አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው ?

Current political, socio-economic and human rights issues.

Moderators: ዘበኛ ፩, ዘበኛ ፫, ዘበኛ ፪, ዘበኛ ፬

Re: አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው

Postby ቆቁ » Wed Feb 27, 2019 10:32 pm

የተማረው የተማረረው ልሂቅ የፈረንጅ መጽሐፎቹን ከሸመደደ በሁዋላ እዋቂ የሆነ ስለሚመስለው እንካ ሰላምታውን በተማሪዎች የትግል ዘመን መጀመሩ ለሁሉም እውቅ ነው ፡፡
ወደ አማርኛው ጽሁፍ ስንመጣ ደግሞ ሌላው የባሰ ነገር መፈጠሩን ለመናገር ብዙ አያዳግትም
አለቃ ታየ የጻፉት አባ ባህሬይ የጻፉት እየተባለ በተማረው በተማረረው ሊሂቅ አካባቢ ሌላው እንካ ሰላምታ ተጡዋጡፎ የነጻ አውጭ ድርጅቶች እና በብሄር የተደራጁ ፓርቲዎች ማቆጥቆጥ ጀመሩ
ምሁር ይመራመራል እንጂ ይበጣበጣል እንዴ ? ይሄ ችግር ነው ጥራዝ ነጠቅ ልሂቃንን ለመፍጠር ያስቻለው ሁኔታ
ምሁር ለሰብአዊ መብት ይከራከራል እንጂ የሰዎችን መብት ረጋጭ ይሆናል ?
ምሁር ለዲሞክራሲ ይከራከራል እንጂ የዲሞክራሲን መብት አፋኝ ይሆናል ?
ለመሆኑ ሰብአዊ መብት ማለት ምን ማለት ነው የአንድ ብሄር መብት ማለት ይሆን ?
ዲሞክራሲ ማለት ሰብአዊ መብት ማለት ነው እና ይህም ዲሞክራሲ የሚባለው ነገር የአንድ ብሄር ሰብ መብት ማለት ይሆን ?
እንግዲህ የፈረንጁና የአማርኛው የታሪክ መጻህፍት ጥራዝ ነጠቅ የሆነውን ልሂቅ ለመፍጠር እንደቻሉ ለማስረዳት በጣም ቀላል ነው
ጥራዝ ነጠቁ ልሂቅ እንዴት ተፈጠረ ? የሚለው ጥያቄ ሳይኮሎጂካል በመሆኑ ፈላስፋው እዚህ ዓምድ ላይ ማንሳት አይፈልግም
ጥቅማ ጥቅሙ የሚለው ቃል ዲሞክራዊያዊ የሆነ እና ሰብአዊ መብትን ያልደፈረ እና ያልረገጠ እንዳይሆን እንዴት መደረግ ይኖርበታል ለሚለው መፍትሄ ምን ይሆን ?
ብዙ አስተያየቶች በዚህ ጉዳይ ተሰጥተዋል
ፈላስፋውን የማይጥመው አንድ ነገር አለ፡፡
እስከ ዛሬ አዲስ አበባ በማን ጉልበት በማን እውቀት እዚህ ያለችበት ደረጃ ደረሰች የሚለው ነው ፡፡
እኔ ፈላስፋው እስከ ዛሬ ድረስ መላው የኢትዮጵያ ልጆች ለዚህች ሐገር ጉልበታቸውን ደማቸውን እውቀታቸውን አፍሰዋል ፡፡
ከገፈርሳ የሚመጣውን የውሃ ቱቦ ለመዘርጋት ፡ መላው የኢትዮጵያ ልጆች ተረባርበዋል
የአዲስ አበባን መንገድ ለመስራት መላው የኢትዮጵያ ልጆች ሁሉም ተረባርበዋል
የመብራት ምሰሶ ለማቆም ጉራጌው ፡ አማራው ትግራዩ ኦሮሞው ሁሉም ተረባርቦአል
ትምህርትቤቱን ለመስራት ሁሉም የኢትዮጵያ ልጆች ተረባርበዋል

ታዲያ ጥቅማ ጥቅሙ የሚለው ቃል እዚህ ምን አመጣው?
ሌላው ደግሞ ወደ አዲስ አበባ ከሁሉም አቅጣጫ የሚገባው የማገዶ ማለትም እንጨትና ቅጠል፡ የቤት መስሪያው ጭድና ሳሩ ሁላ ከየት ይሆን የሚመጣው ?
ቄጤማው አሪቲው በዓሉን የሚያደምቀው ሁላ ከየት ይሆን የሚመጣው
ወደ አዲስ አበባ ከሁሉም አቅጣጫ በየዓመት በዓሉ የሚገባው በሬ በግ ፍየል ዶሮ እንቁላል እረ ስንቱ ከየት ይሆን የሚመጣው ?
በየካ ገበያ ብቻ የበሬና የበግ ንግድ ከመላው ኢትዮጵያ ነው የሚመጣው ማለት ይቻላል ለዛውም ከ ከወሎ ሳይቀር ማለት ይቻላል
መርካቶን እዛው እናስቀምጠው
ለመሆኑ ደሴ ከአዲስ አበባ ስንት ኪሎ ሜትር ይርቃል ? በሬና በግ ይዞ ለመምጣት
ከደሴ እስከ አዲስ አበባ ስንት የተለያዩ የኢትዮጵያ ሕዝቦች ይኖራሉ ይገኛል ?
ይህ ሁላ ሲሆን ፡፡ ይህንን ሁላ ድርጊት የአዲስ አበባ ሕዝብ ያለምንም ጥያቄ እምኖ ተቀብሎት ሲኖር ዛሬ እንዴት እንደዚህ ያለ ነገር ድንገት ብልጭ ሊል በቃ የሚለው ጥያቄ ፈላስፋውን ካፈላሰፉት ጉዳዮች ዋነኛው ነው ፡፡

