ሡልጣን ውይይቱ ተጀምሯል !

ዘርዐይ ደረስ · Joined: 23 Oct 2004 Posts: 1087 Location: ethiopia

ሰላም ሡልጣን :-

ውይይቱን በዚያኛው ርእስ ሥር ከመቀጠል አዲስ ክፍል መክፈት አስፈላጊ መስሎ ታይቶኛል ::ታዲያ አንተም እንዳልከው በተቻለ መጠን ሥርዓት ባለው መልክ ቢካሄድ ጥሩ ነው ::ለዚህም በመጀመርያ በኔ በኩል ቅድመ ሁኔታዎችን አስቀምጣለሁ ::አንተም እንዲሁ ታደርግና በውይይቱ አካሄድ ላይ የማንስማማ ከሆነ ሳይጀመር ይቆማል ማለት ነው ::

የኔ ቅድመ ሁኔታዎች የሚከተሉት ናቸው

1)የምንወያየው በመፅሐፍ ቅዱስና በቑርኣን ላይ ብቻ ነው ::ይህም ማለት በሰዎች የተፃፉት ገድላት ;ድርሳናት ;መልክአት ወዘተ ...በኢስላምም በኩል ሐዲስ ወይም ሌሎች መፃሕፍት አይጠቀሱም ::ግለሰቦችም በዋቢነት አይጠቀሱም ::ማለትም እኔ አባድር ;የባሌው ሼህ ሑሤን ;አብዱል ቃዲር ጂላሌ ወዘተ ... እንዲህ ብለው ነበር ስለማልል አንተም እነ አቡነ ተክለ ሃይማኖትን ወዘተ ውይይቱ ውስጥ አታስገባም ::

2)አንተም እንደምታውቀው መፅሐፍ ቅዱስ መጀመርያ የተፃፈው በዕብራይስጥ በአራማይክና በግሪክ ቋንቋዎች ነው ::የአማርኛው የትርጉም ትርጉም ነው ::ያም ሆኖ ግን በእኔ በኩል ከመፅሐፍ ቅዱስ ስጠቅስ የምጠቀመው በ 1980ዓ .ም . የኢትዮጵያ መፅሐፍ ቅዱስ ማኅበር ለኢትዮጵያ ኦርቶዶክስ ቤተ ክርስትያን ያሳተመውን (በተለምዶ ሰማንያ አሃዱ የሚባለው ) ብቻ ነው የምጠቅሰው አንተም ከመፅሐፍ ቅዱስ የምትጠቅስ ከሆነ ይህንኑ እትም ብትጠቀም መልካም ነው ::

3)በኛ ውይይት መሐል ጣልቃ ገብተው ለመረበሽ የሚሞክሩ እንደሚኖሩ ሁለታችንም ካለን የዋርካ ልምድ የምናውቀው ነው ::ስለሆነም ለነዚህ ሰዎች መልስ አንሰጥም ::

4)በመሠረቱ እኔ ሁሉም ሃይማኖቶች ወደ እውነት ይወስዳሉ የሚለውን አመለካከት አልቀበልም ::ትክክለኛው የእግዚአብሔር መንፈስ ያለበት ክርስትና ሃይማኖት ብቻ ነው ብዬ ነው የማምነው ::አንተም እስልምናን ብቻ ነው እውነተኛ እንደምትል አውቃለሁ ::ሆኖም ግን አስፈላጊ ያልሆኑ ዘለፋዎች ከሁለታችንም እንደማይሰነዘሩ ተስፋ አድርጋለሁ ::

5)እኔ ብዙ ጊዜ week end ላይ ነው ዋርካ የምገባው ::በዚህም ምክንያት መልስ ሳልሰጥ ልቆይ እችላለሁ ::

6)ከዚህ በፊት ሁለታችንም ዋርካ ላይ የፃፍነውን እያነሳን ጊዜ ባናባክን ጥሩ ነው ::አይቻልም ማለት ግን አይደለም ::

እንግዲህ ሡልጣን የኔ ቅድመ ሁኔታዎች ካልተስማሙህ ውይይቱ እዚህ ላይ ያቆማል ማለት ነው ::እስቲ ያንተን ደግሞ አቅርብና ልየው !

