ከዚያኛው መንደር

ስርርር · Joined: 05 Mar 2010 Posts: 731

ከህሊናው ጋር የጦፈ ክርክር ይዞ ወዴት እንደሚግዋዝ እንክዋን ሳያውቀው እግሩ ወደመራው ይግዋዛል :: መንገደኛ ሁሉ ""ደህና ዋልክ ልጅ አስራት ?".ይሉና መልስ ሲያጡ ...."አልሰማኝም መሰል ?...አላወቀኝም ይሆን ?...እያሉና የጎሪጥ እያዩት ያልፋሉ :: ከመንደሩ የሚያስወጣውን ቁልቁለት እንደኤሊ ተጉዞ ከቸረሰ በህዋላ ....ትረተሩን ተከትሎ ወደጥሻው ገባ :: በጢሻው ውስጥ አቖርጦ እጁን በኪሱ እንዳደረገ ከሩቅ በአማሩ አጸዶች የተከበበውን ቤ /ክርስቲያን አስተዋለና ..... "ትንሽ ቀናትን ጠብቂኝ ፍቅሬ ....ፍቅሬ እስከመቃብር ነውና እከተልሻለሁ ::" አለ ድምፁን አሰምቶ ::

እንደምንም አዝግሞ ከቤተክርስቲያኑ ደረሰ :: ገና ከቅጥር ግቢው ሲዘልቁ ለአፍንጫ እጅጉን የሚስማማው መአዛ "ኑ ግቡ !" እያለ የሚያስተናግድ ይመስላል :: ቁመታቸው 50 ና 60 ሜትር የሚሆኑ ረጃጅም "የሀበሻ ፅድ , የወይራ , የዝግባና የዋንዛ ዛፎች ለዚያች ቦታ ምዳራዊ ገነትነትን አጎናፅፈዋታል :: አልፎ አልፎ "እውድ !" የሚያደርገው የዋንዛው አበባ ሽታ ከእጣን ጢስ ሽታ ጋር ተዋህዶ በደስታ ሲቃ ያስቃትታል ::

ወይ ተፈጥሮ እያለ ወድቆ ተሳለመ ....."ሰላም እለኪ ቤ /ክርስቲያን ቅድስት አምሳለ እየሩሳሌም ሰማያዊት , ማህደረ መለኮት " እያለ ሶስት ግዜ ሰእግዶ ተነሳ እና አረፍ አለ :: ወዲያው ትዝታ በትዝታ ፈረስ ተጭና እንደገና ብቅ አለች !

"አስራትዬ የኔ ጌታ ...በምን አቅሜ ልቻለው ....የጫኑብኝ ድንጋይ እኮ ትልቅ ነው " ስትለው ተሰማው ::ሳያስበው ....ድምፁን ከስፍ አድርጎ ማልቀስ ጀመረ ::
"አይዞህ ልጄ ! ....እመቤታችን ጠሎትህን ትስማህ !" አሉ አንዲት እማሆይ ከወደ ቀኝ በኩል ......ሌላዋ ደግሞ "አይ መልክ ...አይ ቁመና ....አሁን ይህን የመሰለ ጠንበለል እንዲህ ሆኖ ይቅር ?..

እጁን በኪሱ እንዳደረገ ...በቤ /ክርስቲያኑ የግዋሮ በር አድርጎ ወደመቃብር ግቢ ዘለቀ ::...ወደሙታን መንደር :: እንባው በአይኑ ረብቦ አቆርዝዟል :: የትዝታን መቃብር ፍለጋ ! የሚስቱን ....የግራጎኑን ማረፊያ ፍለጋ .....ባዛነ ::

የመቃብር ግቢው ...ትልቅ መንደር ይመስላል :: እዚህም እዚያም ሀውልቱ ተደርድሯል :: ሙታንም በቕንቕቸው ያወራሉ ::....እዚህ ግቢ ውስጥ ያለው መንፈስ ትንሽ ያስጨንቃል ::

