%ሙ @ጭ #ር $ጭ ?ር &

ትርንጎ * · Joined: 06 Oct 2008 Posts: 501

~~~~~~~~~~~~~~~~~~ከነፋሳት ለነፋሲት ~~~~~~~~~~~

የኔ ውዶች እንዴት ናችሁልኝ ? እንደው አርእስቱን ለወጥኩት እንጂ ከበፊቱ ጋር የተያያዘ ሙጭርጭር ነው :: ቸሩ ፈጣሪያችን ይመስገነው እኔና ቤተሰቦቼ በጣም ተጽናንተናል :: እኔ አባቴን እላለሁ ...እሱ ደግሞ የተጨነቀው ለእኔ ነው :: "እኛ በጉዋደኛ : ዘመድና ጎረቤት ተከበን ነው ያለነው ...እንቺ እንጂ ብቻሽን " ነበር ያለኝ መጀመሪያ የደወልኩ ጊዜ :: ስለዋርካ ቤተሰቦቼ ብነግረው ጥሩ ነበር አይደል ? ይታያችሁ ለማብራራት ስንት የስልክ ካርድ እንደምጨርስ :: Very Happy

መቼም የወላጆች ነገር ታውቃላችሁ የሚቀጥለው ጥያቄ "ማን ማን ይባላሉ ? ይሄኔ ቤተሰቦቻቸውን አውቅ ይሆናል ?" ሲለኝ Shocked

ሙዝ : ዱዲ : ሀዲዱ ውቃው Smile

.....ባይሆን እነሀይቴን ኤልሲና ራያን ደርድሬ ከዛ እንግሊዝኞቹን ደግሞ ተርጉሜ ማቅረብ ነዋ

ጉዱን አላወቀ ልጁም ትርንጎ ሆናለታለች ... ድሮ ቀይ መሆን በጣም እፈልግ ነበር : Wink

ከላይ እንደነገርኩዋችሁ ሀዘን አልተቀመጥኩም :: እንደውም ነጋልኝ አልነጋልኝ ብዬ ነው ከቤቴ የወጣሁት :: ለምን ? እንጃ ...አገር ቤትና እዚህ በጣም የተለያየ ነው :: እዛ ሙዋቹን የሚያውቁት ዘመዶች : ጉዋደኞችና ጎረቤት አብረው ያላቅሳሉ : ያስተዛዝናሉ : ያጽናናሉ :: እዚህ ግን ...ወይ ሙዋቹ እዚሁ አገር ካልሆነ : ወይም ሙዋቹን የሚያውቁ ቤተሰቦችና ዘመዶች እዚሁ ከሌሉ በስተቀር ግንጥል ጌጥ ይመስለኛል ...ለእኔ :: ማን አውቆት : ምን ብሎ : እንዴት እንደሚያስተዛዝኑ አላውቅም :: ባለፈው ሁለት ወር ገደማ አዳራሽ ተከራይተው ለሳምንት ሀዘን ስለተቀመጡ ሰዎች ሰማሁና በጣም ተገረምኩ ...የሆንኩ ባላገር ነገር አይደለሁ ሁሉ ነገር ይደንቀኛል :: ብዙ ሰው እንደሚያውቁና ማህበርተኞችም እንዳሉዋቸው ስሰማ መቼም ይሁን አልኩ ...ግን አንድ ሳምንት ሙሉሉሉሉሉሉሉ ለሙሙሙሙሉ ቀን አዳራሽ ተከራይቶ Question

አጋነንኩት ይሆን ?

