መዳን በሌላ በማንም የለም ሐዋ 4;12

[ዘእግዚነ]

መዳን በማንም በሌላ የለም ሐዋ 4፤ 12
ኦርቶዶክሳዊያን ከብዙ ፕሮቴስታንቶች ጋር በመጽሐፍ ቅዱስ ዙሪያ እንወያያለን። ሌላውን ብተወው እንካን እዚህ ዋርካ ውስጥ ከብዙዎች ጋር ተነጋግረናል። ለሁላችንም ለኦርቶዶክሳዊያን የሚጠቅሱልን ጥቅስ ሐዋ 4፤ 12 ላይ የተጠቀሰውን በርእሱ ያስቀመጥሁትን “መዳን በሌላ በማንም የለም” የሚለው ቃል ነው። [/u][/b]በተለይም ሲናደዱና የሚሸነፉ ከመሰላቸው የሚጠቅሱት ጥቅስ መዳን በሌላ በማንም የለምና ኢየሱሰ ጌታ ነው የሚሉት ናቸው። ብዙ ፕሮቴስታንቶች ይህንን ጥቅስ የማናምን አይመስላቸውም ወይም ደግሞ ከራሳችን ፈጥረን ተጨማሪ ያመጣንበት ይመስላቸዋል። አንዳንድ በመጽሐፍት ያልዘለቁ ክርስቲያኖችንም ይህንን ጥቅስ የፕሮቴስታንት ጥቅስ ሲሉት ሰምቻለሁ። ሆኖም የመጽሐፍ ቅዱስ መልእክት ሁሉ የኦርቶዶክሳዊት ቤተ ክርስቲያን መልእከት የራሷ ጥቅስ እንጂ የሌላ የሚሰጥ ጥቅስ የለንም።

ይህንን ጥቅስ ይዘው አንዳንዶች ለመዳን ከኢየሱስ ውጭ ወደ ላይም ወደ ታችም መሄድ አያስፈልግም ይላሉ። አወ እኛ ይህንን እናምናለን። መዳናችን የተፈጸመው በክርስቶስ ኢየሱስ ነው። አዳኝም እርሱ ነው ስብራታቸንን የጠገነ ከደዌችን የፈወሰን እርሱ ነው። ለዚህ ነው ቤተ ክርስቲያን ኢየሱስን መድሃኒዓለም /የዓለም መድሃኒት፤ መዳኛ / ብላ የምትጠራው። እርሱ ስሙ ከስም በላይ የሆነ መዳኛ የሆነ ስም ነው። ስሙም ክቡር ስለሆነ እንዲሁ በየቦታው አታነሳውም ማንሳት በሚገባን ቦታ ግን የጌታን ስም እንጠራለን። አንዳንዶቹም እንደሚሉት ኢየሱስ ጌታ ነው ቱፓክ መላጣ ነው ብለን በጌታ ስም አንቀልድም።

ታዲያ አዳኝ ኢየሱስ ብቻ ከሆነ የቅዱሳን ስሞችን እንዴት እንጠራለን ?