በተረፈ ከአንተ ቀድሞ ሌላ ሰው መልስ እንደሚፅፍ እርግጠኛ ነኝ ::
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

ሱልጣን · Joined: 03 Sep 2003 Posts: 463

ሱልጣን · Joined: 03 Sep 2003 Posts: 463

የኔ መስፈርት
ልዩነትን ማክበር
ማስረጃየ ካላሳመነህ ወይም ማስረጃህ ካላሳመነኝ ወደሚቀጥለው ውይይት እንሄዳለን ልዩነታችንን በማክበር ::
አላማችን እውነታ ነው ብለን ያመንንበትን ነገር መግለጽ እንጅ ማስገደድ አይደለምና !
የ እስልምና ሀይማኖት መመሪያ በዋነኝነት ቁርአን ሲሆን ማብራሪያው ደግሞ ሀዲስ የሚባለው ነብያዊ ቃል ነው ::
ይህ ለኢንፎርሜሽን ያክል ሲሆን ለውይይታችን ዋቢ አድርጌ አስፈላጊ ሲሆን ለማብራሪያ ሀዲስ እንድጠቀም ብትፈቅድልኝ ደስ ይለኛል :ይህ ከሆነ ከቁርአን እና ከሀዲስ ውጭ ማስረጃ አላቀርብም :: ውይይታችን እጥር ምጥን እንዲል ማለቴ ነው ::
ሀዲስ መጥቀስ አያስፈልግም ካልከኝ ውይይቱ እንዲቀጥል ካለኝ ፍላጎት አንጻር ቁርአንን በመጥቀስ እንወያያለን ::
በዋነኝነት
የሀይማኖታችን መመሪያ ግን ቁርአን እና ሀዲስ መሆኑን አትዘንጋ !!

ከተስማማን የመጀመሪያውን የጥያቄ እድል ለአንተ ሰጥቻለሁ
ከምስጋና ጋር
_________________
HONESTY~TRUSTWORTHINESS~SINCERITY
''Whoever is carless with in small matters....
Cannot be trusted in important affairs''

ዘርዐይ ደረስ · Joined: 23 Oct 2004 Posts: 1087 Location: ethiopia

ሱልጣን · Joined: 03 Sep 2003 Posts: 463

[quote="ዘርዐይ ደረስ "]

ዘርዐይ ደረስ · Joined: 23 Oct 2004 Posts: 1087 Location: ethiopia

ሰላም :-
1ኛና 3ኛ ያሉ ጥያቄዎቼን በአጥጋቢ ሁኔታ መልሰህልኛል ::ሌሎቹ ላይ ግን እንደገና መጠየቅ የምፈልጋቸው ነገሮች አሉ ::

2ኛ )ወደ ክርስትያንንት የተቀየረውን ሙስሊምይጠብቀዋል ያልከው የከፋ ቅጣት በዚህ ዓለምም ነው ወዪስ በወዲያኛው ?(ዱንያና አኺራ )

4ኛ )እዚህ ላይ ማወቅ የፈለግኩት ኑሮ መረረኝ ብሎ ራሱን የሚያጠፋውን ብቻ ሳይሆን ራሱን ለመገደል ያነሳሳው ምክንያት ሌላም ሊሆን ይችላል ::

5ኛ )እዚህ ላይ እኔ ነኝ መሰለኝ ጥያቄውን ግልፅ ያላደረግኩት !አንተ የጠቀስካቸውን ታርኮች እኔም አውቃቸዋለሁ ::ንጉሥ አርማህ ሰልሞ ነበር ካልከው በቀር ሌሎቹ ላይ ቅሬታ የለኝም ::የኔ ጥያቄ ግን በአሁኑ ዘመን ያሉ ሙስሊሞች ኢትዮጵያን ያኔ በኢስላም የነበራትን ክብር ይሰጧታል ወይ ?ለማለት ነበር ::

በል እነዚህን ጥያቄዎች አብራራልኝና የአንተን ጥያቄዎች ማስከተል ትችላለህ ::
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

ሱልጣን · Joined: 03 Sep 2003 Posts: 463

ዘርዐይ ደረስ · Joined: 23 Oct 2004 Posts: 1087 Location: ethiopia

ሰላም ሡልጣን :-

አሁንም 5ኛው ጥይቄዬ ላይ ማብራሪያ እፈልጋለሁ ::እኔ ለማወቅ የፈለግኩት ባለንበት ዘመን ያሉት በመላው ዓለም የሚገኙ ሙስሊሞች ኢትዮጵያን ልክ በነቢዩ መሐመድ ዘመን እንደነበሩት ሰሓባዎች የተለየ ቦታ ይሰጧታል ?ወይስ እንደማንኛውም አገር ነች ?
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