ወደኔው ልመለስ :: ሀዘን ባለመቀመጤ እንደወቀሳም ቢጤ ደርሶብኛል :: እንድ ያዝ ለቀቅ ጉዋደኛዬም በቀደም ደውሎልኝ እንደው ሳይሰማ እንዳይቀር ሀዘኔን ብነግረው ወይ ጉድ የሚያስብል ጥያቄ ጠየቀኝ :: "እንዴ ! ወንድምሽ ሞቶ ነው እንዲህ የምታወሪው ?" ....እኔም መልሼ "እንዴ !"...ሌላ ምን ይባላል :: ሀዘኔን የማውቀው እኔ ...የተሰማኝን የማውቀው እኔ ...በወቅቱ በጣም ለምቀርባቸው ሰዎች ደውዬ ያላቀሱኝ : አይዞሽ ያሉኝ : በእረፍት ቀኔ ቤቴ የመጡ : እራሴው ቤታቸው ድረስ የሄድኩባቸው አምላክ የሰጠኝ እህቶቼና ጉዋደኞቼ አሉ :: ዋርካም መጥቼ የፃፍኩት ሀዘኔ ተንፍሼው ቢቀለኝ ብዬ ነው :: ለእኔ ይህ ሀዘኔን የመወጫ መንገዴ ነው :: ታዲያ ለእኔ ከሰራልኝ ሰው አገር ቁጭ ብሎ የግድ በባህላችን እንዲህ ነው መደረግ ያለበት ብሎ ክርክር አይገባኝም :: ለዚያውም አገራችንም ቢሆን ...እንደውም ይህ እራሱን የቻለ ርእስ ነውና ለዛሬ እንዳለ ለምን አንተወውም ?

በጣም የገረመኝ ...አዎን ጠንካራይቱን ...ሀዘን አልቀመጥም ያለችውን ሴትዮ ...ሰሞኑን እናንተ የምትፅፉልኝን ለማንበብ ከያለሁበት ቦታ ሁሉ ዋርካ ወጣ ገባ ማለቴ ነው :: ለምን ? ምን አግኝቼበት ነው ? አዎን ... ሰዎች ነንና ሁላችንንም መጠኑ ይለያይ እንጂ አይዞህ /ሽ መባል እንፈልጋለን ...ችግራችንንም ሆነ ሀዘናችንን ትንሽ ቆም የሚያዳምጠን እንፈልጋለን ...እኛ የመጀመሪያዎቹ እንዳልሆንን ብናውቀውም የእኛው አይነት ሀዘንና ችግር ደርሶባቸው ያለፉት ሰዎች "አይዞህ /ሽ ...እኔም አልፌዋለሁ " ሲሉን መስማት ያበረታናል :: ታዲያ ከማንተያየው ከናንተ ከነፋሳቱ ...ለኔ ለነፋሲትዋ የተላኩት ማበረታቻዎች ይህን ያህል ጉልበት ሲኖራቸው አይገርምም ? ሌላ ምን እላለሁ ...እግዚያብሄር ይስጥልኝ : ያክብርልኝ : በፈለጋችሁት ጊዜ ሁሉ ከጎናችሁ ይቁምልኝ :: በቸር ያገናኘን ::

ውቅሽ ኤልሲና ሻይነት በድጋሚ አመሰግናለሁ :: ሙዝሻ ባለፈው ስለሞት የፃፍከው ፍልስፍና (የኔ ፈላስፋ ) ግማሹን ተስማምቼ : በግማሹ ሙግት ልገጥምህ ዱብ ዱብ እያልኩ ነውና ተዘጋጅ :: Wink

ፙዅኽፙ · Joined: 06 Feb 2004 Posts: 33

ትርንጎ * :-

ባጋጣሚ ዋርካ ገብቼ ሐዘንሽን አንብቤ ማለፉን አልቻልኩም :: እ /ር መፅናናቱን እና ብርታቱን ይሰጥሽ ዘንድ ምኞቴም ፀሎቴም ነው ::

ፙዅኽፙ ::

ቤቲ _13 · Joined: 18 Sep 2006 Posts: 723 Location: ethiopia