ለመሆኑ የአዲስ አበባ የነዳጅ ጉልበት የሆነው የባህርዛፍ ከየት ነው የሚመጣው? የአዲስ አበባ ተራሮች በባህር ዛፍ ደን የተከለሉ መሆናችውን የማያውቅ ሰው ይኖር ይሆን ?
ለመሆኑ ባህር ዛፍ ከየት መጣ ?
እምዬ ምኒሊክ

አዲስ አበባ ከተቆረቆረች ጀምሮ ለመላው የኢትዮጵያ ልጆች የደም ስር ቢኖር አንድ ነገር ነው ባህርዛፍ ፡፡
1. ከማገዶነቱ አልፎ በመላው የአዲስ አበባ አካባቢ የሚገኙ ቤቶች የተሰሩት በባህርዛፍ ነው
2. ባህርዛፍ የሜንቶል ኮንቴንቱ ለሕክምና ፈረንጆች ሲጠቀሙበት፡ እኛም በወንዛችን በሐገራችን ባህር ዛፍን ቀቅለን እየታጠንን ኢንፍሉዌንዛና ኮመን ኮልድ የመሳሰሉ በሽታዎችን ለመከላከል እንጠቀምበታለን
3. ትክንትክና ጉንዳን ቤታችን ገብቶ ችግር እንዳይፈጥርብን ለመከላከል በባህርዛፍ ሽታ እናስወግደዋለን

ለመሆኑ ከአዲስ አበባ ( ከዛሬው የአድዋ ድልድይ ከጥንቱ የቀበና ድልድይ ጀምሮ ) እስከ አድዋ ድረስ ስንት ኪሎ ሜትር ይሆናል ?
ከአድዋ ድልድይ እስከ አድዋ ድረስ ስንት የተለያዩ የኢትዮጵያ ሕዝቦች ይኖራሉ ?
አንድነታችንና ልዩነታችን ለዘላለም ይኖራል
ፈላስፋው
ቆቁ
ዋና አለቃ
ዋና አለቃ
 
Posts: 4025
Joined: Sun Sep 21, 2003 9:57 am
Location: united states

Re: አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው

Postby ጆጆ » Thu Feb 28, 2019 5:44 pm

thank you felasfaw
now again we approach in the same level which is good .we talk about now Addis.the capital city of Ethiopia and beyond that Africa centre.this city was in the SHEWA kefele hager .shewa most residence ware mixed and still mixed most probably Amehara is more in number .when we drive in all direction most densely populated area belong to mixed people like Gurage ,welayta ,like kembata oromo and amhara .Shewa was this . now WEYANE he divided shewa in two three oromo amahra beher beherseboch .and center amhara behirdar oromo adama beherbehroch hawassa .and yet at the beginig addis remain as region (14 kilele )before and stay as capital city of Ethiopia . latter in 1997 ec under the state government inside oromo region and latter now before he left to mekele one year or two year ago Addis belong to direct under oromo region even as the capital city of them called as finfine .this very complicated disease system of MELESE ZENAWI .bring this consequence.shame on him this bustard boy (sorry to say it though insulting its not my ar) .he do it anxiolytic and purposelessly to give home work as such for our battle now ....the man is Dade .good to know ,.......what we must do now its so easy .we don't quarrel for interrogation. ADDIS BOYS we should unite and make organization it is important this days this organization is nothing but in order for presentation to protecting the city to remain as whole to belong of Ethiopians. as free of the any administration of regions. means Addis stand as example of city Berlin city Hamburg like city pairs like city New york even for that matter cap town .this means ADDIS back to the origin.and we all have peace .for development of Addis are concerned all region (kilel )if there is a good fortune to became from Addis all region can participate it . the city Mayer can be for that matter from any region who batter know Addis and of course with the election of the city duellers. i hope with break news we understand more now .take care .peace.
ጆጆ
ኮትኳች
ኮትኳች
 
