WHO WROTE THE BIBLE?

[ፀዋር]

ሠላም ሞጥሟጣው ወዳጄ

ሽማግሌዎቹ አልደረሱም እንዴ ? የልጅህን ነገር አደራ ...

እኔኮ በበስጫ የለቀለቅከው "መልስ " ነው ብየ ነበር ችላ ማለቴ :: ጥያቄው አልገባህም ይሆን ? ማቴ 1: 17 እንዲህ ይላል

17 እንግዲህ ትውልድ ሁሉ ከአብርሃም እስከ ዳዊት አሥራ አራት ትውልድ፥ ከዳዊትም እስከ ባቢሎን ምርኮ አሥራ አራት ትውልድ፥ ከባቢሎንም ምርኮ እስከ ክርስቶስ አሥራ አራት ትውልድ ነው።

17.So all the generations from Abraham to David were fourteen generations, and from David to the deportation to Babylon fourteen generations, and from the deportation to Babylon to the Christ fourteen generations.

ትውልድ (Generation) ይላል እንጂ መሪ : አገረ -ገዢ ወይም ንጉስ አይልም ሁለት ወንድማማቾች ቢነግሱ ባይነግሱ አንድ ትውልድ ናቸው ገባህ እየተቆጠረ ያለው የዘር ሀረግ genealogy ነው :: ሶስት አጎቶችና ሁለት ወንድሞች ቢኖሩህ አንድ ወንድም ብቻ ከነበራቸው ከአያትህ እስከ ብቸኛዋ ልጅህ (እጮዬ ) ድረስ አራት ትውልድ እንጂ አስር ትውልድ የለም

ባጭሩ ይህንን ጥያቄ እስከመቼውም አትመልሰውም :: አስራ አራተኛው ትውልድ ቆጠራው ላይ አልተካተተምና

ጥብርኤል ይከተልህና

ሠላም ሁንልኝ

[ዘርዐይ ደረስ]

----ሀ ---.................................---ለ ---............................----ሐ ----

1)አብርሃም ...............................1)ዳዊት ..........................1)ኢኮንያን

2)ይስሐቅ ..................................2)ሰሎሞን .......................2)ሰላትያል

3)ያዕቆብ ....................................3)ሮብዓም ......................3)ዘሩባቤል

4)ይሁዳ ....................................4)አቢያ ..........................4)አብዩድ

5ፋሬስ .......................................5)አሣፍ ..........................5)ኤልያቄም

6)ኤስሮም ..................................6)ኢዮሣፍጥ ...................6)አዛር

7)አራም .....................................7)ኢዮራም ......................7)ሳዶቅ

8)አሚናዳብ ...............................8)ዖዝያ ............................8)አኪም

9)ነአሶን .....................................9)ኢዮአታም ...................9)ኤልዩድ

10)ሰልሞን ..............................10)አካዝ .......................10)አልዓዛር

11)ቦኤዝ .................................11)ሕዝቅያስ .................11)ማታን

12)ኢዮቤድ .............................12)ምናሴ .......................12)ያዕቆብ

13)እሴይ ..................................13)አሞፅ .......................13)ዮሴፍ

14)ዳዊት ..................................14)ኢዮስያስ ..................14)ኢየሱስ


ሀ )ከአብርሃም እስከ ዳዊት -----ለ )ከዳዊት እስከ ባቢሎን ምርኮ ------ሐ )ከባቢሎን ምርኮ እስከ ክርስቶስ
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

[ፀዋር]

ዘርሽ ባይሆን ያንተ ይሻላል :: ንጉስ ዳዊትን ሁለቴ በመቁጠር የጎደለውን ሞላከው

[ዘርዐይ ደረስ]

18 እውነትን በዓመፃ በሚከለክሉ ሰዎች በኃጢአተኝነታቸውና በዓመፃቸው ሁሉ ላይ የእግዚአብሔር ቍጣ ከሰማይ ይገለጣልና ::

19 እግዚአብሔር ስለ ገለጠላቸው ስለ እግዚአብሔር ሊታወቅ የሚቻለው በእነርሱ ዘንድ ግልጥ ነውና ::