ትርሻ ........................ዬ አንች ዕኮ .......እስኪ ቸኮልኩና የመጀምሪያዉን እንዳነበብኩ ዑዑዑዑዑዑዑዑዑኡ ማለቱ ደስ አለኝ ስጭረስዉ ብቅ እላለሁ

ካቶ · Joined: 29 Jan 2009 Posts: 3 Location: canada

ትርንጎ እግዚሓብሔር ላንችም ለቢተሰቦችሥ መትናናት
ይሁናቹ

ሙዝ 1 · Joined: 22 Feb 2006 Posts: 2615

ትርንጎ * · Joined: 06 Oct 2008 Posts: 501

ካቶሻና ፙዅኽፙ አሜን አሜን ...አመሰግናለሁ :: ቤቲ ቆንጆ አንቺ የመስቀል ወፍ እንኩዋን ደህና መጣሽ :: ሙዝነቴ እስቲ ወደፍልሚያው አለም ብቅ ብዬ እመለሳለሁ ::

ፋኖፋኖ · Joined: 08 Nov 2006 Posts: 805

ትርንጎ * · Joined: 06 Oct 2008 Posts: 501

ፋኖዬ አይዞን አይዞን ...ብርታቱን ይስጥህ ወንድምዬ ::

በሉ እስቲ የወር ሰው ይበለን :: ለመቆያ ይቺን በ 2004 የጫጫርኩዋትን ግጥም ቅመሱልኝ ...ያሚታና ትሩዝ ብቻ ድርሽ እንዳይሉ Very Happy

በቸር ያገናኘን ::

~~~~~~~~~~~~~መኖር ~~~~~~~~~~~~~~~~
አቤት ህይወት መልካም ቆሞ መገኘቱ
ሁሉን የሚያሳየን ብሩህ መስታወቱ
ቢደርስብን ዛሬ መጎዳት ሀዘኑ
መጽናናት አይቀርም መቼም ሰው ከሆኑ
ልባችን ቢታለል በከሀዲ ተስፋ
ሁሉን ብንከስር ሀብታችን ቢጠፋ
ጤናችን ቢታወክ በድንገት በሽታ
ዘመድ ቢነጥቅብን ሞት የሚሉት ሽፍታ
ሁሉም ነገር ያልፋል ጊዜ ያሽረዋል
ነገ የሚሉት ተስፋ ያስተካክለዋል

አቤት መኖር ደጉ መተንፈስም ቆሞ
ወርቅ አልማዝ አይገዛው ከአለም ተለቅሞ
በነገ ሲሰበር ግፍ አድራጊው ዛሬ
የተጠቃው ሲቀምስ የደስታን ፍሬ
የሳቀው ሲያለቅስ ያነባው ሲስቅ
የናቁት ሲነሳ የካቡት ሲወድቅ
...............የማይቀር ነውና ለሁሉም ፍጻሜ
...............ይህን ለመመስከር ስለታደልን እድሜ
...............ቸር ፈጣሪያችንን እያልን ተመስገን
...............አክብረን እንያዝ ሁልጊዜም መኖርን

ሙዝ 1 · Joined: 22 Feb 2006 Posts: 2615

yammi · Joined: 28 Jul 2006 Posts: 436

ትርንጎዬ በሩን ክፍት አግኝቼ ነው የገባሁት Very Happy

ከሰማይ ርቀህም ትንፋሽህ ከተሰማኝ :
የመለየት ትርጉሙ
ታድያ እንዴት ግራ አይገባኝ ::

ከግጥምሽ ጋር ብትያያዝ ብዬ ነው ::

ትርንጎ * · Joined: 06 Oct 2008 Posts: 501

~~~~~~~~~~~~~~~~~~~Mommy, I am twelve~~~~~~~~~~~~~