ሱልጣን · Joined: 03 Sep 2003 Posts: 463

ውድ ዘርአይ
በነብዩ ሙሐመድ ሰለላሁ አለይሂ ወሰለም ጊዜ ሰሀቦች ለኢትዮጵያ እንደሚሰጡት ክብር አሁን በአለም ላይ ያሉ ሙስሊሞች ለኢትዮጵያ ክብር ይሰጣሉ ማለት ዘበት ነው ::
ለዚህም 2 ምክንያት ነው የማቀርብልህ
1ኛ ያ የሰሀባ ትውልድ እንቁ ትውልድ ነው :የነሱን አይነት ስ ብ እና በዚህ መድር የተላበሰ ሰው አለ ከተባለም እጅግ በጣም ጥቂት ናቸው ::
ያ ትውልድ ሲወድህም ለአላህ ብሎ ነው ::ሲጠላህም ለአላህ ብሎ እንጅ በምድራዊ ጥቅም ታውሮ እንደ እኛ አንዴ ሰው አንዴ አፈር አልነበረም :;ስለዚህ እንደዚያ ትውልድ አድርጎ ኢትዮጵያን በንጽሁ መነጽር የሚያይ የለም :;ወይም እጅግ አናሳ ነው (ይህ የግሌ መላምት ነው ስህተትም ሊሆን ይችላል )
2ኛ ሀበሾች ድሮ ያለን ስም እና ክብር ተሰናብቶን ከሄደ በጣም ብዙ ዘመን አስቆጥረናል ::
በሰሀቦች ጊዜ የነበሩት ሙስሊም ሳይሆኑ እንኳ እነሱ ዘንድ ማንም የማይበደልበት ሚዛናዊ ስርአት የነበራቸው ዜጎቻችን አሁን እንደ ህልም ነው የሚታየው ::በትክክል
ፈሪሀ ፈጣሪ የነበራቸው እና እኛ በህፃንነታችን እነሱን በ እስተርጅና ያገኘናቸው ሙስሊም ያልሆኑ መልካም ጎረቤቶቻችን ከነሱ በኍላ ያለው ትውልድ ለነገሮች እና ለባህሉ ያለው አመለካከት ተቀይሮ በአሁኑ ሰአት ሙስሊምም ሆነ ክርስቲያን ጥንት ሀበሻ የነበራትን ክብር እንደያዘ ቆይቷል ለማለት አልደፍርም ::
ምክንያቱም በአሁን ጊዜ ቁጥራቸው የማይናቅ ሀበሾች በአሜሪካ እና በአውሮፓ በካሲኖ እና ዲስኮ ቤቶች በሳኡዲ አረቢያ ደግሞ አስካሪ መጠጥ አስጠማቂ እና ሻጭ በመሆን የሀገራቸውን ገጽታ በመጥፎ እንዲታይ ስላደረጉ ኢትዮጵያን በጥንቱ ገጽታዋ ትታያለች ለማለት ይከብደኛል ::
መልሴ ባያረካህ እንኳ የጥያቄውን መንፈስ አሁን ይበልጥ መረዳቴን ልገልጽልህ እወዳለሁ ::
በወዳጅነታችን እንሰንብት
_________________
HONESTY~TRUSTWORTHINESS~SINCERITY
''Whoever is carless with in small matters....
Cannot be trusted in important affairs''

ዘርዐይ ደረስ · Joined: 23 Oct 2004 Posts: 1087 Location: ethiopia

ሰላም ሡልጣን :-

በቅድምያ አምስቱም ጥያቄዎቼ በአጥጋቢ ሁኔታ እንደተመለሱልኝ ስገልፅልህ በመልሶችህ ተስማምቼአለሁ ማለቴ እንዳልሆነ እንድትረዳኝ እፈልጋለሁ ::በተረፈ ዛሬ ዋርካ ስገባ ያንተን ጥያቄዎች የማገኝ መስሎኝ ነበር ::ጥያቄዎችህ ገና ስላልቀረቡ የኔዎቹን ባስከትልስ ?

6)አንድ ሰው ሙስሊም ለመባል ቢያንስ ምን ምን ነገሮችን ማሟላት አለበት ?

