የኢትዮጵያ እግር ኳስ -ቡድን በ 29ኛው የአፍሪቃ ዋንጫ

[ተድላ ሀይሉ]

ሰላም ውድ ወገኖቼ ኢትዮጵያውያን :-

በገነነ መኩሪያ አዘጋጅነት በየሁለት ሣምንቱ ቅዳሜ ቅዳሜ ለሕዝብ ትቀርብ የነበረችዋ የስፖርት ጋዜጣ 'ሊብሮ ' እንደገና በድረ -ገፅ መልክ ብቅ ብላለች ::

ገነነ ስለኢትዮጵያ እግር ኳስ ታሪክ ጠለቅ ያለ ዕውቀት ያለው የስፖርት ጋዜጠኛ ነው :: የኢትዮጵያን እግር ኳስ ለማሻሻል የራሱ የእግር ኳስ ዘይቤ አለው -'በመጠጋጋት መጫወት ' የሚባል :: ስለ ዓለም እግር ኳስ ያለው ዕውቀት ተዝቆ የማያልቅ ነው :: ድረ -ገፁን ጎብኙለት ::

ሊብሮ

ወንድሜ ዞብል :- ለአንተ በተለይ ይህ ድረ -ገፅ ብዙ ነገሮችን ሊያስታውስህ ይችላል እና ጎራ ብለህ እንድትመለከተው እጠቁምሃለሁ ::

ተድላ

[ሞፊቲ]

ሰላም ለዚህ ቤት ይሁን ::

ወንድሜ ተድላ :-ምስጋናዬን እንዴት እንደምገልጽልህ አላውቅም ::በጣም የምወደውንና የማደንቀውን ጋዜጣ
አምጥተህ ስትለጥፍልኝ ማመን አልቻልኩም ::ገነነን በደንብ አውቀዋለሁ ::ጋዜጣውንም ከሀገር እስከወጣሁበ ግዜ ድረስ እየገዛሁ አስቀምጥ ነበር ::
በኢትዮጵያ ፉትቦል ያለውን አመለካከትና እምነት ባልደግፈውም በ እምነቱ ጠንካራነትና ተስፋ ባለመቁረጡ
ከልብ አደንቀዋለሁ ::በችሎታው ታሪክን ጎርጉሮ በማቅረብ በዜናዎቹ እጅግ እጅግ የምረካበት ጋዜጠኛ ነው ::አሁን
ከወደቀበት በመነሳት የድሮ ብስለቱን ይዞ ኦን ላይን መገኘቱ
ከላይ የገለለጽኩትን መንፈሰ ጠንካራነቱን ይገልጽልኛል ::
ገኔ ! መልካም የስራ ዘመን ይሁንልህ !!!!

ተድልሽ በድጋሚ አመሰግናለሁ ::
_________________
http://www.cyberethiopia.com/warka3/viewtopic.php?t=19378

[ተድላ ሀይሉ]

[ተድላ ሀይሉ]

ሰላም ውድ ወገኖቼ :-

እስኪ ይህንን የቅምሻ ዜና አንብቡት ...

[ከንቲባ .]

ተድልሽ ይመችህ አቦ ዜናዋ በሳቅ ጦሽ ነው ያደረገቺኝ ::
ለመሆኑ ያ የደቡብ አፍሪካው ሯጭ ቀሚስ ነው ተብሎ ተከሶ የነበረው ምን ሆነ ?
የዛሬ ስንት አመት እንደሆነ አላውቅም አርጀንቲና አንደር 21 ውስጥ የ 6 ዓመት ልጅ ያለው ተጫዋች ተገኝቶ እንደነበር መስማቴ ትዝ ይለኛል የኢትዮጵያው ደሞ ያስቃል አባትና ልጅ ቅቅቅቅቅቅቅቅቅቅቅቅቅቅቅቅቅቅቅ !
_________________
Ethiopia tikdem

[ተድላ ሀይሉ]

[ተድላ ሀይሉ]

ሰላም ውድ ወገኖቼ :-

የኢትዮጵያ እግር ኳስ የተለመደ ታሪኩን ቀጥሏል ::