ሰዎችዬ ኧረ አንድ በሉኝ :: እስቲ አሁን በአስራ ሁለት አመታችን ያደረግነው ነገር እንኩዋን ትዝ ይላችሁዋል ? ከመራገጥ ከዝላይና እብደት በስተቀር :: ተው ግዴላችሁም ...ይህ ስምንተኛው ሺ የሚሉት ነገር ሳይመጣ አልቀረም ...ወይስ ጉርምስና እኔ ቤት ሲመጣ የተለየ ሆኖ ታየኝ ? የራሴኑ ጉርምስና ባስበው ባስበው ትዝ አልል አለኝ :: ለነገሩ ጎርምሼ ባስቸግር የት ልደርስ ...አፈር ድሜ ሲያስግጡኝ ሰጥ ለጥ እለው አልነበር ::

እናትነት አምላክ ከሰጠኝ በረከቶች ሁሉ ዋነኛው ነው :: ስነቃም ስተኛም የምተነፍሰው የማይሰለቸኝ የህይወቴ ጣፋጭ ዜማ ነው :: የዛሬይቱን እኔ ጠፍጥፎ ቀርጾና ሞርዶ እንደገና የፈጠራት እናትነት ነው :: ታዲያ ሰሞኑን ይህንን ደስታዬን የሚፈታተን ጉዳይ ገጥሞኛል :: ግራ የገባ ነገር :: Confused

ውድዋ ልጄ ወርቅ ናት :: መልክዋ ቁመናዋ ለስላሳነትዋ የጭንቅላትዋ ብሩህነት መቼም ካይን ያውጣት የሚያስብል ነው ...ወይስ ሁሉም እናት እንዲህ ይል ይሆን ? Wink

እና ይኸውላችሁ ይቺ ቆንጆ ባለፈው ልደትዋ ሻማዋን እፍ ስትል ልጅነትዋም አብሮ እፍ ብሎልኝ እርፍ :: ለምን እንዲህ አደረግሽ ብዬ ለማቀርበው ጥያቄ ሁሉ "Mommy, I am twelve' ይባልልኝ ጀመር :: አቤት ታዲያ እጄን ሲበላኝ ...ግና ልጆቻችሁን አብሬ ላሳድግ የሚል መንግስት አገር ሆነና ያለነው ፎክሬ እመለሳለሁ :: በአስተሳሰብ ከስዋ እንደምበልጣት ለማሳየት ከእድሜዬ ጀምሮ እስከትምህርት ደረጃዬ መለፍለፍ ጀምሬላችሁዋለሁ ...ለስዋ ቢገባት ::

'ለምን እንዲህ አደረግሽ ?"
"ኦህ ...ይቅርታ " ደንገጥ ማለት እንኩዋን የለም ::
"ሁለተኛ እንዳታደርጊ "
"እሺ " ሌላ ነገር እየሰራች ::
"አይኔን እያየሽ አናግሪኝ "
"እሺ " አይንዋ ውሀ እስኪያቀር አፍጥጣ ታየኛለች ::
"ነይ ከኛ ጋር ተቀመጪ ...ለብቻሽ ለምንድነው በር የምትዘጊው ?"
"ብቻዬን ስሆን ደስ ይለኛል ...ፀጥታ እፈልጋለሁ " ወደክፍልዋ እየሄደች ::
"ኧረ የታባሽ ...ነይ እዚህ ቁጭ በይ "
"Ohhhh...mommy I am twelve" ይባልልኛላ ..ይቺ ቆራጣ 21 የሆናት ቀን ምን ልታደርገኝ ይሆን Rolling Eyes

"እኔ ስንት አመቴ ነው ?" ሰሞኑን መቼም በየቀኑ ሆኖዋል የምጠይቃት ...ከስዋ የበለጠ የህይወት ልምድ እንዳለኝ ለማሳየት ::

"እሱን ልብስ ቀይሪው "
"አይ ልጆቹ ሁሉ እንዲህ ነው የሚለብሱት " ለማውለቅም ሀሳብ የላት ::
"ስለሌሎች ልጆች አያገባኝም ...የኔ ልጅ አንቺ ነሽ "
"ማሚ አስራሶስት አመት ሊሞላኝ እኮ ነው ...ደግሞ ስድስተኛ ክፍል ነኝ "
"አምላኬ ስድስት ያድርግሽ ...እኔ ስንተኛ ክፍል እንደሆንኩ ታቂያለሽ ?"
