ትዝታዬ : ናፍቆቴና ግርምቴ ! እናቴ !

ዉቃው · Joined: 07 Jan 2007 Posts: 969

ሰላም ዋርከኞች

ነገሩ እያነሳህ ጣለው ነውና የባጥ የቆጡን አብረን እያነሳን እንጥላለን :: በቅድሚያ ወንድማችን ሀሪከን <ልጅ እያለሁ > በሚለው ርዕሱ ወደኋላ ሄደን ትዝታችንን እንድናወጋና : ለዚህች ርዕስም መነሻ እንዲሆነኝ ስላሳሰበኝ አመሰግነዋለሁ ::

ይጀመራ ቀደዳው !

እንግዲህ ጊዜ በጣሙን እያለፈ በመጣ ቁጥር አንዳንዶቹን ሳሰባቸው ምናለ ተመልሰው አሁን ቢሆኑ : ያስብሉኛል :: አንዳንዶቹ ግርም ሲሉኝ ቀሪዎቹ ደግሞ እንደጉድ ይናፍቁኛል ::

ከግርምቴ ልጀምር ::
በልጅነቴ እጅግ በጣም ሲበዛ ቅማላም ነበርኩ :: ቅማሎቹ እንዴት ከምን ለምን በማን አናቴ ላይ ተፈጠረው ሲርመሰመሱ እንደሚውሉ አሁንም አይገባኝም :: በቃ የቅማል ሰራዊት ደሜን ሲመጥ ይውላል ያድራል :: በወላጆቼ ቅማሎቹን ለማጥፋት : ያልተደረገ ጥረት : ያልተቀባሁት እምነት : ያልጠጣሁት የጸበል ዓይነት አልነበረም :: ወደ ኋላ ላይም ጸጉሩ ሉጫ ቢጤ ሰለሆነ የሰው ዓይን ነው ተብሎ የተቆጣጠሩ ነገሮች ለዓመታት አንገቴ ላይ አንጠልጥያለሁ ::

እነ ቅማል ግን : ወይ ፍንክች !

የናቴ ተጨማሪ ስራ ቀን በእናት ቅማሎች ሲዘሩ የዋሉትን ቅጫሞች ማታ ሲያላቀቁ ማምሸት ነው :: ቅጫሞቹ ብዙውን ጊዜ ከጸጉሬ ጋር በጣም ሰለሚጣብቁ : እናቴ ቅጫሞቹን በጥፍሮቿ ለማላቀቅ በምታደረገው ጥረት : በአሰቃቂ ሁኔታ መነጨቴ አይቀሬ ነው :: በቅማል ሲፈተፈት የዋለ ቆሮቆራም ጭንቅላት በናቴ ጥፍር ደግሞ ሌላ ተጨማሪና ሰልታዊ ጥቃት ይደርሰበታል ::

በቃ ቅማሎች ቢራገፉ : ምደረ ቅጫም ሲመዘዝ ቢያድር : ጭንቅላቴ በማላውቀው ኬሚካል ሲታጠብ ቢያመሽ : አንድም ለውጥ የለውም :: በበነጋው ማታ የዉቃው አናት ቀድሞ ከነበሩት ቅማሎች በእጥፍ ይሞላል :: ባጠቋቸው ቁጥር ራሳቸውን የሚያባዙበት አንዳች ዓይነት ምትሃት ሳይኖራቸው አልቀረም :: አሁን አሁን ለድድብናዬ ዋነኛ ተጠያቂዎች ለዘመናት ሲመጠመጡኝ የኖሩት ቅማሎች መሆናቸውን ተገንዝቤያለሁ ::

መጣሁማ ! የውጭ በር ተንኳኳ መሰለኝ

ዉቃው · Joined: 07 Jan 2007 Posts: 969

ተመለስኩኝ :;

አንድ ቀለብላባ ነጭ በር አንኳኩቶ ፔፐሮኒ ፒትዛ ኦርደር አርገሃል ወይ ይለኛል :: ትናንት የገዛኋትን በበርበሬና በዘይት የታሸች አነባበሮ አላየ !