Posts: 152
Joined: Mon Oct 06, 2003 2:19 am

Re: አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው

Postby ቆቁ » Fri Mar 01, 2019 6:52 pm

መልካም ጆጆ

የማንነት ጥያቄ
ብዙ እያጨቃጨቀ የሚገኘው ይህ የማንነት ጥያቄ ነው ፡፡
ነገሩ እያጨቃጨቀ እያወዛገበ መሄዱን የሚያውቁት ጥራዝ ነጠቅ ምሁራን ለነገሩ መፍትሄ ከመፈለግ ይልቅ በቴልቬዥን መስኮት ብቅ እያሉ ችግሩን እያቀጣጠሉት ይገኛሉ ፡፡
በዚህ በማንንት ጥያቄ ከአንዱ የቴለቪዥን መስኮት ወደ ሌላው የቴሎቪዥን መስኮት እየፈለሱ የፈለጉትን ይቀዳሉ ይዘባርቃሉ ፡፡ ወገናቸው
በፍልሰት ከቦታ ቦታ ፡ ከሐገሩ ፡ ከወንዙ ፡ ወዲያና ወዲህ ከነቤተ ሰቡ ከነሕጻናቱ ሲንከራተት እያዩ በቲቪ መስኮት የሚሰጡት አተካራ ትክክል ለመሆኑ ሊያሳምኑን ፡ እውቀታቸው ከዩኒቨርስ አልፎ ሌላኛው ዩኒቨርስ ላይ የደረሰ መሆኑን ሊያስረዱን ይሞክራሉ፡፡
ለመሆኑ ፍልሰተ ኢትዮጵያ እንዴት ተነሳ ?
ምንም አዲስ ምክንያት የለውም የጥራዝ ነጠቆች ልሂቃን ከታህታይ ምስቅልቅል ( ኢንፊሪየር ኮምፕሌክስ ) ለመነሳቱ በቂ ማስረጃዎች አሉ ፡፡
ከታህታይ ምስቅልቅል የተነሳ ፡ረኮግኔሽን ለማግኘት የሚደረገው የሳይኮሎጂካል ችግር ዋናው ምክንያት ለመሆኑ ብዙም መሄድ አያስፈልግም ፡፡

ቀላል ምሳሌ ለመጥቀስ የአዲስ አበባ ልጆች ቁዋንቁዋ ቀላል ምሳሌ ነው ፡፡
ለምሳሌ፡
እናትህን ል... ልህ ቢል አንድ የአዲስ አበባ ልጅ ዘር መርጦ ማንነትን መርጦ ሳይሆን ቁዋንቁዋው በመሆኑ ነው ፡፡
ይህንን እናትህን ል... ልህ የሚሉት ደግሞ ሁሉም የአዲስ አበባ ልጆች ናቸው ፡፡
እዚህ ላይ ነው ችግሩ በዚህ ስድብ የሚያለቅስ አለ በዚህ ስድብ ተናዶ ቦክስ የሚጨብጥ አለ ይህንን ስድብ ሲሰማ መልሶ የሚሳደብ አለ፡፡

ይሄ ችግር ፈላስፋው በቅርብ ጊዜ በተከታተለው የቲቪ የመስኮት ቀደዳ ( የጥራዝ ነጠቆች ልሂቃን ቀደዳ) የአዲስ አባን ልጆች ስድብ እና ድርጊት እንደ ዘረኝነት እንደ ጎጠኝነት ተጠቅሶ በእንድ ግለሰብ መነገሩ አሳዝኖት ነው ይህንን ዓምድ ለመጻፍ የተነሳሳው

አውሮፓውያንና አሜሪካኖች ስድተኖችን እንደት እንደሚከፋፈሉ በተቸገሩበት ወቅት ከዛም አልፎ በፖለቲካው መስክ አምባ ጉዋሮ በፈጠሩበት ወቅት በኢትዮጵያ እንደዚህ ያለ ነገር መነሳቱ ምን ይባላል ? አ
አውሮፓውያን ስደተኖችን ለመከፋፈል ስትራቴጂና ታክቲክ በማውጣት ችግሩን ለማቃለል ሲሞክሩ ጥራዝ ነጠቆች ልሂቃን በለቀቁት ስቱፒድ አስተሳሰብ የሚፈልሰው ኢትዮጵያዊ ከአንዱ የኢትዮጵያ ግዛት ወደ ሌላው የኢትዮጵያ ግዛት ፡ ለመንግስት ልመና በማቅረብ ፡ሐገሬ ኢትዮጵያ ወንዜ ኢትዮጵያ በማለት ነው ፡፡