አንዳንዶች ይህ ግራ ገብቷቸው ተወናብደው ቀርተዋል። መዳን በኢየሱስ ብቻ ከሆነ ለምን ጸበል እንሄዳለን ? መዳንስ በኢየሱስ ክርስቶስ ብቻ ከሆነ በቅዱሳን ስም በሆነ ጸበል እንዴት እንጠመቃለን ? መዳንስ በኢየሱስ ብቻ ከሆነ የቅዱሳንን በረከት እንዴት እንፈልጋለን ? ይህ ሁሉ ከፕሮቴስታንቶች የሚወርድና የሚዠጎደጎድ ጥያቄ ነው።
የነዚህ ጥያቄዎች መልስ ለማግኘት ምርምር አያስፈልግም ። ነገር ግን የምታነበውን ታስተውለዋለህን ተብሎ እንደተጠየቀው ኢትዮጲያዊ ጃንደረባ /ሐዋ 8፤ 30/ መጽሐፉን በማስተዋልና በመረዳት በትህትናም ማንበብ ያስፈልጋል። ምክነያቱም መጽሐፍ ቅዱስ አዋቂዎች ሳይሆን ትሁታን ይረዱታል። ሁሉን አውቀናል ከሚሉ ሰውሮ ጌታ ለታናናሾች ገልጾታልና።
በመጀመሪያ እንደቤተ ክርስቲያን እምነት በቅዱሳን ስም የሚደረግ ማናቸውም ነገር ራሱ ባለቤቱ ኢየሱስ ክርስቶስ ከባህርይ አባቱ ከአብ ከህይወቱ ከመንፈስ ቅዱስ ጋር አለበት። በቅድስተ ቅዱሳን ድንግል ማርያምም ይሁን በቅዱሳን ስም የሚደረግ ነገር ሁሉ ራሱ ባለቤተ አለበት። ጸጋቸውን የሰጠ ክብራቸውን ያበዛ ራሱ ኢየሱስ ስለሆነ። ኢየሱስ ያልሰጠውን ስለጣን ቤተ ክርስቲያን ለቅዱሳን አልሰጠችም አትሰጥምም።
ኢየሱስ ክርስቶስ ለቅዱሳኑ የሰጣቸው ክብር በምድር እንዲሁ የሚቀር በእኛ ብቻ የሚታይ አይደለም የዓለም ፍጻሜ ሲሆን እንዲፈርዱ ስልጣን ሰጧቸዋል። አንተ መንግስተ ሰማያት ትገባለህ አንተ አትገባም የማለት ስልጣን ኢየሱስ ሰጥቷል። ከዚህ የበለጠ ስልጣን በመንፈሳዊው አለም የለም። ከማማለድ ከማዳን የበለጠ ስልጣን መፍረድ ነው።
ማቴ 19-27-28 በዚያን ጊዜ ጴጥሮስ መልሶ። እነሆ፥ እኛ ሁሉን ትተን ተከተልንህ፤ እንኪያስ ምን እናገኝ ይሆን ? አለው። ኢየሱስም እንዲህ አላቸው። እውነት እላችኋለሁ፥ እናንተስ የተከተላችሁኝ፥ በዳግመኛ ልደት የሰው ልጅ በክብሩ ዙፋን በሚቀመጥበት ጊዜ፥ እናንተ ደግሞ በአሥራ ሁለቱ የእስራኤል ነገድ ስትፈርዱ በአሥራ ሁለት ዙፋን ትቀመጣላችሁ።

ኢየሱስ ክርስቶስ በእኔ የሚያምን እኔ የማደርገውን ስራ ይሰራል ከዚህም የሚበልጥ ብሎ በፍጹም እምነት እርሱን ለተከተሉ ቅዱሳን ሰጥቷል። ይህም ማለቱ ከእርሱ የሚበልጥ ስራ ምንድን ነው ? ኢየሱስ ሙታንን እንዳስነሳ ጎባጣ እንዳቀና ድውያንን እንደፈወሰ ድውየንን መፈወስ፤ ሙታንን ማስነሳት፤ ልዩ ልዩ ታምራት ማድረግ ነው። ይህም አንደኛ በህይወት እያሉ ቅዱሳን ፈጽመውታል አሁንም በስማቸው ታምራት ይደረጋሉ።
በመጽሐፍ ቅዱስ በጸበል ሰዎች ሲድኑ ነበር /ዮሐ 5/ ታዲያ በኢየሱስ ስም ብቻ ነው የሚዳን የሚለውን ቃል እንደመናፍቃኑ ከተረጎምነው መጽሐፍ ቅዱሱን የሚጋጭ አድርገነው ቀረን ማለት ነው።

ኢየሱስ ክርስቶስ እርሱ መድሐኒቱ ነው። በቅዱሳንም ስም ይሁን በጻድቃን ስም ብንጠራ የሚያድነው እርሱ ነው ነገር ግን እርሱ ስለእነርሱ ይከብር ዘንድ ስልጣንን ሰጣቸው። የጴጥሮስ ጥላ ሲያድን በጥላው አድሮ የሚያድን እርሱ ነው። የጳውሎስም ጨርቅ ሲያድን የሚያድነው እርሱ ነው። ግን እግዚአብሔር በቅዱሳኑ ይከብር ዘንድ የእነርሱ ጨርቃቸው ያድናል፤ የሞተው ገላቸው ሰዎች የጣሉት የቀበሩት በድን ይፈውሳል፤ቀሚሳቸው ሃይል አለው። ስማቸውም ሀይል አለው። በድንግል ማርያም ስም ሰይጣን ይታሰራል፤ በጳውሎስ በጴጥሮስ ስልጣን ሰይጣን ይታሰራል፤ በቅዱስ ሚካኤል ሰይፍ ጠላት ሰልጣን ይታሰራል። እነርሱ እግዚአብሔር አለባቸውና።

