የሁለቱ ሲኖዶሶች ድርድር ሳይግባቡ ተበተነ (ሰበር ዚኤና )

[ሊሊ ሞገስ]

[ur=http://www.zehabesha.com/?p=4505]ዝርዝሩን ለማንበብ እዚህ ይጫኑ ; አስተያየትዎን ኮመንት ቦክስ ውስጥ ያስፍሩ [/url]
_________________
www.zehabesha.com

[ጥልቁ 1]

መጀመሪያውንም ፈጽሞ የማይታረቅ አጀንዳ ይዘው ; እንዴት ሊስማሙ ይችላሉ

1) አገር ቤት ያለው ሲኖዶስ የሚመራው በነመለስ ሆኖ እያለ ; እነ አቡነ መልከጸዲቅ ግን ; ለተገላቢጦሽ "የፖለቲካ እስረኞች ይፈቱ ; ተቃዋሚዎችም ወደ አገር የመመለስ መብት ይኑራቸው " ይላሉ ; ሲደራደሩ :: እየተደራደሩ ያሉት ከአባ ገብረመድህን ጋር ወይስ ከመለስ

2) የነአባገብረመድህኑ ደግሞ ይባስ ... ታምራት ላይኔ ያመነውን የሸፍጥ ስራ ; እንደቅንጅት መሪዎች የሀሰት ይቅርታ ደብዳቤ ; ምንም ካልቸገራቸው ; መንፈሳዊ አባቶች እንዲጻፍላቸው ይጠብቃሉ

የዚህ ሁሉ ትርጉም የለሽ እርቅ ሙከራ መንስኤው አንድ ነው :: አገር ቤት ባለው ሲኖድስ ውስጥ የበቁ እና በእምነት የታነጹ ጥቂት አባቶች አሉ :: እነሱ ያለምንም ቅድመሁኔታ እርቅ ተደርጎ ቤተክርስቲያንን በሰላም ማየት ይሻሉ :: በተቃራኒው ደግሞ እነ አባ ገ /መድህን ይህን አይሹም ... በሲኖዶሱ ስብሰባ የሚወሰንን የእርቅ ጥያቄ ተከራክረው ለማስተውና ለማሳመን ስለማይችሉ ; "እሽ " ይሉና ; ሲኖዶሱ ሲበተን ግን ወደትክክለኛ ሰይጣናዊ ተግባራቸው ይመለሳሉ ::

ሊሊ ለዜናው አመሰግናለሁ ! በርቱ ሀበሻዎች

[ጌታ]

[የዘመኑ ልሳን]

በኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ እና በሰሜን አሜሪካ በስደት በሚገኙት አባቶች መካከል ሁለተኛው ዙር የዕርቀ ሰላም ውይይት ዛሬ፣ የካቲት 7 ቀን 2004 ዓ .ም፣ ማምሻውን በአሜሪካ - አሪዞና ግዛት እየተካሄደ ነው፡፡ የዕርቀ ሰላም ውይይቱን በሚያስተባብረው የሰላም እና አንድነት ጉባኤ በወጣው መርሐ ግብር መሠረት ይኸው ሁለተኛ ዙር ንግግር ከየካቲት 4 - 9 ቀን 2004 ዓ .ም እንደሚቆይ ተገልጧል፡፡