20-21 የማይታየው ባሕርይ እርሱም የዘላለም ኃይሉ ደግሞም አምላክነቱ ከዓለም ፍጥረት ጀምሮ ከተሠሩት ታውቆ ግልጥ ሆኖ ይታያልና ::ስለዚህም እግዚአብሔርን እያወቁ እንደ እግዚአብሔርነቱ መጠን ስላላከበሩትና ስላላመሰገኑት የሚያመካኙት አጡ ::ነገር ግን በአሳባቸው ከንቱ ሆኑ የማያስተውለውም ልባቸው ጨለመ ::

22 ጥበበኞች ነን ሲሉ ደንቆሮ ሆኑ ::

23 የማይጠፋውንም የእግዚአብሔር ክብር በሚጠፋ ሰውና በወፎች አራት እግር ባላቸውም በሚንቀሳቀሱትም መልክ መስለው ለወጡ ::

24 ስለዚህ እርስ በርሳቸው ሥጋቸውን ሊያዋርዱ እግዚአብሔር በልባቸው ፍትወት ወደ ርኵስነት አሳልፎ ሰጣቸው ::

25 ይህም የእግዚአብሔርን እውነት በውሸት ስለ ለወጡ በፈጣሪም ፈንታ የተፈጠረውን ስላመለኩና ስላገለገሉ ነው :: እርሱም ለዘላለም የተባረከ ነው ::አሜን ::

26 ስለዚህ እግዚአብሔር ለሚያስነውር ምኞት አሳልፎ ሰጣቸው :: ሴቶቻቸውም ለባሕርያቸው የሚገባውን ሥራ ለባሕርያቸው በማይገባው ለወጡ ::

27 እንዲሁም ወንዶች ደግሞ ለባሕርያቸው የሚገባውን ሴቶችን መገናኘት ትተው እርስ በርሳቸው በፍትወታቸው ተቃጠሉ ::ወንዶችም በወንዶች ነውር አድርገው በስሕተታቸው የሚገባውን ብድራት በራሳቸው ተቀበሉ ::

28 እግዚአብሔርን ለማወቅ ባልወደዱት መጠን እግዚአብሔር የማይገባውን ያደርጉ ዘንድ ለማይረባ አእምሮ አሳልፎ ሰጣቸው ::

29 ዓመፃ ሁሉ ግፍ መመኘት ክፋት ሞላባቸው ቅናትን፥ ነፍስ መግደልን ክርክርን ተንኰልን ክፉ ጠባይን ተሞሉ የሚያሾከሹኩ

30 ሐሜተኞች አምላክን የሚጠሉ የሚያንገላቱ ትዕቢተኞች ትምክህተኞች ክፋትን የሚፈላለጉ ለወላጆቻቸው የማይታዘዙ

31 የማያስተውሉ ውል የሚያፈርሱ ፍቅር የሌላቸው ምሕረት ያጡ ናቸው ::

32 እንደነዚህ ለሚያደርጉት ሞት ይገባቸዋል የሚለውን የእግዚአብሔርን ሕግ እያወቁ እነዚህን ከሚያደርጉ ጋር ይስማማሉ እንጂ አድራጊዎች ብቻ አይደሉም ::

-----------------------ሮሜ 1:18-32
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

[ዘርዐይ ደረስ]

[እናመሰግንሃለ�]

ሰላም ዘርዐይ :

ያንተን የ 14 ትውልዶች አቆጣጠር ስመለከት : ኤልያቄም የተባለውን የኢዮአስ ልጅ እንዳላካተትከው ስላየሁ ላስተካክል መግባቴ ነው ::

ኢኮንያን የኢዮስያስ ልጅ ሳይሆን የልጅ ልጅ ነው :: በመሃላቸው የኢኮንያን አባት ኤልያቄም አለ :: ኤልያቄምና ወንድሞቹ እየተፈራረቁ ነግሰዋል :: የነርሱ ትውልድ አንድ ትውልድ ነው :: ታሪካቸው በጠቀስኩት ምዕራፍ ውስጥ አለ :: እስራኤል ከጠፋው ትውልድ ጋር ስለሚቆጥሯቸው አይጠቅሷቸውም ::

ጸዋር ከአያት ወደ ልጅ አንድ ትውልድ ዘልሎ የቆጠረውን ማቴዎስን በጣም ተናድዶበታልና ( ) ዝም ብሎ እንዲናደድበት ተወው ::

[ዘርዐይ ደረስ]

[እናመሰግንሃለ�]

ታድያስ ዘርዐይ :

