ኢትዮጵያ በለንደን ኦሎምፒክ

[ገልብጤ]

[ዳግማዊ ዋለልኝ]

ከብቱ

አትፍራ .....ዙሪያውን ከምትዞር ዲየዲየቡ ጭንቅላትህን ለአንዴና ለመጨረሻ ጊዜ አሰራውና ሀሳብህን ግለፅ ......አይዞህ አልስቅብህም

1. በገነት ቦታ ጥሩነሽ እንድትወዳደር ያደረጉት አቶ ብርሀነ ናቸው እያልክ ነው

2. ጥሩነሽ በገነት ምትክ መወዳደሯን አትደግፍም ማለት ነው

መልስ እስቲ ዲየዲየቡ ....ዛሬ እንኳን በራስህ ተማመን

[ቀደምት]

[ቀደምት]

ሰላም የስፖርት አፍቃሪዎች

የ 800ሜትር ተወዳዳሪው መሃመድ አማን የሜዳሊያ ተስፋው ጠንከር ብሏል :: ለፍጻሜው ያለፈው ከምድቡ በመምራት ነው :: በዚህ ርቀት ወርቅ ያገኛል የተባለው ኬንያዊ ዴቪድ በሌላው ምድብ በመምራት በጥሩ ሰዓት ለፍጻሜው አልፏል :: ኬንያዊዩን ከዚህ ቀደም ያሸነፈ ብቸኛ አትሌት ኢትዮጵያዊዩ ነው ተብሏል :: መሀመድ ምንም አይነት ከለር ሜዳሊያ ቢያየግኝ ለኢትዮጵያ አትሌቶች ጥሩ ምሣሌ ይሆናል :: ምክንያቱም እንደረዥም ርቀቱ በአጭር ርቀትም ማሸነፍ እንደምንችል ማረጋገጫ ነው :: መልካም እድል ::

ዛሬ 1500ሜ ፍጻሜ የተካፈለው መኮንን ገብረመድኅን 30 ሜትር እስኪቀረው ድረስ ሁለተኛ ቆይቶ 6ኛ መጨረሱ የሚያሳዝን ነው :: አሯሯጡ የቴክኒክ ስህተት የነበረበት መሆኑ ግልጽ ነው ::

.

[ዳግማዊ ዋለልኝ]

ሠላም ቀደምት

መጀመሪያ ከላይ "እያላዘኑ " ብዬ የጠቀስኩት አንተን አይደለም ........ሀሳቡን የምትጋራ ብትሆንም አንተን ግን እንዳላልኩኝ እወቅልኝ

ወደዋናው ሀሳብ ስንመጣ የኦሎምፒክ ተሳትፎ ዓላማው ሜዳልያ ማግኘት መሆኑንማ ማንም የሚያጣው አይመስለኝም ......ለዚህም ተብሎ ሜዳልያ ለማግኘት ብቃት ያላቸውን ለመምረጥ በየምድቡ በአመቱ ባስመዘገቡት ምርጥ ሰዓት የሚለው መስፈርት ፍትሐዊና በየምድቡ ማን ሜዳልያ ሊያስገኝ ይችላል ለሚለው ምክንያታዊ መመዘኛ የሆነው .........ጥሩነሽ እጅግ ድንቅና ምናልባትም የምንጊዜም ኮከብ የርቀት ራጭ ብትሆንም በዚህ ዓመት ግን በ 5000 ሜትር ያስመዘገበችው ሰዓት ከገነት ያለው እንደሚበልጥ ማስረጃ ላገኝ አልቻልኩም .....በ 2012 ከገነት የበለጠ ሰዓት አስመዝግባ ከሆነ እሰየው

ሁለተኛ ነጥብ ደግሞ ድንቋ አትሌት ጥሩነሽ አሁንም ቢሆን በ 5000ሜትር ውድድሩ ሜዳልያ ልታመጣ ትችላለች .....ዋናው ዓላማ ግን አንደኛ የምርጫው መስፈርት ተጥሷል ...ሁለተኛ ደግሞ የገነት ያለው ሞራልና መነሳሳት ተጎድቷል ....ይህ ጉዳይ የገነት ብቻ አይደለም .....ታዳጊ አትሌቶቻችንን በስፋት በማናይበት በአሁኑ ጊዜ ገነት እንዳትወዳደር ማድረግ የመጪዎቹንም ተስፋና ምኞት ላይ ከፍተኛ ተፅእኖ አለው .......ጀግናዋ ጥሩነሽ ከአሁኑ በኦሊምፒክ ሶስት ወርቅ በማግኘት ታሪክ ሰርታለች .....ለ 5000 ሜትሩ ውድድርም መሰረት ደፋር እና ገለቴ ቡርቃ አስቀድመው ተመርጠዋል ...ስለዚህ ለ 20 ዓመቷ ታዳጊ ለገነት ያለው እድል መሰጠት ነበረበት ብዬ አምናለሁ

