይቶ ነበር::

አውሮፕላኑ ተነሳ።በረራው ተጀመረ አ…..ሉ።ኣማተብኩና 3 ጊዜ ጸጋን የተሞላሽ. . . . ።በሰላም እንደጀመርን በሰላም እንድናርፍ እርዳን ብዬ ከኪሴ ኣዉጥቼው የነበረዉን መቁጠርያ መለስኩ። ቀን ላይ ጸሃዩም መንገዱም ኣድክሞኝ ስለነበር ሃሳቤ ሁሉ ስለመተኛት ነበር።ከደቂቃዎች በኃላ ኣጠገቤ የነበሩትም ስዎች ለመተኛት ሲዘገጃጁ እኔም ለምን ይቅርብኝ ብየ የጫማዎቼን ማሰርያ በማላላት. . . . ወንበሩን ትንሽ ወደ ኃላ ዘንበል በማድረግ. . . የተሰጠኝን ፎጣ ልብ. . .ስ አደረኩና ላሽሽሽሽ።

በግምት ከ 1 ሰዐት በኃላ የሱዳን አየር ክልል ውስጥ ይሆናል ብዬ እገምታለሁ. . . መብራት ሲበራ የምግብ ሰዓት መሆኑን ነቄ ኣልኩና አኔም ከእንቅልፌ ነቃሁ።የኢትዮጵያ አየር መንገድ በሰርቪስ ኣሪፍ ነው. . . ተሸላሚም ኣይደል።ምግባችዉም ኣሪፍ ነው።ሌላዋ በሌሎች አየር መንገዶች(ካየኃቸው) ያላየኃት ቀይ ዋይን አለች።።ከእንቅልፌም ስነቃ ሳስብ የነበረው ከምግብ በኃላ ቲኒሽዋን ዉስድ አድርጌ ተመልሼ የምተኛውን ጥሩ እንቅልፍ።

ወደ ፊት ኣሻግሬ ሳይ ሆስተሶቹ እያስተናገዱ ከእኔ ፊት 4ኛ ይሁን 5ኛ መደዳ ደርሰዋል።ሁሉም ተዘገጃጅቶ እየተጠባበቀ ይታያል።በዚህ መሃል የፕሌኑ ፍጥነት ሲጨምር ይታወቀኛል. . .ከፍታዉም ሲጨምር በጆሮዬ ላይ በሚሰማኝ ስሜት አስተዋልኩ።ሰው መረበሽ ጀመረ።የነበርነው ኢኮኖሚ ክላስ ስለነበር ከፊት ምን ኢየተካሄደ እንደነበር አላየንም።ለነገሩ ከፊት የነበሩት የቢዝነስ ክላሶችም ብዙም የተለየ ኢንፎ ኣልነበራቸዉም።ፓይለቱ እና ሆስተሶቹ ጉዳዩን አፍንው ይዘዉት ነበር።ከዛ……ተጀመረኣ!።

በመጀመርያ አውሮፕላኑ ወደ ላይ ወጣ ኣላልኳችሁም?።አሁን ደግሞ ድንገት ዘጭ አለ. . . ልክ ከአየር ላይ የሆነ ክብደት ያለው ነገር ሲወድቅ እንደሚሆነው ማለት ነው።በጣ….ም ነው የሚወርደው።ሰዉ ተደናገጠ።አንዳች ችግር እንዳጋጠመ ማጉረምረም ጀመረ።ሁሉም የየራሱን መላምት ይሰጥ ጀመች።እኔ በበኩሌ ምናልባት ያልተጠበቀ የአየር ንብረት ለዉጥ ይሆናል ብየ አሰብኩ።