Kenya defeats Ethiopia 3-0 in friendly football match

[ተድላ ሀይሉ]

ሰላም ውድ ኢትዮጵያውያን :-

ኢትዮጵያ ውስጥ ፖለቲካው ብቻ ሣይሆን ስፖርቱም በደናቁርት መመራት ከጀመረ ዘመናት ተቆጥረዋል :: በተፈጥሮ በታደሉት ጥንካሬ አትሌቶቻችን በዓለም መድረክ ውጤት ማስመዝገብ ባይችሉ ኖሮ በሁሉም የስፖርት ዓይነቶች በአገር ውስጥ ውድድሮች ብቻ አናብስት ሆነን እንቀር ነበር ::

የእግር ኳስ ስፖርት ከአመሠራረቱ ጀምሮ በሸረኞች የተዋቀረ ስለሆነ ይኼው እስካሁን የአፍሪቃ ውራ ሆነን እንዳክራለን :: ሰሞኑን ከኬንያ ጋር ብሔራዊ ቡድኑ ባደረገው የወዳጅነት ግጥሚያ እንኳን በአገሩ : በሜዳው እና በራሱ ደጋፊ ፊት 3-0 ተሸንፏል :: ለኢትዮጵያ እግር ኳስ ስፖርት ሥርዬት የሚገኘው አደረጃጀቱ ፕሮፌሽናል : ቡድኖችም ሕዝባዊ ሲሆኑ ብቻ ነው :: ያለበለዚያ በአንድ ቡድን የዘወትር ጋሻ -ጃግሬነት የሚዘወር የሞኖፖሊ ሸቀጥ ሆኖ ይቀጥላል ::

ሌላው አስገራሚ ነገር ደግሞ ለብሔራዊ ቡድኑ አሠልጣኞች የሚከፈለው ደመወዝ ነው :: ቡድኑ በአገር ውስጥ አሠልጣኞች በሚሠለጥንበት ወቅት የአሠልጣኙ ደመወዝ ቢበዛ ከ 5,000 ብር አይበልጥም :: የውጪ አሠልጣኝ ከተቀጠረ ግን ክፍያው በውጪ ምንዛሪ ወይም በከፍተኛ ብር ይሆናል : ውጤታቸው ግን ከአገር ውስጥ አሠልጣኞች የባሠ አሣፋሪ ነው :: ለዋቢነት ያህል በአሁኑ ሰዓት የኢትዮጵያ ብሔራዊ ቡድንን በቴክኒክ ዳይሬክተርነት እና በአሠልጣኝነት የሚመሩትን ሰዎች የወር ደመወዝ ተመልከቱት ::

የቴክኒክ ዳይሬክተር :- አቶ ዮሐንስ ሳህሌ በትውልድ -ኢትዮጵያዊ : በዜግነት -አሜሪካዊ :: ደሞወዝ በወር ሠላሣ አምስት ሺህ (35,000) ብር ::

አሠልጣኝ :- ኢፊ ኦኑራ በትውልድ -ናይጄሪያዊ : በዜግነት -እንግሊዛዊ :: ደመወዝ በወር አንድ መቶ ሰባ አምስት ሺህ (175,000) ብር ወይም አሥራ ሦሥት ሺህ (13,000) ዶላር ነው ::
ለሁለቱ በአጠቃላይ በወር ሁለት መቶ አሥር ሺህ (210,000) ብር ይከፈላል ::

ነገር ግን ከእነዚህ ሰዎች ተዓምር መጠበቅ አይቻልም : ምክንያቱም የአገሪቱ የእግር ኳስ ስፖርት አደረጃጀት ከጥንቱ አማተሪዝም ፍልሥፍና ባልተላቀቁ ነገር ግን እጅግ በሙስና በተዘፈቁ የመንግሥት ተሻሚዎች የሚመራ በመሆኑ :: በየክለቡ ቋሚ ተሠላፊ ለመሆን ለአሠልጣኞችና ለኮሚቴ አባላት ጉቦ መሥጠት የግድ ነው :: የብሔራዊ ቡድን ተሠላፊ ለመሆን መመዘኛው ከጥንትም ችሎታ ሣይሆን የተወሣሠበ የፌዴሬሽኑ ፖለቲካ ነው :: ታዲያ እኒህ አሠልጣኞች በየወሩ 1 ቢሊዮን ዶላር ደመወዝ እንኳን ቢከፈላቸው በየት አልፈው በእግር ኳስ ስፖርት ችሎታ የሌላቸውን የእግር ኳስ ተጫዋቾች አሠልጥነው ነው ውጤት የሚያመጡት ? "ላም ባልዋለችበት ኩበት ለቀማ ::" ማለት የኢትዮጵያ እግር ኳስ ስፖርት ነው ::

