ንቃተ ህሊና

[ናፖሊዮን ዳኘ]

ለፖለቲካ ትግል እጂግ በጣም ወሳኝ ነገር ነው ::

በየትኛውም ሀገር ውስጥ ለውጥ ናፋቂ አና አብዮተኛ ተብሎ የሚታሰበው የህብረተሰብ ክፍል ወጣቱ ነው :: ባለንበት ክፍለ ዘመን ደረጃው ይለያይ እንጂ የተለያዮ ሀገሮች ህዝቦች በእጂ አዙር የባርነት ቀንበር (ባርነት የሚለውን ከነፃነት ትርጉም ጋር -ዘመንንም ጭምር ግምት ውስጥ በማስገባት ልናንጸባርቅበት እና ልንተነትነው የሚገባ ነው ) እንደወደቁ ግልጽ ነው ::

የእኛን ሀገር ታሪክ ለየት የሚያደርገው ከህወሀት ወደ ስልጣን መምጣት በፊት እንደ ሀገር በባርነት ቀንበር ስር ወድቀን የማናውቅ መሆናችን ነው :: (በአምስቱ አመትም የጥሊያን ወረራ ጊዜ ባርነትን አምኖ እንዳልተቀበለ በማሰብ ነው በዚህ መልኩ አሰርት ያደረኩት :

አብዮተኛ እና ለነጻነት ይሞታል ተብሎ የሚታሰበው የህብረተሰብ ክፍል ---ወጣቱ ማለቴ ነው ---ህወሀት የፈጠረውን አይነት የረቀቀ ባርነት ዝምታ በሚባል አይነት ሁኔታ ምንም ነገር እንዳልተፈጠረ በግዴለሽነት የሚያይበት ምክንያት ከንቃተ ህሊና ጋር የተያያዘ ነው ብየ አምናለሁ :: ጉዳዮ ዝምታ አይደለም ፍርሀት ነው ብንል እንኳን ራሱ ---እሱም ከንቃተ ህሊና ጋር የተያያዘ ነገር ነው ::

የኢትዮጵያ ተቃዋሚ የፖለቲካ ፓርቲዎች ህዝብን የማነቃቃት እና የማደራጀት ስራ ሳስበው --- አለት ላይ ምርጥ ዘር ለመዝራት እንደሚታገል ሰው ያለ በዋል ፈሰስ አይነት ስራ ሆኖ ይሰማኛል :: ትልቁ ችግር የኢትዮጵያ ወጣት በህወሀት መንግስት መሰሪ ፖለቲካ እና በውጭ ተጸዕኖዎችም ምክንያት ንቃተ ህሊናውን አጥቷል ::

እነዚህን ነገሮች በጥልቀት እና በዝርዝር ልንወያይባቸው ይገባል :: ለኢትዮጵያውያን (ህወሀቶችን እና የህወሀት ደጋፊዎችን አይመለከትም ) ወገኖች የማቀርበው ጥያቄ ይሄንን ነገር አንድ ባንድ እያነሳን በጥልቀት እንድንወያይበት ነው ::


ከታላቅ አክብሮት ጋር

ናፖሊዮን ዳኘ ::
_________________
ሰው ህሊናውን የሚሸጠው ክህሊና በላይ ዋጋ ያለው ምን ነገር ሊገዛበት ነው?

ኢትዮጵያ ለዘላለም ትኑር!

[ናፖሊዮን ዳኘ]

ምናልባት ላስተላልፍ የሞከርኩት ነገር ግልጽ አልሆነ ይሆናል እንጂ ይሄ ጉዳይ በአጽኖት ውይይት ቢደረግበት በወጣቱ ዘንድ ሊፈጥር የሚችለው ቁርጠኝነት በዋዛ መታየት ያለበት ነገር አይደለም ::

የበለጠ ግልጽ ለመሆን ያህል ይሄንን ጉድይ እንዳነሳ የተገደድኩብት ምክንያት በእኛ በፊት የነበሩትን ኢትዮጵያውያን ለትግል እና ለነጻነት የነበራቸውን ተነሳሽነት እና ቁርጠኝነት ግምት ውስጥ በማስገባት ነው :: በጨረስነው እንኳን ክፍለ ዘመን - ከኢጣሊና ወራሪ ጋር የተፋለሙትን ኢትዮጵያውያን እና ከሀገር ውስጥ ፖለቲካም ጋር ተያይዞ ከ 1960ው የመፈንቅለ መንግስት ሙከራ በኍላ የነበረው የፖለቲካ ቁርተኝነት እና የትግል መንፈስ - አሁን ካለው ትውልድ ጋር ሲተያይ የሰማይ እና የምድር ያህል ሆኖ ስለተሰማኝ ነው ::