ኣሁንም በጣም ወደ ላይ ከፍ አለ. . .የሆነ ድምጽ ተሰማ።የረዳት አብራሪው ድምጽ ነበር።”ሲት ዳውን!” “ሲት ዳውን!”). . . በተደጋጋሚ ይላል።አሁንም ከፍታው እየጨመረ ነው።ከመቅጽበት የ ኦክስጂን መሳቢያ ጭንብሎች ከ ፕሌኑ ጣሪያ ወረዱ። ‘የኦክስጂን መሳቢያ ጭንብሉን ኣጥልቁት’ ይላል በእንግሊዝኛ “ፑት ኦን ዘ ኦክስጂን ማስክ . . .አይ ዊል ጊቭ ዩ ሞር ኦክስጂን” ሲል ድጋሚ ወደታች ወረደ።ይኼኛው ይብሳል. . . ሰው ኦክስጂኑን ለማጥለቅ ግብግብ።ሆስተሶቹም መስተንግዶዉን ላሽ ብለው ወደ ቦታቸው ሄደው ጭንብላቸዉን ጥልቅ (ይሞታሉ ታዲያ?.....)አሁን ሰዉም መጮህ ጀመረ።የሚጸልይም መጸለይ…..እኔም የበኩሌን ልወጣ ብዬ ቅድም ከኪሴ ያኖርኳትን መቁጠርያ አውጥቼ…..አቡነ ዘ ሰማያት፣ ……ጸጋን የተሞላሽ፣.. .. …የሱስ ማርያም ዮሴፍ ልቤን ነፍሴን ህይወቴን ሰጣችኃለዉ፣…..በሞቴ፣….. ብቻ ምን ልበላችሁ? …..ጸሎት ሁሉ ከየ ኣቅጣጫው…….የራሴን ጭንብል ካጠለኩ በኃላ ከጎኔ የነበሩት ሰዎችም ኣጥብቄ አሰርኩላቸው።

በዚህ መሃል ምን ቢሆን ጥሩ ነው? በአማርኛ ”ዛሬ አምላክ ብቻ ነው የሚያድናችሁ” ሲል አልሰማሁትም?።ከዛ ከ ጥቂት ሲት ዳዉኖች በኃላ የምት ሰማዋም ድምጽ እየተቆራረጠች እየተቆራረጠች ጠፋች።ምን ይዋጠን? ጭንቀት. . . .የሞት ሽታ. . . ከየአቅጣጫው የጩኸት.. . . የጣር….የጸሎት ድምጽ ይሰማል።በጣም የገረመኝ እኚህ ቅድም አንኳን 85 ዓመታቸው ነው ያልኳችሁ አዛዉንት ሃባ አልደነገጡም።(ለነገሩ ለምን ይደንግጡ?።85 ዐመታት…..ሆ! ብታዩዋቸው አይመስሉም።አሁንም ጠንካራ ናቸው።ከዛ ምን ቢሉኝ ጥሩ ነው?።”ፈራህ ወይ?”። ወይ ጉድ! ምን ልበል?።’ኣዎን ፈርቻለሁ?’።አልልም።የነ አሉላ አባነጋ፣ የነ በላይ ዘለቀ ልጅ……የነ ካዎ ጦና የነ ተክሉ ዮታ ልጅ።እንዴት ፈራሁ ልበል?።ለዛዉም ለጣልያናዊ።ሄ ሄ ሄ ሄ!....

”አልፈራሁም አልኳቸዋ!”።የታባቱ!።አንድ ነገር ረሳሁ።የ አድዋው ላይ ኣይኖሩም።ለነገሩ ቢኖሩም ከጦርነቱ አያልፉም። ምናልባት የማይጨው ላይ።ምስኪኑ ህዝባችን ላይ አሲድ ሲደፋ ነበሩበት ይሆን?።እቃ አቀብለዉስ ቢሆን?።ሰልፍ ተቀላቅለው ደግፈዉትስ ቢሆን?።።አረ.. ይቅር።ከመጀመሪያው ኢትዮጵያን እንደሚወዱና እኔ ሃገር ቤት ሆኜ ያላየኃቸውን ቦታዎች እንዳዩ ሲነግሩኝ ይሄን ሀሳብ መተው ነበረብኝ። እና…እኔ ከነበርኩበት መደዳ ሶስተኛ መስመር ወደፊት በግራየ በኩል ሁለት ኢትዮጵያዊያን ነበሩ።ጠና ያሉ አለብበሳቸው ለዬት ያለ።በሁኃላ ላይ ስንተዋወቅ ኦኦኦኦኦ..ቴ…..!
አንደኛው በሀገረ ኢትዮጵያ የአንድ ስሙን መጥቀስ የማልፈልገው ገዘፍ ያለ የዉሃ ማምረቻ ኩባንያ ባለቤት ነበሩ።ሌላኛዉም ነዋሪነታቸውን በሀገረ እንግሊዝ ያደረጉ፣ጠና ያሉ ረጋ ያለ አንደበት ያላቸዉ።እሳቸውም ቢዝነስ ማን ናቸው።ድምጻቸው ይሰማኝ ነበር።በተላይ የመጀመሪያው።ደጋግሞ “ጌታ ሆይ” ሲል ሰማው ነበር።ያው የሌላዉንም ጸሎት እኮ ሰምቻለሁ።ለምሳሌ ከፈትለፊቴ በስተቀኝ በኩል የሆኑ ሴትዮ “ኦ ሲኞሬ ጀሱ”(ጌታ ኢየሱስ ሆይ)።ደጋግማ ትል ነበር።ቀጥላም “ፕሬግያሞ ቱቲ”(ሁላችንም እንጸልይ)።ትል ነበር።

