ርዕስ ያልወጣለት

[መልከጻዲቅ]

ልጅቷ የሄደችበትን መንገድ ተከትዬ ብሄድ አቌራጭ እንዳለ አውቃለሁ :: ግን ያንን ባደርግ እሷን የተከተልኴት መስሎ እንዲሰማት ማድረግ ስለመሰለኝ ተውኩት :: ተወድጃለሁ ብላ የልብ ልብ እንዲሰማትና ምናልባትም በለስ ቀንቶኝ እንኴን ግኑኝነት ብንጀምር እንደ ሚዳቌ እየዘለለች እንድታስቸግረኝ አልፈለኩም :: በዚህ የልሂድ ልቅር የሀሳብ ማእበል እንዳለሁ ግን የፍርሀት ጩሀት የሰማሁ ስለመሰለኝ አይኖቼን የጆሮዬ አንቴና ወዳመለከተኝ ቦታ አዞርኴቸው :: አልተሳሳትኩም :: እኔ ወዳለሁበት አቅጣጫ ነፍስ ይዞት እየበረረ የሚመጣ ሀይልና አባራሪው ጥርት ብለው ታዩኝ :: ባንድ በኩል ውስጤ በፍርሀት ቢርድም በሌላ በኩል ደግሞ ድንጋጤው በፈጠረልኝ ጊዜያዊ ጉልበት እየተንደረደረ የሚመጣውን ሀይል ለመጋፈጥ ወሰንኩ :: ሁኔታው ምናልባት "ያላሰብኩትን ሲሳይ እጄ ያስገባዋል አለያም ደግሞ መሳለቂያና መሳቂያ አድርጎና አዋርዶ ያንድ ሰሞን የአቦል ቡና መጠጫ ያደርገኛል " እያልኩ ባለሁበት ሁኔታ እጄን መንጭቃ የሄደችው ልጅና ዉዉዉ ....እያለ የሚያባርራት ጥርሳም ውሻ ከቆምኩበት ቦታ ለመድረስ የቀራቸው የሶስት እርምጃ ርቀት ነበር ::

[መልከጻዲቅ]

ልጅቷ የሸሚዝ ቁልፎቿ ተከፍተው እጆቿን የቄብ ዶሮ ሸለምጥማጥ ስታይ ክንፎቿን ጥላ እንደምትከንፈው ሁሉ ወደኔ ስትበር በመብረቃዊ ቅጽበት ባይነ ውሀዋ ውስጥ አንድ ነገር ያነበብኩ መሰለኝ :: "" አድነኝ !! ከዚህ ሞት አድነኝ እንጂ ሁሌም ያንተ ነኝ !!!"" የሚል አጭር መልእክት :: ለኔም ለሷም የሚሆን ምንም ጊዜ አልተረፈኝም :: አጠገቤ የነበረውን ሹል ድንጋይ ሳነሳና "" መቻል ተው መቻል አንተ መቻል እስኪ ንካትና ሞክረኝ !!"" የሚል የአንድ ሰው ድምጽ ስሰማ አንድ ሆነ :: ድምጹ ከሰማይ መላእኩ ገብርኤል ከእግዚአብሄር ታዞ የተናገረው መሰለኝ :: አቡነ ገብረ መነፈስ ቅዱስም መሰሉኝ :: ግን በመላክታቱ ፋንታ መቻልን የጠሩት ጠና ያሉ የሌባ መምቻ የሚመስል ዱላ የያዙ ሴት ወይዘሮ ናቸው :: መቻል ብለው የጠሩት አስፈሪ ውሻቸው ድምጻቸውን ሲሰማ ጥርሱን ወደ ሰገባው እንደ ማስመሪያ የቆመ ጭራውን ደግሞ ወደ እግሩ ውስጥ ሲሸጉጥ ልቤ አረፈች :: እፎይ አልኩ :: ውስጤ ሊፈነዳ ነበር :: ባለቤትየዋ መቻልን ዱላ ባልያዘ እጃቸው ይዘው "" አይዞሽ ልጄ አይዞሽ አስደነገጠሽ አይደለ እሱኮ ለማዳ ነው አንዳንዴ ሰው ሲያይ እንዲህ ያደርገዋል እንጂ ...."" አያሉ ሲያጽናኗት በግማሽ ልቤ ነበር የማደምጣቸው :: ሴትየዋ ይህን ካሉ በኌላ መቻል ውሻቸውን ይዘው ሽቅብ ሲወጡ ባይኔ መከተሌን እንጂ ልጅት ድንጋይ ያልያዘውን እጄን አንቃ መያዟን እንኴን አላስተዋልኩም ነበር ::

[ጦምኔው]

እጇ እጄ ላይ ማረፉን እንዳየው የሰውነቴ የደም ፍሰት የቆመ መሰለኝ :: ሁሉ ነገር ጸጥ አለብኝ :: ከእጇ ወደ እኔ እጅ የሚነዝር ዓይነት ነገር ይተላለፍ ነበር :: ልቤ በአንድ ጊዜ በፍጥነት እና በቀስታ የሚመታ መሰለኝ :: ልጅቱ ቁና ቁና ትተነፍሳለች :: እኔም እንደሷው ትንፋሼን መቆጣጠር አልቻልኩም :: ከሆኑ ደቂቃዎች ወይም ሰአታት ወይም ቀናይ በኍላ ልጅቱ እጇን ከእጄ መንጭቃ ፈገግ አለች :: የሀፍረት ዓይነት ፈገግታ :: እኔም ፈገግ አልኩላት እና ልናገር ሞከርኩ :: ቃላቱ የታባታቸው እንደገቡ እንጃ የምለው ሁሉ ጠፋብኝ ::

"ያምሮት " ብላ እጇን ለመጨበጥ ዘረጋችልኝ ::

እኔም እጄን ዘረጋሁላት :: ከአፌ የወጣው ቃል ግን "እ ....." የሚል ብቻ ነው ::

እንተጋገዝ እስኪ ጃል ይህቺ ጨዋታ ላይ ..ከዓመታት በኍላ ....
_________________
http://www.youtube.com/watch?v=_jIwsS_eT5w


http://www.cyberethiopia.com/warka4/viewtopic.php?t=22540&start=105