ከየካቲት አራት ቀን ጀምሮ በዕርቀ ሰላሙ የመነጋገሪያ ሐሳቦች ላይ በሁለቱ አካላት ልዑካን ተወካዮች መካከል ሲካሄድ በቆየው የቅድመ ውይይት ንግግር ሰባት አጀንዳዎች ተለይተው ነበር፡፡ ይሁንና ዛሬ በተጀመረው ውይይት ዋነኛ የመነጋገሪያ ጉዳይ የሚሆነው በአጀንዳ ተራ ቁጥር አንድ የተቀመጠው “ቀኖና ቤተ ክርስቲያንንና ብፁዕ ወቅዱስ አቡነ መርቆሬዎስን በተመለከተ” በሚል የተመለከተው ነጥብ ነው ተብሏል፡፡
በዚህ አጀንዳ÷ አራተኛው ፓትርያርክ ብፁዕ ወቅዱስ አቡነ መርቆሬዎስ ከመንበራቸው እንዲነሡ በተደረገበት ሁኔታ ቀኖና ቤተ ክርስቲያን ተጥሷል ወይስ አልተጣሰም ? የቅዱስነታቸው ቀጣይ ሁኔታስ ምን መሆን ይገባዋል ? የሚሉትና ተያያዥ ጉዳዮች ትኩረት እንደሚሰጣቸው ተዘግቧል፡፡ ይህ ዜና እስከተጠናቀረበት ሰዓት ባለው ሁኔታ ውይይቱ በመግባባት እየተካሄደ ስለመሆኑም የስብሰባው ምንጮች ለደጀ ሰላም ተናግረዋል፡፡ ከውዝግቡ በኋላ ስለተሾሙት ጳጳሳት፣ አንዱ በሌላው ላይ ስላስተላለፋቸው ውግዘቶች፣ በቤተ ክርስቲያን ላይ ከሚደረጉ የመንግሥት ጣልቃ ገብነቶች ተቋማዊ ነጻነት ስለማግኘት፣ ስለ ቅዱስ ሲኖዶስ አሠራር እና የስምምነቶች አፈጻጸም እንዲሁም ስለ ብሔራዊ ዕርቅ የሚያወሱት ቀሪዎቹ ስድስት አጀንዳዎች በዚህ ዙር ውይይት ይነሣሉ ተብሎ አይጠበቅም፡፡
የኢትዮጵያ ኦርቶዶክስ ተዋሕዶ ቤተ ክርስቲያንን ቅዱስ ሲኖዶስን በመወከል የድሬዳዋ ሀ /ስብከት ሊቀ ጳጳስና የብፁዕ ወቅዱስ ፓትርያርክ ልዩ ጽ /ቤት የውጭ ግንኙነት ኃላፊ ብፁዕ አቡነ ገሪማ የልዑካን ቡድኑን በመምራት፣ የደቡብ ወሎ ሀ /ስብከት ሊቀ ጳጳስ ብፁዕ አቡነ አትናቴዎስ በአባልነት፣ የአዲስ አበባ ሀ /ስብከት ሥራ አስኪያጅ ንቡረ ዕድ ኤልያስ አብርሃ ደግሞ በልዑካን ቡድኑ ፀሐፊነት በዕርቀ ሰላም ውይይቱ ላይ ለመሳተፍ ወደ አሜሪካ ያመሩት የካቲት 2 ቀን 2004 ዓ .ም ነበር፡፡
በጥቅምቱ ቅዱስ ሲኖዶስ ምልአተ ጉባኤ ውሳኔ መሠረት ሦስተኛው የልዑካን ቡድኑ አባል የሆኑት የሰሜን ምዕራብ ሸዋ -ሰላሌ ሀ /ስብከት ሊቀ ጳጳስ ብፁዕ አቡነ ቀውስጦስ ባጋጠማቸው የጤና እክል ሳቢያ አብረው አልተጓዙም፡፡ ብፁዕነታቸው ከየካቲት 2 ቀን ጀምረው በአዲስ አበባ ቅዱስ ገብርኤል ሆስፒታል ገብተው ሕክምና በመከታተል ላይ ሲሆኑ ሕመማቸው የሳምባ ምች እና ስኳር መሆኑ ተመልክቷል፡፡ የሆስፒታል ምንጮች እንደተናገሩት፣ በአሁኑ ወቅት ብፁዕነታቸው ከሳምባ ምች ሕመማቸው በማገገም ላይ እንደሆኑና ከፍተኛ የስኳር መጠናቸውም በተሻለ ደረጃ ላይ እንደሚገኙ አመልክተዋል፡፡ በሰሜን አሜሪካ በስደት ከሚገኙት አባቶች ብፁዕ አቡነ መልከጼዴቅ፣ ብፁዕ አቡነ ኤልያስ እና ሊቀ ካህናት ምሳሌ እንግዳ እና መልአከ ገነት ገዛኸኝ የዕርቀ ሰላም ንግግሩ ዋነኛ ተሳታፊዎች ናቸው፡፡
ቸር ወሬ ያሰማን፣