"ኦህ " Rolling Eyes

ይባልልኛላ አይንዋን እያሽከረከረች ::

ባለፈው አርብ ምሽት ሳሎን ሁላችንም መኝታችንን መሬት አንጥፈን ፊልም ስናይ አመሸንና ሲያልቅ እሜቴ ብድግ አትልልኝም ..."እዚሁ ተኚ " ስላት ለወትሮው እኮ ጭራሽ ትለምነኝ ነበር ..."አይ አልጋዬ ነው የሚመቸኝ " ብላኝ ውልቅ :: አንገትዋን ጨምድጄ ላመጣት ከጀለኝና ከአጠገቤ ሽጉጥ ብላ እንቅልፍ የሚያንጎላጃትን ዶለዜን እንዳልረብሽ ብዬ ተውኩት ...ይቺኛዋም እንደእህትዋ ለዛዋ ሳይጠፋ ቶሎ ብጠግባት ::

ብዙ ለፈለፍኩ አይደል ...ግን ከምር ልጄን ምን በላብኝ ? እንደው ማስጠንቀቂያም እንኩዋን የማይሰጥ ነፋስ ...እያለች እኮ የለችም :: በትምህርትዋ ጭራሹን ጎብዛለች ...ይህን ያንን እያለች አታስቸግረኝም ...ግን በቃ እንደው ሳላስበው አደኩ ብላኝ ቁጭ :: እኔ ያቺ ስሬ ሽጉጥ የምትለውን : ስትትተኛ ሳሚኝ ብላ የምትጣራውን : ከቤት በወጣሁ ቁጥር አብሬሽ ልምጣ የምትለውን ልጄን ናፈኩዋት እኮ :: ወይስ ችግሩ ከኔ ነው ? እኔ በፍጹም ለዚህ ዝግጁ እይደለሁምና በልጆቻችሁም ሆነ በታናናሾቻችሁ ያለፋችሁበት ካላችሁ መላ በሉኝ :: ምን ትመክሩኛላችሁ ? በቸር ያገናኘን እስቲ ::

ያሚታ እንኩዋን ብቅ አልሽ ቆንጆ ...በሁለት ስንኝ ኩዋ የምታደርግ ግጥም ::
ሙዝነቴ ቂቂቂቂቅ አመክሮ አልከኝ ...ይኸው ብሶት በሳምንቴ አመጣኝ እኮ ...ካንተ ጋር ቦክስ ለመግጠም ሶስት ሳምንት ይቀረኛል :: Wink

የጠፋኸው መካሪዬ አቦ ደውልልኝ ...መቼም ስትስቅብኝ ታይቶኛል ::

ቢሌ · Joined: 18 Aug 2004 Posts: 601 Location: united states

ውድ ትርንጎ , እንደት ሰነበትሽ ከነመላው ቤተሰብሽ ????? በረታሽ ወይ ???

ስለልጅሽ ያካፈልሽንን በጥሞና አነበብኩት : ማድረግ ያላብሽ በኔ አስተያየት , እቤት ወስጥ ልጂሽ ማድረግ የምትፈልገውን አትከልክያት : ብዙግዜ መጨቃጨቅ ወይም መከልከል ስታበዢ ወደከፋና አላሰብሺው መጥፎደረጃ ችግሩ ሊደረስ ይችላልና ጥንቃቄ ማደርጉ ጥቃሚ ነው :: ብዙን ጊዜ ሴቶች ልጆች አንቺ በጠቀስሺው እድሜ ያደጉና አዋቂ የሆኑ ይመስላቸዋል ::

በተለይ የሴትነት ሕይወታቸው የደረሰ የሚመስላቸው በ 12 እና 13 አመት ሲሆናቸው ነው :: ስለዚህ አንቺ ማድረግ ያለብሽ : የምትፈልገውን በቤት ውስጥ እንድታደርግ ፍቀጂላት : ምክር አታብዢባት : እንዳላየ ሆነሽ ሁኔታዋን መከታተል ብቻ ነው ማደረግ ያለብሽ ::

የልጆች አባት ቢሌ ::

አባዜ ኩሉ · Joined: 15 Mar 2005 Posts: 114 Location: ethiopia

[quote="ትርንጎ *"]~~~~~~~~~~~~~~~~~~~Mommy, I am twelve~~~~~~~~~~~~~

ሰዎችዬ ኧረ አንድ በሉኝ :: እስቲ አሁን በአስራ ሁለት አመታችን ያደረግነው ነገር እንኩዋን ትዝ ይላችሁዋል ? ከመራገጥ ከዝላይና እብደት በስተቀር :: ተው ግዴላችሁም ...ይህ ስምንተኛው ሺ የሚሉት ነገር ሳይመጣ አልቀረም ...ወይስ ጉርምስና እኔ ቤት ሲመጣ የተለየ ሆኖ ታየኝ ? የራሴኑ ጉርምስና ባስበው ባስበው ትዝ አልል አለኝ :: ለነገሩ ጎርምሼ ባስቸግር የት ልደርስ ...አፈር ድሜ ሲያስግጡኝ ሰጥ ለጥ እለው አልነበር ::

እናትነት አምላክ ከሰጠኝ በረከቶች ሁሉ ዋነኛው ነው :: ስነቃም ስተኛም የምተነፍሰው የማይሰለቸኝ የህይወቴ ጣፋጭ ዜማ ነው :: የዛሬይቱን እኔ ጠፍጥፎ ቀርጾና ሞርዶ እንደገና የፈጠራት እናትነት ነው :: ታዲያ ሰሞኑን ይህንን ደስታዬን የሚፈታተን ጉዳይ ገጥሞኛል :: ግራ የገባ ነገር :: :?