7)በኢስላም ሴቶች የወንዶች ግማሽ አእምሮ ነው ያላቸው የሚባል አስተሳሰብ አለ ?

Cool

በኢስላም የወሊድ ቁጥጥር ማድረግ ጨርሶ የተከለከለ ነው ወይስ እንደሁኔታው ነው የሚወሰነው ?

9)ሴቶች ወንዶች ባሉበት የሃይማኖት ትምህርት ማስተማር ይፈቀድላቸዋል ?

10)ጂሐድ (የጦርነት ) ለማወጅ ምን ምን ነገሮች መሞላት አለባቸው ?

በቸር ይግጠመን
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

ሱልጣን · Joined: 03 Sep 2003 Posts: 463

[quote="ዘርዐይ ደረስ "]ሰላም ሡልጣን :-

በቅድምያ አምስቱም ጥያቄዎቼ በአጥጋቢ ሁኔታ እንደተመለሱልኝ ስገልፅልህ በመልሶችህ ተስማምቼአለሁ ማለቴ እንዳልሆነ እንድትረዳኝ እፈልጋለሁ ::በተረፈ ዛሬ ዋርካ ስገባ ያንተን ጥያቄዎች የማገኝ መስሎኝ ነበር ::ጥያቄዎችህ ገና ስላልቀረቡ የኔዎቹን ባስከትልስ ?/[quote]

ይቻላል
ያው ዊክ ኢንድ ስለምትጎበኘኝ እኔም እስከዚያው በራሴ ሀጃ ቢዚ ልሁን ብየ ነው

ቸርነቱ · Joined: 05 Sep 2010 Posts: 174

[quote="ሱልጣን "][quote="ዘርዐይ ደረስ "]ሰላም ሡልጣን :-

በቅድምያ አምስቱም ጥያቄዎቼ በአጥጋቢ ሁኔታ እንደተመለሱልኝ ስገልፅልህ በመልሶችህ ተስማምቼአለሁ ማለቴ እንዳልሆነ እንድትረዳኝ እፈልጋለሁ ::በተረፈ ዛሬ ዋርካ ስገባ ያንተን ጥያቄዎች የማገኝ መስሎኝ ነበር ::ጥያቄዎችህ ገና ስላልቀረቡ የኔዎቹን ባስከትልስ ?/[quote]

ይቻላል
ያው ዊክ ኢንድ ስለምትጎበኘኝ እኔም እስከዚያው በራሴ ሀጃ ቢዚ ልሁን ብየ ነው

ዘርዐይ ደረስ · Joined: 23 Oct 2004 Posts: 1087 Location: ethiopia

ሰላም ሡልጣን :-

ዛሬ አንድ ሌላ የዋርካ ታዳሚ ጣልቃ እስኪገባ ድረስ ለሁለት ሳምንታት ያህል ውይይቱ በሁለታችን መሐል ብቻ ነበር የተካሄደው ::የዋርካ ሪከርድ ሳይሆን ይቀራል Laughing

?

ወደ ጉዳዩ ስመለስ :-በኔ በኩል አስሩንም ጥያቄዎች መልሰህልኛል ::እስቲ ደግሞ ያንተን ልሞክረው ::

1)እኔ ሥላሴን የምረዳው አብ ወልድ መንፈስ ቅዱስ ሦስት አማልክት ሳይሆኑ የአንድ አምላክ የተለያዩ መገለጫዎች እንደሆኑ ነው ::እኩል ሥልጣን አላቸው ወይ ላልከው ግን እኔ እንደምረዳው አብ ከወልድ እንደሚበልጥ ነው ::ለዚህም ምሳሌ ለመስጠት ያህል በማቴዎስ ወንጌል ምዕራፍ 24 ቍ 36 ላይ እንደ ተፃፈው ''ስለዚያች ቀንና ስለዚያች ሰዓት ግን ከአብ ብቻ በቀር የሰማይ መላእክትም ቢሆኑ ወልድም ቢሆን የሚያውቃት የለም ::'' ከዚህ በመነሳት ብቻ አብ ከወልድ እንደሚበልጥ መረዳት ይችላል ::ከላይ እንደገለፅኩት ግን አብም ወልድም አምላክ ናቸው ::እንዳልከውም ኢየሱስ በምድር ላይ ሲኖር ኃጢያት ካለመስራቱ በቀር እንደ ሰው ኖሯል ::ፍፁም ሰው የሚባለውም ለዚህ ነው ::ከላይ እንደገልፅኩትም የአምላክነት ባህርይም አለው ::እግዚብሔር ሰው ነው ወይ ላልከው ግን አይደለም ነው መልሴ ::