ለመረጃ ይሆነን ዘንድ የሚከተለውን ጥቅስ ብቻ እንመልከት ሐዋ 19፡ 11-17
እግዚአብሔርም በጳውሎስ እጅ የሚያስገርም ተአምራት ያደርግ ነበር፤ ስለዚህም ከአካሉ ጨርቅ ወይም ልብስ ወደ ድውዮች ይወስዱ ነበር፥ ደዌያቸውም ይለቃቸው ነበር ክፉዎች መናፍስትም ይወጡ ነበር። አጋንንትንም እያወጡ ይዞሩ ከነበሩት አይሁድ አንዳንዶች። ጳውሎስ በሚሰብከው በኢየሱስ እናምላችኋለን እያሉ ክፉዎች መናፍስት ባሉባቸው ላይ የጌታን የኢየሱስን ስም ይጠሩባቸው ዘንድ ሞከሩ። የካህናትም አለቃ ለሆነ አስቄዋ ለሚሉት ለአንድ አይሁዳዊ ይህን ያደረጉ ሰባት ልጆች ነበሩት። ክፉው መንፈስ ግን መልሶ። ኢየሱስንስ አውቀዋለሁ ጳውሎስንም አውቀዋለሁ፤ እናንተሳ እነማን ናችሁ ? አላቸው። ክፉው መንፈስም ያለበት ሰው ዘለለባቸው ቆስለውም ከዚያ ቤት ዕራቁታቸውን እስኪሸሹ ድረስ በረታባቸው አሸነፋቸውም። ይህም በኤፌሶን በሚኖሩት ሁሉ በአይሁድና በግሪክ ሰዎች ዘንድ የታወቀ ሆነ፥ በሁላቸውም ላይ ፍርሃት ወደቀባቸው፥ የጌታም የኢየሱስ ስም ተከበረ፤

የጳውሎስን ታምር ብቻ እንመልከት፡ እግዚአብሔርም በጳውሎስ እጂ የሚያሰገርም ታምራት ያድርግ ነበር። ታምሩን የሚያደርገው /የሚያደነው / ራሱ እግዚአብሔር ነው። ስለዚህም ከአካሉ ጨርቅ ወይም ልብስ ወደ ድውዮች ይወስዱ ነበር፡ ከአካሉ ጨርቅ ከቀሚሱ ከሱሪው ማለቱ ነው። ከልብሱ ሲል ከሚደርበው ከልብሱ ሲል ደግሞ ከሚደርበው ከመጎናጸፊያው ይሆናል። በአጠቃላይ እግዚአብሔር ጳውሎስን ሁለንተናውን አክብሮታል። የማን ልብስ ነው ሊያደን የሚችል ከእውነተኞቹ ቅዱሳን ውጭ የማን ልበስ ነው መናፍስትን የሚየስወጣ እግዚአብሔር ካከበረው ቅዱስ ውጭ። በዚህም መንገድ የቅዱስ ጳውሎስ ከልብሱ ይልቅ ስልጣኑ ከልብሱ ይልቅ ስሙ እንዴት አይከብር። ለዚህም ነው የቅዱሳን ስሞች ያደናሉ እርሱ እግዚአብሔር መርጧቸዋልና። በእነርሱ ይከብር ዘንድ ያድናልና።

