የ 9 አመቷ ህጻን ወለደች

[ገልብጤ]

ባለፈው ሣምንት ማክሰኞ በምጥ የተያዘች የዘጠኝ ዓመት ሕጻን ኬንያ ካንገሚ ውስጥ ወደ ሚገኘው ሆስፒታል መሔድ የሕክምና ባለሙያዎችን አስደንግጦ እንደነበር ዘ ኬንያን ዴይሊ ዘግቧል፡፡

ይህን ሁኔታ አጋጣሚ በዓይናቸው ለማረጋገጥ ብዙዎች ወደ አካባቢው ሔደው ነበር፡፡ የዘጠኝ ዓመቷ ሕጻን ጤነኛ ወንድ ልጅ የመውለዷ ዜናም ወዲያው በፍጥነት ተሰራጭቷል፡፡

ሕጻኗ በአካባቢው በሚገኘው ኪሊምቡኒ አንደኛ ደረጃ ትምህርት ቤት ተማሪ የነበረች ቢሆንም እንዴት ትምህርቷን እንዳቋረጠች፤ ለሕክምና ባለሙያዎች ትንግርት የሆነው እርግዝና ጉዳይዋንም በዝርዝር አስረድታለች፡፡

ሕጻኗ እንዳለችው አንድ ቀን ከትምህረት ቤት ወደ ቤት ስትመለስ በአቅራቢያው የሚኖር ጸጉር ቆራጭ በገንዘብ አታሎ ወደ ቤቱ እንደወሰዳት በማስታወስ ስለ እርግዝናዋ ገልጻለች፡፡ ስለጉዳዩ ለማንም ሰው ብትናገር እንደሚገድላት አስጠንቅቆ እንዳስፈራራትም ተናግራለች፡፡

የሕጻኗን መድከምና ዕለት በዕለት የማስመለስ ሁኔታ ያስተዋለችው እናቷ ወደ ሆስፒታል ወስዳ ስታስመረምራት የሕጻኗ እርጉዝ መሆን ሊረጋገጥ ችሏል፡፡ በነገሩ የተበሳጨችው እናት የሰዎች መጠቋቆሚያ እሆናለሁ በሚል ሥጋት ከቤት ያስወጣቻት ሲሆን ሕጻኗ የእርግዝና ጊዜዋን ያሳለፈችው በተወሰኑ በጐ ፈቃደኞች ቤትና ጐዳና ላይም ነው፡፡

በሰላም ከተገላገለች በኋላ ግን አንድ ሕጻን ሌላ ሕጻንን ሊመግብና ሊያለብስ አይችልም በማለት የሕክምና ባለሙያዎች ለሰብዓዊ መብት ተሟጋቾች ለሕጻኗ ድጋፍ እንዲያደርጉ ጥሪ አቅርበዋል፡፡

[url]http://www.ethiopianreporter.com/component/content/article/308-fermata/6597--60-.htmምንጭ [/url]
_________________
SEX IS NOT THE ANSWIER, SEX IS THE QUESTION '* YES* IS THE ANSWIER

[Abba Tobia]