አስራት በየሃውልቶች ላይ የተፃፉትን ፅሁፎች እያነበበ ...የትዝታን መፈለጉን ተያያዘው ::
አንዳንዱ ጽሁፍ እንዲህ ይላል ....."ሩጫዬን ጨርሻለሁ ...የክብር አክሊል ይጠብቀኛል " ሌላው ደግሞ ...."ደግ ሰው ስራው ህያው ነው " ....ጀግና ነበርኩ !
አንዳንዱ ደግሞ ግጥም ይመስላል
ለምሳሌ
እዚህች ቦታ ላይ ነጭ እርግብ አርፋለች ....
ቀስ ብለው ይለፉ ትደነግጣለች "

ሌላው ደግሞ .....አቶ እገሌ በ 19-- ተወልደው ...አረፉ :: ይህንን መታሰቢያ ቤተሰቦቻቸው አሰሩላቸው ......""

አስራት ..."እንደው ከዚያኛው መንደር እውን ሙታን ተግባብተው ያወሩ ይሆን ? እኛስ የመቃብር ላይ ፅሁፎችን አሰባስበን ስርአትና ደንብ ሰርተንላቸው ከስነፅሁፍ ተርታ መመደብ እንችል ይሆን ?....." ከጨቅጫቃው ህሊናው ጋር ክርክር ሊጦፍ ሲል .....የትዝታን አየው :: ና የኔ ጌታ እዚህ ነኝ ....የሚል ድምፅ የሰማ መሰለው ::...........

ተፈፀመ

ስርርር · Joined: 05 Mar 2010 Posts: 731

አሜኬላ !!! ለዋርካ እድምተኞች

ሰለሞን ከኢትዮ ወደአሜሪካ ከመጣ 3 ዓመታትን አስቆጥሯል :: ሀገር ቤት በተክሊል ያገባት ሚስቱን እና በአይኑ ያላየውን ልጁን (እሱ እዚህ ሀገር ከመጣ በ 6ኛ ወር የተወለደ ልጁን ) እናቱን እና አባቱን ሁልግዜ ይናፍቃል :: በተስፋም ይኖራል :: አሁን የሚሰራውን ስራ ከመጀመሩ በፊት ያልሰራው የስራ አይነት የለም :: ይሄን የሴኩሪቲ ስራ ከጀመረ አንድ 6 ወር ሆኖታል :: በአንድ ትልቅ የመብራት ሀይል ካምፓኒ ውስጥ የመግቢያ በሩ ላይ ካለው ትልቅ ጠረጴዛ ላይ ተጎልቶ ለአላፊ አግዳሚው ሲፈግግ ነው የሚውለው :: ያውም ጉንጩን እስቲያምመው ድረስ ::

ሰሞኑን ግን አንዲት ሐበሻ አይቶ ዘፈኑ ሁሉ .....

"አስተውዬ አይቼ ...አመልማሎ ገላ
አፍርስ አፍርስ አለኝ ያን ሁሉ መሃላ " ሆኗል :: የተክሊሉን መሀላ መሆኑ ነው :: ይቺ ጠጋ ጠጋ ...እቃ ለማንሳት ነው ! ብለው የለ አበው ::

እንዲሁ እንደቀነዘረብኝ ከምኖር እሲት ላስታግሰው ብሎ ወስኗልና ልጅትን ለቀም አድርጎ ያዛት :: በጣም ደንግጣ ኖሮ "ሊቭሚ አሎን ...." ብላ በያዘችው ቦርሳ ............

ለማንኛውም ለመጀመሪያ ግዜ መሆኑ ነው :: የሌላ ግላ ሊያቅፍ ነው :: በ 3 አመት ውስጥ :: ይህንን ለዋርካውያን ንገርልኝ ስላለኝ ነው ወደዚህ ማምጣቴ !

ፀዋር · Joined: 16 Feb 2010 Posts: 481

ስርርር ጭሱ አሪፍ ስቶሪ ነው . Much better than (አምላክህ ) Yohhanis Kema's Story

Greetings to you, Okelo & Wagaye Kefyalew Laughing