አሁንም ማዳን የሚችለው እርሱ ኢየሱስ ነው እርሱ ግን በፈለገው አድሮ ያድናል። እግዚአብሔርን አሰራር ማን ይከሳል። አቤሜሌክን አብርሃም ይጸልይልህና እኔ ልማርህ ያለ አምላክ ነው። የዛሬዎችን አይነት ሰዎች እንደሚሉት ቢሆን ኖሮ ለምን መንገድ ያረዝማል ? ራሱ ማዳን እየቻለ እርሱ ይጸልይልህ እንዴት ይላል ? ለሶስቱ ሰነፎች ኢዮብ ይጸልይላችሁና ላድናችሁ እንዴት ይላል ? ራሱ በቀጥታ ማዳን ሲችል። ይህ ሁሉ እግዚአብሔር እንዲከበር ነው። ደግሞም የወዳጆቹን ክብር እግዚአብሔር መግለጥ ደስ ያሰኘዋል። በእውነት እግዚአብሔር ሚስጢሩን ከአብርሃም ይሰውራልን እንዳለው ራሱ ጌታ እግዚአብሔር። እግዚአብሄር ቅዱሳንን ስለሚያደርገው አስቀድሞ ይገልጣል አማክሮም ያውቃል፡ እርሱ ምክር የሚፈልግ ሆኖ አይደለም እግዚአብሔር የቅርብ አምላክ መሆኑን መግለጥ ስለፈለገ እንጂ። እግዚአብሄር የቅርብ አብሮን ያለ ነው። ለበረከቱና ለስጦታው ወሰን የሌለው ነው። ለቅዱሳን የሰጣቸው ክብር ከዚህ አንጻር የምናየው ነው። እርሱ ፈቃዱ ስለሆነ የቅዱሳንን ስም እንጠራልን፡ እርሱ በእነርሱ አድሮ ስለሚያድን አድኑን ብለን አንማጸናቸዋልን። የእግዚአብሔርን ሐሳብ ያልተረዱ ደግሞ እግዚአብሔርን ለማስተካከል መንገዱን ጠመዝማዛ አደረግኸው አስተካክል ብለው ከጌታ ጋር ይሟገታሉ። ጌታ ግን አሰራሩ ድንቅ ነው።

የእግዚአብሔር ስም የተመሰገነ ይሁን የቅዱሳን በረከታቸው ድል የማትነሳ ሃይማኖታቸው ጥርጥር የሌለባት እምነታቸው ከእኛ ጋር ትሁን። አሜን
ጊዜ ካለን እንመለስበታለን። እግዚአብሔር በሰጠን ጸጋ ተጠቅመን እንድንድን ያድርገን። ኦርቶዶክሳዊያን ጨምሩበት። ጥያቄ ያላችሁ ሰዎችም ኑ ክርስቲያኖች ለጥያቄችሁ ሁሉ መልስ አለን። እግዚአብሔር ከእኛ ጋር ነውና ::
_________________
እስከ መጨረሻ የሚጸና ግን እርሱ ይድናል። ማቴ 24፤13
http://www.wongelforall.wordpress.com

[ሀሁሁሁ]

Salvation is found in no one else, for there is no other name under heaven given to men by which we must be saved

መዳን በማንም በሌላ የለም :: እንድንበት ዘንድ ከሰማይ በታች የተሰጠን ሌላ ስም የለም ::

ዘእግዚነ

የመጽሀፊ ክፍል የሚያወራው ስለ ዘላለማዊ ህይወት "salavation " ነው :: ስለስጋ ፈውስ አይደለም ::

የስጋ ፈውስንም በተመለከተ

እግዚአብሔርም በሰዎች ተጠቅሞ የሚያሰገርም ታምራት ያድርግ ነበር አሁንም ያደርጋል :: የጠቀስከውን የመጽሀፍ ክፍል ብናይ በሀዋርያቶቹ ልብስ እንኩዋን ይጠቀም ነበር ::

ይህ የሚያፋቅ እውነት ነው :: ዛሬም እግዚያብሔር በተለያየ መንገድ ይሰራል ::

ችግሩ ያለው አገልጋዮቹ ስም ሀይል አለው የሚለው መረዳት ነው :: ከቃሉ ጋር የሚቃረን :: ራስህ የጠቀስከውን የመጽሀፍ ክፍል አስተውለህ ብታነበው የጳውሎስ ስም ሀይል አለው የሚል አይደለም :: የአስቄዋ ልጆች ከጳውሎስ ኮርጀው ጳውሎስ በሚሰብከው በኢየሱስ እናምላችኋለን እያሉ ክፉዎች መናፍስት ባሉባቸው ላይ የጌታን የኢየሱስን ስም ይጠሩባቸው ዘንድ ሞከሩ ከዚያ አጋንንቱ ኢየሱስንስ አውቀዋለሁ ጳውሎስንም አውቀዋለሁ፤ እናንተሳ እነማን ናችሁ ? አላቸው ..ከዚያ በረታባቸው አቆስላቸው ....