SOURCE

[ዲጎኔ]

ሰላም ለሁላችን ይሁን
እርስበርሷ የምትለያይ መንግስት አትጸናም -ጌታችንና መድሀኒታችን ኢየሱስ ክርስቶስ
በመጀምሪያ ደረጃ ይህ ዋርካ ፖእልቲአክ ፐኦለቲካ ነክ ጉዳይ መወያያ ሲሆን ሊኡሊ ወደፖለቲካ እንዲገባ ለምን ፈለገች ?ቀጥሎ ደጀሰላም ስብሰባው እያመረበት ነው ሲል ሌላው
ደግሞ አለቀለት ገና ሰይጀመር የተጠናቀቀ ነው ይለናል ::የቱን እምነን ? እዚህ ነጻ መድረክ ላይ ስላመጣችሁት የመተቸት ሙሉ መብቱ አለን ::በተሀድሶና ወንጌላዊያንና መጥምቃዊያንና ጵንጤቆስጠዎች መሀል እንዲህ ውዝግብ ሲነሳ በነጻ ድህረገጽ ላይ አይቀርብም ::
ሀገር ቤት የመናገር የመጻፍ መብት ይፋ ይባስ ብሎ በሚከለክለበት ይህን ነገር ማቅረቡ ከጥቅሙ ጉዳቱ ያመዝናል ::

[ተድላ ሀይሉ]

[ናፖሊዮን ዳኘ]

አቡነ አትናቴዎስም ተገኝተዋል ይባላል ...እሺ ብለው ለአባ ጳውሎስ መልዕክተኛ ሆነው መምጣታቸው ገርሞኛል ::
_________________
ሰው ህሊናውን የሚሸጠው ክህሊና በላይ ዋጋ ያለው ምን ነገር ሊገዛበት ነው?

ኢትዮጵያ ለዘላለም ትኑር!

[ዲያስፖራ]

የት ቦታ ነው ኢትዮጵያኖች ተስማምተው እርቅ የፈጠሩት ?? በይትኛውም ሁኔታ በ ፖለቲካ , በሀይማኖት , በጎሳ , በህብረተሰብ ወዘተ የት ቦታ እርቅ አድርገው ስምምነት የደረሱት ?? አለ እዚህ ቦታ ይምትሉ ካለ አሳዩን እንማርበት , እንዲያውም ኢትዮጵያኖች ቀኝ እግራቸው ከግራ እግራቸው ጋር ተጋጭቶ ማስማማት ይተቸገሩ እንጂ አንድ የሆኑበት የለም :: እንዲያውም እዚሁ ዋርካ ላይ በሀሳብ በአላማ የተለያዩ በሀገር ድረጃ ግን አንድ ነን ሲሉ አልታየም , አንዱ ያንዱን ዜግነት ሲቀማ እንጂ ሲስማማ አላየንም . ተቃዋሚዎች እርስ በርሳቸው መታረቅ አቅቷቸው እኔ ብቻ የኢትዮጵያ መድሀኒት ይሉናል , ገጂው ኢህአደግ ደሞ የምን እርቅ ማን ከማን ጋር ተጣላ እያለ ይቀልድብናል ቀልዱን ሞቅ ሲያርገው ደሞ ግማሽ መንገድ ድርስ መጥተን ለእርቅ ዝጉጁ ነን ይለናል :: መረጃ እፈለጋለሁ ኢትዮጵያኖች በታሪካቸው ቁጭ ብለው ችግራቸውን በውይይት ይፈቱበት እርቅ ያድረጉበት :: እኔ የለም የለም ነው የምለው ስለዚህ ምንም ነገር አልጠብቅም ከየት መቶ ያልተዘራው ከየት ነው የሚታጨድ ??
_________________
ቀይ ባህር ድንበራችን ነው !!!!
I Love Ethiopia !!!