እኔ የምጠቀመው መጽሀፍ ቅዱስ እዚሁ ኦንላይን ባይብል ሰርች ላይ ያለውን ነው ::

እየጻፍኩ ያለሁት ስለ አብዩድ ልጅ ኤልያቄም ሳይሆን : ስለ ኢዮስያስ ልጅ ኤልያቄም ነው :: ኤልያቄም በፈርዖን "ኢዮአቄም " ተብሎ ስሙ ተለውጧል :: (በበፊቱ ፖስቴ ኢዮስያስን አንዴ "ኢዮአስ " አንዴ "ኢዮስያስ " ብዬ ጽፌዋለሁ :: የኔ ስህተት ነው :; )

ሙሉ ዝርዝሩን ከ 2ኛ ነገሥት ምዕራፍ 23 እንደሚከተለው አስፍሬልሃለሁ :-


34 ፈርዖን ኒካዑም የኢዮስያስን ልጅ ኤልያቄምን በአባቱ በኢዮስያስ ፋንታ አነገሠ፥ ስሙንም ኢዮአቄም ብሎ ለወጠው። ኢዮአክስንም ወስዶ ወደ ግብጽ አፈለሰው በዚያም ሞተ።
35 ኢዮአቄምም ብሩንና ወርቁን ለፈርዖን ሰጠው እንደ ፈርዖንም ትእዛዝ ገንዘብ ይሰጥ ዘንድ ምድሩን አስገበረ ለፈርዖን ኒካዑም ይሰጥ ዘንድ ከአገሩ ሕዝብ ሁሉ እንደ ግምጋሜው ብርና ወርቅ አስከፈለ።
36 ኢዮአቄምም መንገሥ በጀመረ ጊዜ የሀያ አምስት ዓመት ጕልማሳ ነበረ በኢየሩሳሌምም አሥራ አንድ ዓመት ነገሠ እናቱም ዘቢዳ ትባል ነበር እርስዋም የሩማ ሰው የፈዳያ ልጅ ነበረች።
37 አባቶቹም እንዳደረጉ ሁሉ በእግዚአብሔር ፊት ክፉ አደረገ።


ዜና መቃዕል ቀዳማዊ ምዕራፍ 3 ላይ የሚከተለው ይገኛል :

13 ልጁ አካዝ፥ ልጁ ሕዝቅያስ፥ ልጁ ምናሴ፥
14 ልጁ አሞጽ፥ ልጁ ኢዮስያስ።
15 የኢዮስያስም ልጆች በኵሩ ዮሐናን፥ ሁለተኛውም ኢዮአቄም፥ ሦስተኛውም ሴዴቅያስ፥ አራተኛውም ሰሎም።
16 የኢዮአቄምም ልጆች ልጁ ኢኮንያን፥ ልጁ ሴዴቅያስ።
17 የምርኮኛውም የኢኮንያን ልጆች ሰላትያል፥ መልኪራም፥
18 ፈዳያ፥ ሼናጻር፥ ይቃምያ፥ ሆሻማ፥ ነዳብያ ነበሩ።
19 የፈዳያ ልጆች ዘሩባቤልና ሰሜኢ ነበሩ የዘሩባቤልም ልጆች ሜሱላም፥ ሐናንያ፥ እኅታቸውም ሰሎሚት።

[ፀዋር]

ሠላም

ዘርሽ ዳዊትን ሁለት ጊዜ መቁጠር አንችልም :: Simply because he can't represent two generations!

ሮሜ 1:18-32 በተመለከተ ምንም የሚሰማኝ ነገር የለም :: እምነት በፍርሀት አይጸናም : በእውቀት እንጂ :: እ /ር የሚወደድና የሚደነቅ እንጂ የሚፈራ አይደለም :: መፍራትስ ድንቁርናን ይልቁንም ጥቅሱን ስለሚያምኑበትና በእ /ር መቅሰፍትም ስለሚያምኑ ለወንድሞቼ ሞካሪና ዘእግዚነ ቁጥር 23ን ጋብዝልኝ :: ይህን ካነበቡ ብኋላም ክርስቶስን (እግዚአብሄራቸውን ) በአንበሳ (ባለ አራት እግር እንስሳ ) በመሰየማቸው ምን እንደሚሰማቸው ጠይቅልኝ የንስሩን የላሟንና የሰውን ነገር ለጊዜው እንተወዋለን ::