ምንም እንኳን የፖለቲካ ስልጣን በመያዝ ረገድ ባይሳካላቸውም የኢሀፓ እና የመኢሶን ትውልድ ይባል የነበረው እንኳን የነበራቸውን ቁርጠኝነት ( ""የትግሉ ነው ህይወቴ "') አሁን ካለው ትውልድ ጋር የሚገናኝ መስሎ ስላልተሰማኝ ነው ::

ልዮነቱ በብዙ መልክ ሊተነተን ይችላል :: ነገር ግን ማህበራዊ ንቃተ ህሊና እና ለህይወት ያለን አመለካከት ልዮነቱን ለመተንተን የበለጠ ጠቃሚ ናቸው ብየ አስባለሁ :: በአንድ በኩል ቁርጠኝነት ከንቃተ ህሊና ማደግ ጋር ተያይዞ የሚመጣ እንደሆነ ሳምን በሌላ በኩል ደሞ ንቃተ ህሊናን ለማጥፋት የሚወሰዱ ፖለቲካዊ የማይመስሉ ፖለቲካው ርምጃዎች ( በገዚዥው የህወሀት ፓርቲ ) እና የለየላቸው የፖለቲካ የሚባሉም የማስፈራሪያ ርምጃዎች ወጣቱን የህብረተሰብ ክፍል ማህበራዊ ንቃተ ህሊናን ሊቀሙ ወደሚችሉ ማህበራዊ ልምዶች እና አኗኗሮች እንደሚወስዱት እሙን ነው :: በኢትዮጵያም የታየው ይኼው ነው :: ከዚህ ውጪ ደሞ ""ዘመናዊነት "" የሚባለው ኢንተርፕራይዝ ራሱ የፈጠረው ጫና አለ ::

በነዚህ ባነሳኍቸው ነገሮች ዙርያ ያሉ ሁኔታዎችን በማንሳት ብንወያይባቸው አሁንም ደስ ይለኛል :: ከእያንዳንዱ ሁኔታ መልስ ባይገኝ እንኳን መጠየቁ በራሱ ወሳኝ እንደሆነ ስለማምን ነው :: ለዛሬው ከግራምስቺ የእስር ቤት ደብዳቤዎች ስለ እምነት (የፖለቲካ ) ክብርነት ያንጸባረቃቸውን ሀሳቦች ላካፍል :

“… some call me satanic, some saintly, but I have no intention of appearing a martyr or a hero. I think of myself as an ordinary man who refuses to barter his deep convictions for anything in the world” Gramsci- i p.102


In a letter to his mother Gramsci wrote:

“… I am presently under political arrest and will be a political prisoner. I am not ashamed of this fact. Basically, I myself willed this arrest and condemnation. I’ ve always refused to compromise my ideas and am ready to die for them, not just be put in prison.” (p. 133)

ናፖሊዮን ዳኘ ::
_________________
ሰው ህሊናውን የሚሸጠው ክህሊና በላይ ዋጋ ያለው ምን ነገር ሊገዛበት ነው?

ኢትዮጵያ ለዘላለም ትኑር!

[ናፖሊዮን ዳኘ]

ንቃተ ህሊና ማለት ይሄ ነው

http://www.youtube.com/watch?v=ohlDR1SvksQ&feature=share


የክብሮሞች ትጋት
ጥቁሩን ነጭ ለማለት
ስለ ህዳሴ ...ስለ ብሄር ብሄረሰቦች ነጻነት
እምብርት እስኪበጠስ እየበሉ ተጎልተው 'ሚጽፉት
በህገ -መንግስት ስላፈረሱት
አዲስ ኢትዮጵያዊነት

ክሽን አድርጎ ጽፎታል ልጁ ! ጎበዝ ልጂ ::

ስለኛም ነጻነት
ስለ ዘመናዊ ባርነት
...ውስጥ ስለጠቆረበት

ንቃተ ህሊና ማለት ይሄ ነው ! ከውስጥም ከውጭም ያለውን ነገር በጥሞና መመርመር ::

ናፖሊዮን ዳኘ ::
_________________
ሰው ህሊናውን የሚሸጠው ክህሊና በላይ ዋጋ ያለው ምን ነገር ሊገዛበት ነው?

