ጦሳና የግጥም ሥራዎቹ ማሰባሰቢያ አምድ !

[ዋኖስ]

እሳት ወይም አመድ !


በእንባ አልባ እንባ ለቅሶ : እንባ እየወረደው :

አባት በልጁ አምሳል : ስቆ የሚያለቀሰው :

እሳት በመቃጠል : አመድ ሲወልድ ነው ::

ዛሬም በኛ ትውልድ : የዚሁ ተምሳሌት : ፍችው በመድረሱ :

አባቶች በልጆች : አረው እየጨሱ :

ለቁሞቹ ቁም ሞት : ሙታኑ አለቅሱ ::

በእሳቶቹ ቦታ : ሙጀሌ ተፈጥሮ :

ሰው እየመረዘ : የደም ስር አቋጥሮ :

ከመራመድ ሲያገድ : ያገር እግር አስሮ :

እንደአመድ መዳፈን ምንድነው ? ዘንደሮ ::

ጤንነትን ሲያውክ : ተውሳክ ከሰው ሰርጎ :

ሙጄሌን ለመንቀል : ወደዚያ መጅርጎ :

ፊትም የሚሰራው : መዳኒት ወረንጦ :

በሳት ነበልባል ነው : ብረት ውስጡ ቀልጦ ::

ስለዚህም አሁን : አንት የዛሬ ትውልድ :

ሞት በሞት አሙቶ : እራስን ለመውለድ :

አለዚያም ቁም ሞቶ : በራስ ሞት ለመፍረድ :

ጊዜ አቅርቦልሀል : የመሆን ጥያቄን እሳት ወይም አመድ ::

ጠንቀኛው ሙጄሌ : እንዲህ ሲዘባነን :

ባገር -ግር ላይ ገኖ !

ፍሙ የወረስከው :

በውስጥህ ተዳፍኖ :

ተቃጥሎ ማቃጠል : መቻል ሳይቻለው :

እልብህ ላይ መክኖ !

በነበር ከቀረ እሳት አመድ ሆኖ !

አባትህ ባካልህ አምሳል ተደብቆ :

እንባ አልባ እንባ ያፍስ : እጅግ ተንሰቅስቆ ::

ወይንም ሙጄሌ : ካገር እግር መንቅያ :

የወረንጦ መስሪያ :

ብረት ለማዋሀድ :

እሳት ሆነህ ነደህ

እንደሳት በማንደድ :

አቃጥለህ ተቃጥለህ : አንተ ስታበራ :

መንፈሱ በሳቤህ : ሰርፆ ነፍስ ሲዘራ :

ያዳፈንከው ፍሙ : ተገልጦ ገድል ይስራ

ቃሉ ሞቶ እንዳይቀር : አለብህ አደራ ::

ሞት በሞት አሙቶ : እራስን ለመውለድ :

አለዚያም ቁም ሞቶ : በራስ ሞት ለመፍረድ :

የዘመኑ ምርጫ : የመሆን ጥያቄ : እሳት ወይም አመድ ::

[ዋኖስ]

የእንጨት ነገር : የንጨት ስራ :

በሞት ሞትን የሚያፈራ

ከሳት ገብቶ :

ሞቆ ግሎ !

ነዶ ጦፎ :ተቀጣጥሎ !

አመድ መሆን : ሌላው ሊሞቅ !

ይገርመኛል !! እንጨት ሲስቅ !

ፈሳሽ ወዙ እያረገ

መንበልበሉ : መንቦግቦጉ እያደገ

በሱ መንደድ : ሌላ አሙቆ

ውስጡ ሲያለቅስ ! ላዩ ስቆ

በል ተው ቻለው

መጠቃቱን : ሁሉን ችሎ

በሳት ነዶ

ተንበልብሎ

የብርዱንም : የራሱንም ነፍስ ቀጥፎ

ህይወት ገድሎ

የሌላውን : የሙዋቂውን

ነፍስ ሲዘራ : ሩህ ሰጥቶ

እንጨት ሲሞት : ውስጡ በግኖ

ቀለመ ነጭ : ነጫጭባ አመድ ሆኖ


(አዲስ አበባ : 1979)[/quote]