ወደ ግርምቴ ሰመለስ : ያው እንግዲህ የሆነ ዕድሜ ላይ ሰደርስ ቅማል የሚባል አናቴ ላይ የለም :: እንዴት በምን ለምን በማን እንደጠፉ የማውቀውም የሰማሁትም ነገር የለም :: በቃ ብን ብለው ጠፉ !

ሌላው የሚገርመኝ ደግሞ የሾዳ ጉዳይ ነው :: አይ ሸራ ጫማ ! ለምንድን ነው ግን ሸራ ጫማ ትናንት ተገዝታ ከአንድ ሁለት ሞቅ ያለ እግር ኳስ ጨዋታ በኋላ ቡን የምትለው ? በፍጠነት ከመቀዳደዷ ይልቅ ይገርመኝ የነበረው ግን ለየት ያለው ቁናሷ ! አቤት ቁናስ ! አሁን ላይ ሆኘ ወደኋላ ሳሰበው ያኔ በልጅነቴ : እግሮቼ ሞተው ነበር እንዴ ? እያልኩ ራሴን እጠይቃለሁ :: ሞተው ቢሆን እንጂማ ነፍስ ያለው እግር እንዴት እንደዚያ ይሸታል ! በኔ ሰሌት በዓመት ሀያ ጊዜ ጉንፋን ይይዘኝ እንደሆን : ለአስራ ዘጠኙ ተጠያቂ ሸራ ጫማዎቼ ናቸው :: እርግጥ ነው ሸራ ጫማውም ሆነ እኔ ውሃ የሚያገኘን በሳምንት አንዴ ነበር :: ያውም በዕለተ ቅዳሜ ! ሸራዋ እሁድ ታጥባማ ለሰኞ ት /ቤት አትደርቅማ ! ሰለዚህም ሸራዬ በቅዳሜ መታጠቧ ግድ ነው :: አቤት ያቺ ብረት ግን ምጣድ ምን ያላየችው አለ ! እኔ እታጠብባታለሁ : እነቦጌም ይታጠቡባታል : ቁናሳሟ ሸራዬ : የቤቱ : የሴቱ : የከብቱ ጣጣ ይታጠብባታል :: ከዚያ ከተረፈች ደግሞ በርበሬ ይሰጣባታል :: በዚህ ቢበቃት እሺ :: ደሞ የቶታአው እናት ይመጡና : "የዉቃው እናት ብረትምጣዶን ያውሱኛል " ተብሎላት : የነሱን ቤት ደግሞ ስታገለገል ትውላለች :: ብረት ምጣዶች እኮ ባለውለታዎቻችን ናቸው :: ከነ ጆግና ማስታጠቢያ ተደምረው ጋር ሆነው በገጣሚያኑ ሊገጠምባቸው ይገባል ::
_________________
ጉዟችን ረጅም : ግባችንም ሩቅ ነው !!!!

ማይ ኔም · Joined: 17 Mar 2005 Posts: 165 Location: united states

ቅራሪ · Joined: 10 May 2006 Posts: 236 Location: adiss abeba

ወይ ውቃው ቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅቅ በጣም ነው በሳቅ የገደልከኝ

ጌታ · Joined: 17 Apr 2005 Posts: 3229 Location: ዶሮ ተራ

ዋርካ አንድ ጥሩ አጫዋች አግኝታለች :: ይመችህ አቦ !!!!

ነገረ ሥራህ ሁሉ ግን ያን የምወደውን ጓደኛዬን ጉዱን ትመስላለህ :: ትንሽ ልዩነታችሁ እሱ ሸራ ጫማ ሳይሆን በረባሶ ነበር የሚገዛለት ::
_________________
ኢትዮጵያ እጆቿን ወደ እግዚአብሄር ትዘረጋለች!!!

ቅራሪ · Joined: 10 May 2006 Posts: 236 Location: adiss abeba

ጌታ ምነው እኛ አንወደድም እንዴ ???? ምነው ለጉዱ አደላህ ? ጉዱ ቢሰማህ ደስ አይለውም ...