ኢትዮጵያ ለዘላለም ትኑር!

[ጥልቁ 1]

ወንድም ናፖሊዮን፡ ያነሳኸው አጀንዳ እጅግ ጥልቅና ብዙ ሊያወያይ የሚችል ነው። ከብዙ አቅጣጫዎችም መታየት የሚችል። ነገር ግን ፣ አጀንዳው ጠበብ ማለት ካልቻለ ስለምን ምን ማለት እንድሚቻል አስቸጋሪ ነው። ለምሳሌ በነጥብ ደረጃ ለመወያየት…
1) አሁን ያለው የወጣቱ ንቃተ -ህሊና ምን ይመስላል ?
2) የተቃዋሚ ፓርቲዎች ጽንሰ -ሃሳብ እና የመሪዎቻቸው ንቃተ -ህሊና ይህን ትውልድ ይመጥናል ወይ ?
3) የለውጥ ሁሉ ባለቤት የሆነው ወጣት የሆዱን በሆዱ ይዞ የሚገዛበት ምክንያት ምን ይሆን ?
4) ንቃተ ህሊናን የማዳበር እና ትውልድ የማነጽ ሃቅም ያለው የኪነጥበብ ሰው ምን እያደረገ ነው ?
እነዚህን እና የመሳሰሉትን አንስቶ መወያየት ይቻላል…

በርታ…

[*ፍቅር *]

[እቴጌይት]

[የዘመኑ ልሳን]

ንቃተ ህሊና ስንል ምን ማለታችን ነው የሚለውን በግልጽ ማስቀመጥ ያስፈልጋል :: እኛ እንደምናስበው ካላሰበ ንቃተ ህሊና የለውም እምንል ከሆነ የእኛን ባዶነት የሚያሳይ ይመስለኛል ::

አንዳንዶቻችን ሕዝቡ የወያኔ መንግስትን ሆ ብሎ በአደባባይ ስላልተቃወመ ወኔቢስ ንቃተ ህሊና የሌለው ብለን ለመሳደብ የሚቃጣን ይመስለኛል ::

የኢትዮጵያ ህዝብ ወያኔን ቢቃወምም አማራጭ አቶ ይሆናል ዝም ያለው የሚለውም በሒሳብ ውስጥ መካተት አለበት ::

እኔ በበኩሌ በአሁኑ ወቅት ወያኔን በሰላም ስልጣን ቢለቅ እንኳን ተቋዋሚዎች ተስማምተው ሀገር ይመራሉ ብዬ አላስብም :: አሁን ስልጣን ሳይኖራቸው ምን ያህል ግለኝነትና ግትረኝነት አብሮ ለመስራት እንዳስቸገራቸው የኢትዮጵያ ህዝብ እያየ እንዴት አድርጎ አምኖ ባይደግፈውም መስዋት ከፍሎ ወያኔን ጥሎ እራሱ ላይ ሌላ መከራ ያመጣል

ንቃተ ህሊና የሚያስፈልግ ከሆነ እንኳን በአንደኝነት የሚያስፈልገው እዚህ ዋርካ ላይ ለምንሳተፍ ሰዎች ነው :: ከእኛ የተለየ የፖለቲካ አቋም ያላቸውን በተለይ የወያኔ ደጋፊዎችን እንደ ሌላ ሀገር ዜጋ እና የሀገር ጠላት አድርገን እያየን እንዴት ብሎ ነው በሀገሪቱ ሰላም የሚመጣው ?? እዚህ ዋርካ ላይ እንኳ ሀሳባችንን አቻችለን ተከባብረን መወያየት ያልቻልን ሰዎች የኢትዮጵያ ህዝብን ንቃተ ህሊና የጎደለው ለማለት መድፈራችን እራሱ አስቆኛል ::

