ዊኪሊክስ 2.4 ሚልዮን የሶርያ ፋይሎችን እየለቀቀ ነው

[ዊኪሊክስ]

ዛሬ ጁላይ 5 , 2012 ዊኪሊክስ ሶርያን የሚመለከቱ ከ 2.4 ሚልዮን በላይ የሚሆኑ ሚስጥራዊ ኢሜሎችን መልቀቅ እንደጀመረ አስታውቋል :: እነዚህ ኢሜሎች ከ 2006 እስከ 2012 ያለውን ጊዜ የሚሸፍኑ ሲሆን ለሶርያ መንግስት እንዲሁም ለሶርያ መንግስት ተቃዋሚ ነን ባዮች ትልቅ እፍረትን ሊያስከትል እንደሚችል ጁልያን አሳንጅ እስካሁን ተጠልሎ ከሚገኝበት በለንደን የኤክዋዶር ኤምባሲ ሆኖ ተናግሯል :: ዊኪሊክስ እነዚህን ኢሜሎች ለህዝብ ሊለቅ የወሰነው ሶርያ ውስጥ ትልቅ የእርስ በርስ ጦርነት ባለበት ሰዐት ሲሆን ከ 2011 መግብያ ጀምሮ ብቻ ከ 10ሺ በላይ የሚሆን ህዝብ አልቋል :: ዊኪሊክስ ከዚህ በፊት የአለም መንግስታትን በአደባባይ የሚያሳፍሩ ሚስጥሮችን ለህዝብ በማውጣት የሚታወቅ ሲሆን ከአሜሪካው AFP, ከፈረንሳዩ owni, ከጣልያኑ Espresso, ከሊባኖሱ al akbhar እንዲሁም ከግብጹ al masry ጋዜጣዎችጋ በትብብር መስራቱን ቀጥሏል ::
የዊኪሊክሱ ዋና አለቃ ጁልያን አሳንጅ አሜሪካን ወደ አገሯ አስመጥታ የሞት ፍርድ ልታስፈርድበት እንደምትችል በመፍራት በለንደን የኤክዋዶር ኤምባሲ ውስጥ ጥገኝነትን በመጠየቅ ላይ ይገኛል :: የለንደን ፖሊሶች ከኤምባሲው ውጪ ጁልያንን ወደ እስር ቤት ለመክተት አሰፍስፈው በመጠበቅ ላይ ናቸው ::
_________________
"If journalism is good, it is controversial, by its nature." Julian Assange

[ዊኪሊክስ]

ዊኪሊክስ ላለፈው አንድ አመት ተኩል ህዝቡ እርዳታ እንዳያደርግለት ከአሜሪካ መንግስት በመጣ ግፊት የክሬዲት ካርድ ካምፓኒዎች visa እና master card ካርድ እንዲሁም የኦንላይኑ ገንዘብ አስተላላፊ paypal, የአሜሪካ ትልቁ ባንክ bank of america ማንኛውም ሰው በእነሱ በኩል ለዊኪሊክስ ገንዘብ በቀላሉ እንዳያስተላልፍ ከልክለው ቆይተዋል :: ይህም ውሳኔ ሙሉ በሙሉ ህገ ወጥ የሆነና ነጻ በሆነው የምዕራቡ አለም አንድ ሰው ለፈለገው ካምፓኒ የገዛ ገንዘቡን እንዳይለግስ የሚከለክል ነው :: በዚህም ምክንያት ዊኪሊክስ ከ 90 ፐርሰንት በላይ የሚሆነውን ገቢውን አጥቶ ቆይቷል :: ዊኪሊክስን በነጻ የሚያገለግሉ በአለማችን አሉ የተባሉ ምርጥ ጠበቃዎች ይህንን በየፍርድ ቤቱ ሲከራከሩ ቢቆዩም የአሜሪካ መንግስት ሆን ብሎ የፍርዱን ሁኔታ ሲያስተጓጉለው ቆይቶ በትላንትናው እለት ዊኪሊክስ የመጀመሪያውን ድሉን በ visa ላይ ፍርድ ቤት ውስጥ ተቀናጅቷል :: ይህ ፍርድ ሙሉ ለሙሉ visa የህዝቡን እርዳታ ተቀብሎ ፕሮሰስ አርጎ ለዊኪሊክስ እንዲሰጥ ግን አያደርግም ምክንያቱም በፕሮሰሱ ላይ ከአንድ በላይ የሚሆኑ የክሬዲት ካርድ ካምፓኒዎች ወይም ባንኮች የሚያስፈልጉ ሲሆን ፍርዱ ግን የተፈረደው ለጊዜው በ visa ላይ ብቻ ነው :: ሆኖም ከዛሬ ጀምሮ visa ፍርዱን ሳያከብር ቀርቶ እርዳታ መቀበል እምቢ ቢል በየቀኑ 6200 ዶላር ይቀጣል ::
_________________
"If journalism is good, it is controversial, by its nature." Julian Assange