ሊቨርፑል vs ማንችስተር ሲቲ

[ሻቬዝ-x]

ዋርካውያን እንዴት ከረማቹህ
በፖለቲካው ተወጥራቹህ ስፖርቱን ዘነጋችሁትሳ ጃል
የአፍሪካን ዋንጫ እንዴት አያችሁት
በበኩሌ አፍሪካውያኑ ምርጥ ክዋስ እንደሚጫወቱ አይቻለው ከደረጃ በታች የሆነ ጨዋታ ያሳየው የአገራችን ቡድን ብቻ ነው
ወደግምታችን ስንገባ
ዛሬ
1-ሞሮኮ ግብፅን ያሸንፋል
2-ሴኔጋል ጊኒን ያሸንፋል

እሮብ -ግማሽ ፍፃሜ
1-ካሜሮን ሞሮኮን ያሸንፋል (ይህ ጨዋታ ከዋንጫው ጨዋታ በላይ ተጠባቂ ነው )
2-ቡርኪና ፋሶ ሴነጋልን ያሸንፋል

የሚቀጥለው እሁድ- ዋንጫ

ካሜሮን ከቡርኪና ፋሶ

ካሜሮን ዋንጫ ይበላል

የናንተን ግምት ደግሞ አስፍሩ እስኪ

[ሻቬዝ-x]

ዋው

የሊቨርፖሉ እንቁ መሃመድ ሳላህ የመጀመርያውን ግምት ውድቅ አድርጎብኛል የ ሊቬ ደጋፊ እንደመሆኔ የ ሞ ሳላህም እድናቂ ነኝ ግብፆችን እንደቲም ስለማልወዳቸው ብቻ ሳይሆን ሞሮኮ ከነበረው ብቃት ጋር በግብፅ ይሽነፋል የሚል እመነት አልነበረኝም ሆኖም ሞሮኮዎች ቀድመው ግብ ማግባታቸው የጎዳቸው ይመስለኛል በሌሎች ጨዋታዎች ላይ ያየነውን ምርጥ የዩሮፕ ስታይል ክዋስ አና ወኔ ይዘው አለተጫወቱም ያችኑ የአንድ ጎል ውጤት ለማስጠበቅ የጣሩ ይመስል ነበር ባንፅሩ የግብፅ ክለብ ያላቸውን ነገር በሙሉ ሰጥተዋል ተጋድለዋል ስለዚ ማሸነፉ አይበዛባቸውም
የሰኔጋልን ጨዋታ አልተመለከትኩም ቢሆንም ሌላው የሊቬ እንቁ ኦማኔ ክለቡን ይዞ ግማሽ ፍፃሜ መግባቱ አስደስቶኛል ቡርኪናፋሶን አሸንፎ ለዋንጫ ቢደርስም ደስ ይለኛል

የግብፅና የካሜሮን ጨዋታ ከ ዋንጫው ጨዋታ በላይ ተጠባቂ ነው ፡፡

[ጌታ]

የአፍሪካን ዋንጫ ምንም የምከታተልበት አማራጭ ስለሌለኝ ስለዘገባህ አመሰግናለሁ፡፡ ኢትዮጵያ ኳሊፋይ ማድረጓ ትልቅ ነገር ቢሆንም በፍጥነት ሄደን በፍጥነት መመለሳችን መቀለጃ ሆኖ አይቼዋለሁ፡፡ ፍጥነታችን ስንት የወርቅ ሜዳሊያ እንዳስገኘን ረስተውት ነው አይደል? - ቂቂቂቂ

በፈረንጆቹ 1990 ይመስለኛል ግብጾች ላለም ዋንጫ ኳሊፋይ ሲያደርጉ 'ለአፍሪካ ሳይሆን ለአረቡ ዓለም ክብር ነው የምንጫወተው' ሲሉ ከሰማሁ በኋላ ሁሌም እንዲሸነፉ ነው የምፈልገው፡፡ ይባስ ብሎ በዚያ ዘመን የአፍሪካ ዋንጫ ማጣሪያ አንድ ምድብ ይደርሰን ስለነበረ አዲስ አበባ ላይ አንድ ለአንድ እንወጣ እና ካይሮ ስንሄድ ለእያንዳንዱ ተጫዋች የሚበቃ ጎል አስቆጥረው ስለሚያሸንፉን ቂም ቢጤም አለብኝ፡፡ እንዳንተው የሊቨርፑል ደጋፊ ብሆንም ለሳላህ ፍቅር የለኝም፡፡የዛሬ ሦስት ዓመት ቻምፒዮንስ ሊግ ባርሴሎና የመጀመሪያውን ጨዋታ 3-0 አሸንፈው የመልሱ ጨዋታ ላይ ሳላህ ሳይሰለፍ ሊቬ 4-0 በማሸነፉ የሳላህ መኖር ምንም ጥቅም የለውም ብዬ እራሴን አሳምኛለሁ፡፡ ክሎፕ ብነግረው አልሰማ አለኝ፡፡ ሳዲዮ ማኔን ልክ እንዳገሬ ልጅ ነው የምወደው - ነገሩ ያገሬ አፍሪካ ልጅ ነው፡፡