በእርግጥ ወያኔ ከመጣ በኃላ የተስፋፉ በሀገር ደረጃ እኔ በበኩሌ እንደ አስፈላጊ የማላያቸው ነገሮች አሉ :: ለምሳሌ የይሮፕ ፕሪሜሊግ ላይ ያለው obsession የመንግስት ሚዲያዎች ሳይቀሩ የሚያራግቡት ነገር ሰዎን ኢትዮጵያዊ ነገር ላይ ከሞክራት ይልቅ የምዕራቢያውያንን ባህል ነፋቂ እንዲሆን ትልቅ ሚና እየተጫወተ ይመስለኛል :: ሌላው ወያኔ ከመጣ በኃላ የተስፋፋ የጫት መቃም ባህል መረን የለቀቀ ይመስለኛል :: የሙስና : ማጭበርበር የመሳሰሉት እንደ ባህል እየታዩ የመጡ ይመስለኛል :: በአሁኑ ወቅት ቀላል የማይባል በተለይ በከተማ አካባቢ ኢትዮጵያ ውስጥ ተከብሮ ከመኖር ይልቅ ምዕራብ ሀገር ውስጥ ውሻ ሆኜ ብፈጠር ይሻላል ብሎ የሚያስብ ትውልድ አለ :: ወያኔ ያመጣውም ከሀገር ይልቅ በጎሳ የማሰብም ችግርም እንዲሁ :: ለሌላው ሰው እነዚህን ነገሮች እንደ ችግር ላያቸው ይችል ይሆናል :: ዋናው ነጥብ እኔ እንደማስበው ሌላውም ካላሰበ ንቃተ ህሊና ይጎለዋል ፈሪ ነው ወዘተ ማለት ተገቢ አይመስለኝም ::

[ክቡራን]

የዘመኑ ልሳን እንደጻፈው ..

[ናፖሊዮን ዳኘ]

የዘመኑ ልዋጭ እንደጻፈው

[ሓየት 11]

ህዝብን ተጠያቂ ለምታደርጉ : በተለይ ህዝቡ መስዋዕትነት የሚጠይቅ ስራ ለመስራት ዝግጁ አይደለም የምትሉ : እስኪ መጀመሪያ ራሳችሁን ጠይቁ : ራሳችሁንም አጽዱ :: እነ ታማኝ ማይክራፎን ጨብጠው ኡኡ ከማለት የዘለለ : እነ ግንቦት ሰባት በሬዲዮና በፓልቶክ ከመሸለል አልፈው ምን የሰሩት ነገር አለ :: ለመስዋእትነት የቆመ መሪ ወይም ተቃዋሚ ቢኖር ኖሮ መለስ በልበ ሙሉነት ካገር ወደ አገር ነጋ ጠባ አይዘዋወርም ነበር :: ሰባ ሰባት ነጥብ ::::::::
_________________
An eye for an eye, and the whole world would be blind. (KGK)
>>>>>>>>> ገዛ ሓየት

[እቴጌይት]

ሠላም የዘመኑ

[ጥልቁ 1]

ሰላም ለሁሉም :.
ውድ ናፖሊዮን፡ ይህን አምድ ስትከፍት አንድ ያስቀመጥኸው ማስጠንቀቂያ አለ። ይህ አምድ የወያኔ አጥፊነት ጥያቄ ውስጥ በማያስገቡ ኢትዮጵያውያን መሃከል የሚደረግ የውይይት መድረክ ስለሆነ ፣ የወያኔ ርዝራዦች ብቅ ጥልቅ ቢሉና “ወያኔዎችን እንደኢትዮጵያዊ አቅርቡን” ብለው ለሚያነሱት ጥያቄ ስለወያኔ ለማስረዳት መቃጣት ፤ የውይይቱን አቅጣጫ እንደሚያስት ልብ ይሏል። እንደነዚህ አይነቶቹን ምንም አይነት ምላሽ ሳይሰጡ ማለፍ…

ንቃተ -ህሊና…
ከላይ የጠቃቀስኋቸው መነሻ ሃሳቦቸ ፣ አንዳቸው ከአንዳቸው የተያያዙ ናቸው። እንዴውም ሁለት የዘነጋኋቸው (የቤተ -አምልኮዎች እና የትምህርት ተቋማት አስተዋጽኦ ) እና ብዙ ግን የሁሉንም ተሳትፎ የሚጠይቅ (ለመሆኑ ወጣቱ ንቃተ ህሊናው የሚታነጸው የት ነው ?) በሚለው ላይ ሁላችንም የበኩላችንን ልንል ይገባል። ወደራሴ ሃሳብ ከመግባቴ በፊት ግን ፣ በፍቅር የተነሳው ነጥብና በእቴጌይት አላስፈላጊነቱ የተንጸባረቀው “የተቃዋሚ ፖለቲከኞች” ጉዳይ ላይ ማለት የምፈልገው አለኝ።