[ናፖሊዮን ዳኘ]

በጂምላ ኢትዮጵያውያኖች አይስማሙም የሚባለው አባባል ታሪካዊ መሰረትም የለውም :: ትክክልም አይደለም :: የጉዳዮን ጭብጥ ማየት እና መመዘን ያስፈልጋል ::

በዚህኛው ጉዳይ የታጋይ ጳውሎስ ቡድን የሚፈልገው በብልጣብልጥ መንገድ ነገሮችን እጁ ውስጥ አስገብቶ መውቀጥ ነው :: ሌላ ሌላውን ትተህ ...ይሄ ሰውየ በጉልበት ያለ አግባብ ፓትሪያርክ እንደሆነ ---ደብዳቤውን ጻፈ ከተባለው ከታምራት ላይኔ መረጃ እየቀረበ ያንን መካድ ምን ይባላል ?? ሌላኛውስ ወገን በዚህ ባይስማማ ይፈረድበታል ?? እኔ ከነጭራሹ ቢስማሙ ኖሮ ነበር የሚገርመኝ ::

ታጋይ ጳውሎስ እኮ ለህወሀት ታማኝ ሆኖ ለእምነቱ የሚቆረቆር ሰው ቢሆንም እኮ አንድ ነገር ነው ነገር ግን ይሄ ሰውየ ቤተ -ክርስቲያኒንቱ ለማርከስ እና ለማፍረስ ቆርጦ የተነሳ ሰው ነው :: ኢትዮጵያዊው አማኝ በሱ ሲባረክ እና ሲፈታ ይገርማል በእውነት !

እና እየለየህ ወንድሜ አታጋግለው ጉዳዮን :: ፍሬ ነገሩን ነው አጥብቆ መያዝ ::


ናፖሊዮን ዳኘ ::

[ደብረብርሀን 33]

ህጋዊው የኢትዮጵያ ኦርቶዶክስ ሲኖዶስና ፓትራያክ : በስደት የሚገኘው ሲኖዶስ እና ብጹእ ወቅዱስ አቡነ መርቆሪዮስ ናቸው :: የወያኔን ሲኖዶስ እና ፓትርያርክ አባ ጳውሎስ ቀኖና ቤተክርስቲያን የጣሰውን : ሕጋዊ አልከው ከዚህ የበለጠ የወያኔነትህ ማስረጃ ይኖር ይሆን ይህን አምነህ አንተ እና መሰሎችህ የወያኔን ሲኖዶስ ሕጋዊ አላችሁት :: አሜሪካ ያለውን ሲኖዶስ እውቅና የሰጠችሁት አትመስሉም :: ታዲያ ከእናንተ ጋር ነው ወያኔን የምንታገለው የዘመኑ ልሳን የምትባል ሰው : ደርግ ናፋቂ , አምላኪና የደርቅ ቅሪት / remnant ብቻ ሳትሆን : አስመሳኝ ተቃዋሚ መሆንህና የወያኔ አገልጋይነትህ : አሁን አሁን በጣም እየተገለጸልኝ መጥቶል :: በስደት ያሉትን አባቶችን ማንነት , የኢትዮጵያዊነት ጽንአት አይበገሬነት የተረዳችሁ አትመስሉም ::ስለዚህ የፈለጋችሁትን የመዘባረቅ መብታችሁ የተጠበቀ ነው :: ወያኔ ያቋቋመውን ሲኖዶስ የማናምን ኢትዮጵያውያን ተዋህዶዎች ብዙ ነን :: የወያኔ ጳጳስና ካህናት ቡራኬ እርማችን ነው

[የዘመኑ ልሳን]

ደብረብርሀን እኔ እንኳን የግሌን ሀሳብ ሳልጨምር ዜናውን እንደወረደ ነበር ያመጣሁት :: አንተን ቅር ያሰኝህ ሀሳብ ካለ እንኳን የእኔ ሳይሆን ዜናውን የጻፉት ሰዎች ነው ::

እኔ ከአንተ ጋር በዚህ ዙሪያ በአንድ ነገር ስማማለሁ :: ወያኔ ያለ አግባብ በታምራት ላይኔ በኩል እጋዊውን ፓትሪያርክ አውርዶ ሌላ ፓትሪያርክ እንዲሾም አስደርጓል :: ይህ ወያኔ በሀገሪቱ ከፈጸማቸው ትላልቅ ወንጀሎች መካከል አንዱ ነው :: ፓትሪያርኩ ወደ ቦታቸው መመለስ እንዳለባቸውና ያለ አግባብ የተሾሙ አባ ጳውሎስ ህጋዊ ፓትሪያርክ እንዳይደሉ እዚህ ድረስ ካንተ ጋር እስማማለሁ ::