በአውሮፓና በአሜሪካ የፈለሰው ስደተኛ የመኖሪያ ፈቃድ ከተሰጠው ሲፈልግ ሎንዶን ፡ ሳይፈልግ በርሊን ፡ ሳይፈልግ ባርሲሎና ፡ ሳይፈልግ ፓሪስ ሳይፈልግ ሊስቦን ሳይፈልግ አምስተርዳም ፡ የአሜሪካኑ ሲፈልግ መሪላንድ ሳይፈልግ ዲሲ ሳይፈልግ ሎስአንጀለስ ሳይፈልግ ካሊፎርኒያ ሳይፈልግ ሚኖሶታ ሳይፈልግ ጆርጂያ እያለ ሲኖር ፡ለዛውም በአሜሪካ የሚኖር ኢትዮጵያዊ እንደፈለገው ስራ ፍለጋ በየትኛውም የአሜሪካ ከተሞች ሲምነሸነሽ የአውሮፓው ስደተኛ በአውሮፓ ከተማ ሲምነሸነሽ ፡
አዲስ አበባ የኛ ነች ፡ ያ የኛ ነው ፡ ይሄ የኛ ነው በሚል በጥራዝ ነጠቅ ልሂቃን በተነሳው የሚዘበራረቅ እና እርስ በራሱ የሚቃረን ሐሳብ በዚህ በሰለጠነው ዘመናችን የሰው ልጅ በወንዙ ፡ በሐገሩ መኖሪያ አጥቶ ሲንከራተት መስማቱ እጅግ በጣም የሚያሳዝን ነው ፡፡
እኔ ፈላስፋው በማንነት ጥያቄ ሳይሆን በሰው ልጅነት ጥያቄ ፡ መቀሌ የሁሉም ናት ፡ ባህርዳር የሁሉም ናት ፡አዳማ የሁሉም ናት ፡ደሴ የሁሉም ናት ድሬደዋ የሁሉም ናት ፡የኢትዮጵያ ከተሞች የኢትዮጵያ ልጆች ከተሞች ናቸው ብዬ ነው የምደመድመው ፡፡
ለዚህ የፈላስፋው ድምደማ የዛም ፓርቲ መሪ ሁን የዛም ነጻ አውጭ ድርጅት ሊቀመንበር ሁን ሰባዊ ግዴታ አለብህ ፡፡
የማንነት ጥያቄ ፈላስፋው እንደተከታተለው የሰው ልጆችን መብት የጣሰ መጥፎ የሚባል የጥራዝ ነጠቆች ስቱፒድ አስተሳሰብ ነው
ስለሆነም የኢትዮጵያ ጥራዝ ነጠቅ ልሂቃን በሰብዓዊ መብት ረገጣ ለሕግ መቅረብ ይኖርባቸዋል ፡፡
በማንነት ጥያቄ ድምበር ከተፈጠረ
በማንነት ጥያቄ ሕዝብ ከፈለሰ
በማንነት ጥያቄ ጥይት ከጮኸ
በማንነት ጥያቄ መፈላለጥ ከመጣ
በማንነት ጥያቄ አተካራና እንኪያ ሰላምታ መሰጣጠት ከተጀመረ


ከዚህ በላይ የሰው ልጅ መብት ረገጣ ምን አለ?

የኛ ጥራዝ ነጠቅ ልሂቃን የሰው ልጅ መብት ተረገጠ ሲባሉ ቃሉን በቃል ተርጉመው፡ አንድ ግለሰብ ሌላኛውን ግለሰብ መንገድ ላይ አጋድሞ በእግሩ ካረገጠ ሰብዓዊ መብት መርገጥ ማለት አይደለም ማለታቸው ይሆን ? ከማሳቅ አልፎ ባልማር ይሻለኛል የሚያስብል ነገር ነው ፡፡


ለአድዋ ዘመቻ ዝግጅት ምኒሊክ የኢትዮጵያን ሕዝብ" ወረኢሉ ጠብቀኝ" በማለት ትእዛዝ አስተላልፎ ነበር
ወረኢሉ ወረ ኢሉ ማለት በምን ቁዋንቁዋ ነው ?
ወረ ኢሉ የሚኖሩትና በወረ ኢሉ አካባቢ የሚኖሩት ህዝቦች የትኞቹ የኢትዮጵያ ሕዝቦች ናቸው ?
ፈላስፋው
ቆቁ
ዋና አለቃ
ዋና አለቃ
 
Posts: 4025
Joined: Sun Sep 21, 2003 9:57 am
Location: united states

Re: አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው

Postby ቆቁ » Sun Mar 03, 2019 6:43 pm

ፌዴራሊዝም የጎሳ ፌዴራሊዝም[/u]
ለሐገራችን አይጠቅምም ፡፡ 27 ዓመታት ተመለከትነው አልጠቀመም ፡ አይጠቅምም፡፡
ይህንን መለወጥ መሳሳት አይደለም:: የሚያሳፍርም አይደለም ፡ መሸነፍም አይደለም::
ስለማይጠቅም አና በአንድ ብሄር ውስጥ የሚኖረውን የሌላውን ሕብረተሰብ መብት ረጋጭ ስለሆነ ብቻ ነው የሚለወጠው ፡፡
ይህ ፖለቲካ የጠቀመው ነገር ቢኖር ጽንፈኞችን ብቻ ነው ስለሆነም የማይፈለግ ፖለቲካ ነው በዚህ የፖለቲካ ፊልድ የተደነገገው ሕገ መንግስትም ትክክል ያልሆነ የዜጎችን መብት የሚጥስ ነው ፡፡
የዩቲዩብ ደፈጣ ተዋጊና ጥራዝ ነጠቁ ምሁር ይህንን ጸረ ሕዝብ የሆነ ስርዓትና ሕገ መንግስት በልዩ መልኩ በመጠቀም ሕዝብንና መሪዎችን ለማጣላት ወጥመድ አየሰራበት ይገኛል