ጉዱ ካሳ · Joined: 22 Oct 2003 Posts: 431

አይይይይ ጌታ ! አሁን አንተም ከኔ የተሻልክ አትመስልም ? የምትበልጠኝ በባለሰደርያው ካልሲ በረባሶህን ስለምታደርግ ብቻ ነው :: ግን የቶታው ነገር ሳስበው ግርም አለኝ ! ለካ እንደዚያ አመዳም የሚመስለው ከነ ውቃው በተዋሰው ብረት ምጣድ የአሻሮ -ሻወር እየወሰደ ነው ! ታጥቦ ማይጠራ ሽንፍላ ብቻ ይመስለኝ ነበር ! ቱፍ ! ቱፍ ! አበስኩ ገብርኩ ! በጾሙ ምድር ስለሽንፍላ አወራሁ ::
ቅራሪነት አይዞሽ አንቺንም እንደሚወድሽ ያ ሸውራራ አይኑ ያሳብቅበታል :: በል ውቃው ወንድማችን እስቲ ለጥቅልን ! ወግ መጠረቁን ተክነህበታል አቦ ! በርታልን !

ጉዱ ካሳ
ከፒያሳ

ጌታ · Joined: 17 Apr 2005 Posts: 3229 Location: ዶሮ ተራ

የመንደራው · Joined: 05 Oct 2006 Posts: 189

ቅቅቅቅቅቅቅቅቅ ውቃው ፍንድት ልልህ ነው በሳቅ በተለይ በበርበሬና በዘይት የታሸች አነባበሮ ፒትዛ መሆኗ ነው አየ አንተ ሰው እዴት መጣልህ አቦ ይመችህ ቀጥልበት

የመንደራው

ቅራሪ · Joined: 10 May 2006 Posts: 236 Location: adiss abeba

ጌታ ጌታጠንበለል ሰላም ነህ በምጀመሪያ ሰላምታ ላስቀድም ብዬ ነው "'እኛስ "" ብዬ የጠቀስኩት እኔ አንተን ጉዱን እና እምናውቃትን ለማለት ያህል ነው ግን ዋናው ቁምነገር ለጥያቄዬ መልስ ስለሰጠህኝ አመሰግናለሁ በኛም በኩል እንደዛው ነው

ጉዱ ቅቅቅ ሸውራራ ለሸውራራ ተያይዞ ገደል ነው በለኝ ቅቅቅ አትጥፋ

ጌታ · Joined: 17 Apr 2005 Posts: 3229 Location: ዶሮ ተራ

በቃል · Joined: 11 Feb 2005 Posts: 13

ሰላም ለቤቱ እና ለባለቤቱ

አቶ ጌታ ሰላም ኖት ወንድማችን ውቃው የኛኑ ታሪክ ከሽኖ ያወጋናል :: መቼስ ማንነትን በቃል በዚች መስኮት መግለጽ ባይቻልም እንደውቃው አሳምሮ ማቅረቡ ትልቅ ችሎታ ነው ::
ውቅነት እስቲ ለጥቅበት .....

ቸር እንሰንብት

ShyBoy · Joined: 04 Apr 2006 Posts: 904 Location: Gojjam

እኔም እንደውቃው ጽሁፍ የሚያዝናናኝ የለም !!! ዋርካ ውስጥ ብዙ Stars አሉ .........ማዝናናትን በተመለከተ ደግሞ ውቃው Super-Star ነው !!!!!!!!!

እስቲ እባክህ ቀጥልበት !!!!!!!!!!!!!

ቅራሪ · Joined: 10 May 2006 Posts: 236 Location: adiss abeba

ውድ ውቃው ምነው የት ነው እልም ብለህ የጠፋህው ? አረ ብቅ በልልን ናፍቆት ሲበዛ እኮ ሆስፒታል ያስተኛል ብለዋል ስለዚህ አትጥፋብን

ማያዬ · Joined: 29 Jan 2007 Posts: 208