@@ ሞጥሟጣው

ያንተ አልሞት ባይ ተጋዳይነት የትም አያደርስም አልኩህ ::

አንተ እንደምትለው አባትና ልጅ ነግሰው ልጅ ብቻውን ተጽፎ ከሆነ ለምን የሚል ጥያቄ መነሳቱ አይቀርም :: ምን መልስ አለህ ? ከጅምሩ ቁጥሩ ላይ (14ኛ ተብሎ ) የተካተተ አባት (ኢዮአቄም ?) ለምን ስሙ ሳይጻፍ ቀረ ? ስም ላይ ሲደረስ እጅ የሚያዝበት ምክንያት ምንድን ነው ? ከላይ እንደተኮላተፍከው አይነት ምክንያት ተቀባይነት የለውም :: ምክንያቱም ሁሉም ክፉ ያደረጉ መሆናቸውን 2ኛ ነገሥት ላይ ተጽፏልና :: ከነ ተፈሪ ባንቲ ጋር ለማመሳሰል የሞከረው ደግሞ ብስለት የጎደለው ነው :: ምክንያቱም ኢዩአቄም ከባቢሎን ምርኮ ብኋላ ለአስራ አንድ አመታት ነው የነገሰው :: ለአስራ አንድ ሰዓታት አልነበረም አስራአንድ አመት ደግሞ ትንሽ ሆኖ እንዲሁ በቀላሉ ግምት ውስጥ ሳይገባ የሚቀርበት ምክንያት ሊኖር አይችልም ::

በተለይ ደግሞ ይህን ጥያቄ በደንብ እንድትመልስ ይሁን ::
ሁለቱም አባት ኢዩአቄምና ልጅ ኢኮንያም ከባቢሎን ምርኮ ብኋላ የነገሱ ናቸው :: ስለዚህ ትውልዱ ሲቆጠር ከሰለሞን እስከ ባቢሎን ምርኮ 13 ከባቢሎን ምርኮ ብኋላ እስከ ክርስቶስ ድረስ 15 ትውልድ መሆኑ ነው

ለዛውም ክርስቶስ ያለ ግብረ ስጋ ግኑኝነት የተጸነሰ ሳይሆን ከዮሴፍ የተወለደ መሆኑን ከተቀበልን ነው :: አለበለዚያ ግን ያ ሁላ ቆጠራ ከንቱ ይሆናል

ስለዚህ የተሻለ ሙከራ አምጣ :: ወይም እኔ ጉዱን አፈርጥልሀለሁኝ
_________________
I have great faith in fools; self-confidence my friends call it.

[ዘርዐይ ደረስ]

በድጋሚ ሰላም እናመሰግንሃለን :-

የፀዋርን ጥያቄ ለመመለስ መጽሐፈ ነገሥትና ዜና መዋዕልን ማጣቀሱ ጉዳዩን በይበልጥ ያወሳስበዋል ::ማቴዎስን ብቻ ብንወስድ ግን በማያሻማ ሁኔታ መልስ እናገኛለን ::በአንተ አመለካከት ማቴዎስ ላይ የኢዮስያስ ልጅ ኤልያቄም (ኢዮአቄም ) ሥም ተዘሏል ::ምክንያቱም ኢዮአኪን የልጁ ልጅ ነው ብለሃልና ::እኔ እንደሚመስለኝ ግን ማቴዎስ ላይ ኢዮስያስም ኢኮንያንና ወንድሞቹን ወለደ ስለሚል ኢኮንያን ልጁም የልጅ ልጁም እንዴት ሊሆን ይቻላል ? ኢኮንያን የኢዮአቂም የአዲስ ኪዳን ሥሙ ነው እንዳንል አጠራሩ ይለያያል ::በዚህ መሠረት የኢዮአቄም ልጅ ኢኮንያንና የአዲስ ኪዳኑ ኢኮንያን ሥመ ሞክሼነት ነው እንጂ አንድ ሰው አይደለም ::ለማንኛውም የብሉይ ኪዳኑ ግራ የሚያጋባ ስለሆነ ማቴዎስን ብቻ ይዘን ብንወያይይ ይሻላል ::
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12

[ዘርዐይ ደረስ]

[ፀዋር]