የጎሳ ፌዴራሊዝም ያመጣው ነገር ቢኖር ጥርጣሬ ነው ፡ ፍልሰት ነው ፡ መፋጠጥን ነው ፡ በዚህ መሰረት ላይ የቆመው ሕገመንግስት ለሐገር ፡ ለወገን ፡ ለሕዝብ አለመጥቀሙን እያሳየ እያስመሰከረ ነው ፡፡ የሆነን የጎሳ ክፍል ላይ ስልጣን ላይ አቆይቶ ሕገ መንግስቱ ይሰራል ማለት ትክክል አይደለም ፡፡ ትክክለኛ ሕገ መንግስት ቢሆን ኖሮ አሁንም ለሕዝቦች ሰላምና መረጋጋትን በፈጠረ ነበር ፡፡ እዚህ ላይ እገሌ ነው እገሌ ነው ወይም ያ ብሄር ነው ያ ብሄር ነው የሚለው የቃላት ጨዋታ አይሰራም ሕዝቦች እየተበደሉ ነው የሚለው ነው ትልቁ ጨዋታ፡፡
ጣትን ግለሰቦች ላይ መቀሰር ለግል ጥቅም መሩዋሩዋጥ ነው እንጂ የፖለቲካ መስመር አይደለም
ለግል ጥቅም ሲባል የጎሳ ፌዴራሊዝም መደበቂያ ማድረግ ለሐገር አልጠቀመም አይጠቅምም
ለዚህም ምሳሌ
1. የቃላት ጨዋታ
ቃላት እየተሰነጣጠቁ መጣረቢያ ሆነዋል ፡ በኦሮምኛ የተነገረው ለትግርኛ ፡ በትግርኛ የተነገረው ለአማርኛ በእብድ ተርጉዋሚዎች ሆን ተብሎ ወይም በዩ ቲዩብ ደፈጣ ተዋጊዎች አተረጉዋጎሙ እንደ ውጫሌ ውል እየሆነ ሌላ ክስክስ ውስጥ እየከተተን ነው

2. የዩቲዩብ የደፈጣ ተዋጊዎች ስድቦች እና ጋጠ ወጥ አነጋገሮች ሌላው የጎሳን ፌዴራሊዝም ጥርጣሪ ውስጥ የሚከቱ ፡ በህዝቦች መካከል አለመጣጣምን የሚያስነሱ የደፈጣ ውጊያ ስልት ከሆኑ መሰንበታቸው ነው ፡፡ የሚገርመው የዩቲዩብ ቀባጣሪዎች ሳይሆኑ የሚያስገርመው እነሱን የሚመለከተው ተጠራጠሪ ወገን የቁጥሩ ብዛት አስጊና አደገኛ መሆኑ ነው ፡፡

3. የሐውልቶች በየቦታው መቆም ከአድዋ ድል በዓል በሁዋላ አዲስ የመጣው መላ ምት መሆኑ ፡፡ አንድ ሐውልት በየትኛውም ዓለም ሲቆም ሁለት ገጽታዎች ይዞ ነው. ጥሩና መጥፎ ፡በየትኛውም ሐገር የንጉስ ሐውልት ሲቆም ሁለት ጎኖቹን ይዞ ነው ፡፡ ነገር ግን የዚህ ንጉስ ታሪክ በትምህርት ሲሰጥ እነዚህን ሁለት ገጽታዎች ይዞ ካልሆነ የሐውልት መቆም ብቻ ትርጉም የለሽ ሆኖ ነው የሚቀረው ፡፡ ትምህርት ዋናው የሰው ልጅ መሰረቱ እና መግባቢያው ነው ፡፡
እውነተኛው የኢትዮጵያ ታሪክ በትምህርት ቤት መሰጠት ይገባዋል ፡፡ ያለፈ ነገር ያለፈ ነው ፡፡ ልክ ትናንት እንደተፈጸመ የሚያወሩ እና የሚቀባጥሩ ጥራዝ ነጠቅ ምሁራን ከዚህ ስራ ቢወገዱና ወደ ልማቱ ስራ ቢገቡ ይመረጣል ፡፡

አንስታይን ስለ ሶስተኛው ዓለም ጦርነት ሲጠየቅ የመለሰው መልስ የሚደነቅ ነው፡፡ ለኔ የሶስተኛው ዓለም ጦርነት ሳይሆን የአራተኛው ዓለም ጦርነት ነው ስጋቴ ያን ጊዜ ስዎች በድንጋይና በክትክታ ወይም በወይራ ዱላ መከታከት ይጀምራሉ ብሎአል፡ ( ተሻሽሎ የተተረጎመ ) ፡፡ ይህም ማለት
በጎሳ ፌዴራሊዝም ምክንያት የቆሙ ሐውልቶች መራመድ ጀምረው የሚከታከቱበት ዘመን እንዳይመጣ ነው ፈላስፋው ስጋቱ