ውድዋ ልጄ ወርቅ ናት :: መልክዋ ቁመናዋ ለስላሳነትዋ የጭንቅላትዋ ብሩህነት መቼም ካይን ያውጣት የሚያስብል ነው ...ወይስ ሁሉም እናት እንዲህ ይል ይሆን ? :wink: እና ይኸውላችሁ ይቺ ቆንጆ ባለፈው ልደትዋ ሻማዋን እፍ ስትል ልጅነትዋም አብሮ እፍ ብሎልኝ እርፍ :: ለምን እንዲህ አደረግሽ ብዬ ለማቀርበው ጥያቄ ሁሉ "Mommy, I am twelve' ይባልልኝ ጀመር :: አቤት ታዲያ እጄን ሲበላኝ ...ግና ልጆቻችሁን አብሬ ላሳድግ የሚል መንግስት አገር ሆነና ያለነው ፎክሬ እመለሳለሁ :: በአስተሳሰብ ከስዋ እንደምበልጣት ለማሳየት ከእድሜዬ ጀምሮ እስከትምህርት ደረጃዬ መለፍለፍ ጀምሬላችሁዋለሁ ...ለስዋ ቢገባት ::

'ለምን እንዲህ አደረግሽ ?"
"ኦህ ...ይቅርታ " ደንገጥ ማለት እንኩዋን የለም ::
"ሁለተኛ እንዳታደርጊ "
"እሺ " ሌላ ነገር እየሰራች ::
"አይኔን እያየሽ አናግሪኝ "
"እሺ " አይንዋ ውሀ እስኪያቀር አፍጥጣ ታየኛለች ::
"ነይ ከኛ ጋር ተቀመጪ ...ለብቻሽ ለምንድነው በር የምትዘጊው ?"
"ብቻዬን ስሆን ደስ ይለኛል ...ፀጥታ እፈልጋለሁ " ወደክፍልዋ እየሄደች ::
"ኧረ የታባሽ ...ነይ እዚህ ቁጭ በይ "
"Ohhhh...mommy I am twelve" ይባልልኛላ ..ይቺ ቆራጣ 21 የሆናት ቀን ምን ልታደርገኝ ይሆን :roll:
"እኔ ስንት አመቴ ነው ?" ሰሞኑን መቼም በየቀኑ ሆኖዋል የምጠይቃት ...ከስዋ የበለጠ የህይወት ልምድ እንዳለኝ ለማሳየት ::

"እሱን ልብስ ቀይሪው "
"አይ ልጆቹ ሁሉ እንዲህ ነው የሚለብሱት " ለማውለቅም ሀሳብ የላት ::
"ስለሌሎች ልጆች አያገባኝም ...የኔ ልጅ አንቺ ነሽ "
"ማሚ አስራሶስት አመት ሊሞላኝ እኮ ነው ...ደግሞ ስድስተኛ ክፍል ነኝ "
"አምላኬ ስድስት ያድርግሽ ...እኔ ስንተኛ ክፍል እንደሆንኩ ታቂያለሽ ?"