የፍጻሜ ግማሽ ጨዋታ ዛሬ በኔ ሎካል ታይም 1:00 pm እንደሆነ ጉግል ነገረኝ፡፡ ባልከታተለውም ለሴነጋል እና ካሜሩን እወጥራለሁ፡፡ የኳስ ነገር አይታወቅም፡፡

[ሻቬዝ-x]

[ሻቬዝ-x]

የካሜሮን እና የቡርኪናፋሶ የደረጃ ጨዋታ ድራማዊ በሆነ ሁኔታ ተጠናቅዋል

ግማሹን ጨዋታ በሙሉ 3-0 ሲመራ የነበረው የ ቡርኪናፋሶ ቡድን አሸናፊነቱ አርግጥ በመሰለበት ወቅት በሁለተኛው ግማሽ በተለይ በመጨረሻዎቹ ሰእታት በ 5 ደቂቃ ልዩነት ሁለት ግቦችን አስተናግዶ 3-3 እንዲወጣና ወደ ፔናልቲ እንዲገባ ተገድዋል ከ ግብፅ ጋር ፔናሊቲ ሲመቱ ሸፋፋ የነበሩት 3 ምት የሳቱት ካሜሮኖች ትላንት ምርጥ ምርጥ ፔናሊቲዎችን በመምታት ሶስተኛነታቸውን አርጋግጥዋል

ጨዋታው ሊቨርፑል የባሴሎናን የሶስት ግብ ልዩነትን የቀለበሰበትን ጨዋታ ያስታወሰ ድራማዊ ጨዋታ ነበር

የ ማኔ እና የሳላህ አሸናፊ ዛሬ ምሽት ይታወቃል

[ጌታ]

የዋንጫውን ጨዋታ አንጀቴ እያረረ አየሁት፡፡ ጨዋታው በሴኔጋል ተጫዋቾችና በግብጽ በረኛ መካከል ነበር ማለት ይቻላል፡፡ ሴነጋሎች ጥሩ ቢጫወቱም ምስሮች በኢሊጎሬ እንደሚያሸንፉ እርግጠኛ መስለው ነበር፡፡ አሁን ሳልፈልግ ለቸልሲ ማገዝ ልጀምር ነው ማለት ነው - ለሜንዲ ስል

ግብጾች ያለቀሱት እንባ ቢጠራቀም አባይን መገደባችን አያሳስባቸውም ነበር ቂቂቂቂ

እንኳን ደስ ያለን ሻቬዝ!!

[ሻቬዝ-x]

[ጌታ]

[ሻቬዝ-x]

[ጌታ]

ትናንት የሞት ሞታቸውን ጥሩ የተፋለመውን ኢንተርን አሸነፉ፡፡ ዋንጫ የሚያስበላ አሳማኝ አጨዋወት አልነበረም፡፡ ምንም (በቅናት) ባልወዳቸውም ማንቺስተር ሲቲን የመሰለ ጠንካራ ቡድን ያለ አይመስልም፡፡ ፕሪሚየር ሊጉንም ሆነ ቻምፒየንስ ሊጉን ካልወሰዱ ይገርመኛል፡፡ በኔ ግምት ቻምፒየንስ ሊጉ ያንድ ቀን ጨዋታ ሊያበላሸው ስለሚችል እርግጠኛ መሆን ባይቻልም ፕሪሚየር ሊጉን ዛሬ ዋንጫውን ቢሰጧቸው አልቃወምም፡፡ እኛም ካንድ እስካራት ካረጋገጥን ይበቃናል፡፡

[ሻቬዝ-x]

[ሻቬዝ-x]

ሊቨርፑሎች ተስተካካይ `ጨዋታቸውን በትላንትናው እለት ከ ሊድስ ዩናይትድ ጋር አድርገው ሊድስ ዩናይትድን አሳማኝ ሊባል በሚችል አጨዋወት 6-0 ረምርመውታል'

በዚህም ከ መሪው ማን ሲቲ ጋር የነበራቸውን ርቀት ወደ ሶስት ነጥብ ልዩነትው አውርደውታል

በፕረሚር ሊጉ እያንዳንዱ ቡድን ማድረግ ካለበት 38 ጨዋታዎች ዉስጥ 26 የተላሄዱ ሲሆን በዚህም ሲቲ በ 63 ነጥብ እየመራ ሲሆን ሊቨርፑል በ 60 ነጥብ ይከተለዋል

ቀሪዎቹ 12 ጨዋታዎች ለሁለቱም ክለቦች በጣም ወሳኝ ናቸው፡፡

ጌታ ሊቬዎችን ተስፋ አትቁረጥባቸው

[ጌታ]