አክቲቪስቶች ፡ የእክቲቪስቶች ስራ ሰላምን በህዝቦች መካከል መፍጠር እንጂ ሕዝቦችን ለማጋጨት ከሆነ የአክቲቪስት ስራ ሳይሆን የደፈጣ ውጊያ ስራ ነው ፡፡


በዋለልኝ መኮንን ዙሪያ ሲያቀነቅን የነበረ ተማሪ ዛሬ እንዴት ወደ ማንነት ጥያቄ ፊቱን አዞሮ ድምበር መካለል ጀመረ ?
ጭቆና በዛ መብቴ ተረገጠ ፡ እኩልነት ጠፋ ፡ ብሎ የተነሳ ተማሪ ዛሬ ከየት ተወለድኩ ፡ ከየት መጣሁ ወዴት ነው የምሄደው የሚለውን ጥያቄ ለማንሳት ተገደደ?

ዛሬም ምኒሊክ አለ እንዴ ያስብላል የአዲስ አበባ የትላንት ሁኔታ
የአድዋው አርበኛ ቅዱስ ጊዮርጊስ
ከምኒሊክ ጋራ ገብቶ ሲቀድስ ፡
ምኒሊክ በመድፉ ጊዮርጊስ በፈረሱ
ቆቁ
ዋና አለቃ
ዋና አለቃ
 
Posts: 4025
Joined: Sun Sep 21, 2003 9:57 am
Location: united states

Re: አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው

Postby ቆቁ » Wed Mar 13, 2019 5:43 pm

"የፖለቲካል ሳይንስ ተማሪ ነኝ "
ይህ አባባል ለፈለሳፋው የሚገባው ነገር ሆኖ አልተገኘም
"እኔ የፖለቲካል ሳይንስ ተማሪ ነኝ "፡፡ እየተደጋገመ የምሰማው ነገር በመሆኑ ነው ዛሬ ብቅ ያልኩት
ጠቅላይ ሚንስቴር ዓቢይ የሆነ ጥያቄ ቢጠየቅ " እኔ ዶክተር ነኝ "
ብርሃኑ ነጋ የሆነ ጥያቄ ቢጠየቅ " እኔ ፕሮፌሰር ነኝ "
መራራ ጉዲና የሆነ ጥያቄ ቢጠየቅ " እኔ ፕሮፌሰር ነኝ "
ደብረ ጽዮን የሆነ ጥያቄ ቢጠየቅ " እኔ የኤሌክትሪካል ዶክተር ነኝ " እንደማለት ይመስላል
ጃዋር በጤናው ነው " እኔ ምርጥ የሆንኩ የፖለቲካል ሳይንስ ምሩቅ ነኝ "" የሚለው ወይስ ትንሽ ችግር ቢጤ ይኖር ይሆን ?