አስቀድሜ እንዳልኩት ግን የአትሌቲክስ ቴክኒካል ኮሚቲው ወይም አንተ ብቻ ሳትሆን በሚገርም ሁኔታ ሁሉም ሰው በሚያስብል አይነት የጥሩነሽ መወዳደር አስደስቶታል .....እንግዲያው ስህተተኛው እኔ ነኝ ማለት ነው "ይሁና " አሉ መቶ አለቃ ገብሩ በከዘራቸው መሬቱን እየቆረቆሩ

[ቀደምት]

በሴቶቹ 5ሺ መሠረት ደፋር አስደሳች ውጤት በማምጣቷ ክብራችንን አስጠብቃለች :: ጥሩነሽ ያለመችው ድጋሜ ድል ስላልተሳካላት ብዙም ደስተኛ ሆና ባትታይም ነሀሱ ጥሩ ውጤት ስለሆነ ልትኮራ ይገባታል ::

በወንዶችም በ 5ሺ ደጀን የብር ሜዳሊያ ባለቤት ስላደረገን እንኳን ደስ ያለን !! ነገር ግን በኔ ግምት የቴክኒክ ስህተት ባይፈጽም ኖሮ ወርቁ የሱ ይሆን ነበር :: በመጨረሻው ዙር ይዞት የነበረውን ቦታ መጠበቅና ከሞፋራ ጋር መሄድ ሲገባው ፍጥነቱን ሳይገደድ በመቀነስና ቦታውን በመልቀቅ አስቸጋሪ መስመር ውስጥ ሊታሸግ በቃ :: ከዚያም ለመውጣት በሚሞክርበት ጊዜ እንዲያውም ተደናቅፎ ሁሉ ነበር :: ከአንዴም ሁለቴ መስመር ለማግኘት ትንሽ ተቸግሮ በመጨረሻ ግን ዘግይቶም ቢሆን ፍጥነቱን በመጨመር ሁለተኛ መሆኑ አስደሳች ነው :: ነገር ግን አንደኛና ሦስተኛ ከፈጸሙት አትሌቶች ጋር ሲተያይ በአንጻራዊነት ገና በደህና ትንፋሽና ፍጥነት ላይ እያለ ነው ውድድሩ ማለቂያ ላይ የደረሰው :: ስለሆነም ቴክኒካሊ ባይሳሳት ኖሮ አሸናፊ ሊሆን ይችል ነበር ብየ ትንሽ አስቆጭቶኛል :: ባመጣው ውጤት ግን ሊመሰገን የሚገባው : ለወደፊቱም ተስፋ ያለው አትሌት ነው ::

ባጠቃላይ የረዥም ርቀት ሩጫ ሁሌ በዋስትና ይዘነው የምንቆየው ነገር አለመሆኑን የሚያሳይ ነውና የተሻለ ትኩረትና ዝግጅት ማድረግ ካልቻልን እንደብዙዎቹ አገሮች ያለምንም አይነት ውጤት ወደቤት መመለስ ይመጣል ::

.

[ዳግማዊ ዋለልኝ]

የ 2012 የለንደን ኦሊምፒክ የመጨረሻ ውድድር በሆነው የወንዶች ማራቶን ላይ ለሚወዳደሩት ኢትዮጵያውያን አየለ አብሽሮ ....ጌቱ ፈለቀና ....ዲኖ ስፍር መልካም ውጤት እናቸንፋለን

እንዲሁም በለንደን ኦሊምፒክ ሀገር አልባ ስለሆነ በኦሊምፒክ ባንዲራ ስር ኢንዲፔንደንት ኦሊምፒክ አትሊት ሆኖ ለሚሮጠው ደቡብ ሱዳናዊው ጉኦር ሜርያል መልካም ዕድል
_________________
“Meles Zenawi's passion was in abolishing poverty" Former Prime Minister of United Kingdom Gordon Brown

[ቀደምት]