"ወያኔ ያቋቋመውን ሲኖዶስ " ስለምትለው ስለመኖሩ የማውቀው ነገር የለም :: ወያኔ ገና ሳይመጣ የነበረ ሲኖዶስ ነው አሁንም ያለው :: ወያኔ ያለ አግባብ ፓትሪያርክ እንዲሾም አድርጓል እንጂ ሲኖዶስ አላቋቋመም :: ሲኖዶስ ግለሰቦች ሲሰደዱ የሚሰደድ ነገር አይደለም :: ለእኔ ኢትዮጵያዊ ጽናት ያላቸው ጳጳሳት የወያኔን ትንኩሳና ተጽህኖ ተቋቋመው በገጠርና በከተማ ህዝቡን እያገለገሉ ያሉት ጳጳሳት እንጂ እዚህ አሜሪካ በድሎት ያሉት በምን መዘዘኛ እንደዛ እንዳልካቸው አልገባኝም :: የፈለከውን የማለት መብት ስላለህ እዚህ ላይ ላብቃ ::

[ጥልቁ 1]

ሰላም ለሁሉም፡

ተድላ ለመረጃው አመሰግናለሁ ፣
ሞንሟናው ያቀረበልንን መረጃ አንብቤዋለሁ። እኔን የሚገርመኝ ነገር ግን ፣ የጥንት ቀኝ ገዥዎች ፡ ባሮቻቸውን አስጨንቀው ይገዟቸው የነበረው ፣ መረጃ በመንፈግ እና … ስለጌቶቻቸው አገዛዝ ትክክለኛነት ብቻ በመስበክ የነበረ ሲሆን ፣ አፍሪካ -አሜሪካውያን ነጻነታቸውን የተቀዳጁት ፣ ቤተ አምልኳቸው ውስጥ ተገናኝተው በመማማር ብቻ ነበር። እኛ ግን ፣ ስለወያኔ ከበቂ በላይ የሆነ መረጃ እያለን ፣ ዛሬም “ወያኔኮ የጥቂት ሆዳሞች ብቻ ስብስብ እንጅ ፣ ሁሉም ትግሬዎች አይደሉም” እያልን እራሳችንን እያጃጃልን እንኖራለን። ልብ እንበል … (ከአለማዊ እስከመንፈሳዊ ) በሁሉም መስክ በዘር ተደራጅተው አገሪቱን የያዟት የአናሳው የትግራይ ተወላጅ ሰዎች መሆናቸውን የተሟላ መረጃ ይዘን እየኖርን… ይህንኑ መረጃ ግን እራሳችን ምክንያት ፈጥረንለት እንክደዋለን።

እርቁን አስመልክቶ ፣
ቁምነገሩ ያለው… እንደኦርቶዶክስ አማኝነቴ እና እንደኢትዮጵያዊነቴ ፣ የዚህን እርቅ የመፈለጌን ያህል … ይህ እርቅ ፍጹም መፈጸም አይችልም። ፍጹም መታረቅ የማይችል ሃሳብን ለማስታረቅ መሞከር የማይቻል ነው። እንዴውም ከላይ የገለጽኋቸው የሃሳብ ልዩነቶች እጅግ ቀላልና መፈጸም የሚችሉ ናቸው። (1)ለምን ቢባል አቦነ መርቆሪዎስ “እሽ ታምሜ ነው የለቀቅሁት” ቢሉ ፣ ሃቁን የሚያቀው ህዝብ ከምን ይቆጥርዋል ? ‘ከምንም’ ያማ ቢሆን ትላንት “ወያኔን አጥፋቻለሁ ብላ ይቅርታ ጠይቃ ተፈታች” የተባለችውን ብርቱካን ዛሬ ኢትዮጵያዊው በክብር ባላስተናገዳት። (2) አባ ገብረመድህንም ፣ በስደት ያሉ ፖለቲከኞች ፣ አገራቸው ያለምንም ችግር የመግባት ፈቃድ ወያኔ ሰጥቷቸዋል ሊሉ ይችላሉ። (ወያኔስ የሚፈልገው ይህን አይደል እንዴ ?) እስኪ “ዛሬ ወደ አገሬ መመለስ ስለምፈልግ ይፈቅድልኝ” ብሎ “እያሱ አለማየሁ ወይም አረጋዊ በርሄ ወይም አብርሃም ያየህ ወይም… ) ለወያኔ ኢምባሲ ቢጠይቁ ፣ ወያኔ እጃቸውን ስሞ ተቀብሎ ለፕሮፖጋንዳ አይጠቀማቸውም ? (ተመልሰው ወደ ፖለቲካው ድርሽ እስካላሉበት ድረስ ?)