ተድላ

[geremew]

ሰላም ተድላ ሀይሉ
የጻፍከው ሀሳብ እውነት ለመሆኑ ምንም ጥያቄ የለውም :: ነገር ግን ክፍያውን ማን እንደሚከፍል አብሮ ቢገለጽ የዜናውን ታዐማኒነት ይጨምረዋል እንጂ አይቀንሰውም :: የ ቴክኒክ ዲሬክተሩ ዮሀንስ ሳህሌ ክፍያም ሆኖ ቅጥር በፊፋ መስፈርት ሲሆን ይህ ለኢትዮጵያ ብቻ ሳይሆን ለሌሎችም ታዳጊ አገሮች የሚውል ሲሆን ትኩረቱን ብሄራዊ ቡድን ላይ ሳይሆን ታዳጊዎች ላይ ነው ::
የአሰልጣኙ ክፍያ ደግሞ በአላሙዲን የሚሸፈን ሲሆን ከበፊቱ የአገራችን አሰልጣኞች ክፍያ ጋር በንጽጽር መቅረቡ አግባብ አይደለም :: ከውጤት አንጻር ግን መመዘኑ እኔም እስማማለሁ :: የኢትዮጵያ ብሄራዊ ቡድን በሱማሌ የተሸነፈው አንድ ጊዜ ነው እሱም በ ጀርመናዊው አሰልጣኝ ጆሀን ፊገ እና በምክትል አሰልጣኝ አስራት ሀይሌ ጊዜ ነው :: በውጭ አሰልጣኞች ሚስተር ክላውስ ምስራቅ እና መካከለኛውን የአፍሪካ ዋንጫ በሀገራችን የወሰድን ሲሆን ከዛ በሁዋላ ግን ድጋሚ ለማግኘት ብዙ ጊዜ እንደፈጀብን የታወቀ ነው :: ለአፍሪካ ዋንጫ ለማለፍ ግን እስካሁን ያልቻልን ሲሆን ለሀገር ውስጥ አሰልጣኞች ግን ከበቂ በላይ እድል ተሰጥቶዋል ባይ ነኝ :: ለምሳሌ መንግስቱ ወርቁ : ካሳሁን ተካ : አስራት ሀይሌ : ስዩም አባተ : ጌታሁን ገብረጊዎርጊስ : ንጉሴ ገብሬ : ወዘተ :: በክለቦችም ሆነ በብሄራዊ ቡድን ደረጃ ሀገራችንን ለተሻለ ውጤት ስላላበቁ እድሉ ለውጭ አሰልጣኞች መሰጠት የግድ ነው :: ነገር ግን ከውጭ የሚመጣው አሰልጣኝ የተሻለ ውጤት ሊያመጣ ካልቻለ አጠያያቂ ነው :: ነገር ግን ቢያንስ ቢያንስ የአንድ አመት የውድድር ዘመን እድል ሊሰጣችው ይገባል ::

[ተድላ ሀይሉ]

[geremew]

ተድላ
አንተ ባነሳሀቸው የመፍትሄ ሀሳቦች ላይ ጥያቄ የለኝም :: እንደ አማራጭ ከሚቀርቡት ሀሳቦች መካከል ብዙ ጊዜ የሚነሳ ሀሳብ ስለሆነ :: እኔ ለመናገር የፈለኩትን ሀሳብ ግን እንዳልተረዳህልኝ በመጀመርያው አረፍተ ነገር ላይ ያስተዋልኩት ስለሆነ በድጋሚ ሀሳቤን ግልጽ ላረግ እውዳለሁ ::