ሊቨርፑልን ብዙ ዓመት ደግፌ እጅግ ብዙ ጊዜ ተሳቅቄያለሁ፡፡ አንድ ወቅት ቶተንሃም እንደአሁኑ ሶንግ እና ሀሪ ኬን ሳይኖሩት በፊት አቨሬጅ ቲም ሆኖ ሊቨርፑልን ሲገኝ ሁሌ እያሸነፈ ያበሳጨኝ ነበር፡፡ ከቅርብ ዓመታት በፊት ደግሞ ከላይ ያሉትን ገንድሶ ሬሊጌሽን ባሉ ቡድኖች የሚሸነፉት አባዜ ነበራቸው፡፡ በኧደም ኖርዊች አንድ ለዜሮ ሲመራቸው እሱ ነበር የታየኝ፡፡ ማኔ ቋጠሮውን እስኪፈታው፡፡

የዛሬ ሶስት ዓመት ተሥፋዬን አለምልሜ ሲቲ ባንድ ነጥብ ዋንጫውን ሲበላ አንዠቴ እንዴት እንዳረረ አትጠይቀኝ፡፡ ሆድ ዕቃዬ ተመርምሮ በሽታ ከተገኘ ተጠያቂው ሊቨርፑል ነው፡፡

አሁንም በሆነ ተዓምር ሲቲ ተንከባሎ ሊቬ እንዲያሸንፍ ግራ እንትኔን እይዛለሁ፡፡ ሊቨርፑል ካሸነፈ ቁርጥ ከውስኪ ጋር እጋብዝሃለሁ፡፡

የሊድሱን ጨዋታ በተመለከተ በሰዓቱ ባልመለከተውም ጎሎቹን ስልኬ ላይ እየተከታተልኩ ነበር፡፡ ሃይላይቱን ስመለከት ሳላህ ካገባቸው ሁለት ኢሊጎሬዎች አንዱን ያስገኘው ማኔ ሲሆን ከዛ በተጨማሪ ማኔ የራሱን ሁለት ጎሎች አግብቷል፡፡ ሳላህ ሁለት የበሰለ ሪጎሬ ነው ያገባው፡፡ ጋዜጠኞች ግን የሚያደንቁት ሳላህንና አንድ ጎል ያገባውን እዩኤል ማቲፕን ነው፡፡ ማኔ ጭራሽ ፈዝዞ ነው የዋለው የሚል ነገር አነበብኩ፡፡ ከስድስት ጎሎች ኦልሞስት ግማሹን ያገባ ሰው ኮከብ መባል ሲያንሰው ጭራሽ ፈዛዛ? እስቲ ካየኸው ማኔ ፈዞ ነበር በለኝና በነዚህ የእንግሊዝ ጋዜጠኞች ያለኝን እምነት ከመሟጠጥ አትርፍልኝ፡፡

[ሻቬዝ-x]

[ጌታ]

እንኳን ደስ ያለን ሻቬዝ!!!!

ጨዋታውን ባልመለከተውም ሃይላይቱን ስመለከት ቸልሲዎች 120 ደቂቃ ቸልሰውን እዝጋቤር በሪጎሬ አውጥቶናል፡፡ ብዙም ዋጋ ባይኖረውም ዋንጫ ዋንጫ ነው፡፡ የቸልሲ በረኛ ስቶ መሸነፋቸውን ስሰማ ሜንዲ ዘመዴ ጉድ ሆነ ብዬ አዝኜ ነበር፡፡ 120 ደቂቃ የተጫወተውን ሜንዲን የመሰለ በአፍሪካ ዋንጫ ልምዱን ያስመሰከረ በረኛ አስወጥተው በሌላ በረኛ መሸነፋቸው ደስታዬን እጥፍ ድርብ አደረገው፡፡

1ኛ - ምንም የሊቨርፑል ደጋፊ ብሆን በሜንዲ ስህተት ቸልሲ ቢሸነፍ ቅር ይለኝ ነበር፡፡
2ኛ - ሌላ በረኛ የገባው ያለሜንዲ ፍላጎት ከሆነ ቅጣታቸውን እዚያው አገኟት - ምክንያቱም ሜንዲ ገብቶ ቢሆን ለኛም ጥሩ አልነበረም፡፡

ፕሪሚየር ሊግና ቻምፒየንስ ሊግ እያሳደዱ ይህን ማግኘት ትልቅ የሞራል እገዛ ያደርጋል፡፡

ሌላው የገረመኝ የአሊሰን አለመሰለፍ ነው፡፡ ምክንያቱን ፈልጌ ለማንበብ እሞክራለሁ፡፡ አንድ ሓቅ ግን ሁለቱም ቡድኖች ጥሩ ተጠባባቂ በረኞች አሏቸው፡፡