2)የኢየሱስ መሞትማ ያስፈለገበት ምክንያት ከአዳም የወረስነውን ኃጢያት ለማንፃት ነው ::እኛ እንድን ዘንድ ነው የእርሱ ሞት ያስፈለገው ::ይህ እንግዲህ የእግዚአብሔር ፈቃድ ነው ::ለምን እግዚአብሔር ለምን ሌላ መንገድ አልተጠቀመም ብዬ ከፈጣሪ ጋር ሙግት አልገባም ::የሚሻለውን የሚያውቀው እግዚአብሔር እንጂ የኛ ጠባብ አእምሮ አይደለም ::ኢየሱስ ከፍላጎቱ ውጪ ነው ወይ የተገደለው ላልከው እንደሚሰቀል በፊትም ያውቅ ነበር ::ለደቀ መዛሙርቱም ይህንኑ አስቀድሞ ነግሯቸዋል ::ነቢያትም ሺህ ዓመታት አስቀድመው ተገልጦላቸው ፅፈዋል ::ለምሳሌም ትንቢተ ኢሳይያስ ምዕራፍ 53ን ማንበብ ይቻላል ::ፈጣሪ እንዴት ሊሞት ይችላል ላልከው የሞተው ሰው የሆነው ወልድ እንጂ እግዚአብሔር አይደለም ::እንዳልከው ሦስት ቀንና ሦስት ሌሊት ያህል ከሞተ በኋላ ከሙታን ተነስቷል ::ከመቼ እስከ መቼ ላልከው እርግጠኛ ሆኜ መናገር አልችልም ::በተለምዶ ዓርብ ተሰቅሎ እሁድ ተነስቷል ይባላል ::መፅሐፍ ቅዱስ ላይ ግን ቀን አይገለፅም ::''ኤሎሄ ኤሎሄ ላማ ሰበቅታኒ ?'' ያለው አብን ነው ::''አምላክ ሲሞት ዓለምን ማን አስተዳደረ ?'' ላልከው ልድገመውና የተሰቀለው እግዚአብሔር አብ ሳይሆን ወልድ ነው ::

3)ይህንን ያለው ለይስሙላ ብቻ ጌታዬ ጌታዬ እያሉት በተግባር ግን የእግዚአብሔርን ፍቃድ የማይፈፅሙትን ለመገሰፅ ነው ::

4)ለ ንስሐ አባት በመናዘዝ ብቻ ኃጥያትን ይቅር ማስባል አይቻልም ::

5)ማርያም የኢየሱስ እናት ስትሆን ከሴቶች ሁሉ ተለይታ የተባረከች ነች ::ታማልዳለችም ::መድኃኒየ ዓለም (የዓለም መዳኛ ) የኢየሱስ ክርስቶስ መጠርያ ነው ::አማኑኤልም እንደዚሁ ::ቅዱስ ጊዮርጊስ እንደኛው ሰው ሲሆን ከፕሮቴስታንቶች በቀር በሁሉም አብያተ ክርስትያናት በቅዱስነት ይታወቃል ::በሦስተኛው ክፍለ ዘመን ከክርስትያን ቤተሰብ ሶርያ ውስጥ የተወለደ ሲሆን እናትና አባቱ ከሞቱ በኋላ በወታደርነት ዲዮቅሊጥያን በተባለ የሮም ንጉሥ ስር ሲያገለግል ንጉሡ ለሮም አማልክት ቢሰግድ ሃብትና ክብር እንደሚሰጠው ካልሆነ ግን እንደሚገደል ቢነግረውም ኃይማኖቴን አልቀይርም ብሎ ሰማዕትነትን የተቀበለ ነው ::ዘንዶም እንደገደለ ይነገራል ::በአድዋ ጦርነት ወቅትም ከኢትዮጵያውያን ጎን ተሰልፎ ተዋግቷል ይባላል ::አቡነ ተክለ ኃይማኖት ግን ከኢትዮጵያ ኦርቶዶክስ ተዋሕዶ ቤተ ክርስትያን ውጪ በቅዱስነት አይታወቁም ::እነዚህና ሌሎችም ፃድቃንና ቅዱሳን በሥማቸው ቤተ ክርስትያን (ታቦት )ይሰየማል ::በእነርሱም የሚምሉ አሉ ::መማል ግን በመጽሐፍ ቅዱስ (አዲስ ኪዳን )የተከለከለ ስለሆነ ምእመኑ በልምድ ይጠቅምበታል እንጂ ትክክል አይደለም ::መግደል ማዳን ማደህየት ወዘተ ...በተወሰነ ደረጃ ማዳን ይችላሉ ብዬ አምናለሁ ::