ቁምነገሩ ይሄ አይደለም ! በውጭ አገር ያሉት አባቶች “ሰላም አወረድን” ቢሉ ፣ ተከታዩ ነገር የሚሆነው ፣ በውጭ ያሉት አብያተክርስቲያናት ፣ ከሁለቱም ሲኖዶሶች እራሳቸውን አግልለው ቁጭ ይላሉ። ለምን ቢባል ፣ ወያኔ በውጭ ካሉት አባቶች የሚፈልገው አንዱ ፣ ከሁለቱም ያጡ አድርጎ ማስቀመጥ እንጅ ፣ አገራዊ እርቅ በሌለበት ሃይማኖታዊ እርቅን ፈልጎ ሊሆን አይችልም። ከዛም አልፎ ፣ የወያኔን ጸያፍ ተግባር በማውገዝ የሚታወቁትን በውጭ ያሉ አባቶች ድምጻቸውን የማፈን ፍላጎት ነው።

ዛሬ ዛሬ ፖለቲካው ጭምልቅልቅ ብሎ የሰከነ መሪ በተቃውሞው በኩል አለመኖሩ እንጅ ፣ ወያኔ እያደረገ ያለውኮ ማንነት የማኮሰስ ተግባር በብዙ አቅጣጫ ነው። ይቅርታን አስመልክቶ ምን ያህል ሸፍጥ እየሰራ እንደሆነ በየእለቱ እየታዘብነው ያለነው ነው። ልክ እንደይቅርታው ሁሉ ፣ በአገር አለመኩራት ፣ በዘረኝነት መታጠር ፣ በተቃዋሚው ወገን ተስፋ መቁረጥ ፣ ሃሳብን በመግለጽ ላይ ተስፋ መቁረጥ … እና መሰል ስብዕናን የሚንዱ ተግባራት መፈጸም ፣ የአምባገነኖች አንደኛው ክህሎታቸው ነው።

ታዲያ አሁን ደግሞ ፣ ለበርካታ ጊዚያት ሲደክምበት የነበረውና በከፊልም ቢሆን የተሳካለት ክርስቲያኑን በውጭ አገር የመከፋፈል ተግባሩ ፣ ይበልጥ ግቡን እንዲመታ አዲሱን መንገድ ተያይዞታል። ቀደም ብሎ እንደገለጽሁት ፣ በሲኖዶሱ ውስጥ ጥቂት የበቁ አባቶች በነጻነት ለቤተክርስቲያናቸው ሊታገሉ ይችላሉ ፣ ወያኔ ግን ይህንን ትግል (ሃይጃክ አድርጎ ) የሚጠቀመው ፣ ለራሱ ነው። ለምሳሌ የአባ ገብረመድህንን ሃውልት እንመልከት። ሲኖዶሱ “ይህ ሃውልት ቀኖና የጣሰ ስለሆነ ይፍረስ (ይነሳ )” አለ። ዛሬም ግን በወያኔ ተጠብቆ ይኖራል። የዚህ እንድምታ ምንድነው ? ያንን ሃውልት ለሚያይ ሰው ፣ ሲኖዶሱ ይህን የመወሰን ሃቅም እንዳለው አድርጎ ያሳምነዋል። ሃቁ ግን ሃውልቱ አለመፍረሱና የሲኖዶሱ ቃል ከቃልነት የማያልፍ መሆኑንም ነው። ይህ ትልቅ የስነ -ልቦና ቀውስን አይፈጥርም ብሎ የሚያምን ፣ እንደዲያቆን ዳንኤል ክብረት ያለ ሰው ብቻ ነው። ለደካማው ትውልድ ግን የሚያስተላልፈው መልክት ፣ የአንድ አለማዊ ሰው ድንጋይ ከአንድ የቤተክርስቲያን እራስ ከሆነ ሲኖዶስ በላይ መሆኑን ነው።