የቴክኒክ ዲረክተር ዮሀንስ ሳህሌ በሙያው ብቃት እንዳለው በትምህርት ማስረጃ ማቅረብ የቻለ በተጫዋችነትም ያሳለፈ ብቻ ሳይሆን በአሰልጣኝነት ትምህርት ለቦታው እንደሚመጥን በፊፋ የተረጋገጠ ሲሆን በምንም መስፈርት የፌደረሽኑ ብልሹ አሰራር ተብሎ ሊያስወነጅለው አይችልም :: ለሙያው ብቁ የሚያደርገውን ሁሉ ስላሟላ ማለቴ ነው :: በዚህ ላይ ደሞ ይህ ቴክኒካል ዲረክተር ፊፋ ባይቀጥር ኖሮ እስካሁን እንደነበረው የሚቀጥል ሲሆን ይህ ቅጥር ቢያንስ አንድ ሙከራ (ከዚህ በፊት ያልተደረገ ) ስለሆነ ውጤቱን በትዕግስት መጠበቅ ይኖርብናል :: ያን ጊዜ ብቻ ነው ትክክል ነው ወይንም ስህተት ነው በማለት በእርግጠኛነት መናገር የሚቻለው :: ወጪውን ፊፋ ይከፍላል ሲባል ለቦታው የሚመጥን ሰው ሲኖር ስፖርቱን ለማሳደግ የሚሰጥ እርዳታ እንጂ ለዚህ ቅጥር የሚውለው ክፍያ በሌላ በምንም መልኩ ለሀገራችን ስፖርት እንደማይውል የታወቀ ጉዳይ ነው :: ዮሀንስ ሳህሌ ለቦታው የማይመጥን ሰው ከሆነ ግን ጊዜ ማባከን ስለሆነ እርዳታው ቀርቶብን ሌላ መፍትሄ መሻት የግድ ይኖርብናል :: በኔ እምነት ዮሀንስ ለቦታው የሚመጥን እንደሆነ አስባለሁ ፕሮፈሽናል በሆነ ልምድ ብዙ ያካበተው ነገር ስላለ :: የዚህ ቅጥር አላማ ታዳጊዎች ላይ ትኩረት ማድረጉ ተተኪዎችን በሚገባ ለማዘጋጀት ስለሚያስችል ለሀገራችን ስፖርት ጠቃሚ ነው ::

ለሀገራችን ስልጠና የውጭ አሰልጣኝ ያስፈልጋታል የሚለውን ሀሳብ የምደግፍበት ምክኒያት ለሀገራችን አሰልጣኞች በቂ እድል ስለተሰጠ ብቻ ሳይሆን በሚችሉት አቅም ሁሉ ብዙ እንደሰሩ ነገር ግን ለውጥ ማምጣት ስላልቻሉም ጭምር ነው :: ጋርዚያቶ የሚባለው ፈረንሳዊው አሰልጣኝ ይዞት በነበረው ቡድን ውስጥ የተሻለ ለውጥ ስላየን አዳዲስ ስልጠናዎችን ተጫዋቾቻችን የመቅሰም እድል ስለሚሰጣቸው አስፈላጊ ጉዳይ ነው :: አሁንም ይህ ክፍያ በባለ ሀብት መደገፉ ጥሩ ገጽታው ስለታየኝ ነው ::

እነዚህ ነገሮችን ሳናፈርስ አንተ እና ሌሎች በሚጨምሩት የመፍትሄ ሀሳቦች ላይ ከተሰራ ውጤት እናመጣለን ብዬ አምናለሁ :: የምናቀርባቸው የመፍትሄ ሀሳቦች የግድ መጠላለፍ አይኖርባቸውን መደጋገፍ እንጂ :: ለሰፊው ችግራችን ብዙ መፍትሄ እንጂ 1 ወይም 2 ብቻ እንደማይበቃ ስለምረዳ የተጀመረው ነገር ይዘን ሌላ እንድንጨምር ለማሳሰብ ነው ::