ይሄማ ትክክለኛ አቆጣጠር አይደለም ዘርሽ :: ምን ችግር አለው የምትል ከሆነ ደግሞ በባቢሎን ምርኮ የነበረውን ትውልድም ሁለቴ ልንቆጥር ነው :: ምክንያቱም "ከዳዊት እስከ ባቢሎን ምርኮ ... እንዲህውም ከባቢሎን ምርኮ እስከ ክርስቶስ ድረስ ..." ነው የሚለውና ዳዊትን በሁለተኛ ረድፍ መጀመሪያ ላይ እንደደገምከው ሁሉ ኢዩሲያስን በሶስተኛው ረድፍ በድጋሚ በማስቀመጥ ደግመህ መቁጠር ሊጠበቅብህ ነው ::

ሠላም

[እናመሰግንሃለ�]

[የንጋት ጮራ]

[ዘርዐይ ደረስ]

ሰላም ለሁላችሁም እያልኩ :-


እናመሰግንሃለን :-እኔ እንደተረዳሁህ የማቴዎስ ወንጌል ላይ ስህተት አለ ብለህ አምነሃል ::እኔ ደግሞ መጽሐፍ ቅዱስ ላይ ስህተት የለም ብዬ የማምን ነኝ ::በተረፈ መጽሐፈ ነገሥትና መጽሐፈ ዜና ማቴዎስን ለማጠናከር ጠቅመው ቢሆን ኖሮ ማቴዎስ ላይ ብቻ ላይ እናተኩር ባላልኩህ ነበር ::አንተ የፀዋርን ጥያቄ መልሼአለሁ ብለህ የምታምን ከሆነ የሚከተሉትን ቅራኔዎች እንዴት ታስታርቃቸዋለህ ?

1)መጽሐፈ ነገሥት ካልዕ ም .23 ቁ .30 ላይ ''የኢዮስያስን ልጅ ኢዮአክስን ወሰዱት ቀብተውም በአባቱ ፋንታ አነገሡት '' ሲል ዜና መዋዕል ቀዳማዊ ም .3 ቁ .15 ላይ ደግሞ የኢዮስያስን ልጆች ሲዘረዝር ''በኩሩ ዮሐናን ሁለተኛውም ኢዮአቄም ሦስተኛውም ሴዴቅያስ አራተኛውም ሰሎም ይላል ::በዚህ መሠረት ኢዮአክስ ከየት መጣ ?

2)ፀዋር እንዳለውና እኔም እንደማምንበት የትውልድ ሐረጉ ከየ ትውልዱ አንዳንድ ሰው ብቻ ነው እንጂ የወሰደው ከአንድ ትውልድ ከአንድ በላይ ሰው መውሰድ አይቻልም ::

3)ማቴዎስ ላይ ኢዮስያስም ኢኮንያንና ወንድሞችን ወለደ ይላል ::ስለዚህ ይኸኛው ኢኮንያን አንተ የምትለውና መጽሐፈ ዜና ላይ የተጠቀሰው የኢዮአቄም ልጅ ኢኮንያን አንድ አይደሉም ::

4)ማቴዎስን ብቻ ወስደን መልስ አናገኝም ያልከው ለምን እንደሆነ ግን ብታብራራልኝ ጥሩ ነው ::እኔ ግን ከላይ ያቀረብኩት ዝርዝር ላይ ምንም ዓይነት ጥያቄ የለኝም ::

5)የኢትዮጵያ መሪዎችን እንደ ምሳሌ በመጥቀስ ለማብራራት ያደርግከው ሙከራ ራሱ ትክክል አይመስለኝም ::


ፀዋር :- በባቢሎን ምርኮ ጊዜ ኢዮስያስም ኢኮንያንም የኖሩ ስለሆነ ማቴዎስ ኢዮስያስን ከመድገም ይልቅ ኢኮንያንን ቢወስድ ስህተቱ ምን ላይ ነው ::

የንጋት ጮራ :ያመጣሽው ሊንክ አሁን እያከራከረን ያለውን ጥያቄ ባይመልስም ሌሎች ጠቃሚ ነገሮች ስላሉበት ለፀዋር ብቻ ሳይሆን ለሌሎቻችንም አስፈላጊ ነውና እናመሰግናለሁ ::
_________________
''ፍምን እፍ ብትላት ትነዳለች ትፍም ብትልባት ትጠፋለች ሁለቱም ሁሉ ከአንድ አፍ ይወጣሉ ::''መጽሐፈ ሲራክ 28:12