በስተቀኜ መተላለፊያዉን አለፍ ብላ የነበረች አንዲት ጣሊያናዊ ወጣት ‘አውሮፕላኑ የቴክኒክ ችግር ገጥሞት ነው’ አለች።ወሬው ተናፈሰ።በዚህ ጊዜ ስንት ነገር አሰብኩ።ግንባሬንና ጉንጮቼን አገላብጣ ስማኝ ኪዳነ ምህረት ትደግፍህ ብላ ጸልያልኝ የሸኘችኝ እናቴን. . . . ግንባሬን ዐይኖቼን አፍንጫዬን ከዛም ከናፍሮቼን በስሱ ሳም አድርጋ በስስትና በእንባ፣በአትሂድብኝ አይነት አስተያየት እያየችኝ በአንደበቷ በሰላም ደርሰህ ተመለስልኝ ብላ የሸኘችኝ እጮኛዬን…..ወንድሞቼን፣እህቴን፣ የወንድሞቼን ባለቤቶች፣ልጆቻቸውን፣ አክስቶቼን፣ ጓደኞቼን……ሆ ሆ ሆ ኧረ ስንቱን አሰብኩት….. ከሀዘናቸው ላጽናናቸው ብመጣ ለቤተሰቤ ሌላ ሀዘን ልፍጠር?.... በቃ ልሞት ነው?።መልሼ ደግሞ እንዴት ሆኖ?።በፍጹም አልሞትም።ያስጀመረኝን ሳያስጨርሰኝ አይወስደኝም እልና….ሳላዉቅ ያቋረጥኩትን ጸሎቴን መቀጠል።ጠባቂየ የሆንክ የእግዚኣብሔር መልዓክ ሆይ………ብቻ ዉዝግብግብ አልኩኝ።

በዚህ መሃል ነበር ሶስተኛው ወደ ታች መውረድ የተከሰተው።በዚህኛው ጊዜ ትንሽ ወደጎንም እንደመንገጫገጭ ብሎ ነበር።።እስካሁን የታየ አንድም ሆስተስ አልነበረም።እነሱም የኦክስጂን ጭምብሉን ኣጥልቀው ነበራ!....ኣሁን ትንሽ ረገብ አለ።እንግዲህ ያ ከፍታ መጨመርም ሆነ ድንገት ዝቅ ማለት….ዋናው አብራሪ ወደ መጸዳጃ ቤት ደርሰው ሲመለሱ የፕሌኑን ጋቢና(በራሴ ቋንቋ) የውጥ በር ተቆልፎ ሲያገኙት ለመክፈት አልያም ለመስበር ሲያደርጉ የነበረዉን ሙከራ እንዲያቆሙ ማስፈራርያ መሆኑ ነበር።