ጃዋር ወንድሜ ፡
አያት ቅድመ አያቶችህ በማህበረ ገዳ ሲስተም ውስጥ እንዳንተ ተምረናል እያሉ በመቀበጣር አልነበረም ሕዝባቸውን ይመሩ የነበሩት
መማር አስፈላጊ እንዳልሆነ የምትገነዘበው አያት ቅድመ አያቶቻችን ሳይማሩ ሳይመራመሩ ደመ ነፍሳቸው በሚነግራቸውና በሚያስተምራቸው ብቻ ሕዝብን መምራት ሐገርን ማስተዳደር የቻሉ ፍጡራን ነበሩ፡፡
ለአንድ ሕዝብ ቀና ነገር ለመስራት የግድ የፖለቲካ ሳይንስ ምሩቅ መሆን እኮ አያስፈልግም ፡፡
መልካም ነገር ለመስራት በቀላሉ ደመነፍስህ የሚልህን ብትከተል መልካም ይመስለኛል ይልሃል ፈላስፋው
በተረፈ ዛሬ እንደፈለገኝ እመራዋለሁ የምትለው ወጣት ( ቄሮ ) ነገ አንተን ራስህን እየጋለበ እንደሚነዳህ እኔ ፈላስፋው ምንም ጥርጥር የለኝም
በመጀመሪያ ወጣቶችን ለእንደዚህ ያለ ነገር ማሰለፍ ራሱ ሰብዓዊ መብትን መርገጥ ነው
እነ ዓቢይ እነ ለማ በመሆናቸው ወይም ፈላስፋው ሊጠቅሰው በማይፈልግ በሌላ ምክንያት እስከ አሁን በወጣቶቹ ላይ ምን ችግር አልተነሳም
ጃዋር በተረፈ አንተን እየጋለቡ እስከሚነዱህ ድረስ ትንሽ ወራት ልትቀጥል ትችል ይሆናል
ሌላው መንግስት በወጣቶቹ ላይ ለሚወሰድ እርምጃ ተጠያቂው ግን አንተው ራስህ መሆንህን አትዘንጋ
የወጣቶች በትምህርት መታነጽ
የወጣቶች በዲስፕሊን መታነጽ
የወጣቶች በእውቀት መበልጸግ ነበር ዋናው ቁም ነገር መሆን የሚገባው ፡፡
የአንተም " የፖለቲካል ሳይንስ" ምሩቅ የመሆን ድርሻው እንደዚህ ሆኖ ሳለ ወጣቶችን ለዓመጽ ነገ መጥራት እችላለሁ ብሎ መፎከር የትም እንደማያደርስ ቢገባህ መልካም ነው እልላለሁ
በተረፈ የአንተን የራስህን ልጆች እንደ ቄሮዎች አሰልፈህ ለዓመጽ እንደማታዘጋጅ ግልጽ ነው
የአንተን ልጆች በትምህርት ፡ በእውቀት ፡ በሌላውም እንዲያድጉ አድርገህ ሌላውን ወጣት ግን ለዓመጽ ስታዘጋጅ ትንሽ ስለ ፖለቲካል ሳይንስ ይገባህ ይሆናል ብዬ ተስፋ አደርጋለሁ
በተረፈ ቀይ ሽብር የሚባል ነገር የለም እንጂ ልክ እንዳለፈው ትውልድ ተመሳሳይ ድርጊት በመፈጸም ላይ መሆንህን ስነግርህ ይገባህ ይሆናል ብዬ ተስፋ አደርጋለሁ
ለዲሞክራሲ ለመታገል ከፈለግህ ከወጣቱ ትውልድ ( ቄሮ ) ጋር ሳይሆን ከእኩዮችህ ጋር እንዳንተው ከተማሩት ጋር ቢሆን አይከፋም
ፈላስፋው
ቆቁ
ዋና አለቃ
ዋና አለቃ
 
Posts: 4025
Joined: Sun Sep 21, 2003 9:57 am
Location: united states

Re: አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው

Postby ቢተወደድ1 » Fri Mar 15, 2019 3:03 pm

ይሄን ማን ይሆን ወስዶ ለቄሮዎቹ የሚያሳይልኝ? ከገባቸው፡፡

ቆቁ wrote:London has a diverse range of people and cultures, and more than 300 languages are spoken in the region.[54] Its estimated mid-2016 municipal population (corresponding to Greater London) was 8,787,892,[4] the most populous of any city in the European Union[55] and accounting for 13.4% of the UK population.[56] London's urban area is the second most populous in the EU, after Paris, with 9,787,426 inhabitants at the 2011 census.[57] The population within the London commuter belt is the most populous in the EU with 14,040,163 inhabitants in 2016.[note 4][3][58] London was the world's most populous city from c. 1831 to 1925.[59]
300 ቁዋንቁዋ ?
ለየትኛው ቁዋንቁዋ ነው የለንደን እሴት ? ጥቅማ ጥቅሙ
ፈላስፋው
ቢተወደድ1
ኮትኳች
ኮትኳች
 
Posts: 218
Joined: Thu Sep 01, 2016 8:48 am
Location: Bisheftu

Re: አዋሬ የማነው? ፒያሳ አራዳ የማነው?አራትኪሎስ ?ቄራስ ?ካዛንችስስ ጥቅማ ጥቅሙ የማነው

Postby ቆቁ » Fri Mar 15, 2019 9:28 pm

ቢትወደድ ይህ ብቻ መስሎህ ነው እንዴ ?
በለንደን የሚኖሩት መጤዎች ናቸው ቢሉህስ ?
እሺ ብለህ ደግሞ ለምሳሌ የተባበሩት መንግስታት የስራ ቁዋንቁዋ ምንድነው ብትል ደግሞ ምን ይሉ ይሆን?
እንግሊዘኛ በአፍሪካ
እንግሊዘኛ በእስያ
እንግሊዘኛ በአሜሪካ በመላው ዓለም ዋናው የመግባቢያ የዓለም ቁዋንቁዋ ነው
እንግሊዘኛን የኮሎኒያል ቁዋንቁዋ ነው አልናገርም የሚለው ማንም የዓለም ሕዝብ የለም
በየትምህርት ቤቱ ሁላ እንግሊዘኛ ዋናው የትምህርት መጀመሪያ እና መጨረሺያ ከሆነ ዘመናት አለፉ ፡፡

እዚህ ላይ ቁዋንቁዋ መግባቢያ ነው እንጂ የአንድን ብሄር መግለጫ አይደለም እኔ እንግሊዛዊ ከሆነ ሰው ጋር ስናገር ንግስት ኤልሳቤት የእንግሊዝ ንግስት ነች ብዬ በማሰብ ወይም በንግስት ቪክቶሪያ ዘመን እንግሊዞች ገብርዬንና ቴዎድሮስን ገደሉ ብዬ ወይም ሴባስቶፖል ተገነባ ብዬ ሳይሆን ከግለሰቡ ጋር በቀጥታ ለመግባባት ብዬ ብቻ ነው ፡፡