ሰለ ስፖርት የምትሰጣቸው ሀሳቦች አትሌቲክሱንም ጨምሮ የምከታተል ሲሆን አድናቂህ መሆኔንን በዚህ አጋጣሚ ልገልጽልህ እወዳለሁ ::

ሰላም ሁን ::

[ተድላ ሀይሉ]

ሰላም "geremew: :-

ሃሣብህን ያልተረዳሁ ከመሥለህ እንደገና ሠፋ አድርጌ ላብራራው ::

ዮሐንስ ሣህሌም ሆነ አኒ -ፊያሬ በሙያቸው ብቃት እንዳላቸው እኔ መሥካሪ መሆን የለብኝም :: እንዲያውም ዮሐንስ በጊዮርጊስ እና ብሔራዊ ቡድን ተሠልፎ ሲጫወት የማውቀው ስፖርተኛ ሲሆን በስፖርቱ መሥክ ገፍቶበት እዚህ ደረጃ ከደረሡት ጥቂት ኢትዮጵያውያን አንዱ በመሆኑ ያኮራናል ::

የእኔ መሠረታዊ ነጥብ የኢትዮጵያ እግር ኳስ ስፖርት እየቀጨጨ ለመዝለቁ መሠረታዊው ችግር አደረጃጀቱ ነው :: ያንን ሣናስተካክል ከዓለም አንደኛ የሆነውን አሠልጣኝ ቀጥረን ብናመጣም ምንም መሻሻል አይመጣም :: ቤትን በድቡሽት አሸዋ ላይ ገንብቶ እስከመቼ ይዘለቃል ?

አሁንስ ሃሣቤ ግልፅ ሆነልህ ?

ስለአድናቆትህ አመሠግንሃለሁ ::

ተድላ

[geremew]

ሀሳብህን ተረድቻለሁ ብዬ አስባለሁ :: አሁን ፌደሬሽኑ ካደረጋቸው ሁለት ቅጥሮች የበለጠ "መሰረታዊ " ችግር ስላለ እሱ መጀመሪያ ይስተካከል የሚል ሀሳብ ይመስለኛል ::
እኔም መሰረታዊ ከሚለው በስተቀር ባንተ ሀሳብ እስማማለሁ :: ምክኒያቱም እንክዋንስ ውጤታማ ላልሆንበት እግር ኩዋስ ቀርቶ ለአትሌቲክሱም እራሱን በየጊዜው update እያደረገ ልምምዶችን የሚቀያይር አሰልጣኝ ሀገራችን እንደሌላት ሙያተኞች ይገልጻሉ :: ስለ ስልጠና የሚሆን መጽሀፍ ለማበርከት አንዳቸውም እንዳልቻሉ በተጨባጭ የታየ ጉዳይ ነው :: ወደድንም ጠላንም የሀገራችን ስፖርት የሚያድገው ከስር መሰረት ተኮትኩተው በሚያድጉ ታዳጊዎች እስከሆነ ድረስ እነሱን ደሞ ከየሰፈሩ እና ትምህርት ቤቱ በተገቢው የሚያሰለጥኑበትን ማንዋሎች እስካልተዘጋጁ ድረስ ውቴት አይኖረውም ባይ ነኝ :: የዮሀንስ ሳህሌ ሆነ የውጭ አሰልጣኙ ቅጥር ትኩረቱ ይህንን (በኔ እምነት መሰረታዊ የሆነውም የታዳጊዎች ጉዳይ እና አዳዲስ ስልጠናዎችን ) accountability and responsibility ባለው እና በሚወስድ አካል እንዲሰራ መደረጉ ትልቅ ጅምር ነው እላለሁ ::

[vann]

ተድላ እና ገረመው የጀመራቹት ውይይት ደስ ብላኛለች ...ግን አላነበብኩትም ገና መሳተፌ አይቀርምና እንዳታቆሙ ! ፌደሬሽን ላይ የሚጻፍ ማንኛውም መጥፎ ነገር ያስደስተኛል ! ያለኝን ለመጨመር ዝግጁነቴን በዚህ አጋጣሚ አሳውቃለው !

[ንፍታሌም]