ስለዚህ የወያኔ ትግል እጅግ ግልጽና ፊትለፊት የሆነ ሲሆን ፣ እኛ ግን እራሳችንን በሚያጭበረብር ምክንያት ሸብበን እንኖራለን። Alien Weisel, ስለናዚ ጭፍጨፋ በጻፈው Night በተሰኘው መጸሀፉ ውስጥ ፣ “ናዚዎች በሰውነታችን ያለንን ክብርና ማንነት ሁሉ ከውስጣችን ሲወስዱ ፣ ጭራሽ እንዳይወስዱብን እንጨነቅ የነበረው እግዚያብሄርን ከውስጣችን ነው” ብሏል። ወያኔም በሃቅሙ ፣ ከኢትዮጵያውያን ለመዝረፍ እየሞከረ ያለው ሌላው ሰይጣናዊ ስራው ፣ ፈሪሃ እግዚያብሄርንና በእግዚያብሄርም ተስፋ ማድረግን ነው።

[ሞካሪ]

በስመ ስላሴ አንድ አምላክ አሜን !

እንኳን ለታላቁ አብይ ጾም መያዣ /ቅበላ / በሰላም አደረሳችሁ፡፡

ሰሞኑን በአባቶቻችን መካከል ሲካሄድ የነበረው ድርድር የአንድነትን ተስፋ በመስጠት በሰላም ና የጋራ መግለጫ በማውጣት ተጠናቅቋል፡፡


http://www.dejeselam.org/
https://docs.google.com/viewer?a=v&pid=explorer&chrome=true&srcid=0B5ikXekolDC4YmVhMWJlNmQtMTUyMi00OWZmLWIyZTYtNzA1NTU2ZjJlYzM1

የድርድሩን መካሄድ የማይፈልጉና በቤ /ክ ስም መነገድ የሚፈልጉ ሁሉ የመለያየትን ዜና በየጊዜው ሲያቀርቡ ሰንብተው ይችን የአንድነትን ተስፋ የምትሰጥ ዜና እንኳን ሊያሰሙን አልወደዱም፡፡ አይ ክፉ ዘመን፡፡ ሰይጣን በስንቱ ፈተነን፡፡

ጾሙን የተቀደሰና የበረከት ጾም ያድርግልን፡፡

[ተድላ ሀይሉ]

[ተድላ ሀይሉ]

ሰላም ውድ ኢትዮጵያውያን ወገኖቼ :-

ሠሞኑን ብዙ የተባለለት 'የዕርቅ ጉባዔ ' ምንም የተጨበጠ የሥምምነት ውጤት ሣይገኝበት በመጪው ሐምሌ ወር ለሌላ ዙር የፊት -ለፊት ውይይት ተቀጥሯል :: ለችግሩ መንስዔ ነው ተብሎ ስለሚታመንበት ጉዳይ ከእኛ ከኢትዮጵያውያን አልፎ የወያኔ አሣዳሪዎች ምን ዓይነት ዲፕሎማቲክ መልዕክት ይለዋወጡ እንደነበረ ከእስካሁኑ የ 'ዕርቅ ድርድር ' ጋር በማያያዝ አቢይ አፈወርቅ የሚከተለውን ጽሑፍ አቅርቦልናል ::

ምንጭ :- አቢይ አፈወርቅ : አቡጊዳ ድረ -ገፅ ላይ የተለጠፈ : ቅዳሜ የካቲት 17 ቀን 2004 ዓ .ም . :: የኦርቶዶክስ ቤተ ክርስቲያን አባቶች - በዊኪሊክስ ፋይሎች ::