[ዋኖስ]

ቅኔዉ ሲፈታ

ሰምተው በዝምታ :

የዝምን ዝምታ :

የህዋ : የየብስ : የባህር ስጦታ :

ያለማችን ምስጢር : ቅኔዋ ሲፈታ :

ሹሚያ የሌለበት : የግርግር ሜዳ :

ሁሉ ሁሉ ሆኖ : ያንድ ላንድ ጨዋታ ::

(አዲስ አበባ : ህዳር 06: 1982)[/quote

[ዋኖስ]

በእንባ ብዛት : እንባው ጠፍቶ እምባ ጨምቆ

በእንባ ሙላት : እንባው ደርቆ :

ምንም ቢታይ : ጥርሱ ስቆ :

ሰው ያለቅሳል : ሰው እያየው : ተደብቆ :

በእንባ አልባ እንባ ተንሰቅስቆ :

[ዋኖስ]

እዉን አንቺ እሷው ነሽ !?


የሚፈሰው እንባሽ : ሲያርስሽ አድርቄ :

የዋጠሽ ጨለማ : ሲያፈዝሽ አድምቄ :

ያሰረሽ ሰንሰለት : ሲያስርሽ አስቦርቄ :

ከርሀብሽ - ጥጋብ

ከክሳትሽ - ውበት

ከኃዘንሽ - ፈገግታን

ከስርቆት ሰርቄ :

አጥንትሽ ሲወጋኝ - ሽንጥ ዳሌን አድንቄ :

እውን አንች እሱዋ ነሽ ?! አልኩኝ ተጨንቄ ::

[ጦሳ]

ደሳሳ ጎቹዋችን : ጨለማ ውጡዋት :
ውራጅ ነጠላችን : ብርድ አሽንፉዋት :
በስትንፋስ መልሰን : እኛ እያሞቅናት :
ተኝታ ላያችን : ልናሳልፋት :
በቀደም ሌሊቱዋን : እንደጀመርናት :
የእኔ አካል - በሱዋ ውስጥ :
የሱዋ በእኔ ውስጥ ቀልጦ : ተዋህዶ :
እንደ ሰም ስንነድ : ቦግ ባለው ብርሀን !
ድቅድቁ ጨለም : ላፍታ ተወግዶ !
ያካል ፍትጊያችን : ድንገት እሳት ጭሮ :
እኔና ፍቅርዬን : አንድ አረገንና : አቆላልፎ : አሳስሮ :
የትካዜ ክምር አመድ ሲሆን ነዶ :
ዋሽንቱን ሲነፋ : ኪሩቤል ከሰማይ : መሀላችን ወርዶ !
ልባችንን ያሬድ : በማራኪ ዜማው : በፍስሐ አርዶ !
ክዋክብት ሲረግፉ : መሬት ስትሆን ቁና :
ያለንባት መንደር ተለወጠችና :
የሰለጠነውን : ከተማውን ሆና :
ገብተን ከፎቅ ህንፃ : እጅግ ከሚል ደስ :
ተክቶት ጄንዲያችን : ባለሰፍነግ አልጋ የሚያነፈላስስ !
ደረብ አረግንና ያማረ ብርድ ልብስ : የሚለሰልሰ :
ምቾት ግብር ገብተን : ነጭ ጤፍ ስንቆርስ :
ከፍቅር መዲና : መሀል በመድረስ :
ችግር : ቼነፈርን የረሳንባት :
ዬዬሌክትሪክ መብራት : የሚበራባት :
ውሀውም በቡዋንቡዋ : የሚሳብባት :
ሁሉ ተትረፍርፎ : ሁሉ ሞልቶባት :
የድሎት አክርማን : የቀጨንባት :
አቤት ያች ሌሊት ! የሌሌንባት !
እንደት ትጥም ነበር !?
እንደት ትሞቅ ነበር !?
ማለፍ አሳልፎ : ለብርድ ባይሰጣት !
አቤት ያች ሌሊት ! የሌሌንባት !