“ Logical argument” ወይም ትርጉም ያለው ክርክር የሚባለው “ይሄ ቀለም ጥቁር አይደለም” ማለት ሳይሆን “ይሄ ቀለም ጥቁር ሳይሆን … ነው” ብሎ መግለጽ ነው። የወጣቱ ለለውጥ ተነሳሽነት ንቃተ ህሊና ሲፈተሽ ከለውጥ በኋላስ “ወዴት ነው የምሄድ” ብሎ ለሚያነሳው ጥያቄ መልስ ከሌለው ፣ ለምን ለለውጥ ይነሳል ?! እንዴውምኮ ስለንቃተ -ህሊና ልንተረትር የምንሞክረው ሁሉ እንዴው ሃሳብ ለመለዋወጥ ያህል ብቻ ካልሆነ በቀር ፣ የሰው ልጅ ለውጥን የመሻቱ ነገርኮ ተፈጥሯዊ እንጅ የሚሰበክለት ነገር አይደለም። ሰዎች ወያኔን ለመጥላት ፖለቲካ ሊሰበክላቸው ግድ አይልም። ኑሯቸው እራሱ ወያኔ የጫነባቸው ቋጥኝ እንደሆነ ቀን በቀን የሚያዩት ነው። ይህንን ሌላ የትም ሳንሄድ ፣ ወያኔ በ 97 ምርጫ የተናገረውን እንስማ ፤… በመለስ አነጋገር “ለተቃዋሚው ሁሉ የተሰጠው ድምጽ ፣ በወያኔ ላይ ያለን ቅዋሜ ለመግለጽ እንጅ ተቃዋሚዎችን የመደገፍ አይደለም” (Protest vote) ስለዚህ ፣ የተቃዋሚው ጎራ አካሄዱን አሳምሮ ከኢትዮጵያ ህዝብ ጋር አሳማኝ እርቅ እስካልመሰረተ ድረስ ፣ ንቃተ -ህሊና ብቻውን ትል የበላው የተቆረጠ የበቆሎ ጮርቃ ነው። (ለማገዶ ብቻ የሚሆን )

በሌሎቹ ነጥቦች ዙሪያ ፣ ሰንበትን አሳልፌ ብቅ እልባቸዋለሁ።
ሰላም

[ናፖሊዮን ዳኘ]

ስላም ጥልቁ

በንቃተ ህሊና ላይ የገባኝን ያህል ሀሳብ ከመሰንዘሬ በፊት አንተ እንዳልከው መልስ ብለህ መታየት አና አብሮ መዳሰስ አለበት የምትለውን ሀሳብ ብታካፍል ደስ ይለኛል ::

እንደኔ እንደኔ መጀመሪያ የሰራሀቸው ክላሲፊኬሺኖች የበለጠ ፋንክሽናል ናቸው :: ምክንያት በቀጥታ የተጠቀሱትን የህብረተሰብ ክፍሎችን ንቃተ ህሊና በመፍጠር እና ባለመፍጠር የሚኖራቸውን አሉታዊም አዎንታዊም አንድምታ ለመመዘን ስለሚያገለግሉ :: አሁን የጨመርካቸው ሁሉት ካታጎሪዎች --የእምነት እና የትምህርት ተቋማት ---እንደ ተቋም መታየት ያለባቸው ናቸው :: ለነገሩ በአንድ ጎኑ ሲታይ የተቋማቱ ጥንካሬ እና ድክመት ወይንም ርባና እና ርባና ቢስነት በተወሰነ መልኩ ተቋማቱን የሚያንቀሳቅሱ እና በተቋማቱም የሚገለገሉ የህብረስተስብ ክፍሎችን ንቃተ ህሊና ነው የሚያመላክቱት :: በሌላ እነጋገር የተጠቃሚው ህበረተሰብ የንቃተ ህሊና ደረጃ ነው የተቋማቱን ፋይዳ (ከንቃተ ህሊና ጋር በተያያዘ ) የሚወስነው :: ለምሳሌ የአዲስ አበባ ዮኒቨርሲቲን ባለፈው ሀምሳ አመት በሀገሪቱ ፖለቲካዊ ህይወት የነበረውን አስተዋጾ ብናይ እንደየዘመኑ እና እንደነበረው ንቃተ ህሊና ይለያያል :: አሁን እንደሚታየው አዲስ አበባ ዮኒቨርሲቱ መንግስት እየገባ በማስፈራራትም ሆነ በጥቅማጥቅም በመያዝ የመንግስት መገልገያ እና የፕሮፓጋንዳ መሳሪያ ተማሪ ማህበራት የሚያደራጂባቸው ተቋም አልነበረም :: ዛሬ ሁኔታው (እንደምሰማው ) በእጂጉ ተቀይሯል ::