በዚህ ኦሎምፒክ የኢትዮጵያ ወንድ አትሌቶች አንድም ወርቅ ለማግኘት አልቻሉም :: የአትሌቶቹ ዝግጅት በአመራር በኩል ችግሮች እንደነበረበት ቀደም ባሉት ወራት ፍንጭ አግኝተን ነበር :: ይኸውና በውጤቱ እንደታየው ጥያቄዎች መነሳታቸው አይቀርም :: ኃይሌ ገብረሥላሴም አንስቶታል ::

እኔ የማይገባኝ አንድ ነገር ጥቂት አሰልጣኞች ስፖርቱን ርስት -ጉልት አድርገውት በጡረታ ወይም በሽምግልና ተዳክመው እስኪለቁ አድራጊ ፈጣሪ ሆነው መኖራቸው ነው :: በስፖርት ስልጠና በርግጥ ልምድ ያላቸው ሰዎች ብዙ ጊዜ አስፈላጊ ናቸው :: ነገር ግን ያሳዩት የመሻሻል ግራፍ በመታየት በየወቅቱ አዲስ ኃይልና አዲስ አስተሳሰብ ካልተጨመረበት በስተቀር በዘመናዊ ቴክኖሎጂና በብዙ ካፒታል ከሚፎካከሩት አገሮች ጋር ለመወዳደር ብቃት ሊኖረን አይችልም :: በአትሌቲክስ ስፖርት comparative advantage ያለን አገር ሆነን ሳለ ዝግጅቱን ካላወቅንበት አርኪ ውጤት ለማምጣት አንችልም ::

ለምሳሌ እንደ ይልማ በርታ አይነቱን አሰልጣኝ ተመልከቱ :: ከ 30 ዓመት በላይ አለ :: ሰውየው ዶ /ር ነው :: ነገር ግን እስካሁን በመስኩ አንድም የምርምር መጽሐፍ መጻፉን አልሰማንም :: እንደዚህ ረዥም ልምድ አላቸው የሚባሉ ሰዎች ካስፈለገ በስፖርት ሚንስትር መስሪያቤት አካባቢ ሆነው ሌላ አገልግሎት ቢሰጡ የተሻለ ይመስለኛል :: በቀጥታ አሰልጣኝነትን ይዘው ከሚቀጥሉ :: በትምሕርት ያገኙትንና በልምድ ያካበቱትን እውቀት አካተው ለትምሕርት ቤቶች የሚያገለግል የስፖርት ካሪክለሞችን ቢያዘጋጁ ተገቢ ነው :: ሳይንሱ በየጊዜው እያደገ ስለሚሄድ ብቃት ያላቸው : የተሻለ አሰራር ለመዘርጋት ሃሳብ የሚያመነጩ ትጉህ ሰዎች ያስፈልጋሉ ::

ይልማ በርታ ወደለንደን ሊመጣ ሲል ጠቅላይ ሚኒስትር መለስን ለስፖርት ባላቸው ፍቅር ባደረጉት ድጋፍ ...ምናምን እያለ ሲያሞካሽ ነበር :: መንግሥት ትኩረት ሰጥቶ በገንዘብም ሆነ በፖሊሲ ደረጃ ለስፖርቱ ድጋፍ ቢሰጥ ኖሮ (ያለን የኢኮኖሚ ድክመትም እንደተጠበቀ ) አስገራሚ ውጤት ለማምጣት ይቻላል :: እነዚህ የቆዩት ሰዎች የእድሜልክ ቅጥር እንዲሆንላቸው ከፖለቲካ ሰዎች ጋር እየተሻሹ ለማዝገም የሚፈልጉ እንጂ በነሱ ስር ተተኪ የሚሆኑ ብቁ አሰልጣኞች እንዲኮተኮቱ የሚሹ አይመስለኝም ::

በለንደን ኦሎምፒክ ያገኘነው ውጠት የሚያስደስተን ቢሆንም ከዚህም በላይ ልናገኝ እንችል ስለነበር የተከሰቱ የድክመት ምንጮችን መመርመርና ለሚቀጥለው በተሻለ ለመዘጋጀት መነሳት ያስፈልጋል :: ለማንኛውም ከፍተኛ ተጋድሎ አድርገው ሜዳሊያ ያስገኙልን አትሌቶችንና ሌሎችም የቻሉትን ያህል ጥረት ያደረጉትን ወኪሎቻችንን ከልብ ልናመሰግናቸው ይገባል ::

.