አስቄዋ ልጆች እንኩዋን በጳውሎስ ስም አላሉም ..አንተ አስቄዋ ልጆች እንዴት አትሻልም ...??????



አሁንም መዳን በማንም በሌላ የለም :: እንድንበት ዘንድ ከሰማይ በታች የተሰጠን ሌላ ስም የለም ::

[ወቸውጉድ]

[ጨምጫሚ]

ዘእግዚነ የተባረከ ነገር እንደጻፍክ እግዜር ይባርክህ

[ዘእግዚነ]

[ዘእግዚነ]

[ጨምጫሚ]

ወቸጉድ ለምን ክርክር አስፈለገ ከዚህ በፊት ተሰለቻችተን የተውነውን ነገር ማንሳት አስፈላጊ አይመስለኝም እንደማታምን የታወቀ ነው እኛም ለማሳመን መሞከር ከንቱ ድካም ነው ስለዚህ ቺል አውት http://www.youtube.com/watch?v=lUGUYMtT2CI
ዘእግዚነ ወቸጉድ ማለት እኮ እዚ ላይ ሱፍ አርጎ እጁን እያወናጨፈ ሚከራከረው ፓስተር አይነት ነው ....... አሁን ይህ ፓስተር የመናፍቅ መንፈስ አደንዝዞታል አንድ ጊዜ ሰው በዚህ መንፈስ ከደነዘዘ ደግሞ የፈለገ ነገር ቢፈጠር በጭራሽ አያምንም እንደዚህ አይነቶቹን መተው ነው ሚሻለው ::

[ሀሁሁሁ]

ዘእግዚነ እንደጻፈ (ች )ው :

[ዘእግዚነ]

[ሀሁሁሁ]

ዘእግዚነ

ካሰመርክ ሁሉንም አስምረው እንጂ .

እግዚአብሔርም በጳውሎስ እጅ የሚያስገርም ተአምራት ያደርግ ነበርስለዚህም ከአካሉ ጨርቅ ወይም ልብስ ወደ ድውዮች ይወስዱ ነበር፥ ደዌያቸውም ይለቃቸው ነበር ክፉዎች መናፍስትም ይወጡ ነበር።


እግዚአብሔርም በጳውሎስ እጅ የሚያስገርም ተአምራት ያደርግ ነበር፤ ስለዚህም ከአካሉ ጨርቅ ወይም ልብስ ወደ ድውዮች ይወስዱ ነበር፥ ደዌያቸውም ይለቃቸው ነበር ክፉዎች መናፍስትም ይወጡ ነበር። አጋንንትንም እያወጡ ይዞሩ ከነበሩት አይሁድ አንዳንዶች። ጳውሎስ በሚሰብከው በኢየሱስ እናምላችኋለን እያሉ ክፉዎች መናፍስት ባሉባቸው ላይ የጌታን የኢየሱስን ስም ይጠሩባቸው ዘንድ ሞከሩ። የካህናትም አለቃ ለሆነ አስቄዋ ለሚሉት ለአንድ አይሁዳዊ ይህን ያደረጉ ሰባት ልጆች ነበሩት። ክፉው መንፈስ ግን መልሶ። ኢየሱስንስ አውቀዋለሁ ጳውሎስንም አውቀዋለሁ፤ እናንተሳ እነማን ናችሁ ? አላቸው። ክፉው መንፈስም ያለበት ሰው ዘለለባቸው ቆስለውም ከዚያ ቤት ዕራቁታቸውን እስኪሸሹ ድረስ በረታባቸው አሸነፋቸውም። ይህም በኤፌሶን በሚኖሩት ሁሉ በአይሁድና በግሪክ ሰዎች ዘንድ የታወቀ ሆነ፥ በሁላቸውም ላይ ፍርሃት ወደቀባቸው፥ የጌታም የኢየሱስ ስም ተከበረ፤

የተዐምራቱ ባለቤት እግዚያብሔር ነው :: በማን ተጠቀመ በጳውሎስ ..እግዚያብሔር የሚያስገርም ተአምራቶች በጳውሎስ እጅ ያደርግ ነበር :: ጳውሎስ በማን ስም ነበር ተአምራትን የሚያደርገው በእግዚያብሔር ስም ይህንን እንዴት እናውቃለን .. ጳውሎስ በሚሰብከው በኢየሱስ እናምላችኋለን እያሉ ክፉዎች መናፍስት ባሉባቸው ላይ የጌታን የኢየሱስን ስም ይጠሩባቸው ዘንድ ሞከሩ።

ጨርቁ በራሱ ፈውስ አላመጣው ..እግዚያብሔር ስለተጠቀመበት እንጂ ..አጋንንት የወጣው ጨርቅ ነክቶት አይደለም .በጨርቁ ላይ ካደረው ከእግዚያብሔር ሀይል የተነሳ እንጂ ..