ምሳሌ የኦሮሞን የእማራን የሱማሌን ሕዝቦች አዲግራት ላይ ለገበያ ብታገናኛቸው እጃቸውን እና እግራቸውን በማወዛወዝ ጀምረው ከዓመት በሁዋላ በሆነ በአንድ ቁዋንቁዋ እንደሚገበያዩ ሙከራ ማድረግ አያስፈልግም ፡፡ በሆነ ቁውዋንቁዋ መግባባት ችለው በዚህ የንግድ ቦታ አንድን ቁዋንቁዋ የንግድ ቁዋንቁዋ አድርገው እንደሚፈጥሩ ያለምንም ጥርጥር ፈላስፋው ይናገራል፡

ምሳሌ 1. አዲግራት

በአዲግራት የሚዲካል ዶክትሬት ምረቃ በምረቃው ስርዓት ላይ ሲነገር የነበረው የአማርኛ ቁዋንቁዋ ነበር ፡ እና ምን ይጠበስ የሴም ቁውዋንቁዋ ነው ይሉ ይሆናል ፖለቲካል ሳይንቲስቶቹ ፡፡ ነገሩ ግን ሌላ ነው በአምቦ ወይም በሌሎች የኦሮሚያ ክልሎች ተመራቂዎች ቢኖሩ በበየትኛው ቁዋንቁዋ ምረቃው ሊነገር ነው ይሆናል ብለን ብንጠይቅስ ፡፡
ለዚህ መልሱ ቀላል ነው ፡፡ በኦሮሚያ ክልል ውስጥ ኦሮምኛ ብቻ እንዲነገር የዩኒቨርሲቲው ተማሪዎች በሙሉ የኦሮሚያ ተወላጆች መሆን ይኖርባቸዋል ማለት ይሆናል፡፡ ይህ ደግሞ ቁዋንቁዋ መግባቢያ ሳይሆን ሌላ ጉዳይ ሆነ ማለት ይሆናል ፡ ይህንን ነው " ፖለቲካል ሳይንቲስቱ" ሊያስረዳን
የሚሞክረው
ፈላስፋው የማይዘነጋው ነገር አለ

ለመሆኑ ቁዋንቁዋችን ጠፋ ፡ ቁዋንቁዋችን ተበደለ ሲባል የነበረው ምኑ ላይ ይሆን ?
ጥንት ይነገሩ የነበሩት ቁዋንቁዎች ዛሬም በመላው ኢትዮጵያ ይነገራሉ እና የትኛው ቁዋንቁዋ ነው ዛሬ በኢትዮጵያ ቦታ የሌለው ?
ቢኖርስ በቅኝ ግዛት ምክንያት ወይስ በንግድ እና በማህበራዊ ግንኙተ ምክንያት ?
ቁዋንቁዋ ያድጋል ቁዋንቁዋ ይከስማል ሲባል የዲያሌክቲክስ ሕግ መሆኑን " የፖለቲካል ሳይንቲስቶቹ " አይዘነጉትም
ኦሮምኛ በመላው ኢትዮጵያ የመግባቢያ ቁዋንቁዋ እንዲሆን በጥቂቱ ለ50 ዓመታት ያህል በመላው ኢትዮጵያ ዋና ትምህርት ሆኖ መሰጠት ሊኖርበት ነው ፡፡ መልካም ነው ይላል ፈላስፋው


መጤ የሚለው ቃል
ለመሆኑ መጤ ያልሆነ ማነው ቢባል በዛው በቦታው የተወለደ እትብቱ የተቀበረ ብቻ ሊሆን ይችላል
ነገር ግን የፒያሳ ልጅ ለመርካቶ መጤ ነው የመርካቶው ለቄራው መጤ ነው እያልን ብናሰፋው የአድዋው ለእዲግራቱ መጤ ነው
የዳሞቱ ለማርቆስ መጤ ነው የወለጋው ለአርሲው መጤ ነው ፡፡ ታዲያ መጤ ማለት ምን ማለት ይሆን ? ይህንን ለማወቅ ደግሞ የግድ የምኒሊክ ታሪክ ላይ ሳይሆን ማተኮር የሚገባው ራሱ የገዳው ማህበራዊ ሲስተምን በጥሞና መመልከቱ ለፖለቲካል ሳይንቲስቶች ሳይጠቅም አይቀርም ብሎ ፈላስፋው ይገምታል

የኢትዮጵያ አንድነትና ልዩነት ለዘላለም ይኖራል
ፈላስፋው
ቆቁ
ዋና አለቃ
ዋና አለቃ
 
Posts: 4025
Joined: Sun Sep 21, 2003 9:57 am
Location: united states

Previous

Return to Warka Politics - ዋርካ ፖለቲካ

Who is online

Users browsing this forum: Google [Bot] and 8 guests