"ኦህ " :roll: ይባልልኛላ አይንዋን እያሽከረከረች ::

ባለፈው አርብ ምሽት ሳሎን ሁላችንም መኝታችንን መሬት አንጥፈን ፊልም ስናይ አመሸንና ሲያልቅ እሜቴ ብድግ አትልልኝም ..."እዚሁ ተኚ " ስላት ለወትሮው እኮ ጭራሽ ትለምነኝ ነበር ..."አይ አልጋዬ ነው የሚመቸኝ " ብላኝ ውልቅ :: አንገትዋን ጨምድጄ ላመጣት ከጀለኝና ከአጠገቤ ሽጉጥ ብላ እንቅልፍ የሚያንጎላጃትን ዶለዜን እንዳልረብሽ ብዬ ተውኩት ...ይቺኛዋም እንደእህትዋ ለዛዋ ሳይጠፋ ቶሎ ብጠግባት ::

ብዙ ለፈለፍኩ አይደል ...ግን ከምር ልጄን ምን በላብኝ ? እንደው ማስጠንቀቂያም እንኩዋን የማይሰጥ ነፋስ ...እያለች እኮ የለችም :: በትምህርትዋ ጭራሹን ጎብዛለች ...ይህን ያንን እያለች አታስቸግረኝም ...ግን በቃ እንደው ሳላስበው አደኩ ብላኝ ቁጭ :: እኔ ያቺ ስሬ ሽጉጥ የምትለውን : ስትትተኛ ሳሚኝ ብላ የምትጣራውን : ከቤት በወጣሁ ቁጥር አብሬሽ ልምጣ የምትለውን ልጄን ናፈኩዋት እኮ :: ወይስ ችግሩ ከኔ ነው ? እኔ በፍጹም ለዚህ ዝግጁ እይደለሁምና በልጆቻችሁም ሆነ በታናናሾቻችሁ ያለፋችሁበት ካላችሁ መላ በሉኝ :: ምን ትመክሩኛላችሁ ? በቸር ያገናኘን እስቲ ::

ያሚታ እንኩዋን ብቅ አልሽ ቆንጆ ...በሁለት ስንኝ ኩዋ የምታደርግ ግጥም ::
ሙዝነቴ ቂቂቂቂቅ አመክሮ አልከኝ ...ይኸው ብሶት በሳምንቴ አመጣኝ እኮ ...ካንተ ጋር ቦክስ ለመግጠም ሶስት ሳምንት ይቀረኛል :: :wink:
የጠፋኸው መካሪዬ አቦ ደውልልኝ ...መቼም ስትስቅብኝ ታይቶኛል ::[/quote]

መልዕክትሽን ማንበብ ብቻ ሳይሆን በስሜት ተረዳሁት :: እኔም አንቺም አንድ መርከብ ላይ ነን :: ብልህነት ጨምሪበት እናትነት ጥበብ የለውም ግን ትዕግስት ያስፈልገዋል :: እኔም የውዷ ባለቤቴና የሴትዋ ልጄ ዳኛ መሆን ልቤን እየናጠብኝ ነው :: Dad can you please tell mumy.....Dad mumy is annoying me..... Dad mum doesn't get it..... ስትለኝ ልጄ የኔ ቆንጆ እቺ እንዲህ የምትያት እናትሽ እኮ 9 ወር በሆድዋ ተሸክማ ጡቶችዋን አጥብታ ከራስዋ በላይ ተንሰፍስፋ ያሳደገችሽ ናትና አክብሮት ያስፈልጋል በማለት እገስፅታለሁ :: but I am grown girll now and I need the space ስትለኝ ልቤ ይሸበራል ከራሴ በላይ ለናትዋ አስባለሁ :: እግዚአብሄር ይርዳን ::

ትርንጎ * · Joined: 06 Oct 2008 Posts: 501

አባዜኩሉ አሜን ብያለሁ :: ቢልነቴ ምክርህን ተቀብዬ ሰሞኑን እራሴው ፀባይ ገዛሁ መሰል :: Very Happy

የሚገርምህ ተመሳሳይ ምክር ከሌላም ወላጅ አገኘሁ ...አመሰግናለሁ ::