ጨርቁን የወሰዱት ድውያን በጳውሎስ ስም አልተፈወሱም :: ጳውሎስ በሚሰብከው በጌታ እየሱስ ስም ነው የተፈወሱት ::

ዘእግዚነ

እግዚያብሔር በዘመናት በተለያየ መንገድ ይሰራል :: በተለያዪ ሰዎች ይጠቀማል :: በዘመናት እንግዳን ነገር ያደርጋል :: እርሱ እግዚያብሔር ነውና ::

ክብር ዝና ስግደት ሁሉ ለስሙ ብቻ ይሁን .

ካለበለዚያ

ለቀይ ባህር መከፈል - ሙሴን
ለዮርዳኖስ ተአምር - እያሱን

ወዘተ እያመሰገንን ልንኖር ነው ..

ክብር ለእግዚያብሔር ይሁን

[ዘእግዚነ]

[ዘእግዚነ]

[ጨምጫሚ]

የማቴዎስ ወንጌአስራ ሁለቱንም ወደ እርሱ ጠራ ሁለት ሁለቱንም ይልካቸው ጀመር፥ በርኵሳን መናፍስትም ላይ ሥልጣን ሰጣቸው፥
የማርቆስ ወንጌል
አሥራ ሁለቱን ደቀ መዛሙርቱን ወደ እርሱ ጠርቶ፥ እንዲያወጡአቸው በርኩሳን መናፍስት ላይ ደዌንና ሕማምንም ሁሉ እንዲፈውሱ ሥልጣን ሰጣቸው።
የሉቃስ ወንጌ
እነሆ፥ እባቡንና ጊንጡን ትረግጡ ዘንድ፥ በጠላትም ኃይል ሁሉ ላይ ሥልጣን ሰጥቻችኋለሁ፥ የሚጐዳችሁም ምንም የለም።
እግዚአብሄር ለጻድቃንና ለመላእክቱ ስልጣን ይሰጣል ያድናሉ ይፈውሳሉ አጋንንትን ያስወጣሉ ..........በእግዚአብሄር ፈቃድ ....

[ጨምጫሚ]

ሁሁሁ እየሱስ ክርስቶስ በሱ ስም ብቻ ሳይሆን በሚወዳቸው ሁሉ መላእክት ጻድቃን በማርያም ስም አጋንንት እንደወጡ ድውያን እንደፈወሱ እየሱስ ክርስቶስ ስልጣን ሰጥቷል ::
እንግዲህ የሚቀጥለው ጥያቄህ መጽሀፍ ቅዱስ ላይ አሳየኝ እንደሆነ አልጠራጠርም !
ሳትጠይቀኝ ልመልስልህ ...... አልተጻፈም መጽሀፍ ቅዱስ ላይብረሪ ወይም ዊኪፒዲያ አደለም !...ግን ደግሞ መጽሀፍ ቅዱስ ላይ በጻድቃን ስም ድውያን አይፈወሱም የሚል ጥቅስ የለም !

[ሸዋ ነህ]

ጨምጫሚ :- ብዙ ጊዜ እንደታዘብኩህ ማጨብጨብ በጣም ተወዳለህ :: በውርስ ወይስ ከህይወት በልምድ የተገኘ ችሎታ ነው ይሄ አጨብጫቢነት ?
ሌላም ችሎታ አለህ :: ስለማታውቀው ነገር ልክ እንደምታውቅው ሆነህ በድፍረት ታብራራዋለህ ቂቂቂቂቂቂቂ አብራራው ጨምጭሜ !!
_________________
"REASONABLE PEOPLE ADAPT THEMSELVES TO THE WORLD. UNREASONABLE PEOPLE ADAPT THE WORLD TO THEMSELVES. ALL PROGRESS, THEREFORE, DEPENDS ON UNREASONABLE PEOPLE." -George Bernard Shaw-