የእምነት ተቋማት ትንሽ ለየት ያለ ባህሪ አላቸው :: እሱንም እመለስበታለሁ ::

ናፖሊዮን ዳኘ ::

[*ፍቅር *]

ሥላም
ሓየት 11

[ሓየት 11]

እኔ እንኳን አስተያየቴን የሰጠሁት በፋንታሲ አለም ለሚኖሩ የቀለም አብዮተኞች ነበር :: ቁጭ ብሎ ሲቸከችክና ሲጮህ ይውልና መስዋእት የሚሆን ህዝብ የለም ይላል እንደዚህ አይነት ሰዎችን (ህዝብን ተጠያቂ የሚያደርጉትን ) ነበር የጠየቅኩት : እናንተስ ምን መስዋእትነት የሚጠይቅ ስራ ሰራችሁና ስል :: ተደብቆ ድንፋታ መስዋእትነት ሊሆን አይችልም :: ለመቸክቸኩም እኮ አያውቁበትም :: ትላንት ካወሩት ጋር የዛሬ አስተያየታቸው እንደጉድ ይጣረሳል :: አቋማቸውን ሲቀይሩ ለምን እንደሚቀይሩም ለሚከታተላቸው ሰው አያስረዱም :: ዝም ብሎ በጋለ ስሜት መቸክቸክ : ከዛም ተቃራኒ ሀሳብ ሲመጣ : ስድብና ታግ መለጠፍ :: እንደኔ ችኮ ከሆንክና እስከመጨረሻ ከወሰድካቸው : ትንፋሽ አጥሯቸው ሌላ ዲስኩር ውስጥ ይገቡልሀል :: ልክ አንተ አሁን እንዳልከው ማለት ነው : ሰው አምላኪ ለመሆኔና ስለአንድ ግለሰብ ስከራከር እንደምኖር የምትዘላብደው ማለት ነው :: እስኪ እንደዛ የተጻፈ አምጣና ሞግተኝ ብልህ የምታመጣት አንዲት ነገር አትኖርም :: ትንፋሽ ሲያጥርህ ግን ወደ ሌላ ትርፍ ቃል ትገባና በዛም በኩል ልክህን ስሰጥህ "ተሳዳቢ ነህ " እንደዚህ ነህ እንደዛ ነህ ማለት :: እኔ ግን ዋርካን ገና ስቀላቀል ጀምሮ በግልጽ ቋንቋ ነገሮችን በምን አይነት መንገድ እንደምመክት ተናግሬያለሁ :: ሀሳብን በሀሳብ : ሳይንቲፊክ የሆነ ክርክር ለፈለገም አለሁ : ለዱላና ለስድብም እንዲሁ አለሁ :: እዚህ ካለው አብዛኛው ከብት በተሻለ : ለስድቡም ለብልግናውም ለቁምነገሩም ለእውቀቱም ለመማሩም ለማብሸቁም ለማሾፉም ቅርብ ነኝ :: ሁሉንም እንደየ አመጣጡ ይሏል ይህ ነው ::

እና አንተ ነገረ ስራህን ሳየው ለዋርካ አዲስ አትመስልም የአፍ ወለምታህን እንድትጠግን እመክርሀለሁ :: ወልምታ አይደለም የምትል ከሆነ ደግሞ ከሌላ ከየትም ሳይሆን ከጻፍኩት ከራሴ ጽሁፍ ሰው አምላኪነቴን : ለግለሰብ ስል መከራከሬን እንድታሳየኝ እጠይቅሃለሁ :: ያው ትንፋሽ ካጠረህ ምን እንደሚከተል ወፏ ሹክ ትልሃለች ብዬ ተስፋ አደርጋለሁ



[quote="*ፍቅር *"]ሥላም
ሓየት 11