እንዲያዉም አንዳንድ በቢዝነስ ክላስ የነበሩ በኃላ ላይ ሲያወሩ የረዳት ፓይለቱ ድምጽ ሲቆራረጥ እኛ ያልሰማናቸው ከረዳት ፓይለቱ ጋር የቃላት ልውውጦችም ነበሩ።ጥቂት የማስፈራርያ የአማርኛ ቃላት ይሰሙ ነበር ብለዋል።ልብ በሉ, የኦክስጂን መሳቢያ ጭምብሉ አሁንም በአፍና በ አፍንጫችን ላይ ነው።አንዳንድ ሰዎች ከአፋቸው ላይ ሲያነሱት አየሁና እኔም አነሳሁ።ለነገሩ ሆስተሶቹም ከፊትለፊት ራቅ ብለው መታየት ጀመሩ።አሁን ሁኔታዎች የተረጋጉ ይመስላሉ።ግን ምንም ድምጽ ኣልነበረም።ሰውን ለማረጋጋት ምንም የተደረገ ነገርም አልነበረም።የተላለፈ መልዕክትም እንዲሁ።ተሳፋሪው የየራሱን መላምት ያስቀምጣል።ግን አንድም ሰው ፕሌኑ መጠለፉን ያወቀ አልነበረም።ብቻ ዋናው መረጋጋቱ ነው የተፈለገው።የሚተኛም ተኛ።ሆስተሶቹ አይታዩም ነበር።ምግባችንም ቀረች።እኔም ትኝት አልኩዋ!።የታባቱ!...............ይቀጥላል….

ክፍል ሁለት ይቀጥላል"

አቦ ዋርካችንም ይቀጥል መሰለኝ:: ሰላም ብያለሁ::

https://www.facebook.com/DireTubeFans/p ... 6554506957

[ባለሱቅ]

ዋውውውውውውውውውውው ጎሲቲ ጎሲና ጎሲዬ
እንደምን አለህ በናትህ
በጣምምም ተጠፋፋን አይደል
ለነገሩ እኔም ጠፍቻለሁ እኮ.... ሲያቀብጠኝ.... ይህንን የኩሊ ስራ መርጬ...

የፃፍከውን አነበብኩት.... ሌላ ቦታም ያየሁት መሰለኝ.... አድማስ ጋዜጣ ላይ ይሁን
እኤኒዌይ.... የልጁ አፃፃፍ እኔን ከመሰለብህ.... ምናልባት እኔው ሳልሆን አልቀርምና... አይዞህ... አልተሳሳትክም

ይልቅዬ ይሄ ዋርካ ይቀጥል ባልከው ላይ ድጋፍ አለኝ
ምን ትላለህ?

[ባለሱቅ]

ለእንሰት

እንሰት ወንድሜ በፕራይቬት መልክት እንደላክልኝ ዋርካ ነገረኝ
ነገር ግን ከፍቼ ማንበብ አልቻልኩም

ምን ገጥሞህ ይሆን

እዚህ ፔጅ ላይ የማይፃፍ ሚስጢር ገጠመህ እንዴ?

ወይስ ስለጠፋችው ሚስቴ ጥቆማ ምናምን አገኘህ እና እሱን ልትነግረኝ ነው

እስኪ ብቅ ብለህ ሹክ በለኝ

ሆዴን እየበላ እንዳያስቸግረኝ

በተረፈ
ቸር ሰንብት

[እንሰት]

አህለን ወሳህለን;
ሰላምታ ነው የላኩት:: ሴትየዋ እኔም ጋ አልመጣችም ሞፊቲን ሞክር እስኪ

ለእንሰት

እንሰት ወንድሜ በፕራይቬት መልክት እንደላክልኝ ዋርካ ነገረኝ
ነገር ግን ከፍቼ ማንበብ አልቻልኩም

ምን ገጥሞህ ይሆን

እዚህ ፔጅ ላይ የማይፃፍ ሚስጢር ገጠመህ እንዴ?

ወይስ ስለጠፋችው ሚስቴ ጥቆማ ምናምን አገኘህ እና እሱን ልትነግረኝ ነው

እስኪ ብቅ ብለህ ሹክ በለኝ

ሆዴን እየበላ እንዳያስቸግረኝ

በተረፈ
ቸር ሰንብት

[ሞፊቲ]

ሰላም ለዚህ ቤት ይሁን

በጣም ይገርማል ዋርካ ዋርካ ዋርካ
ሙከራ 1 2 3

[ገልብጤ]

ሰላም ክብረ መንግስቶች እንዴት ናቹ