መልስ መስጠት እንደዚህ ይከብዳል ለካ !ሁለታችንም ግን የኃይማኖት ሊቃውንት ስላልሆንም አጥጋቢ መልስ መስጠት አንችል ይሆናል ::በዚህ አጋጣሚ ግን ስለራሳችንም ኃይማኖት ሆነ አንዱ ስለሌላው የበለጠ መማር ይቻላል ::

ቸር ይግጠመን
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

ሱልጣን · Joined: 03 Sep 2003 Posts: 463

ዘርዐይ ደረስ · Joined: 23 Oct 2004 Posts: 1087 Location: ethiopia

ሰላም ሡልጣን :-

አባባሉ ከተመቸህ የ Copyright ማዕቀብ የለም ::ባንተ በኩልም እንደዚያው እንደሚሆን እገምታለሁ ::ወደ ውይይታችን ስመለስ ደግሞ :-

1)ስለ አብና ወልድ የ 'ሥልጣን ' ልዩነት ተጨማሪ ማብራሪያ ጠይቀሃል ::ባለፈው ያልኩት እንዳለ ሆኖ ወልድ ለአብ ይታዘዛል አብ ግን ማንንም አያዝም ::ወልድ የማያውቃቸው ነገሮች ሊኖሩ ሲችሉ ከአብ ግን የተሰወረ ምንም ነገር የለም :.:ሰውንም ሆነ ሌሎች ፍጥረታትን ግን አብ ወልድ መንፈስ ቅዱስም ፈጥረዋል ::የዕለት ሲሳያችንን የሚሰጠን አብ ሲሆን የምንሞተው ግን ከአዳም በወረስነው ኃጥያት ምክንያት ነው ::ከሙታን የሚያስነሳንም አብ ነው ::መነፈስ ቅዱስን በሚመለከት ከአብ የሰረጸ ሲሆን ለምሳሌ ኢየሱስ ሲጠመቅ በጴንጤ ቆስጤ ቀን ሐዋርያት ተአምራትን ሲሰሩ ወዘተ ...ኃይሉ ታይቷል ::ከአብና ወልድ ጋር ግን አናወዳድረውም ::

2)ቅዱስንና ጻድቃን እንደኛው የአዳምና የሔዋን ኃጥያት ያለባቸው ሰዎች ሲሆኑ ከተራው ሰው ግን በባህርያቸውና በሥራቸው ይለያሉ ::ለኃይማኖታቸው ሰማዕትነትን የተቀበሉ ሊሆኑ ይችላሉ ወይም ከእግዚአብሔር የሆኑ ተአምራትን የሰሩም ሊሆኑ ይችላሉ ::ባለፈው ግልጽ አላደረግኩም ይሆናል እንጂ እነዚህ ሰዎች በራሳቸው የሚያደርጉት ምንም ነገር የለም ::በእግዚአብሔር ፈቃድ የሰው ልጆችን ሊረዱ ይችላሉ እንጂ ::

እኔ ደግሞ ልቀጥል

11)በኢስላም ንስሐ አለ ወይ ?

12)ዒሳ በመጨረሻው ቀን ይመጣል ብለህ ታምናለህ ?

13)አንድ ሰው ሲሞት ነፍሱ ምን ትሆናለች ?

14)በኢስላምስ ጻድቃንና ቅዱሳን አሉ አይደለም ወይ ?

15)ከመካና መዲና በተጨማሪ ሁሉም ሙስሊም የሚቀበላቸው የተቀደሱ ቦታዎች አሉ ?

በተረፈ ውይይቱ ሥርዓቱን እንደጠበቀ መሆኑ አስደስቶኛል ::So far so good! ማለት የሚወድ አንድ አስተማሪ ትዝ አለኝ ::
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12